အီမာန်ဟူသည်

အစ္စလာမ်ဟူသည် လူလုပ်သာသနာတစ်ခုမဟုတ်ပေ။ အစ္စလာမ်ဘာသာသည်

၁။ ယုံကြည်ချက်ပိုင်းဆိုင်ရာ ပြည့်ဝမှု၊

၂။ ခဝပ်ကိုးကွယ်မှုပိုင်းဆိုင်ရာ ပြည့်ဝမှု၊

၃။ အပေးအယူပိုင်းဆိုင်ရာ ပြည့်ဝမှု၊

၎။ အနေအထိုင် (လူမှုဆက်ဆံရေး) ပိုင်းဆိုင်ရာ ပြည့်ဝမှု၊

၅။ ကိုယ်ကျင့်တရား (အကျင့်စာရိတ္တ) ပိုင်းဆိုင်ရာ ပြည့်ဝမှု

ဟူသော လူသားတို့အတွက်မဖြစ်မနေ လိုအပ်သည့် ပြီးပြည့်စုံသည့် ကျင့်ဝတ်များစုစည်းရာ အလွန်ထူးမြတ်သော၊ စံပြဖြစ်တော်မူသော၊ တုနှိုင်းမဲ့သော၊ ကောင်းခြင်းအဖြာဖြာနှင့် ပြည့်စုံတော်မူသော၊ ထာဝရ ပရမတ္တအရှင် ကိုယ်တော်တိုင် သဘောတူပြီးဖြစ်တော်မူသော၊ အစစ်အမှန်ဖြစ်တော်မူသော ဂုဏ်ထူးဝိသေသများနှင့် ပြည့်စုံတော်မူသည့် သာသနာတော်မြတ်ကြီး ဖြစ်သည်။ ဂုဏ်ထူးဝိသေသ မြောက်မြားစွာနှင့် ပြည့်စုံထူးကဲ ကောင်းမွန်ထွတ်လွတ် သန့်စင်ဝင်းပ ထွန်းတောက်ရွှန်းလဲ့တော်မူသော အစ္စလာမ်သာသနာတော်မြတ်၏ ပင်မ အဓိက မဏ္ဍိုင်မှာ ယုံကြည်ချက်ပိုင်းဆိုင်ရာ ထူးမြတ် သန်ရှင်း ပြည့်ဝကြည်လင်ခြင်းပင် ဖြစ်ပေသည်။ အစ္စလာမ်ဘာသာဝင်တို့သည် ယုံကြည်ချက် (အီမာန်) နှင့် ယုံကြည်မှုစွမ်းအား (ယကီးန်) ပြည့်ဝမှု တိုးတက်သည်ထက် တိုးတက်အောင် ကျင့်ကြံအားထုတ်ရသည်။

အစ္စလာမ်ဘာသာဝင်တစ်ဦး ဖြစ်လာဖို့ ရွတ်ဆိုရသော စာသား (ကလိမာဟ်) သည် တိုတောင်းလှသော်လည်း အဓိပ္ပာယ် အနှစ်သာရမှာ မိုးနှင့်မြေကြား နေရာလပ်မကျန်အောင် ဖြည့်လျှင်လည်း ပိုလျှံနေဦးမည်ဖြစ်သည်။

