အာခိရသ်တွင် စိတ်ချမ်းမြေ့သာယာစွာ နေနိုင်ရေးအတွက် လိုအပ်သည့် အရည်အချင်းများမှ တတိယအရည်အချင်း
**အမှန်ပြော၍ ဂျန္နသ်ယူပါ
ဂျန္နသ်ရစေမည့် အရည်အချင်းများမှ တတိယအချက်မှာ အမှန်ပြောခြင်း၊ မှန်ရာကိုဆိုခြင်း ဖြစ်သည်။ ဟဒီးစ်တော်တွင် اَلصِّدْقُ يَهْدِيْ اِليَ الْبِرِّوَالْبِرُّيَهْدِيْ اِليَ الْجَنَّةِ အမှန်ပြောခြင်းသည် ကောင်းမှုပြုနိုင်မည့်လမ်းကို ညွှန်ပေးသည်။ ကောင်းမှုသည် ဂျန္နသ်သို့ ပို့ဆောင်ပေးသည် ဟု မိန့်ထားသည်။ လူသည် အမြဲတမ်း အမှန်ပြောသည့် အခြေအနေဖြင့်သာ ရှိနေလျှင် အလ္လာဟ်ထံပါးတွင် ၎င်းကို صِدِّيْق စွိဒ်ဒီးက်ဟု မှတ်သားလိုက်သည်။ စွိဒ်ဒီးက်သည် အလွန်မှန်သူ၊ မှန်သည့်စကားကို အလွန်များပြားစွာ ပြောဆိုသူကို ခေါ်ဆိုသည်။ အမှန်ပြောခြင်းကို အစဉ်တစိုက် လေ့ကျင့်ကြိုးပမ်းနေသူဟု ဆိုလိုသည်။ ဟဒီးစ်၌ ဆက်မိန့်သည်မှာ မုသားသည် မကောင်းသည့်လမ်းကြောင်း၊ မကောင်းမှုကို ညွှန်ပြသည်။ မကောင်းမှုသည် ဂျဟန္နမ်ကို ပို့ဆောင်သည်။ လူသည် လိမ်စကားပြောပြီး လိမ်သည့်အကျင့် အလေ့အထဖြစ်သွားပါက အလ္လာဟ်အရှင်မြတ်ထံပါးတွင် ၎င်းသူအား كَذَّابْ ဟု အမည်တပ်၍ မှတ်တမ်းတင်ထားလိုက်သည်။ ကဇ်ဇားဗ်ဟူသည်မှာ လူလိမ်အကြီးစား၊ အလွန်လိမ်သူ ဖြစ်ပေသည်။ လူသိများ ကျော်ကြားသည့် အဆိုတစ်ခုရှိသည်။ اَلصِّدْقُ يُنْجِيْ وَالْكِذْبُ يُهْلِكْ မှန်ကန်ခြင်းသည် အောင်မြင်မှုကို ရရှိစေ၍ လိမ်လည် မုသား လှည့်စားခြင်းတို့သည် ဆုံးရှုံးမှုကိုသာ ပေးသည်။
ယနေ့အခါသမယရှိ လူအများစုတို့၏ အတွေးသည် ပြောင်းပြန်ဖြစ်နေပေတော့သည်။ လိမ်မပြောလျှင် အလုပ်မဖြစ်၊ အမှန်အတိုင်းပြောလျှင် လိုရာခရီး မပေါက်၊ အလိမ်ဆုံးသူသည် အတော်ဆုံးပင်၊ လိမ်နိုင်သမျှ ငွေရ ..... ဟူသည့်အခြေအနေ ဆိုက်ရောက်နေပေတော့သည်။ မုသားမပါ လင်္ကာမချော ဟူသည့် စကားပုံပင် ရှိလိုက်သေး၏။ လူတို့က လိမ်ခြင်းဟူသည် အရည်အချင်းကောင်းတစ်ခုဖြစ်၏ ဟု မှတ်ယူလာကြပေသည်။
