ဆွဗရ်ဖွင့်ဆိုချက်

**ဂျန္နသ်ရရန်အတွက် လိုအပ်သည့် လုပ်ဆောင်ချက်များ
ဂျန္နသ်ရရန် တခြားသော လုပ်ရပ်တို့ထက် အရေးအကြီးဆုံးသောအရာမှာ ရှိရ်က်(အလ္လာဟ်အရှင်နှင့် ယှဉ်တွဲကိုးကွယ်ခြင်း) ကင်းစင်သည့် အီမာန်ရှိရန် ဖြစ်သည်။ ထို့နောက် ပြစ်မှုတို့၏ ပြစ်ဒဏ်ခတ်ခံရခြင်းမှ လွတ်ကင်းမှုရရန် တောင်းခံခြင်းသည် အရေးကြီးသည်။ ဂျဟန္နမ်တွင် အပြစ်ပေးခံရခြင်းမှ လွတ်ကင်းမှုရရန် ဆုပန်မှုသည် အလွန်အရေးကြီး၏။
ဂျန္နသ်ရရန်လိုအပ်သည့် လုပ်ဆောင်ချက်များအနက် ဒုတိယအချက်မှာ ဆွဗရ်ဟူသည့် သည်းခံမှုခန္တီတရားရှိခြင်းဖြစ်သည်။ ဆွဗရ်သည် အစ္စလာမ့်ကျင့်ဆောက်တည်မှုများ၌ အလွန်အရေးပါသည့် ကဏ္ဍတွင်ရှိပါသည်။ ကုရ်အာန်ကျမ်းမြတ်၏ နေရာပေါင်း ဆယ်ခုတွင် ဆွဗရ်အကြောင်းလာရှိထားသည်။ ဟဒီးစ်များတွင်လည်း ဆွဗရ်နှင့်ပတ်သက်၍ မိန့်ဆိုမှုများ များစွာရှိပေသည်။ ထို့ကြောင့် ဆွဗရ်ဟူသည် မုစ်လင်မ်အတွက် ကျင့်သုံးမှုတိုင်းတွင် မပါ မဖြစ်ရှိနေရမည့် လုပ်ဆောင်ချက်တစ်ခု ဖြစ်ပေသည်။

**ဆွဗရ် ဖွင့်ဆိုချက်
ဆွဗရ်ဟူသည် အရဗီဘာသာစကားဖြစ်ပြီး ص ب ر= صبرဟု စာလုံးပေါင်းသည်။ ရှောင်ကြဉ်ခြင်း၊ လုပ်ရပ်တစ်ခုခုမှတားမြစ်ခြင်း၊ ထိန်းချုပ်ခြင်း၊ မျိုသိပ်ခြင်း၊ ခန္တီတရားထားခြင်း၊ ထိန်းသိမ်းခြင်းဟု အဓိပ္ပါယ်ရသည်။ ရှေးယခင်က ညှင်းပမ်းနှိပ်စက်သည့် အာဏာပိုင်သည် လူသတ်လျှင် နန်းတွင်း၌ မတ်တပ်ရပ်စေပြီး ခေါင်းဖြတ်သတ်လေ့ရှိသည်။ ထိုသို့ပြုခြင်းကို အရဗီဖြင့် قَتَلَهُ صَبَرًا တားဆီးရပ်တန့်၍ သတ်လိုက်သည်ဟု ပြောသည်။ ထို့ကြောင့် ဆွဗရ်တွင် တားဆီးခြင်း တားမြစ်ခြင်းဟူသည့် အဓိပ္ပါယ်တို့လည်း ပါဝင်ကြောင်း သိရသည်။