ကလိမာဟ် (လားအိလားဟ အိလ္လလ္လားဟု ... မုဟမ္မဒွရ် ရစူးလွလ္လာဟ်)
**************************************************
လားအိလားဟ .... မြင်တွေ့သမျှအရာအားလုံး၊ မမြင်တွေ့သမျှ အရာအားလုံး၊ လူသားအားလုံး၊ မိုးမြေနေလ စကြဝဠာနှင့် ကြယ်တာရာ၊ ပင်လယ်၊ မြစ်၊ အင်း၊ ရေ၊ မီး၊ ဓား၊ လှံ၊ အဏုမြူ၊ စသည့် ခပ်သိမ်းကုန်သော အရာတို့တွင် ကိုယ်ပိုင်အင်အား နှင့်စွမ်းအားမရှိ၊ မည်သူ့ထံမှာမျှ (သေစေ၊ ရှင်စေ၊ အောင်မြင်စေ၊ ဆုံးရှုံးစေ၊ အရေးသာစေ၊ အရေးနိမ့်စေ၊ တိုးတက်စေ၊ ဆုတ်ယုတ်စေသော) အင်အား မရှိ။ မည်သူ့ထံမှာမျှ ကိုးကွယ်ခြင်းကို ခံထိုက်သော၊ ဦးချခြင်းကိုခံထိုက်သော၊ အားကိုးခြင်းခံထိုက်သော၊ ပုံအပ်ခြင်းခံထိုက်သော၊ တသခြင်းခံထိုက်သော၊ တသခြင်းကို ကြားနိုင်သော၊ ကောင်းမှုနှင့် မကောင်းမှုတို့၏ အစားကိုပေးနိုင်သော၊ အပြစ်များမှ လွတ်ငြိမ်းချမ်းသာခွင့်ပေးနိုင်သော၊ သေသူကို ရှင်စေသော၊ ရှင်သူကို သေစေသော၊ သုခဘုံကို ပို့ဆောင်ပေးနိုင်သော၊ ငရဲဘုံသို့ ကျရောက်စေနိုင်သော အရည်အချင်းမရှိ။

အိလ်လာ..... သို့သော် ......

အလ္လာဟ်.... ပရမတ္တအရှင်၊ အမြဲရှင်နေတော်မူသော အရှင်၊ ပဋိသန္ဓေနေခြင်း ကင်းတော်မူသောအရှင်၊ မွေးဖွားခံရခြင်း... ကြီးထွားရခြင်း.... မှီခိုအားထားရခြင်း သေဆုံးကွယ်လွန်ရခြင်း တို့မှ ထွတ်လွတ် သန့်စင်တော်မူသောအရှင်၊ တုနှိုင်းမဲ့ ဖြစ်တော်မူသော၊ အလွန့်အလွန်သန့်စင်တော်မူသော ၊ နာမတော်တစ်ပါး၊ ဂုဏ်တော် ၉၉ ပါး နှင့်ပြည့်စုံတော်မူသော အရှင် ဖြစ်တော်မူသည့် ထာဝရအရှင် အလ္လာဟ် အရှင်မြတ်ထံမှာသာလျှင် (အထက်အပိုဒ်ပါ) စွမ်းအားများ ရှိတော်မူသည်။ (အထက်အပိုဒ်ပါ) အရာအားလုံးကို ပြုလုပ်နိုင်စွမ်းတော်မူသည်။

အနှစ်ချုပ်ပြောရလျှင် လားအိလားဟ ... အိလ်လလ္လာဟု ..... ၏ အဓိပ္ပာယ်သည် အင်မတန် ကျယ်ပြန့်သည်။ အတိုချုပ်အားဖြင့် အလ္လာဟ်အရှင်မြတ်မှတပါး အခြားခဝပ်ကိုးကွယ်ထိုက်သော အရှင်မရှိ။ ဟူ၍ ဖြစ်သည်။