အစ္စလာမ်မှ ညွှန်ပြတောင်းဆိုချက်မှာ ..... အမှန်သာ ပြောပါဟု ဖြစ်ပေသည်။ အမှန်ပြောခြင်း၊ မှန်သည့်အကြောင်းအရာကိုသာ လုပ်ဆောင်ခြင်းတို့သည် ကောင်းမှု ဖြစ်သည်။ ကောင်းမှုတစ်ခုသည် နောက်ထပ်ကောင်းမှုတစ်ခုထပ်လုပ်ရန် လမ်းစပွင့်စေသည်။ ကောင်းမှုကို များစွာပြုလုပ်နိုင်ပါက တစ်နည်း ကောင်းမှုများစွာရှိလာလျှင် လူသည် ဂျန္နသ်ကို ရရှိပေမည်။ လိမ်ခြင်း၊ မုသားပြောခြင်း၊ လှည့်စားခြင်းတို့သည် မကောင်းမှုဖြစ်သည်။ မကောင်းတစ်ခုသည် နောက်ထပ်မကောင်းမှုများ လုပ်ဆောင်ရန်သာ တိုက်တွန်းမည်။ မကောင်းမှု များစွာပြုလုပ်ပြီး မကောင်းခြင်းများကိုသာ ပိုင်ဆိုင်စုဆောင်းထားလျှင် ထိုသူသည် ဂျဟန္နမ်သို့ ရောက်ရပေမည်။
(ယနေ့အခါတွင် လိမ်ခြင်းကို အမည်ပြောင်း၍ ခေါ်ဝေါ်သုံးစွဲနေကြပေသည်။ ဖော်ရှော် လုပ်လိုက်သည်ဟု သုံးကြသည်။ ဤသည်မှာလည်း လိမ်ခြင်းပင် ဖြစ်သည်။ နောက်ပြောင်ရာတွင်လည်း လိမ်ခွင့်မရှိပေ။ မွတ်စ်လင်မ်သည် ဘာသာတူ၊ ဘာသာခြား နှစ်မျိုးလုံးကိုလည်း လိမ်ခွင့်မရှိ။ ကလေးကိုလည်း မလိမ်ရပေ။ ထို့ကြောင့် မိမိတို့အပြောအဆို အလုပ်အကိုင်တွင် အလိမ်မပါစေရန် သတိထားရမည်။ လိမ်ခြင်းကို ရှောင်နိုင်ရန် အလ္လာဟ်ထံပါး ဒုအာပြု တောင်းခံရပါမည်။) မလိမ်ရဟု ဆိုထားရာ တစ်ဖက်တွင်လည်း မိမိ၏ အကြောင်းအားလုံးသိအောင် ပြောပြရန်လည်း မလိုအပ်ပေ။ သူ့နေရာနှင့်သူ စကားလွှဲသုံးခွင့် ရှိပေသည်။ အောက်တွင် စကားလွှဲသည့် အကြောင်းအရာအချို့ကို ဖော်ပြထားပါသည်။
**ရည်ရွယ်ချက်အမှန်ကို ဖုံးကွယ်ခွင့်ရှိခြင်း
လောက၌ လူအများစု၏ ဓလေ့ဖြစ်သွားသည့်လုပ်ရပ်တိုင်း အမှန်မဟုတ်ပါ။ အစ္စလာမ်ဘာသာက မှန်ရာကိုသာ စကားဆိုရန် သင်ပေးထားသည်။ တစ်ဦးတစ်ယောက်သည် အခြေအနေအရ အမှန်လည်းမဟုတ် အမှားလည်းမဖြစ်သည့် စကားရပ်မျိုးဆိုခြင်းသည် လိမ်ခြင်းနှင့်မသက်ဆိုင်ပေ။ သီးခြားဖြစ်ပေသည်။ အကျဉ်းအကြပ်ဖြစ်နေချိန်တွင် ထိုစကားရပ်မျိုးကို ပြောခွင့်ရှိပေသည်။ ဤသို့မဟုတ်ပဲ ဖြစ်စဉ်နှင့်ဆန့်ကျင်ဘက်ပြောခြင်းကိုမူ မည်သို့သောအခြေအနေတွင်မှ ခွင့်မပြုပေ။ သို့သော် အခြေအနေအမှန်အတိုင်းလည်း မဟုတ်၊ မရှိသည့်အခြေအနေကို လုပ်ကြံ(လိမ်)ပြောခြင်းလည်းမဟုတ်သည့် ပုံစံမျိုး ပြောနိုင်ပေသည်။ ပြောလိုက်သည့်စကားက ဒီလိုလည်း ဖြစ်နိုင်သလို ဟိုလိုလည်း ဖြစ်နိုင်သည်။ ထို့သို့ပြောခွင့်ရှိပေသည်။
