(ဆောင်းပါးတွင် ပါဝင်သော ပုဂ္ဂိုလ်မြတ်များ၏ နာမတော်များဖတ်မိလျှင် မိမိတို့ယုံကြည်ရာအလိုက် မေတ္တာပို့သပါ။)
လူတစ်ယောက်သည် သူတပါးကို မထိခိုက်သမျှကာလပတ်လုံး မိမိယုံကြည်ရာကို ထုတ်ဖော်ခွင့်နှင့် လိုက်နာ ကျင့်သုံးခွင့်ရှိခြင်းသည် ဖွံ့ဖြိုးတိုးတက်သော လူ့အဖွဲ့အစည်း၏ အခြေခံစည်းမျဉ်းတစ်ခုဖြစ်သည်။ သူတပါးကိုထိခိုက်ခြင်း ဟူသည် အသက်ရှင်သန်ခွင့်၊ ဥစ္စာပစ္စည်းပိုင်ဆိုင်ခွင့်နှင့် မိမိယုံကြည်ရာကို ထုတ်ဖော်ကျင့်သုံးခွင့် သုံးခုကို ထိပါးခြင်းဟု ပညာရှင်များက အနက်ဖွင့်သည်။ စိတ်ခံစားချက် ထိခိုက်ခြင်းကို သူတပါးထိခိုက်ခြင်း မြောက်သည်၊ မမြောက်ပါ စသည်ဖြင့် အကွဲအလွဲရှိကြသည်။ ဘာသာရေးယုံကြည်မှုသည် Freedom of Expression တွင်ပါဝင်သည့် ယုံကြည်ရာကို လိုက်နာကျင့်သုံးခြင်း၊ ထုတ်ဖော်ခြင်းဖြစ်သည်။ မတူသည့် ဒေသမှ မတူသည့် လူတို့သည် ကွဲပြားခြားနားသော ဘာသာရေးယုံကြည်ချက်များကို ခံယူ လိုက်နာကျင့်သုံးကြသည်။ ဘာသာရေးကို လုံးဝယုံကြည်မှုမရှိသော ဘာသာမဲ့များလည်း ရှိကြသည်။ မတူသောယုံကြည်ချက် ရှိကြသူတို့သည် မိမိတို့ လက်များကို ညာဘက်နှင့် ဗယ်ဘက် သတ်မှတ်ရာတွင် တူညီနေသည်က အံ့ဖွယ်ဖြစ်သည်။ အရှေ့၊ အနောက်၊ တောင်၊ မြောက် သတ်မှတ်ရာတွင် တူညီနေကြသည်။ တစ်ပတ်တွင် ခုနစ်ရက် သတ်မှတ်ရာတွင် တူညီကြသည်။ မိုးကောင်းကင် ရှိရာအရပ်ကို အပေါ်၊ မြေပြင်ရှိရာအရပ်ကို အောက် ဟု သတ်မှတ်ရာတွင် တူညီကြသည်။ (သိပ္ပံပညာရှင်များထံတွင် အပေါ်နှင့် အောက် ဟူသည်မရှိပေ။) တူချင်ရာတွင် တူကြပြီး မတူချင်ရာတွင် မတူကြသည်မှာ လူတို့၏ အရည်အချင်းတစ်ရပ်ဟု ပြောနိုင်သည်။ စကားတူရာ၊ ဒေသတူရာ၊ ယုံကြည်ချက်တူရာ စုမိကြပြီး Group အုပ်စုများဖြစ်ပေါ်လာသည်။ အားကောင်းသော အုပ်စုက အားနည်းသော အုပ်စုကို အနိုင်ယူခြင်း၊ ဗိုလ်ကျခြင်းတို့ပြုလုပ်ကြရာမှ အားနည်းသောအုပ်စုက ပြန်လည် ခုခံခြင်း၊ တွန်းလှန်ခြင်းကြောင့် စစ်ပွဲများပေါ်လာသည်။ ထိုစစ်ပွဲများ၏ နောက်ပိုင်းတွင် မြို့ပြနိုင်ငံများ၊ ထိုမှ နိုင်ငံငယ်များ၊ နောက်တွင် နိုင်ငံကြီးများ ဖြစ်လာသည်။ ကမ္ဘာ့နိုင်ငံများသည် ဤကဲ့သို့ပင် ဖြစ်တည်လာသည်ကို မည်သည့် သမိုင်းဆရာမှ မငြင်းနိုင်ပေ။ စစ်ပွဲတို့၏ အနိဋ္ဌာရုံများနှင့် နောက်ဆက်တွဲ ဆိုးကျိုးများကြောင့် လူတို့သည် စားဝတ်နေရေးထက် ငြိမ်းချမ်းရေးကို ပိုမို လိုလားတောင့်တလာကြသည်။ ယနေ့တွင် နိုင်ငံများလည်း အတည်တကျဖြစ်သွားပြီ။ ကုလသမဂ္ဂနှင့် အခြား ကမ္ဘာ့အဖွဲ့အစည်းများလည်း ရှိနေပြီ၊ ထို့ကြောင့် နယ်မြေလု နိုင်ငံပြုသော စစ်များ မဖြစ်ပွားတော့ပဲ စီးပွားရေးနှင့် ဓနဥစ္စာ၊ သယံဇာတ၊ နည်းပညာ လုသော စစ်ပွဲများတော့ ကျန်သေးသည်။ ထိုစစ်ပွဲများသည် အသွင်သစ်ဖြင့် ကမ္ဘာကို ခြိမ်းခြောက်လျက်ရှိပေသည်။ ထို့အပြင် ဘာသာရေး ယုံကြည်ချက်နောက်ခံဖြင့် တိုက်ခိုက်သော စစ်ပွဲများကိုလည်း တွေ့ရှိရမည်ဖြစ်သည်။
လူသားနှင့် ကမ္ဘာကြီးဘယ်ကစ ဖြစ်လာသည်ကို မည်သူမှ မသိသောကြောင့် ကမ္ဘာကြီးနှင့် လူသားတို့သည် အလိုအလျောက် မတော်တဆ ဖြစ်လာသည် ဟူသည့် ယုံကြည်ချက်ရှိသည့် အုပ်စုတစ်စု၊ ထိုအရာကို သိစရာမလိုပါဟု ခံယူသော အုပ်စုတစ်စု၊ ကမ္ဘာနှင့် စကြဝဠာသည် မဟာတန်ခိုးစွမ်းအားရှင်တပါးက ဖန်ဆင်းမှုကြောင့် ဖြစ်ပေါ်လာသည်ဟု ယုံကြည်ချက်ရှိသည့် အုပ်စုတစ်စု၊ မဟာတန်ခိုး စွမ်းအားရှင် အများအပြားက တိုက်ခိုက်ကြရာမှ ဖြစ်ပေါ်လာသည်ဟု ယုံကြည်သည့် အုပ်စုတစ်စု၊ စသည်ဖြင့် ယုံကြည်ချက် ဂိုဏ်းအသီးသီး ပေါ်ထွက်လာပေသည်။ ဖန်ဆင်းရှင်ကို ယုံကြည်သော အုပ်စုအားလုံးက ပထမဆုံးလူသားသည် "အာဒမ်" ဖြစ်သည်ဟူသော အဆိုပေါ်တွင် တူညီကြသည်။ ဖန်ဆင်းရှင်ကို မယုံကြည်သည့် အုပ်စုတို့တွင် ပထမဆုံးလူသား၏ အမည်နာမနှင့် ပတ်သက်၍ အဆိုမရှိချေ။ ဘာသာမဲ့အချို့နှင့် မတော်တဆ သီအိုရီကို လက်ခံသူတို့က လူသည် မျောက်က ဆင်းသက်လာသည်ဟူသော အယူအဆကို အခိုင်အမာ လက်ခံထားကြသော်လည်း မျောက်မှ ဆင်းသက်လာသည့် ပထမဆုံးလူ၏ အမည်နှင့် ပတ်သက်၍ ထုတ်ဖော်ထားခြင်း မရှိချေ။ ဖန်ဆင်းရှင်ကိုယုံကြည်သူတို့ လက်ခံသော ကျမ်းကြီးများတွင် ပထမဆုံး လူသားမှာ အာဒမ် ဖြစ်သည်ဟု ဖော်ပြထားသည်။ ဖန်ဆင်းရှင်ကို