အစ္စလာမ်သည် အရဗီစကား ...လာ... ဖြင့်စသည်။ အဓိပ္ပာယ်မှာ မဟုတ်၊ မရှိ ဟူ၍ဖြစ်သည်။ မြင်လေသမျှ အရာတိုင်းနှင့် မမြင်လေသမျှ အရာတိုင်းကိုငြင်းရသည်။ ထိုသို့ ငြင်းလိုက်ခြင်းဖြင့် လောကီကာမဂုဏ်နှင့် ကိလေသာ တဏှာတို့ကိုပါ ငြင်းပြီးသားဖြစ်သွားလေသည်။ လူသား၏ နှလုံးသား သန့်ရှင်းသွားသည်။ လူတိုင်းသည် အညစ်အကြေးဟု ဆေးပစ်မည့် အရာနှစ်မျိုးပေါင်းစပ်ခြင်းဖြင့် ဖြစ်ပေါ်ခဲ့သည်။ ထိုအညစ်မှဖြစ်ပေါ်သည့် လူသားအချင်းချင်း တစ်မူးပိုရှူကာ သူ့ငါကိုးကွယ်၊ ငါ့သူကိုးကွယ်ဟူသော အတ္တအခြေခံဝါဒကို ရိုက်ချိုးခြင်းဖြစ်သည်။ လူတိုင်းတွင် ညစ်လွန်းသည့် စွန့်ထုတ်ရမည့်အရာကို အစဉ်မပြတ်လွယ်ထားရခြင်းကလည်း မည်မျှ ညစ်ညမ်းလွန်းသည်ကို ပေါ်လွင်စေသည်။ အညစ်နှစ်ခုပေါင်းစပ်ဖြစ်ပေါ်လာသော လူသားတိုင်း၏ နှလုံးသားတွင် ကိလေသာ၊ တဏှာ၊ ရာဂ၊ လောဘ၊ မာန၊ အတ္တ၊ ကုန်းချော၊ မုသား၊ ..... စသည့်ရောဂါများ ခိုဝင်နေတတ်သည်။ လူသား၏နှလုံးသားတွင်း ခိုအောင်းနေသော ထိုအရာများကို ဖယ်ခွာရှောင်ကွင်းပစ်မှသာလျှင် စစ်မှန်သော ပရမတ္တအရှင် ဝင်ရောက်နိုင်ပေမည်။ ခွက်တစ်ခုထဲမှာ ရေနွေးကြမ်းရှိနေလျှင် နွားနို့ ထည့်လို့မရသလို နှလုံးသားတွင် အတ္တဝါဒ ကြီးစိုးမိုက်မဲနေပါက သန့်စင်ထွတ်လွတ်တော်မူသည့် ပရမတ္တအရှင် အလ္လာဟ် ဝင်ရောက်မည်မဟုတ်ပေ။ အစ္စလာမ်သာသနာဝင်ဖြစ်ဖို့ ညစ်ညမ်းသည့်အရာမှန်သမျှကို ငြင်းထုတ်၊ ရှင်းထုတ်ရသည်။ သင့်နှုတ်လျှာမှ ... လာအိလားဟ.... ဟုအရဗီဘာသာဖြင့်ရွတ်ဆို၍ နှလုံးသားမှ အညစ်အကြေးများကို ထုတ်ပယ်လိုက်သည်ဟု စဉ်းစားလိုက်ပါ။ မြင်လေသမျှအရာတိုင်းနှင့် မမြင်လေသမျှ အရာတိုင်းမှ သင်သည် ကင်းစင်သွားပြီဟု ခံစားကြည့်ပါ။ ထိုအပြုအမူသည် အဆင့်အလွန်မြင့်ပါသည်။ ထို့နောက် ... အိလ်လလ္လာဟ်.... ဟုရွတ်ဆို၍ ပရမတ္တအရှင်၏ နာမတော်ကို နှလုံးသားအတွင်း ဝင်ရောက်ကိန်းအောင်းစေပါ။ နောက်တဖန် ထိုသို့ ပြုမူကြည့်ပါ။ တစ်နေ့လျှင် အကြိမ်တစ်ရာခန့် ထိုသို့ပြုမူခံစားကြည့်ပါ။ ကာလတစ်ခုအတွင်း အညစ်အကြေးများမှ သန့်ရှင်းသွားသည့် နှလုံးသားတစ်ခုကို သင်ပိုင်ဆိုင်သွားလိမ့်မည်ဖြစ်သည်။ သန့်ရှင်းသော နှလုံးသားတွင် သန့်ရှင်းသော အလ္လာဟ်အရှင်မြတ် ဝင်ရောက်လာပေမည်။ နှလုံးသားတိုင်းက အလ္လာဟ်အရှင်မြတ်ကို သိသည်။ သို့သော် ထိုအသိသည် မီးခဲပြာဖုံးပမာ ဖုံးအုပ်နေသည်။ ထိုပြာများကို ရှင်းထုတ်လိုက်သည်နှင့် အီမာန်ရတနာ ပွင့်လန်းကာ လူသားသည်လည်း အီမာန်၏နူရ်ဖြင့် တင့်ဆန်းလာရပေတော့သည်။

