ဂျန္နသ်အတွက် အပင်စိုက်ပါ

အီမာန်ရှင်အတွက် လောက

သမင်အကြောင်း

မိမိတို့၏ မိတ်ဆွေများကို ဤလင့်မှ ရှဲပေးနိုင်ပါသည်။
https://web.facebook.com/almufeed.mm/posts/881022855351638:0

ဤအကြောင်းအရာကို ကော်ပီယူ၍ ဖြန့်ဝေလိုသူများအနေဖြင့် မူရင်းကျမ်း၊ ဘာသာပြန်စာအုပ်အမည်နှင့် ကျွန်ုပ်တို့အတွက် အသိပညာများကို ယခုလို လွယ်ကူစွာဆည်းပူးနိုင်အောင် ဘာသာပြန်ဆိုပေးသည့် ဆရာကြီး၏ အမည်ကိုပါ ထည့်သွင်းရေးသားပါ၊

သမင်ဖိုနှင့် ဆတ်ဖိုအကြောင်း

အရဗီအဘိဓာန်အရ အိုင့်ယလ်ဟူသည်မှာ ဦးချိုများစွာရှိသည့် သမင်ဖိုအား ခေါ်ဆိုသည်။ အများအားဖြင့် တောင်ဆိတ်နှင့် ဆင်တူသည်။ ၎င်း၏သတ္တိရှိမှုသည် ဤမျှစံချိန်တင်လောက်သည်မှာ သားလိုက်မုဆိုးထံမှ လွတ်လမ်းမမြင်တော့သည့်အချိန် အလွန်မြင့်စွင့်လှသည့် တောင်ထိပ်ပေါ်မှလည်း ခုန်ချလေ့ရှိ၏။

အကယ်၍ အဆိပ်အတောက်ရှိသည့်မြွေ အကိုက်ခံရပါက ဂဏန်းကိုဖမ်းစားလိုက်ခြင်းဖြင့် ကျန်းမာလာ၏။ သမင်ဖိုကြီးများသည် ငါးများအား ကြည့်ရှုခြင်းကို အလွန်နှစ်ခြိုက်သောကြောင့် ချောင်းကမ်းပါးသို့ မကြာခဏ လာလေ့ရှိသည်။ မြွေအားစားသောက်ခြင်းကိုလည်း လွန်စွာမှ နှစ်ခြိုက်လေ၏။ ယင်းသတ္တဝါများကို အိန္ဒိယ၊ ဆင်းဒ်နှင့် အီရာန် အစရှိသည့် နိုင်ငံများတွင် တွေ့ ရှိရတတ်ပေသည်။

အရွယ်အစားနှင့် ထင်ရှားသည့်လက္ခဏာများ။
အရွယ်ရောက်ပြီး ထွားကြိုင်းသည့် သမင်ထီးကြီးများ၏ အရပ်မှာ ပုခုံးအမြင့်တွင် လေးပေခန့်မြင့်၍ အရွယ်ရောက်သည့် သမင်မများ၏ အရပ်မှာ သုံးပေခွဲသာမြင့်သည်။ သမင်မများ၏ ကိုယ်ကာယသည် အချိုးအစားကျပြီး အလွန်လှပါသည်။ သမင်မများ၏ ခန္ဓာကိုယ်သည် သမင်ထီးများထက် အလုံးအဖန် သေးသွယ်သည်။ သမင်ထီးကြီးများ၏ အရောင်အသွေးမှာ ဝါနီညိုရင့်ရောင်ဖြစ်ပြီး အထီးအိုကြီးများ၏ အရောင်မှာ အညိုရောင်ဖြစ်သည်။ သမင်ထီးကြီးများတွင် ထူထဲပြီး ကြမ်းတမ်းသော လည်ဆံမွှေးများ ပါရှိသည်။ အရွယ်ရောက်ပြီး သမင်မများ၏ အရောင်မှာ ဝါနီညိုနုရောင်ဖြစ်ပြီး သမင်ဖိုကလေးများ၏ အရောင်အသွေးမှာမူ သမင်ဖိုကြီးများလောက် အရောင်မရင့်၊ သမင်ကြီးများလောက်လည်း အရောင်မနု အလယ်အလတ်ရောင်ဖြစ်သည်။ သမင်များ၏ အရောင်အသွေးမှာ ရာသီဥတုကိုလိုက်၍ ပြောင်းလဲတတ်သေးသည်။ အေးမြသည့် ဆောင်းရာသီတွင် အမွှေး၏အရောင်မှာ ရင့်ပြီး ပူအိုက်သည့် နွေရာသီတွင် အရောင်ဖျော့ကာ ဝါညိုရောင်ဖြစ်လာသည်။ သမင်လေးများသည် မိဘဖြစ်သော သမင်ကြီးများနှင့် ပုံသဏ္ဍာန်တူသော်လည်း ၎င်းတို့၏ ကိုယ်ပေါ်၌ အစက်အပြောက် အစင်းကျားများ ပါရှိတတ်သည်။ ၎င်းအစက်အပြောက်များကို တစ်ခါတစ်ရံ အရွယ်ရောက်သည်အထိ တွေ့ ရတတ်ပေသည်။

အလေ့အထများ။
သမင်များသည် အမြင်၊ အကြား၊ အနံခံအာရုံ သုံးခုစလုံး ထက်မြက်သည်။ ထို့ကြောင့် သမင်သည် မျက်စိရှင် နားပါးပြီး အနံခံကောင်းသည်။ ထို့ပြင် အပြေးအားလည်း အလွန်ကောင်းသည်။ သမင်သည် အင်အားကြီးမားသော ကျား၊ ကျားသစ်၊ စသော သားရဲတိရိစ္ဆာန်များနှင့် ရန်သူများ၏ဘေးမှ လွတ်ကင်းအောင် အလွန်လျင်မြန်စွာ ပြေးလွှားနိုင်သည်။ အမဲလိုက်ခွေးများသည် ကွင်းပြင်တွင် သမင်များကို မီအောင်မလိုက်နိုင်ပေ။
အထိတ်တလန့်ဖြစ်သည့်အခါတွင် စူးရှသော အာလုပ်သံမျိုး ပြုလုပ်လေ့ရှိသည်။ သမင်ဖို၏ တောက်သံမှာ သမင်မထက်ကျယ်ပြီး အသံမှာလည်း အလွန်ရှည်သည်။ အထူးသဖြင့် မိတ်လိုက်သည့် ရာသီ ဖေဖော်ဝါရီလမှ ဧပြီလကုန်အထိ သမင်ဖို၏ တောက်သံကို ကြားရတတ်သည်။ သမင်ဖိုများသည် အချင်းချင်း ခိုက်ရန်ဖြစ်ပွားတတ်သည့်အကျင့်ရှိပြီး များသောအားဖြင့် မိတ်လိုက်ချိန်တွင် တစ်ကောင်နှင့်တစ်ကောင် ဝှေ့၍ တိုက်ခိုက်ဗိုလ်လုတတ်ကြလေသည်။ သို့အတွက် ဦးချိုအတတ်အခက်များ စူးပြီး မျက်စိတစ်ဖက် သို့မဟုတ် နှစ်ဖက်လုံးကန်းနေသော သမင်ဖိုများကို မကြာခဏ တွေ့ ရတတ်သည်။ ၎င်းတို့၏ ပဋိသန္ဓေကာလမှာ (၈)လခန့်ကြာပြီး တစ်သားလျှင် တစ်ကောင်သာ မွေးဖွားတတ်သည်။
သမင်ကောင်ရေသည် (၂)နှစ်အတွင်း တစ်ကောင်သာ အများဆုံးတိုးပွားလေသည်။ သမင်များသည် မတ်လနှင့် ဧပြီလအတွင်း မိတ်လိုက်တတ်ပြီး အောက်တိုဘာလနှင့် နိုဝင်ဘာလအတွင်း မွေးဖွားတတ်သည်။ မွေးဖွားလာသည့် သမင်ကလေးမှာ နှစ်ခါလည်သားအရွယ်အထိ မိခင်ကြီးနှင့် အတူနေတတ်သည်။

ဦးချိုထွက်သည့် အရွယ်။
သမင်ဖိုများသည် သက်တမ်း (၂)နှစ်အရွယ်တွင် ဦးချိုစထွက်သည်။ တတိယမြောက်နှစ်တွင် ၎င်း၏ဦးချို၌ အခက်အပွားများ စတင်ထွက်လာသည်။ ဤသို့ဖြင့် (၆)နှစ်အထိ ဦးချိုအခက်အတက်များ စုံသည်အထိ ထွက်လေသည်။ ထိုအချိန်မှသာ ၎င်း၏ဦးချိုသည် အလွန်တရာမှ ကြည့်ရှုကောင်းအောင် လှပလေတော့သည်။ ထိုကာလအတွင်း ဦးချိုအခက်များသည် နှစ်စဉ်ကြွေကျပြီး အသစ်ပေါက်လေ့ရှိသည်။ ဦးချိုသည် သေးသွယ်ရှည်လျားပြီး လေးပေနီးပါးခန့် ရှည်တတ်သည်။ သမင်အမများတွင်မူ ဦးချိုမပါရှိချေ။

ဗဟုသုတ။
အရတ်(စ)သူသခင်၏ အဆိုအရ သမင်ဖိုများသည် ဘာဂျာ၊ တူရိယာ၊ သံစဉ်တီးမှုတ်သံကို နှစ်သက်ခြင်းကြောင့် အသံလာရာကို နားရွက်ထောင်နားစွင့်နေချိန်မှာပင် ၎င်းတို့ကို အလွယ်တကူဖမ်းဆီးနိုင်သည်။
အိမာမ်ဒမီရီသခင်၏ အဆိုအရ သမင်ဖိုကြီးများသည် အလွန်တရာမှ ဆူဖြိုးသောသတ္တဝါဖြစ်သည့်အပြင် သားလိုက်မုဆိုးနှင့် ကြုံကြိုက်ရသည့်အချိန် အလွန်လျင်မြန်စွာ ပြေးလွှားရှောင်ကွင်းသွားနိုင်သည်။

ရှရီအသ်၏ အမိန့်ပညတ်ချက်။
တောင်ဆိတ်များနည်းတူ သမင်၊ ဒရယ်၊ ဂျီ၊ ဆတ်၊ စိုင် အားလုံးမှာ စားပိုင်သော သတ္တဝါများ ဖြစ်ကြ၏။

ဆေးဖက်ဝင်ပုံ။
(၁) သမင်ဦးချိုပိုင်းတစ်ခုကို မီးရှို့ ပြာချပြီး ပျားရည်နှင့်ရော၍ လျှက်ပေးခြင်းဖြင့် သံကောင်နှင့် တုတ်ကောင်များ ကျစေ၏။
(၂) သမင်ဦးချိုအပိုင်းတစ်ခုကို လည်ပင်းတွင် ချိတ်ဆွဲထားပါက ထိုသူသည် အိပ်ချင်စိတ် ဖြစ်ပေါ်မည်မဟုတ်။
(၃) သမင်ဖို၏ အထူးအင်္ဂါကို အခြောက်လှန်း အမှုန့်ပြုလုပ်၍ ပျားရည်ဖြင့် ရောနှောမှီဝဲခြင်းဖြင့် ကာမအားကို တိုးပွားစေ၏။
(၄) သမင်ဖို၏ သွေးကို သောက်သုံးခြင်းဖြင့် ကျောက်ကပ်တွင် ကျောက်တည်နေသည့် ရောဂါရှင်အတွက် အလွန်အကျိုးရှိ၏။

အာဖရိက တောရိုင်းသမင်

အရဗီအဘိဓာန်အရ ဗကရ်ဝဟ်ရှီ ဆိုသည်မှာ အာဖရိကသမင်မျိုးကို ဆိုလိုသည်။ အာဖရိက သမင်အမျိုးအစား လေးမျိုးရှိသည်။ ၎င်းတို့မှာ ....
(၁) မဟာအ် (၂) အိုင့်ယလ် (၃) ယဟ်မူရ် (၄) သီသလ်တို့ ဖြစ်ကြသည်။
အထက်ဖော်ပြပါ သမင်အမျိုးအစား အားလုံးသည် နွေဥတု၌ ရေသောက်ရန် ရရှိပါက ဝလင်အောင်သောက်လေ့ရှိပြီး ရေမရရှိလျှင် ဆွဗရ်ဖြင့် နေလိုက်ကြသည်။ အလားတူပင် ဝံပုလွေ၊ ခွေးအ၊ တောရိုင်းလား၊ သမင်နှင့် ယုန်တို့၌လည်း အထက်ပါအကျင့်အမူမျိုးရှိကြလေ၏။
ပထမအမျိုးအစားဖြစ်သည့် မဟာအ် အမည်ရှိသမင်မျိုးသည် မိတ်လိုက်ရာ၌ စိတ်အားထက်သန်သည့် သတ္တဝါမျိုးဖြစ်သည်။ ယင်းကြောင့် သမင်မသည့် ဇီးရှိသည့်ကာလတွင် အထီးနှင့် ဝေးလံစွာရှောင်ရှားနေလေသည်။
ဒုတိယအမျိုးအစားဖြစ်သည့် အိုင့်ယလ်အကြောင်း ရေးသားဖော်ပြခဲ့ပြီး ဖြစ်၏။
တတိယသမင်အမျိုးအစား ဖြစ်သည့် ယဟ်မူရ်သမင်မျိုးသည် လွှကဲ့သို့ ချွန်ထက်သည့် ဦးချိုနှစ်ချောင်းပါရှိလေသည်။ သွားလိုသောနေရာရှိ ချုံပင်နွယ်ပင်များကို ရှင်းလင်းရာ၌ ၎င်း၏ဦးချိုကို အသုံးချလေသည်။ တစ်နှစ်တစ်ခါ သားပေါက်လေ့ရှိသည်။

ထူးခြားမှု။
အာဖရိကတောရိုင်းသမင်များ၏ ထူးခြားချက်မှာ
(၁) ၎င်းတို့၏ ဦးချိုများသည် ကျွဲ၊ နွား တိရိစ္ဆာန်များ၏ ဦးချိုကဲ့သို့မဟုတ်ဘဲ အတွင်း၌ပိတ်နေသော မာကျောသည့် ဦးချိုများဖြစ်ကြသည်။
(၂) အိမ်မွေးဆိတ်များနှင့် ဆင်တူသည်။
(၃) ၎င်းတို့သည် ဦးချိုများကို အားပြုပြီး ကလေးများ၏ အန္တရာယ်ဖြစ်သည့် တောခွေးနှင့် အခြားသော သားရဲတိရိစ္ဆာန်များ၏ ရန်မှ ကာကွယ်ပေးလေ၏။

ဆင့်ပြန်ချက်တစ်ရပ်။
အာဖရိကတောရိုင်းသမင်နှင့် စပ်လျဉ်း၍ ဆင့်ပြန်ချက်တစ်ရပ်လာရှိသည်မှာ အခါတစ်ပါး၌ တမန်တော်မြတ် ဆွလ္လလ္လားဟုအလိုင်းဟိဝစလ္လမ်သည် စစ်ဦးစီးချုပ် ခါလိဒ်ဗင်န်ဝလီးဒ်သခင်ကို ဒေါင်မသွလ်ဂျွန်ဒွလ်၏ ဘုရင်ခံချုပ်ဖြစ်သော အကီဒရ်ဘုရင်ထံသို့ စေလွှတ်ခဲ့သည်။ ၎င်းသည် အိဗ်နေအဗ်ဒွလ်မလစ်က်သခင်၏ သား နဆ်ွရာနီဘာသာဝင်တစ်ဦးဖြစ်သည်။ အကီဒရ်ဘုရင်သည် အမဲလိုက်ထွက်ခြင်းကို ဝါသနာပါသူတစ်ဦးဖြစ်ပေသည်။
တမန်တော်မြတ် ဆွလ္လလ္လားဟုအလိုင်းဟိဝစလ္လမ်က ခါလိဒ်ဗင်န်ဝလီးဒ်သခင်အား အကီဒရ်ထံသို့ စေလွှတ်တော်မူသည့်အချိန် အို ခါလိဒ်၊ အသင့်အနေနှင့် အကီဒရ်အား တောရိုင်းသမင်များကို အမဲလိုက်နေစဉ် ဖမ်းဆီးနိုင်ပေလိမ့်မည် ဟု သတင်းဦးကြို ပြောကြားခဲ့ပြီး ဖြစ်သည်။
ဤသို့ဖြင့် စစ်ဦးစီးချုပ် ခါလိဒ်ဗင်န်ဝလီးဒ်သည် လသာသည့်ညချမ်းတွင် တိတ်တဆိတ် အကီဒရ်ဘုရင်ခံ၏ မြို့ ရိုးတစ်ခုသို့ ရောက်ရှိလာ၏။ ထိုညများ၌ တောကောင်များသည် မိမိတို့၏ ဦးချိုများဖြင့် မြို့ရိုးတံတိုင်းအား ပွတ်တိုက်နေကြသည်။ အကီဒရ်ဘုရင်လည်း အသံကြားရာသို့ နန်းဆောင်ပြဿဒ်ပေါ်မှ ကြည့်ရှုလေရာ တောရိုင်းသမင်များကို တွေ့ မြင်လေ၏။ ၎င်းအရင်ကလည်း အကီဒရ်ဘုရင်သည် တောလိုက်သမင်များကို အမဲလိုက်ထွက်ရန် ဆန္ဒပြင်းပြလျက်ရှိခဲ့ရာမှ ယခုအခါ မမျှော်လင့်ဘဲ သမင်အုပ်ကို တွေ့ သဖြင့် ချက်ချင်းဆိုသလို အမဲပစ်ရန်အတွက် စီစဉ်လေတော့၏။
သို့နှင့် အကီဒရ်ဘုရင်သည် နောင်တော် ဟဆ်ဆာန်အား အဖော်ပြုလျက် မြင်းကိုယ်စီဖြင့် မြို့ ရိုးအပြင်ဘက်သို့ အမဲပစ်ထွက်လာကြသည်။ ယခင်ကတည်းကပင် ၎င်းအား ဖမ်းဆီးရန် အခွင့်စောင့်နေသည့် ခါလိဒ်ဗင်န်ဝလီးဒ်သခင်နှင့် အဖော်များသည် အကီဒရ်ဘုရင် မြို့ ရိုးအပြင်သို့ ထွက်လာသည်နှင့် အခွင့်ကောင်းကို လက်လွတ်မခံဘဲ အကီဒရ်ဘုရင်အား ဖမ်းဆီးချုပ်နှောင်လိုက်သည်။ တမန်တော်မြတ် ဆွလ္လလ္လားဟုအလိုင်းဟိဝစလ္လမ်၏ ကြိုဦးသတင်းပါးချက်သည် တိကျမှန်ကန်ခဲ့လေသည်။
ထို့နောက် ခါလိဒ်ဗင်န်ဝလီးဒ်သခင်သည် ဘုရင်ခံချုပ်ကို အကီဒရ်ကို တမန်တော်မြတ်ကြီး ဆွလ္လလ္လားဟုအလိုင်းဟိဝစလ္လမ်ထံပါးသို့ ခေါ်ဆောင်လာလေသည်။ ကိုယ်တော်သည် အကီဒရ်အား အစ္စလာမ်ဖက်သို့ ဖိတ်ခေါ်သော်လည်း ၎င်းက ငြင်းဆိုခဲ့သည်။
ဤဖြစ်ရပ်သည် ဟိဂျရီ (၉)ခု၊ ရဂျဗ်လတွင် ဖြစ်ပေါ်ခဲ့သည်။

ရှရီအသ်၏ အမိန့်ပညတ်ချက်။
သမင်အမျိုးအစားအားလုံး စားသောက်ခြင်း ဟလာလ် ဖြစ်၏။

ဆေးဖက်ဝင်ပုံများ။
(က) လေဖြတ်နေသည့် ရောဂါသည်အတွက် တောရိုင်းသမင်၏ ဦးနှောက်သည် အထူးခြားဆုံးသော ဆေးဖက်ဝင် ဖြစ်သည်။
(ခ) တောရိုင်းသမင်၏ ဦးချိုကို မီးရှို့ ပြာချ၍ ပျားရည်ဖြင့် ရောနှောသောက်သုံးပါက အင်အားပြည့်ဖြိုးစေသည်။
(ဂ) နှာခေါင်းသွေးလျှံတတ်သည့် ရောဂါအတွက် ၎င်း၏ဦးချိုကို အမှုန့်ကြိတ်ရှုပေးခြင်းဖြင့် သွေးလျှံခြင်း ပျောက်ကင်းပေမည်။

အိပ်မက်သဘော။
(က) အာဖရိက တောရိုင်းသမင်အား အိပ်မက်ခြင်း၏ အလိုသဘောမှာ ချောမောလှပသည့် မိန်းကလေးနှင့် ဆုံစည်းရပေအံ့။
(ခ) အိပ်မက်ထဲတွင် ၎င်းသမင်အား သတ်ဖြတ်လိုက်သည်ဟု မြင်မက်ပါက အမျိုးသမီးတစ်ဦးထံမှ ဥစ္စာပစ္စည်းမြောက်မြားစွာ ရရှိပေအံ့။

 မွရ်ှက် ကတိုးအကြောင်း 

ကတိုးသည် အလွန်တန်ဖိုးကြီးမားပြီး ရှားပါးပစ္စည်းတစ်မျိုး ဖြစ်ပေသည်။ ယင်းအား သမင်၏ ချက်မှ ရရှိလေသည်။ ကတိုးရှိသော သမင်သည် အခြားသမင်နှင့်မတူဘဲ ပိန်လှီနေသည်။ မုဆိုးများသည် ကတိုးမွှေးကြိုင်မှုကို အနံ့ခံ၍ ၎င်းသမင်ကို တစ်တောလုံး ပိုက်စိပ်တိုက်ရှာဖွေကြလေ၏။ မွရ်ှက် ကတိုးပစ္စည်းသည် သမင်၏ချက်အတွင်း သွေးခဲမှ ဖြစ်ပေါ်ရရှိလေသည်။

သမားတော်များ၏ အဆိုအရ ကတိုး လေးမျိုးရှိသည်။
(၁) ပထမတန်းစား ကတိုး။ ထိုကတိုးသည် သမင်ချက်မှ ဓမ္မတာဆင်းသည့်ပုံစံဖြင့် ထွက်လာပြီး ကျောက်တုံးကျောက်ခဲပေါ်တွင် ခြောက်သွေ့ ကာ ခဲသွားလေသည်။ ယင်းမှာ အလွန်တရာမှ မွှေးကြိုင်လှပြီး အကောင်းဆုံးသော ကတိုးဖြစ်သည်။
(၂) ဒုတိယတန်းစား ကတိုး။ ကတိုးရှိသော သမင်သည် မိမိ၏ချက်ကို ကျောက်တုံး သို့မဟုတ် သစ်မြစ်ဆုံတစ်ခုခုဖြင့် ပွတ်တိုက်၍ ထုတ်လိုက်သောကတိုးဖြစ်သည်။ ထိုကတိုးသည် သမင်၏ချက်တွင် ကာလကြာမြင့်သည်နှင့် ချက်တိုင်၌ ယားယံမှုဖြစ်ပေါ်လာ၏။
(၃) တတိယတန်းစား ကတိုး။ သားလိုက်မုဆိုးများသည် သားကောင်မိပြီးနောက် ယင်းကတိုးမွှေးကို သမင်၏ချက်တိုင်မှ ကိုယ်တိုင်ဖြတ်ယူကာ အခြောက်ခံလိုက်ကြသည်။
(၄) စတုတ္ထတန်းစားကတိုး။ မုဆိုးတို့သည် သမင်ကိုဖမ်းဆီးရပြီးနောက် ကတိုးနံ့ထွက်နေသည့် ယင်းသမင်၏ချက်ကို ဖြတ်ယူကာ သမင်၏အသည်း၊ နှလုံးတို့ဖြင့် ရောနယ်၍ အခြောက်ခံလိုက်ကြသည်။ ဤအမျိုးအစားသည် အညံ့ဆုံးသောကတိုးဖြစ်သည်။

ကတိုးအစစ်နှင့် အတုခွဲခြားနည်း
(၁) ကတိုးမွှေးကို စစ်၊ မစစ်သိနိုင်ရန် ကတိုးမွှေးအနည်းငယ်ကို ယူ၍ လက်ဖဝါးပေါ်တင်ပြီး ရေအနည်းငယ် လောင်းကြည့်ပါ။ အကယ်၍ ပျော်ဝင်သွားပါက ကတိုးအစစ်ဖြစ်ပြီး အခဲအတိုင်းရှိနေပါက အတုဖြစ်သည်။
(၂) ပန်းကန်ပြားတစ်ချပ်ကို မီးပေါ်တွင် အပူပေးပြီးနောက် ထိုပန်းကန်ထဲသို့ ကတိုးအနည်းငယ် တင်ကြည့်ပါ။ အကယ်၍ မွှေးကြိုင်စွာ ရနံ့ထွက်ပေါ်လာလျှင် အစစ်ဖြစ်၏။

ကတိုးဆေးဖက်ဝင်ပုံ။
(က) ကတိုးသည် သမင်ချက်အတွင်းရှိနေပါက (၃)နှစ်ကြာမြင့်သည်အထိ မွှေးကြိုင်လျက်ရှိသည်။ ထိုထက်ပို၍ ကြာမြင့်သွားပါက အနံ့လျော့ပါးလာ၏။
(ခ) အကယ်၍ သမင်ချက်အပြင်တွင်ရှိနေမည်ဆိုပါက တနှစ်ကြာမြင့်သည်အထိ ရနံ့သင်းစွာရှိပေမည်။
(ဂ) ကတိုးမွှေးကို ရှုခြင်းဖြင့် စိတ်နှင့် ဦးနှောက်ကို လန်းဆန်းစေပြီး ကာမအားကို တိုးပွားစေသည်။
(ဃ) အာရုံငါးပါးကို ရွှင်လန်းစေပါသည်။
(င) ကာမအားအင်ကို ကြာမြင့်စွာ ထိန်းနိုင်ပါသည်။
(ဟယာသုလ်ဟိုင်ဝါန်၊ အတွဲ ၁၊ စာ ၄၃၄)

[အလ်လာမဟ် ကမာလွဒ်ဒီးန်(ဒမီရီ) သခင်ရေးသားသည့် ဟယာသုလ်ဟိုင်ဝါးန် အမည်ရှိကျမ်းကို မော်လာနာကာရီယူနွတ်စ် မအူပင်မှ ဘာသာပြန်ဆိုရေးသားထားသည့် တိရိစ္ဆာန်သုတကမ္ဘာနှင့် အဖိုးတန်ဆေးနည်းများ စာအုပ်မှ ကူးယူးတင်ဆင်ပါသည်။]

အလ်မုဖီးဒ်
ဟိဂျရီ ၁၄၃၇/ ရဗီအွလ်အောက်ဝလ် ၁၁/ ယောင်မုလ်ခမီးစ်
24.15.2015 ကြာသပတေး

အခြားသိမှတ်ဖွယ်ရာ သတ္တဝါများအကြောင်း
ငါးသတ္တဝါအကြောင်း သိကောင်းစရာ
http://aaitee.blogspot.com/2014/08/blog-post.html
ကုလားအုတ်အကြောင်း သိကောင်းစရာ
http://aaitee.blogspot.com/2014/06/blog-post_8038.html

အလ်မုဖီးဒ် Link များ
Website: http://aaitee.blogspot.com
Facebook: http://www.facebook.com/almufeed.mm
Email: haroonrangoni@gmail.com
google တွင်ရှာရန် “ အလ်မုဖီးဒ် ” ဟု မြန်မာလိုရိုက်၍ရှာပါ။
မိမိဖုန်းထဲတွင် ပြန်လည်ဖတ်ရှုရန် သိမ်းထားလိုပါက Simple Islam.apk ဖိုင်ကို ဒေါင်းလုတ်ဆွဲပြီး Install လုပ်ထားပါ။

ဝတ်ကြီးဝတ်ငယ်ပြုစုခြင်းဆိုင်ရာ စည်းကမ်းများ

[အောက်ပါအကြောင်းအရာများကို ကော်ပီယူ၍ ပြန်လည်ဖြန့်ဝေသူများအနေဖြင့် မူရင်းရေးသားသည့် ဆရာကြီးနှင့် ကျွန်ုပ်တို့ ယခုလို မြန်မာဘာသာဖြင့် လွယ်ကူစွာဖတ်နိုင်အောင် ဘာသာပြန်ဆိုပေးခဲ့သည့် ဆရာကြီးတို့၏ အမည်များကို ထည့်သွင်းရေးပါ။ စာအုပ်အမည်ကိုလည်း ရေးသားပါ။ အပိုဒ်လိုက် ခွဲတင်ပါက တစ်ခါပို့စ်တင်လျှင် တစ်ခေါက်ရေးပါ။ ]

၁။ အကြီးအကဲတစ်ဦးဦး၏ ဖိနပ်ကို သိမ်းဆည်းပေးလိုက အဆိုပါ အကြီးအကဲ ဖိနပ်ချွတ်ပြီးသည့်တိုင်အောင် စောင့်ဆိုင်းရမည်။ ဖိနပ်မချွတ်ရသေးမီဖြစ်စေ၊ ချွတ်နေစဉ်တွင်ဖြစ်စေ ဖိနပ်ကို မယူရပေ။ အကြောင်းမှာ ယင်းသို့သောအချိန်မျိုးတွင် ဖိနပ်ကိုယူလိုက်ပါက ရံဖန်ရံခါ တစ်ဘက်သား လဲကျတတ်သောကြောင့်ပင် ဖြစ်သည်။
၂။ အချို့သူတို့သည် တစ်ခါတရံ အခြားသူတို့၏ ပြုစုယုယမှုကို မခံလိုကြပေ။ ထိုအခါမျိုးတွင် အဓမ္မမပြုစုရပေ။ ဤသို့အဓမ္မပြုစုခြင်းကြောင့် အကြီးအကဲမှာ စိတ်အနှောင့်အယှက်ဖြစ်တတ်ရသည်။ မည်သည့်အခါမျိုးတွင် ပြုစုခြင်းကို ကြိုက်နှစ်သက်သည်/ မည်သည့်အခါတွင်တော့ မကြိုက်နှစ်သက်သည်တို့ကို အကြီးအကဲတို့၏ နှုတ်အားဖြင့် တားမြစ်ခြင်းအရလည်းကောင်း၊ အရိပ်အခြေအနေအရလည်းကောင်း သိနိုင်ပေသည်။

၃။ အကြီးအကဲတစ်ဦးဦးက မိမိအား အလုပ်တစ်ခုခုခိုင်းစေထားပါက အဆိုပါအလုပ်ကို လုပ်ကိုင်ပြီးဆုံးသည့်အခါ သက်ဆိုင်ရာအကြီးအကဲထံသို့ တာဝန်ကိုထမ်းဆောင်ပြီးဖြစ်ကြောင်း သတင်းပို့ရမည်။ ရံဖန်ရံခါ အကြီးအကဲသည် မိမိခိုင်းထားသည့်အလုပ် ဆောင်ရွက်ပြီးစီးခြင်း ရှိ မရှိကို သိလိုသောကြောင့် မိမိထံသတင်းပို့ခြင်းကို စောင့်ဆိုင်းနေတတ်ပေသည်။
၎။ မိမိ၏ ရှိုက်(ခ်) (အတွင်းပိုင်းဆိုင်ရာ ပြုပြင်တည့်မတ်ပေးသည့် ဆရာ) အား ကိုယ်ဖိရင်ဖိ ပြုစုလိုပါက ဆရာသခင်နှင့် ပထမတွေ့ စတွင် မပြုစုအပ်ပေ။ ဆရာသခင်နှင့် ရင်းနှီးမှုမရှိသေးသောကြောင့် အားတုံ့အားနာ ဖြစ်တတ်ပေသည်။ ဆရာသခင်နှင့် ရင်းနှီးမှုရရှိပြီးသည့်နောက်မှ ပြုစုလိုက ပြုစုနိုင်ပေသည်။
၅။ မိမိ၏ဆရာသခင် အကြီးအကဲများအား ယပ်တောင်ဖြင့် ယပ်ခတ်ပြုစုရာတွင် လိုက်နာရမည့် စည်းကမ်းချက်များ ရှိသည်။ ပထမအချက်မှာ ယပ်တောင်ကို အဝတ်စဖြင့် သုတ်၍သော်လည်းကောင်း ခါ၍သော်လည်းကောင်း သန့်ရှင်းလိုက်သင့်သည်။ ယပ်တောင်မှာ အောက်တွင်ချထားသည့်အတွက် ဖုံ၊ သဲ၊ အမှိုက်များကပ်နေတတ်ပြီး ယပ်ခတ်လိုက်သည့်အခါတွင် မိမိယပ်ခတ်ပြုစုနေသူ၏ မျက်စိထဲဝင်ပြီး ဒုက္ခရောက်စေတတ်သောကြောင့် ဖြစ်သည်။ ဒုတိယအချက်မှာ ယပ်ခတ်သည့်အခါ လက်၏အနေအထားကိုလည်း မျှတစွာထားသင့်သည်။ ယပ်တောင်ကို မျက်နှာနှင့် သိပ်နီးကပ်စွာထားလျက် ယပ်မခတ်သင့်။ မျက်နှာနှင့် နီးကပ်စွာထားလျက် ယပ်ပါက ရံဖန်ရံခါ မျက်နှာ သို့မဟုတ် ဦးခေါင်းကို ရိုက်မိတတ်သည်။ သိပ်ဝေးကွာသည့် အနေအထားတွင်ထားကလည်း လေရမည်မဟုတ်ပေ။ ထို့ကြောင့် သိပ်လည်းမကပ်၊ သိပ်လည်းမခွာဘဲ ယပ်ခတ်သင့်၏။ ယပ်ခတ်သည့်အခါ စိတ်အနှောင့်အယှက်မဖြစ်စေရန် တအားလွှဲ၍ မခတ်သင့်ပေ။ တတိယအချက်မှာ ယပ်ခတ်သည့်အခါ အနီးအနားတွင် ထိုင်နေကြသည့် အခြားပုဂ္ဂိုလ်တစ်ဦးတစ်ယောက်ကိုမျှ ဒုက္ခမဖြစ်စေသင့်။ စတုတ္ထအချက်မှာ မိမိပြုစုယပ်ခတ်ပေးနေသည့်ပုဂ္ဂိုလ် ၎င်း၏နေရာမှထရန် ရည်ရွယ်သည့်အခါ ယပ်ခတ်နေခြင်းကို ရပ်ဆိုင်းလိုက်ရမည်။ ဆက်၍ယပ်ခတ်နေပါက ယပ်တောင်ဖြင့် အကြီးအကဲအား ခိုက်မိတတ်သည်။ ပဉ္စမအချက်မှာ အနီးရှိပုဂ္ဂိုလ်ကဖြစ်စေ မိမိပြုစုနေသည့် အကြီးအကဲကဖြစ်စေ စက္ကူတစ်ခုခုထုတ်ယူနေသည့်အခါမျိုးတွင် ယပ်ခတ်ခြင်းကို ရပ်နားထားရမည်။ ဆက်တိုက် ခတ်မြဲခတ်နေပါက စာရွက်စက္ကူများ လေထဲလွင့်သွားတတ်၍ တစ်ပါးသူ ဒုက္ခရောက်ရပေမည်။

ခွင့်မတောင်းဘဲ ထင်ရာမလုပ်အပ်
၆။ လူတစ်ဦးသည် ကျွန်ုပ်အိမ်မှ ဗလီသို့ ဆွလာသ်ဝတ်ပြုရန် ရောက်မလာမီ ကျွန်ုပ်က ဝုဇူရေသန့်စင်မည်အထင်ဖြင့် ရေအိုးကိုဖြည့်လျက် အိုးအပေါ်တွင် ကျွန်ုပ်၏ မိစ်ဝါးက်(တံပူတံ)ကို တင်ထားလေသည်။ ကံအားလျော်စွာ ကျွန်ုပ်သည် အိမ်မှဝုဇူရေသန့်စင်ခဲ့ပြီးဖြစ်သဖြင့် ဗလီရောက်သောအခါ ဝုဇူထပ်မပြုတော့ဘဲ ဗလီအတွင်းသို့ တန်း၍ဝင်ခဲ့သည်။ ဗလီထဲရောက်သောအခါမှ အမှတ်တမဲ့ ကျွန်ုပ်၏တံပူတင်ထားပြီး ရေအပြည့်ဖြည့်ထားသည့် ရေအိုးကို လှမ်းမြင်လိုက်၏။ ကျွန်ုပ်က ရေအိုးနှင့် တံပူတံ မည်သူထားသနည်းဟု စုံစမ်းမေးမြန်းရာ အတန်ကြာမှ ထိုသူက မိမိထားကြောင်း ဝန်ခံလေသည်။ ကျွန်ုပ်က ၎င်းအား ဆွလားသ်ဝတ်မပြုမီ တိုတိုတုတ်တုတ် ဆုံးမစကားဆိုပြီး စွလာသ်ဝတ်ပြုပြီးမှ အောက်ပါအတိုင်း အကျယ်တဝင့် ဆုံးမစကား ဆိုလိုက်သည်။

ခင်ဗျားက ကျွန်ုပ်ဝုဇူသန့်စင်လိမ့်မယ်အထင်နဲ့ ရေအိုးထဲရေထည့်ပြီး တံပူတံကိုပါ ရေအိုးပေါ် အဆင်သင့်တင်ထားတယ်။ ကျွန်ုပ်အိမ်ကနေ ဝုဇူမပြုဘဲ ဗလီရောက်မှ ဝုဇူသန့်စင်ကောင်း သန့်စင်နိုင်တယ်။ ဒါကြောင့် ခင်ဗျားကလည်း ရေအသင့်ထည့်ထားတာကိုး။ ဒါပေမယ့် အိမ်က ဝုဇူရေသန့်စင်ပြီး ကျွန်ုပ်ဗလီလာကောင်းလာနိုင်တယ်။ အဲဒီအခြေအနေမှာ ခင်ဗျားက ရေနဲ့တံပူတံကို မထားသင့်ဘူးပေါ့။ ဖြစ်နိုင်တာက နှစ်ခုလုံးပဲ။ ဒါပေမယ့် ခင်ဗျားက တစ်ဘက်ပဲကြည့်တယ်။ ရေဖြည့်ထားတယ်။ ကျန်တစ်ဘက်ကိုတော့ မကြည့်ဘူး။ ကျွန်ုပ်အိမ်က ဝုဇူရေသန့်စင်ပြီးမှ ဗလီကိုလာတော့ ခင်ဗျားက ရေအိုးထဲ ရေဖြည့်ထားပြီးဖြစ်တယ်။ ကံအားလျော်စွာ ကျွန်ုပ်က တွေ့လိုက်လို့ပေါ့။ ကျွန်ုပ်သာ မတွေ့လို့ မမေးရင် ဘယ်သူမှလည်း ပြောမှာမဟုတ်ဘူး။ ရေဖြည့်ထားတဲ့အိုးကိုလည်း ဘယ်သူမှ ယူသုံးမှာ မဟုတ်ဘူး။ ပိုဆိုးတာက အိုးပေါ် တံပူပါတင်ထားတော့ တစ်ဦးတစ်ယောက်အတွက် အိုးထဲရေဖြည့်ထားတယ်လို့ထင်ကြပြီး ဘယ်သူကမှ အသုံးမပြုကြတော့တဲ့အတွက်ကြောင့် ရေအိုးလှူထားတဲ့ အလှူရှင်ရဲ့ ဆန္ဒနဲ့ ရည်ရွယ်ချက်လည်း အကောင်အထည်မပေါ်တော့ဘူးပေါ့။ လှူထားတဲ့သူက ရေအိုးကို အများမွစ်လင်မ်အသုံးပြုဖို့ လှူထားတာကို လူအများရဲ့ အကျိုးကို လျစ်လျူရှုပြီး တစ်ဦးတစ်ယောက်တည်းအတွက် အသုံးပြုရန် သီးခြားထားခြင်းက ဘယ်လိုလုပ်ပြီးပိုင်ပါ့မလဲ။ ဒါကတော့ ရေအိုးနဲ့ ပတ်သက်ပြီးပြောတာ။ တံပူတံနှင့် ပတ်သက်လို့ပြောချင်တာက တံပူတံကို ခင်ဗျားက လုံခြုံတဲ့နေရာကယူပြီး မလုံခြုံတဲ့နေရာမှာ တင်ထားလိုက်တယ်။ ခင်ဗျားက ကျွန်ုပ်အသုံးပြုပြီးရင် သူ့နေရာမှာသူ ပြန်ထားလိုက်မှာဘဲလို့ ထင်တယ်။ အကယ်၍ ကျွန်ုပ်ကလည်း အသုံးမပြု၊ ခင်ဗျားကလည်း တံပူတံကို သူ့နေရာသူပြန်မထားရင် တံပူတံမပျောက်ပေဘူးလား။ ဒီတော့ ခင်ဗျားနောက် ဘယ်တော့မှ ဒီလိုပြုစုခြင်းမျိုးမလုပ်နဲ့။ ဒီလိုပြုစုခြင်းမျိုးက ဒုက္ခဖြစ်စရာတွေ၊ မပိုင်တဲ့အချက်တွေနဲ့ ပြည့်နှက်နေတယ်။ နောက်ကို တစ်ဦးတစ်ယောက်ကို ပြုစုချင်ရင် ကြိုတင်ပြီးခွင့်တောင်းရမယ်။ ဒါမှမဟုတ်ရင် အကြီးအကဲ၊ ဆရာသမားတစ်ဦးဦး ဝုဇူရေသန့်စင်တော့မယ်လို့ ယူဆလို့ရတဲ့အခါမှ ပြုစုသင့်တယ်။ အဲဒီလို မဟုတ်ဘဲ ကိုယ့်သဘောနှင့်ကိုယ်၊ ကိုယ့်နည်းကိုယ့်ဟန်နဲ့ အရမ်းကာရောပြုစုရင် အကြီးအကဲဆရာသမားတို့မှာ မိမိရည်ရွယ်သလို သုခမရဘဲ ဒုက္ခရောက်ကြရမယ်။ ဟု ဆုံးစကား ဆိုလေသည်။

သတိချပ်စရာ အစဉ်အလာ။
အထက်ပါကဲ့သို့ပင် ယနေ့အချို့သူတို့ လုပ်နေကြသည့် ဗစ်ဒ်အသ် လုပ်ငန်းများမှာလည်း အမြင်အားဖြင့် အလ္လာဟ်အရှင်မြတ်၏ အမိန့်တော်များကို နာခံသယောင်ယောင်ရှိသော်လည်း အမှန်စင်စစ်တွင်ကား မကောင်းမှုများ၊ အမိန့်သွေဖီမှုများဖြင့် ပြည့်နှက်နေပေသည်။ သို့ရာတွင် အသိဥာဏ်နည်းပါးသူတို့ကား ဤသည်ကို မသိမမြင် တွေ့တတ်ကြပေ။ အကြီးအကဲတို့အား နည်းစနစ်မကျသည့် အနေအထားဖြင့် ပြုစုခြင်းသည် အပေါ်ယံကိုကြည့်လျှင် ပြုစုနေဟန်ရှိသော်လည်း နည်းစနစ်မကျသဖြင့် တစ်ဖက်သားမှာ ဒုက္ခရောက်ရသည်ကို ပြုစုနေသူတို့ သတိမပြုမိကြချေ။

အကြီးအကဲတို့အား ပြုစုရာတွင်
၇။ တစ်ရက်တွင် ကျွန်ုပ်တို့အိရှာစွလားသ်ဝတ်ပြုပြီး ဗလီကျောင်းတော်အတွင်း လဲလျောင်းနေစဉ် ကျွန်ုပ်နှင့် မသိကျွမ်းသည့် ခရီးသည်တစ်ဦးရောက်လာပြီး နှိပ်ပေးလေသည်။ ကျွန်ုပ်မသိသူက လာရောက်ပြုစုပေးသည့်အတွက် ကျွန်ုပ်အနှိပ်ခံရသည်ကို ပင်ပမ်းသလိုခံစားရသဖြင့် မေးသောအခါ ၎င်းက အမည်ကို ပြောပြသည်။ ကျွန်ုပ်မသိသူဖြစ်သောကြောင့် ဆက်လက်မနှိပ်တော့ရန် တားမြစ်လိုက်ပြီး ပြုစုခြင်းနှင့် စပ်လျဉ်းသည့် စည်းကမ်းများကို ပြောပြလိုက်၏။ အကြီးအကဲတစ်ဦးဦးအား ပြုစုလိုလျှင် ဦးစွာပထမ အကြီးအကဲနှင့် တွေ့ဆုံသင့်၏။ ထို့နောက် အကြီးအကဲထံမှ ခွင့်ပြုချက်ယူပြီး အကြီးအကဲအား ပြုစုနိုင်ပေသည်။ ဤသို့မဟုတ်ဘဲ ပြုစုပါက မရင်းနှီးသူတစ်ယောက်၏ ပြုစုခြင်းကြောင့် စိတ်အနှောင့်အယှက်ဖြစ်ရတတ်သည်။ အကြီးအကဲနှင့် တွေ့ဆုံလျှင် ရည်ရွယ်ပါကလည်း တွေ့ဆုံသည့် နည်းလမ်းမှာ ဤသို့မဟုတ်။ အိရှာပြီးအချိန်သည် အနားယူမည့်အချိန်ဖြစ်သဖြင့် အနားယူရန်နှင့် နံနက်မှတွေ့ရန် ပြောကြားလိုက်၏။ နံနက်တွင်ပြန်လည်တွေ့သောအခါတွင်လည်း ၎င်းအား ထပ်မံဆုံးမစကား ပြောလိုက်သည်။