ယုံကြည်သူများသည် ဖန်ဆင်းရှင်ကို မတွေ့ရလို့ မယုံဘူး ဟူသည့် ဘာသာမဲ့နှင့် ဖန်ဆင်းရှင် လက်မခံသူတို့၏ စောဒကနှင့် အမြဲရင်ဆိုင်ရသည်။ ဖန်ဆင်းရှင် ရှိသည် နှင့် ဖန်ဆင်းရှင် မရှိပါ ဟူသည် တဖက်နှင့်တဖက် ဘယ်တော့မှ မပြီးနိုင်သည့် ဒီဘိတ်တစ်ခုအဖြစ် တည်ရှိနေခဲ့သည်။ ဖန်ဆင်းရှင်ကို ယုံကြည်ခြင်းနှင့် မယုံကြည်ခြင်းသည် လူတစ်ယောက်၏ မွေးရာပါ လွတ်လပ်ခွင့်ဖြစ်လေသည်။ မည်သူကမျှ အတင်းအကျပ် ယုံကြည်ခိုင်းခွင့် မရှိသလို တားဆီးခွင့်လည်း မရှိချေ။
ဖန်ဆင်းရှင်ကို ယုံကြည်သူတို့ထံတွင် ကောင်းကင်ကျကျမ်း ဟု ခေါ်ဆိုသည့် ဖန်ဆင်းရှင်ထံမှ လူသားတို့အတွက် ချမှတ်ပေးသော ကျမ်းကိုယ်စီရှိကြသည်။ ထိုကျမ်းများတွင် လူတို့ လိုက်နာရမည့် စည်းကမ်း၊ စည်းမျဉ်း၊ ဥပဒေ၊ လူလူချင်း တာဝန်များ ဝတ္တရားများ၊ ဝတ်ပြုဆည်းကပ်ခြင်းဆိုင်ရာ စည်းမျဉ်းများ၊ ဖန်ဆင်းရှင်ရှိခြင်းအကြောင်း၊ လူသားတမန်တော်များအကြောင်း၊ ယုံကြည်ချက် အရေခြုံများ၊ သူတော်ကောင်းများနှင့် သူယုတ်မာများ၊ ကုသိုလ်၊ အကုသိုလ်၊ ကောင်းကင်ဘုံ၊ ငရဲနှင့် တရားစီရင်မည့်နေ့၊ ရှေးလူသားအုပ်စုတို့ ပျက်ဆီးခြင်း၊ အလှူဒါနပြုလုပ်ရန်နှင့် မိမိကို စော်ကားလာပါက ပြန်လည်ခုခံရန်၊ အမျိုးသမီးတို့ အခွင့်အရေးနှင့် ယောက်ျားတို့၏ တာဝန်များ၊ ဆွေမျိုး၏ တာဝန်များ စသည်တို့ကို ဖန်ဆင်းရှင်၏ မုက္ခပါဌ်တော်များအဖြစ်ပါရှိသည်။ ဖန်ဆင်းရှင် လက်မခံသူများသည်လည်း ထိုကျမ်းများတွင် ပါဝင်သော ယုံကြည်ချက်မှအပ အဆုံးအမ အများစုကို နားလည်လက်ခံ လိုက်နာကျင့်သုံးကြသည်။ ဖန်ဆင်းရှင်ကို ယုံကြည်သူဖြစ်စေ၊ မယုံကြည်သူဖြစ်စေ လူနှင့် လူ့လောကအကျိုးကို ဆောင်သူကို လူကောင်းဟု သတ်မှတ်ပြီး ပျက်အောင်လုပ်သူကို လူဆိုးဟု သတ်မှတ်ကြသည်။ ဖန်ဆင်းရှင်ကို လက်ခံသော ဂိုဏ်းတွင် အစ္စလာမ်ဘာသာ၊ ခရစ်ယာန်ဘာသာနှင့် ဂျူးဘာသာတို့သည် လူအများသိသော ယုံကြည်ချက်အုပ်စုများဖြစ်ကြသည်။ ဖန်ဆင်းရှင်ကို လက်ခံသော အခြား လူသိနည်းသည့် ယုံကြည်ချက် အုပ်စုများလည်း ရှိကြသည်။ ဖန်ဆင်းရှင်ကို မယုံကြည်သူတို့သည် မိမိတို့ အထင်ကြီး