သဘာဝကို အလ္လာဟ်အရှင်မြတ် အုပ်ချုပ်တော်မူသည်။ သဘာဝကို အလ္လာဟ်အရှင်မြတ် ဖန်ဆင်းတော်မူသည်။ သဘာဝ နိယာမများသည် အလ္လာဟ်အရှင်မြတ်၏ ဓလေ့တော်ဖြစ်သည်။ သဘာဝကိုလေ့လာခြင်းသည် အလ္လာဟ်အရှင်မြတ်၏ တန်ခိုးပြာဋိဟာတော်ကို လေ့လာခြင်းဖြစ်သည်။ သဘာဝကို သင်ယူခြင်းသည် (အတ္တကင်းစင်သော နှလုံးသားပိုင်ရှင်အဖို့) အလ္လာဟ်အရှင်မြတ်ကို သိနိုင်ရန် အကြောင်းခံဖြစ်သည်။ သဘာဝကိုလက်ခံခြင်းသည် အလ္လာဟ်အရှင်မြတ်၏ တန်ခိုးတော်ကို လက်ခံခြင်းဖြစ်သည်။ သဘာဝကို ယုံကြည်ခြင်းသည် အလ္လာဟ်အရှင်မြတ်၏ တန်ခိုးတော်ကို ယုံကြည်ခြင်းဖြစ်သည်။ သဘာဝကို နားလည်လာသရွေ့ အလ္လာဟ်အရှင်မြတ်ကို သိရှိရန် နီးစပ်လာပြီဟု ဆိုနိုင်သည်။ သဘာဝသည်လည်း အလ္လာဟ်အရှင်မြတ်၏ တန်ခိုးတော်ဖြစ်သလို သဘာဝနှင့် ဆန့်ကျင် ဖြစ်ပေါ်ခြင်းသည်လည်း အလ္လာဟ်အရှင်မြတ်၏ တန်ခိုးတော်ပင်ဖြစ်သည်။ အလ္လာဟ်အရှင်မြတ်ကို ယုံကြည်သူများရှိသလို မယုံကြည်သူများရှိခြင်းသည် သဘာဝပင်ဖြစ်သည်။ အလ္လာဟ်အရှင်မြတ်သည် ထိုသို့ပင် ဖြစ်ပေါ်စေတော်မူခဲ့သည်။ သဘာဝတစ်ခုလုံးသည် အရှင့်ဖန်ဆင်းမှုဖြစ်သည်။ လူသား၏ ဦးနှောက်တွင် အပေါင်းအင်အားစု ဝါ ပရမတ္တအရှင်ကို လက်ခံသော အင်အားစုနှင့် အနုတ်အင်အားစု ဝါ အတ္တဝါဒကိုလက်ခံသော အင်အားစုတို့ လွန်ဆွဲကြသည်။ နှလုံးသားတွင်းမှ တဏှာကိုမပယ်ထားပါက အနုတ်အင်အားစုအနိုင်ရပြီး အတ္တဝါဒ ကြီးစိုးသည်။ နှလုံးသားတွင်းမှ တဏှာကို ပယ်ထားပါက အပေါင်းအင်အားစု အနိုင်ရပြီး အလ္လာဟ် ... ပရမတ္တအရှင် ကိုလက်ခံကာ အီမာန်ရရှိသည်။ ထို့ကြောင့် မွေးကင်းစ ကလေးတိုင်းသည် ပရမတ္တဝါဒီ (အီမာန်ရှင်) ဖြစ်ပြီး အရွယ်မရောက်မီ ကွယ်လွန်က မွတ်စလင်မ်အဖြစ်နှင့် ကွယ်လွန်သည်မည်၏။ လူတို့၏ ခန္ဓာကိုယ်သည်လည်း သဘာဝကိုလွန်ဆန်၍ မရသဖြင့် အီမာန်ရှင် (မွတ်စ်လင်မ်) မည်၏။ အသိဥာဏ်နှင့် နှလုံးသားကိုသာလျှင် ငြင်းဆန်နိုင်သော အခွင့်အရေး (အရည်အချင်း) ပေးအပ်ထားသဖြင့် အတ္တဝါဒီဖြစ်နိုင်သလို ပရမတ္တဝါဒီလည်းဖြစ်နိုင်၏။ ပရမတ္တအရှင် ဖြစ်တော်မူသော၊ နိစ္စထာဝရအရှင်ဖြစ်တော်မူသော အလ္လာဟ်အရှင်မြတ်၏ အမိန့်တော်ကို စက္ကန့်မလပ် နာခံရခြင်းကြောင့် လူသားတိုင်း၏ ကာယခန္ဓာသည် ထာဝရ မွတ်စလင်မ်အဖြစ်ရပ်တည်၏။ (စက္ကန့်တိုင်း နှလုံးခုန်နေခြင်းသည် အရှင့်အမိန့်အရဖြစ်သည်။ အရှင့်အမိန့် မရှိတော့သည့်စက္ကန့်တွင် နှလုံးသည် ရပ်တန့်သွားသဖြင့် ကာယခန္ဓာသည် ဝိညာဉ်ကင်းမဲ့ကာ အနိစ္စသဘောသို့ ဆိုက်ရောက်၏) အလ္လာဟ်အရှင်မြတ်ကို ငြင်းလိုပါက သင့်စိတ်နှင့် နှလုံးသားကသာ ငြင်းလို့ရမည်။ သင့်ကာယ ခန္ဓာက ငြင်းလို့ရမည်မဟုတ်။ စိတ်နှင့် နှလုံးသားကို မည်သည့်အရာက မွတ်စလင်မ်ဖြစ်ခြင်းမှ တားဆီးသနည်း ဆိုသော် ပတ်ဝန်းကျင် အသိုင်းအဝိုင်းဖြစ်၏။ နှလုံးသားသည် ခုံမင်သည့်သဘောရှိသည်။ အတ္တပတ်ဝန်းကျင်တွင် ကျင်လည်ကျက်စားရသော နှလုံးသားသည် အတ္တအညစ် ဖုံးအုပ်၏။ ထိုအညစ်ကို ဖယ်ခွာမှသာ အမှန်မြင်သော သဘောရှိ၏။ ထို့အပြင် အလ္လာဟ်အရှင့်အလိုတော်ရှိမှလည်း အီမာန်ရရှိနိုင်၏။ အလ္လာဟ်အရှင်မြတ်သည် လူသားအားလုံးတို့ကို မြင်သာထင်သာရှိစေသောငှာ သဘာဝရတနာဖြင့် အရှင့်တန်ခိုးတော်ကို လှစ်ဟ ပြသထားသည်။ အပေါင်းအင်အားစု ကြီးစိုးသောသူက သဘာဝကိုလေ့လာလျှင် အလျင်အမြန် အီမာန်ရ၏။ အနုတ်အင်အားစုကြီးစိုးသောသူက သဘာဝကို လေ့လာလျှင် ကိုယ်တိုင်က မလိုလားသဖြင့် အီမာန်ရရေးနှောင့်နှေး၏။