၈။ ကျွန်ုပ်၏ ညီမောင်ထံမှ ကျွန်ုပ်ထံသို့ အိတ်ပိတ်စာတစ်စောင်ကို အိမ်မှအလုပ်သမားတစ်ဦးအား ပို့ခိုင်းလိုက်သည်။ ယင်းစာကို စာတိုက်မှ အခြားတစ်နေရာသို့ ပို့ပေးရန်ဖြစ်၏။ အလုပ်သမားသည် ကျွန်ုပ်ထံသို့ ယူဆောင်လာစဉ် လမ်းခုလတ်တွင် စာပို့သမား ဘူတာရုံသို့စာများပို့ရန်သွားနေသည်ကို တွေ့သဖြင့် စာမြန်မြန်ရောက်ပါစေတော့ဟူသော ဆန္ဒဖြင့် စာပို့သမားမှတစ်ဆင့် ဘူတာရုံတွင် စာထည့်ခိုင်းလိုက်သည်။ ကျွန်ုပ်ကလည်း အဆိုပါစာမှာ ကျွန်ုပ်နှင့်လည်း သက်ဆိုင်ပတ်သက်နေသဖြင့် အကြောင်းတစ်ခုခုကြောင့် စာတိုက်မှတစ်ဆင့်ထည့်မည်။ စာပို့သမားလက်သို့မထည့်ဟု ကြံရွယ်ထား၏။ အချိန်တန်၍ စာမရောက်လာသောကြောင့် မေးကြည့်ရာ စာပို့သမားနှင့် ဘူတာရုံသို့ပို့လိုက်ကြောင်း သိရသဖြင့် ညီမောင်ခိုင်းလိုက်သည့် အလုပ်သမားကိုခေါ်၍ သင့်အနေနှင့် မိမိထံအပ်နှံလိုက်သည့်စာကို ကျွန်ုပ်ထံပေးရမည့်အစား ကျွန်ုပ်၏ခွင့်ပြုချက်မယူဘဲ မိမိသဘောနှင့် စာပို့သမားအား အဘယ့်ကြောင့်ပေးလိုက်ရတာလဲ။ စာတိုက်ကို မပို့ဘဲ ကျွန်ုပ်ထံတိုက်ရိုက်ပို့ရတဲ့အကြောင်းကို သိလို့လား။ သင်က စာမြန်မြန်ရောက်ပါစေတော့ဆိုပြီး ကိုယ့်သဘောနဲ့ကိုယ် ဆုံးဖြတ်ပြီး ဘူတာရုံစာတိုက်တွဲအထိရောက်မယ့် လူကြုံစာပို့သမားနဲ့ ပါးလိုက်တယ်။ သင့်ကိုစာပို့ခိုင်းလိုက်သူက ကျွန်ုပ်ထံသို့ပို့ပေးပါလို့ ပြောလိုက်တာ၊ သင်က စာပို့သမားကတစ်ဆင့် စာတိုက်ပုံးထဲထည့်ခိုင်းလိုက်တာနဲ့ ကွဲပြားခြားနားမနေဘူးလား။ သင်က ကိုယ်လုပ်ရမှာကို မလုပ်ဘဲ မလုပ်ရမှာကို လုပ်တယ်။ ဟု ဆုံးမစကားဆိုသောအခါ အလုပ်သမားက မိမိမှားသွားကြောင်း နောင်မမှားစေရန် ဂရုစိုက်မည်ဖြစ်ကြောင်း ဝန်ခံလေသည်။
၉။ လူတစ်ယောက်သည် သောကြာနေ့နေ့လည် ၁၂နာရီရထားဖြင့် စဟာရန်ပူးရ်မြို့မှရောက်လာသည်။ ကျွန်ုပ်၏ မိတ်ဆွေတစ်ဦးက ကျွန်ုပ်ထံသို့ ၎င်းနှင့် ရေခဲ လူကြုံပါးလိုက်သည်။ အဆိုပါသူသည် ကျောင်းသားများ ဗလီသို့မသွားကြမီ ကျောင်းသို့ရောက်လာပြီး မိမိနှင့်အတူပါလာသည့် ရေခဲတုံးကို လင်ပန်းတစ်ချက်ထဲတွင် ထည့်၍ ဂျာမေဗလီသို့ သွားလေသည်။ ဂျုမုအဟ်စွလာသ်ဝတ်ပြုပြီးသောအခါ ကျွန်ုပ်က မိတ်ဆွေတစ်ဦးအား တရားဟောကြားပေးရန်တောင်းဆို၍ လွတ်လပ်စွာဟောကြားနိုင်စေရန်လည်းကောင်း၊ ကျွန်ုပ်ရှိနေသည်ကို သိလျှင် ရှက်ရွံမှာကို စိုးရိမ်၍လည်းကောင်း သူ၏တရားစကားကို နားမထောင်တော့ဘဲ ကျွန်ုပ်သည် ကျောင်းသို့ ပြန်လာခဲ့သည်။ ရေခဲရေယူဆောင်လာသည့်ပုဂ္ဂိုလ်သည် ယခုတိုင်ကျောင်းသို့မလာဘဲ တရားစကားနားထောင်ရန်အတွက် ဗလီတွင်ထိုင်နေလေသည်။ အတော်ကြာမှ ၎င်းသူသည် ကျောင်းသို့ရောက်လာပြီး အဝတ်တစ်ထည်နှင့်ပတ်ထားသည့် ရေခဲတုံးအား ကျွန်ုပ်အားပေးလေသည်။ အမှန်မှာ ရေခဲတုံးကို ဂုန်နီ သို့မဟုတ် အခြားစောင်ပိုင်းတစ်ခုခုနှင့် ပတ်၍ ပေးသင့်သည်ကို အဆိုပါပုဂ္ဂိုလ် သတိမူဟန်မတူပေ။ ၎င်းပုဂ္ဂိုလ်မှားယွင်းသည့်အချက်မှာ ရေခဲကို ချက်ချင်း အိမ်သို့မပို့ဘဲ ဗလီသွားလိုက်သည်။ ဗလီထွက်သည်နှင့် ချက်ချင်းကျောင်းသို့လာပြီး ရေခဲအမြန်ပို့သင့်သည်။ အကယ်၍ ဗလီမှာဆက်ပြီး တရားစကား နားထောင်လိုကလည်း ကျွန်ုပ်အား ကျောင်းတွင် ရေခဲကို လင်ပန်းထဲထည့်ထားကြောင်း၊ ကျောင်းရောက်လျှင် ယူလိုက်ရန် ပြောလိုက်နိုင်သော်လည်း မပြောလိုက်ဘဲ နှစ်နာရီကျော်လောက်မှ ရေခဲလည်း အရည်ပျော်ကာမှ ကျွန်ုပ်ထံ ရေခဲလာပို့သည်။ ၎င်းကို ဆုံးမစကားဆိုသော်လည်း ကျွန်ုပ်၏အမြင်တွင် ထိုသူသည် ပြောဆိုဆုံးမရုံလောက်နှင့်လည်း သဘောပေါက်နားလည်မည့် အလားအလာမရှိသည်ကို တွေ့ရသဖြင့် အဆိုပါပုဂ္ဂိုလ် နောင်တွင် ဤသို့အမှားမျိုးမကျူးလွန်စေရန်အတွက်လည်းကောင်း၊ အမြဲတမ်းသတိရှိနေစေရန်အတွက်လည်းကောင်း ထိုသူယူဆောင်လာသည့် ရေခဲကိုပင် မယူတော့ဘဲ ၎င်းအား ပြန်ပေးလိုက်၏။ ထိုအခါမှ ၎င်းသူသည် အလွန်စိတ်မကောင်းဖြစ်လေတော့သည်။ ထို့ကြောင့် ၎င်းအား ခင်ဗျားအနေနဲ့ တစ်ဦးတစ်ယောက်က လူကြုံပါးလိုက်တဲ့ပစ္စည်းကို ဖျက်ဆီးပစ်တယ်။ ပစ္စည်းပျက်မှ ကျွန်ုပ်ကိုလာပေးတယ်။ ခင်ဗျားကို တစ်ယောက်ယောက်က တာဝန်ပေးစဉ်က အဲဒီတာဝန်ကို ထမ်းဆောင်နိုင်ပါမှ တာဝန်ယူသင့်တာပေါ့။ တာဝန်ယူပြီးရင်လည်း ပြည့်ပြည့်ဝဝထမ်းဆောင်သင့်တာပေါ့ဟု ပြောလိုက်လေသည်။
၁ဝ။ အကြီးအကဲ၊ ဆရာသခင်တို့အား ပြုစုရာတွင် ပြုစုခြင်းဆိုင်ရာ စည်းကမ်းချက်များအတိုင်း လိုက်နာပါမှ စစ်မှန်သည့်သုခကို ခံစားရပေမည်။ စည်းကမ်းချက်မှာ (၃)ချက် ရှိသည်။
[၁] တစ်ဦးတစ်ယောက်အား ပြုစုရာတွင် အိခ်လားစ် စိတ်စေတနာသန့်စင်ရမည်။ ချစ်ခင်မှုတစ်ခုတည်းအပေါ် အခြေခံ၍ ပြုစုရမည်။ တစ်စုံတစ်ရာ လိုလားတောင့်တချက်အပေါ် အခြေခံ၍ ပြုစုခြင်းမျိုးမဖြစ်စေရ။ အချို့သောသူတို့သည် တစ်ဦးတစ်ယောက်အား ပြုစုရာတွင် လိုလားတောင့်တချက်တစ်ခုခုကို ဖြည့်ဆည်းရန် ရည်ရွယ်၍ ပြုစုတတ်ကြသည်။ ဤသို့မပြုအပ်ပေ။
[၂] ပြုစုသူနှင့် ပြုစုခံသူ နှစ်ဦးတို့သည် တစ်ဦးနှင့်တစ်ဦး ရင်းနှီးချစ်ခင်သူများ ဖြစ်ကြရမည်။ တစ်ဦးနှင့်တစ်ဦး မသိကျွမ်းသူများ မဖြစ်စေရ။ မသိကျွမ်းသူတစ်ဦးက လာရောက်နှိပ်နယ်ပေးလျှင် ဖြစ်စေ၊ ယပ်တောင်ခတ်ပေးလျှင်ဖြစ်စေ၊ မရင်းနှီးသူဖြစ်သဖြင့် ပြုစုခံရသူမှာ စိတ်ပင်ပန်းရပေသည်။
[၃] ပြုစုသူသည် ပြုစုတတ်ရမည်။ ဥပမာ အနှိပ်မကျွမ်းကျင်ဘဲ လာနှိပ်လျှင် အနှိပ်ခံရသူမှာ အညောင်းမပြေသည်သာမက စိတ်ဒုက္ခပင်ရောက်ရသည်။ ပြုစုသူအားလည်း ခင်ဗျား မပြုစုတတ်၊ မနှိပ်တတ်လျှင် ဘေးဖယ်နေပါ။ မပြုစုပါနှင့် မနှိပ်ပါနှင့်ဟူ၍လည်း ပြောမထွက်။ ထောက်ထားနေရပေသည်။ နှိပ်နေသူမှာတော့ မိမိက ပြုစုနေသည်ဟု တွေးကာ ပီတိဖြစ်နေတတ်သည်။ အမှန်စင်စစ် ပြုစုခံနေရသူသည် မလုပ်တတ် လုပ်တတ်နှင့် လာရောက်ပြုစုနေသူအား စိတ်မချမ်းမသာ မဖြစ်စေဘဲ အဓမ္မ အပြုစုခံ၊ အနှိပ်ခံနေရသဖြင့် ပြုစုသူအား မိမိက ပြန်လည်ပြုစုနေသည် မဟုတ်ပါလား။ ပြုစုနေသူ၏ စိတ်တွင်မူ မိမိသည် အကြီးအကဲအား ပြုစုရာတွင် အပင်ပန်းခံနေသည်ဟု ယူဆနေသော်လည်း အမှန်စင်စစ်သော်ကား အကြီးအကဲက မပြုစုတတ်ဘဲ ပြုစုနေသူအတွက် ဒုက္ခဆင်းရဲခံနေရခြင်းသာ ဖြစ်၏။ (ကမာလားသိအရ်ှရဖီ တွဲ ၄၊ စာ ၈၁)

မွတ်စ်လင်မ်များအား ပြုစုခြင်း
၁၁။ ကျွန်ုပ်အနေဖြင့် မွတ်စ်လင်မ်တို့အား ပြုစုရခြင်းကို ရှရီအသ်တရားတော်နှင့် မဆန့်ကျင်လျှင် မိမိ၏ နဖူးစာကောင်းမွန်ခြင်း အလ္လာဟ်အရှင်မြတ်အမိန့်နာခံခြင်းဟု ယူဆသည်။
၁၂။ ကျွန်ုပ်သည် အသက်အရွယ်ကြီးသူများ၊ တမန်တော်မြတ်၏ အနွယ်တော်များနှင့် အလ္လာဟ်အရှင်မြတ်၏ ဇစ်ကိရ် ပြုနေသူများကို အလုပ်ခိုင်းလေ့မရှိပါ။
၁၃။ ကျွန်ုပ် မည်သူ့ကိုမှ မပြုစုခဲ့။ မည်သူ၏ အပြုစုကိုမျှလည်း မခံခဲ့။ သူတော်စင် အကြီးအကဲတို့အားလည်း ကျွန်ုပ်မပြုစုခဲ့။ ဤသည်မှာ ကျွန်ုပ်၏ ပင်ကိုယ်စရိုက်ဖြစ်၏။ အလုပ်ခိုင်းရန် လိုအပ်လာသည့်အခါတွင်လည်း မိမိကိုယ်မိမိ ဆရာကြီးကို ငါပြုစုနေသည်၊ ငါဟာ ဆရာကြီးရဲ့ ထူးခြားစွာရင်းနှီးသူ ဖြစ်သည် ဟူ၍ မထင်၊ မတွေးတတ်သူများကို ရွေးပြီးခိုင်းလေ့ရှိ၏။ ထိုနည်းတူပင် အများက ဒီလူဟာ ဆရာကြီးရဲ့ အနီးကပ်ဆုံးလူ၊ အရင်းနှီးဆုံးလူဟု ထင်မြင်ယူဆနိုင်ကြမည့် လူမျိုးကိုလည်း မခိုင်းဘဲ ရှောင်တတ်သည်။
၁၄။ နည်းစနစ်ကျကျ အလုပ်ခိုင်းမည် ဆိုပါက ညဥ့်တစ်ဝက်တိုင် ကျွန်ုပ် အသင့်ရှိနေမည် ဖြစ်ပြီး၊ နည်းစနစ်မကျဘဲ အလုပ်ခိုင်းလျှင် ကျွန်ုပ်အလုပ်မလုပ်နိုင်ပေ။
၁၅။ လူတို့နှင့် ဆက်ဆံရာတွင် ၎င်း၏အခြေအနေ အဆင့်အတန်းနှင့် လျော်ညီစွာ ပြုမူဆက်ဆံသင့်၏။ လူအားလုံးကို တစ်ပြေးညီ ဆက်ဆံရန် မသင့်ချေ။
၁၆။ တစ်ဦးတစ်ယောက်သည် အခက်အခဲအကျပ်အတည်း တစ်ခုခုနှင့် ရင်ဆိုင်နေရသည်ကို တွေ့ရှိက မိမိတတ်နိုင်သည့်ဘက်မှ ကူညီပါ။
၁၇။ လိုအပ်နေသူများ၏ လိုအပ်ချက်ကို ဖြည့်ဆည်းပေးရန် အတတ်နိုင်ဆုံး ကြိုးစားပါ။ မိမိမတတ်နိုင်ပါက တတ်ကုန်နိုင်သူများထံ လိုအပ်နေသူများ၏။ အကျိုးအတွက် အသနားခံတင်ပြပေးနိုင်လျှင် တင်ပြပေးလိုက်ပါ။ သို့သော် ယင်းသို့ အသနားခံတင်ပြရာတွင် အဆိုပါတတ်နိုင်သူတို့အား ဆုံးရှုံးမှု ဒုက္ခ တစ်စုံတစ်ရာမဖြစ်စေရ။ အကယ်၍ ၎င်းတို့အား ဆုံးရှုံးမှု ဒုက္ခ ဖြစ်စေနိုင်ပါက အသနားခံ မတင်ပြရ။
၁၈။ အရွယ်မရောက်မီ ဖခင်ဆုံးသွားသည့် ကလေးသူငယ် ယသီးမ်ကို ဆွေမျိုးအသိုင်းအဝိုင်းက ဖြစ်စေ၊ တခြားသူများက ဖြစ်စေ တာဝန်ယူကျွေးမွေးစောင့်ရှောက်ထားပါက တာဝန်ယူ ကျွေးမွေးစောင့်ရှောက်သူသည် ဂျန္နသ်တွင် တမန်တော်မြတ်နှင့်အတူ နေထိုင်စံမြန်းရမည်။
၁၉။ အကြင်သူသည် မုဆိုးမများ၊ ဆွေမျိုးသားချင်းများအား ကျွေးမွေးစောင့်ရှောက်ထားပါက အလ္လာဟ်အရှင်မြတ်၏လမ်းတော်တွင် စစ်ပွဲဆင်နွှဲသည့်ကုသိုလ်ကို ရရှိမည်။
၂ဝ။ ညှင်းပန်းနှိပ်စက်သူ၊ နှိပ်စက်ခံရသူနှစ်ဦးလုံးနှင့် ပတ်သက်၍ အကောင်းကို လိုလားပါ။ ညှင်းပန်းနှိပ်စက်သူနှင့် ပတ်သက်၍ အကောင်းလိုလားရမည့် သဘောမှာ ထိုနှိပ်စက်သည့် လုပ်ရပ်မှ တားဆီးပိတ်ပင်ပါ။ နှိပ်စက်ခံရသူနှင့် ပတ်သက်၍ အကောင်းလိုလားရမည့် သဘောမှာ ၎င်းအား ကူညီစောင်မပါ။ ဤသို့ ကူညီရန်မှာ ပို၍ အရေးကြီးသည်။
၂၁။ သူတစ်ပါးအား ရေတိုက်ခြင်းမှာ ကုသိုလ်အလွန်ရသည်။ ရေပေါများသည့် နေရာမျိုးတွင် ရေတိုက်ပါက ငွေဝယ်ကျွန်တစ်ယောက်အား သူကောင်းပြုသည့် အကျိုးရရှိပြီး ရေရှားပါးသည့်နေရာဒေသမျိုးတွင် ရေတိုက်ပါက သူသေအား အသက်ရှင်အောင်ပြုလုပ်လိုက်သည့် အကျိုးရရှိ၏။
၂၂။ ထမင်း၊ ဟင်း ချက်ပြုတ်ရာတွင် လိုအပ်သည့် မီးမွှေးရန် ထင်း၊ မီးခြစ် စသည်တို့ကို သူတစ်ပါးအား ပေးခြင်း၊ ဟင်းထဲတွင် ထည့်ရန် ဆားအနည်းငယ်မျှကို သူတစ်ပါးအား ပေးခြင်းဖြင့် ထမင်းဟင်း တစ်အိုးလုံးပေးလိုက်သည့်အလား အကျိုးကုသိုလ်ရရှိသည်။
၂၃။ မိဘနှစ်ပါးအား ဘာသာခြားဖြစ်နေစေကာမူ ပြုစုစောင့်ရှောက်ရမည်။ အလ္လာဟ်အရှင်မြတ်နှင့် တမန်တော်၏ ပညတ်ချက်များနှင့် မဆန့်ကျင့်လျှင် မိဘ၏ အမိန့်ကို လိုက်နာရမည်။ မိဘ၏ အမိန့်သည် အလ္လာဟ်အရှင်မြတ်နှင့် တမန်တော်မြတ်၏ အမိန့်ပညတ်များနှင့် ဆန့်ကျင်နေပါက လိုက်နာမှု မပြုရပါ။
၂၄။ မိဘနှစ်ပါးကွယ်လွန်ပြီးနောက် ၎င်းတို့သက်ရှိထင်ရှားရှိစဉ်က ၎င်းတို့နှင့် လာရောက်တွေ့ဆုံနေကြဖြစ်သည့် အပေါင်းအသင်း၊ ရောင်းရင်းမိတ်ဆွေများအား ကောင်းမွန်စွာဆက်ဆံခြင်း၊ ရိုင်းပင်ကူညီခြင်းသည် မိဘနှစ်ပါးအား ပြုစုစောင့်ရှောက်ခြင်းနှင့် အလားတူဖြစ်သည်ဟု ယူဆသင့်သည်။
၂၅။ မိဘနှစ်ပါးသည် သားသမီးတစ်ဦးဦးအပေါ် မကျေမနပ်ဖြစ်လျက် ကွယ်လွန်သွားခဲ့သော် အဆိုပါ သား၊ သမီးများသည် မိဘအတွက် အမြဲတန်း ဒုအာလုပ်ပေးနေလျှင် ဖြစ်စေ၊ မိဘအတွက် အိစ်သိဂ်ဖါရ် အပြစ်များမှ လွတ်ငြိမ်းချမ်းသာခွင့်ရရန် အလ္လာဟ်အရှင်မြတ်၏ထံတွင် အမြဲတန်း တောင်းခံပေးနေလျှင်ဖြစ်စေ အလ္လာဟ်အရှင်မြတ်၏ ဂရုဏာတော်ဖြင့် မိဘနှစ်ပါး၏ ကျေနပ်နှစ်သက်မှု ရရှိလိမ့်မည်။
၂၆။ ဆွေမျိုးသားချင်းများနှင့် ကောင်းစွာဆက်ဆံပါ။ ၎င်းတို့က ကောင်းစွာ မဆက်ဆံသော်လည်း မိမိက ကောင်းစွာ ဆက်ဆံရမည်။

{မော်လာနာ အရ်ှရဖ်အလီထာနဝီသခင် ရေးသားပြုစုပြီး မုဖ်သီနူးရ်မုဟမ္မဒ်ဆွာဟိဗ်မှ မြန်မာဘာသာသို့ ပြန်ဆိုထားသော "အစ္စလာမ်နှင့် လူမှုဆက်ဆံရေး" စာအုပ်မှ ကူးယူတင်ဆက်သည်}

တခြားသော မုအာရှရသ်ပိုင်းဆိုင်ရာ လေ့လာစရာများ
*** အစ္စလာမ်၏ လူမှုဆက်ဆံရေး ***
မြတ်နဗီပြသခဲ့သည့် မုအာရှရသ်
http://aaitee.blogspot.com/2014/10/blog-post_79.html
အစ္စလာမ့်ရှရီအသ်မှ လူမှုဆက်ဆံရေးအကြောင်း
http://aaitee.blogspot.com/2015/04/blog-post_30.html
ရှရီအသ်၏ ကဏ္ဍငါးရပ်
http://aaitee.blogspot.com/2015/05/blog-post.html
စလာမ်မေတ္တာပို့သခြင်းဆိုင်ရာ စည်းကမ်းချက်များ
http://aaitee.blogspot.com/2015/05/blog-post_10.html
လက်ဆွဲနှုတ်ဆက်ခြင်း၏ စည်းကမ်းချက်များ
http://aaitee.blogspot.com/2015/05/blog-post_30.html
ထိုင်ဝိုင်းနှင့် စပ်လျဉ်းသည့် စည်းကမ်းချက်များ
http://aaitee.blogspot.com/2015/05/blog-post_21.html
စကားပြောဆိုခြင်းဆိုင်ရာ စည်းကမ်းချက်များ
http://aaitee.blogspot.com/2015/05/blog-post_18.html
စကားနားထောင်ခြင်းဆိုင်ရာ စည်းကမ်းများ
http://aaitee.blogspot.com/2015/05/blog-post_26.html
စောင့်ဆိုင်းခြင်းဆိုင်ရာ စည်းကမ်းများ
http://aaitee.blogspot.com/2015/05/blog-post_11.html
အချင်းချင်း တွေ့ဆုံခြင်းဆိုင်ရာ စည်းကမ်းများ
http://aaitee.blogspot.com/2015/05/blog-post_0.html
ဧည့်သည်နှင့် စပ်လျဉ်းသည့် စည်းကမ်းများ
http://aaitee.blogspot.com/2015/06/blog-post_13.html
အိမ်ရှင်နှင့် စပ်လျဉ်းသည့် စည်းကမ်းများ
http://aaitee.blogspot.com/2015/06/blog-post_77.html