လေးစားသူတို့၏ အဆုံးအမများ၊ ချမှတ်ထားသော စည်းကမ်းများနှင့် ထိုသူတို့က ကောင်းသည်ဟု ယူဆဟောကြားသော အပြုအမူများ၊ တရားအားထုတ်မှုများကို ဘာသာရေးအဖြစ် ဆောင်ရွက်ကြသည်။ ဖန်ဆင်းရှင်ကို ယုံကြည်သူတို့သည် ကောင်းကင်ကျ ကျမ်းကို ယုံကြည်ရသည်။ ထိုကျမ်းယူဆောင်လာပေးသော လူသား တမန်တော်များကို ယုံကြည်ရသည်။ ထိုအတိုင်း လိုက်နာကျင့်ကြံ ဆောက်တည်ရသည်။ ကောင်းကျိုးဆိုးပြစ်ကို ကမ္ဘာ့တရားစီရင်မည့်နေ့တွင် ခံစား စံစားရမည်ဟု မှတ်ယူကြသည်။ ဘာသာမဲ့တို့သည် မိမိတို့လက်ခံသော အရာများကို လက်ခံ၍ လက်မခံသော အရာများကို လက်မခံကြောင်း အကြောင်းအကျိုးပြကြသည်။ အုပ်စုသုံးခုလုံးသည် မိမိတို့ ရပ်တည်သည့် ယုံကြည်ချက်ကို အထောက်အပံ့ဖြစ်စေမည့် သိပ္ပံတွေ့ရှိချက်၊ လောက နိယာမ၊ လူ့သဘာဝများကို ကိုးကားပြီး အထောက်အထားအဖြစ် မိမိတို့ လက်ခံသည့် အယူအဆအပေါ် ခိုင်မာကြောင်း သက်သေပြကြသည်။
ယုံကြည်ချက်တစ်ခုမှ အခြားတစ်ခုသို့ ရွှေ့ပြောင်းယုံကြည်သူများ အမြောက်အမြားရှိသည်။ မြန်မာဝေါဟာရအားဖြင့် ဘာသာ ကူးပြောင်းသူဟု ခေါ်သည်။ ယုံကြည်သူများသည် မယုံကြည်သူများကို ဖိတ်ခေါ်ခွင့်၊ ရှင်းပြခွင့်ရှိသည်ဟု ယဉ်ကျေးသော လူ့အသိုင်းအဝိုင်းက လက်ခံသည်။ လူကောင်းရှိသလို လူဆိုးလည်းရှိသဖြင့် ယုံကြည်ချက်များကို စော်ကားသော အုပ်စုများလဲ ဘာသာတိုင်းတွင် ရှိကြသည်။ ထိုသူများကို ငါတို့နဲ့ ဘာသာတူတာပဲဟု လွှတ်ပေးထားလျှင် ငြိမ်းချမ်းသော လူ့အဖွဲ့အစည်း ဖြစ်မည်မဟုတ်ချေ။ ထို့ကြောင့် အခြေခံဥပဒေများတွင် ဤအချက်ကို ထည့်သွင်းရေးဆွဲလေ့ရှိကြသည်။
အစ္စလာမ်ဘာသာသည် ဖန်ဆင်းရှင်ကို ယုံကြည်သော ကောင်းကင်ကျကျမ်းကို လိုက်နာသော တမန်တော်များကို ယုံကြည်သော ကမ္ဘာ့တရားစီရင်မည့်နေ့ကို ယုံကြည်သော ဘာသာတစ်ခုဖြစ်သည်။ ဖန်ဆင်းရှင်၏ အမည်နာမ၊ ကျမ်းစာ၊ တမန်တော်ယုံကြည်မှုတို့တွင် အခြား ဖန်ဆင်းရှင် ယုံကြည်သော ဘာသာများနှင့် ကွဲပြားသည်။ အခြေခံမူဝါဒအားဖြင့်မူ အခြား ဖန်ဆင်းရှင်လက်ခံသော ဘာသာများနှင့် တူညီသည်။ အစ္စလာမ်ဘာသာဝင်များတွင်လည်း အခြားဘာသာဝင်များနည်းတူ လူကောင်း၊ လူဆိုး ရှိသည်။ ထို့ကြောင့် ပြစ်မှုကျူးလွန်သူများကို ဘာသာနှင့် တွဲ၍ မမြင်ရန် အမြော်အမြင်ရှိသူတို့က တားမြစ်ကြခြင်းဖြစ်သည်။ လောကအပေါင်းကို စိုးပိုင်သော လူသားအပေါင်း၏ ဖန်ဆင်းရှင်ဖြစ်သော အလ္လာဟ်အရှင်မြတ်၏ ကျေနပ်သဘောတူမှု (ရေဒွာအေ မောင်လာ)သည် အစ္စလာမ်ဘာသာဝင်တို့၏ အန္တိမပန်းတိုင်ဖြစ်သည်။ ထိုပန်းတိုင်သို့ရောက်ရှိရန် ယုံကြည်သူဘာသာဝင်သည် ကောင်းကင်ကျ ကျမ်းစာ၊ တမန်တော်၏ ဘဝနေထိုင်မှု၊ အစ္စလာမ့်ဥပဒေ၊ အစ္စလာမ့်အဆုံးအမတို့နှင့်ကိုက်ညီစွာ ဘဝတည်ဆောက် အသက်မွေးမှု ပြုလုပ်ရသည်။ အစ္စလာမ်ဘာသာတွင် ဖန်ဆင်းရှင်အားယုံကြည်မှုနှင့် ခဝပ်ကိုးကွယ်မှုကဏ္ဍသည် ပင်မအချက်ကြီး ၅ ချက် (ယုံကြည်ချက်၊ ခဝပ်ကိုးကွယ်မှု၊ အပေးအယူ(စီးပွားရေး)၊ လူမှုရေး၊ အကျင့်စာရိတ္တ) အနက် နှစ်ခုဖြစ်သည်။ ထို့ကြောင့် အစ္စလာမ်ဘာသာဝင်သည် တရားအားထုတ်နေရုံနှင့် ပြီးပြည့်စုံပြီဟု ကျေနပ်နေရမည့်သူ မဟုတ်ချေ။ စီးပွားရေး၊ လူမှုရေးနှင့် အကျင့်စာရိတ္တပိုင်းများကိုပါ ဖန်ဆင်းရှင်သတ်မှတ်သည့် အတိုင်းဖြစ်ရန် ကြိုးစားအားထုတ်ဖို့လိုသည်။ စီးပွားရေးလုပ်ရာတွင် ဆောင်ရန်(လုပ်ပိုင်သည့်အရာများနှင့်) ရှောင်ရန် (အခွင့်မရှိသည့်အရာများ)ကို အစ္စလာမ်က ပြဌာန်းထားသည်။ အလှူဒါနကို ဘယ်အတိုင်းအတာချမ်းသာရင် ဘယ်လောက်လှူရမည်၊ ဘယ်အတိုင်းအတာ မချမ်းသာရင် အလှူစားခွင့် ရှိသည် (အလှူခံခွင့်မဟုတ်) ဟု သတ်မှတ်ပြဌာန်းထားသည်။ မိမိကိုယ်မိမိ တာဝန်ယူရန်နှင့် မိမိနှင့် သက်ဆိုင်သော မိဘ၊ မောင်နှမ၊ သားသမီး၊ အလုပ်သမားတို့အပေါ် တာဝန်ယူရန် ပြဌာန်းထားသည်။ အစ္စလာမ်တွင် ဘုန်းကြီးမရှိခြင်းမှာ အခွင့်ထူးခံလူတန်းစား မရှိကြောင်းနှင့် ဘာသာဝင်တိုင်းသည် တာဝန်ယူရဲ တာဝန်ခံရဲသော သတ္တိအပြည့်ရှိအောင် သင်ကြားထားခြင်းဖြစ်သည်။ အစ္စလာမ့်ပညာများကို တတ်ကျွမ်းသောပညာရှင်များ၊ သူတော်စဉ်များနှင့် အကြီးအကဲများသည် ဘုန်းကြီးများ မဟုတ်ကြချေ။ သူတို့သည်လည်း မိမိကိုယ်မိမိနှင့် အခြား တာဝန်ထိုက်သူများကို တာဝန်ယူရသော တာဝန်ခံများဖြစ်ကြသည်။ လူအများက ထိုသူတို့ကို ဂါရဝတရားနှင့် ရိုသေလေးစားကြသည်။