အရဗီဘာသာတွင် ထိုသို့ပြောခြင်းကို تَوْرِيَهْ ဟု ခေါ်ပေသည်။ လိမ်ပြောခြင်းမှ ရှောင်၍ အခြေအနေအမှန်ကို ဖုံးကွယ်၍ပြောခြင်းဟု အဓိပ္ပါယ်ရသည်။ ဗမာစကား၏ စကားကြီး ဆယ်မျိုးတွင် “ခက်တင်မောင်းနင်း” ဟု ခေါ်ဆိုသည့် စကားမျိုး ဖြစ်သည်။ စကားကို မတင်မကျပြောခြင်းမျိုး ဖြစ်၏။ ဟဒီးစ်များတွင် လာရှိသည်မှာ တမန်တော်မြတ် ဆွလ္လလ္လားဟုအလိုင်းဟိဝစလ္လမ်သည် အဓိကခရီးစဉ်တစ်ခုအား တခြားခရီးတစ်ခုမှ လှည့်သွားတော်မူပေသည်။ သို့မှသာ ရန်သူများ ရိပ်စာမိခြင်း မရှိမည်ဖြစ်၏။
**ဟဇရသ်နာနောင်သဝီ ရဟ်မသုလ်လားဟိအလိုင်းဟ်၏ ဖုံးကွယ်ပုံ
အစ္စလာမ်ပညာရှင်များ၏ မိခင်ကျောင်းတော်ကြီးဖြစ်သော ဒါရွလ်အူလူးမ် ဒေယိုဗန်ကို တည်ထောင်သူ ဟဇရသ်မော်လာနာ ကာစင်မ်ဆွာဟိဗ် နာနောဝ်သဝီ (ရဟ်မသုလ္လာဟိအလိုင်းဟ်) အင်္ဂလိပ်များကို ဆန့်ကျင်တိုက်ခိုက်ခဲ့စဉ်က ဖြစ်သည်။ အင်္ဂလိပ်အုပ်ချုပ်မှု လက်အောက်အတွင်း ဖြစ်သောကြောင့် ၎င်းတို့သာ အနိုင်ရရှိသွားကြသည်။ တိုက်ခိုက်မှုပြီးသွားသောအခါ အင်္ဂလိပ်အာဏာပိုင်တို့က လူအချို့ကို ဖမ်းဆီးရန် ဝရမ်းထုတ်လိုက်သည်။ ထိုဝရမ်းထဲတွင် ဟဇရသ်၏အမည်လည်း ပါဝင်သည်။ ပုလိပ်များက ဟဇရသ်ကို အပူတပြင်းလိုက်ရှာနေကြ၏။ တစ်ရက် ဟဇရသ်သည် မိမိနေအိမ်တွင်ရှိနေကြောင်း တစ်ဦးကသတင်းပေးလိုက်ရာ ပုလိပ်များ ချက်ချင်းရောက်လာပြီး ဟဇရသ်၏နေအိမ်ကို ဝိုင်းလိုက်ကြပေသည်။ ဟဇရသ်သည် ရွက်ကြမ်းရေကျိုပုံစံဖြင့်သာ နေထိုင်လေ့ရှိသူတစ်ဦးဖြစ်ပြီး သာမန်အခိုင်းအစေတစ်ဦးကဲ့သို့သာ ဝတ်ဆင်လေ့ရှိပေသည်။ ထို့ကြောင့် ကြီးကျယ်သည့်ပုဂ္ဂိုလ်တစ်ပါးဟု မည်သူကမျှ သိရှိနိုင်မည်မဟုတ်ပေ။ အိမ်ကို ပုလိပ်များဝိုင်းထားကြောင်း ဟဇရသ်သိသည့်အခါ ပုခုံးပေါ် စောင်ပိုင်းတင်ပြီး အိမ်တွင်းမှ ထွက်လာသည်။ ပုလိပ်တို့က တား၍ မော်လဝီကာစင်မ် ဘယ်မှာလဲဟု မေးသည်။ ၎င်းတို့က မော်လဝီကာစင်မ်ဟူသော ပုဂ္ဂိုလ်သည် ဤသို့သော သာမန်သူတစ်ဦး မဟုတ်နိုင်ပေ။ ဤသည်မှာ အိမ်၏အစေခံတစ်ဦးသာ ဖြစ်မည်ဟု ယူဆထားသည်။