အလ်မုဖီးဒ် Link များ
Website: http://aaitee.blogspot.com
Facebook: http://www.facebook.com/almufeed.mm
Email: haroonrangoni@gmail.com
google တွင်ရှာရန် “ အလ်မုဖီးဒ် ” ဟု မြန်မာလိုရိုက်၍ရှာပါ။
မိမိဖုန်းထဲတွင် ပြန်လည်ဖတ်ရှုရန် သိမ်းထားလိုပါက Simple Islam.apk ဖိုင်ကို ဒေါင်းလုတ်ဆွဲပြီး Install လုပ်ထားပါ။

သောက်သုံးခြင်းဆိုင်ရာ စွန္နသ်တော်များ

ရေနှင့်သက်ဆိုင်သည့် သိမှတ်ဖွယ်ရာအချို့ကို အောက်ပါလင့်များတွင် ဖတ်နိုင်ပါသည်။ page လင့်များ ဖြစ်ပါသည်

မည်သည့်ရေသည် အကောင်းဆုံးဖြစ်သနည်း
https://web.facebook.com/almufeed.mm/posts/644192369034689

ရေသောက်ခြင်း၏ နည်းလမ်းအမှန်
https://web.facebook.com/almufeed.mm/posts/643169105803682

သိမ်းထားလိုသူများ ဤလင့်ကို နှိပ်ပါ။
http://aaitee.blogspot.com/2013/10/blog-post_17.html

http://aaitee.blogspot.com/2013/11/blog-post_5.html

အစ္စလာမ်လအမည်များနှင့် အလိုသဘောများ

မိမိတို့၏ မိတ်ဆွေများကို ဤလင့်မှ ရှဲပေးနိုင်ပါသည်။

https://www.facebook.com/almufeed.mm/posts/861861293934461:0

အစ္စလာမ်၏ ဟိဂျရီခုနှစ်တွင် ဆယ့်နှစ်လရာသီရှိပေသည်။ တမန်တော်မြတ် ဆွလ္လလ္လားဟုအလိုင်းဟိဝစလ္လမ် မမွေးဖွားမီကတည်းက အရဗ်တို့သည် ယင်းလများကို သတ်မှတ်သုံးစွဲလျက်ရှိပေသည်။ သို့ရာတွင် ယခုကဲ့သို့ မဟုတ်ပေ။ လ၏ အဝင်အထွက်ကို အခြေခံ၍ သတ်မှတ်ခြင်းကြောင့် လများသည် ရာသီဥတုတစ်မျိုးတည်း၌သာ အတည်တကျမရှိပေ။ ဥပမာ ရမဇာန်လကို တစ်နှစ်တွင် ဆောင်းရာသီ၌ ကြုံရလျှင် နောင်တစ်နှစ်တွင် နွေရာသီဖြစ်နေပေမည်။ နောင်တစ်နှစ်တွင် မိုးရာသီ၊ ပွင့်လင်းရာသီ၊ ဆောင်းရာသီ ထိုပုံစံဖြင့် လှည့်ပတ်သွားနေပေသည်။ အရဗ်တို့သည် လကိုအခြေခံသည့် ခုနှစ်ကို သုံးစွဲသောကြောင့် ကုန်ရောင်းကုန်ဝယ်ပြုရာတွင် အနည်းငယ် အခက်အခဲဖြစ်ကြရသည်။ ထိုသို့အခက်အခဲဖြစ်ခြင်းကို မကြုံလိုသဖြင့် ရှေးအရဗ်တို့က နှစ်တစ်နှစ်တွင် ဆယ့်နှစ်လရှိသော်လည်း ရာသီဥတုနှင့် လသည် အမြဲအတည်ရှိစေရန် လထပ်တိုးခြင်းကို ပြုလုပ်လေ့ရှိကြသည်။ ထို့ကြောင့် ဆယ်သုံးလဖြစ်သည့်နှစ်များလည်း ရှိသွားသည်။ ထို့အတူ ဟဂ်ျပြုခြင်းကိုလည်း အစဉ်ပြေသည့်လ၌ ပြုလေ့ရှိကြပေသည်။

အရဗ်တို့သည် စစ်ရေးပရိယာယ်တွင် သူမတူအောင် ထူးခြားသူများပီပီ စစ်တိုက်ခြင်းကိုလည်း ခုံမင်နှစ်သက်ကြသည်။ ထို့အတူ နောက်ထပ်ထူးခြားချက်တစ်ခုမှာ အရဗီလများတွင် လုံးဝစစ်တိုက်ခွင့်မရှိသည့်လများလည်း သတ်မှတ်ထားပေသည်။ ထိုသို့သောလတွင် ၎င်းအရဗ်တို့ အဘယ်မျှရှောင်ကြဉ်သနည်းဆိုသော် ဖခင်အား သတ်ထားသူကို မျက်နှာချင်းဆိုင်တွေ့လျှင်လည်း ပုံမှန်အတိုင်းပင် ဆက်ဆံပေသည်။ စစ်တိုက်ခွင့်မရှိသည့်လတို့သည် လေးလရှိပြီး သုံးလမှာဆက်တိုက်လာ၍ နောက်တစ်လမှာ သီးခြားဖြစ်ပေသည်။ တမန်တော်မြတ်ဆွလ္လလ္လားဟုအလိုင်းဟိဝစလ္လမ်ထံသို့ အစ္စလာမ့်အမိန့်ဥပဒေများ မကျရောက်မီအထိ အရဗ်တို့သည် မိမိတို့ဓလေ့အတိုင်းပင် ခုနှစ်များ လများကို သတ်မှတ်သုံးစွဲကြပေသည်။

တမန်တော်မြတ် ဆွလ္လလ္လားဟုအလိုင်းဟိဝစလ္လမ်ထံသို့ ရှရီအသ်ကျပြီးနောက်တွင် ဤသို့ လများတိုးခြင်းနှင့် ဟဂ်ျကို အစဉ်ပြေသည့်လ၌ ပြုခြင်းတို့ကို တားမြစ်လိုက်ပေသည်။ ထိုသို့ပြုခြင်းတို့သည် အစ္စလာမ်နှင့်ကိုက်ညီမှု မရှိတော့ပေ။ တစ်နှစ်တွင် ဆယ့်နှစ်လသာရှိပြီး ဟဂ်ျကိုလည်း သီးသန့်ဇိလ်ဟဂ်ျလ၌သာ ပြုခွင့်ရှိမည်၊ ဟဂ်ျ၏လသည် ဇိလ်ဟဂ်ျလ ကာလသာ ဖြစ်သည်ဟု အလ္လာဟ်အရှင်မြတ်က ဝဟီဖြင့် သတ်မှတ်ပြဌာန်းပေးလိုက်သည်။ ယခင်က ထူးမြတ်သည်ဟု သတ်မှတ်ထားသည့် လေးလကိုမူ ထိုအတိုင်းပင်ထားရှိပြီး စစ်တိုက်ခြင်းသည်လည်း ထိုကာလများ၌ ဟရာမ်ဖြစ်ပေသည်။ ၎င်းလေးလကို အရဗီဘာသာဖြင့် အရ်ှဟိုရေဟိုရွမ် မြင့်မြတ်သည့်လများဟု ခေါ်ဆိုသည်။ အစ္စလာမ်၏ ခုနှစ်ကို ဟီဂျရီဖြင့် သတ်မှတ်လိုက်ပေသည်။ ယခင်က အရဗ်တို့သည် မက္ကဟ်မြို့သို့ ဆင်တပ်ချီတက်လာသည့်နှစ်ကို အစွဲပြု၍ ဆင်နှစ်ကို သုံးစွဲကြပေသည်။ နဗူဝသ်စတင်သည့် ကာလကို အစွဲပြု၍ နဗဝီခုနှစ်ကိုလည်း မုစ်လင်တို့ သုံးစွဲခဲ့ကြသည်။ ဟစ်ဂျရသ်ပြုပြီးနောက်တွင် ဟစ်ဂျရီကို သတ်မှတ်သုံးစွဲပေသည်။

အစ္စလာမ်၏ တချို့သောကျင့်စဉ်တို့၏ ရက်စွဲသတ်မှတ်မှုများသည် လနှစ်ကိုအခြေခံမှသာ မှန်ကန်မည်ဟု ပြဌာန်းထားသည်များ ရှိ၏။ ဥပမာ ဇကားသ်ပေးဆောင်ရာတွင် တစ်နှစ်ပတ်လည်၏ သတ်မှတ်မှုကို လနှစ်ကိုအခြေခံ၍ ပြုလုပ်ရပေမည်။ ထို့အတူ ရမဇာန်လသတ်မှတ်မှု၊ ဟဂ်ျကာလသတ်မှတ်မှု၊ အီဒွလ်အဿွ်ဟာသတ်မှတ်မှုတို့သည် လနှစ်ကိုသာအခြေခံထားပေသည်။ ဤသို့လနှစ်ကို အခြေခံဖြင့် တမန်တော်မြတ်၏ စွန္နသ်၊ စွဟာဗာများ၊ သာဗေအီးန်တို့၏ လမ်းစဉ်ကို လိုက်နာရာရောက်ပေသည်။ အရဗီလနှစ်ကို သတ်မှတ်ရာတွင် လတစ်လစီတွင် ရက်မည်မျှပါရှိမည်ဟု ပုံသေတွက်၍ သတ်မှတ်ခြင်းမရှိပေ။ နေထိုင်ရာဒေသ၏ လ အဝင်အထွက်ကို ကြည့်ရှုပြီး လတစ်လ၏ အစပြုရာရက်ကို သတ်မှတ်ပေသည်။ ဆယ့်နှစ်လလုံးအတွက် လစဉ် လကြည့်ရပေသည်။အရဗီလနှစ်တွင် အများဆုံးရက်မှာ ၃ဝအထိဖြစ်ပြီး ၂၉ရက် ဖြစ်သည်လည်း ရှိပေသည်။

အရဗီလများကို အမည်မှည့်ခေါ်ရာတွင်လည်း အကြောင်းခံများ တစ်ခုစီရှိပေသည်။ ထူးခြားမှုမှာ နတ်ဘုရားများ၊ လူပုဂ္ဂိုလ်များကို အခြေခံ၍ အမည်မှည့်ခြင်း မဟုတ်ပေ။ လုပ်ရပ်၊ ရာသီဥတုနှင့် ထူးမြတ်မှုတို့ကို အခြေခံကာ အမည်မှည့်ခေါ်ထားခြင်းဖြစ်ပေသည်။ လတစ်လချင်းစီတွင်ရှိသော အကြောင်းခံများကို ရေးသားဖော်ပြပါမည်။ မုစ်လင်မ်တိုင်း အစ္စလာမ်၏ ဆယ့်နှစ်လကို အလွတ်ရထားသင့်ပေသည်။ ထိုသို့ ရထားသင့်သည့် အကြောင်းခံ တစ်ခုမှာ အစ္စလာမ်ဘာသာရေးတွင်သုံးစွဲသည့် လများဖြစ်သည်။ ကျမ်းမြတ်ကုရ်အာန်ကျရောက်သည့် အချိန်ကာလကို ရေတွက်သတ်မှတ်ရာတွင် သုံးစွဲထားသည့် လများ ဖြစ်သည်။ နောက်တစ်ခုမှာ တမန်တော်မြတ် ဆွလ္လလ္လားဟုအလိုင်းဟိဝစလ္လမ်မှစ၍ ခေတ်အဆက်ဆက်ပညာရှင်ကြီးများ သူမွန်သူမြတ်များ သုံးစွဲသည့် လများလည်း ဖြစ်ပေသည်။ အစ္စလာမ်၏ ကျင့်ဆောက်တည်မှုများ၊ အစ္စလာမ့်၏သမိုင်းဖြစ်ရပ်များနှင့် အထူးဆက်စပ်မှုရှိသည့် အရဗီဆယ်နှစ်လကို မုစ်လင်မ်တိုင်း အလွတ်ကျက်မှတ်ကြမည်ဟု မျှော်လင့်ပါသည်။ ကလေးသူငယ်များနှင့် တခြားမိတ်ဆွေများကိုလည်း ပြန်သင်ပေးပါက ကုသိုလ်နှစ်ဆပင် ရပေဦးမည်။

အရဗီဆယ့်နှစ်လမှာ ... (၁) မုဟရ်ရမ်၊ (၂) ဆွဖရ်၊ (၃) ရဗီအုလ်အောက်ဝလ်၊ (၄) ရဗီအုစ်စာနီ၊ (၅) ဂျုမာဒလ်အူလာ၊ (၆) ဂျုမာဒလ်အုခ်ခရာ၊ (၇) ရဂျဗ်၊ (၈) ရှအ်ဗာန်၊ (၉) ရမဿွာန်၊ (၁ဝ) ရှောက်ဝါလ်၊ (၁၁) ဇီကအ်ဒဟ်၊ (၁၂) ဇိလ်ဟိဂ်ျဂျဟ် ... တို့ဖြစ်သည်။ ဤသည်တို့မှာ လအမည်များဖြစ်ပြီး ၎င်းတို့ကို ဂုဏ်ပုဒ်များဖြင့် တွဲစပ်၍ ပြောဆိုလေ့ရှိပေသည်။ အရဗီအသံထွက် အတိအကျနှင့် အရဗီစာလုံးပေါင်းပုံကိုပါ သိရှိနိုင်ရန် ပုံနှင့်တကွ ဖော်ပြပေးထားပါသည်။

(၁)။ မုဟရ်ရမွလ်ဟရာမ်
အစ္စလာမ့်တစ်နှစ်တာကာလ၏ ပထမဦးဆုံးလ ဖြစ်သည်။ တစ်နည်း နှစ်ဆန်းလ ဖြစ်၏။ မုဟရ်ရမ်၏ အဓိပ္ပါယ်မှာ ကျက်သရေမင်္ဂလာနှင့် ပြည့်စုံခြင်း၊ မြင့်မြတ်ခြင်းဟု ဖြစ်ပေသည်။ ဤလအမည်တွင်ပါဝင်သော ဟရာမ်ဟူသည့်စကားလုံးသည် အများသူငှာသိသော တားမြစ်သည့် ဟရာမ်၏ အဓိပ္ပါယ်မဟုတ်ပေ။ ဤဟရာမ်သည် ဂုဏ်ပေးလေးစားခြင်းဟူသည့် အဓိပ္ပါယ်ရပေသည်။ နှစ်ခုပေါင်း၍ မြင်သာအောင် ပြန်ဆိုရသော် ကျက်သရေမင်္ဂလာအပေါင်းနှင့် ပြည့်စုံ၍ ဂုဏ်ပေးလေးစားရမည့်လဟု ဖြစ်ပေသည်။ ဟရာမ်ပါသည်နှင့် ပျော်ရွှင်ခြင်း၊ ထိမ်းမြားမင်္ဂလာပြုခြင်းစသည်တို့ကို ဤလတွင် မလုပ်ပိုင်ဟု မှတ်ယူကြသည်။ ဤသည်မှာ အစ္စလာမ်တွင်မရှိသည့် မှတ်ယူခြင်းပင်ဖြစ်သည်။ ဤလတွင် တခြားသောလများကဲ့သို့ ပျော်ရွှင်ခြင်း၊ ထိမ်းမြားခြင်းများ ပြုပိုင်ပေသည်။ သို့သာမက အစ္စလာမ့်၏ လများတွင် ထိမ်းမြားခြင်းမပြုပိုင်သည့်လဟူ၍ မရှိပေ။ ထို့အတူ မကောင်းခြင်းများ ဆောင်ယူသည့်လ၊ နမိတ်မကောင်းသည့်လဟူ၍လည်း လုံးဝမရှိပေ။ ထို့အတူ ဝမ်းနည်းကြေကွဲနေရမည့်လဟူ၍လည်း လုံးဝမရှိပါ။ ဤသည်ကို မုစ်လင်မ်တို့ ကောင်းစွာမှတ်သားထားရပါမည်။ မုဟရ်ရမ်လသည် အရ်ှဟိုရေဟိုရွမ် မြင့်မြတ်သည့်လ လေးလအနက်မှ တစ်နှစ်တာအရတွက်လျှင် ပထမဦးဆုံးကျရောက်သောလဖြစ်သလို အရ်ှဟိုရေဟိုရွမ်အရ ရေတွက်လျှင် စတုတ္ထမြောက်ကျရောက်သောလဟူ၍လည်း မှတ်ယူနိုင်ပေသည်။

(၂)။ ဆွဖရွလ်မုဇွဖ်ဖရ်
ဆွဖရ်သည် အစ္စလာမ့်နှစ်၏ ဒုတိယမြောက်လဖြစ်ပေသည်။ ၎င်း၏ဆိုလိုရင်းကို ဖော်ပြရသော် .... ဆွဖရ်သည် သုညကို ခေါ်ဆိုသည်။ ဘာမျှမရှိခြင်းဟူသည့် သဘောဖြစ်သည်။ ဤသို့ မုဟရ်ရမ်ပြီးနောက် ရောက်ရှိသောလကို သုညသဘောသက်ရောက်သည့် ဆွဖရ်ဟု မှည့်ခေါ်ရခြင်းမှာ ၎င်းလတွင် အရဗ်တို့သည် လေးလတိုင်တိုင်ရပ်နားထားသော စစ်တိုက်သည့်အမှုကိုပြုရန် အိမ်များမှ ထွက်ခွာကြပေသည်။ အိမ်များတွင် လူမရှိခြင်းကို အမှီပြု၍ ဆွဖရ်ဟု မှည့်ခေါ်ခြင်းဖြစ်ပေသည်။ ဆွဖရ်နှင့်အတူ မုဇွဖ်ဖရ်ဟူသည့် ဂုဏ်ပုဒ်ကို တွဲစပ်ခေါ်ကြသည်။ မုဇွဖ်ဖရ်၏ အဓိပ္ပါယ်မှာ အောင်မြင်ခြင်း၊ ရည်ရွယ်ချက်ပြည့်ဝခြင်းဟု ဖြစ်ပေသည်။ အစ္စလာမ်မထွန်းကားမီကာလက ဆွဖရ်လကို နမိတ်မကောင်းသည့်လဟု မှတ်ယူထားကြသည်။ ယနေ့အထိလည်း ဤအစွဲများရှိနေကြ၏။ ဆွဖရ်လတွင် မကောင်းခြင်းပေါင်းစုံကို ကောင်းကင်မှ ချသည်ဟု မှတ်ထားကြသည်။ မကောင်းခြင်းများကျသောကြောင့် ထိုလ၌ အိမ်ထောင်ပြုလျှင် ကွဲတတ်သည်။ ပျော်ရွှင်ဖွယ်ရာများ မပြုရ၊ မင်္ဂလာဆောင်လျှင် အခန်းမအပ်ရဟု အဓိပ္ပါယ်မဲ့အစွဲများ ထားကြပေသည်။ ထိုအစွဲများနှင့် မကောင်းသည့် ယူဆချက်အားလုံးသည် အစ္စလာမ်တွင်မရှိသလို မုစ်လင်မ်အဖို့ ထိုသို့ ပေါက်ကရအတွေးအခေါ်များ၊ နမိတ်မကောင်းသည့် မှတ်ယူမှုများ လုံးဝမပြုလုပ်ရပေ။ အမိုက်ခေတ်က ထိုသို့မကောင်းခြင်းများကျသည်ဟူသည့် အစွဲကို ပြောင်းရန်အတွက် အောင်မြင်ခြင်း၊ ပြည့်ဝခြင်းဟု လှပကောင်းမွန်သော အဓိပ္ပါယ်ရသည့် မုဇွဖ်ဖရ် စာလုံးဖြင့် တွဲစပ်ပြောင်းလဲကာ ခေါ်ဝေါ်ခြင်း ဖြစ်ပေသည်။

(၃)။ ရဗီအွလ်အောက်ဝလ်
အစ္စလာမ့်နှစ်၏ တတိယမြောက်လ ဖြစ်သည်။ ရဗီအ်၏ အဓိပ္ပါယ်မှာ စိမ်းလန်းခြင်း၊ စိုပြေခြင်း၊ လန်းဆန်းနေခြင်းဖြစ်၏။ အောက်ဝလ်သည် ပထမအကြိမ်မြောက်ကို ဆိုလိုသည်။ စိမ်းစိုလန်းဆန်းနေသည့် ပထမလဟု ဖြစ်ပေသည်။ ဆောင်းဦးစ၏ ပထမအစပြုရာကာလတွင် ကျရောက်သောကြောင့် ရဗီအွလ်အောက်ဝလ်အမည်ဖြင့် ကျော်ကြားရခြင်းဖြစ်သည်။