အစ္စလာမ်ဘာသာက လူ့လောကကို စွန့်ခွာ၍ မိမိတာဝန်ကို သူတပါးကိုယူခိုင်းပြီး ကိုယ်လွတ်ရုန်းခြင်းကို အားမပေးဘဲ သတ္တိရှိရှိ၊ တာဝန်ယူမှုအပြည့်ဖြင့် ကိုယ်တိုင်ရော မိသားစုကိုပါ တာဝန်ခံရဲသော သူများ ဖြစ်လာဖို့ အားပေးသည်။ ထို့ကြောင့် အစ္စလာမ်ဘာသာဝင်တို့သည် မိသားစုဘဝကို ခုံမင်သည်။ မိသားစုအတွက် ပေးဆပ်ကြသည်။ ကိုယ်လွတ်ရုန်းသူ ရှားသည်။ အစ္စလာမ်သည် တရားအားထုတ်ခြင်းကို အကြောင်းပြ၍ မိမိတာဝန်ကို သူများကို ထမ်းပိုးခိုင်းခြင်းမပြုရန် တားမြစ်သည်။ သို့သော် စေတနာသဒ္ဓါရှိစွာဖြင့် ပေးကမ်းမှုကိုမူ လက်ခံခွင့်ပေးထားသည်။ လူတိုင်းသည် ဖန်ဆင်းရှင်ရှေ့မှောက်တွင် သတ်မှတ်ပြီးဖြစ်သော အခွင့်အရေးနှင့် တာဝန်များရှိသည်။ ပေးအပ်ထားသော အခွင့်အရေးများကို ယူပိုင်ခွင့်ရှိပြီး တာဝန်များကို ထမ်းဆောင်ရသည်။ ပျက်ကွက်ပါက တရားစီရင်မည့်နေ့တွင် အစားပေးရမည်။ အလ္လာဟ်အရှင်မြတ်က ကောင်းသည်ဟု သတ်မှတ်သော အရာများကိုသာ ကောင်းသည်ဟု ယုံကြည်ရပြီး မကောင်းဟု သတ်မှတ်ထားသော အရာကို မကောင်းဟုသာ ယုံကြည်လက်ခံရခြင်းသည် အစ္စလာမ့်မူ ဖြစ်သည်။ ဥပမာ ငွေတိုးယူခြင်း၊ ပေးခြင်းကို အလ္လာဟ်အရှင်မြတ်က အကုသိုလ် (မကောင်းသောအလုပ်) ဟု သတ်မှတ်ထားသည်။ ထို့ကြောင့် အစ္စလာမ်ဘာသာဝင်တို့သည် ငွေတိုးပေးခြင်း ငွေတိုး စားခြင်းတို့ကို မပြုလုပ်ရချေ။ အတိုးမပါဘဲ ငွေချေးရသည်။ အတိုးဟု သဘောသက်ရောက်စေမည့် အရာမှန်သမျှမှ ရှောင်ရသည်။ အစ္စလာမ်ဘာသာဝင်တို့သည် အလ္လာဟ်အရှင်မြတ် ခွင့်ပြုသော အရာများကိုသာ စားသုံးရပြီး တားမြစ်ထားသော အရာများကို မစားသုံးရချေ။ ခွင့်ပြုသော အရာသည် သားကောင်ဖြစ်ပါက အရှင်မစားသောက်ရပေ။ သတ်ဖြတ်ရာတွင်လည်း စိတ်ထင်သလို မသတ်ဖြတ်ရဘဲ သတ်မှတ်ထားသော စည်းကမ်းအရသာ သတ်ဖြတ်ရသည်။ အစ္စလာမ်က ခွင့်ပြုသော သားကောင်အမျိုးအစားသည် နည်းပါးပြီး တားမြစ်ထားသော အမျိုးအစားသည် များပြားသည်။ အစ္စလာမ်သည် ဘာသာတရားဟု လူတို့ သတ်မှတ်သည်ထက် ပိုမိုသော လူမှုဘဝ လှပစွာနေထိုင်ရေး