ဟဇရသ်သည် ရပ်နေသည့်နေရာမှ ရှေ့သို့ ခြေတစ်လှမ်းတိုးပြီးနောက် အခုပဲ ဒီမှာရှိနေသေးတယ်။ ဘယ်သွားလိုက်သလဲမသိဟု ပြောကာ ထွက်သွားလိုက်ပေသည်။ ပုလိပ်တို့ မတ်တပ်ရပ်လျှက်သာ ကျန်ခဲ့ပြီး အိမ်တွင်းသို့ဝင်ရှာရာတွင် မည်သူ့ကိုမျှ မတွေ့ရတော့ပေ။ ထို့ကြောင့် လိမ်ခြင်းလည်းမဟုတ်၊ အမှန်အတိုင်းလည်းမဟုတ်သည့် စကားရပ်ကိုဆိုပြီး ရှေ့ကလူ အလှည့်ခံလိုက်ရခြင်းကို သောင်ရီယဟ်ဟုခေါ်သည်။ သောင်ရီယဟ်ကို ပြုခွင့်ရှိပေသည်။
**ဟဇရသ်နာနောင်သဝီ ရဟ်မသုလ်လားဟိအလိုင်းဟ်၏ ရိုးသားမှု
တစ်ခါက ဟဇရသ်သည် လေးညှင်းခံထွက်ရင်း ဒေယိုဗန်အနီးရှိ ရွာတစ်ရွာသို့ မဂ်ရိဗ်အချိန်တွင် ရောက်ရှိသွားသည်။ မတ်စ်ဂျိဒ်တွင် အိမာမ်မရှိပေ။ လူတို့က ဟဇရသ်အား နမားဇ်သင်ပေးတတ်လားဟု မေးရာ ဟဇရသ်က သင်ပေးတတ်သည်ဟု ပြောလိုက်သည်။ ၎င်းတို့က သို့ဆိုလျှင် နမားဇ်သင်လိုက်ပါဟု ပြောကြသည်။ နမားဇ်အတွင်း အဘယ်သို့ ဖြစ်သွားသည်မသိ၊ နှစ်ရကအသ်တွင် စူရဟ်ကာဖိရူးန်ကိုသာ တွဲလိုက်မိသည်။ လူဖြစ်သည့်အားလျော်စွာ အမေ့အမှားကို မရှောင်လွှဲနိုင်ပါ။ တမန်တော်ပင်လျှင် မေ့မှားမှု ဖြစ်ရပေသည်။ စလာမ်လှည့်ပြီးနောက် နမားဇ်မပိုင် နမားဇ်မပိုင်ဟူ ဆူညံ့ကြတော့သည်။ ဟဇရသ်က ပြောသည်။ နမားဇ်ပိုင်သည်။ တစ်ခဏတော့ အားလုံးတိတ်ဆိတ်သွားကြသည်။ ဟဇရသ်လည်း ပြန်လာလိုက်သည်။ အိရှာအ်ပြီးနောက်တွင် လူတို့က ပူညံ့ပူညံ့လုပ်ကြပြန်သည်။ မဂ်ရိဗ်နမားဇ် ပိုင် မပိုင်ကို သေချာစွာမသိရပေ။ မည်သို့ပြုကြမည်နည်း။ မနက်စောစောတွင် ဒိယိုဗန်ကျောင်းသို့သွား၍ ဖသ်ဝါမေးရမည်။ နောက်တစ်နေ့တွင် ရွာမှလူတစ်စု ကျောင်းသို့ရောက်လာသည်။ ကျောင်းရောက်သည့်အခါ ကျောင်းရှိ အကြီးဆုံးသောမော်လဝီ မည်သူနည်းဟု မေးရာ ကျောင်းသားများက ဟဇရသ်ရှိသည့်အခန်းသို့ လိုက်ပို့ပေးကြသည်။ ရွာသားတို့ ဟဇရသ်ကို မြင်လိုက်ရာ သူတို့အား မဂ်ရိဗ်သင်ပေးခဲ့သူပင် ဖြစ်နေသည်။ ယခုမူ လာသည့်ရွာသားအားလုံး ပါးစပ်ပိတ်ပြီး ထိုင်နေကြတော့သည်။ ဟဇရသ်က ခင်ဗျားတို့ ဘာကိစ္စအတွက်လာလဲ တစ်ခုခုတော့ ပြောပါဦးဟု စကားဆိုရာ အချိန်အတော်ကြီးကြာမှမှ တစ်ယောက်က ဆရာကြီးခင်ဗျား၊ ဆရာကသာ မနေ့က ကျွန်တော်သည် အကြီးဆုံးမော်လဝီတစ်ပါးပဲလို့ ပြောခဲ့ရင် ကျွန်တော်တို့ ဒီကိုရောက်လာမှာ မဟုတ်ပါဘူး ဟု ပြောလေတော့သည်။ ဤသည်မှာ ဟဇရသ်နာနောင်သဝီသခင်၏ နေထိုင်မှုသဏ္ဍာန်ပင်ဖြစ်ပေသည်။ ရိုးရိုးပင်နေခြင်းကြောင့် သခင်သည် အာလင်မ်တစ်ပါးဖြစ်သည်ဟု ချက်ချင်းမသိနိုင်ပေ။
