ပညာမဲ့သည် အမြဲစိုးရိမ်နေရ၏

ပညာဆည်းပူးရန် လူတိုင်းအပေါ် မည်မျှအရေးကြီးကြောင်း သိခဲ့ကြလေပြီ။ သို့ဖြစ်ရာ ပညာမဲ့ အသိတရားနှင့်သုတခေါင်းပါးသူတို့သည် စိုးရိမ်မှုတွင် အမြဲရှိနေတတ်၏။


အကြောင်းကား ပညာမဲ့သည် ကိစ္စတစ်ခုနှင့်ရင်ဆိုင်ရသော် ပညာခေါင်းပါးမှုကြောင့် စိတ်ထင်ရာ ဇွတ်အတင်းလုပ်ကိုင်တတ်၏။ ထိုသို့ပြုလုပ်ခဲ့သည်ကိုပင် မိမိပညာမဲ့ခြင်းကြောင့်ဖြစ်သည်ဟု မယူဆခဲ့ပေ။
ဥပမာ အိမ်ထောင်ရှင်တစ်ဦးသည် ဇနီးဖြစ်သူအား ဓမ္မတာလာပြီးနောက် ရေချိုးသန့်စင်ခြင်းမပြုမှီ ပျော်ပါးပြီးမှ အပြစ်ထိုက်ကြောင်းသိရပါသည်ဟုဆိုလျှင် ၎င်းသူကို (မအ်ဇူရ်) ချွတ်ယွင်းချက် အားနည်းချက်ရှိသည်ဟု မဆိုနိုင်ပေ။

အလားတူ နံနက်အာရုံမတက်မှီ ဓမ္မတာရပ်စဲသွားသောအမျိုးသမီးသည် အိရှာနမားဇ်ကို ကသွာမဖြည့်ခဲ့လျှင် ၎င်းသူမသည် ဓမ္မတာအကြောင်းနှင့် နမားဇ်၏အဆိုအမိန့်များကို သိရှိနားလည်သူဟူ၍ မထင်မှတ်အပ်ပေ။

အမျိုးသားတစ်ဦးသည် မိမိဇနီးကို ဓမ္မတာရက်အတွင်း သွလားက်ပေးလိုက်ပြီးမှ ထိုရက်တွင် သွလားက်မပေးပိုင်ကြောင်းသိရသည်ဟုဆိုပါလျှင် ထိုသူ၏ချွတ်ယွင်းချက်ကို လက်မခံသင့်ပေ။ အကြောင်းကား ကိယာမသ်နေ့တွင် ထိုသို့သောသူများကို အလ္လာဟ်အရှင်မြတ်က ငါ့တမန်တော်မဖွားမှီမဆွကပင် သာသနာ့ပညာသင်ယူရန် ဖရသ်ွတာဝန်ဖြစ်ကြောင်း သတိပေးနှိုးဆော်ခဲ့သည်ကို အသင်တို့ အဘယ့်ကြောင့်မလိုက်နာခဲ့သနည်း။ အဘယ်ကြောင့် ဟရာမ်ဒုစရိုက်အမှုတွင် နစ်မွန်းခဲ့သနည်းဟု မေးတော်မူမည်။

ထို့အတူ တရားတော်နှင့်ဆန့်ကျင်သော အရောင်းအဝယ်ပြုလုပ်ခဲ့ကြသော ကုန်သည်တို့သည် အရှင့်ထံမှောက်ရောက်ကြသောအခါ အို .... အရှင် ကျွန်တော်မျိုးတို့ မသိနားမလည်သည့်အတွက် ရောင်းဝယ်မိပါသည်ဟု လျှောက်ထားအသနားခံကြသည်ကို အလ္လာဟ်အရှင်မြတ်က လက်ခံတော်မူမည်မဟုတ်ပေ။

သို့ပါ၍ ပညာသင်ယူရန် ပျင်းရိခြင်းကြောင့် အသိပညာခေါင်းပါးခြင်းတို့သည် မည်သည့်အချိန်တွင်ဖြစ်စေ ကြောက်ရွံစိုးရိမ် နေကြရမည်သာဖြစ်၏။ သို့သော် လူသားတို့၏ အကျိုးပြုလုပ်ငန်းများနှင့် ပညာသင်ကြားပို့ချရေးဟူသော လုပ်ငန်းစဉ်များမှာ အမွန်မြတ်ဆုံး အကျိုးစဝါးဗ်အများဆုံးရရှိသည်ဖြစ်၍ ကျွန်ုပ်တို့ မျက်ကွယ်မပြုအပ်ပေ။

(မော်လာနာကမ္မရွဒ်ဒီးန် ဦးသန်းမောင်(ဂျာမိအီ) ဘာသာပြန်ထားသည့် "အစ္စလာမ့်ပညာရေး" စာအုပ်ပါ အကြောင်းအရာကို အလ်မုဖီးဒ်က ပြန်လည်တင်ဆက်သည်။)

သာသနာ့ပညာသင်ယူခြင်း၏ အကျိုး

(၁) တမန်တော်မြတ်မိန့်တော်မူခဲ့သည်။ طلب العلم فريضة على كل مسلم
[သွလဗုလ် အိလ်မိ ဖရီးဒွသူန် အလာကုလ်လိ မုစ်လိမင်န် ဝမုစ်လိမဟ်]
(အိဗ်နေမာဂျဟ်ကျမ်း)
သာသနာ့ပညာသင်ယူခြင်းသည် မုစ်လင်မ်တိုင်းအပေါ်၌ ဖရ်ဇ်တာဝန်ဖြစ်၏။
ဆိုလိုသည်မှာ သာသနာ့ပညာရပ်နှင့် သုတအသွယ်သွယ်ကိုဆည်းပူးခြင်းသည် မုစ်လင်မ်တိုင်းအပေါ်၌ ဟဂ်ျတာဝန် ဇကားသ်တာဝန်များကဲ့သို့ မလုပ်မနေရ ဖရ်ဇ်တာဝန်ပင်ဖြစ်သည်။

(၂) အကြင်သူသည် သာသနာ့ပညာရှာဖွေရန်အတွက် အိမ်မှထွက်ခွာလျှင် အိမ်သို့ပြန်မရောက်မချင်း (ဂျိဟားဒ်) သာသနာ့စစ်ပွဲဆင်နွှဲသော သူရဲကောင်းများရရှိသည့် အကျိုးစဝါးဗ်ကို ရရှိမည်ဖြစ်သည်။ (သိရ်မီဇီ)
ဆိုလိုသည်မှာ မည်သူမဆို သာသနာ့ပညာသင်ယူရန် ကျောင်းသို့သွားမည်။ မိမိမြို့ရွာများကိုစွန့်၍ တစ်နိုင်ငံတစ်မြို့နယ် တစ်နေရာ တစ်ဒေသသို့ သွားရောက်သင်ယူမည်။ ကုရ်အာန်ကျမ်းတော်မြတ်နှင့် ဟဒီးစ်ကျမ်းတော်များကို ပြန်ဆိုဟောကြားသော ဗလီများသို့ သွားရောက်တရားနာမည်ဆိုပါက ထိုသို့သွားရောက်ကြားနာသင်ယူရာမှ မိမိအိမ်သို့ ပြန်၍ မရောက်မချင်း ကြာညောင်းခဲ့သော အချိန် စက္ကန့် မိနစ် နာရီ ရက် လ နှစ် ကာလများအတွက် ရရှိသည့် အကျိုးစဝါးဗ်ကို မိမိ၏ (နာမာအိအအ်မာလ်) ကိုယ်ကျင့်တရားမှတ်တမ်းတွင် ဤသူသည် အရှင့်လမ်း၌ ဂျိဟားဒ်ပြုခဲ့သူဖြစ်ကြောင်း အရှင်မြတ်က သက်ဆိုင်ရာ ဖရိရ်ှသာဟ်တို့အား ရေးမှတ်ထားစေတော်မူမည်။
နေ့စဉ် တစ်မနက် သို့မဟုတ် တစ်ညနေခန့် ကုရ်အာန်ကျမ်းတော်မြတ်နှင့် ဟဒီးစ်ကျမ်းတော်များမှ သာသနာ့ပညာရှင်များ၏ ဟောကြားပို့ချချက်တို့ကို သွားရောက်၍ နာကြားသောသူများ သို့မဟုတ် တရားကျမ်းဂန်များကို ကိုယ်တိုင်ရွတ်ဖတ်နေသူများသည် နေ့စဉ် ဂျိဟားဒ်၏အကျိုးကို ရယူနေကြရသူများဖြစ်သည့်အတွက် အဘယ်မျှဝမ်းသာစရာကောင်းပါသနည်း။ အဘယ်မျှ နဖူးစာထူးကဲလှပါသနည်း။ စဉ်းစားကြည့်ကြကုန်။

(၃) တမန်တော်မြတ် မိန့်တော်မူခဲ့သည်။ မိမိကိုယ်ကို သာသနာ့ပညာရှာဖွေစည်းပူးသူအဖြစ် သတ်မှတ်ထားလျှင် ထိုသူသည် မိမိကျူးလွန်မိခဲ့သော ဒုစရိုက်အပြစ်ငယ်များကို (ကဖ္ဖာရာဟ်) ချေဖျက်လိုက်မည် ဖြစ်၏။
အလိုသဘောမှာ သာသနာ့ပညာဆည်းပူးသူအဖြစ် သတ်မှတ်ထားခြင်းကြောင့် ရရှိသည့်အကျိုးစဝါးဗ်များသည် ထိုအပြစ်များကို ချေမှုန်းဖျောက်ဖျက်လိုက်သည်မှာ ပိန်းရွက်ပေါ်မှ ရေစက်ရေပေါက်များ လျောကျသွားသည့်နှယ် ကင်းစင်သွားပေသည်။

(၄) တမန်တော်မြတ် မိန့်တော်မူခဲ့သည်။ မုအ်မင်န်များ၏ ဝမ်းဗိုက်သည် အသက်ငင်ချိန်ရောက်သည့်တိုင် သာသနာ့ပညာဖြည့်စွမ်းခြင်းကို တင်းတိမ်ရောင့်ရဲမှု မရှိကြပေ။ ကွယ်လွန်ပြီးချိန်တွင်လည်း ဂျန္နသ်၌ စံမြန်းရပေမည်။ (သိရ်မီဇီကျမ်း)
ဆိုလိုသည်မှာ အကြင်သူသည် အမြဲတစေ သာသာနာ့ပညာကို ရှာဖွေဆည်းပူသူဖြစ်နေသောကြောင့် ဂျန္နသ်၏မင်္ဂလာသတင်းကို သိနေရသူဖြစ်သည်။ အလ္လာဟ်အရှင်မြတ်သည် ဤသို့ပညာရှာဖွေသူတို့အား အီမာန်ရှိသူအဖြစ်နှင့် ရုပ်သိမ်းမည်ဟူသော အသိဖြင့် စိတ်ချမ်းသာမှုကို ပေးထားတော်မူ၏။

ထို့ကြောင့် အစ္စလာမ်သာသနာကို မြတ်နိုးကြသော သူတော်စင်အချို့တို့သည် မိမိကိုယ်တိုင် သာသနာ့ပညာကို သင်ယူလျှက်ရှိကြ၏။ ဤသည်မှာ သာသနာ့ပညာသင်ယူရသော အကျိုးစဝါးဗ်၏ အဟုန်ကြောင့် မိမိသည် အစ္စလာမ်ဘဝနှင့် ကွယ်လွန်လိုသဖြင့် မိမိသက်တမ်းကို သာသနာ့ပညာရေး၌သာ အားပြုလုံးပမ်းနေခြင်း ဖြစ်ပေသည်။

ယခုခေတ်၌ လူသားတို့၏ တီထွင်ကြံဆမှုများသည် နေ့စဉ်နှင့်အမျှ ဒီရေအလားတိုးတက်လျက်ရှိပေရာ သာသနာ့ပညာပြန့်ပွားရေးအတွက် လွယ်ကူသော နည်းလမ်းတုိ့မှာလည်း များစွာရှိနေပေသည်။ သို့ဖြစ်ရာ အသင်သည် သာသနာ့ပညာကို အမှန်တကယ်တတ်မြောက်ရန် လိုလားသူဖြစ်ပါက အသင်နေထိုင်ရာမြို့တွင် မည်သည့်နေရာ အရပ်၌ ရှိသည်ဖြစ်စေ ကုရ်အာန်ကျမ်းတော်မြတ်နှင့် ဟဒီးစ်ကျမ်းတော်များ ပို့ချရာဌာနသို့ နေ့စဉ်သွားရောက် ကြားနာသင်ယူရပေမည်။

အသင်နေထိုင်ရာဒေသတွင် သာသနာ့ပညာသင်ယူပို့ချမှုမရှိပါက ပို့ချနိုင်မည့် သင်တန်းများကို စီစဉ်ရပေမည်။ ယင်းသို့မစီစဉ်နိုင်ပါက ကျမ်းစာများတတ်ကျွမ်းပြီး တရားမှန်လိုက်စားသည့် သာသနာ့ပညာရှင်တစ်ပါးထံ ချဉ်းကပ်လျှက် နေ့စဉ်မှန်မှန် သာသနာ့ပညတ်ချက်များကို တစ်ပိုဒ်စီသင်ယူကျက်မှတ်ရမည်။ ဤတွင် တစ်ပါတ်ကြာသော် ပညတ်ချက် (၇) ပိုဒ် ရရှိ၍ တစ်နှစ်ပြည့်မြောက်ချိန်တွင် ပညတ်ချက်ပေါင်း (၃၆ဝ) တတ်မြောက်ထားသည့် အာလင်မ်တစ်ပါးဖြစ်သွားနိုင်ပေသည်။

ဤသို့လည်း မတတ်နိုင်ပါက နေ့စဉ် သာသနာ့ပညတ်ချက် သို့မဟုတ် ကျင့်စဉ်တစ်ခုစီကို ဖြစ်စေ၊ ဟဒီးစ်တော်တစ်ပိုဒ်စီကိုဖြစ်စေ ဘာသာပြန်ဆိုထားသော သာသနာ့စာပေ တစ်အုပ်အုပ်ကိုဖြစ်စေ ဖတ်ရှုရမည်။

(၅) တမန်တော်မြတ် မိန့်တော်မူခဲ့သည်။ သာသနာ့ပညာကို ဆည်းပူးရန် ကြိုးစားသူသည် ကြိုးစားမှုအောင်မြင်ခဲ့သော် အကျိုးစဝါးဗ်နှစ်ခုရရှိမည်။ မအောင်မြင်ခဲ့သော် အကျိုးစဝါးဗ်တစ်ခုရရှိမည် ဖြစ်သည်။ (ဒါရိမီကျမ်း)

သို့ဖြစ်ပေရာ မည်သည့်အချိန်အခါမျိုး၌ပင်ဖြစ်စေ၊ ပညာရှာဖွေရေးအတွက် အမြဲလုံးပမ်းနေရမည်။ ပညာရှာဖွေနေစဉ် အသက်ဆုံးရှုံးသွားသည်ရှိသော် အလွန်နဖူးစာကောင်းသည့် ကံထူးရှင်တစ်ဦးဟူ၍ ရေးမှတ်မည်ဖြစ်သည်။
မည်သူသည် သာသနာ့ပညာ သို့မဟုတ် ကျမ်းမြတ်ကုရ်အာန်ကို သင်ယူရန်အတွက် သင်တန်းပို့ချရာဌာနများ၊ ဗလီများ ကျောင်းများသို့ သွားသည်။ အကြောင်းတစ်ခုခုကြောင့် သင်တန်းပိတ်ထားသဖြင့် မသင်ခဲ့ရသော် ထိုသူသည် အကျိုးစဝါးဗ်တစ်ခု ရရှိမည်ဖြစ်ပြီး ကြားနာသင်ယူခဲ့ရသည်ရှိသော် အကျိုးစဝါးဗ်နှစ်ခု ရရှိမည်ဖြစ်သည်။

(၆) ဟဇရသ်အာအိရှဟ်သခင်မက တမန်တော်မြတ်၏ မိန့်ခွန်းတော်ကို တင်ပြခဲ့သည်။ အလ္လာဟ်အရှင်မြတ်က ကိုယ့်တော့်အား ဝဟီဖြင့် အသိပေးတော်မူခဲ့သည်။ သာသနာ့ပညာ ဆည်းပူးရှာဖွေရန် ခရီးထွက်သူအတွက် ဂျန္နသ်၏လမ်းကို ငါအရှင်လွယ်ကူစွာ ပြပေးတော်မူမည်။ ထိုသူ၏စက္ခုနှစ်ကွင်းမှ အလင်းကိုနှုတ်သိမ်းခံရလျှင် စက္ခုနှစ်ကွင်းအစား ဂျန္နသ်ကိုပေးတော်မူမည်။ သာသနာ့ပညာအပေါ် အာရုံပြု ကျိုးပမ်းခြင်းသည် များစွာသော အိဗာဒသ်ပြုခြင်းထက် ပို၍မြတ်သည်ဟု တမန်တော်မြတ်မိန့်တော်မူခဲ့လေသည်။ (ဗိုင်ဟကီကျမ်း)

(၇) မအာဇ်ဗင်န်ဂျဗလ်(ရသွီ)သခင်က တမန်တော်မြတ်ဆွလ္လလ္လားဟုအလိုင်းဟိဝစလ္လမ်၏ မိန့်ခွန်းတော်ကို တင်ပြသည်မှာ အို .... လူသားအပေါင်းတို့ သာသနာ့ပညာကို ဆည်းပူးသင်ယူကြကုန်။ အရှင့်အတွက် သာသနာ့ပညာကို သင်ယူရခြင်းသည် အလွန်အကျိုးများလှ၏။ သာသနာ့ပညာကို ရွတ်ဆိုဖတ်အံခြင်းသည် ကြီးကျယ်သော သပ်စ်ဗီဟ်ကို ရွတ်ဆိုတန်းတနေခြင်းသာ ဖြစ်သည်။ ထို့အတူ သာသနာ့ပညာအပေါ် အမေးအဖြေပြုလုပ်ခြင်းသည် ကြီးမာသော ဂျိဟာဒ် တရားသောစစ်ပွဲကို ဆင်နွှဲနေခြင်းဖြစ်၏။ သာသနာ့ပညာကို ရှာဖွေခြင်းသည် ကြီးကျယ်သောအိဗာဒသ်ကို ပြုလုပ်နေခြင်းဖြစ်၏။ သာသနာ့ပညာကို သင်ကြားပေးခြင်းသည် ကြီးမားသော စွဒကဟ် အလှူဒါနကြီးတစ်ခု ပြုလုပ်နေခြင်းဖြစ်၏။ လူသားတို့သည် ပညာဖြင့်သာ အမြင့်ဆုံးသော အဆင့်အတန်းကို ရယူနိုင်သည်ဟု မိန့်တော်မူခဲ့လေသည်။ (မုစ်သွရိဖ်ကျမ်း။ တွဲ - ၁။ စာ - ၂ဝ)

(၈) အဗူဒရ်သခင်က တမန်တော်မြတ်၏ မိန့်ခွန်းတော်ကို တင်ပြသည်မှာ သာသနာ့ပညာဆည်းပူးရန်အတွက် ခရီးထွက်သူအပေါ် အလ္လာဟ်အရှင်မြတ်က ဂျန္နသ်၏လမ်းကို အစားပေးတော်မူမည်။ ဖရိရ်ှသဟ်များကလည်း မိမိတို့တောင်ပံများကို ထိုသူသွားရာလမ်း၌ ခင်းပေးတော်မူမည်။ ယင်းအာလင်မ်များအတွက် မိုးမြေတစ်ခွင်သာမက သမုဒ္ဒရာရေတစ်ပြင်လုံးမှ ခပ်သိမ်းကုန်သော အဖန်ဆင်းခံအပေါင်းတို့ကလည်း ၎င်းသူလွတ်ငြိမ်းချမ်းသာမှုရစေရန် အမြဲဆုတောင်းပေးနေကြမည်ဖြစ်သည်။

အာလင်မ်သာသနာ့ပညာရှင်များသည် နဗီတမန်တော်များ၏ အမွေစားများဖြစ်ကြသောကြောင့် ဆူဖီသူတော်စင်များထက်ပင် မြင့်မြတ်ကြ၏။ ပုံဆောင်ရသော် လပြည့်ညဥ့်၌ လင်းဝင်းတောက်ပနေကြသည့် ကြယ်တာရာများထက် ဆကဲပို၍ ထိန်ဝင်းသာယာလျှက်ရှိသော လမင်းကြီးကဲ့သို့ပင် ဖြစ်သည်။
အကြောင်းကား တမန်တော်များသည် ရွှေငွေဥစ္စာ ရတနာများကို အမွေမပေးခဲ့ကြပေ။ သာသနာ့ပညာများကိုသာ မျှဝေပေးခဲ့ကြ၏။ သို့ဖြစ်ရာ သာသနာ့ပညာများကို သင်ယူရရှိခဲ့သောသူသည် တမန်တော်များထံမှ တန်ဖိုးမဖြတ်နိုင်သည့် အလွန်နှစ်လို့ဖွယ်ကောင်းသော အမွေဝေစုကြီးကို ရယူလိုက်ခြင်းပင်ဖြစ်သည်ဟု မိန့်ဆိုခဲ့လေသည်။ (သိရ်မီဇီ + အိဗ်နူမာဂျဟ်ကျမ်း)

(၉) တမန်တော်မြတ် မိန့်တော်မူခဲ့သည်။ အသင်တို့သည် (ဖရာအိဿွ်) အဓိကလိုက်နာကျင့်သုံးရမည့် ကျင့်စဉ်များကို ဆည်းပူးကြလော့။ ကုရ်အာန်ကျမ်းမြတ်ကိုလည်း သင်ယူကြလော့။ အခြားသူများကိုလည်း သင်ကြားပို့ချပေးလော့။ အကြောင်းကား ကျွန်ုပ်၏ သက်တမ်းသည် စိတ်ချ၍မရတော့ပေ။ (သိရ်မီဇီကျမ်း)

(၁ဝ) တမန်တော်မြတ် မိန့်တော်မူခဲ့သည်။ အသင်တို့သည် လူသားများအတွက် စိမ်းလန်းစိုပြေစေသည့် ပညာ၏ စမ်းချောင်းများ ဖြစ်ကြကုန်လော့။ လူသားတို့တွင် အမှန်တရားကို ရယူနိုင်သည့် ဓမ္မဗိမာန်များ ဖြစ်ကြကုန်လော့။ အိမ်များ၌အိပ်စက်ရာတွင် နူးညံ့သိမ်မွေ့ပြီး စည်းစိမ်ရှိသော မွေ့ယာများ ဖြစ်ကြကုန်လော့။ ညဥ့်နက်အမှောင် သန်းခေါင်ယံအချိန်တွင် နိုး၍ အရှင့်ထံကျိုးငဲ့ဆုတောင်းရသော အရသာကို မြည်းစားနိုင်ကြသည့် အမှောင်၏မီးအိမ်များ ဖြစ်ကြကုန်လော့။ အသင်တို့၏ စိတ်ကို သစ်လွင်သန့်ရှင်းစေမည့် အဝတ်အထည်များကို ဟောင်းနွမ်းဖာထေးခြင်းမျိုးနှင့် ရှိနေလိုသူများ ဖြစ်ကြကုန်လော့။ အထက်ဝေဟင်အာကာခွင်၌ ထင်ပေါ်ကျော်ကြားရသူများအဖြစ် ရှိစေပြီး ပထဝီတစ်ခွင်အောက်မြေပြင်၌ တိမ်မြုပ်ဖုံးကွယ်နေသူများအဖြစ် ရှိကြကုန်လော့။

လောက၌ နာမည်ကျော်ကြားလိုမှုမရှိသောသူသည် တစ်ပါးသူထံလက်မဖြန့်ဘဲ ကိုယ့်အားကိုယ်ကိုးဖြင့် လုပ်ကိုင်စားသောက်ကြသူတို့အား မိုးကောင်းကင်ရှိ ဖရိရ်ှသဟ်များက ဤသူသည် အရှင့်ဗန္ဒဟ်သူတော်စင်ဖြစ်ကြောင်း လက်ညှိုးထိုးခံရသူအဖြစ် ရှိကြကုန်လော့ဟု မိန့်တော်မူခဲ့လေသည်။ (ဂျမအွလ်ဖဝါအိဒ်ကျမ်း)

ဤအနည်းငယ်မျှဖော်ပြခဲ့သော ဟဒီးစ်တော်များကို ကြည့်ရှုသုံးသပ်ခြင်းဖြင့် လူတိုင်းသည် သာသနာ့ပညာသင်ယူရန် မည်မျှအရေးကြီးကြောင်း မှန်းဆနိုင်ပေပြီ။ အကြောင်းကား နမားဇ်ဆောက်တည်ရာ၌ သာသနာ့ပညာကို တိကျမှန်ကန်စွာ မိမိအနေဖြင့် တတ်မြောက်ထားခြင်းမရှိလျှင် ပြည့်စုံလုံလောက်သော နမားဇ်၏တာဝန်ကိုကျေပွန်ရန် မည်သို့ဖြစ်နိုင်ပါအံ့နည်း။ အလားတူ ရိုဇဟ်၏အကြောင်းတရားများကို နားမလည်ခဲ့သော် ရိုဇဟ်၏ မှန်ကန်သောတာဝန်ကို မည်သို့ချနိုင်ပါအံ့နည်း။ ဤသို့ပင် မိမိထံတစ်ရာထက်ပိုသော ငွေကြေးများရှိထားသူ ရွှေငွေလက်ဝတ်ရတနာများ စုဆောင်းရရှိထားသူသည် ဇကားသ်၏ပညတ်ချက်ကို သိနားလည်မှုမရှိခဲ့သော် မည်သူ့ကို ဇကားသ်ပေးထိုက်၊ မပေးထိုက် မည်သူသည် ဇကားသ်စားပိုင်၊ မစားပိုင် မည်သူ့ကိုပေးလျှင်တာဝန်ကျ မကျ မည်၍ မည်မျှ အချိုးကျပေးရမည်ကို နားလည်သိရှိနိုင်မည် မဟုတ်ပေ။

အိမ်ထောင်ပြုရာ၌လည်း လင်ဝတ်၊ မယားဝတ်များ မည်သို့ရှိသည်။ မည်သည့်အချိန်အခါမျိုးတွင် သွလားက်ကွာရှင်းမှု ပြုထိုက်၊ မပြုထိုက် မည်သည့်အခါမျိုးတွင် ပေါင်းသင်းဆက်ဆံခြင်း ပိုင်၊ မပိုင် စသည့်အရေးကြီးလိုအပ်သော အိမ်ထောင်ရေးကဏ္ဍများမှာ ဖရ်ဇ်တာဝန်ဖြစ်လာတော့သည်။ ဤသည်တို့မှာ သာသနာ့ပညာတတ်မြောက်ထားမှသာ သိနိုင်မည်ဖြစ်ပေသည်။

ထိုသို့ပင် ကုန်သည်တစ်ဦးသည်လည်း ရောင်းဝယ်ရေးနှင့် စပ်လျဉ်းသည့် စည်းကမ်းချက်များကို နားလည်ထားမှသာ မည်သို့ရောင်းလျှင် ပိုင်မပိုင်ဟူသည်ကို သိရှိနိုင်မည်ဖြစ်သည်။

အုမ္မရ်သခင်သည် ဈေးမှကုန်သည်များကို ကြာပွတ်နှင့်ရိုက်၍ ရောင်းဝယ်ရေးပညာကို သင်ယူစေခဲ့၏။ စီးပွားရေးပညာကို နားမလည်ပါက ဈေးရောင်းခြင်း မပြုကြကုန်နှင့်။ ထို့သို့နားမလည်ဘဲ ရောင်းဝယ်မှုပြုပါက မတရားသော အတိုးအမြတ်နှင့် ဟရာမ်ကိုကျူးလွန်စားသုံးမိသူများ ဖြစ်ကုန်ကြမည်ဟု သတိပေးမိန့်ဆိုခဲ့လေသည်။

ထိုသို့ စီးပွားရေးအမိန့်ပညတ်ချက်များကို မသိနားမလည်လျှင် ရှာဖွေရရှိသမျှသော အကျိုးအမြတ်တို့သည် ဟရာမ်ဖြစ်မဖြစ် ဟလာလ်စစ်စစ်ကို သိနိုင်ကြမည်မဟုတ်ပေ။ ဤနည်းတူ (ကီနာ) ကောက်ကျစ်စဉ်းလဲခြင်း၊ (ဟစဒ်) မလိုတမာအမုန်းထားခြင်းတို့ကို အကောင်းဟူ၍ ယူဆမှတ်ထင်ခြင်းတို့သည်လည်း ဟရာမ်ဖြစ်၏။ ထိုအချက်အလက်များကို ခွဲခြားသိရှိရန် (ဖရ်ဇေအိုင်န်) အရေးကြီးသော တာဝန်ပင် ဖြစ်၏။ သို့ပါ၍ ကျွန်ုပ်တို့သည် (ဂျာဟိလ်)မသိနားမလည်ခြင်းဟူသောအချက်ကို ဖယ်ရှားပြီး (အိလင်မ်) အသိပညာကို သင်ယူရန် အလွန်အရေးကြီးလှပေသည်။

(မော်လာနာကမ္မရွဒ်ဒီးန် ဦးသန်းမောင်(ဂျာမိအီ) ဘာသာပြန်ထားသည့် "အစ္စလာမ့်ပညာရေး" စာအုပ်ပါ အကြောင်းအရာကို အလ်မုဖီးဒ်က ပြန်လည်တင်ဆက်သည်။)

ပညာရှိနှင့် ပညာမဲ့ခြားနားမှု

အကြင်သူသည် အဆိပ်၏ဂုဏ်သတ္တိကို သိနားလည်မှုမရှိခဲ့သော် အဆိပ်ကို ဆင်ခြင်ကင်းမဲ့စွာ သုံးစွဲမည်ဖြစ်၏။ အဆိပ်၏အန္တရာယ်ကို သိရှိနားလည်သူသည် ၎င်းကိုမသုံးစွဲမှီ မိမိအသက်ကို မုချဆုံးရှုံးစေနိုင်သည်ဟု ယုံကြည်မှု ရှိနေသဖြင့် ထိုအဆိပ်ကို မည်သည့်အခါမျှ သုံးစွဲမည်မဟုတ်ပေ။

ထို့အတူ ကျောက်မျက်ရတနာအကြောင်း နားမလည်သူ၏ ရှေ့မှောက်တွင် စိန်တစ်တုံးကျနေပါက ၎င်းကို အလေးထားအာရုံပြုမည်မဟုတ်ပေ။ စိန်အကြောင်း နားလည်သူကသာ ၎င်း၏တန်ဖိုးကိုပေး၍ အမိအရ ဝယ်ယူမည်ဖြစ်သည်။ ဤသူနှစ်ဦးသည် အမြင်ခြင်းတူညီကြသော်လည်း ခြားနားမှုရှိ၏။ တစ်ဦးသောသူသည် ကျောက်မျက်ရတနာ၏ပညာကို မသင်ခဲ့ရသဖြင့် စိန်၏တန်ဖိုးကို မသိနိုင်။ အခြားပုဂ္ဂိုလ်မှာ စိန်၏တန်ဖိုးကိုသိ၍ ကောင်းစွာဆုံးဖြတ်နိုင်စွမ်းရှိ၏။

ထိုသို့ပင် အရဗီစာပေမတတ်သောပုဂ္ဂိုလ်တစ်ဦး၏ ရှေ့မှောက်တွင် မည်မျှစာသားကောင်း၍ ရသမြောက်သော အရဗီစာအုပ်ကိုဖြစ်စေ ၎င်းစာအုပ်မှ စာသားများကိုဖြစ်စေ၊ တွေ့ရှိခဲ့သော် လှည့်၍ပင်ကြည့်မည်မဟုတ်ပါ။ ထိုသို့ပင် အင်္ဂလိပ်စာပေကို မတတ်ကျွမ်းသူ၏ ရှေ့မှောက်တွင် မည်မျှအနှစ်သာရရှိသော အင်္ဂလိပ်စာအုပ်တစ်အုပ်ကိုဖြစ်စေ၊ ၎င်းစာအုပ်မှ စာသားများကိုဖြစ်စေ တွေ့ရှိခဲ့သော် ထိုသူသည် ယင်းစာအုပ်ကို စက္ကူအညံ့စားထက်ပို၍ တန်ဖိုးထားမည်မဟုတ်ပေ။ ဤသို့ ခြားနားမှုရှိခြင်းကို ပြသလိုသည့်အတွက် အလ္လာဟ်အရှင်မြတ်က ကျမ်းမြတ်ကုရ်အာန်၌ ဤသို့ရှင်းပြထားတော်မူပေသည်။

هل يستوى الذين يعلمون والذين ﻻيعلمون ○
[ဟလ် ယဆ်သဝိလ် လဇီးမ ယအ်လမူးန ဝလ်လဇီးန လာယအ်လမူးန်]
ပညာရှိနှင့် ပညာမဲ့တို့နှစ်ဦးသည် အဘယ်မှာတူညီနိုင်ပါအံ့နည်း။

အမှန်မှာ လုံးဝမတူညီနိုင်ပေ။ အသိပညာရှိသောသူသည် ကောင်းကျိုးဆိုးကျိုးကို ခွဲခြားနိုင်၍ အသိပညာမဲ့သူသည် အကောင်းအဆိုးကို မခွဲခြားနိုင်ပေ။

ပမာပြုရသော် မော်တော်ကားဒရိုက်ဘာတစ်ဦးသည် စက်သံကိုကြားရုံမျှဖြင့် မိမိ၏ကား စက်ချို့ယွင်းသည်၊ မချို့ယွင်းသည်ကို တပ်အပ်သေချာသိမြင်နိုင်၏။ အကယ်၍ ချို့ယွင်းကြောင်းသိပါလျက် အချိန်မှီမပြုပြင်ခဲ့သော် စက်သည် မုချမီးထတောက်နိုင်ပြီး လိုရာခရီးသို့မရောက်နိုင်ကြောင်း နားလည်ထားပေသည်။

အကယ်၍ ကျွန်ုပ်ကဲ့သို့ မော်တော်ကားအကြောင်းနားမလည်သူက ကားကိုတက်၍ မောင်းနှင်လျှင် ကျွန်ုပ်သည် မုချသေဘေးအန္တရာယ်မှ လွတ်ကင်းနိုင်မည်မဟုတ်ပေ။ သို့သာမက လမ်းသွားလမ်းလာ ပုဂ္ဂိုလ်များကိုပင် အန္တရာယ်ဖြစ်သွားနိုင်ပေသည်။

ထို့အတူ ကျွမ်းကျင်သောဆရာဝန်တစ်ဦးသည် ဝေဒနာရှင်တစ်ဦး၏ သွေးကြောကိုစမ်းသပ်ရုံမျှဖြင့် အတွင်းရောဂါသည် မည်သည့်ရောဂါဖြစ်ကြောင်း ပြောပြနိုင်၏။ ၎င်းက ထိုသို့သိရှိပြီးသောရောဂါကို အချိန်မှီကုသမှုမပြုခဲ့သော် ယင်းဝေဒနာရှင်သည် အသက်ဆုံးရှုံးသွားနိုင်ကြောင်း ထုတ်ဖော်ပြောပြတတ်ပေသည်။ ဤနေရာတွင် ဒေါက်တာရမ်းကုဖြစ်နေပါက မည်သည့်အခြေအနေမျိုးဆိုက်ရောက်သွားနိုင်သည်ကို စဉ်းစားကြည့်ရှုကြလေကုန်။