ကျင့်စဉ်တစ်ရပ်ဖြစ်သည်။ လူမှုဘဝ လှပစွာနေထိုင်ရေးအတွက် လိုအပ်သော အရာအားလုံးကို အစ္စလာမ်က ပြဌာန်းပြီးဖြစ်သည်။ ဥပမာ အိမ်ထောင်ပြုခြင်းကို ကောင်းမွန်သော အရာအဖြစ် ပြဌာန်းထားပြီး အစ္စလာမ့် အိမ်ထောင်ရေးဆိုသည်မှာ ဘာသာရပ်တစ်ခုအဖြစ် လေ့လာလို့ရအောင် ကျယ်ဝန်းသည်။ အမျိုးသမီးများကို မတရား ကာမေသုအမှုပြုလုပ်လိုသော ယောက်ျားတို့အရှုမှ ကာကွယ်မှုပြုထားသည်။ အမျိုးသမီးတစ်ဦးအတွက် ဖခင်၊ သား၊ အစ်ကို၊ ခင်ပွန်း တို့အပေါ် တာဝန်ရှိစေပြီး အမျိုးသားတစ်ဦးက မိခင်၊ သမီး၊ အစ်မ၊ ဇနီး တို့အတွက် တာဝန်ယူစေသည်။ ထိုသူတို့ မရှိမှသာ အမျိုးသမီးသည် မိမိကိုယ်ကို တာဝန်ယူရသည်။ အစ္စလာမ့်အုပ်ချုပ်ရေးတွင် အလွန်ကောင်းမွန်သော ခေတ်ရှေ့ပြေးစံနှုန်းများရှိပြီး ယနေ့တွင်လည်း ကျင့်သုံးလိုက ကျင့်သုံးနိုင်သော အချက်အလက်များနှင့် ပြည့်စုံသည်။ အစ္စလာမ့်စစ်တပ်တွင် ညှဉ်းပန်းနှိပ်စက်မှုလုံးဝ မလုပ်ရဘဲ မိန်းမ၊ သက်ကြီးရွယ်အို၊ လူမမယ်နှင့် စစ်ပွဲတွင် မပါဝင်သူများကို အန္တရာယ်မပြုရုံသာမက အကာအကွယ်ပါ ပေးရသည့် စည်းကမ်းရှိသည်။ ယုံကြည်သူတို့အဖို့ အစ္စလာမ်သည် ပြီးပြည့်စုံသော လမ်းညွှန်ချက်အဆုံးအမဖြစ်၍ မယုံကြည်သူတို့အဖို့ အတုယူဖွယ်များရှိသော လူမှုဘဝတည်ဆောက်နည်းပင်ဖြစ်သည်။
အစ္စလာမ်သည် စကြဝဠာတစ်တိုင်းလုံးတွင် လူကို အထွတ်အမြတ်ဆုံးဟု သတ်မှတ်သည်။ ထို့ကြောင့် လူမှအပ အခြားအရာနှင့် သတ္တဝါတိုင်းသည် လူတို့ အသုံးချခံ သို့မဟုတ် လူ့အကျိုးပြု သို့မဟုတ် လူတို့မှီဝဲရန် သို့မဟုတ် လူတို့ စီးပွားဖြစ်ရန် ဖြစ်လာသည်။ အစ္စလာမ်ဘာသာဝင်တို့သည် အလ္လာဟ်အရှင်မြတ်ကို ယုံကြည်သလို ထိုအရှင်မြတ်၏ တမန်တော်များနှင့် ထိုတမန်တော်တို့၏ လူမှုဘဝဖြစ်စဉ်များကိုလည်း အလေးထားရသည်။ တမန်တော်တို့အနက် အီဗရာဟင် တမန်တော်သည် အလ္လာဟ်အရှင်မြတ်၏ စမ်းသပ်မှုများထဲမှ ပြင်းထန်သော စမ်းသပ်မှုများကို အောင်မြင်ခဲ့သော တမန်တော်တစ်ပါးဖြစ်သည်။ စမ်းသပ်မှုမှာ အလ္လာဟ်အရှင်မြတ်အတွက် မိမိ၏ သားအရင်း(၏အသက်)ကို လှူဒါန်းရမည် ဟူ၍ဖြစ်သည်။ ထိုစမ်းသပ်မှုကို