(၄)။ ရဗီအွတ်စာနီ
အစ္စလာမ့်နှစ်၏ စတုတ္ထမြောက်လဖြစ်သည်။ ရဗီအွလ်အာခရ်ဟု အသုံးများကြသည်။ ဒုတိယကို အာခိရ်ဟုသုံးသော်လည်း ဤလတွင် အာခရ် ဇဗရ်ဖြင့်သုံးခြင်းမှာ ၎င်း၏ထူးခြားချက်တစ်ခု ဖြစ်ပေသည်။ စာနီနှင့် အာခိရ် နှစ်ခုလုံး၏ အဓိပ္ပါယ်မှာ ဒုတိယဟူ၍ဖြစ်သည်။ စိမ်းလန်းစိုပြေသော ဒုတိယလဟူ၍ ဖြစ်ပါသည်။ ဤသည်မှာ အရဗ်တို့သတ်မှတ်မှု၏ အဓိပ္ပါယ်ဖြစ်သည်။ အစ္စလာမ့်သမိုင်းအရ ပထမရဗီအ်ပြီးနောက် ဒုတိယကျရောက်သောလကိုလည်း ရဗီအ်ဟု ထားရခြင်းမှာ တမန်တော်မြတ် ဆွလ္လလ္လားဟုအလိုင်းဟိဝစလ္လမ်ထံသို့ ပထမဦးဆုံးအကြိမ် ဝဟီကျခြင်းသည် ရဗီအွလ်အောက်ဝလ်လတွင် ဖြစ်ခဲ့သည်။ စူရာအိက်ရာအ်၏ အစပထမအာယသ်တို့ ကျရောက်ခဲ့သည်။ ထိုစဉ်က ဝဟီ၏ အရှိန်အဝါ၊ ဝဟီ၏လေးလံမှုကို စတင်တွေ့ကြုံခံစားရခြင်းတို့ကြောင့် တမန်တော်မြတ်၏ စိတ်တွင်းဝယ် အနည်းငယ်ထိတ်လန့်မှုဖြစ်ပေါ်ခဲ့ပေသည်။ ပထမဦးဆုံးအကြိမ် ဝဟီကျရောက်ပြီးနောက် အချိန်အနည်းငယ်အထိ ဝဟီကျရောက်ခြင်းမရှိတော့ပေ။ တမန်တော်မြတ်၏ စိတ်ခံစားချက် တည်ငြိမ်သည်အထိ အလ္လာဟ်အရှင်မြတ်က ဝဟီချပေးခြင်းကို ရပ်တန့်ထားပေသည်။ တမန်တော်မြတ် ဆွလ္လလ္လားဟုအလိုင်းဟိဝစလ္လမ်အနေဖြင့် နဗူဝသ်၏ တာဝန်များ၊ အရေးကြီးမှုများကို ထမ်းဆောင်ရန်နှင့် ဝဟီအတွက် စိတ်တည်ငြိမ်မှုဖြစ်သွားသည့်အခါ ဒုတိယအကြိမ် ဝဟီကျရောက်ခဲ့သည်။ စူရာကလမ်၏ အစပထမအာယသ်တို့ကျရောက်ခဲ့သည်။ သဗ်လီးဂ်ပြုရန် အမိန့်ကျခဲ့သည်။ ထိုသို့ ဝဟီကျရောက်ခြင်းသည် ဒုတိယအကြိမ်ပြန်လည် ဖူးပွင့်ရောက်ရှိလာခြင်းကို အကြောင်းပြု၍ ရဗီအွလ်အာခရ် ဒုတိယအကြိမ် ဝဟီ၏ စိမ်းလန်းဖူးပွင့်သည့်လဟု သတ်မှတ်လိုက်ခြင်း ဖြစ်ပေသည်။

(၅)။ ဂျုမာဒလ်အူလာ
အစ္စလာမ့်နှစ်၏ ပဉ္စမမြောက် (ငါးလမြောက်) လဖြစ်ပေသည်။ ဂျုမာဒ်၏ အဘိဓာန်အဓိပ္ပါယ်မှာ ရပ်ခြင်း၊ ခဲခြင်းဟု ဖြစ်ပေသည်။ သမိုင်းပညာရှင်တို့က ဤလတွင် ရေခဲလောက်အောင် အအေးဓာတ်ပြင်းထန်မှုဖြစ်ပေါ်ခြင်းကြောင့် အရဗ်တို့က ပထမအေးခဲသည့်လဟု အဓိပ္ပါယ်ရသည့် ဂျုမာဒလ်အူလာအမည်ကို မှည့်ခေါ်ခြင်းဖြစ်မည်ဟု ကောက်ချက်ပေးထားကြသည်။ အစ္စလာမ်သမိုင်းအရ ဂျုမာဒလ်အူလာ၏ အလိုသဘောမှာ ထိုလမှစတင်၍ တမန်တော်မြတ် ဆွလ္လလ္လားဟုအလိုင်းဟိဝစလ္လမ်အပေါ် ဝဟီကျရောက်ခြင်း ကာလအနည်းငယ်အထိ ဆိုင်းငံ့ ရပ်တန့်သွားသည်။ ထိုသို့ ဝဟီဆိုင်းငံ့သွားခြင်းကို အကြောင်းခံ၍ ပထမဆိုင်းငံ့ရပ်တန့်သည့်လ ဂျုမာဒလ်အူလာဟု မှည့်ခေါ်ခြင်းဖြစ်ပေသည်။

(၆)။ ဂျုမာဒလ်အွခ်ခရာ
အစ္စလာမ့်နှစ်၏ ဆဌမမြောက် (ခြောက်လမြောက်) လဖြစ်ပေသည်။ အေးခဲသည့် ဒုတိယလဟု အဓိပ္ပါယ်ရသည်။ အစ္စလာမ်သမိုင်းအရ ဝဟီ၏ရပ်တန့်မှုသည် ဆက်လက်ရှိနေသဖြင့် ဒုတိယဆိုင်းငံ့ရပ်တန့်သည့်လဟူ၍ အဓိပ္ပါယ်ကောက်ယူပေသည်။

(၇)။ ရဂျဗွလ်မုရပ်ဂျဗ်
အစ္စလာမ့်နှစ်၏ သတ္တမမြောက် (ခုနှစ်လမြောက်) လဖြစ်ပေသည်။ အဓိပ္ပါယ်မှာ မြင့်မြတ်ထူးကဲသည့်လဟူ၍ ဖြစ်သည်။ ရဂျဗ်လသည် အရ်ှဟိုရေဟိုရွမ် မြင့်မြတ်သည့်လ လေးလအနက်မှ ပထမဦးဆုံးကျရောက်သည့်လဖြစ်ပေသည်။ ထို့ကြောင့် စစ်တိုက်ခြင်းကို ဤရဂျဗ်လတွင် ရပ်တန့်ထားပေသည်။ ရဂျဗ်သည် အလ္လာဟ်အရှင်မြတ်၏လလည်း ဖြစ်သည်။ တောင်းဆုများကို အထူးလက်ခံသည့် လတစ်လဖြစ်သည်။

(၈)။ ရှအ်ဗာနုလ်မုအဇ်ဇွမ်
အစ္စလာမ့်နှစ်၏ အဌမမြောက် (ရှစ်လမြောက်) လဖြစ်ပေသည်။ ရှအ်ဗာန်ဟူသည် စုပေါင်းခြင်း၊ ပေါင်းစည်းခြင်းနှင့် သီးခြားစီပြုခြင်းဟူသည့် ဆန့်ကျင်ဘက်အဓိပ္ပါယ်နှစ်မျိုးလုံး ရရှိသည်။ အရဗ်တို့က မျိုးနွယ်စုများ ကွဲသွားခြင်းနှင့် တစ်ခုနှင့်တစ်ခု ပေါင်းစည်းကြခြင်းကို အကြောင်းခံ၍ ဤလကို ရှအ်ဗာန်အမည်ဖြင့် မှည့်ခေါ်ခြင်းဖြစ်သည်။ အစ္စလာမ့်ရှရီအသ်အရ ဤလကို ရှအ်ဗာန်ဟု မှည့်ခေါ်ရခြင်းမှာ ဤလ၌ပင် လာမည့် တစ်နှစ်ပတ်လုံးအတွက် အဖန်ဆင်းခံများ၏ မွေးဖွားခြင်း၊ သေဆုံးခြင်းနှင့် ရိုဇီ စသည်များကို ခွဲတမ်းချ၍ ဖရိရ်ှသဟ်ထံ တာဝန်ကိုယ်စီအပ်နှင်းပေးသောကြောင့် ဖြစ်ပေသည်။ နောက်ထပ်အကြောင်းခံတစ်ခုမှာ ရိုဇာထားသူ၏ ကောင်းမှုကုသိုလ်ကို သစ်ပင်မှ သစ်ကိုင်းများတိုးလာသကဲ့သို့ တိုးပေးခြင်းကြောင့် ရှအ်ဗာန်ဟု မှည့်ခေါ်ခြင်းဖြစ်ပေသည်။ ရဂျဗ်သည် အလ္လာဟ်အရှင်မြတ်၏ လဖြစ်သည်။ ဤရှအ်ဗာန်လသည် တမန်တော်မြတ် ဆွလ္လလ္လားဟုအလိုင်းဟိဝစလ္လမ်၏ လဖြစ်ပေသည်။ ရှအ်ဗာန်တွင် တမန်တော်မြတ် ဆွလ္လလ္လားဟုအလိုင်းဟိဝစလ္လမ်သည် နဖိလ်ရိုဇာ များစွာထားတော်မူသည်။ ထူးခြားမြင့်မြတ်လှသည့် ညကြီးတစ်ညဖြစ်သော ဗရားအ်(သ)သည်လည်း ဤလ၏ ၁၅ရက်ညတွင် ကျရောက်ပေသည်။

(၉)။ ရမဿွာနုလ်မုဗာရပ်က်
အစ္စလာမ့်နှစ်၏ နဝမမြောက် (ကိုးလမြောက်) လဖြစ်ပေသည်။ အဓိပ္ပါယ်မှာ လောင်ကျွမ်းခြင်း၊ ရှို့ခြင်းဟု ဖြစ်သည်။ ရမဿွာန်ဟူသည် အလွန်ပူပြင်းမှုဟု အဓိပ္ပါယ်ရသည့် စာလုံးမှဆင်းသက်လာသည်။ ပူပြင်းလှသဖြင့် ကုလားအုတ်သတ္တဝါသည်ပင်လျှင် ရေဆာလွန်း၍ လောင်ကျွမ်းသွားသည်ဟူသည့် ဆိုရိုးစကားပင်ရှိသည်ဟု ပညာရှင်တို့က ရေးသားဖော်ပြထားသည်။ ရမဿွာန်ဟု မှည့်ခေါ်ရသည့် တခြားအကြောင်းခံများကို တင်ပြရသော် ဤလတွင် ဗိုက်၏ ဆာလောင်ခြင်းနှင့် ရေဆာခြင်းတို့ကို ရိုဇာဖြင့် လောင်ကျွမ်းစေသောကြောင့် ရမဿွာန်ဟု မှည့်ခေါ်ရခြင်းဖြစ်သည်။ လောကီ၏အလိုရမ္မက်တို့ကို စွန့်လွှတ်ကာ အာခိရသ်အတွက် ကျိုးပမ်းအားထုတ်ခြင်းဖြင့် ပြစ်မှုဒုစရိုက်တို့ကို လောင်ကျွမ်းစေလိုက်ခြင်းကြောင့် ရမဿွာန်ဟု မှည့်ခေါ်ရခြင်းဖြစ်သည်။ ထို့အပြင် အစ္စလာမ်မပေါ်ထွန်းမှီကာလက အရဗ်တို့သည် မိမိတို့ဓလေ့အတိုင်း လအမည်များကို ရှေ့တိုးနောက်ဆုတ်လုပ်၍ သတ်မှတ်လေ့ရှိကြသည်။ ထိုသို့ပြုရင်း ဤလသည် ပူပြင်းသည့်အချိန်တွင်ကျရောက်သောကြောင့် ရမဿွာန်ဟု မှည့်ခေါ်လိုက်ရခြင်း ဖြစ်ပေမည်။ အစ္စလာမ်၏ သတ်မှတ်မှုတွင်လည်း ရမဿွာန်ဟူသည် ပြစ်မှုဒုစရိုက်များကို လောင်ကျွမ်းစေခြင်း၊ အပြစ်ကျူးလွန်ချင်စိတ်တို့ကို ရှို့လိုက်ခြင်းဟူသည့် အဓိပ္ပါယ်ပင်ဖြစ်သည်။ ရမဿွာန်သည် အွမ္မသေမုဟမ္မဒီယာ၏ လမြတ်ဖြစ်ပေသည်။ ပြစ်ဒဏ်များမှ အထူးပင် လွတ်ငြိမ်းမှုပေးသည့်လ၊ ကုသိုလ်များကို ဆထက်တပိုး ပိုမိုတိုးပေးသောလမြတ် ဖြစ်ပေသည်။ သို့သာမက လပေါင်းတစ်ထောင်ထက် သာမြတ်လှသော ကဒရ်ဟူသည့် ညမြတ်မင်္ဂလာသည်လည်း ဤလ၏ညတစ်ညတွင် အပါအဝင်ဖြစ်သဖြင့် ထူးခြားမြင့်မြတ်မှုကား စာဖွဲ့မကုန်နိုင်အောင်ပင် ဖြစ်ပေသည်။ လူ့လောက၏ သဘောတရားများအရ ကြည့်လျှင်လည်း ဤရမဿွာန်ဟူသည့်လတွင် တစ်လလုံး နေ့အချိန်ကို စားခြင်းသောက်ခြင်းမေထုံမှီဝဲခြင်းတို့မှ ရှောင်ကြဉ်ခြင်း၊ ဆင်းရဲသားများအပေါ်ကိုယ်ချင်းစာတရားထားရှိလာနိုင်ခြင်း၊ အစာအိမ်ကို အလွတ်ထားသောကြောင့် ကျန်းမာရေးတွင်လည်း အလွန့်အလွန်ကို အထောက်အကူဖြစ်စေခြင်း စသည့်ကောင်းခြင်းများ ရှိပေသည်။

(၁ဝ)။ ရှောက်ဝါလုလ်မုကရ်ရမ်
အစ္စလာမ့်နှစ်၏ ဒဿမမြောက် (ဆယ်လမြောက်) လဖြစ်ပေသည်။ ရှောက်ဝါလ်၏ အဘိဓာန်အဓိပ္ပါယ်မှာ မြင့်မားခြင်း၊ သီးခြားစီဖြစ်ခြင်း၊ ခြောက်သွေ့သွားခြင်းဟု ဖြစ်သည်။ ဤလကို ရှောက်ဝါလ်ဟု အမည်မှည့်ရခြင်းမှာ အရဗ်တို့သည် အပန်းဖြေလေညှင်းခံထွက်ရန်၊ အမဲလိုက်တောကစားထွက်ရန်အတွက် မိမိတို့အိမ်များမှထွက်ခွာသွားသောကြောင့် ရှောက်ဝါလ်ဟုခေါ်ဆိုခြင်း ဖြစ်ပေသည်။ ကုလားအုတ်မများ၏ နို့အုံမှ နို့များခြောက်သွေ့ခြင်းသည်လည်း ဤလတွင်ဖြစ်သလို၊ အရဗ်တို့ကိုယ်တိုင်ကလည်း အမဲလိုက်ထွက်ရန် တောများသို့ထွက်ခွာခြင်းကြောင့် နေအိမ်နှင့် တသီးတခြားစီဖြစ်သွားခြင်း၊ ထိုအကြောင်းခံနှစ်ခုကြောင့် ရှောက်ဝါလ်ဟု အမည်မှည့်ခြင်းဖြစ်သည်။ အစ္စလာမ်တွင် ရှောက်ဝါလ်၏ အလိုသဘောမှာ ဤလ၌ မုအ်မင်န်တို့၏ ပြစ်မှုဒုစရိုက်တို့ကို မယူလိုက်သည်။ ခွင့်လွှတ်မှုပြုပေးသည်ဟူသည့် အလိုသဘောဖြစ်ပေသည်။ ဤသို့ အပြစ်များမှခွင့်လွှတ်မှုရရှိခြင်းသည် ရမဿွာန်လမြတ်၏ ရိုဇာများကြောင့်သော်လည်းကောင်း၊ စွဒကာအေဖိသိရ်နှင့် အီဒွလ်ဖိသိရ်၏နမားဇ်တို့ကြောင့် ဖြစ်ပေသည်။ ရှောက်ဝါလ်ကို အီးဒ်လဟူ၍လည်း ခေါ်ဆိုသည်များရှိပေသည်။ ရှောက်ဝါလ်၏ ပထမဦးဆုံးနေ့တွင်ပင် အီဒွလ်ဖိသိရ်ကျရောက်ပေသည်။ ရှောက်ဝါလ်သည်လည်း မင်္ဂလာရှိသောလမြတ်တစ်ခုပင် ဖြစ်ပေသည်။

(၁၁)။ ဇွလ်ကအ်ဒဟ်
အစ္စလာမ့်နှစ်၏ ဧကဒဿမမြောက် (ဆယ့်တစ်လမြောက်) လဖြစ်ပေသည်။ ဤလသည် အရ်ှဟိုရေဟိုရွမ် မြင့်မြတ်သည့်လ လေးလအနက်မှ ဒုတိယမြောက်လဖြစ်ပေသည်။ ဤအမည်ထားရခြင်း၏ အကြာင်းခံမှာ ဤလတွင် စစ်တိုက်ခြင်း၊ သတ်ဖြတ်ခြင်းတို့သည် ဟရာမ် မပြုပိုင်ခြင်းကြောင့် အရဗ်တို့သည် စစ်တိုက်ခြင်းရပ်နား၍ မိမိတို့အိမ်များ၌သာ နေထိုင်ခြင်းအမှုကို ပြုပေသည်။ ကအ်ဒဟ်၏ အဓိပ္ပါယ်မှာ ထိုင်ခြင်းဟူ၍ ဖြစ်သည်။ စစ်တိုက်ခြင်းရပ်နား၍ အိမ်များတွင်သာနေထိုင်သောကြောင့် ဇွလ်ကအ်ဒဟ်ဟု အမည်မှည့်ခေါ်ခြင်း ဖြစ်ပေသည်။

(၁၂)။ ဇွလ်ဟဂ်ျဂျဟ်
အစ္စလာမ့်နှစ်၏ ဒွါဒဿမမြောက် (ဆယ့်နှစ်လမြောက်) လဖြစ်ပေသည်။ အဘိဓာန်၏ အလိုသဘောကို ဆိုရသော် ဇွလ်ဟဂ်ျဂျဟ် - ဟုဖတ်လျှင် ဟဂ်ျလကိုဆိုလိုသည်။ ဟိဂ်ျဂျဟ် - ဟာကို ဇေရ်ဖြင့်ဖတ်လျှင် နှစ်ကုန်သည့်လကို ဆိုလိုသည်။ အစ္စလာမ်နှစ်၏ တစ်နှစ်တာကာလအဆုံးသတ်သည့် လဖြစ်ပေသည်။ တချို့ ဇိလ်ဟဂ်ျဂျဟ် (ဇာ-ယာ)ဖြင့် ဖတ်သည်။ ထိုသို့ဖတ်လျှင် ဟဂ်ျတစ်ကြိမ်ပြုခြင်း ဟူသည့် အဓိပ္ပါယ်ဖြစ်သည်။ တစ်နှစ်ပတ်လုံးတွင် ဤလတစ်တည်း၌သာ ဟဂ်ျပြုနိုင်ပြီး ပြုခဲ့လျှင်လည်း တစ်ကြိမ်သာပြုနိုင်ခြင်းကို ဆိုလိုပေသည်။ ဟဂ်ျ၏ အဓိပ္ပါယ်မှာ ရည်ရွယ်ခြင်း၊ ရည်စူးခြင်းဟု ဖြစ်ပေသည်။ ဟာဂျီတို့သည် ဤလတွင် ကအ်ဗာကိုဖူးမြော်ရန်ကိုသာ ရည်စူး၍ သွားကြပေသည်။ ဤသည်နှင့် ဆက်စပ်၍ ဇိလ်ဟဂ်ျလဟုလည်း ခေါ်ဆိုကြပေသည်။ ဤလသည် အရ်ှဟိုရေဟိုရွမ် မြင့်မြတ်သည့်လ လေးလအနက်မှ တတိယမြောက်လဖြစ်ပေသည်။ စစ်တိုက်ခြင်း သတ်ဖြတ်ခြင်းများကို ဟရာမ်အဖြစ် သတ်မှတ်ထားသောလ ဖြစ်ပေသည်။ ဇွလ်ဟဂ်ျတွင် အစ္စလာမ်၏ ပဉ္စမမြောက်မဏ္ဍိုင်ဖြစ်သော ဟဂ်ျပြုခြင်းဟူသည့် အင်မတန်မြင့်မြတ်လှသည့် ကျင့်စဉ်နှင့် အလ္လာဟ်အတွက် စွန့်လွှတ်ကာ အလ္လာဟ်အရှင်နှင့် နီးစပ်မှုရယူသည့် ကုရ်ဗာနီဟူသည့် ကျင့်ဆောက်တည်မှုတို့ ရှိသည့် လမြတ်တစ်လဖြစ်ပေသည်။ ထို့အတူ ထူးမြတ်မှုနှင့် အကျိုးထူးများရှိသော လတစ်လလည်း ဖြစ်ပေသည်။

ဤတွင် အစ္စလာမ့်ဆယ့်နှစ်လ၏ အဓိပ္ပါယ်နှင့် အလိုသဘောတို့ ဖော်ပြပြီးဖြစ်ပေသည်။ ယခု မှတ်သားရမည့်အရာတစ်ခုကို ပြောပြရသော် မုစ်လင်မ်တို့တွင် လအမည်များ နေ့အမည်များကို လူ၏အမည်နာမအဖြစ် မှည့်ခေါ်သည့် ဓလေ့တစ်ခုရှိပေသည်။ ပမာဆိုသော် ရှအ်ဗာန်ဘီ၊ ရမဇာန်ဘီ၊ ရမဇာန်ဘိုင်၊ ဂျွမ်မာဘီစသည်ဖြင့် ထားကြသည်။ ဤသို့အမည်မှည့်ခေါ်ခြင်းမှာ မှားပါသည်။ ယခုပင် ယင်းလများ၏ အဓိပ္ပါယ်ကို ဖော်ပြပြီးဖြစ်သဖြင့် မည်သို့အဓိပ္ပါယ်ကို ဖော်ဆောင်သည်ကို စဉ်းစားပါ။ ရမဇန်ဘီဟုထားလျှင် လောင်ကျွမ်းစေသူ ရှို့သူဟု အဓိပ္ပါယ်ထွက်နေမည်။ အစ္စလာမ့်၏သမိုင်းဝင်ခေါင်းဆောင်ပုဂ္ဂိုလ်ကြီးများ ဆွဟာဗီသခင်မကြီးများသည်လည်း ဤသို့ နေ့အမည် လအမည်များ ထားသည့်အလေ့အထမရှိခဲ့ပါ။ အစ္စလာမ့်ညွှန်ကြားမှုတွင်လည်း ယောကျာ်းလေးဆိုလျှင် နဗီများ၏ အမည်များ ဆွဟာဗာများ၏ အမည်များထားနိုင်သည်။ အမျိုးသမီးဆိုလျှင် တမန်တော်မြတ် ဆွလ္လလ္လားဟုအလိုင်းဟိဝစလ္လမ်၏ သမီးများ၊ ဇနီးများ ဆွဟာဗီများ၏ အမည်များထားနိုင်သည်။ လအမည် နေ့အမည်များထားပါဟု မပါရှိပါ။ မြန်မာဘာသာဖြင့် ပမာပြရလျှင် မတခူး၊ မောင်ကဆုန်၊ မတနင်္လာ၊ မသောကြာဟု ထားသူများမရှိပါ။ သို့သော် မုစ်လင်တို့အတွင်း၌ မရှအ်ဗာန်၊ မရမဇာန်များ မဂျွမ်မာများ ပေါင်းစုံရှိနေကြသည်။ ထို့ကြောင့် မိမိ၏အမည် မိမိနှင့် ပတ်သက်ဆက်နွယ်သူများတွင် ထိုသို့အမည်များ ရှိနေပါက တခြားအမည်ဖြင့် ပြောင်းပါ။ အစ္စလာမ်တွင် အမည်ပြောင်းရန်အတွက် ပွဲကြီးပွဲငယ်ပြုလုပ်ရန်မလိုအပ်သလို နေ့နာမ်ဂြိုလ်ခွင်များတွက်ချက်ပြီးမှ ထားရမည်ဟုလည်း မရှိပါ။ နီးစပ်ရာ အာလင်မ်တစ်ပါးထံတွင် အဓိပ္ပါယ်ကောင်းသည့် အမည်တစ်ခုကို ရွေးချယ်ပြီး မိမိအမည်အဖြစ်ထားလိုက်လျှင် လုံလောက်ပါသည်။ အမည်ပြောင်းခြင်းကို တမန်တော်မြတ်ကြီးကိုယ်တော်တိုင် ပြုလုပ်ပေးခဲ့သည်။ အဓိပ္ပါယ်မကောင်းသော အမည်များကို ကောင်းသောအဓိပ္ပါယ်ရှိသည့် အမည်များဖြင့် ပြောင်းလဲသတ်မှတ်ပေးတော်မူခဲ့ပါသည်။ သတိပြုရမည်မှာ ယနေ့ခေတ်တွင် ဖက်ရှင်ရောဂါဝင်၍ အမည်များကိုပါ ဖက်ရှင်ကျကျလိုက်ရှာရင်း တိရိစ္ဆာန်အမည်များ၊ ရုပ်ရှင်မင်းသား၊ မင်းသမီးအမည်များကို မှည့်ခေါ်နေကြသည်။ ဤသည်မှာလည်း မှားယွင်းမှုတစ်ခုဖြစ်ပါသည်။ အမည်ထားပါက နဗီများ၊ ဆွဟာဗာ၊ ဆွဟာဗီများ၏ အမည်များကို ထားကြရန် အထူးတိုက်တွန်းအပ်ပါသည်။