ပညာရေးစနစ်သည်လည်း ဤနည်းအတိုင်းပင်ဖြစ်၏။ ပညာတတ်မြောက်ထားခြင်းဖြင့် စူးစမ်းလေ့လာနိုင်၏။ ရှာဖွေနိုင်၏။ တီထွင်ကြံဆနိုင်၏။ လောကီလောကုတ္တရာနှစ်ဖြာစလုံးတွင် အရှင်၏နှစ်သက်ရာဖြစ်စေသော ကောင်းမှုကုသိုလ် အကျိုးထူးတို့ကို ကျင့်သုံးနိုင်၏။ ဆောက်တည်နိုင်၏။ မိမိအရှင်က တားမြစ်ထားသော အမိုက်တရားအကုသိုလ်များကို ရှောင်ကြဉ်နိုင်၏။ တော်လှန်နိုင်၏။ စင်စစ်လူသားတိုင်းသည် အသိပညာမရှိခဲ့သော် အကောင်းအဆိုးဟူသော အင်အားစုနှစ်ခုကို မခွဲခြားမသိမြင်နိုင်ပေ။

ဤအင်အားနှစ်ခုကို ခွဲခြားသိမြင်နိုင်ရန် အရှင့်ဘက်တော်မှ ညွှန်ပြထားသည့် ပညတ်ချက်များ ပညာရပ်များဖြင့် အကူအညီရယူနိုင်ပေသည်။ သို့ဖြစ်ရာ အလ္လာဟ်အရှင်မြတ်သည် ထိုလမ်းစဉ်နှစ်ခုကို သိရှိကြစေရန် ကမ္ဘာဦးဖခင်အာဒမ်သခင်မှစ၍ နောက်ဆုံးပေါ်ထွန်းတော်မူခဲ့သော တမန်တော်မြတ်မုဟမ္မဒ်ဆွလ္လလ္လားဟုအလိုင်းဟိဝစလ္လမ်အထိ ထောင်ပေါင်းများစွာသော နဗီတမန်တော်များကို စေလွှတ်၍ ရှိုက်သာန်၏ ဒုစရိုက်အမှောင်လမ်းစဉ်မှ ရှောင်ကွင်းစေခဲ့ပြီး အရှင်နှစ်သက်မြတ်နိုးတော်မူသော လမ်းစဉ်ကို စွဲမြဲစွာ ကျင့်သုံးစေခဲ့သည်။

သို့ရှိရာ ကျွန်ုပ်တို့သည် ထိုလမ်းစဉ်ဖြင့် မိမိ၏ဝိညာဉ်ကို သန့်ရှင်းထက်သန်စေပြီး မိမိအရှင်အား အစဉ်မပြတ် ခဝပ်ခြင်း၊ တမ်းတအားထားခြင်းတို့နှင့် နေထိုင်ကြရမည်။ ကမ္ဘာသူ ကမ္ဘာသားများကိုလည်း အရှင့်အမိန့်တော်များကို ထုတ်ဖော်ဟောကြားခြင်း၊ ပြန်ဆိုရေးသားခြင်း သင်ကြားဖြန့်ဖြူးခြင်း စသည်တို့ကို ပြုကြရပေမည်။

لقدمن الله علي المؤمنين اذبعث منهم رسوﻻمن انفسهم يتلواعليهم اياته ويزكيهم ويعلمهم الكتاب والحكمة
[လကဒ် မန်နလ္လာဟု အလ်လလ်မုအ်မိနီးန အိဇ်ဗအစ မင်(န)ဟွမ်(မ) ရစူးလန် မင်(န)အန်ဖုဆိဟင်မ် ယသ်လူအလိုင်ဖ်ဟင်မ် အာယားသိဟီ ဝယူဇက်ကီးဟင်မ် ဝယုအလ် လိမုဟုမုလ်ကိသားဗ ဝလ်ဟိက်မဟ်]

မုအ်မင်န်များအပေါ်၌ အလ္လာဟ်အရှင်မြတ်သည် ကျေးဇူးဂရုဏာပြုထားတော်မူ၏။ အကြောင်းကား အလ္လာဟ်အရှင်မြတ်သည် ၎င်းတို့ထဲမှ တစ်ဦးတစ်ယောက်ကို ရစူလ်အဖြစ်စေလွှတ်တော်မူခဲ့၏။ ၎င်းရစူလ်သည် အရှင့်အမိန့်တော် (အမှန်တရား၏ ပညတ်ချက်) များကို ဟောကြားတော်မူ၍ ဒုစရိုက်မှုများကို ရှောင်ကွင်းစေတော်မူခဲ့သည်။ ကျမ်းတော်မြတ်ကိုလည်း သင်ကြားပြသ၍ နစ်နာဆုံးရှုံးစေမည့်လမ်းများမှ ကယ်တင်တော်မူခဲ့ပေသည်။

ထိုတမန်တော်တို့၏ အမွေစားများကား အာလင်မ်သာသနာ့ပညာရှင်များ ဖြစ်ကြ၏။ ၎င်းတို့နှင့် ပတ်သက်၍ ကျမ်းမြတ်ကုရ်အာန်တွင် အလ္လာဟ်အရှင်မြတ်က မိန့်ဆိုထားပေသည်။

إِنَّمَا يَخْشَى ٱللَّهَ مِنْ عِبَادِهِ ٱلْعُلَمَٰٓؤُا۟
အလ္လာဟ်အရှင်မြတ်ကို အမှန်တကယ် ကြောက်ရွံရိုသေကြသော ပုဂ္ဂိုလ်တို့သည် အာလင်မ် သာသနာ့ပညာရှင်များသာ ဖြစ်ကြကုန်၏။ (၃၅:၂၈)

ထို့သို့သောပုဂ္ဂိုလ်တို့ဖြင့် ကျွန်ုပ်တို့အား အကောင်းဘက်သို့ ရောက်ရှိလာစေရန် လမ်းညွှန်ပေးစေခဲ့ခြင်းသည် ထိုအရှင်၏ ဂရုဏာတရားပင်ဖြစ်လေသည်။

(မော်လာနာကမ္မရွဒ်ဒီးန် ဦးသန်းမောင်(ဂျာမိအီ) ဘာသာပြန်ထားသည့် "အစ္စလာမ့်ပညာရေး" စာအုပ်ပါ အကြောင်းအရာကို အလ်မုဖီးဒ်က ပြန်လည်တင်ဆက်သည်။)

ပညာသင်ရန် အထူးလိုအပ်ခြင်း

ကျွန်ုပ်တို့သည် သာသနာ့ပညာကို ဤမျှအရေးတကြီးဆည်းပူးရန် အဘယ့်ကြောင့်လိုအပ်ရပါသနည်းဟု စဉ်းစားဆင်ခြင်တတ်သူတိုင်း အလိုအလျောက် မေးခွန်းထုတ်တတ်ကြပေသည်။အဖြေကား - လောက၌ အရာဝတ္ထုတိုင်းတွင် နှစ်မျိုးသောအင်အားစုရှိသည်ကို တွေ့မြင်ရပေမည်။ ပထမအမျိုးအစားသည် ရဟ်မာနီ ကြင်နာမှုအင်အားဖြစ်ပြီး ဒုတိယအမျိုးအစားသည် ရှိုက်သွာနီ ခက်ထန်မှုအင်အားပင် ဖြစ်သည်။ ဤအင်အားစုနှစ်ခု၏ နည်းလမ်းသည်လည်း တခြားစီပင်ဖြစ်ပေသည်။ ကျမ်းမြတ်ကုရ်အာန်တွင် ---
وهدينه النجدين
(ဝဟဒိုင်း နားဟွန်(န) နဂ်ျဒိုင်း(န))
ငါအရှင်သည် လမ်းနှစ်သွယ်ကို ညွှန်ပြထားတော်မူ၏ ဟု မိန့်ဆိုထားပေသည်။ ဤတွင် ပထမအင်အားစုသည် လူသားတို့၏ မိတ်ဆွေဖြစ်၍ ကောင်းမှုကို လိုလားသည်။ ဒုတိယအင်အားစုသည် လူသားတို့၏ ရန်သူဖြစ်၍ ဒုစရိုက်မှုကို လိုလားပေသည်။

ပထမအင်အားစုအပေါ်၌ လူသားများ လိုက်နာကျင့်သုံးပါက အစမှ အဆုံးတိုင် သာယာအေးချမ်းမှုကို ခံစားရရှိနိုင်မည်ဖြစ်သည်။ ဒုတိယအင်အားစုအပေါ် လူသားများ လိုက်နာကျင့်သုံးပါမူ အတိုင်းအတာမရှိသော နစ်နာမှုနှင့် မဟာဆုံးရှုံးမှုကြီးကို ခံစားကြရပေမည်။

သို့ပါ၍ ကျွန်ုပ်တို့အတွက် ပထမဆုံးအရေးကြီးသော လိုအပ်ချက်ကား အဘယ်အရာသည် ကျွန်ုပ်တို့အတွက် မိတ်ဆွေဖြစ်သည်။ အဘယ်အရာကား ကျွန်ုပ်တို့အတွက် ရန်သူဖြစ်သည်။ အဘယ်အရာကား ကျွန်ုပ်တို့အတွက် အကျိုးပြုစေသဖြင့် လိုက်နာယုံကြည်ရန် ထိုက်သည်။ အဘယ်အရာကား နစ်နာစေသဖြင့် တော်လှန်သွေဖီထိုက်သည်တို့ကို ဂဃနဏ ခွဲခြားသိရှိနိုင်ရန် အထူးလိုအပ်လှပေသည်။

ထင်ရှားသော မျက်မြင်သာဓကတစ်ခုကို တင်ပြပါမည်။ ကျွန်ုပ်တို့အား အမိဝမ်းတွင်းမှဖန်ဆင်း၍ မွေးဖွားသန့်စင်စေခဲ့သောအရှင်သည် မည်သူနည်း။ ထိုအရှင်ထက်မည်သူက ကောင်းကျိုးကို ပို၍ လိုလားစေပါမည်နည်း။ ထိုအရှင် ကျွေးမွေးစောင့်ရှောက်တော်မူသကဲ့သို့ မည်သူက ကျွေးမွေးစောင့်ရှောက်နိုင်ပါမည်နည်း။ ထိုအရှင်ကဲ့သို့ မည်သူက အေးချမ်းသာယာသောလမ်းကို ညွှန်ကြားပြသနိုင်ပါမည်နည်း။

အလ္လာဟ်အရှင်မြတ် မိန့်တော်မူသည်မှာ ----

أَلَا لَهُ ٱلْخَلْقُ وَٱلْأَمْرُ ۗ تَبَارَكَ ٱللَّهُ رَبُّ ٱلْعَٰلَمِينَ

ဖန်ဆင်းမှုနှင့် အမိန့်အာဏာသည် ထိုအရှင့်ထံ၌သာ ရှိ၏။ စကြာဝဠာကို ဖန်ဆင်းတော်မူသောအရှင်သည် မင်္ဂလာအပေါင်းနှင့် ပြည့်စုံတော်မူချေသတည်း။ (၇:၅၄)

ဤအာယသ်တော်တွင် ခလ်က်ဟူသည် ကမ္ဘာအဝန်းကို ဖန်ဆင်းတော်မူသော အရှင်ပင်ဖြစ်၏။ အမရ်ဟူသည် ဖန်ဆင်းခံတို့အပေါ် အမိန့်ပေးလမ်းညွှန်ခြင်းကို ခေါ်ဆိုပေသည်။

ထိုအရှင်သည် ကျွန်ုပ်တို့အား ဖန်ဆင်းပြီးနောက် အကောင်းအဆိုး လမ်းနှစ်သွယ်ကို ညွှန်ကြားပြသပေးလိုက်၏။ သို့ဖြစ်ရာ ကျွန်ုပ်တို့ကိ ကျွေးမွေးစောင့်ရှောက်၍ အကောင်းဆုံးလမ်းညွှန်မှုကို ပေးတော်မူသော ဖန်ဆင်းရှင်သည် ကျွန်ုပ်တို့အတွက် အားထားရန် အကောင်းဆုံးသောအဖော်မွန်ပေတည်း။

ဒုတိယအင်အားစုနှင့် စပ်လျဉ်း၍ ကုရ်အာန်ကျမ်းမြတ်တွင် လာရှိထားသည်မှာ -

يَٰبَنِىٓ ءَادَمَ لَا يَفْتِنَنَّكُمُ ٱلشَّيْطَٰنُ كَمَآ أَخْرَجَ أَبَوَيْكُم مِّنَ ٱلْجَنَّةِ

အို အာဒမ်၏ သားမြေးအပေါင်းတို့ အသင်တို့ကို ရှိုက်သွာန်က လှည့်စားဖြားယောင်ပြီး ဒုက္ခပေးသောလမ်းစဉ်နောက်သို့ မလိုက်ကြကုန်နှင့်။ အသင်တို့၏ မိဘနှစ်ပါးသည် ရှိုက်သာန်၏ လှည့်ဖျားနှောက်ယှက်ခြင်းကို (သတိမမူ) ကျူးလွန်မိခဲ့ကြသဖြင့် ဂျန္နသ်အတွင်းမှ နှင်ထုတ်ခြင်းခံခဲ့ကြရလေသည်။ (၇: ၂၇)

ထိုသို့သော ရှိုက်သာန်၏ နှောက်ယှက်မှုများမှ ကင်းဝေးနိုင်ရန်အလို့ငှာ ရှိုက်သာန်နောက်သို့ မလိုက်ကြကုန်နှင့်ဟု မိန့်ဆိုထားပေသည်။ ကျမ်းမြတ်ကုရ်အာန် ပါရဟ်(၂၂)တွင်လည်း ဤသို့လာရှိထားပေသည်။

إِنَّ ٱلشَّيْطَٰنَ لَكُمْ عَدُوٌّ فَٱتَّخِذُوهُ عَدُوًّا ۚ إِنَّمَا يَدْعُوا۟ حِزْبَهُۥ لِيَكُونُوا۟ مِنْ أَصْحَٰبِ ٱلسَّعِيرِ

အို အာဒမ်၏ သားမြေးအပေါင်းတို့ မုချ ရှိုက်သာန်သည် အသင်တို့၏အကြီးမားဆုံးသော ရန်သူပင်ဖြစ်၏။ သို့ဖြစ်ရာ ၎င်းရှိုက်သာန်ကို ရန်သူဟူ၍ မှတ်ယူပြီး သတိကြီးစွာထားကြကုန်၊ ၎င်းသည် အသင်တို့ကို ဒုက္ခအဖုံဖုံတွင် နစ်မွန်းဆုံးရှုံးသွားစေရန် အစွမ်းကုန်ကြိုးစားအားထုတ်လျှက် ရှိနေပေသည်။ (၃၅:၆)

အကြောင်းကား ရှိုက်သာန်သည် အလ္လာဟ်ဟို့အရှင်မြတ်၏ အမျက်တော်ဒဏ်ခံရပြီး မလ်အူးန်ကျိန်စာသင့်သူအဖြစ် ရောက်ရှိသွားသောအခါ ၎င်းက အလ္လာဟ်အရှင်မြတ်ထံ ဤသို့လျှောက်တင်ခဲ့လေသည်။

قَالَ فَبِمَآ أَغْوَيْتَنِى لَأَقْعُدَنَّ لَهُمْ صِرَٰطَكَ ٱلْمُسْتَقِيمَ ○ ثُمَّ لَءَاتِيَنَّهُم مِّنۢ بَيْنِ أَيْدِيهِمْ وَمِنْ خَلْفِهِمْ وَعَنْ أَيْمَٰنِهِمْ وَعَن شَمَآئِلِهِمْ ۖ وَلَا تَجِدُ أَكْثَرَهُمْ شَٰكِرِينَ ○

အို ကျွန်တော်မျိုး၏အရှင် ဤလူသားအာဒမ်ကြောင့် အရှင်ထံတွင် ကျွန်တော်မျိုး သေးသိမ်ရှုံချခြင်း ခံခဲ့ရ၏။ သို့ဖြစ်ရာ ကျွန်တော်မျိုးသည် ၎င်းလူသားတို့အား အရှင့်လမ်းတော်မှ သွေဖည်စေ၍ သေးသိမ်ခြင်းအဖြစ်သို့ ရောက်ရှိသွားစေရန် အစွမ်းကုန်နှောင့်ယှက်ပါမည်။ ထိုသို့ ဖျက်ဆီးရာတွင် ရှေ့နောက် ဝဲယာနှင့် အဘက်ဘက်မှ နည်းမျိုးစုံ အဖုံဖုံတို့ဖြင့် အနှောင့်အယှက်ပေးပါမည်။ အမှန်တရားဘက်မှ တိမ်းချော်လွဲမှားစေပြီး မိမိအသင်းသို့ သွတ်သွင်းပါမည်ဟု လျှောက်တင်ခဲ့လေသည်။ (၇:၁၆/၁၇)

သို့ပါ၍ ကျွန်ုပ်တို့ကောင်းကျိုးကို မလိုလားသောရှိုက်သာန်အား သွေဖည်တော်လှန်ရမည် ဖြစ်သည်။ ဤတွင် စာဖတ်သူသည် အင်အားစုနှစ်ခုအပေါ် အဘယ်အရာသည် အကျိုးဖြစ်စေ၍ အဘယ်အရာသည် နစ်နာဆုံးရှုံးစေသည်ကို ခွဲခြားသိမြင်နိုင်လေပြီ။ သို့ရှိရာ မိမိအတွက် ကောင်းမှုကုသိုလ်နှင့် အကျိုးသက်ရောက်စေမည့် အကြောင်းတရားများကို အကြွင်းမဲ့ယုံကြည်လက်ခံ၍ မိမိအတွက်နစ်နာဆုံးရှုံးစေမည့် အကုသိုလ်လုပ်ငန်းများကို အဆိုင်းမတွဖယ်ရှားတွန်းလှန်ပစ်ကြရမည် ဖြစ်ပေသည်။

