အို နဗီတမန်တော်၊ အသင်သည် (လူသားတို့အား) ပြောကြားပါလေ။ အကျွန်ုပ်သည် အသင်တို့အား ထို(လောကီစည်းစိမ်များ)ထက် ပိုမိုသင့်မြတ်သောအရာများကို အကြောင်းကြားရပါမည်လော။ အလ္လာဟ်အရှင်မြတ်ကို ကြောက်ရွံ့ ရိုသေခံ့ညား၍ ဒုစရိုက်မှုတို့ကို ကြဉ်ရှောင်သော သူတော်စင်များအဖို့ ယင်းသူတို့အား မွေးမြူတော်မူသော အရှင်မြတ်ထံတော်၌ ဥယျာဉ်တော်များ ရှိပေသည်။ ထိုဥယျာဉ်တော်များ၏ အောက်မှ စမ်းရေချောင်းများသည် စီးဆင်းလျက်ရှိသည်။ ယင်းသူတို့သည် ထိုဥယျာဉ်တော်များတွင် အမြဲထာဝရ နေကြရမည့်သူများပင် ဖြစ်ကြပေသည်။ (ထို့ပြင် ယင်းသူတို့အဖို့ စင်ကြယ်သန့်ရှင်း အပြစ်ကင်းသော ဇနီးများလည်း ရှိကြပေသည်။ ထို့ပြင် အလ္လာဟ်အရှင်မြတ်၏ နှစ်သက်မှုလည်း ရှိပေသည်။ စင်စစ်သော်ကား အလ္လာဟ်အရှင်မြတ်သည် (မိမိ၏) ကျွန်များ၏ အခြေအနေအဖြစ်အပျက်အလုံးစုံကို ခွဲခြား သိမြင်တော်မူသောအရှင် ဖြစ်တော်မူပေသတည်း။
အကြင်သူတို့သည် အလ္လာဟ်အရှင်မြတ်ထံတော်၌ အို ကျွန်တော်မျိုးတို့အား မွေးမြူတော်မူသောအရှင် ကျွန်တော်မျိုးတို့သည် မလွဲဧကန် အရှင်မြတ်ကို သက်ဝင်ယုံကြည်ကြပါပြီ။ သို့ဖြစ်ပါ၍ အရှင်မြတ်သည် ကျွန်တော်မျိုးတို့၏ ပြစ်မှုဒုစရိုက်တို့ကို ခွင့်လွှတ်တော်မူပါ။ ၎င်းပြင် နောင်တမလွန်ဘဝတွင် ကျွန်တော်မျိုးတို့အား ငရဲမီးဘေးမှလည်း ကာကွယ်စောင့်ရှောက်တော်မူပါဟု လျှောက်ထားပန်ကြားကြလေသည်။
အပြစ်ရှောင်ကြဉ်သော်ထိုသူတို့သည် သည်းခံခြင်းတရားနှင့် ပြည့်စုံသောသူများ၊ စိတ်နှလုံး ဖြောင့်မတ်မှန်ကန် ငြိမ်သက်တည်ငြိမ်သော သစ္စာဝါဒီများ၊ အလ္လာဟ်အရှင်မြတ် ရှေ့တော်မှောက်တွင် ခယရိုကျိုးသူများ၊ အစ္စလာမ်တရားတော်နှင့်အညီ သဒ္ဒါစေတနာထက်သန်စွာ လှူဒါန်းသုံးစွဲပေးကမ်းစွန့်ကြဲသူများ၊ ညဥ့်၏နောက်ဆုံးယံ အရုဏ်တက်ချိန်များတွင် အလ္လာဟ်အရှင်မြတ်အထံတော်တွင် မိမိတို့အပြစ်များမှ လွတ်ငြိမ်းချမ်းသာခွင့် ပန်ကြားသူများ ဖြစ်ကြလေသတည်း။ (စူရဟ် အာလိအင်မ်ရားန်၊ ကဏ္ဍ ၃၊ ပါဒအမှတ် ၁၅ မှ ၁၇)
မွစ်လင်မ်တို့၏ အဓိကပန်းတိုင်မှ အာခိရသ်၏အောင်မြင်မှုဖြစ်ပြီး ဂျန္နသ်ရရှိခြင်းပင် ဖြစ်သည်။ အာခိရသ်တွင် အောင်မြင်ရန်၊ ဂျန္နသ်ရရန် လိုအပ်သည့်အရာများအား အလ္လာဟ်အရှင်မြတ်ကိုယ်တော်တိုင် ကုရ်အာန်ကျမ်းဂန်တွင် အသေးစိတ် ညွှန်ပြထားပေသည်။ ဂျန္နသ်သည် အလွန်တန်ဖိုးကြီးသော အရာဖြစ်၏။ ဂျန္နသ်ကို လွယ်လွယ်နှင့်မရနိုင်ပါ။ လွယ်လွယ်ဟူသည်မှာ လောကတွင် ရှင်သန်နေစဉ် ပေါ့ပေါ့နေ ပေါ့ပေါ့စား အများယောင်တိုင်း လိုက်ယောင်ပြီး အဆုံးတစ်နေ့ ထမ်းစဉ်ပေါ်မှ ကဗရ်တွင်း သက်ဆင်းကာ အာခိရသ်၏ သုခစည်းစိမ်များအား တမဟုတ်ခြင်း ရရှိနိုင်မည်မဟုတ်။ အချို့က အလ္လာဟ်သနားရင် ရပြီ၊ အလ္လာဟ့်ရဟ်မသ်ရရင် ရပြီ စသည့် အပေါ့စကားဆိုကြသည်။ အာခိရသ်တွင် အောင်မြင်ရန် ထိုမျှလွယ်ကူလျှင်၊ အလ္လာဟ့်ရဟ်မသ်ရရန် ထိုမျှလွယ်ကူရိုးမှန်လျှင် တမန်တော်အာဒမ်မှစလို့ နဗီ ရစူလ်အပေါင်းနှင့် သူတော်မွန်အားလုံးတို့သည် အခက်အခဲဒုက္ခများ ဘာသာရေးလေးစားမှု အလ္လာဟ်အရှင်အား ကြောက်ရွံ့မှုများနှင့် လောကီဒုက္ခများအား သည်းခံမျိုသိပ် ခံစားနေကြမည်မဟုတ်ပါ။ အာခိရသ်သည် ကျွန်ုပ်တို့ထင်မြင် ယူဆသည်ထက် အဆပေါင်းများစွာ ခက်ခဲပါသည်။ အထက်ပါအာယသ်တွင် အာခိရသ်၏ စည်းစိမ်ကို မည်သည့်အရည်အချင်းရှိသူတို့က ရကြမည်ကို ရှင်းလင်းစွာဖော်ပြပေးထားသည်။ အာခိရသ်တွင် အောင်မြင်ရန် ရုပ်ပိုင်းဆိုင်ရာ တိုးတက်မှုများ မလိုအပ်ကြောင်းကို အထက်ပါအာယသ်မှ အလွန်ရှင်းလင်းစွာ သိရပါမည်။
အာခိရသ်၏ စည်းစိမ် အောင်မြင်မှုရရှိရန် လိုအပ်သည့်အရာများမှာ (၁) အီမာန်၊ (၂) အပြစ်များမှ အမှားဝန်ချတောင်းပန်ခြင်းနှင့် ပြစ်ဒဏ်မခတ်ရန် အလ္လာဟ်အရှင့်ထံပါး တောင်းခံခြင်း၊ (၃) သည်းခံမှုရှိခြင်း၊ (၄) မှန်ကန်သူ သစ္စာရှိသူဖြစ်ခြင်း၊ (၅) အလ္လာဟ်အရှင်မြတ်ရှေ့မှောက်တွင် ခယရို့ကျိုးသူ၊ (၆) လှူဒါန်းသူ၊ (၇) သဟဂ်ျဂျွဒ်မြဲသူ၊ (၈) သောဝ်ဗာ အမှားဝန်ခံ၍ နောက်နောင်ကို အပြစ်မကျူးလွန်ပါကြောင်း ကတိပြုသူတို့ဖြစ်သည်။
အာခိရသ်တွင် အောင်မြင်ရန်၊ တန်ဖိုးရှိသော ဂျန္နသ်၏ တန်ကြေးကိုပေးဆောင်နိုင်ရန် အလ္လာဟ်အရှင်မြတ်က မိမိကို သက်ဝင်ယုံကြည်သော အဖန်ဆင်းခံတို့အတွက် အလွန်လွယ်ကူသော စည်းကမ်းချက်များအား ပြသပေးထားပေသည်။ မွစ်လင်မ်တိုင်း အာခိရသ်တွင် အောင်မြင်လိုကြသည်။ အောင်မြင်ရန် နည်းလမ်းအတိုင်း ကျင့်သုံးမှသာလျှင် လိုလားချက်က ပြည့်ဝမည်။ အောင်မြင်မှုတစ်ခုသည် စည်းစနစ်တကျဖြစ်ရပါမည်။ သတ်မှတ်စံချိန်ကို ပြည့်မှီသူသည် အလ္လာဟ်အရှင်မြတ် ကတိပေးထားသည့် အောင်မြင်မှုကို မုချရရှိမည်။ ထို့ကြောင့် မွစ်လင်မ်တို့အနေနှင့် အဓိကပန်းတိုင်ဖြစ်သည့် အာခိရသ်တွင် အောင်မြင်မှုရရန် အလ္လာဟ်အရှင်မြတ် လမ်းညွှန်ပေးထားသည့် အညွှန်းအတိုင်း ကျင့်သုံး နေထိုင်ကြပါရန် တိုက်တွန်းအပ်ပါသည်။ သူတစ်ပါး၏ လုပ်ဆောင်ချက်သည် သူ့အတွက်သာ ဖြစ်သည်။ ကိုယ့်အတွက်မဟုတ်ပါ။ လောကတွင်ပင် ကိုယ်လုပ်မှ ကိုယ်ရမည်ဟု ခံယူလျှင် မည်သည့်အကူအညီမှ မရသည့် အာခိရသ်အတွက် ကိုယ်တိုင်ကိုယ်ကျ ပို၍ပင် လုပ်ဆောင်ရမည်ဖြစ်ပါသည်။
အလ်မုဖီးဒ်