အီဗရာဟင် တမန်တော်က အောင်မြင်ခဲ့သည်။ အလ္လာဟ်အရှင်မြတ်ကလည်း ကလေးအသက်ကိုမယူဘဲ သားကောင်တစ်မျိုးဖြင့် အစားထိုးပေးလိုက်သည်။ ထိုတမန်တော်ကြီး၏ စမ်းသပ်မှု အောင်မြင်ခြင်းအထိမ်းအမှတ်အဖြစ် အစ္စလာမ်ဘာသာဝင်တိုင်းကို နှစ်စဉ် အသက်လှူသော ကျင့်စဉ်တစ်ရပ်ပြုလုပ်ခိုင်းသည်။ ထိုအရာကို ကုရ်ဘာနီ (စွန့်လှူခြင်း၊ စွန့်လှူမှုအကြောင်းခံဖြင့် အလ္လာဟ်အရှင်မြတ်နှင့် နီးကပ်မှုရယူခြင်း) ဟု ခေါ်သည်။ ထိုစွန့်လှူသော အသက်မှ ရလာသော အာဟာရကို မိမိကိုယ်တိုင် စားသုံးခွင့်ပေးပြီး ဆွေမျိုးနှင့် လူသားအားလုံးကိုပါ စားခွင့်ပေးသည်။ မယုံကြည်သူတို့အနက် အချို့သည် ထိုအရာကို မကောင်းပြောကြသည်။ မည်သူ့ကိုမျှ မထိခိုက်သော ယုံကြည်ချက်ပိုင်းဆိုင်ရာ ကျင့်သုံးမှုသည် လွတ်လပ်သော လူတိုင်းအတွက် အခွင့်ရှိသောအရာဖြစ်သည်။ ကုရ်ဘာနီ (စွန့်လှူ) သည်ကို လာမကြည့်သူသည် စိတ်၏ ခံစားချက်လည်း မဖြစ်ပေါ်ပေ။ လူတို့အာဟာရအတွက် သားကောင်သတ်ဖြတ်ခြင်းကို တားမြစ်ရန် မည်သည့် လူ့အဖွဲ့အစည်းကမှ မကြံစည်ဘူးချေ။ လူတို့အတွက် စားထိုက်သော သားကောင်တို့သည် အာဟာရသာဖြစ်ပေသည်။ ဖန်ဆင်းရှင် မယုံကြည်သူ ဘာသာဝင်အချို့က သားကောင်သတ်ဖြတ်ခြင်းကို ဆန့်ကျင်သော်လည်း တစ်ကမ္ဘာလုံးအာဟာရအတွက်မူ ၎င်းတို့ထံတွင်လည်း အဖြေမရှိချေ။ ဖန်ဆင်းရှင်သည် လူတို့အတွက် ဘယ်အရာက ကောင်းသည်။ ဘယ်အရာက ဆိုးသည်ကို သိတော်မူသောကြောင့် သတ်မှတ်ပြီးဖြစ်သည်။ ပြဌာန်းပြီးဖြစ်သည်။ အသစ်ပြဌာန်းရန် ပြင်ဆင်ရန် မလိုအပ်ချေ။ လူလုပ် ဥပဒေများသည်သာ ပြင်ဆင်ခြင်း၊ ဖြည့်စွက်ခြင်းတို့ ပြုရလေသည်။
၂၇/ ဇိလ်ကအ်ဒဟ်/ ဟိဂ်ျရီ ၁၄၃၇/ ယောင်မွလ်ခမီးစ်
1.9.2016
Credit: အလ်မုဖီးဒ်က ရေးသားသည်။
Website: http://aaitee.blogspot.com
Facebook: http://www.facebook.com/almufeed.mm
Email: haroonrangoni@gmail.com
google တွင်ရှာရန် “ အလ်မုဖီးဒ် ” ဟု မြန်မာလိုရိုက်၍ရှာပါ။
မိမိဖုန်းထဲတွင် ပြန်လည်ဖတ်ရှုရန် သိမ်းထားလိုပါက Simple Islam.apk ဖိုင်ကို ဒေါင်းလုတ်ဆွဲပြီး Install လုပ်ထားပါ။