စကား အသုံးအနှုံးတွင် ပြစ်မှုကျူးလွန်လိုသည့် စိတ်အား တားဆီးထိန်းချုပ်ထားခြင်းကို ဆွဗရ်ဟုခေါ်သည်။ ထို့အတူ ကောင်းမှုပြုလုပ်ချင်စိတ် အစဉ်ရှိနေအောင် ထိန်းသိမ်းခြင်းကိုလည်း ဆွဗရ်ဟုပင် ခေါ်ဆိုသည်။ ကျမ်းမြတ်ကုရ်အာန်တွင် အောင်မြင်မှုရရှိမည့် လုပ်ရပ်တို့ကို အာယသ်တစ်ပိုဒ်တွင် ဤသို့မိန့်ထားသည်။ يَأَيُّهَا الَّذِيْنَ آمَنُوْا اصْبِرُوْا وَصَابِرُوْا وَرَابِطُوْاوَاتَّقُ اللهَ لَعَلَّكُمْ تُفْلِحُوْنَ "အို အီမာန်ရှင်အပေါင်းတို့၊ ကောင်းမှုပြုရာတွင်၊ မကောင်းမှုမှ ရှောင်ကြဉ်ရာတွင်၊ ဘေးဒုက္ခတို့ တွေ့ကြုံချိန်တွင် ဆွဗရ် ပြုပါ။ တစ်ဦးနှင့် တစ်ဦး ဆွဗရ်ပြုရန် တိုက်တွန်းပါ။ ဂျေဟားဒ်တွင် ကြံ့ခိုင်မြဲမြံစွာ ရပ်တည်ကြ။ ထို့နောက် အချိန်တိုင်းတွင် အလ္လာဟ်အရှင်မြတ်ကို ကြောက်ရွံ့  ရိုသေခံ့ညားပါ။ ဤသည်သာလျှင် အသင်တို့အတွက် အောင်မြင်မှု၏ လမ်း ဖြစ်သည်။"

ဂျန္နသ်၏စည်းစိမ်များကို ရရှိရန် လူသည် အလ္လာဟ်က လုပ်ပါဟု ပြောထားသည်များအား လုပ်ဆောင်ရန် ခန္တီတရားကို လက်ကိုင်ပြု၍ အစဉ်ကျင့်သုံးရမည်ဖြစ်သလို အလ္လာဟ်အရှင်က မလုပ်နှင့်ဟု တားထားသည်များကိုလည်း မလုပ်ရန် မိမိကိုယ်ကိုယ်ထိန်းချုပ်ထားရပါမည်။ ဤသည်မှာ ဆွဗရ်၏ အဓိက ပုံစံဖြစ်ပြီး အာခိရသ်အတွက် ရည်မှန်းချက်ခိုင်မာသောသူ၏ အလုပ်ဖြစ်ပေသည်။ အာခိရသ်တွင် အောင်မြင်မှုအပြည့်ရရန် ရည်မှန်းချက်ခိုင်မာသူတို့သာလျှင် ဤဆွဗရ်ကို ကျင့်သုံးနိုင်ကြသည်။ ထိုသုိ့ကျင့်သုံးနိုင်ရန် ကြိုးပမ်းအားထုတ်ရမည်။ လွယ်လွယ်နှင့်တော့ ယင်းအရည်အချင်းကို ရမည်မဟုတ်ပါ။ ထို့ပြင် ကောင်းမှု လုပ်ရန်နှင့် မကောင်းမှု ရှောင်ရန်တို့တွင် ဆွဗရ်ကို ကျင့်သုံးနိုင်ရန် စိတ်နှင့် အတွေးအခေါ်ကို လေ့ကျင့်ပေးရမည်။ မိမိ၏စိတ်ထားနှင့် အတွေးအခေါ်ကို ကိုယ်တိုင် ပြန်ထိန်းကျောင်းရသည့် လုပ်ဆောင်ချက်မျိုးဖြစ်သည်။