**ဟဇရသ်နာနောင်သဝီ ရဟ်မသုလ်လားဟိအလိုင်းဟ်၏ ရိုးသားမှု (၂)
တစ်ခါက ဟဇရသ်သည် လေညှင်းခံရာမှ ပြန်လာနေချိန်ဖြစ်သည်။ လမ်းတွင် တောသားတစ်ဦးသည် ကြံစီးတစ်ခုကိုချပြီး အမောဖြေနေသည်။ ဟဇရသ်က အနီးမှဖြတ်သွားချိန်တွင် " အို ဘိုင်! ဒီကြံစီးကို ခေါင်းပေါ် ကူတင်ပေးပါ" ဟု ပြောလိုက်သည်။ ဟဇရသ်က ကြံစီးမပေးရန် ပြင်နေချိန် တဆက်တည်း ခင်ဗျားအတွက် ကြံစီးကလေးနေပြီဆိုရင် ကျွန်တော် မသွားပေးပါမယ် ဟုဆိုရာ တောသားက ဒါဆိုလည်း မပေးသွားပါဟု ပြောလေသည်။ ဟဇရသ်က မသွားလိုက်သည်။ ဟရသ်က ရှေ့ မှလျှောက်ပြီး တောသားက နောက်မှလိုက်နေသည်။ လမ်းတွင် ဟဇရသ်က ခင်ဗျားဘယ်သူလဲ၊ ဘယ်ကလဲ၊ ကြံစီးက ဘာအတွက်လဲ စသဖြင့် စကားမေးရာ တောသားက အဘယ်ရွာမှဖြစ်ကြောင်း၊ ကြံစီးသည် မော်လဝီကာစင်မ်ဆွာဟိဗ်ကို လက်ဆောင်ပေးရန်အတွက် ယူလာခြင်းဖြစ်ကြောင်း၊ ၎င်းအနေဖြင့် ကြံရည်ညှစ်၍ ခီးရ်ချက်စားနိုင်ရန်ဖြစ်ကြောင်း ပြောပြလေသည်။ ဟဇရသ်ကလည်း ဒီစကားရပ်များကို နားထောင်လျှက်ပင် ဆက်လျှောက်နေသည်။ မြို့အနီးသို့ရောက်လာသည့်အခါ ကြံစီးပေးလိုက်ပြီး မိမိ၏ မတ်စ်ဂျိဒ်သို့ တခြားသောလမ်းတစ်ခုမှ သွား၍ မိမိအခန်းသို့ လာလိုက်ပေသည်။ ထိုသူလည်း ကြံစီးယူ၍ ထိုမတ်စ်ဂျိဒ်သို့ပင် ရောက်ရှိလာပေသည်။ ပြီးနောက် ဟဇရသ်ကိုပင် မော်လဝီကာစင်မ်သည် မည်သူနည်းဟု ၎င်းက မေးမြန်း၏။ ဟဇရသ်က မော်လဝီကာစင်မ်ဆိုတာ ကျွန်တော်ပဲဟု ဖြေလိုက်သည်။ တောသားကမူ သူ့ကြံစီးကိုမပေးခဲ့သည်ကို သိနေသဖြင့် အေး အေး ခင်ဗျားက ကြံသကာခီးရ်စားချင်ပြီးကိုး (ဒါ့ကြောင့် မော်လဝီကာစင်မ် ဖြစ်သွားတာ) ဟုဆိုပြီး ဗလီအပြင်ထွက်၍ ကျောင်းသားများကို မေးလေသည်။ ကျောင်းသားများက မော်လဝီကာစင်မ်ဆိုတာ ဤသူပဲဟု ညွှန်ပြလိုက်ပေသည်။ ထိုအခါမှသာ တောသားက ကျွန်တော်သည် ဆရာကြီးကို ကြံစီးမခိုင်း၍ ဒုက္ခပေးမိခဲ့သည်ဟု အားနာစကားဆိုလေတော့သည်။ ဟဇရသ်နာနောင်သဝီသည် ရိုးရိုးပင်နေထိုင်လေ့ရှိသူတစ်ဦးဖြစ်ပြီး ထိုသို့နေထိုင်ခြင်းကြောင့်ပင် ကြီးကျယ်သည့် အာလင်မ်ကြီးတစ်ပါးဟု မည်သူမျှ ချက်ချင်းမသိနိုင်ခဲ့ပေ။