အလ်မုဖီးဒ်
ဟိဂျရီ ၁၄၃၇/ ဆွဖရ်/ ၅/ ယောင်မုလ်အရ်ဗာအ်
၁၈/ ၁၁/ ၂ဝ၁၅/ ဗုဒ္ဓဟူး

အလ်မုဖီးဒ် Link များ
Website: http://aaitee.blogspot.com
Facebook: http://www.facebook.com/almufeed.mm
Email: haroonrangoni@gmail.com
google တွင်ရှာရန် “ အလ်မုဖီးဒ် ” ဟု မြန်မာလိုရိုက်၍ရှာပါ။
မိမိဖုန်းထဲတွင် ပြန်လည်ဖတ်ရှုရန် သိမ်းထားလိုပါက Simple Islam.apk ဖိုင်ကို ဒေါင်းလုတ်ဆွဲပြီး Install လုပ်ထားပါ။

သူတော်စင်တစ်ပါးနှင့် ပတ္တမြား

တစ်နေ့တွင် သူဌေးကြီးတစ်ယောက်သည် သူတော်စင်တစ်ပါးထံသို့ လွန်စွာတန်ဖိုးကြီးသော ပတ္တမြားတစ်လုံးကို လက်ဆောင်အဖြစ် ပို့ပေးလိုက်သည်။ တပည့်ဖြစ်သူက သူတော်စင်အား ထိုအကြောင်းပြောပြရာ သူတော်စင်က အလ်ဟမ်ဒုလိလ်လာဟ် ဟုဆိုလေ၏။ ၎င်းနောက် ပတ္တမြားကို သိမ်းဆည်းထားရန်အတွက် အမိန့်ရှိလိုက်သည်။
သို့ပါ၍ တပည့်ကလည်း သူတော်စင်၏အမိန့်အတိုင်းပင် ထိုပတ္တမြားကို ကောင်းမွန်စွာ သိမ်းဆည်းထားခဲ့၏။
တစ်နေ့တွင် မမျှော်လင့်ဘဲ သူခိုးတစ်ယောက်က ၎င်းပတ္တမြားကို ခိုးယူသွားရာ တပည့်က သူတော်စင်အား ပတ္တမြားပျောက်ဆုံးသွားကြောင်း ပြောပြ၏။ ထိုအခါတွင်လည်း သူတော်စင်က အလ်ဟမ်ဒုလိလဟ်ဟု ဆိုလေ၏။
တပည့်ဖြစ်သူက သူတော်စင်ကြီးအား ပတ္တမြားနှင့်ပတ်သက်သည့် အခြေအနေနှစ်မျိုးစလုံးအပေါ် အဘယ့်ကြောင့် အလ်ဟမ်ဒုလိလ်လဟ် ဆိုခဲ့ပါသနည်းဟု မေးမြန်းလေ၏။ ထိုအခါ သူတော်စင်ကြီးက ...
ကျွန်ုပ်သည် ပတ္တမြားလက်ဆောင်ရခြင်းနှင့် ၎င်းပတ္တမြားပျောက်ဆုံးသွားခြင်းအပေါ် အခြေခံ၍ အလ်ဟမ်ဒုလိလ်လဟ် ဆိုခဲ့သည်မဟုတ်ပါ။ အလ်ဟမ်ဒုလိလ်လဟ်ဆိုရခြင်း၏ အဓိကအကြောင်းအရင်းမှာ ကျွန်ုပ်သည် ပတ္တမြားကိုလက်ဆောင်ရသောအခါ မိမိ၏ စိတ်နှလုံးသားက ဝမ်းသာလာသည်ကို မတွေ့ရပါ။ ထို့အတူပင် ၎င်းပတ္တမြားအခိုးခံရသောအခါတွင်လည်း မိမိစိတ်နှလုံးသား၏ ဝမ်းနည်းမှုကို မတွေ့ရပါ။ ထို့ကြောင့် အလ်ဟမ်ဒုလိလ်လဟ် ရွတ်ဆိုခဲ့ရခြင်း ဖြစ်ပါသည်။ ... ဟု မိန့်ကြားခဲ့လေသတည်း။

မှတ်သားဖွယ်
စစ်မှန်သော အလ္လာဟ်အချစ်တော်များ၏ အခြေအနေမှာ ဤအတိုင်းပင်ဖြစ်ပါသည်။ နောင်တမလွန်၏ သောကရှင် အလ္လာဟ်အချစ်တော်များသည် လောက၏ပစ္စည်းများအပေါ် စိတ်မက်မောမှု မထားရှိကြပေ။
လောက၏ စည်းစိမ်ရရှိခြင်းနှင့် ဆုံးရှုံးသွားခြင်းကြောင့် ၎င်းတို့၏ နှလုံးသားများတွင် တုန်လှုပ်ခြင်း လုံးဝမရှိပေ။ တည်ငြိမ်စွာပင်ရှိနေသည်။ ထိုသို့ရှိနေခြင်းကပင် နှစ်ဌာနအောင်မြင်မှု၏ အကြောင်းခံဖြစ်ပေသည်။

{မော်လာနာအဗ်ဗါးစ်ကာစေမီ ရေးသားပြုစုသော ချစ်ဆွေများအတွက် အသိပညာပေး ပုံပြင်လက်ဆောင်စာအုပ်မှ ကူးယူတင်ဆက်ပါသည်။}

အလ်မုဖီးဒ်
ဟိဂျရီ ၁၄၃၇/ စွဖရ်/ ၁၇/ ယောင်မုလ်အိစ်နိုင်န်
30-11-2015 တနင်္လာနေ့

သပ်​စ်​​ဗီဟ်​

မြတ်​န​ဗီပြသခဲ့သည့်​ မိုအာရှရသ်​

ကမ္ဘာပေါ်တွင် အသက်ရှင်ပြီးသည့်နောက် နေထိုင်ရာတွင် လူတို့နှင့် နေ့စဉ်နှင့်အမျှ ကူးလူးဆက်ဆံနေရပေသည်။ ကမ္ဘာကြီးသည် လူသားများ တစ်ဦးနှင့် တစ်ဦးတွေ့ဆုံခြင်းဖြင့် သာယာနေသည်။ အစ္စလာမ်သည် အပြည့်ဝဆုံးနှင့် အကောင်းဆုံးသော ပေါင်းသင်းဆက်ဆံရေးကို ညွှန်ကြားထားသည့် ဘာသာတရား ဖြစ်သည်။ အစ္စလာမ်သာသနာတွင် ယင်းသို့ လူသားအချင်းချင်း ပေါင်းသင်းဆက်ဆံရမည့် နည်းစနစ်ကို နောက်ဆုံးနဗီချုပ်ကြီး မုဟမ္မဒ် ဆွလ္လလ္လားဟု အလိုင်းဟိဝစလ္လမ်က မိမိ၏ ဘဝသက်တမ်းတစ်လျှောက်တွင် ပြည့်ဝစွာ ကျင့်သုံးပြခဲ့ပေသည်။ ထို့ကြောင့် မြတ်တမန်တော်၏ စရိုက်သွင်ပြင်လက္ခဏာတော်များအနက်မှ မုအာရှရသ်ဟုခေါ်တွင်သည့် လူမှုဆက်ဆံရေး၏ ပုံစံကို လေ့လာဖတ်ရှုပြီး ကျွန်ုပ်တို့ပြုပြင်သင့်သည်များကို တမန်တော့်​ဖဝါး ခြေရာထပ်ကာ ပြုပြင်ပြောင်းလဲကြပါစို့ ....။
{ အလ်မုဖီးဒ် }

တမန်တော်မြတ် ဆွလ္လလ္လာဟုအလိုင်းဟိဝစလ္လမ် ၏ ပေါင်းသင်းဆက်ဆံရေး

တမန်တော်မြတ်၏ မေတ္တာတရားကို မဖေါ်ပြမီ၊ ဥပမာအားဖြင့် တင်ပြရလျှင် တမန်တော်မြတ်နှင့် ပြောဆိုဆက်ဆံဖူးသူတိုင်းသည် တမန်တော်မြတ်၏ စေတနာသုံးတန်တရားများကို ငါရရှိသည်ထက် မည်သူကမှပိုမို၍ မရရှိပါဟု လူတိုင်း ကိုယ်စီကိုယ်စီ ခံစားကြရသည်။ တမန်တော်မြတ်သည် နှလုံးတော် အထူးနူးညံ့ပျော့ပြောင်း၍ စိတ်နှလုံးရွှင်ပြတော်မူသည်။ တွေ့ဆုံသူတိုင်းနှင့် အမြဲပြုံးရွှင်စွာ ဆက်ဆံတော်မူသည်။ ယင်းအကြောင်းအရာကို မည်သည့်အရာနှင့်မျှ ခိုင်းနှိုင်း၍ပင် မပြနိုင်ပေ။ တမန်တော်မြတ်သည် မိမိအပေါင်းအဖော်များအား အမြဲဂုဏ်ပေးလေ့ရှိသည်။ အနစ်နာလည်း ခံလေ့ရှိသည်။ သာသနာ့ပညတ်တော်အပြင် မည်သူ၏ စိတ်ကိုမျှ ထိခိုက်ညစ်ညူးအောင် မပြုလုပ်ခဲ့။ ဧည့်သည်ပြန်ခွင့်မတိုင်သည့်တိုင် မတ်တပ်ရပ်ခြင်း မပြုပေ။ သို့သော် အကြောင်းတစ်စုံတစ်ရာရှိခဲ့လျှင် ခွင့်ပန်လေ့ရှိသည်။ ထိုင်ဝိုင်း၌ မည်သည့်အခါမှ ခြေတော်ဆင်း၍ မထိုင်၊ ဝင်လာသူများအတွက် နေရာချဲပေးလေ့ရှိသည်။ အနေအထိုင်၌ သီးခြားဂုဏ်ဒြပ်ကို မရယူခဲ့။ အပေါင်းအဖေါ်များထက် အခွင့်၊ အသာယူခြင်းမရှိဘဲ ရောရောနှောနှော နေထိုင်တော်မူလေ့ရှိသည်။ ထည်ဝါထင်ပေါ်အောင် ဦးထိပ်နေရာကို မရယူခဲ့။ ရသည့်နေရာ၌ ထိုင်ချတော်မူလေ့ရှိသည်။ ဖြစ်ရန်တန်ရန် အချိန်အခါမျိုးတွင် (ထိုက်တန်သည့် နေရာဌာနအတွက်) ကောင်းမျိုးကောင်းထည် အဝတ်အစားများကိုလည်း ဝတ်ဆင်တော်မူလေ့ရှိသည်။ ဆက်သခြင်းများကိုလည်း ပြုတော်မူလေ့ရှိသည်။ တမန်တော်မြတ်အား ရုတ်ချည်းတွေ့မြင်သူအပေါ် ခန့်ညားမှု၏ အရှိန်အဝါသည် မုချလွှမ်းမိုးသွားလေ့ရှိသည်။ သို့သော်လည်း စကားပြောဆိုလေလေ၊ ရင်းနှီးလေလေ၊ အချစ်ပိုလေဖြစ်ပြီး စွဲမက်သွားလေသည်။

တမန်တော်မြတ်သည် တစ်ခါတစ်ရံ ဟာသဉာဏ်ကိုလည်း ရွှင်တော်မူလေ့ရှိသည်။ ကြံဖန်ထွင်ထားသော လင်္ကာချောရန် မုသားနှောသော စကားလည်း မဟုတ်ချေ။ အကြည်တော် ဆွဟာဗဟ်ကြီးများသည် အပေါင်းအဖေါ်များနှင့် အမိုက်ခေတ်၏ အဖြစ်အပျက်ကို ပြောဆိုသော် တမန်တော်သည် ငြိမ်သက်စွာ နားထောင်တော်မူလေသည်။ ၎င်းတို့၏ ရယ်ရွှင်ဖွယ်စကားများအပေါ် တမန်တော်မြတ်လည်း ပြုံးတော်မူလေသည်။ ထို့နောက် တမန်တော် မိန့်ကြားတော်မူလျှင် အားလုံးမှ တိတ်ဆိတ်လျှက် နားထောင်ကြလေသည်။ တမန်တော်မြတ်သည် တစ်ဦးတစ်ယောက်နှင့် တွေ့ဆုံသောအခါ ဦးစွာစလာမ်ပြုလေသည်။ မိမိအဖော်များ၏ ကျန်းမာရေးကို မေးမြန်းတော်မူလေသည်။ အကယ်၍ တစ်ဦးတစ်ယောက်နာမကျန်းဖြစ်နေသော် ကျန်းမာရေးမေးမြန်းရန် ၎င်းအိမ်ကို ကိုယ်တိုင်ကြွသွားတော်မူလေ့ရှိပေသည်။ အကယ်၍ တစ်ဦးတစ်ယောက်သည် ခရီး၌ရှိသော် ၎င်းအတွက် ဆုမွန်ကောင်းတောင်းခံတော်မူသည်။ အကယ်၍ တစ်ဦးတစ်ယောက်၌ စိတ်သောက ရှိနေသော် အားပေးစကားပြောပေးလေ့ရှိ၏။ တစ်ဦးတစ်ယောက်၏ မေ့မှားမှုအပေါ်၌ ဝန်ချတောင်းပန်ခဲ့လျှင် လက်ခံတော်မူလေ့ရှိသည်။တမန်တော်မြတ်၏ တရားဓမ္မစင်၌ ဆင်းရဲ၊ ချမ်းသာ လူဟူသမျှတို့သည် တပြေးညီသာ ဖြစ်ပေ၏။
(( မော်လာနာအဗူဗက္ကရ်ဆွာဟိဗ်(ရမသွလ္လာဟ်အလိုင်းဟ်) ပြန်ဆိုရေးသားသည့် အစ္စလာမ့်သမိုင်းကျမ်းမှ ပြန်လည်တင်ပြသည်။ ))

အလ်မုဖီးဒ်

ဆုံးမစကားနှစ်​ခု

မုစ်လင်မ်အချင်းချင်း ဆက်ဆံရာ၌ ကျိုးနွံခြင်း၊ မိမိကိုယ်မိမိ နှိမ့်ချခြင်းမရှိလျှင် စာနာခြင်းနှင့် သွေးစည်းညီညွတ်ခြင်းလည်း ရှိတော့မည် မဟုတ်။
{ဟဇရသ်ထာနဝီ}
မုစ်လင်မ်များအတွင်း၌ "ငါသာမှန်သည်" "ငါသာတတ်သည်" ဟူသောသူမျိုးနှင့် တွေ့ကြုံလာတတ်သော သဘောထားကွဲလွဲမှုများအား မျက်နှာချင်းဆိုင် ဖြေရှင်းခြင်းအားဖြင့် ညီညွတ်မှု မရနိုင်၊ ညီညွတ်မှုရနိုင်မည့် တစ်ခုတည်းသောနည်းလမ်းမှာ ဆွဗရ် သည်းခံလိုက်ခြင်းသာ ဖြစ်၏။
{မော်လာနာဝဟီဒုဒ်ဒီးန်}
သူတော်စင်များ၏ မှတ်သားဖွယ်ကောင်းသော ဆုံးမစကားပေါင်းတစ်ရာ' စာအုပ်မှ ကောက်နှုတ်တင်ဆက်သည်။
~ အလ်မုဖီးဒ် ~

ဂျွမ္မအာလက်​​ဆောင်​ (၇)

ဆုံးမစကားနှစ်​ခု

အလ္လာဟ်ပေးသမျှ ရိုဇီရိက္ခာအပေါ် ရောင့်ရဲတင်းတိမ်ပါ။ နောင်တမလွန်သို့ အကြွေးပါမသွားစေနှင့်၊ မတရားပြုမှု၊ လိမ်လည်မှု၊ (ချေးထားခြင်း၊ ငှားထားခြင်း)၊ စသည်တို့ ပြုထားလျှင် တမလွန်၌ ထိုအရာတို့၏အစား မိမိ၏ကုသိုလ်များ ပေးဆပ်ရလိမ့်မည်။ မိမိတွင် ကုသိုလ်ပေးဆပ်စရာ မရှိလျှင် ထိုသူ၏ပြစ်ဒဏ်ကို အစားကျခံရလိမ့်မည်။ {အိမာမ်ရှာဖီအီ}
အလ္လာဟ်ချီးမြှင့်ထားသော နိအ်မသ်ကျေးဇူးတော်များအား ကျေးဇူးတော်ဟု စိတ်တွင်းမှ မှတ်ယူ၍ နှုတ်ဖြင့် အလ္လာဟ်အရှင်မြတ်အား ချီးမွမ်းပြောဆိုခြင်းနှင့် ယင်းကျေးဇူးတော်များအား ဒုစရိုက်လုပ်ငန်းများ၌ မသုံးစွဲခြင်းသည်ပင် ကျေးဇူးတင်ခြင်း (တစ်နည်းအားဖြင့်) ကျေးဇူးသိတတ်ခြင်းပင် ဖြစ်၏။ {ဟဇရသ်ထာနဝီ}
'သူတော်စင်များ၏ မှတ်သားဖွယ်ကောင်းသော ဆုံးမစကားပေါင်းတစ်ရာ' စာအုပ်မှ ကောက်နှုတ်တင်ဆက်သည်။
အလ်မုဖီးဒ်

ဒီမိုက​ရေစီစနစ်​နှင့်​ မဲ​ပေးခြင်း

၂ဝ၁၅ နိုဝင်ဘာလ ၈ ရက်နေ့တွင် မြန်မာနိုင်ငံ၏ ငါးနှစ်တစ်ကြိမ် ကျင်းပသည့် ရွေးကောက်ပွဲ ကျင်းပမည်ဖြစ်ရာ အသက် ၁၈ နှစ် ပြည့်ပြီးသူ နိုင်ငံသားတိုင်း မိမိတို့နှစ်သက်သည့် လူပုဂ္ဂိုလ်များကို လွှတ်တော်အမတ်အဖြစ် ဆန္ဒမဲပေး ရွေးချယ်ရမည်ဖြစ်သည်။ ထို့ကြောင့် မဲဆန္ဒပေးခြင်းဆိုင်ရာ အသိပညာများကို အလ်မုဖီးဒ်မှ တင်ဆက်လိုက်ပါသည်။

၁။ ဒီမိုကရေစီစနစ်
သက်ဦးဆံပိုင် ဘုရင်အုပ်ချုပ်ရေးစနစ်တွင် အာဏာရှိသူ ဘုရင်က တရားမဲ့ အာဏာကျင့်သုံးခြင်း၊ ဘက်လိုက်ခြင်း၊ မိမိ မလိုလားသူများကို သုတ်သင်ရှင်းလင်းခြင်း၊ မိမိ လိုလားသူများကို မြှောက်စားခြင်း စသည့် အလွဲသုံးစားပြုလုပ်မှုများကြောင့် ဥရောပတွင် ဘုရင်စနစ်ကို တော်လှန်သည့် တော်လှန်ရေးများ ပေါ်ပေါက်ခဲ့သည်။ နောက်ဆုံးရလဒ်မှာ ဒီမိုကရေစီစနစ် ဖြစ်သည်။ ဒီမိုကရေစီကို (Government by the People) ပြည်သူ့အုပ်ချုပ်ရေးဟု အနီးစပ်ဆုံး ဘာသာပြန်နိုင်ပါသည်။ ဒီမိုကရေစီ ကျင့်သုံးသော နိုင်ငံအများစုတွင် သမ္မတစနစ်၊ ပါလီမန်စနစ်၊ အရောစနစ် ဟူ၍ သုံးမျိုးတွေ့ရသည်။ မြန်မာနိုင်ငံသည် ၂ဝဝ၈ ဖွဲ့စည်းပုံ အခြေခံဥပဒေအရ သမ္မတစနစ် ကျင့်သုံးသောနိုင်ငံဖြစ်သော်လည်း သမ္မတကို ပြည်သူက တိုက်ရိုက်ရွေးချယ်ခွင့် မရှိပေ။ (သမ္မတ ရွေးချယ်ပုံကို အပိုဒ် ၇ တွင် ဖော်ပြထားပါသည်။)

၂။ အာဏာနှင့် ဒီမိုကရေစီ
ဒီမိုကရေစီဘိုးအေနိုင်ငံတို့တွင် အုပ်ချုပ်ရေး (Executive) ၊ တရားစီရင်ရေး (Judicial) နှင့် တရားဥပဒေပြုရေး (Legislative) ဟူ၍ သုံးကန့်ခွဲပြီး အပြန်အလှန် ထိန်းညှိခြင်း (Check and Balance) ဖြင့် အာဏာကို စိတ်ကြိုက်အသုံးမပြုမိစေရန် ဖွဲ့စည်းပုံအခြေခံဥပဒေဖြင့် ချုပ်ကိုင်ထားသည်ကို တွေ့ရသည်။ (((ပြည်သူက ရွေးချယ်သော လွှတ်တော်အမတ်များ (ရွေးကောက်ပွဲ စနစ်အရ အနိုင်ရပါတီ သို့မဟုတ် ညွန့်ပေါင်းဖွဲ့နိုင်သော အုပ်စု)က တရားဥပဒေပြုရေးနှင့် အုပ်ချုပ်ရေး (အစိုးရဖွဲ့စည်းရေး) ကို ဆောင်ရွက်ရပြီး တရားရုံးချုပ်နှင့် တရားရုံးများက တရားစီရင်ရေးကို ဆောင်ရွက်ရပါသည်။ ၎င်းတို့သည် အပြန်အလှန် စောင့်ကြည့် ထိန်းကျောင်းပါသည်။)))