ကျွန်ုပ်တို့သည် ယင်းအင်အားစုနှစ်မျိုးစလုံး၏ လမ်းစဉ်ကို ကွဲပြားခြားနားစွာ သိမြင်နိုင်ရန် အရေးကြီးလှ၏။ မည်သည့်အရာသည် အမှန်တရား၏ အကျိုးကိုသက်ရောက်စေပြီး မည်သည့်အရာသည် နစ်နာဆုံးရှုံးမှုဖြစ်စေသည်ဟူ၍ ခွဲခြားသတ်မှတ်ရန်အတွက် ကျွန်ုပ်တို့တွင် မှတ်ကျောက်တစ်ခု လိုအပ်ပေသည်။ ထိုမှတ်ကျောက်ပေါ်တွင် အကောင်းအဆိုးကိုတင်၍ စမ်းသပ်ပွတ်တိုက်မှသာ ခွဲခြားသိမြင်နိုင်မည်ဖြစ်သည်။ ထိုမှတ်ကျောက်ကား ပညာပင်ဖြစ်၏။ ထိုပညာဖြင့်သာ ကျွန်ုပ်တို့သည် အလ္လာဟ်အရှင်မြတ်၏ ပညတ်ချက်ဖြစ်သော ကောင်းကျိုးနှင့် ရှိုက်သာန်၏ အနှောင့်အယှက်ဖြစ်သော ဆိုးကျိုးလမ်းစဉ်တို့ကို သိစွမ်းနိုင်ပေသည်။

ဤတွင် စာဆိုတော် ရှိုက်ခ်စအ်ဒီ(ရဟ)သခင်ကြီးက လင်္ကာတစ်ပုဒ်ကို ဤသို့ စပ်ဆိုကျူးရင့်ခဲ့ပေသည်။
(ကျိုးရှမအ် အဇ်ပယေး အိလ်မ်ဗာယသ် ဂိုရာခ်သ် + ကေးဗေအိလ်မ် နသဝါန်ခိုသာ ရာရှနာခ်သ်)
ဖယောင်းအရည်ပျော်ကျသည်သို့ အသိပညာမြတ်ရတနာကို မလွဲမှန်စွာ ဆည်းပူးပါလော့ အကြောင်းသော်ကား ပညာနတ္ထိမြင်မရှိက တစ်ပါးအလ္လာဟ် မြတ်ခိုသာကို သိမြင်စွမ်းအား မရှိငြားတည်း။

အလိုသဘောကား .... ပညာမဲ့လျှင် ဖန်ဆင်းရှင်ကို မသိနိုင်သောကြောင့် အသက်ပင်သေဆုံးသွားပါစေ ပညာကိုသာ ရှာဖွေသင်ယူရမည်ဟူ၏။

{မော်လာနာကမ္မရွဒ်ဒီးန် ဦးသန်းမောင်(ဂျာမိအီ) ဘာသာပြန်ထားသည့် "အစ္စလာမ့်ပညာရေး" စာအုပ်ပါ အကြောင်းအရာကို အလ်မုဖီးဒ်က ပြန်လည်တင်ဆက်သည်။)

ဆွဟာဗဟ်တို့၏ ပညာပို့ချရာ ဌာနများ

ဆွဟာဗဟ်တို့၏ ပညာပို့ချရေးဌာနများ

မဒီနဟ်မြို့တော်တွင် သာသနာ့ပညာများပို့ချပေးခဲ့သည့် ထက်ပေါ်ကျော်ကြားသော တက္ကသိုလ်ကျောင်းကြီး (၅) ကျောင်းရှိခဲ့ပေသည်။

ပထမ အကြီးကျယ်ဆုံးနှင့် အခမ်းအနားဆုံးသော ကျောင်းတော်ကြီးမှာ အာအိရှဟ်(ရသွီ) သခင်မကြီး၏ ကျောင်းတော်ပင်ဖြစ်သည်။ အာအိရှဟ်(ရသွီ) သခင်ကြီးသည် ပညာအရည်အချင်းနှင့် ပြည့်စုံသော သာသနာ့သုခမိန် သူတော်စင်ကြီးတစ်ပါးဖြစ်၏။ သခင်မသည် (၉)နှစ်တိုင်တိုင် တမန်တော်မြတ်၏ မြောက်သားတော်အဖြစ် ရှိနေခဲ့၏။ တမန်တော်မြတ်ကွယ်လွန်ချိန်တွင် သခင်ကြီး၏ သက်တော်မှာ ၁၈ နှစ်မျှသာ ရှိနေပါသေးသည်။ တမန်တော်မြတ်၏ မြောက်သားတော်အဖြစ်ရှိနေစဉ် တမန်တော်မြတ်ထံမှ နက်နဲသိမ်မွေ့လှသည့် များစွာသော သာသနာ့ပညာရပ်များကို ဆည်းပူးသင်ယူခဲ့ပေသည်။
သာဝကကြီးအဗူမူစာ (ရသွီ) သခင်က ဖွင့်ဆိုခဲ့သည်။ ဆွဟာဗဟ်အချို့တို့သည် တစ်ခါတစ်ရံ ဖသာဝါ ဓမ္မသတ်စီရင်ထုံးနှင့် နက်နဲသော မတ်စ်အလဟ်ပညတ်ချက်များကို ဖြေရှင်းပေးရာတွင် နားမလည်နိုင်သည့် အခက်အခဲများ ရှိနေခဲ့ကြ၏။ ၎င်းကို အာအိရှဟ် (ရသွီ) သခင်မကြီးထံ တင်ပြလျှောက်ထားလျှင် သခင်မကြီးက ယင်းအဖြေများကို လွယ်လင့်တကူ ဖြေရှင်းပေးနိုင်ခဲ့လေသည်။ (မိရ်ှကားသ်ကျမ်း)

ဒုတိယအကြီးဆုံး  ကျောင်းတော်ကြီးမှာ ဇိုင်ဒ်ဗင်န်ဆာဗိသ်သခင်ကြီး၏ ကျောင်းတော်ပင်ဖြစ်သည်။ ၎င်းပညာရှိကြီးသည် အစီးအနင်းဖြင့် သွားလာလေ့ရှိ၏။ ထိုအစီးအနင်းကို အဗ်ဒုလ္လာဟ်အိဗ်နုအဗ္ဗါးစ်သခင်ကဲ့သို့သော ဟဒီးစ်ပါရဂူကြီးများကိုယ်တိုင်ကပင် လေးစားရိုသေစွာဖြင့် သိမ်းဆည်းပေးရသည့် ပုဂ္ဂိုလ်မြတ်တစ်ပါးပင်ဖြစ်သည်။ ၎င်းပုဂ္ဂိုလ်ကွယ်လွန်၍ မြေနှံသဂြုင်္ိလ်သောအခါ အိဗ်နုအဗ္ဗါးစ်သခင်က ပညာသည်နောင်တွင် ဤသို့ဤနှယ်ပျောက်ကွယ်သွားပေမည်။ ယနေ့ ပညာ၏ အကြီးမားဆုံးသော အစိတ်အပိုင်းတစ်ခုမှာ မြေသို့မြုပ်နှံသဂြုင်္ိလ်လိုက်ရလေပြီ ဟု ကြေကွဲဝမ်းနည်းစွာဖြင့် ပြောဆိုခဲ့လေသည်။
ထို့အတူ ဟဒီးစ်ပါရဂူကြီး အဗူဟုရိုင်ရဟ်သခင်ကလည်း ယနေ့ကျွန်ုပ်တို့၏ အာလင်မ်ပညာရှင်ကြီးတစ်ပါး ပျောက်ကွယ်သွားရလေပြီဟု ယူကြုံးမရ ဝမ်းနည်းစွာ ပြောဆိုခဲ့လေသည်။

တတိယကျောင်းတော်ကြီးမှာ ဟဒီးစ်ပါရဂူကြီး အဗူဟုရိုင်ရဟ်သခင်၏ ကျောင်းတော်ကြီးပင်ဖြစ်သည်။ သခင်ကြီးထံ ပညာသင်ယူနေကြသော တပည့်ပေါင်းမှာ (၆ဝဝ) ခန့် ရှိပေသည်။

စတုတ္ထကျောင်းတော်ကြီးမှာ ဂျာဗိရ်ဗင်န်အဗ်ဒုလ္လာဟ်သခင်၏ ကျောင်းတော်ကြီးဖြစ်ပါသည်။ သခင်ကြီး၏ အထူးသီးသန့်သင်ကြားပို့ချရာဌာနသည် မတ်စ်ဂျိဒီနဗဝီ တမန်တော်မြတ်၏ ဝတ်ကျောင်းတော်ဖြစ်တွင်ဖြစ်သည်။

ပဉ္စမကျောင်းတော်မှာ အဗူစအီးဒ်ခူရ်ရာမီသခင်၏ ကျောင်းတော်ကြီးပင်ဖြစ်သည်။
ဆဋ္ဌမကျောင်းတော်မှာ သာဝကကြီး အုမရ်သခင်၏ သားတော် အဗ္ဗဒုလ္လာဟ်သခင်၏ ကျောင်းတော်ပင်ဖြစ်သည်။ သခင်သည် နှစ်ပေါင်း (၆ဝ) တိုင်တိုင် သာသနာ့ပညာများကို သင်ကြားပို့ချပေးခဲ့လေသည်။

ဗစွရဟ်မြို့

ဗစွရဟ်မြို့တွင် တမန်တော်မြတ်အား အထူးဝတ်ကြီးဝတ်ငယ်ပြုစုခဲ့ရသော ပုဂ္ဂိုလ်မြတ်ကြီး အနတ်စ်သခင်က (၁၁) နှစ်တိုင်တိုင် သာသနာ့ပညာကို ဖြန့်ဖြူးပို့ချပေးခဲ့ပါသည်။

ဟမ်(စွ)မြို့

ဟမ်(စွ)မြို့သည် ဆီးရီးယားနိုင်ငံ၏ မျက်နှာဖုံးမြို့ကလေးတစ်မြို့ဖြစ်ပြီး မအာဇ်ဗင်န်ဂျဗလ်သခင် နေထိုင်ရာမြို့လည်း ဖြစ်သည်။
တစ်နေ့တွင် အုမရ် (ရသွီ) သခင်အား လူထုကြီးက မိမိ၏အရိုက်အရာဆက်ခံနိုင်သော ပုဂ္ဂိုလ်တစ်ဦးကို ရွေးချယ်သတ်မှတ်ထားပါရန် လျှောက်ထားကြစဉ် အုမရ် (ရသွီ) သခင်က အကယ်၍ မအားဇ်ဗင်န်ဂျဗလ်သခင် (ရသွီ) သည် ယခုအချိန် အသက်ထင်ရှားရှိနေပါက ၎င်းကို ကျွန်ုပ်၏ခလီဖာ ကိုယ်စားလှယ်အဖြစ် ရွေးချယ်မည်ဖြစ်သည်ဟု လေးစားစွာ ဂုဏ်ပြုပြောဆိုခဲ့လေသည်။
အဗူမုစ်လင်မ်ခေါင်လာနီသခင် (ရဟ) က ဖွင့်ဆိုခဲ့သည်။ ကျွန်ုပ်သည် ဟမ်(စွ)မြို့၏ ဂျာမိဗလီကြီးတစ်ခုသို့ ရောက်သောအခါ ဗလီ၏ အသက် (၃ဝ) ခန့်ရှိ ဆွဟာဗဟ်ရွယ်တူများ ဝန်းရံလျှက် ၎င်းတို့အလယ်တွင် လုလင်ပျိုတစ်ဦးက ထိုင်၍ သာသနာ့ပညာများ ဖြန့်ဖြူးနေသည်ကို မြင်ခဲ့ရသည်။ ဆွဟာဗဟ်အသီးသီးသည် ၎င်းလုလင်ပျိုအား မတ်စ်အလဟ်နှင့် ဖသာဝါဓမ္မသတ်များကို မေးမြန်းလျှောက်ထားနေကြ၏။ ကျွန်ုပ်က ထိုလုလင်ပျိုအကြောင်းကို မေးမြန်းစုံစမ်းကြည့်သောအခါ မအားဇ် (ရသွီ) ဖြစ်ကြောင်း သိရှိရလေသည်။

ဒမိရှ်(က်)မြို့
ဒမိရှ်(က်)မြို့တွင် အဗူဒရ်ဒါအ်(ရသွီ)သခင်ကြီးကိုယ်တိုင် သာသနာ့ပညာရပ်များကို ဖြန့်ဖြူးခဲ့၏။ သခင်ကြီးသည် တမန်တော်မြတ်လက်ထက်တော်၌ ကုရ်အာန်ကျမ်းတော်မြတ်တစ်အုပ်လုံးကို အာဂုံဆောင်ကျက်မှတ်နိုင်ခဲ့လေသည်။
သခင်ကြီး သွားလာသောအခါ အနောက်မှ များစွာသော တပည့်တို့ လိုက်ပါလျှက်ရှိကြ၏။ ဤသည်ကို တွေ့မြင်ရသူတို့က ဘုရင်မင်းမြတ်တစ်ပါး ကိုယ်ရံတော်များစွာ ခြံရံလျှက် တိုင်းခန်းလှည့်လည်နေသည်ဟု ထင်မှတ်ခဲ့လေသည်။

မက္ကဟ်မြို့
မက္ကဟ်မြို့တော်တွင် သာသနာ့ပညာကို သူတော်စင်ကြီး အိဗ်နူအဗ္ဗားစ်သခင်က သင်ကြားပို့ချပေးခဲ့၏။ သခင်သည် ကျမ်းစာများ ရေးသားပြုစုရာ၌ အထူးကျွမ်းကျင်မှုရှိသောကြောင့် ၎င်းအား ဗဟ်ရုလ်အိလ်မ် ပညာ့ပင်လယ်ဟူသော ဘွဲ့ဖြင့် ချီးကျူးဂုဏ်ပြုခေါ်ဝေါ်ခဲ့ကြလေသည်။ သခင်သည် ကျမ်းမြတ်ကုရ်အာန်ကို အနက်ဖွင့်ဆိုရာ၌ အထူးကျွမ်းကျင်ပြီး အရည်အချင်းနှင့် ပြည့်ဝသော ပညာရှင်ကြီးတစ်ပါး ဖြစ်ပေသည်။
တစ်နေ့၌ တမန်တော်မြတ်ဆွလ်လလ်လားဟုအလိုင်းဟိဝစလ္လမ်သည် ကိုယ်လက်သန့်စင်ရန် ကြွသွားတော်မူစဉ် အိဗ်နူအဗ္ဗားစ်(ရသွီ) သခင်က မိမိ၏အသိတရားဖြင့် ခွက်တလုံးတွင် ရေထည့်၍ ရိုသေလေးစားစွာ တမန်တော်မြတ်အား ဆက်သတော်မူလေသည်။ ထိုစဉ် တမန်တော်မြတ်က ကိုယ်လက်သန့်စင်ပြီးချိန်တွင် အို အလ္လာဟ်အရှင်မြတ် ဤပုဂ္ဂိုလ်အား ကျမ်းမြတ်ကုရ်အာန်၏ အနက်အဓိပ္ပါယ်ဖွင့်ဆိုနိုင်သည့်ပညာရပ်များ ပေးသနားတော်မူပါဟု ဆုတောင်းပေးခဲ့လေသည်။

မိစွစ်ရ်မြို့
အဗ်ဒုလ္လာဟ်ဗင်န်အမရ်ဗင်န်အာစွ်(ရသွီ)သခင်သည် မိစွစ်ရ်မြို့သားတစ်ဦးဖြစ်၍ ၎င်းမြို့၌ပင် သာသနာ့ပညာရပ်များကို ဖြန့်ဖြူးပေးခဲ့သည်။ ၎င်းသည် တမန်တော်မြတ်လက်ထက်၌ များစွာသော ဟဒီးစ်တော်တို့ကို ကျက်မှတ်၍ ကျမ်းစာတစ်စောင်အဖြစ် စုဆောင်းရေးသားနိုင်ခဲ့သော သုတေသီကြီး တစ်ဦးဖြစ်ပေသည်။

အနှစ်ချုပ်

စွဟာဗဟ်သခင်များ၏ ပညာသင်ယူခြင်း သင်ကြားပို့ချခြင်းအကြောင်းများကို ဤသို့ အကျဉ်းချုပ်တင်ပြခြင်းအားဖြင့် သိလောက်ပေပြီ။ သို့တစေ ထိုခေတ်ထိုအခါက စနစ်တကျ သင်ကြားပို့ချပေးခဲ့သော ကျောင်းများ မရှိခဲ့ပေ။ တက္ကသိုလ်၊ ကောလိပ်ကျောင်းများလည်း ဤသို့မထွန်းကားကြသေးပါ။ ထိုခေတ်က ထိုစနစ်ဖြင့် အစ္စလာမ်သာသနာ့ပညာရပ်များကို သင်ကြားပို့ချပေးခဲ့သော အကြီးဆုံးသော ဌာနကြီးမှာ မဒီနဟ်မြို့တော်ပင်ဖြစ်သည်။

ထိုမြို့သည် အစ္စလာမ်ဘုရင်များ စိုးမိုးအုပ်ချုပ်ခဲ့သည့် နေရာဒေသပင်ဖြစ်သော်လည်း ကောလိပ်ကျောင်းများ၊ ယူနီဗာစတီကျောင်းများ၊ အခြေခံကျောင်းလေးများဟူ၍ သီးခြားအဆောက်အဦးများ မရှိခဲ့ပေ။ ၎င်းပြင် ကျောင်းသားများ၏ ကျောင်းခေါ်ချိန်စာရင်းကိုလည်း ယခုကဲ့သို့ စနစ်တကျ စီစဉ်ထားခြင်း မပြုခဲ့ကြပေ။