**ဆွဗရ်လုပ်လျှင် ရရှိမည့် ထူးခြားမှု
ဟဒီးစ်တွင် اَلصَّبْرُضِيَاءٌ ဆွဗရ်သည် အလင်းရောင်ဖြစ်၏ဟု ပါရှိသည်။ လူ့နှလုံးသားအတွင်း ဆွဗရ်အလင်းတိုင်ကို ထွန်းတောက်သွားပြီဆိုလျှင် ယင်းသူ၏ ဘ၀သက်တမ်းတစ်ခုလုံးသည် အခက်အခဲဒုက္ခအပေါင်းမှ လွတ်ကင်းမှုရရှိပေလိမ့်မည်။ (အလင်းရောင်ရှိနေပြီဖြစ်၍ ဘ၀လမ်းခရီးရှိ ချိုင့်ခွက်၊ ဆူးညှောင့်များကို ရှောင်ကွင်းကာ လိုရာပန်းတိုင်သို့ ဖြောင့်တန်းစွာ အရောက်လှမ်းနိုင်ပေမည်။) ဆွဗရ်၏အလင်းတိုင်ကို လွယ်လွယ်နှင့် မရနိုင်ပါ။ ဆွဗရ်အတွက် အနည်းငယ် လေ့ကျင့်ခန်းဆင်းရပါမည်။
ဟဒီးစ်တော်တွင် مَنْ يَتَصَبَّرَيُصَبِّرْهُ الله ဆွဗရ်ကို အလွန့်အလွန် ဒုက္ခခံပြီး လက်ကိုင်ပြု ကျင့်သုံးသူအတွက် အလ္လာဟ်အရှင်မြတ်သည် ယင်းဆွဗရ်အား ထိုသူ့အတွက် အ၀တ်အထည်ပမာ ပြုလုပ်ပေးလိုက်မည်ဟု ပါရှိပေသည်။ (အ၀တ်အထည်ပမာပြုပေးခြင်းဟူသည်မှာ ခန္ဓာကိုယ်နှင့် အ၀တ်အစားတို့သည် အမြဲပင်ထိကပ်နေသလို ဆွဗရ်ရရှိရန် ကြိုးပမ်းဆောင်ရွက်ထားသူအတွက် နောက်ပိုင်းတွင် ယင်းဆွဗရ်သည် ထိုသူ့၏ စိတ်ထား၊ အတွေးအခေါ်တွင် အမြဲတမ်းတည်ရှိနေတော့မည်ကို ဆိုလိုခြင်း ဖြစ်သည်။) အစပိုင်းတွင် အလ္လာဟ်အရှင်မြတ် ခိုင်းထားသည်များကို လုပ်ရန်နှင့် တားထားသည်များမှ ရှောင်ရန်တို့တွင် စိတ်နှင့် အတွေးအခေါ်မှ လက်ခံစေရန် ဆွဗရ်ဖြင့် အားသွန်ခွန်စိုက်ကြိုးပမ်းရပါမည်။ တဖြည်းဖြည်းနှင့် စိတ်သည် ကျင့်သားရသွားပြီး နောက်ပိုင်းတွင် ဆွဗရ်၏ အတွေ့အကြုံနှင့် ခံနိုင်ရည်များကို ရရှိလာမည်။ ထို့နောက်တွင် ၎င်းသူ၏သက်တမ်းသည် လင်းဝင်း၍ သာယာလှပလျှက် ရှိနေပေတော့မည်။

ဆွဗရ်လုပ်ရမည့်နေရာ
ကောင်းမှုပြုလုပ်ရာတွင် ဆွဗရ်လုပ်ရမည်။ မကောင်းမှု လုပ်ချင်စိတ်ကို ဆွဗရ်လုပ်ရမည်။ ဘေးဒုက္ခ၊ အခက်အခဲ၊ အကျပ်အတည်း၊ ရောဂါဝေဒနာ၊ ဆုံးရှုံးနစ်နာမှုတို့ ကြုံတွေ့ချိန်တွင် အလ္လာဟ်အရှင်ကို ကျေးဇူးကန်းစကား မဆိုမိစေရန် ဆွဗရ်လုပ်ရမည်။

(၁) ကောင်းမှုပြုလုပ်ရာတွင် ဆွဗရ်လုပ်ရခြင်း