**သောင်ရီယဟ်၏ပြုလုပ်ပုံတစ်ခု
အဗ်ဒွရ်ရဟ်မားန်ဗင်န်ဂျောဟ်ဇီ ဟုခေါ်သည့် တရားဟောကောင်းသော ဆရာတစ်ဦးရှိခဲ့သည်။ ၎င်းဟောနေသည့် တရားပွဲတွင် ရှီအဟ်များလည်း လာရောက်နားထောင်ကြပေသည်။ စွန်နီများလည်း ရှိကြသည်။ (ယခင်က ရှီအဟ်တို့သည် စွန်နီများ၏ တရားပွဲများကို လာရောက်နားထောင်ကြသည်။ ယခုမူ လုံးဝမလာကြတော့ပေ။ ကိုယ်တိုင် ခွဲထွက်သွားကြသည်။ ထို့ကြောင့် ၎င်းတို့အတွက် ပြုပြင်မှု၏တံခါးပေါက်တစ်ခု ပိတ်သွားရပေတော့သည်။ ယခုအခါ ရှီအဟ်တို့မှ စွန်နီပြန်ဖြစ်သူ မရှိတော့ပေ။ ထိုနည်းတူ ရဿွာခါနီတို့သည်လည်း ဒိယိုဗန်ဒီတို့ကို မသန့်သူများကို စွပ်စွဲကြပြီး ၎င်းတို့၏မတ်စ်ဂျိဒ်သို့ ဒိယိုဗန်ဒီတစ်ဦးဦးရောက်သွားပါက ရေဖြင့် ဆေးကြောသည်အထိ ဖြစ်သွားကြပေသည်။ သီးသန့်ခွဲထွက်ပြီး ကျွန်ုပ်တို့၏ တရားပွဲများကို လာခြင်းလည်း မရှိတော့ပေ။ ဤသို့နှင့် ၎င်းတို့အတွက် ပြုပြင်မှုရရန် လမ်းစတစ်ခု ပိတ်သွားရပေတော့သည်။ ထိုနှစ်ဖွဲ့မှမဟုတ်ဘဲ ဗိဒ်အသ်လုပ်သူများ၊ အမှားပြုနေသူများသည် တရားပွဲများတွင် ပါဝင်ခြင်းကြောင့် ကုရ်အာန်၊ ဟဒီးစ်၏ အလင်းရောင်ကို မြင်ခွင့်ရသွား၏။ ယင်း၏အကြောင်းခံဖြင့် ပြစ်မှုများမှ သောဝ်ဗဟ်ပြုခွင့် ရရှိပေသည်။ ရဿွာခါနီတို့သည် ဗိဒ်အသ်လုပ်ရပ်ကိုပင် ဒီးန်ဟုမှတ်ယူလိုက်သောကြောင့် ထိုအခွင့်အရေးကို ဆုံးရှုံးလိုက်ရတော့ပေသည်။)
ယခု စွန်နီနှင့် ရှီအဟ်နှစ်ခုလုံးရှိနေသည့် တရားပွဲတွင် တစ်ဦးက ဤသို့ထမေးလေသည်။ "အဗူဗက္ကရ်နှင့် အလီ (ရသွီယလ်လာဟုအန်ဟုမာ)တို့တွင် မည်သူ အမြတ်ဆုံးနည်း" ဤသည်မှာ အလွန်သိမ်မွေ့၍ ထိခိုက်လွယ်စေသည့် မေးခွန်းပင်ဖြစ်သည်။ အမှန်အတိုင်းဖြေလိုက်လျှင် ရှီအဟ်များက ဆူညံ့ကြမည်။ ဟဇရသ်အလီက ပိုမြတ်သည်ဟုဖြေလျှင် အမှန်ရှိသည်နှင့်လည်း ဆန့်ကျင်နေမည်။ စွန်နီများကလည်း စိတ်ဆိုးသွားကြမည်။ ဤသို့နှင့် တရားဟောဆရာက اَفْضَلُ النَّاسِ مَنْ كَانَ بِنْتُهُ فِيْ بَيْتِه လူတို့ထဲတွင် အမြတ်ဆုံးသူမှာ ၎င်း၏သမီးသည် ထိုသူ၏အိမ်တွင် ရှိနေမည် .... ဟု အဖြေပေးလိုက်သည်။ ထိုအဖြေကို စွန်နီတို့က အဗူဗက္ကရ် ရသွီယလ်လာဟုအန်ဟု၏သမီး ဟဇရသ်အာအိရှဟ် ရသွီယလ်လာဟုအန်ဟာသည် တမန်တော်မြတ် ဆွလ္လလ္လားဟုအလိုင်းဟိဝစလ္လမ်၏ အိမ်တွင် ရှိပေသည်။ ထို့ကြောင့် ဟဇရသ်အဗူဗက္ကရ် ပိုမြတ်သည်ဟု မှတ်ယူလိုက်ကြသည်။ ရှီအဟ်တို့က တမန်တော်မြတ် ဆွလ္လလ္လားဟုအလိုင်းဟိဝစလ္လမ်၏သမီး ဖှာသွိမဟ်သခင်မ ဟဇရသ်အလီသခင်၏အိမ်တွင် ရှိနေသည်။ ထို့ကြောင့် ဟဇရသ်အလီပိုမြတ်သည်ဟု ယူဆလိုက်ကြပေသည်။ ဤသို့နှင့် အုပ်စုနှစ်ခု၏ စိတ်ဆိုးခံရခြင်းမှ လွတ်သွားပေသည်။
ရှဥ့်လည်းလျှောက်သာ၊ ပျားလည်း စွဲသာ ကဲ့သို့ မည်သည့်ဘက်ကမျှ ဆုံးရှုံးမှု မရှိစေမည့်အဖြေမျိုး၊ မြွေမသေ တုတ်မကျိုးပုံစံ ဖြေပေးခြင်းကိုပင် သောင်ရီယဟ်ဟု ခေါ်ပေသည်။ ထိုသို့လည်း ပြုခွင့်ရှိပေသည်။
**သောင်ရီယဟ်ပြုလိုက်သည့် နောက်ထပ်ဖြစ်ရပ်တစ်ခု
မြတ်နဗီ ဆွလ္လလ္လားဟုအလိုင်းဟိဝစလ္လမ် ဟစ်ဂျရသ်ပြုသည့်အချိန် အဗူဗက္ကရ်သခင် အတူရှိနေခဲ့ပေသည်။ မက္ကဟ်သားတို့က ၎င်းတို့ကိုဖမ်းဆီးပေးလာနိုင်သူ သို့မဟုတ် ဦးခေါင်းကိုယူလာပေးနိုင်သူကို ကုလားအုတ်အကောင်တစ်ရာ ဆုချမည်ဟု ကြေငြာထားသည့် အချိန်၊ လောဘသမားတို့က လေးဘက်လေးတန် မြေလှန်ရှာနေသည့် အချိန်ဖြစ်သည်။ တစ်နေရာတွင် လူတစ်စုက တမန်တော်မြတ် ဆွလ္လလ္လားဟုအလိုင်းဟိဝစလ္လမ်နှင့် အဗူဗက္ကရ်သခင်တို့ကို တွေ့သွားသည်။ ၎င်းတို့က အဗူဗက္ကရ်သခင်ကို သိသော်လည်း တမန်တော်မြတ်ကို မသိကြပေ။ ထိုသူတို့က အဗူဗက္ကရ်သခင်အား အသင်နှင့်အတူပါသူက မည်သူပါနည်းဟု မေးရာ သခင်က ဤသို့ဖြေလိုက်သည်။ رَجُلٌ يَّهْدِيْنِي السَّبِيْلَ ကျွန်တော့်ကို လမ်းပြပေးနေသူတစ်ဦးပါ။ ယင်းစကားရပ်ကို တမန်တော်မြတ် ဆွလ္လလ္လားဟုအလိုင်းဟိဝစလ္လမ်ဖက်မှ အဖြေကောက်ယူလိုက်ပုံမှာ ဤသူမှာ ကျွန်ုပ်တို့၏ နဗီဖြစ်သည်။ ကျွန်ုပ်တို့အား မှန်ကန်သည့် ဘာသာကို ညွှန်ပြပေးသည်ဟု ဖြစ်သည်။ ထိုလူအုပ်စုမှ အဖြေကောက်ယူလိုက်ပုံမှာ ဤသူမှာ အဗူဗက္ကရ်၏ လမ်းပြတစ်ဦး (ဧည့်လမ်းညွှန်)ဖြစ်ပြီး တောင်တန်းဒေသကို လမ်းညွှန်ပေးနေသည်ဟု ဖြစ်သည်။ ဤသို့သောစကားရပ်မျိုးကို သောင်ရီယဟ်ဟုခေါ်ပြီး ပြောဆိုခွင့်ရှိပေသည်။ လိမ်သည့် စကားအမျိုးအစား မဟုတ်ပေ။
[အိလ်မီးခွသ်ဗားသ်]