ထိုခေတ်တွင် အာအိရှာသခင်မကြီးနှင့် အဗူဟုရိုင်ရာသခင်ကြီးတို့သည် မိမိတို့နေထိုင်ရာဒေသများမှနေ၍ သာသနာ့ပညာရပ်များကို သင်ကြားပို့ချပေးခဲ့ကြလေသည်။

ဂျာဗိရ်သခင်ကြီးကလည်း မတ်စ်ဂျိဒီနဗဝီ ဝတ်ကျောင်းတော်မှနေ၍ ပို့ချပေးခဲ့၏။ အချို့မုစ်လင်မ်တို့သည် မိမိတို့အရည်အသွေးအလိုက် မိမိတို့မြို့နယ်၊ ရပ်၊ ရွာဒေသများတွင် ပညာသင်ကြားပေးသူ ဆရာအဖြစ်လည်းကောင်း၊ အချို့တို့သည် ပညာသင်ယူသူ စာသင်သားအဖြစ်လည်းကောင်း ရှိခဲ့ကြပေသည်။ ထို့အတူ သာဗိအီန်များ၏ သမိုင်းတစ်လျှောက်လုံးတွင်လည်း အထက်နည်းအတိုင်းရှိခဲ့ကြသည်ကို ဖော်ပြထားပေသည်။

ရှိုက်ခ် ဆရာသခင်ပညာရှင်ကြီးများသည် ဗလီ သို့မဟုတ် ကွင်းပြင်ကြီးများတွင် စုဝေးကြပြီး သာသနာ့ပညာရပ်များကို ပို့ချပေးခဲ့ကြပေသည်။ သင်တန်းသားတစ်စုတွင် လူဦးရေပေါင်း လေးသောင်းခန့်ရှိ၏။ အချို့အုပ်စုတွင် တစ်သိန်းကျော်ခန့် တက်ရောက်သင်ယူလေ့ရှိကြပေသည်။

သို့ရှိရာ ထိုခေတ်၌ သာသနာ့ပညာပို့ချရာ သင်တန်းများသို့ တက်ရောက်လာကြသော အုပ်စုတစ်စုတွင် ရေးမှတ်ကြသူများ၏ ကလောင်နှင့် မှင်အိုးများကို မှန်းဆတွက်ချက်ရသော် လေးသောင်းကျော်ခန့်ရှိမည်ဖြစ်ပြီး ကြားနာသူများ၏ အရေအတွက်သည် မည်မျှများပြားမည်ကို မှန်းဆ၍ မရပေ။

ယနေ့ကျွန်ုပ်တို့ခေတ်တွင် ပညာသင်ယူနေကြသော လူထုကြီးတစ်ရပ်လုံးသည် ၎င်းတို့ကဲ့သို့ သာသနာ့ပညာနိုးကြားမှု၊ ဇွဲလုံလတက်ကြွမှု၊ စိတ်ဓါတ်ကြံခိုင်မှုရှိကြမှာသာ သာသနာ့ပညာပို့ချရေးသင်တန်း၏ ရည်ရွယ်ချက်သည် မမျှော်မှန်းနိုင်သော အောင်မြင်မှုပန်းတိုင်သို့ တက်လှမ်းနိုင်ကြမည် ဖြစ်သည်။ ဤသို့သော သာသနာ့ပညာရပ်များကို ဖြန့်ဖြူးရာတွင် လိုသည်ထက်ပို၍ ကျယ်ကျယ်ပြန့်ပြန့် ပို့ချပေးနိုင်မှသာ သာသနာ့အဆီအနှစ်များကိုလည်း စိတ်အာရုံပြည့် ဖော်ကြူးနိုင်မည်ဖြစ်သည်။

အကယ်၍ သာသနာ့ပညာသင်ယူခြင်းသည် သီးသန့်အဖွဲ့အစည်းများနှင့် ကျောင်းသားများ၏ တာဝန်သာဖြစ်သည်။ သို့မဟုတ် သာသနာ့ပညာသင်ယူရန် မိမိတို့အလုပ်အကိုင်များကို စွန့်လွှတ်၍ ကျောင်းတတ်ကြရမည်ဟု သတ်မှတ်ပြဌာန်းထားခဲ့ပါလျှင် သိန်းနှင့်ချီ၍ရှိနေသော တပည့်တို့၏ စားဝတ်နေရေးကို ဆရာတစ်ဦးတည်းက မည်သို့တာဝန်ယူနိုင်ပါမည်နည်း။

သို့ပါ၍ အောက်ဖော်ပြမည့် အကြောင်းအရာတစ်ခုသည် ကျွန်ုပ်၏ စိတ်ဆန္ဒတွင် လုံလောက်သော အထောက်အထားတစ်ခုဖြစ်မည် ထင်၍ တင်ပြလိုက်ပေသည်။
စိုလိုင်မံဗင်န်ဟရဗ်(ရသွီ)သခင်ကြီးသည် ဘဂ္ဂဒါဒ်မြို့၌ သာသနာ့ပညာရပ်များကို သင်ကြားပို့ချပေးခဲ့၏။ ၎င်း၏တပည့်ပေါင်း လေးသောင်းခန့်ရှိ၏။ ခလီဖဟ်မာမွန်ရရှီးဒ်သည်ပင် ၎င်း၏သင်တန်းသို့ မပျက်မကွက် တက်ရောက်လေ့ရှိခဲ့ပေသည်။ မာမွန်ရရှီးဒ်သည် အစ္စလာမ်နိုင်ငံ၏ အကြီးဆုံးသော ဧကရာဇ်မင်းမြတ်ကြီးတစ်ပါးဖြစ်၏။ ဤသို့ တိုင်းပြည်တာဝန်ကို ထမ်းဆောင်လျှက် စိုလိုင်မံဗင်န်ဟရဗ်(ရသွီ) သခင်ကြီး၏ သင်တန်းသို့ တက်ရောက်သင်ယူခဲ့သည်ကို ထောက်ရှုလျှင် ၎င်းတို့၌ သာသနာရေးစိတ်ဓာတ် မည်မျှတက်ကြွသည် မည်မျှပြင်းထန်သည်ကို တိုင်းတာ၍ မရနိုင်ပေ။ ကျွန်ုပ်တို့၏ သာသနာရေးပညာနိုးကြားမှုစိတ်ဓါတ်သည်လည်း ထိုပုဂ္ဂိုလ်များ၏ စိတ်ဓါတ်ကဲ့သို့ပင် ဖြစ်ကြရပေမည်။

သို့သော် ယနေ့ကျွန်ုပ်တို့ခေတ်တွင် ဥစ္စာပစ္စည်းအနည်းငယ်မျှ စုဆောင်းချမ်းသာလာခဲ့သော် သာသနာ့ပညာသင်ယူရန် ရှက်ကြောက်နေကြ၏။ အောက်တန်းကျသည်ဟု မှတ်ယူနေကြ၏။ သာသနာ့ပညာအနည်းငယ်တတ်မြောက်သွားလျှင်လည်း ဆက်လက်သင်ယူရန် ရှက်နေကြပေသည်။အစိုးရဌာနများ၊ ရုံးကန္နားများတွင် အမှုထမ်းဆောင်ရမည်ဆိုပါက မည်သည့်ပညာမျိုးကိုမဆို လိုသည်ထက်ပို၍ ကြိုစားအားထုတ်ကြသည်မှာ လုံးဝရှက်ကြောက်ခြင်း မရှိကြတော့ပေ။ ကျွန်ုပ်တို့မုစ်လင်မ်များတွင် ဤသို့ ကုမရသော ရောဂါဆိုးစွဲကပ်နေသည်မှာ ဆိုးဝါးလှပေသည်။

ပညာဟူသည် ဆုံးခန်းမရှိသော ပင်လယ်၊ သမုဒ္ဒရာတို့နှင့် တူ၏။ ထိုသို့သောပညာများကို ရရှိကြရန် ကျွန်ုပ်တို့အစ္စလာမ်ဘာသာဝင်တိုင်း အမျိုးသား၊ အမျိုးသမီး၊ ပျို/အိုမရွေး အာလင်မ်၊ ဂျာဟိလ်မခြား၊ ကုန်သည်များ လယ်ယာလုပ်သားများ၊ အလုပ်ကြမ်းနှင့် လက်အောက်ခံလုပ်သားများ၊ ဝန်ထမ်းအရာရှိများ စသည့် လူတန်းစား အလွှာအသီးသီးတို့သည် အသွေးအရောင်၊ အဆင့်အတန်းမခွဲခြားပဲ သာသနာ့ပညာကို လုံးပမ်းအားထုတ်ဆည်းပူးကြရန် အထူးလိုအပ် လှပေသည်။ ဤသို့သော သာသနာ့ပညာရပ်များကို အလေးထားသင်ယူ၍ ဆင့်ပွားပို့ချ ဖြန့်ဖြူးပေးနိုင်ကြရန် နေ့စဉ် အချိန်ပိုထုတ်ကြရမည်။

သာသနာ့ပညာကို တတ်သိနားလည်ပြီး လေးစားလိုက်နာကြသည့် အာလင်မ်များထံချဉ်းကပ်၍ နာယူမှတ်သားကြရမည်။ အမြဲတစေ အိပ်ယာမဝင်မီ ငါးမိနစ်အချိန်ခန့်မျှဖြစ်စေ ဖတ်ရှုကြရမည်။ ကျွန်ုပ်တို့သည် နေ့စဉ် စားခြင်း၊ သောက်ခြင်း၊ အိပ်ခြင်းနှင့် အလုပ်ဝင်အလုပ်ဆင်းချိန်တို့တွင် အချိန်ကို ကန့်သတ်၍ သီးခြားသတ်မှတ်ထားသကဲ့သို့ သာသနာ့ပညာသင်ယူရန်အတွက် မိမိအပေါ်၌ အချိန်တစ်ချိန်ကို ဖရ်ဇ်တာဝန်တစ်ရပ်အဖြစ် သတ်မှတ်ထားကြရမည်။

အကြောင်းကား တမန်တော်မြတ်က ----------
طلب العلم فريضة على كل مسلم ومسلمة
{သွလဗုလ် အိလ်မိ ဖရီးဒွသွန် အလာကုလ်လိ မုစ်လိမင်န် ဝမုစ်လိမဟ်}
မုစ်လင်မ်အမျိုးသား၊ အမျိုးသမီးတိုင်းအပေါ် သာသနာ့ပညာဆည်းပူးသင်ယူရန် (ဖရ်ဇ်) မပြုမနေရတာဝန်တစ်ရပ် ဖြစ်သည်ဟု မိန့်တော်မူထားပေသည်။

မော်လာနာကမ္မရွဒ်ဒီးန်ဦးသန်းမောင်(ဂျာမိအီ) ဘာသာပြန်သည့် အစ္စလာမ့်ပညာရေး စာအုပ်ပါအကြောင်းအရာကို အလ်မုဖီးဒ်မှ ပြန်လည်တင်ဆက်သည်။

အစ္စလာမ့်ပညာရေး ၁

ယခုတင်ဆက်မည့် အကြောင်းအရာသည့် အစ္စလာမ့်ပညာရေး အမည်ရှိ စာအုပ်မှ သာသနာ့ပညာသင်ယူရန် အရေးကြီးခြင်းနှင့် ထူးမြတ်မှုများ၊ တမန်တော်ခေတ် ဆွဟာဗဟ်၊ သာဗိအီးန်ကြီးများနှင့် ခေတ်တိုင်းရှိ သာသနာ့ပညာလည်ပတ်ခဲ့ပုံ စသည့်အကြောင်းအရာများ ဖြစ်ပါသည်။ ဤစာအုပ်သည် မြန်မာပြည် မန္တလေးတိုင်းရှိ မော်လာနာကမ္မရွတ်ဒီးန် ဦးသန်းမောင်(ဂျာမိအီ) ဘာသာပြန်ဆိုထားသည့် အလွန်ဖတ်ကောင်းသည့် စာအုပ်ကောင်းတစ်အုပ်ပင် ဖြစ်ပါသည်။ ထိုစာအုပ်မှတဆင့် ပြန်လည်တင်ပြခြင်းဖြစ်ပါသည်။ အင်န်ရှာအလ္လာဟ် အခန်းဆက်ပုံစံဖြင့် နေ့စဉ်တင်ဆက်သွားပါမည်။ မိတ်ဆွေများလည်း ၃မိနစ်ခံမျှ အချိန်ပေးကာ တင်ဆက်သည့် အခန်းများကို ဖတ်ရှုကြပါရန် ပြောလိုပါသည်။ အရှင့်အသနားတော်ဖြင့် သာသနာ့ပညာကို သင်ယူရန် အဆင်သင့်ဖြစ်သွားပါမည်။ အလ္လာဟ်အရှင်မြတ်သည် အီမာန်ရှင်တိုင်းအား သာသနာ့အသိပညာ သင်ယူခွင့်နှင့် ပြန်လည်ပို့ချနိုင်ခွင့်တို့ကို ချီးမြှင့်တော်မူပါ။ အာမီးန် (အလ်မုဖီးဒ်)

အဖွင့်စကား
ဤစာအုပ်သည် အိန္ဒိယနိုင်ငံမှ မော်လာနာအိဒ်ရီးစ်(အန်ဆွာရီ) ရေးသားပြုစုထားသည့် ဟမားရီးသအ်လီးမ် ဟူသောကျမ်းစာကို ကျွန်ုပ်က အစ္စလာမ့်ပညာရေး အမည်ဖြင့် ဘာသာပြန်ဆိုထားခြင်း ဖြစ်ပါသည်။ ကျမ်းပြုရှင်က မိမိကျမ်းစာတွင် သာသနာ့ပညာသင်ယူခြင်း၏ မြင့်မြတ်မှုနှင့် ပညာ၏ အရေးပါမှုတို့ကို အလေးပေးပြဆိုထား၏ ။
အစ္စလာမ်ကလည်း ပညာ၏ မြင့်မြတ်မှုနှင့် အရေးပါမှုတို့ကို ဖော်ပြရာတွင် အလ္လာဟ်အရှင်မြတ်က တမန်တော်မြတ်ထံ ပထမဦးစွာချပေးတော်မူခဲ့သည့် (အိက်ရအ်) ဖတ်လော့။ ထို့နောက် (အလ္လမဗိလ်ကလမိ) အလ္လာဟ်အရှင်မြတ်က ရေးမှတ်ခြင်းကို သင်ပြခဲ့တော်မူခဲ့သည်ဟူသော အာယသ်တော်များပင် ဖြစ်သည်။ ဤသို့ဖတ်ခြင်းနှင့် အတူ ရေးမှတ်ခြင်းကို အထူးပြဆိုထားသည့် အမိန့်တော်များကြောင့် တမန်တော်မြတ်က မုစ်လင်မ်တိုင်း ပညာသင်ယူကြရန် ဖရ်ဇ်တာဝန်ဖြစ်ကြောင်း မိန့်ဆိုခဲ့လေသည်။
သို့ပါ၍ ကျွန်ုပ်သတိပေးလိုသည်မှာ မည်သူမဆို ပညာကို သင်ယူကြပါ။ သင်ပေးကြပါ။ မှတ်သားထားကြပါ။ ပြီးလျှင် လိုက်နာကျင့်သုံးကြပါဟူ၍ ဖြစ်ပေသည်။
အားလုံးမုစ်လင်မ် သိမြင်အဆုံး ကျင့်သုံးနိုင်ကြပါစေ။
((မော်လာနာကမ္မရွဒ်ဒီးန် ဦးသန်းမောင် (ဂျာမိအီ) ၂၈ - လမ်း၊ ရတနာပုံအိုးဘိုဗလီဝင်း၊ မန္တလေးမြို့))