၃။ ဒီမိုကရေစီနှင့် ရွေးကောက်တင်မြှောက်ခြင်း
အသက်ပြည့်သော နိုင်ငံသားအားလုံး လွှတ်တော်ထဲဝင်ထိုင်ပြီး နိုင်ငံ့အရေးများကို ဆုံးဖြတ်ရန် မဖြစ်နိုင်သဖြင့် ဒေသကိုယ်စားပြု ကိုယ်စားလှယ်များကို ရွေးချယ်ပေးရပြီး ထိုသူတို့ကို လွှတ်တော်အမတ် (Member of Paliment) ဟု ခေါ်ပါသည်။ လွှတ်တော်အမတ် ရွေးကောက်တင်မြှောက်ရန် ဝင်ရောက်ယှဉ်ပြိုင်ခြင်းနှင့် ပြည်သူတို့က ဆန္ဒမဲပေးခြင်းးကို ရွေးကောက်ပွဲကျင်းပသည်ဟု ခေါ်ပြီး ရွေးကောက်ပွဲကို ကမကထပြု ကျင်းပပေးသူကို ရွေးကောက်ပွဲ ကော်မရှင်ဟုခေါ်ပါသည်။

၎။ နိုင်ငံရေးပါတီများနှင့် မဲပေးရွေးချယ်ခြင်း
မိမိတို့ နှစ်သက်သော လမ်းစဉ်နှင့် ခံယူချက်တူသူများစုပေါင်းကာ နိုင်ငံရေးပါတီများ တည်ထောင်ကြသည်။ ပါတီတစ်ခုတွင် မူဝါဒရှိသည်။ လမ်းစဉ်ရှိသည်။ တိုင်းပြည်တိုးတက်အောင် ပြုလုပ်ရန် စီမံကိန်းရှိသည်။ ထိုလမ်းစဉ်များနှင့် စီမံကိန်းများကို ချပြကာ စည်းရုံးကြသည်။ လူထုက မိမိတို့ အနှစ်သက်ဆုံးပါတီ၏ အမတ်များကို မဲထည့်ကာ မိမိတို့ဒေသ၏ ကိုယ်စားလှယ်အဖြစ် ရွေးချယ်ကြသည်။ ယနေ့ မြန်မာနိုင်ငံ၏ ရွေးကောက်ပွဲ စနစ်မှာ မဲအများဆုံးရသူ အမတ်ဖြစ် စနစ်ဖြစ်သောကြောင့် မဲပေးခွင့်ရသူတိုင်း မဲထည့်ရန်လိုအပ်သည်။ မဲပေးခွင့်ရှိလျက် မဲစာရင်းမှာ မပါက မဲပေးခွင့်ရရန် ကြိုးပမ်းရမည်။ ဒါမှ မိမိကြိုက်သောပါတီကို ရွေးချယ်နိုင်မှာဖြစ်သည်။ တခါတရံ မိမိ၏ တစ်မဲသည် မိမိနှစ်သက်သောပါတီ အနိုင်ရဖို့ အဆုံးအဖြတ် ဖြစ်တတ်သည်။

၅။ အာဏာရသူ၏ ဥပဒေနှင့် အာဏာမဲ့သူ၏ ရပိုင်ခွင့် (Majority Rule and Minority Rights)
ဒီမိုကရေစီစနစ်မှာ အများညီလို့ မတရား မဖြစ်စေဖို့ အနည်းစုရပိုင်ခွင့်များကို ကာကွယ်ရန် အနည်းစုတွင် လုပ်ပိုင်ခွင့်များ ပေးအပ်ထားသည်။ မြန်မာနိုင်ငံတွင် မဲဆန္ဒနယ်တိုင်းအတွက် အနည်းစု(ရှိပါက) အမတ် (တိုင်းရင်းသားကိုယ်စားလှယ်) ရွေးချယ်ခွင့်ပြုထားသည်။ တိုင်းပြည်နှင့် ယှဉ်လျှင် လူနည်းစု ဖြစ်သူများအတွက်လည်း ပါတီထောင်ခွင့်နှင့် ရွေးချယ်ခံခွင့် ပြုထားသည်။ ထိုလူနည်းစုပါတီများကို မဲပေးခြင်းနှင့် မပေးခြင်းသည် လူနည်းစုတို့၏ နိုင်ငံရေးဖြစ်သည်။ (ဥပမာ - ရှမ်းပြည်နယ်တွင် ရှမ်းပါတီကို ရွေးချယ်ခြင်း၊ မွန်ပြည်နယ်တွင် မွန်ပါတီကို ရွေးချယ်ခြင်း ... စသည်ဖြင့်)

၆။ မြန်မာ့လွှတ်တော်များနှင့် ဆန္ဒမဲပြားအရေအတွက်
ဖွဲ့စည်းပုံ အခြေခံဥပဒေအရ ပြည်ထောင်စုအဆင့်တွင် အမျိုးသားလွှတ်တော်နှင့် ပြည်သူ့လွှတ်တော် ဟူ၍ လွှတ်တော်နှစ်ရပ်ရှိပြီး ထိုနှစ်ရပ်ပေါင်းကို ပြည်ထောင်စု လွှတ်တော်ဟု ခေါ်ပါသည်။ မဲပေးသည့်အခါ အမျိုးသားလွှတ်တော်အတွက် ဆန္ဒမဲတစ်ခု၊ ပြည်သူ့လွှတ်တော်အတွက် ဆန္ဒမဲတစ်ခု ပေးရမည်။ တိုင်းဒေသကြီး/ ပြည်နယ်အဆင့်တွင် တိုင်းဒေသကြီး/ ပြည်နယ် လွှတ်တော်ရှိပါသည်။ ထိုလွှတ်တော်အတွက် ဆန္ဒမဲတစ်ခုပေးရပါမည်။ မဲပေးခွင့်ရှိသူတိုင်း အနည်းဆုံး မဲဆန္ဒသုံးခု (အမတ်သုံးဦး) ရွေးချယ်ရပါမည်။ တိုင်းဒေသကြီး/ ပြည်နယ်အတွင်းရှိ လူနည်းစု စာရင်းဝင်ဆိုပါက တိုင်းရင်းသားကိုယ်စားလှယ် ဆန္ဒမဲတစ်ခု ထပ်မံ၍ ပေးရပါမည်။ လူနည်းစုသည် မဲဆန္ဒ လေးခု ပေးရမည်။ (ဥပမာ ကချင်ပြည်နယ်ရှိ ဗမာလူမျိုးများ၊ ရန်ကုန်တိုင်းရှိ ရခိုင်လူမျိုးများ ... စသည်ဖြင့်) ။ လွှတ်တော်၏ တာဝန်များမှာ များပြားသည်။ အဓိကတာဝန်မှာ ပြည်ထောင်စုအဆင့် ဆုံးဖြတ်ချက်များ ချမှတ်ခြင်း၊ ဥပဒေပြုခြင်းတို့ဖြစ်သည်။

၆။ လွှတ်တော်တွင်းရှိ အစုအဖွဲ့များ
မြန်မာ့ဖွဲ့စည်းပုံ အခြေခံဥပဒေ (၂၀၀၈) အရ လွှတ်တော်တိုင်းတွင် ရွေးကောက်တင်မြှောက်ခံ လွှတ်တော်ကိုယ်စားလှယ် အစုအဖွဲ့ (၇၅ ရာခိုင်နှုန်း) နှင့် ကာ/ချုပ်က အမည်စာရင်းတင်သွင်းသော တပ်မတော်သား လွှတ်တော်ကိုယ်စားလှယ် အစုအဖွဲ့ (၂၅ ရာခိုင်နှုန်း) ဟူ၍ နှစ်စုရှိသည်။

၇။ သမ္မတရွေးချယ်ပုံ
၂၀၀၈ အခြေခံဥပဒေအရ ဒုသမ္မတသုံးဦးကို ပြည်သူ့လွှတ်တော် ရွေးကောက်တင်မြှောက်ခံများမှ တစ်ဦး၊ အမျိုးသားလွှတ်တော် ရွေးကောက်တင်မြှောက်ခံများမှ တစ်ဦး၊ လွှတ်တော်နှစ်ရပ်လုံးရှိ တပ်မတော်သား ကိုယ်စားလှယ်များမှ တစ်ဦး ရွေးချယ်ပေးရမည်။ ဒုသမ္မတများသည် ရွေးကောက်တင်မြှောက်ခံ မဖြစ်လျှင်လည်းရသည်။ ထိုဒုသမ္မတ သုံးဦးထဲမှ သမ္မတတစ်ဦးကို မဲစနစ်ဖြင့် ပြည်သူ့လွှတ်တော်နှင့် အမျိုးသားလွှတ်တော် ကိုယ်စားလှယ် အားလုံးက ရွေးချယ်ရမည်။ ကျန်နှစ်ဦးသည် ဒုသမ္မတ တာဝန်ကို ထမ်းဆောင်ရမည်။ ထို့ကြောင့် ပညာရှင်များက ပြည်သူ့ထံတွင် သမ္မတ ရွေးကောက် တင်မြှောက်ခွင့် ၆၆.၇ ရာခိုင်နှုန်းပဲရှိသည်ဟု ဆိုသည်။

၈။ နိုင်ငံအုပ်ချုပ်ပုံ
၂၀၀၈ အခြေခံဥပဒေအရ နိုင်ငံတော်သမ္မတသည် ပြည်ထောင်စု အစိုးရအဖွဲ့ကို ဖွဲ့စည်းရမည်။ နိုင်ငံတော်သမ္မတသည် ပြည်ထောင်စု ဝန်ကြီးများကို ရွေးကောက်ခံများမှ ဖြစ်စေ၊ ရွေးကောက်ခြင်းမခံရသူများမှဖြစ်စေ ရွေးချယ်ပြီး ပြည်ထောင်စု လွှတ်တော်၏ သဘောတူညီမှုဖြင့် ခန့်အပ်နိုင်သည်။ ကာကွယ်ရေး၊ ပြည်ထဲရေးနှင့် နယ်စပ်ရေးရာ ဝန်ကြီးဌာနများ၏ ဝန်ကြီးများကိုမူ ကာ/ချုပ်ထံမှ တပ်မတော်သားများ၏ အမည်စာရင်းကိုရယူပြီး ခန့်ထားရမည်။

မိမိပေးသည့် ဆန္ဒမဲတစ်ခု အလုပ်လုပ်ပုံကို သိရှိပြီးပါက ကောင်းမွန်သော အစိုးရဖွဲ့စည်းနိုင်ဖို့ မှန်ကန်သော ရွေးချယ်မှုများ ပြုလုပ်နိုင်ပါစေဟု ဆန္ဒပြုလိုက်ပါသည်။

အလ်မုဖီးဒ်
ဟိဂ်ျရီ ၁၄၃၇၊ မုဟရ်ရမ်လ၊ ၂ဝ ရက်၊ ယောင်းမုဆ်ဆလာစ
3-11-2015 Tuesday

မီးတွင်းသွေးနှင့် ရောဂါသွေးအကြောင်း

မိမိတို့၏ မိတ်ဆွေများကို ဤလင့်မှ ရှဲပေးနိုင်ပါသည်။
https://www.facebook.com/almufeed.mm/posts/838958896224701:0

အမျိုးသမီးတို့သည် သားဖွားပြီးနောက် သွေးဆင်းသည်။ မဆင်းသည်လည်းရှိ၏။ ကိုယ်ဝန်ပျက်သည်လည်း ရှိ၏။ ထိုသို့သော အခြေအနေတို့၌ ဆင်းသက်လာသောသွေးတို့တွင် မည်သည့်သွေးသည် မီးတွင်းသွေးဖြစ်၍ မည်သည့်ပုံစံတွင် ရောဂါသွေးဖြစ်သည်ကို ဆက်လက်တင်ဆက်ပါမည်။ မီးတွင်းသွေးဟူသည် ရိုးရိုးမွေးသည်ဖြစ်စေ၊ ခွဲမွေးသည်ဖြစ်စေ အားလုံး၌ အကျုံးဝင်ပါသည်။
မီးတွင်းသွေးကို နိဖှားစ်ဟုခေါ်၍ မီးတွင်းသွေးဆင်းသူကို နုဖှာစာဟု ခေါ်ပါသည်။

၁။ မီးတွင်းသွေးဆင်းခြင်း၏ အများဆုံးကာလသတ်မှတ်ချက်မှာ ရက်ပေါင်း ၄ဝဖြစ်သည်။ မီးတွင်းသွေးဆင်းခြင်း၏ အနည်းဆုံးကာလအတွက် သတ်မှတ်ချက်မရှိပါ။ သွေးတစ်စက် နှစ်စက်လည်း ဖြစ်နိုင်သလို နာရီပိုင်းမျှ မိနစ်ခန့်မျှနှင့်လည်း ပြီးတတ်ပါသည်။ ထို့ကြောင့် သွေးဆင်းခြင်း ရပ်ဆိုင်းသွားလျှင် ရေချိုး၊ သန့်စင်မှုရယူ၍ နမားဇ်ဖတ်ရမည်။ ကလေးမွေးပြီးသည်နှင့် ရက်လေးဆယ်ပြည့်သည်အထိ စောင့်ဆိုင်းရမည်ဟူ၍ မရှိပါ။ (အယူအဆအမှားများကို အောက်တွင် ဆက်လက်ဖော်ပြပါမည်။ အင်န်ရှာအလ်လာဟ်)

၂။ ကလေးသည် တစ်ဝက်၊ တစ်ဝက်ထက်ပို၍ထွက်နေသည့်အချိန် သွေးဆင်းလျှင် မီးတွင်းသွေးဖြစ်သည်။ တစ်ဝက်မတိုင်ခင် သွေးဆင်းပါက ရောဂါသွေးသာ ဖြစ်သည်။

၃။ ကလေးမွေးပြီးနောက် သွေးလုံးဝမဆင်းခဲ့လျှင်လည်း သန့်ပြန့်စေရန်အတွက် ရေချိုးရန် ဝါဂျိဗ်(မပြုမနေရ) တာဝန်ဖြစ်ပါသည်။ သွေးဆင်းခဲ့သည်ရှိသော် သွေးဆင်းခြင်း၏ သတ်မှတ်ကာလပြည့်ချိန်မှ ရေချိုးရန် ဝါဂျိဗ်ဖြစ်မည်။

၎။ မီးတွင်းသွေးဆင်းရာ၌ ရက်ပေါင်းလေးဆယ်ထက် ကျော်လာလျှင် ထိုအမျိုးသမီးသည် ယခုမှ ကလေးမွေးသူဖြစ်ပါက ရက်လေးဆယ်အထိကို မီးတွင်းသွေးဟု သတ်မှတ်လိုက်ရမည်။ ကျန်ရှိရက်များတွင် ရောဂါသွေးဆင်းသည်ဟု မှတ်ယူမည်။ အမျိုးသမီးသည် ယခင်ကလည်း ကလေးမွေးဖူးသူ ဖြစ်ပါက သူ့၏မီးတွင်းသွေးဆင်းသည့် ပုံမှန်ရက်အရေအတွက်ကိုသာ မီးတွင်းသွေးဟု မှတ်ယူ၍ ကျန်ရက်တွင် ဆင်းသောသွေးတို့ကို ရောဂါသွေးဟု သတ်မှတ်မည်။
ဒုတိယပုံစံ၏ ဥပမာ ပထမကလေးမွေးပြီးနောက် ၂၅ရက် သွေးဆင်းသည်။ ယခုမွေးသောအခါ ရက်ငါးဆယ်သွေးဆင်းနေသည်ဆိုလျှင် သွေးစဆင်းသည့်နေ့မှစ၍ ၂၅ရက်အထိကို မီးတွင်းသွေးဟု သတ်မှတ်မည်။ ကျန်၂၅ရက်ကို ရောဂါသွေးဟု သတ်မှတ်မည်။

၅။ ကလေးမွေးဖူးသူအနေဖြင့် (ဥပမာ) ရက်ပေါင်း သုံးဆယ် မီးတွင်းသွေးဆင်းလေ့ရှိသည်။ သို့သော် ယခု ရက်သုံးဆယ်ထက် ပို၍ဆင်းနေသည်ဆိုလျှင် ရက်လေးဆယ်ပြည့်သည်အထိ စောင့်ဆိုင်းပါ။ (ချက်ချင်း ရေချိုးသန့်စင်ခြင်း မပြုလိုက်ပါနှင့်။) အကယ်၍ ရက်လေးဆယ်တွင် သွေးရပ်သွားလျှင် မီးတွင်းသွေးသာ ဖြစ်သည်။ ဤသို့မဟုတ်ဘဲ ရက်လေးဆယ် ကျော်သည်အထိ သွေးဆင်းနေလျှင် မိမိ၏ပုံမှန်ရက်ဖြစ်သော ရက်သုံးဆယ်အထိသာ မီးတွင်းသွေးဟု သတ်မှတ်၍ ကျန်ရက်များကို ရောဂါသွေးဟု မှတ်ယူရမည်။

၆။ ခြောက်လမပြည့်မီအတွင်း ရှေ့ဆင့် နောက်ဆင့် ကလေးမွေးခဲ့သည်ရှိသော် ပထမကလေးမွေးပြီးချိန် ဆင်းသောသွေးကိုသာ မီးတွင်းသွေးဟု မှတ်ယူမည်။ စည်းကမ်းချက်မှာ.... မွေးသည့်ကလေးနှစ်ဦးသည် ခြောက်လမပြည့်မီအတွင်းသာ ဖြစ်ရမည်။ ဥပမာ ပထမကလေးကို မွေးပြီးနောက် ရက်လေးဆယ် (သို့မဟုတ် မိမိ၏ မီးတွင်းသွေး ပုံမှန်ရက်အတိုင်း) သွေးဆင်းသည်။ ထို့နောက် သုံးလခန့်ခြား၍ နောက်ကလေးတစ်ဦး ထပ်မွေးလာခဲ့သည်။ ထိုအချိန်ဆင်းသောသွေးကို မီးတွင်းဟု မသတ်မှတ်ပါ။ ရောဂါသွေးတွင်သာ အကျုံးဝင်မည်။ ထို့အတူ ဆယ်ရက် ဆယ့်ငါးရက်ခြားမွေးလျှင်လည်း မီးတွင်းသွေးဆင်းရက်ကို ပထမကလေးမွေးပြီးချိန်မှ စတင်သတ်မှတ်သည်။
(မှတ်ချက်) ဒုတိယကလေးမွေးပြီးချိန်တွင် သန့်ပြန့်မှုအတွက် ရေချိုးရပေမည်။ ပြီးနောက် နမားဇ်၊ သိလာဝသ်များ စတင်ပြုလုပ်ရပါမည်။

၇။ ခြောက်လ၊ ခြောက်လကျော်မှ ဒုတိယကလေးမွေးလျှင် ကိုယ်ဝန်နှစ်ခုဟုသတ်မှတ်ပြီး မီးတွင်းသွေးသည်လည်း သီးခြားစီသာ ဖြစ်သည်။

၈။ ရက်လေးဆယ်မပြည့်မီ သွေးမလာတော့လျှင် ရက်လေးဆယ်ပြည့်သည်အထိ စောင့်ဆိုင်းရန် မလိုအပ်ပါ။ ရေချိုးသန့်စင်ပြီး နမားဇ်ဆောက်တည်ပါ။ ရေချိုးခြင်းတွင် ရေအေးမကိုင်နိုင်လျှင် ရေနွေးဖြင့်လည်း ချိုးနိုင်ပါသည်။ ရေနွေးပါမကိုင်နိုင်လျှင် သယမွမ်ပြု၍ နမားဇ်ဆောက်တည်ပါ။ မသန့်သည့်အဖြစ်နှင့်နေခြင်း၊ နမားဇ်လွှတ်ခြင်းများ မပြုပါနှင့်။

၉။ မီးတွင်းသွေးနှင့် ရာသီသွေး၏ ကြားကာလမှာ အနည်းဆုံး ၁၅ရက်ဖြစ်သည်။
၁ဝ။ မီးတွင်းသွေးဆင်းသည့်ကာလအတွင်း အဖြူမှအပ ကျန်အရောင်အားလုံးသည် မီးတွင်းသွေး၏ အရောင်များဖြစ်သည်။

ကလေးပျက်သည့်အချိန် ဆင်းသည့်သွေးအကြောင်း 
၁။ ပျက်ကျသည့်ကလေးသည် ခန္ဓာကိုယ်အစိတ်အပိုင်း တစ်ဝက်အထိ ပေါ်လွင်နေသည် ဖြစ်လျှင် ဆင်းသည့်သွေးသည် မီးတွင်းသွေးဖြစ်မည်။ ကလေးပျက်ကျသည်ဖြစ်စေ၊ ဖျက်ချသည်ဖြစ်စေ အမိန့်အတူတူပင်ဖြစ်သည်။ (ခန္ဓာကိုယ်အစိတ်အပိုင်း ပေါ်လွင်နေသည်ဟူသည့် သဘောမှာ လက်၊ ခြေများ၊ လက်သည်း၊ ဆံပင်စသည်တို့ ပေါ်လွင်နေခြင်းဖြစ်၏။)

၂။ ကိုယ်ဝန်ပျက်သည့်အချိန် သွေးတုံးသွေးခဲ၊ အသားတုံးများသာဖြစ်လျှင် ထိုပုံစံမျိုးတွင် ဆင်းသည့်သွေးသည် မီးတွင်းသွေးမဟုတ်ပါ။ ၎င်းသွေးသည် ရာသီသွေး၏ သတ်မှတ်မှုအတွင်း ဆင်းခဲ့လျှင် ရာသီသွေးဖြစ်မည်။ သို့မဟုတ် ရောဂါသွေးဖြစ်မည်။
ဥပမာ သုံးနေ့သုံးညအပြည့် သို့မဟုတ် ဆယ်ရက်တိုင်တိုင် ဖြစ်လျှင်သော်လည်းကောင်း၊ မိမိ၏ ပထမ ရာသီလာပြီးသည့်ကာလနှင့် ယခုဖြစ်စဉ်၏ ကြားကာလသည် ၁၅ရက်ပြည့်ပြီးလျှင်သော်လည်းကောင်း ထိုသွေးသည် ရာသီသွေးဖြစ်မည်။
ဤသို့မဟုတ်ပဲ သွေးဆင်းရက်သည် သုံးနေ့သုံးညထက် နည်းနေမည်။ သို့မဟုတ် ပထမရာသီလာပြီးသည့်ကာလသည် ဆယ့်ငါးရက်မပြည့်သေးလျှင် ယခုဆင်းသည့်သွေးသည် ရောဂါသွေးဖြစ်မည်။

၃။ ကိုယ်ဝန်မပျက်ကျခင်ကတည်းက သွေးဆင်းနေသည်။ သို့ဆိုလျှင် ပျက်ကျသည့်ကလေး၏ ခန္ဓာကိုယ်အစိတ်အပိုင်းများသည် တစ်ဝက်အထိပေါ်နေသည်ဆိုလျှင် ပထမဆင်းသည့်သွေးသည် ရောဂါသွေးအဖြစ် အကျုံးဝင်ပြီး ကလေးပျက်ပြီးမှ ဆင်းသည့်သွေးသည် မီးတွင်းသွေးဖြစ်မည်။