စာရှုသူတို့အနေဖြင့် မိမိတို့ အာခိရသ်ရေးအတွက် လိုအပ်သည့်အရည်အချင်းများကို အသက်ရှင်နေစဉ်အတွင်း ကျင့်ကြံအားထုတ်ကြပါရန် တိုက်တွန်းအပ်ပါသည်။ တစ်ရက် အသက်ရှင်ခွင့် ရနေခြင်းသည်လည်း တစ်ရက်ဆိုသလို တန်ဖိုးရှိပါသည်။ ပိုက်ဆံပေးဝယ်ရန် မလိုအပ်သည့် နှလုံးသားအရည်အချင်းများအား ကိုယ်တိုင် အရ ယူနိုင်ပါသည်။ အာခိရသ်သည် ကျွန်ုပ်တို့ ထင်နေသလို လွယ်ကူသည်မဟုတ်ပါ။ အာခိရသ်သည် ခက်ခဲကြမ်းတမ်းလှသဖြင့် ဖန်ဆင်းရှင် အလ္လာဟ်အရှင်ကိုယ်တိုင် နဗီပေါင်းများစွာ စေလွှတ်၍ သတိပေးခဲ့သည်။ အသိတရားများ ပြသပေးနေသည်။ ရှေ့တွင် ချောက်ရှိပါသည်ဟု လမ်းညွှန်က ပြောနေပါလျက် ကားကို အရှိန်လျှော့မမောင်းဘဲ တိုက်ရိုက် ချောက်ထဲ ဆင်းသွားလျှင် မည်သူ့အပြစ် ဖြစ်ပါသနည်း။ ယခုလည်း ကျွန်ုပ်တို့အား ဂျဟန္နမ် ချောက်ထဲ မကျစေရန် အလ္လာဟ်အရှင်မြတ်က ဤသို့ ဤသို့ နေထိုင်ကြပါ။ ဤအရာများ ပြုကျင့်ကြပါဟု လမ်းညွှန်နေသည်။ မလိုက်နာလျှင် မပြုပြင်လျှင် ကျွန်ုပ်တို့ထက် ညံ့ဖျင်းတုံးအသူ အခြားတစ်ယောက် ရှိမည်မဟုတ်ပါ။
အာခိရသ်အရေးအတွက် အောက်ပါလင့်များတွင် ထပ်မံလေ့လာနိုင်ပါသည်။ စာသားကော်ပီယူသူများ Credit အပြည့်ရေးပါ။
အာခိရသ်၏ စည်းစိမ်များကို ရရှိမည့်သူများအကြောင်း
အာခိရသ်အတွက် ကြိုးပမ်းရမည့်နေရာ
ဆွဗရ်ပြု၍ ဂျန္နသ်ယူ
အဖိုးတန်သည့် စဲဟ်ရီအချိန်
http://aaitee.blogspot.com/2016/06/blog-post_21.html
Credit, အလ်မုဖီးဒ်က ရေးသားသည်။
စာသားကော်ပီယူသူများ Credit အပြည့်ရေးပါ။
Credit, အလ်မုဖီးဒ်က ရေးသားသည်။
စာသားကော်ပီယူသူများ Credit အပြည့်ရေးပါ။
အလ်မုဖီးဒ် Link များ
Website: http://aaitee.blogspot.com
Facebook: http://www.facebook.com/almufeed.mm
Email: haroonrangoni@gmail.com
google တွင်ရှာရန် “ အလ်မုဖီးဒ် ” ဟု မြန်မာလိုရိုက်၍ရှာပါ။
မိမိဖုန်းထဲတွင် ပြန်လည်ဖတ်ရှုရန် သိမ်းထားလိုပါက Simple Islam.apk ဖိုင်ကို ဒေါင်းလုတ်ဆွဲပြီး Install လုပ်ထားပါ။
Website: http://aaitee.blogspot.com
Facebook: http://www.facebook.com/almufeed.mm
Email: haroonrangoni@gmail.com
google တွင်ရှာရန် “ အလ်မုဖီးဒ် ” ဟု မြန်မာလိုရိုက်၍ရှာပါ။
မိမိဖုန်းထဲတွင် ပြန်လည်ဖတ်ရှုရန် သိမ်းထားလိုပါက Simple Islam.apk ဖိုင်ကို ဒေါင်းလုတ်ဆွဲပြီး Install လုပ်ထားပါ။