အိလ်မ်ဟူသည်
အရာဝတ္ထုတစ်ခု၏ အရင်းခံဇစ်မြစ်ကို သိရှိနားလည်ခြင်း၊ ခွဲစိတ်ဝေဖန်တတ်ခြင်း၊ ယုံကြည်မှုထားရှိခြင်းကို အရဗီစာပေ၌ အိလ်မ် ပညာဟု ခေါ်ဆိုပေသည်။ အိလ်မ်၏ အများကိန်းသည် အို့လူမ် ဖြစ်၏။ အိလ်မ်၏ ဂုဏ်ထူးဝိသေသနှင့် ပြည့်စုံသူကို အာလင်မ် ပညာရှိသုခမိန်ဟု ခေါ်ဆိုကြပေသည်။
အာလင်မ်၏ အများကိန်းသည် အိုလမာဖြစ်၏။ အာလိမုဒ်ဒီးန် သာသနာ့ပညာရှင်ဟူသည် သာသနာ၏ အရင်းခံအဆီအနှစ်များကို ဂဃနဏနားလည်သိကျွမ်းပြီး ထိုသာသနာအပေါ် စွဲမြဲစွာ ယုံကြည်ကျင့်သုံးသူကို ခေါ်ဆိုကြ၏။ သာသနာ့ပညာနှင့် ပညတ်ချက်များကို သိကျွမ်းနားလည်မှုရှိပြီး ၎င်းအပေါ်ယုံကြည်မှု မရှိပါက ထိုသူကို အာလိမုဒ်ဒီးန် သာသနာ့ပညာရှင်ဟု မခေါ်ဆိုနိုင်ပေ။
အလားတူ သာသနာ့ပညာနှင့် ပညတ်ချက်များအပေါ် ယုံကြည်လေးစားမှုရှိပြီး သာသနာ့အဓိကအဆီအနှစ်များကို မသိနားမလည်ပါမူ ၎င်းကိုလည်း အာလိမုဒ်ဒီးန် သာသနာ့ပညာရှင်ဟု မခေါ်ဆိုနိုင်ပေ။ (အလ်မွန်ဂျိဒ် - စာ ၃၆)
အထက်ပါ ဖွင့်ဆိုချက်ကို ထောက်ရှုခြင်းအားဖြင့် အာလင်မ်တစ်ပါးဖြစ်ရှိရန်အတွက် သာသနာ့ပညာရပ်များကို အရဗီသိပ္ပံကျောင်းများ၌ စနစ်တကျသွားရောက်သင်ယူရမည်။ ဆရာသမားတစ်ဦးဦးထံ အနွံအတာခံ၍ ဆရာနှင့် လက်ပွန်းတတီး နေထိုင်ဆည်းပူးရမည်။ မိမိစီးပွားရေးလုပ်ငန်းများကို လုံးဝစွန့်လွှတ်၍ ကျောင်းတတ်သင်ယူရမည်။ ၎င်းတို့ဆောင်းပေးသော ဘောင်းထုတ်ကို ခံယူမှ အာလင်မ်ဖြစ်မည်ဟူ၍ သတ်မှတ်ချက်မရှိကြောင်း သိမြင်နိုင်ပေသည်။ သို့သော် ထိုသို့သောနည်းစနစ်များဖြင့် သာသနာ့ပညာကို သင်ယူဆည်းပူသူတို့အား သို့လဗာ ကျောင်းသားဟူ၍ ခေါ်ဆိုထိုက်သော်လည်း ၎င်းကို ပုံသေမမှတ်ယူအပ်ပေ။
ပုဂ္ဂိုလ်တစ်ဦးသည် မိမိဝမ်းစာကိုရှာဖွေနေရ၏။ အမောဖြေအပန်းဖြေ အနားယူချိန်များလည်းရှိ၏။ ထိုသူသည် ယင်းအားလပ်ချိန်များမှ  အချိန်ပိုအနည်းငယ်ထုတ်၍ သာသနာ့ပညာများကို အပတ်တကုတ်ကြိုးစားသင်ယူခဲ့၏။ ၎င်းသူကိုပင် သို့လဗာ ကျောင်းသားဟူ၍ ခေါ်ဆိုနိုင်၏။ သို့သာမက .... ထိုသူသည် ကျောင်းသားတစ်ဦး ရရှိအံ့သော ပညာအဆင့်အတန်းနှင့် ပညာ့အကျိုးကုသိုလ်များကိုလည်း ထပ်တူထပ်မျှရရှိနိုင်ပေသည်။
တမန်တော်မြတ်က အစ္စလာမ်သာသနာ့သဘောတရားတွင် မိမိတို့အရောင်းအဝယ်လုပ်ငန်းများကို စွန့်လွှတ်၍ ပညာသင်ယူမှသာ ကျောင်းသားတစ်ဦးဖြစ်ရှိနိုင်သည်။ အာလိမုဒ်ဒီးန် သာသနာ့ပညာရှင်အဖြစ်သို့ ရောက်ရှိနိုင်သည်။ ဟူသော ပြဋ္ဌာန်းချက်ကို လုံးဝမထားရှိခဲ့ပေ။
ယနေ့ ကျွန်ုပ်တို့ မျက်မှောက်ခေတ်တွင် သာဝကကြီးများ၏ စားဝတ်နေရေးနှင့် အုပ်ချုပ်ရေးသမိုင်းမှာ ထင်ရှားစွာရှိနေပေပြီ။ များစွာသော စွဟာဗဟ်သခင်ကြီးများသည် ရောင်းဝယ်ဖောက်ကားခြင်းနှင့် လယ်ယာစိုက်ပျိုးခြင်းဟူသော အလုပ်ကိုလုပ်ကိုင်၍ အသက်မွေးဝမ်းကြောင်းပြုနေခဲ့ကြပေသည်။
အထူးသဖြင့် မုဟာဂျိရ်များသည် ကုန်သည်များဖြစ်ကြ၍ အန်စွာရီများသည် လယ်သမားများဖြစ်ကြ၏။ ထိုသို့ အသက်မွေးဝမ်းကြောင်းအလုပ်ကို နေ့စဉ်နှင့်အမျှ လုံးပမ်းနေကြရစေကာမူ နမားဇ်ကို ဖရ်ဇ်ပညတ်ချက်တာဝန်တစ်ရပ်အဖြစ် မှတ်ယူသကဲ့သို့ သာသနာ့ပညာရှာဖွေဆည်းပူးခြင်းကိုလည်း ဖရ်ဇ်တာဝန်တစ်ရပ်ဟု မှတ်ယူထားကြပေသည်။ ထို့ကြောင့် စွဟာဗဟ်သခင်ကြီးများတွင် မည်သူမျှ ပညာမဲ့မဖြစ်ခဲ့ကြပေ။
တမန်တော်မြတ် ဝဖါးသ် ကွယ်လွန်ပြီးသည့်နောက် ထိုပညာတတ် စွဟာဗဟ်သခင်ကြီးများသည် မိမိတို့ပညာအရညအချင်းနှင့် မိမိတို့နေရာဒေသများတွင် အာလင်မ်ပညာရှင်များအဖြစ် ရပ်တည်နိုင်ခဲ့ကြပေသည်။ တစ်ချိန်က ထိုပုဂ္ဂိုလ်တို့သည် တမန်တော်မြတ်လက်ထပ်တော်တွင် သာသနာ့ပညာရပ်များကို သင်ယူခဲ့ကြသော ကျောင်းသားများဟု ဆိုရပေမည်။
အကယ်၍ ထိုပုဂ္ဂိုလ်တို့သည် ထိုစဉ်က သာသနာ့ပညာရပ်များ သင်ယူခြင်း သင်ကြားပို့ချခြင်းကို သီးသန့်အဖွဲ့အစည်း အသင်းအပင်းတစ်ခု၊ သို့မဟုတ် လူတစ်စု လူတန်းစားတစ်ရပ်၏ တာဝန်သာဖြစ်သည်ဟု မှတ်ယူ၍ လွတ်လွတ်ကင်းကင်း နေထိုင်ခဲ့ပါမူ ယနေ့ကျွန်ုပ်တို့ထံသို့ သာသနာ့ပညာရပ်များ ဤသို့ကျယ်ကျယ်ပြန့်ပြန့်ရောက်ရှိရန် အလွန်ခဲယဉ်းလှပေသည်။
အကြောင်းဆိုရသော် နှောင်းခေတ်ရှိ အပ်စ်ွဟာဗိစွတ်ဖဟ် ဦးရေသည် စွဟာဗဟ်များ၏ အရေအတွက်နှင့် နှိုင်းယှဉ်ကြည့်သော် ဂျုံစေ့နှင့် ဆားပွင့်ပမာ ခြားနားနည်းပါးနေကြောင်း တွေ့ရပေမည်။ အပ်စ်ွဟာဗိစွတ်ဖဟ်များတွင် တမန်တော်မြတ်၏ သြဝါဒတော်များကို အများဆုံးဆင့်ပြန်ပို့ချနိုင်ခဲ့သူမှာ အဗူဟိုရိုင်ရာရသွီယလ္လာဟုအန်ဟု တစ်ဦးတည်းသာလျှင် ရှိခဲ့၏။ သခင်သည် တမန်တော်မြတ်၏ ဟဒီးဒ်သြဝါဒတော်ပေါင်း ခြောက်ထောင်ခန့်ကို တစ်ဆင့်ပြန်လည် ပို့ချပေးနိုင်ခဲ့လေသည်။
အိမာမ်ဗိုခါရီသခင်ကြီးပင် စွဟီးဟ်ဟဒီးစ်တော်ပေါင်း တစ်သောင်းခန့်ကို အာဂုံဆောင်နိုင်ခဲ့၏။ ၎င်းပြင် အခြားဟဒီးစ်တော်ပေါင်းများစွာကိုလည်း ကိုယ်တိုင်စုဆောင်းရေးသားထားပေသည်။ ဤမျှ များပြားလှသော ဟဒီးစ်တော်များကို အဘယ်မှရရှိခဲ့ပါသနည်း။ စဉ်းစာကြည့်ကြလေကုန်။
သာဝကကြီးအွမ္မရ်(ရသွီ)သခင်က ဖွင့်ဆိုခဲ့သည်မှာ ကျွန်ုပ်သည် (အဝါလီ) မဒီနာဟ်မြို့အနီးတဝိုက်မှ ကျေးရွာလေးတွင်နေထိုင်ခဲ့စဉ်က တစ်နေကုန်အလုပ်ခွင်၌သာ ရှိနေခဲ့၏။ အန်စွာရီနောင်တော်များက တမန်တော်မြတ်ဆွလ္လလ္လားဟုအလိုင်းဟိဝစလ္လမ် ထံ ဝင်ရောက်ခစားပြီး သင်ယူမှတ်သားခဲ့ကြသော သာသနာ့ပညတ်တော်များကို ကျွန်ုပ်က ထပ်ဆင့်သင်ယူကျက်မှတ်ခဲ့ရလေသည်။ တစ်ဖန်ကျွန်ုပ်ကလည်း တမန်တော်မြတ်ထံ တစ်လှည့်ပြန်ချဉ်းကပ်၍ ပညတ်တော်များကို ဆည်းပူးသင်ယူခဲ့ပြီး အန်စွာရီများအား တစ်ဆင့်သင်ကြား ပို့ချပေးခဲ့ပါသည်။ (ဗိုခါရီကျမ်း)
သာဝကကြီး အလီဗင်န်ဇူရ်အာ(ရသွီ)သခင်က ဖွင့်ဆိုခဲ့ပါသည်။ တမန်တော်မြတ်မကွယ်လွန်မီ ကိုယ်တော်သည် ဟဒီးစ်တော်များကို ကျွမ်းကျင်ပြီး ပညာအရည်အချင်းနှင့် ပြည့်စုံသော သူတော်စင်သာဝကပေါင်း တစ်သောင်းကျော်ခန့်ကို မွေးထုတ်ပေးခဲ့ပါသည်။ ၎င်းပုဂ္ဂိုလ်မြတ်တို့သည် အစ္စလာမ်လူထုကြီးအား ဟဒီးစ်တော်များကို အဆက်မပြတ်သင်ကြားပို့ချပေးခဲ့ပါသည်။ အကယ်၍ အပ်စ်ွဟာဗိစွတ်ဖဟ်များသာ ပညတ်ချက်များကို သင်ယူဆည်းပူး၍ အဆုံးသတ်ခဲ့ပါလျှင် ဤရာပေါင်းအနည်းငယ်မျှရှိသော အပ်စ်ွဟာဗိစွတ်ဖဟ်များက ထိုတစ်သောင်းကျော်ခန့်ရှိသော ဆွဟာဗဟ်များကို အာလင်မ်ပညာရှင်များအဆင့်သို့ ရောက်အောင် အဘယ်သို့ပို့ဆောင်နိုင်ပါအံ့နည်း။
တမန်တော်မြတ်ကွယ်လွန်ပြီးနောက် ဆွဟာဗဟ်ကြီးများ၏ သာသနာ့ပညာပို့ချရေးအဖွဲ့ဝင်များသည် ဌာနအသီးသီး၌ ရှိနေခဲ့ကြသည်။ ထိုအဖွဲ့အစည်းများတွင် များစွာသောပုဂ္ဂိုလ်တို့သည် အပ်စ်ွဟာဗိစွတ်ဖဟ်များ မဟုတ်ကြပေ။

((အင်န်ရှာအလ္လာဟ် ရှေ့အခန်းတွင် စွဟာဗဟ်တို့၏ ပညာရေးပို့ချရာ ဌာနများ အကြောင်းကို တင်ဆက်ပါမည်။))

ဂျလာတင်းအကြောင်း

နေ့စဉ်သောက်နေကြသော ဆေးဝါးတောင့် Medicine Capsules များနှင့် အစ္စလာမ့်တရားတော်၏ အမိန့်ပညတ်ချက်
** စုဆောင်းတင်ပြသူ >> မုဟမ္မဒ်အာတီယား - (B.Sc.(Chem:) **

မုဖ်သီမုဟမ္မဒ်စူရတီဆွာဟိဗ် (မဇွာဟေရီ) ၏ အမှာစာ
စာရှုသူ လူကြီးမင်းလက်ဝယ်ရှာ " ဆေးဝါးတောင့်များနှင့် အစ္စလာမ့်တရားတော်၏ ပညတ်ချက် " စာစဉ်ကို မုဟမ္မဒ်အာတီယား ဆွာဟိဗ်မှ စုစည်းရေးသားတင်ပြထား၏။ စာရေးသူသည် (B.Sc.(Chem:) ဘွဲ့ရပုဂ္ဂိုလ်တစ်ဦး ဖြစ်ပါသည်။ စာရေးသူသည် ကျွန်ုပ်တို့၏ အကာဗိရ်အကြီးအကဲ စစ်မှန်သောသာသနာ့ပညာရှင်ကြီးများ၏ အဆိုအမိန့်များကိုသာ စုစည်းတင်ပြထားခြင်း ဖြစ်၏။ ဟရာမ်၊ ဟလာလ် ခွဲခြားခြင်း ပျောက်ကွယ်နေသော မျက်မှောက်ခေတ်အတွက် စာရေးသူ၏ ကြိုပမ်းမှုသည် အလွန်အားရကျေနပ် ဝမ်းမြောက်ဖွယ်ကောင်းသော ကြိုးပမ်းမှုပင် ဖြစ်၏။ အလ္လာဟ်အရှင်မြတ် စာရေးသူကို စစ်မှန်သောသာသနာ့ပညာရှင် အကြီးအကဲများ၏ အရိပ်အောက်တွင်နေကာ ပို၍ကြိုးပမ်းနိုင်စွမ်း သောဝ်ဖီးက်ချီးမြှင့်တော်မူပါစေ။ (အာမီးန်) **မုဖ်သီ မုဟမ္မဒ်စူရတီ(မဇွာဟေရီ)**

စုဆောင်းတင်ပြသူ၏ အမှာစာကျွန်ုပ်တို့ စားသောက်သုံးစွဲနေသော အစားအစာများ အထူးသဖြင့် ဆေးဝါးများတွင် ဟရာမ်ဖြစ်သောသားကောင်တို့၏ ဆေးဝါးများ ပါဝင်နေကြောင်း မသိရှိသူ များပြားလှပါသည်။ အစားအစာနှင့် ဆေးဝါးတို့တွင် ဟရာမ်ဖြစ်စေသော ပစ္စည်းများ အနည်းမျှပင်ပါဝင်နေလျှင် ထိုအစားအစာနှင့် ဆေးဝါးတို့ကို ဟလာလ်ဖြစ်သည်ဟု မသတ်မှတ်နိုင်တော့ပေ။ ထို့ကြောင့် သက္ကဝါတရားထားသူ အီမာန်ရှင်တစ်ဦးအနေဖြင့် မိမိသုံးဆောင်မှီဝဲမည့် အစားအစာနှင့် ဆေးဝါးတို့တွင် ဟရာမ်ပစ္စည်းပါဝင်ခြင်း ရှိ မရှိကို စူးစမ်းစစ်ဆေးရန် လိုအပ်ပေမည်။ ဤစာအုပ်ကို အင်တာနက်ပေါ်ရှိ တောင်အာဖရိကနိုင်ငံ ဇမ်ဘီယာမြို့၊ အိုလမာအဖွဲ့ ဝဘ်ဆိုဒ်၊ မလေးရှားဝဘ်ဆိုဒ်နှင့် ဆော်ဒီအာရေဗီးယားနိုင်ငံ၏ ဝဘ်ဆိုဒ်များမှ newslatter များကို မြန်မာဘာသာပြန်၍ စုဆောင်းပြုစုထားပါသည်။ ညီနောင်မုစ်လင်မ်တို့အတွက် အကျိုးဖြစ်မည်ဟု ယုံကြည်ပါသည်။ ဤစာအုပ်ကို ဖတ်ရှုလေ့လာစစ်ဆေးပေးသော မုဖ်သီမုဟမ္မဒ်စူရတီဆွာဟိဗ်အား အထူးကျေးဇူးဥပကာရ တင်ရှိပါသည်။ ** မုဟမ္မဒ်အာတီယား - (B.Sc.(Chem:) **

နေ့စဉ်သောက်နေကြသော ဆေးဝါးတောင့် Medicine Capsules များနှင့် အစ္စလာမ့်တရားတော်၏ အမိန့်ပညတ်ချက်ကျွန်ုပ်တို့နေ့စဉ်သောက်နေကြသော ဆေးတောင့် အမာ၊ အပျော့ Medicine Capsules များကို ဟရာမ်ဂျလာတင်း သုံး၍ ပြုလုပ်ထားသောကြောင့် အစ္စလာမ့်တရားတော်အရ ဤသို့သောဆေးများဖြင့် ဆေးကုသခွင့် ရှိ မရှိကို ရှင်းလင်းတင်ပြခြင်း။

အို လူသားအပေါင်းတို့ အသင်တို့သည် ကမ္ဘာမြေပေါ်ဝယ် ရှိလေသောအရာများအနက်မှ စားသုံးပိုင်ခွင့်ပြုထားသော ဟလာလ်သန့်စင်သောအရာများကို စားသုံးကြလော့။ သို့ရာတွင် အသင်တို့သည် ရှိုက်သွာန်၏ ခြေရာများကို ဖဝါးခြေထပ်မလိုက်ကြကုန်လင့်။ အမှန်စင်စစ် ယင်းရှိုက်သွာန်သည် အသင်တို့၏ ပွင့်လင်းထင်ရှားလှစွာသော ရန်သူရန်ဘက်ပင်ဖြစ်ချေသည်။ ကုရ်အာန် ၂: ၁၆၈