၎။ ကိုယ်ဝန်မပျက်ခင်ကတည်းက သွေးဆင်းနေသည်။ ကိုယ်ဝန်ပျက်ပြီးသည့်အခါ သွေးတုံးသွေးခဲများသာဖြစ်ခဲ့သည်။ သို့ဆိုလျှင် ကိုယ်ဝန်မပျက်မီ ဆင်းသည့်သွေးနှင့် ပျက်ပြီးမှ ဆင်းသည့်သွေးတို့သည် အမိန့်တစ်မျိုးတည်းဖြစ်ပါသည်။ ရာသီသွေး၏ သတ်မှတ်မှုနှင့် ကိုက်ညီလျှင် ရာသီသွေးဖြစ်မည်။ သို့မဟုတ် ရောဂါသွေးဖြစ်သည်။ (အမှတ်စဉ် ၂၏ ပုံစံနှင့် တူညီပါသည်။)

မီးတွင်းသွေး၏ အမိန့်
မီးတွင်းသွေးတွင်လည်း ရာသီသွေးကဲ့သို့ပင် နမားဇ်ဖတ်ခြင်းကို ရပ်ဆိုင်းပေးထားသည်။ ရိုဇာစောင့်ခွင့်မရှိ။ ထို့အတူ ဇနီးမောင်နှံ ပေါင်းသင်းဆက်ဆံခြင်း၏အမှုကို ပြုခွင့်မရှိပါ။ ကအ်ဗာကို သွဝါးဖ်ပြုခြင်း၊ ကုရ်အာန်ဖတ်ခြင်း၊ ကိုင်ခြင်းများ မပြုရပါ။
မီးတွင်းဆင်းနေသူ၊ ရာသီသွေးဆင်းနေသူတို့သည် နမားဇ်အချိန်ရောက်တိုင်း ဇိကိရ်၊ ဒရူးဒ်များ၊ ဒုအာများပြုရမည်ဖြစ်ပါသည်။ မိမိနမားဇ်ဖတ်သည့်အချိန်ခန့်မျှ ထိုင်လျှက် ဇိကိရ်ပြုရမည်။ ထိုသို့ပြုခြင်းသည် မုစ်သဟဗ်ဖြစ်သလို နမားဇ်နှင့် ဝေးသွားခြင်းကြောင့် သန့်ပြန့်သည့်အချိန်သို့ ပြန်ရောက်သည့်အခါ နမားဇ်ဖတ်ရန် ပျင်းနေမည်လည်း မဟုတ်တော့ပါ။

ရာသီသွေး၊ မီးတွင်းသွေးတို့မှ သန့်ပြန့်မှုရယူခြင်းအကြောင်း 
အထက်တွင် ရာသီသွေး၏ သတ်မှတ်ကာလများနှင့် မီးတွင်းသွေး၏ သတ်မှတ်ကာလများကို ပုံစံအစုံဖြင့် ပြသခဲ့ပြီးဖြစ်သည်။ ထိုသတ်မှတ်ကာလများ ပြည့်သွားလျှင် ခန္ဓာကိုယ်ကို ရေချိုးခြင်းဖြင့် သန့်ပြန့်မှုရယူ၍ နမားဇ်၊ ကုရ်အာန်သိလာဝသ်၊ သွဝါးဖ်နှင့်အတူ ဇနီးမောင်နှံပေါင်းသင်းခြင်းတို့ ပြုလုပ်နိုင်ပြီဖြစ်ပေသည်။
ကျွန်ုပ်တို့အနေဖြင့် နေ့စဉ်လည်း ရေချိုးကြသည်။ ထိုသို့ နေ့စဉ်ရေချိုးခြင်းဟူသည် ရှရီအသ်၏ သတ်မှတ်မှုအရ မပြုမနေရ ရေချိုးခြင်းမျိုးမဟုတ်ပါ။ ခန္ဓာကိုယ်အေးစေရန် အနံအသက်ကင်းစေရန် ရေချိုးကြခြင်းသာဖြစ်၏။ ရှရီအသ်၏ သတ်မှတ်မှုအရ ရေချိုးရန်တာဝန်ရှိသည့် ပုံစံလေးမျိုးရှိသည်။ ဝါဂျိဗ်(မပြုမနေရ)၊ စွန္နသ်၊ မုစ်သဟဗ်နှင့် မုဗဟ်ဟူ၍ ဖြစ်သည်။ ၎င်းလေးမျိုးတွင် ဝါဂျိဗ်တာဝန်ထိုက်သည့်အခြေအနေ၌ ရေချိုးခြင်းမပြုပါက နမားဇ် ကုရ်အာန် စသည့်ကောင်းမှုများ ပြုခွင့်မရပေ။ ကျန်သုံးမျိုးတွင်မူ ရေမချိုးလျှင်လည်း ၎င်းကောင်းမှုတို့တွင် မည်သို့မျှ ထိခိုက်မှုမရှိပါ။
ယခုရာသီသွေးနှင့် မီးတွင်းသွေးတို့၏ သတ်မှတ်ကာလပြည့်သွားလျှင် ရေချိုးရန် ဝါဂျိဗ်ထိုက်ပါသည်။ ထို့ကြောင့် အထက်တွင်တင်ပြခဲ့သည့် အကြောင်းအရာတို့တွင် ရာသီသွေးနှင့် မီးတွင်းသွေးဟုသတ်မှတ်လိုက်သည့် ကာလပြည့်ပြီးနောက် အမျိုးသမီးအနေဖြင့် သီးသန့်ရေချိုးသန့်စင်မှုပြုလုပ်ရပေမည်။ ရေချိုးရန် ဝါဂျိဗ်ထိုက်နေသူသည် သန့်ပြန့်မှုမယူဘဲ အချိန်ဆွဲကြန့်ကြာနေလျှင် အပြစ်ထိုက်၏။ ဝါဂျိဗ်ထိုက်သည့်ရေချိုးခြင်းနှင့် အခြားသော စွန္နသ်မုစ်သဟဗ်ဟု သတ်မှတ်သည့်ရေချိုးခြင်းများကို ပြုလုပ်ပါက ကုသိုလ်ရပေသည်။

ရေချိုးခြင်းတွင် ပြုလုပ်ကြသည့်အမှားများ
အမျိုးသမီးတို့တွင် ရာသီသွေးကာလပြီးသွား၍ဖြစ်စေ၊ မီးတွင်းသွေး ပြီးသွား၍ဖြစ်စေ ရေချိုးခြင်းပြုလျှင် နိယသ်ဖတ်ရန် ဖရဇ်ဖြစ်သည်ဟု မှတ်ယူထားကြသည်။ နိယသ်မဖတ်ဘဲ ရေချိုးပြီးသွားလျှင် အစအဆုံး ရေပြန်ချိုး၏။ ထိုသို့ နိယသ်မဆိုဘဲရေချိုးထားသူသည် နမားဇ်မဖတ်ပိုင်ဟု ယူဆထားသည်။ ဤသည်မှာ လုံးဝမှား၏။ ရေချိုးခြင်းတွင် နိယသ်သည် ဖရဇ်မဟုတ်ပါ။ နိယသ်ပြုသည်ဖြစ်စေ၊ မပြုသည်ဖြစ်စေ ဝါဂျိဗ်ထိုက်သည့်ရေချိုးခြင်းတွင် ပါဝင်ရမည့် ဖရဇ်သုံးချက်ပြည့်စုံလျှင် ရေချိုးခြင်းပိုင်သည်။ ၎င်းတို့မှာ ၁။ နှာခေါင်းအတွင်းသို့ ရေထည့်ဆေးခြင်း၊ ၂။ ပါးစပ်အပြည့်ပါးလုတ်ကျင်းခြင်း၊ ၃။ ခန္ဓာကိုယ်တစ်ခုလုံး (ဦးခေါင်းမှ ခြေရင်းအထိ) ဆံချည်မျှင်တစ်မျှင်မကျန် ရေစိုအောင် (အနည်းဆုံးတစ်ကြိမ်) ရေလောင်းချိုးခြင်းတို့ ဖြစ်ပါသည်။
ထိုဖရဇ်သုံးချက်တွင် နိယသ်မပါဝင်ပေ။ ထို့ကြောင့် နိယသ်၏စာသားများ ဆိုသည်ဖြစ်စေ မဆိုသည်ဖြစ်စေ ၎င်းဖရဇ်သုံးချက်ပြည့်စုံလျှင် ရေချိုးခြင်းပြည့်စုံပါသည်။ ပြန်ချိုးရန် မလိုအပ်တော့ပါ။
အမျိုးသမီးတို့တွင် ရာသီသွေးကာလပြီးသွား၍ဖြစ်စေ၊ မီးတွင်းသွေးပြီးသွား၍ဖြစ်စေ ရေချိုးရာတွင် ဒုအာများ ကလိမာ စူရာများဖတ်၍ မန်းမှုတ်ပြီး သီးသန့်ရေတစ်ခွက်လောင်းသည့် ပုံစံရှိသည်။ ထိုသို့ပြုမှ ရေချိုးခြင်းပိုင်သည်။ ထိုသို့ မန်းမှုတ်ထားသည့်ရေဖြင့် မချိုးခဲ့ပါက ရေပြန်ချိုးခိုင်းခြင်းများ၊ မန်းထားသည့်ရေကို မချိုးခဲ့သဖြင့် နမားဇ်ဖတ်ခွင့်မပြုခြင်း စသည့်လုပ်ရပ်များ ရှိကြသည်။ ဤသည်မှာ လုံးဝအမှားတစ်ခုဖြစ်သည်။ ရှရီအသ်တွင် မရှိသည့် လုပ်ရပ်ဖြစ်သည်။ ထို့အတူ အစ္စလာ့မ်ရှရီအသ်၏ သတ်မှတ်မှုတွင် မပါဝင်သည့်ကိစ္စကို တီထွင်ခြင်းဟူသည့် ပြစ်မှုမြောက်ပါသည်။ သန့်ပြန့်မှုရရန်အတွက် မည်သည့်စာမျှ မန်းမှုတ်ရန်မလိုအပ်ပါ။ စူရာ၊ ဒုအာဖတ်တာပဲ ကောင်းတာလုပ်တာပဲ ဟူသည့်အတွေးဖြင့် ပြုလုပ်ခွင့်လည်း မရှိပါ။ မုစ်လင်မ်ဟူသည် အစ္စလာမ်မှ သတ်မှတ်လိုက်သည့် ဆောင်ရန် ရှောင်ရန်၊ ပြုရန် မပြုရန်များကို မိမိစိတ် ပါသည်ဖြစ်စေ မပါသည်ဖြစ်စေ နာခံလိုက်နာသူကို ခေါ်ဆိုပေသည်။ ထိုကြောင့် ထိုလုပ်ရပ်များ ပြုနေသူဖြစ်ပါက စွန့်လွှတ်လိုက်ပါ။ ပြုလုပ်သူများတွေ့ပါက တားမြစ်ပါ။
ဝါဂျိဗ်ထိုက်သည့်ရေချိုးခြင်းပုံစံတွင် အမှားတစ်ခုမှာ ရေစချိုးကတည်းက ပြည့်ဝစွာရေချိုးပြီးဖြစ်သည်ကို သီးသန့်တစ်ကြိမ် ကျမသည် ကိုယ်သန့်ရန် ရေချိုးပါ၏ဟု ပြော၍ ရေတစ်ခွက်လောင်းလိုက်သည်။ ထိုသို့ပြုပြီးမှ ကိုယ်သန့်သည့်ရေချိုးမှု ပြီးမြောက်သည်ဟု ယူဆထားသည်။ ဤသည်လည်း အမှားပင်ဖြစ်ပါသည်။ အထက်တွင်ဆိုခဲ့သလို နိယသ်ပြုသည်ဖြစ်စေ မပြုသည်ဖြစ်စေ ရေချိုးရာတွင် ပါဝင်ရမည့် ဖရဇ်အချက်သုံးချက်ပြည့်လျှင် ရေချိုးမှု အထမြောက်သည်။ သီးသန့်ရေတစ်ခွက်ထပ်လောင်းနေရန် မလိုအပ်ပါ။
ဝါဂျိဗ်ထိုက်သည့်ရေချိုးခြင်းကို ပြုခြင်းသည် သာမန်နေ့စဉ်သန့်စင်အောင် ရေချိုးသည်နှင့် အတူတူပင်ဖြစ်၏။ ခန္ဓာကိုယ်တစ်ခုလုံးနှင့် နှာခေါင်းဆေး၊ ပါးလုတ်ကျင်းပြုပြီးလျှင် ရေချိုးမှုပြည့်ဝပါသည်။ နာရီဝက်၊ တစ်နာရီခန့်အချိန်ကုန်ခံ၍ အထူးတလည် ဖတ်ရွတ်မန်းမှုတ်ပြီးရေချိုးရန်မလိုအပ်ပါ။

ရောဂါသွေး၏ အမိန့်များ
၁။ ရောဂါသွေးဆင်းသူသည် နမားဇ်၊ ရိုဇာတို့ကို အပြည့်အဝဆောက်တည်ရပါမည်။ ကုရ်အာန်သိလာဝသ်၊ သွဝါးဖ်၊ ပေါင်းသင်းဆက်ဆံခြင်းအားလုံးပြုခွင့်ရှိသည်။
၂။ ရောဂါသွေးဟု နောက်မှသတ်မှတ်ရသည့်ပုံစံများ အထက်တွင် ပါဝင်ခဲ့သည်။ (ပထမပို့စ်တွင်လည်း ပါဝင်ပါသည်။) ထိုသို့ ရောဂါသွေးဟု သတ်မှတ်လိုက်သည့် နေ့ရက်များမှ နမားဇ်များကို အစားပြန်ဖြည့်ရပါမည်။ (ရာသီသွေးနှင့် မီးတွင်းသွေးဟု သတ်မှတ်သည့်ကာလများ၏ နမားဇ်များကို ပြန်ဖြည့်ရန် မလိုအပ်ပါ။)
၃။ ရောဂါသွေးဆင်းသူအတွက် ရေချိုးရန် ဝါဂျိဗ်မထိုက်ပါ။

ရောဂါသွေးဆင်းပြီးနောက်
ရာသီသွေးနှင့် မီးတွင်းသွေးဟုသတ်မှတ်သည့်ကာလပြီးနောက် ဝါဂျိဗ်ထိုက်သည့်ရေချိုးခြင်းကို ပြုပြီးပါက ဆက်၍ ရောဂါသွေးဆင်းနေလျှင်လည်း သန့်ပြန့်သူသာဖြစ်၏။ ထိုရောဂါသွေးရပ်သွားသည့်အချိန်တွင် ရေချိုးရန် ဝါဂျိဗ်မထိုက်ပါ။ ထို့အတူ ရောဂါသွေးဟုသတ်မှတ်သည့် သွေးများဆင်းပြီးလျှင်လည်း ရေချိုးရန် ဝါဂျိဗ်မထိုက်ပါ။ ဝုဇူပြု၍ နမားဇ်ဆောက်တည်နိုင်သည်။

သတိပြုရန် 
ရောဂါသွေးဆင်းနေသူသည် ဖရဇ်နမားဇ်အချိန်ရောက်သည်နှင့် ဝုဇူပြုရမည်။ ထိုဝုဇူဖြင့် ယင်းနမားဇ်အချိန်မကုန်မခြင်း ကြိုက်သလောက် နမားဇ်ဖတ်နိုင်သည်။ ၎င်း ဖရဇ်နမားဇ်အချိန်ကုန်ပြီး နောက်တစ်ချိန်ကူးသွားလျှင် ယခုပြုထားသောဝုဇူသည် ပျက်သွားပြီဖြစ်၏။ ဖရဇ်နမားဇ်နောက်တစ်ချိန်အတွက် ဝုဇူအသစ်ပြုလုပ်ရပါမည်။
ဥပမာ ဇုဟုရ်အချိန်အတွက် ဝုဇူပြုထားလျှင် အစွရ်အချိန်မရောက်မီအထိ ၎င်း၏ ဝုဇူမပျက်ပါ။ အစွရ်အချိန်ဝင်သွားလျှင် ဝုဇူပျက်သွားမည်။ ဝုဇူအသစ်ပြန်ပြုလုပ်ရမည်။ နမားဇ်အချိန်တိုင်း ဤသို့ပင် ပြုသွားရပါမည်။

*ဖဂျရ်နမားဇ်အတွက် ပြုလုပ်ထားသောဝုဇူသည် နေထွက်လျှင် ၎င်းဝုဇူပျက်သွားသည်။ နေထွက်ပြီးနောက် ဝုဇူအသစ်ပြန်ပြုလုပ်ပြီး ဇုဟုရ်အချိန် မဝင်မီအထိ နှစ်သက်ရာနမားဇ်များ ဆောက်တည်နိုင်ပါသည်။

*နမားဇ်အချိန်တစ်ခုမှ နောက်တစ်ခုသို့ပြောင်းသွားလျှင် ဝုဇူပျက်သလို သာမန် ဝုဇူပျက်သည့်အချက်များကြောင့်လည်း ဝုဇူပျက်ပါမည်။ ရောဂါသွေးဆင်းခြင်းကြောင့် ဝုဇူမပျက်ပါ။

ရာသီသွေး၊ မီးတွင်းသွေးဆင်းနေသူနှင့် ပတ်သက်သည့် ယူဆချက်အမှားများ
ရာသီသွေးဆင်းသူ၊ မီးတွင်းသွေးဆင်းနေသူကို သူ့တစ်ကိုယ်လုံးမသန့်ဖြစ်နေသည်ဟု မှတ်ယူထားခြင်းသည် မှား၏။ အစ္စလာမ်မှ သတ်မှတ်သည့် ပြုခွင့်မရှိသည့် အမလ်တချို့မှအပ ကျန်ကိစ္စရပ်များအားလုံး ပြုလုပ်ခွင့်ရှိပါသည်။ ထမင်းဟင်းချက်ခြင်း၊ ခင်ပွန်းနှင့် ထိကိုင်ခြင်း စသည်များအာလုံးပြုလုပ်ခွင့်ရှိသည်။
ကလေးမွေးထားသည့်အိမ်များတွင် မီးတွင်းသွေးဆင်းသည်ဖြစ်စေ မဆင်းသည်ဖြစ်စေ ရက်လေးဆယ်မပြည့်မချင်း နမားဇ်မဖတ် ရိုဇာမထားပဲနေကြသည်။ ဤသို့မဟုတ်ပါ။ သတ်မှတ်ကာလပြည့်ရန်မလိုအပ်ပါ။ သွေးဆင်းမှုရပ်ဆိုင်းလျှင် ရက်လေးဆယ် ပြည့်သည်ဖြစ်စေ မပြည့်သည်ဖြစ်စေ ရေချိုး၍ သန့်ပြန့်မှုရယူလိုက်ရမည်။
ထို့အတူ ရက်လေးဆယ်ပြည့်သည့်နေ့တွင် တစ်အိမ်လုံးရေပတ်သုတ်ခြင်း၊ မီးဖွားထားသူနေသည့်အခန်းကို အထူးတလည် သန့်ရှင်းမှုများပြုခြင်းကို မပြုမနေရတာဝန်အဖြစ်မှတ်ယူထားသည်။ ဤသည်မှာ မှား၏။ ကလေးမွေးသည့်အခန်းပင်ဖြစ်ပါစေ သန့်ပါသည်။ ထိုနေရာ၌ နမားဇ်ဖတ်ခြင်းလည်း ပြုနိုင်သလို တခြားသောသန့်ပြန့်နေသူများ လာရောက်ပါကလည်း မသန့်ခြင်း မဖြစ်သွားပါ။
ကလေးမွေးထားသည့် အမျိုးသမီးသည် ရက်လေးဆယ်မပြည့်မခြင်း ခင်ပွန်းဖြစ်သူကို အနီးကိုပင် ကပ်ခွင့်မပေးကြပေ။ အိပ်ယာပေါ်လည်း ထိုင်ခွင့်မပေးကြပေ။ ၎င်းယူဆချက်သည်မှားပါသည်။ ခင်ပွန်းဖြစ်သူနှင့် ဇနီးအကြား မည်သူမျှ ထိုသို့သတ်မှတ်၍ ခွဲထားခွင့် လုံးဝမရှိပါ။ ခင်ပွန်းဖြစ်သူထံ မသန့်များကူးစက်သွားသည်လည်း မရှိပါ။ ကလေးမွေးထားသည့်ဇနီးနှင့်အတူ နေထိုင်စားသောက်နိုင်သည်။ အိပ်ယာပေါ် ထိုင်ရုံတင်မက အတူတကွ လှဲလျောင်းနိုင်ပါသည်။ ခင်ပွန်းကို ခေါင်းဖြီးပေးခြင်း၊ ခင်ပွန်းက ထိုသို့သော အခြေအနေဖြစ်နေသည့် ဇနီး၏ ရင်ခွင်အတွင်း ဦးခေါင်းထား၍ အိပ်စက်ခြင်းများ ပြုလုပ်နိုင်ပါသည်။

ရေချိုးခြင်းတွင်...
ရေချိုးခြင်းဟု ဆိုရာတွင် ကျန်းမာရေးအရ ပုံမှန်ရေကိုမသုံးစွဲနိုင်လျှင် ရေနွေးကို သုံးစွဲနိုင်ပါသည်။ ထို့အတူ ဝါဂျိဗ်ထိုက်သည့်ရေချိုးခြင်းတွင် သတ်မှတ်ထားသလောက် ချိုးလိုက်ပါကလည်း သန့်ပြန့်သွားပါသည်။ အကယ်၍ လုံးဝရေမကိုင်နိုင်ခဲ့လျှင် သယမွမ်ပြု၍ သန့်ပြန့်မှုရယူကာ နမားဇ်ရိုဇာတို့ကို ဆောက်တည်ရပါမည်။

[ကျမ်းကိုး ... ဗဟစ်ရ်ှသီးဇေဝရ်၊ အမျိုးသမီးအစ္စလာမ့်လမ်းညွှန်ကျမ်း၊ ခဝါသီးန်ကေ ဂျဒီးဒ်မစာအိလ်၊ ခဝါသီးန် အိစ်လာမီအင်ဆိုက်ကလိုပီဒီယား]

အလ်မုဖီးဒ်
ဇုလ်ဟိဂ်ျဂျာ/ ၂၇/ ယောင်မုလ်အိစ်နိုင်းန်/ ဟိဂျရီ ၁၄၃၆
စာသား ကော်ပီယူသူများ အလ်မုဖီးဒ်၏ အမည်အတိုင်း ထည့်ရေးပါ

----
အလ်မုဖီးဒ် Link များ
Website: http://aaitee.blogspot.com
Facebook: http://www.facebook.com/almufeed.mm
Email: haroonrangoni@gmail.com
google တွင်ရှာရန် “ အလ်မုဖီးဒ် ” ဟု မြန်မာလိုရိုက်၍ရှာပါ။
မိမိဖုန်းထဲတွင် ပြန်လည်ဖတ်ရှုရန် သိမ်းထားလိုပါက Simple Islam.apk ဖိုင်ကို ဒေါင်းလုတ်ဆွဲပြီး Install လုပ်ထားပါ။