ကလိမာဟ် ... ပထမပိုင်းဖြစ်သော လားအိလားဟ အိလ္လလ္လာဟ်၏ အပုံတစ်သန်းပုံ တစ်ပုံမပြည်တပြည့်မျှ ရှင်းပြခွင့်ရရှိခြင်းကို အရှင့်ကျေးဇူးတော်ဟု မှတ်ယူပါသည်။ အီမာန်ရှင်အဖြစ် အလ္လာဟ်အရှင်မြတ်ကို သိရှိခွင့်ပေးအပ်ခြင်းအပေါ် အရှင့်အပေါ် အတိုင်းမသိ ကျေးဇူးတင်ရှိပါသည်။ တင်ပြသူ၊ ဖတ်ရှုသူအားလုံးတို့အား ပြည့်ဝသော အီမာန်ရှင်အဖြစ် သေဆုံးကွယ်လွန်သည့်အထိ အရှင်မြတ်လက်ခံတော်မူပါ။ အာမီးန်။

စွဗ္ဗဟားနလ္လာဟိ ဝဗိဟမ်ဒိဟီ စွဗ္ဗဟားနလ္လားဟိလ်အဇွီးမ်။

Mohammed Bilarl Rangooni တင်ပြသည်။

အလ်မုဖီးဒ်
ဆက်သွယ်ရန် haroonrangoni@gmail.com