အို မုအ်မင်န် ယုံကြည်သူအပေါင်းတို့ အသင့်တို့အား ငါအရှင်မြတ်ပေးသနားတော်မူသော ကောင်းမွန်သန့်ပြန့်သော အဟာရများအနက်မှ အသင်တို့သည် ကြိုက်နှစ်သက်ရာကို စားသုံးကြကုန်။ ၎င်းအပြင် အကယ်၍ အသင်တို့သည် အရှင်မြတ်ကိုသာ ခဝပ်ကိုးကွယ်ကြပါလျှင် အသင်တို့သည် အလ္လာဟ်အရှင်မြတ်အား ကျေးဇူးတင်ကြကုန်။ ၂/၁၇၂

ထို့ပြင်တစ်ဝ အသင်တို့သည် မိမိတို့အား အလ္လာဟ်အရှင်မြတ်က ပေးသနားတော်မူသည်များအနက်မှ စားသုံးခွင့်ပြုထားတော်မူသော သန့်စင်သောအရာများကို စားသုံးကြလေကုန်။ ၅: ၈၈

အလ္လာဟ်အရှင်မြတ်သည် အသင်တို့အပေါ်၌ အသေကောင်များကိုလည်းကောင်း၊ ယိုစီးသောသွေးကိုလည်းကောင်း၊ ဝက်၏အသားကိုလည်းကောင်း၊ အလ္လာဟ်အရှင်မြတ်၏ နာမတော်မှတစ်ပါး အခြားကိုးကွယ်ရာများ၏ အမည်နာမများကို တသပြီး လှီးဖြတ်ထားသော တိရိစ္ဆာန်များကိုလည်းကောင်း မုချတားမြစ်ထားတော်မူလေသည်။ ၂: ၁၇၃

ဟရာမ် အစားအသောက် စားထားသူသည် ဂျန္နသ်သုခဘုံသို့ ဝင်ရောက်နိုင်မည်မဟုတ်ပါ။ (မိရ်ှကားသ်ကျမ်း)
ဟရာမ် စားသုံးပိုင်ခွင့်မရှိသည့်အရာများနှင့် ဟလာလ်စားသုံးပိုင်ခွင့် ရှိသည့်အရာများကို ရောနှောလိုက်ပါက စားသုံးပိုင်ခွင့်ရှိသည်များကိုပါ ဖျက်ဆီးပစ်လေသည်။ (မိရ်ှကားသ်ကျမ်း)

အလ္လာဟ်အရှင်မြတ်သည် ဟရာမ်ဖြစ်သောအရာများထဲတွင် အသင်တို့၏ ရောဂါများကို ပျောက်ကင်းစေသောအရာများ ထည့်ထားတော်မူခြင်း မရှိ။ (ဗုခါရီကျမ်း)

မိမိတို့နေစဉ်သောက်နေကြသော ဆေးတောင့် အမာ အပျော့ Medicine Capsules များကို ဟရာမ် ဂျလာတင်း သုံး၍ ပြုလုပ်ထားပါသည်။ ဥရောပနိုင်ငံရှိ ဂျလာတင်း Gelatine ထုတ်လုပ်သူတို့၏ အဆိုအရ ၈ဝရာခိုင်နှုန်း ဝက်သားရေ၊ ၁၅ရာခိုင်နှုန်းကို နွားသားရေနှင့် ကျန် ၅ရာခိုင်နှုန်းကို ဝက်နှင့် နွားတို့၏ အရိုးတို့မှ ထုတ်ယူခြင်းဖြစ်ပါသည်။ တရုတ်နိုင်ငံ၊ ဥရောပနိုင်ငံများ၊ အမေရိကနိုင်ငံများမှ အများဆုံးထုတ်လုပ်ကြပါသည်။

ကမ္ဘာ့ဂျလာတင်း Gelatine ထုတ်လုပ်မှုမှာ တစ်နှစ်လျှင် ၃၃ဝ,ဝဝဝ မက်ထရစ်တန် ဖြစ်သည်။ ယင်းထုတ်လုပ်မှုတွင် ၂ရာခိုင်နှုန်းသာ ဟလာလ်ဂျလာတင်းဖြစ်ပြီး ကျန် ၉၈ ရာခိုင်နှုန်းမှာ ဟရာမ်ဂျလာတင်းဖြစ်ပါသည်။

ဂျလာတင်း (GELATING) ဆိုသည်မှာ အဘယ်အရာနည်း။Gelatine ဆိုသည်မှာ တိရိစ္ဆာန်၏ သားရေနှင့် အရိုးတို့မှထုတ်ယူရရှိသော စားသောက်ဖွယ် အသားဓာတ်တစ်မျိုး (Good Protein) ဖြစ်ပါသည်။ Gelatine ၏ ထူးခြားချက်မှာ ယင်းသည် နိမ့်သောအပူချိန်တွင် ရေ၌ပျော်ဝင်ပြီး၊ အခဲဘဝမှ အရည်ဘဝသို့ အပူရှိန်းအနည်းငယ်မျှ ရရုံဖြင့် ပြောင်းလဲနိုင်ပါသည်။ လူ၏ ကိုယ်ခန္ဓာ၏အပူချိန်ထက် နိမ့်သောအပူရှိန်တွင်လည်း ပျော်ဝင်နိုင်သဖြင့် Gelatine ကို ပါးစပ်တွင်ထည့်ရုံမျှဖြင့်လည်း ပျော်သွားပြီး အလွန်ထူးကဲသောအရသာကို ရရှိစေပါသည်။ Gelatine ကို ထုတ်လုပ်သောအဓိက ကုန်ကြမ်းပစ္စည်းမှာ သားရေနှင့် အရိုးတို့ဖြစ်ပါသည်။
- အရိုးမှ ထုတ်လုပ်ခြင်း -
အရိုးမှ ထုတ်လုပ်ရာတွင် အရိုးကိုကြိတ်ခွဲ၍ ဟိုက်ဒရိုကလိုရစ်အက်စစ်အပျော့တွင် စိတ်ထားခြင်းဖြင့် အရိုးအတွင်းရှိ ကယ်လ်ဆီယမ်ကာဗွန်နိတ်နှင့် ဖော့စဖိတ်တို့ကို ပျော်ဝင်စေသည်။ အကြွင်းအကျန်အဖြစ်ရရှိသော ပရိုတင်းအသားဓာတ်မေထရစ် Residual Protein Matrix (Collagen 1) ကို ရေထဲသို့ထည့်၍ အပူပေးခြင်း၊ စစ်ထုတ်ခြင်း၊ လက်ကျန်အရည်မှ အညစ်အကြေးများကို ဓာတုနည်းဖြင့် သန့်စင်စေပြီးနောက် ရရှိသော အပြစ်ချွဲရည်ကို ခဲခြင်း၊ အခြောက်ခံခြင်းတို့ကို ပြုလုပ်ပါသည်။ နောက်ဆုံးတွင် ရရှိသော (Gelatine) အခဲများကို အမှုန့်ကြိတ်ခြင်းဖြင့် စားသုံးရန် အသင့်ဖြစ်စေပါသည်။
- သားရေမှ ထုတ်လုပ်ခြင်း -
ငယ်ရွယ်သော သားကောင်များ၏ သားရေကို pH 4 ဖြစ်စေရန် အက်စစ်ထည့်၍ အက်စစ်ဒီဖိုင်းဒ် acidified ပြုလုပ်ပြီး ရေနွေးတွင် ကော်လဂျင် collagen များကို ပျော်ဝင်စေရာမှ (Gelatine) ကို ထုတ်ယူပါသည်။ သက်ကြီးရွယ်အို သားကောင်များ၏ သားရေကို အယ်လ်ကလိုင်း Alkaline ဖြင့် အမွေးအမှင်များကို ဖယ်ရှားပြီး ရရှိသော သားရေကို pH 4 ဖြစ်စေရန် အက်စစ်ထည့်၍ အက်စစ်ဒီဖိုင်းဒ် acidified ပြုလုပ်ပြီး ရေနွေးတွင် ကော်လဂျင် collagen များကို ပျော်ဝင်စေခြင်း၊ သန့်စင်ခြင်း စသည့်အဆင့်များကို ဖြတ်သန်းရာမှ ဂျလာတင်း Gelatine ကို ထုတ်ယူရရှိပါသည်။

ဂျလာတင်း (Gelatine) ကို အစားအသောက်ထုတ်လုပ်ရာတွင် ကျယ်ပြန့်စွာ အသုံးပြုကြကြောင်း တွေ့ရပါသည်။ ဥပမာ အချိုပစ္စည်းများ၊ ရေခဲမုန့်၊ တော်ဖီ၊ စွပ်ပြုပ်အမှုန့်၊ marshmallow ဆိုသည့် အချိုမုန့်၊ ကလေးများစားကြသည့် ဂျယ်လီများ၊ စည်သွပ်ဗူး၊ ဒိန်ချဉ်ဗူး၊ သောဆေးဝါးတောင့်များ (အမာ၊ အပျော့) အစရှိသည်တို့ကို ထုတ်လုပ်ရာတွင် ကျယ်ပြန့်စွာသုံးလေ့ရှိကြပါသည်။
အစ္စလာမ့်ရှုထောင့်မှ Gelatine ဂျလာတင်းကို စားပိုင် မပိုင် လက်တွေ့လေ့လာဆန်းစစ်ခြင်း။ သမားရိုးကျ သာသနာ့ပညာရှင်များ ( ဖုကာဟာ Fuqaha (Jurists) တို့က မသန့်ရှင်းသော အရာတစ်ခုမှ သန့်ရှင်းသည့် အရာတစ်ခုသို့ လုံးဝကူးပြောင်းသွားခြင်း (သဗ်ဒီလေမာဟိယသ် သို့မဟုတ် ကလဘ်အေမာဟိယသ် Tabdeel-e-Maahiyat (or) Qalb-e-Maahiyat) ဟူသော အဆိုအသုံးအနှုန်းတို့ကို သုံးလေ့ရှိကြပါသည်။

ဥပမာ အရက်မှ ရှလကာရည်အဖြစ်သို့ ကူးပြောင်းသွားခြင်းဖြစ်ပါက စားသုံးနိုင်သည်ဟူသော အဆိုနှင့် ဝက်သတ္တဝါသည် ဆားကျင်းထဲသို့ ကျသေသွား၍ ဝက်သေသည် ပျက်စီးပုပ်သိုး၍ ဆားအဖြစ်သာ အပြတ်အသတ်ကူးပြောင်းသွားခြင်းဖြစ်ပါက စားသုံးနိုင်သည်ဟူသော အဆိုများရှိသည်ကို တွေ့ရပါသည်။

အထက်ဥပမာကို အခြေခံ၍ တိရိစ္ဆာန်၏ သားရေနှင့် အရိုးများသည် ဟရာမ်အကောင်များမှ ရရှိသည်ဖြစ်ပါစေ Gelating အဖြစ်သို့ ပြီးပြည့် ပြတ်သားစွာ ရုပ်ပြောင်းလဲခြင်းနှင့် ဓာတ်ပြောင်းလဲခြင်း ဖြစ်လာခဲ့သည်ရှိသော် စားသုံးနိုင်မည်ဖြစ်ပါသည်။ အားလုံးသိရှိထားပြီးသည့် အဓိကအချက်မှာ အပြီးအပြတ် ရုပ်ပြောင်းလဲခြင်းနှင့် ဓာတ်ပြောင်းလဲခြင်း ဖြစ်သွားမှသာလျှင် Gelatine မှာ ဟလာလ်ဖြစ်မည်။

Gelatine သည် အပြီးအပြတ် ရုပ်ပြောင်းလဲခြင်းနှင့် ဓာတ်ပြောင်းလဲခြင်းဖြင့် ရရှိပါသလား။ လုံးဝမရရှိပါဟူသော အဖြေကို ပေးနိုင်ပါသည်။ ဟရာမ်ဖြစ်သည့် ဝက်သားကောင် သို့မဟုတ် အစ္စလာမ့်ခွင့်ပြုထားသည့် ဘောင်အတွင်းမှ လှီးဖြတ်ခြင်း မပြုထားသည့် သားကောင်များသည်လည်း ဟရာမ်ဖြစ်၏။ ထို့သို့သောသားကောင်များမှ ထုတ်လုပ်သော Gelatine

 များသည် လုံးဝဟရာမ်ဖြစ်ပြီး လက်ခံနိုင်ဖွယ်ရာမရှိပါ။

လင်းန်နော့ဒေးဗစ် (Lennox Devis ) သည် Gelating ထုတ်လုပ်သည့် အကြီးဆုံးစက်ရုံဖြစ်ပြီး အမေရိက၊ သြစတေးလျ စသည့်နိုင်ငံ မြောက်များစွာတွင် စက်ရုံပိုင်များရှိကြပါသည်။ တောင်အာဖရိကရှိ ခရူဂါစ်ဒရော်ပ်မြို့ (Krugersdorp South Africa) တွင် အကြီးဆုံးသော စက်ရုံခွဲတစ်ခုရှိပါသည်။ တောင်အာဖရိကရှိ ဤစက်ရုံကို ဝါရင့်မုဖ်သီများ၊ သာသနာ့ပညာရှင်ကြီးများက နှစ်ပေါင်းများစွာ ဝင်ရောက်လေ့လာခဲ့ကြပါသည်။ ၁၉၉ဝ ခုနှစ် သြဂုတ်လတွင် တောင်အာဖရိကနိုင်ငံ ထရန်းစ်ဝါးလ် Transvaal ခရိုင် အိုလမာအဖွဲ့မှ ဝါရင့်မုဖ်သီများကလည်း Gelatine ထုတ်လုပ်သည့် လုပ်ငန်းစဉ်တစ်ခုလုံးကို အနီးကပ်လေ့လာခဲ့ကြပါသည်။ ထိုအဖွဲ့၏ အနီးကပ်လေ့လာတွေ့ရှိချက်အရလည်း Gelatine ကို စားသုံးပိုင်ခွင့်မပြုနိုင်ကြောင်း တွေ့ရှိခဲ့ပေသည်။ ၁၉၉၇ ခုနှစ်တွင် နောက်ထပ်အိုလမာအဖွဲ့တစ်ဖွဲ့သည် မုဖ်သီ မုဟမ္မဒ်ရဖီးအုစ်မာနီ ဆွာဟိဗ် (ပါကစ္စတာန်၏ မုဖ်သီ ချုပ်ဟောင်းမုဟမ္မဒ်ရှဖီးဆွာဟိဗ် ၏ သား) ၏ ဦးဆောင်မှုဖြင့် ယင်းတောင်အာဖရိကရှိ Lennox Devis ဂျလာတင်းထုတ်သည် စက်ရုံကို သွားရောက်လေ့လာခဲ့ပါသည်။ ထိုလေ့လာတွေ့ရှိချက်အရ ပြီးပြည့်စုံစွာ ရုပ်ပြောင်းလဲခြင်းနှင့် ဓာတ်ပြောင်းလဲခြင်းများ လုံးဝမဖြစ်ကြောင်း ဆုံးဖြတ်ခဲ့ကြပါသည်။

ထို့အတူ သာသနာ့ပညာရှိသုခမိန်ကြီး မုဖ်သီမုဟမ္မဒ်သကီးအုစ်မာနီ (မုဖ်သီမုဟမ္မဒ်ရှဖီးဆွာဟိဗ် ၏ သား) ၏ ပြောပြချက်အရ သိရှိရသည်မှာ သူကိုယ်တိုင် နိုင်ငံတကာ ခရီးထွက်၍ လေ့လာကြည့်ရာ Gelatine ထုတ်လုပ်ရာတွင် ပြီးပြည့်စုံစွာ ရုပ်ပြောင်းလဲခြင်း၊ ဓာတ်ပြောင်းလဲခြင်း လုံးဝမဖြစ်သည်ကို တွေ့ရှိရသဖြင့် Gelatine ကို စားသုံးနိုင်သည် ၊ ဟလာလ်ဖြစ်ပါသည် ဟူသော ဖသာဝါဓမ္မသတ် မထုတ်နိုင်ပါ။ မည်သို့ပင်ဖြစ်ပါစေ အကယ်၍ အနာဂတ်တွင် အပြတ်အသတ်ရုပ်ပြောင်းလဲခြင်းနှင့် ဓာတ်ပြောင်းလဲခြင်း ဖြစ်ပါသည်ဟူ၍ လက်တွေ့ဖော်ထုတ်တွေ့ရှိမည်ဆိုပါက ခွင့်ပြုနိုင်ပါမည်ဟု ၎င်းက ပြောဆိုဆုံးဖြတ်ခဲ့ပါသည်။
အပြတ်အသတ် ပြီးပြည့်စုံစွာ ရုပ်ပြောင်းလဲခြင်းနှင့် ဓာတ်ပြောင်းလဲခြင်း မဖြစ်ကြောင်း တင်ပြခြင်း No Complete Metamorphosis Occurs
အပြီးသတ်ပြီးပြည့်စုံစွာ ရုပ်ပြောင်းလဲခြင်းနှင့် ဓာတ်ပြောင်းလဲခြင်းဟု ဆိုရာတွင် ကုန်ကြမ်းပစ္စည်းတစ်ခုမှ နောက်ပစ္စည်တစ်မျိုးအဖြစ်သို့ ဖွဲ့စည်းပုံ ဓာတ်သဘာဝပြောင်းလဲခြင်းသည် အထူးလိုအပ်သော အရေးကြီးဆုံးသော အချက်ဖြစ်သည်။ တစ်စိတ်တစ်ဒေသသာလျှင် ပြောင်းလဲခြင်း Partial Trans Formation သို့မဟုတ် အချို့ပါဝင်ပစ္စည်း သို့မဟုတ် အချို့ဖက်စပ်ပါဝင်ပစ္စည်းကသာလျှင် ရုပ်ပြောင်းလဲခြင်း ဓာတ်ပြောင်းလဲခြင်း ဖြစ်မည်ဆိုပါက ရှရီအသ်တရားတော်အရ မထိုက်မလျော်ရာ ရောက်ပါသည်။ အပြတ်အသတ် ရုပ်ပြောင်းလဲခြင်းနှင့် ဓာတ်ပြောင်းလဲခြင်း Complete Transformation ကိုသာလျှင် ရှရီအသ်တရားတော်က ခွင့်ပြုထားပါသည်။ ပြတ်သားသော ဓာတုဖြစ်စဉ် ပြောင်းလဲမှု ရှိ မရှိကို ကျွမ်းကျင်ပညာရှင်များကသာလျှင် ပြောဆိုနိုင်ပါသည်။

အထက်တွင် ဖော်ပြပါရှိသည့် အချက်များနှင့် Lennox Devis Gelatine စက်ရုံသို့ သွားရောက်လေ့လာခဲ့သော သာသနာ့ပညာရှင် အိုလမာများ၏ အောက်ဖော်ပြပါ တင်ပြအစီရင်ခံစာများကို ပူးတွဲဖတ်ရှုပါက ရှင်းလင်းစွာ သဘောပေါက်နားလည်ကြမည် ဖြစ်သည်။

အိုလမာများ၏ အစီရင်ခံစာတွင် ပေါ်လွင်စွာဖော်ပြထားသည်မှာ ကုန်ကြမ်းအဖြစ် သားကောင်များ၏သားရေကို သုံး၍ ပြုလုပ်ရသည့် လုပ်ငန်းစဉ်များဖြစ်သည့် သန့်စင်ခြင်း၊ အငွေ့ပျံခြင်း၊ ပြန်လည်သန့်စင်ခြင်း၊ အခြောက်ခံခြင်း၊ ကြိတ်ခွဲခြင်း၊ မွှေခြင်းတို့ကို ပြုလုပ်ပြီးသည့်နောက် ရရှိလာသော ကော်လဂျင် Collagen စစ်စစ်သည် ပင်မကုန်ကြမ်းဖြစ်သည့် အရိုးနှင့် ဆက်စပ်တစ်ရှူးများ၏ အဖွဲ့အစည်းသာလျှင်ဖြစ်သည်။ ဤခွဲထွက်လာသည့် အဖွဲ့အစည်းသည် စေးကပ်၊ ဂျယ်လီကဲ့သို့ အဆီပျစ်ပစ္စည်းဖြစ်ပြီး ယင်းကို ကော်လဂျင်ပရိုတင်း Collagen Protein သို့မဟုတ် ဂျလာတင်းပရိုတင်း Gelatine Protein ဟု ပြန်လည်ခေါ်ဝေါ်ကြပါသည်။ တိရိစ္ဆာန်သားရေအတွင်းရှိ မော်လီကျူးဖွဲ့စည်းမှု Molecular Structure နှင့် ကော်လဂျင်ပရိုတင်း၊ သို့မဟုတ် ဂျလာတင်းပရိုတင်းတို့ရှိ မော်လီကျူးတည်ဆောက်မှုတို့မှာ တစ်ခုနှင့်တစ်ခု ကွာခြားကွဲပြားမှု မရှိပါ။ အမှန်ဆိုရလျှင် ဂျလာတင်းသည် သားကောင်၏ သားရေထဲတွင် နဂိုမူလကတည်းကရှိနေသည်။ မတူသည့် အချက်တစ်ချက်မှာ သန့်စင်ခြင်းနှင့် ပယ်ရမည့်အညစ်အကြေးများကို မပယ်မီ နဂိုမူလကတည်းက သားကောင်၏ သားရေတွင်းရှိ ဂျလာတင်းကို ကော်လဂျင်ဟု ခေါ်ဝေါ်ပြီး သန့်စင်ပြီး ရရှိလာသည့်ကော်လဂျင်ကိုပင် ဂျလာတင်းဟု အမည်သစ်တပ်၍ ခေါ်လေ့ရှိကြပါသည်။ အမည်ပြောင်းလဲခေါ်ဆိုရုံဖြင့် ပြတ်သားပြီး ပြည့်စုံသော ရုပ်ပြောင်းလဲခြင်းနှင့် ဓာတ်ပြောင်းလဲခြင်းဖြစ်သွားပါသည်ဟု မသုံးသပ်နိုင် မဆိုနိုင်ပါ။ အဆိုပါ အိုလမာ၏ အစီအရင်ခံစာတွင် ၎င်းတို့၏ လက်တွေ့တွေ့ရှိချက်များအရဆိုလျှင် အပြတ်အသတ်ပြောင်းလဲခြင်းဟူသည့် အရည်အချင်း Tabdeel-e-Maahiyat သည် ဂျလာတင်း ထုတ်လုပ်ထွက်ရှိသည်အထိ မည်သည့်လုပ်ငန်းစဉ်တွင်မျှ ဖြစ်မလာပေ။

ဂျလာတင်းထုတ်လုပ်ရာတွင် မည်သည့်အခါမှ ပြီးပြတ်သော ရုပ်ပြောင်းလဲခြင်းနှင့် ဓာတ်ပြောင်းလဲခြင်း မဖြစ်ကြောင်းကို အောက်ပါတွေ့ရှိချက်များကို အထောက်အထားများအဖြစ် အခြေပြုခြင်းဖြင့်လည်း သိရှိနိုင်ပါသည်။

အထောက်အထားများကို တင်ပြရလျှင်
ဂျလာတင်းဟု ဆိုသော ပရိုတင်းကို နွား သို့မဟုတ် ဝက်သားရေနှင့် အရိုးတို့၏ ကော်လဂျင်မှ ကျယ်ပြန့်စွာ ထုတ်ယူရရှိပါသည်။ ကော်လဂျင်၏ တည်ဆောက်ဖွဲ့စည်းပုံမှာ ပရိုတင်းသုံးမျိုးဖြင့် သွယ်တန်းချိတ်ဆက်ထားပြီး ဝက်အူရစ်ပမာ ကျစ်လစ်စွာရစ်ပတ်ထားသည်။ အစဉ်အတိုင်းလိုက် ဖွဲ့စည်းထားသော အထူးအမိုင်နိုအက်စစ် Special Amino Acid Sequence သည် ကျစ်လစ်သော ကော်လဂျင်များကို အထူးတည်တံ့ခိုင်မြဲစေသည်။ ပါးလွှာသော အမိုင်နိုအက်စစ်သည် ဂလိုင်းစင်း Glycine ဖြစ်ပြီး အများဆုံးလက်ကျန် အမိုင်နိုအက်ဆစ်များမှာ ပရိုလိုင်း သို့မဟုတ် ဟိုက်ဒရောက်ဆီပရိုလိုင်း Hydroxyproline များဖြစ်ပါသည်။ ကော်လဂျင်တွင် ပါဝင်သော အထူးပရိုတင်းများ၏ တည်ဆောက်ပုံမှာ ပြောင်းလဲသွားခြင်းမရှိပါ။ ကော်လဂျင်တန်း သို့မဟုတ် ဂျလာတင်း၏ မော်လီကျူးသည် ၁၄ဝဝဝ molecules အထိ ရှည်လျားသည်။ တစ်ခါတစ်ရံ အောက်ရှိပုံစံမကျသည့် အချို့ကော်လဂျင်များ ကွဲထွက်ပြီး အခြားသော ပရိုတင်းများဖြင့် ပြန်လည်ပေါင်းစည်းကျသည်။ မော်လီကျူးအားလုံးတွင် ဖွဲ့စည်းပုံသဏ္ဍာန်သည် သူ၏လုပ်ငန်းဆောင်ရွက်ချက်များအတွက် အထူးအရေးကြီးပါသည်။ အကယ်၍ မော်လီကျူးများ၏ ပုံသဏ္ဍာန်ပြောင်းလဲသွားလျှင် သူ၏လုပ်ငန်းဆောင်ရွက်ချက်များ ပြောင်းလဲသွားနိုင်မည်။ သို့သော် ပစ္စည်းပြောင်းလဲမှု မရှိပါ။

အပူပေးထားသော ကော်လဂျင်သည် အေးသေအခြေအနေသို့ ရောက်သောအခါ သူ၏ပတ်ဝန်းကျင်ရှိရေဖြင့် ပရိုတင်းကြိုးတန်း ပြန်လည်ဖွဲ့စည်း၍ ကော်လဂျင်ဟူသော ဂျလတင်းအဖြစ် မူလမော်လီကျူးပုံစံအတိုင်း ပြန်လည်ဖွဲ့စည်းတည်ဆောက်လိုက်ပြန်သည်။ ထို့ကြောင့် မူလမော်လီကျူးပုံစံ ပြောင်းလဲသွားခြင်းမရှိ။ မူလဖွဲ့စည်းသဏ္ဍာန် ရုပ်နှင့် ဓာတ်ပြောင်းလဲသွားခြင်း မရှိသည်ကို တွေ့ရပါမည်။

ဟရာမ်အကောင်များဖြစ်သည့် ဝက်နှင့် အလ္လာဟ်အရှင်မြတ်၏ အမည်ကို ရွတ်ဆိုတသခြင်းမပြုဘဲ လှီးဖြတ်ထားသော နွားတို့၏ သားရေတို့မှ ရရှိသောဂျလာတင်းဖြင့် ဆေးဝါးတောင့် အမာ၊ အပျော့များကို ပြုလုပ်ထားသောကြောင့် ဟရာမ်ဖြစ်သည်ဟု ပါကစ္စတန်နိုင်ငံ သာသနာ့ပညာရှင်သုခမိန်ကြီး မုဖ်သီမုဟမ္မဒ်သကီးအုစ်မာနီက ဆုံးဖြတ်ထားပြီးဖြစ်ပါသည်။ ဤသို့သော ဆေးဝါးဖြင့် ရှရီအသ်တရားတော်အရဆိုလျှင်ကုသခွင့်မရှိပါ။

အသင်တို့သည် ဆေးဝါးကုသကြရာတွင် ဟရာမ်ဖြစ်သောအရာများဖြင့် မကုသကုန်လင့် ဟု တမန်တော်မြတ်ဆွလ္လလ္လားဟုအလိုင်းဟိဝစလ္လမ် မိန့်ကြားတော်မူထားပါတယ်။ (အဗူဒါဝူးဒ်ကျမ်း)
ပိုးသတ်ဆေးတောင့်များ Antibiotics ၊ အားဆေးတောင့်များ Multi Vitamins ၏ အခွံများကို ဂျလာတင်းဖြင့် ပြုလုပ်ထားပါသည်။ အမေရိကန်နိုင်ငံထုတ် Centrum Vitamin Tablets များတွင်လည်း ဂျလာတင်းပါဝင်နေသည်ကို Ingredients ကို ဖတ်ရှုကြည့်ပါက တွေ့ရပေသည်။ ဤသို့သောဆေးများမှာ ဟရာမ်ဖြစ်ပါ၍ သောက်ခွင့်မရှိပါ။

ထို့ကြောင့် စားသောက်ဖွယ်ရများ၊ ဆေးဝါးများ၊ အလှကုန်ပစ္စည်းများတွင် ဂျလာတင်းများ ပါဝင်နေခြင်း ရှိ မရှိ Ingredient ပါဝင်ပစ္စည်းများကို ဖတ်ရှုပြီးမှ ဝယ်ယူစားသုံးသင့်ပါသည်။

အစ္စလာမ်နိုင်ငံများမှ ထုတ်သော ဆေးတောင့်များတွင်လည်း ဟရာမ်ဂျလာတင်း ပြဿနာကို ယနေ့တိုင် ဖြေရှင်း၍ မရနိုင်သေးပါ။

ထို့ကြောင့် မည်သည့်နိုင်ငံမှ ဆေးဝါး၊ ဆေးတောင့်၊ ပုလင်းနှင့် ဆေးကတ်များပေါ်တွင် ထိုနိုင်ငံရှိ သာသနာ့ပညာရှင်အိုလမာများ၏ ထောက်ခံချက်ဖြင့် ဟလာလ်တံဆိပ်ရိုက်နှိပ်၍ ရောင်းချနိုင်ခြင်းမရှိသေးပါ။

ကမ္ဘာ့အစ္စလာမ်သာသနာဝင်များကို ဦးဆောင်နေသော ဆော်ဒီအာရေးဗီးယားနိုင်ငံပင်လျှင် ဟရာမ်ဂျလာတင်းပြဿနာကို ယနေ့တိုင်ဖြေရှင်း၍ မရသေးပါ။ ဖြေရှင်းမရသေးသည့် အဓိကအကြောင်းအရင်းမှာ ဂျလာတင်းထုတ်လုပ်သည့် နည်းပညာမရရှိသေးသောကြောင့် ဖြစ်သည်။

အီဂျစ်နှင့် မလေးရှား နှစ်နိုင်ငံတွင်သာလျှင် ဟလာလ်သားကောင်၏ သားရေမှထုတ်လုပ်သည့် စက်ရုံနှစ်ရုံသာရှိပြီး အစ္စလာမ်နိုင်ငံစုစုပေါင်းလိုအပ်ချက်၏ ၁ဝရာခိုင်နှုန်းသာလျှင် ထုတ်လုပ်နိုင်ပါသည်။ သူတို့နိုင်ငံ၏ စားသောက်ကုန်ပစ္စည်းထုတ်လုပ်ရာတွင်သာ လုံလောက်ပါသည်။ သက်ဆိုင်ရာနိုင်ငံရှိ
အိုလမာသာသနာ့ပညာရှင်များအဖွဲ့၏ ဟလာလ်တံဆိပ် ထောက်ခံချက်ပါမှသာလျှင် ဟလာလ်သားကောင်မှ ရသော ဂျလာတင်းဖြင့် ထုတ်လုပ်ထားသည့် ဆေးတောင့်အပျော့၊ အမာဖြစ်သည်ဟူ၍ စိတ်ချယုံကြည်စွာ သောက်နိုင်မည်ဖြစ်ပါသည်။ ယခုမြန်မာပြည်တွင် တင်သွင်းရောင်းချနေသော မလေးရှားနိုင်ငံ Hovid Pharmacy မှ ထုတ်လုပ်သော မလေးရှားအိုလမာဟလာလ်တံဆိပ်ပါ ဆေးကို စိတ်ချယုံကြည်စွာ သောက်နိုင်သည်။

ဆေးဆိုင်များတွင် သောက်ခွင့်ရှိသည့်ဆေးပြား Tablets မြောက်မြားစွာရှိပါသည်။ မိမိအားဆေးသောက်ရန် ညွှန်ကြားထားသော ဆရာဝန်အား ဆေးတောင့်များအစား ဆေးပြားကို ညွှန်ကြားစေရန် မေတ္တာရပ်ခံလျှင် အလွန်လွယ်ကူပါသည်။ အကယ်၍ ဆရာဝန်ညွှန်ကြားသောဆေးတွင် ဆေးတောင့်အစား ဆေးပြားကို ဆေးဆိုင်များတွင် ဝယ်မရလျှင် ဆေးတောင့်အခွံကိုမစားဘဲ ဆေးတောင့်ကိုဖောက်၍ အတွင်းရှိဆေးမှုန့်ကိုသာ ရေဖြင့်သောက်ပါရန် အကြံပြုပါသည်။

" ကျွန်ုပ်၏ အုမ္မသ်အပေါ်တွင် အချိန်တစ်ချိန်ဆိုက်ရောက်မည်ဖြစ်ပြီး ထိုအချိန်အခါတွင် သူတို့စားသောက်သော အစားအစာသည် ဟလာလ်လား၊ ဟရာမ်လား ဟု ဂရုမူမည်မဟုတ်ကြပေ။ ထိုအချိန်အခါတွင် သူတို့ဆုတောင်းခံသည့် မည်သည့်ဆုဒုအာကိုမျှ အလ္လာဟ်အရှင်မြတ် လက်ခံကဗူလ်ပြုတော်မူမည် မဟုတ်တော့ပေ။" ဗုခါရီကျမ်း

ဆေးဝါးကို တိရိစ္ဆာန်မှရရှိသောအရာမှ ထုတ်လုပ်ထားသောဆေးဝါးဖြစ်ပါက သုံးမျိုး ကွဲပြားပါသည်။
၁။ စားပိုင်ပြီး အစ္စလာမ့်ခွင့်ပြုဘောင်မှ မှန်ကန်စွာ လှီးဖြတ်ထားသောတိရိစ္ဆာန်မှ ထုတ်လုပ်ရရှိသော ဆေးဝါးဖြစ်ပါက သောက်သုံးခွင့်ရှိသည်။

၂။ စားပိုင်ပြီး အစ္စလာမ့်ခွင့်ပြုဘောင်မှ လှီးဖြတ်ထားခြင်းမရှိ။ သို့မဟုတ် အသေကောင်မှ ထုတ်လုပ်ရရှိသော ဆေးဝါးဖြစ်ပါက သောက်သုံးခွင့်မရှိပါ။

၃။ အကယ်၍ စားပိုင်ခွင့်မရှိသော တိရိစ္ဆာန်များမှ ထုတ်လုပ်ရရှိသော ဆေးဝါးဖြစ်ပါက သောက်သုံးခွင့်မရှိပါ။

Reference စာကိုး
1. တောင်အာဖရိကနိုင်ငံ၊ ဇမ်ဘီယာမြို့ရှိ အိုလမာ The South African Zambian Halaal Authority ၏ အင်တာနက်စာမျက်နှာ http://www.zamha.com/ announce/halaal %20 gazettes/Halaal %20 Gazette vol 1, issue(3)

2. ဆော်ဒီအာရေဗီးယားနိုင်ငံ ၃၁- ၃- ၂ဝ၁၂ The Saudi Gazette "Search for Islamicc Gelatine " အင်တာနက်စာမျက်နှာ http://www.saudigazette.com./search for gelatines

3. http://www.ipedr.com/ vol 17/32 -CHHSS%202011-H10020.pdf (2011,2nd International Conference on hummanities historical and Social Science) Analysis on the utilization of gelatine in food products.

ဘာသာပြန်ဆိုစုဆောင်းတင်ပြသူရေးသားထားသည့် စာအုပ်မှ ကူးယူတင်ပြပါသည်။

အလ်မုဖီးဒ်