ကုရ်အာန်ကျမ်းမြတ်ရှိ ဤအာယသ်ကို မုစ်လင်မ်တို့ ဖတ်ဖူးပါလိမ့်မည်။  يَأَيُهَاالَّذِيْنَ آمَنُوْا اسْتَعِيْنُوْابِالصَّبْرِوَالصَّلَاةِاِنَّ اللهَ مَعَ الصَّابِرِيْنَ "အို အီမာန်ယုံကြည်သူအပေါင်းတို့ ခန္တီတရားဖြင့်လည်းကောင်း၊ နမားဇ်ဖတ်ခြင်းဖြင့်လည်းကောင်း အကူအညီကို တောင်းခံပါ။ မုချဧကန် အလ္လာဟ်အရှင်မြတ်သည် သည်းခံခြင်းခန္တီတရားထားသူများနှင့် အတူရှိတော်မူပေသည်။ " ယင်းအာယသ်တွင် ဆွဗရ်ကို ဦးစွာမိန့်သည်။ ပြီးမှ နမားဇ်ကို မိန့်၏။ ဆွဗရ်သည် အဘယ်မျှ လိုအပ်ကြောင်း အထက်ပါအာယသ်မှ သိရပေသည်။ နမားဇ်ထက်အရင် ဆွဗရ်ကို မိန့်ရခြင်း၏ ရည်ရွယ်ချက်တစ်ခုမှာ နမားဇ်သည် အလ္လာဟ်အမိန့်နာခံသည့် လုပ်ရပ်တစ်ခုဖြစ်၏။ ထိုအမိန့်နာခံမှုပြုရန် တစ်နည်း နမားဇ်ဖတ်ရန်အတွက် ဦးစွာ စိတ်မပါခြင်း၊ ပျင်းခြင်း၊ အချိန်မရခြင်းစသည့် အကြောင်းပြချက်များ၊ ကျပ်တည်းခက်ခဲနေမှုများကို စိတ်တင်းခံ ဆွဗရ်ပြုရမည်။ နမားဇ်မဖတ်ရန် အကြောင်းပြနေသည့် စိတ်ကို ချုပ်တည်းခြင်း၊ နမားဇ်မဖတ်လိုစိတ်ကို ချိုးနှိမ်ခြင်းဟူသည့် ဆွဗရ်ကို ဦးစွာ ပြုလုပ်ရမည်။ နမားဇ်မဖတ်ချင်ခြင်းဟူသည့် အမိန့်ဖီဆန်မှုမပြုစေရန် စိတ်ကို ခိုင်းရမည်။ ပြီးနောက်မှ အမိန့်နာခံခြင်းဖြစ်သည့် နမားဇ်ဖတ်သည့် အလုပ်ကို လုပ်ဆောင်ရသည်။ ထို့ကြောင့် အမိန့်တစ်ခုကို နာခံရန် ဆွဗရ်၏အကူအညီသည် ဦးစွာလိုအပ်ပေသည်။

ကောင်းမှုလုပ်ရပ်တစ်ခုခုလုပ်နေချိန် စိတ်မှ မလုပ်လိုတော့သည့် လွန်ဆန်နေမှုကို ချုပ်တည်းရန်အတွက် ဆွဗရ်လက်နက်ကို အသုံးချရပါမည်။ ပမာ နမားဇ်ဖတ်သည်။ နမားဇ်တစ်ကြိမ်တွင် ဖရ်ဇ်၊ စွန္နသ်၊ နဖိလ် စသည့် နမားဇ်ရကအသ်များ ရှိသည်။ ဖရ်ဇ်ဖတ်ပြီးနောက်တွင် ကျန်နမားဇ်များ မဖတ်လိုတော့သည့် စိတ်ထား၊ အတွေးအခေါ်ကို ချုပ်တည်းပြီး ပထမကောင်းမှုဖြစ်သည့် ဖရ်ဇ်ဖတ်ခြင်းနှင့်အတူ နောက်ထပ်ကောင်းမှုများဖြစ်သည့် စွန္နသ်၊ နဖိလ်များကို ဆက်လက်ဖတ်ရမည်။ ဤသည်မှာ ကောင်းမှုလုပ်ရာတွင် ထည့်သွင်းကျင့်သုံးရမည့် ဆွဗရ်ဖြစ်သည်။ ကုရ်အာန်ဖတ်နေသည်။ သတ်မှတ်ထားသည့် စာမျက်နှာ၊ စူရဟ်များ မပြီးမချင်း ဖတ်သည့်နေရာမှ မထဟု စိတ်ကို ချုပ်တည်းရမည်။ အရည်အတွက် ပြည့်အောင်ဖတ်မည်ရမည်။ ကုရ်အာန်ဖတ်နေစဉ် ဖုန်းဖွင့်ကြည့်လိုခြင်း၊ အခြားအရာတစ်ခုခုကို စူးစမ်းလိုခြင်း စသည့်စိတ်ထားများ အတွေးများ ဖြစ်နေလျှင် ယင်းစိတ်ကို ချုပ်၍ ကောင်းမှုဖြစ်သည့် ကုရ်အာဖတ်ခြင်း ဆုံးခန်းတိုင်အောင် လုပ်ရပါမည်။ ထိုနည်းတူ အခြားသော ကောင်းမှုများ ပြုတိုင်း ယင်းကောင်းမှုမှ ထွက်ခွာလိုစိတ်ကို ချုပ်ထားခြင်း၊ ယင်းကောင်းမှုကို စွဲမြဲစွာ ပြုနိုင်ရန် စိတ်ထားကို ထိန်းကျောင်းခြင်းတို့သည် ကောင်းမှုလုပ်ရာတွင် လိုအပ်သည့် ဆွဗရ်ဖြစ်၏။ ကောင်းမှုအပေါင်းတွင် အမြတ်ဆုံးဖြစ်သည့် နမားဇ်ကိုပင် ဆွဗရ်ဖြင့် အစပြုပြီးမှသာလျှင် ရှေ့ဆက်ကျင့်သုံးနိုင်မည် ဆိုလျှင် ကျန်ကောင်းမှုများ အိဗာဒသ်များအား ဆွဗရ်နှင့် အမြဲတွဲပြီးမှသာ ဆုံးခန်းတိုင် ကျင့်ကြံနိုင်မည် ဖြစ်၏။


၂) မကောင်းမှုလုပ်ချင်စိတ်ကို ဆွဗရ်လုပ်ခြင်း
မကောင်းမှုဟု ဖော်ပြထားသည့်အရာတိုင်းအား ကျူးလွန်ခြင်းမရှိစေရန် စိတ်ထားကို ထိန်းသိမ်းရာတွင်လည်း ဆွဗရ်ပါဝင်၏။ နိကဟ်ပြုထားခြင်းမရှိသည့် မိန်းမ၊ ယောက်ျားတို့ တစ်ဦးနှင့်တစ်ဦး မကြည့်ရဟူသည် တားမြစ်အမိန့်ဖြစ်၏။ ထိုတားမြစ်ချက်ကို ဖောက်ဖျက်ခြင်း မရှိစေရန် စိတ်ထားနှင့် အတွေးကို ထိန်းသိမ်းထားရမည်။ ထိုသို့ထိန်းထားခြင်းကိုပင် ဆွဗရ်ဟုခေါ်သည်။ ဆွဗရ်ဟု ပြောလျှင် အများအားဖြင့် ဆင်းရဲရင် ဆွဗရ်လုပ်၊ ဒုက္ခရောက်ရင် ဆွဗရ်လုပ်၊ လိုချင်တာ မရသေးလျှင် ဆွဗရ် စသဖြင့် လောကီရေးတွင်သာ ဆွဗရ်ကို ကျင့်သုံးရမည်ဟု ယူဆထားသည်။ ဆွဗရ်သည် ထိုအခြေအနေတစ်ခု နှစ်ခုစာအတွက်သာ ကျင့်သုံးရသည်မဟုတ်ပါ။ အထက်တွင် ဖော်ပြခဲ့သလို ကောင်းမှုလုပ်ရာတွင်လည်း ဆွဗရ်လိုအပ်သလို မကောင်းမှု မလုပ်ရန်အတွက်လည်း ဆွဗရ်လိုအပ်သည်။ နမားဇ်မဖတ်လိုစိတ်သည် မကောင်းမှုဖြစ်သည်။ ယင်းစိတ်ကို ချိုးနှိမ်ခြင်းသည် ဆွဗရ်ဖြစ်၏။ သူစိမ်းများအား ကြည့်ခြင်းသည် မကောင်းမှု၊ ရုပ်ရှင်ကြည့်ခြင်းသည် မကောင်းမှု၊ သီချင်းနားထောင်ခြင်းသည် မကောင်းမှု၊ ဂိမ်းဆော့နေခြင်းသည် မကောင်းမှုဖြစ်၏။ ယင်းအရာများ လုပ်လိုစိတ်အား ချိုးနှိမ်၍ အလ္လာဟ်မကြိုက်ပါဟု နှလုံးသွင်းကာ စိတ်ကို ထိန်းကျောင်းထားခြင်းကို ဆွဗရ်ဟုခေါ်သည်။ ထို့ကြောင့် ဆွဗရ်ကို ဘေးဒုက္ခ၊ မစားမသောက်ရသည့်အချိန်တွင်သာ ကျင့်သုံးရသည်မဟုတ်ဘဲ အလ္လာဟ်ခိုင်းထားသည်ကို လုပ်၍ တားထားသည့်အရာတို့မှ ရှောင်ကြဉ်ရာတွင်လည်း ကျင့်သုံးရမည်။ ဤဆွဗရ်နှစ်မျိုးကို ကောင်းစွာကျင့်သုံးနိုင်သူအတွက် လောကီ လောကုတ္တရာနှစ်ဌာနသည် အေးချမ်းသာယာ ချမ်းမြေ့ဖွယ် အတိပင် ဖြစ်နေပါလိမ့်မည်။

(၃) ဘေးဒုက္ခ၊ အခက်အခဲတို့တွင်  ကြုံတွေ့ချိန်တွင် အလ္လာဟ်အရှင်ကို ကျေးဇူးကန်းစကား မဆိုမိစေရန် ဆွဗရ်လုပ်ခြင်း
ဤဆွဗရ်သည် လူတိုင်းသိသည့် ဆွဗရ်ဖြစ်၏။ မစားရလျှင် ဆွဗရ်လုပ်၊ လူသေရင် ဆွဗရ်လုပ်၊ နေမကောင်းရင် ဆွဗရ်လုပ်၊ ဆင်းရဲရင်ဆွဗရ်လုပ် စသည့်ပုံစံများတွင် ကျင့်သုံးကြသည်။ မြေကြီးပေါ်တွင် အသက်ရှင်နေစဉ် ဤဆွဗရ်အမျိုးအစားကို ကျင့်သုံးပါက လောကတွင် ဂုဏ်ရှိစွာ နေခွင့်ရမည်။ စိတ်ချမ်းသာစွာ နေခွင့်ရပေမည်။ လောဘကို သတ်သည့်အရာသည် ဤဆွဗရ်ပင်ဖြစ်၏။ ဒေါသမီးကို ဆွဗရ်ဖြင့် ငြိမ်းသတ်ရမည်။ ထိုသို့လုပ်နိုင်သွားပါက လောကတွင် အေးချမ်းစွာ နေထိုင်ခွင့်ရသည်။ ဤအခြေအနေတို့တွင် အဓိကဆွဗရ်မှာ အလ္လာဟ်အရှင်မြတ်အား ကျေးဇူးကန်းစကား မပြောမိရန် ထိန်းသိမ်းရသည့် ဆွဗရ်ဖြစ်၏။ ပူဆွေးသောကကြောင့် ငိုခွင့်၊ ၀မ်းနည်းခွင့်၊ ရှိုက်ကြီးတငင် ဖြစ်ခွင့်ရှိသည်။ သို့သော် ငါ့ကိုမှရွေးဖြစ်ရသလား၊ အခြားသူမရှိတော့ဘူးလားစသဖြင့် ကျေးဇူးကန်းစကား မဆိုရန် ဆွဗရ်ပြုရပါမည်။ ဘေးဒုက္ခကြောင့် စိတ်သောကရောက်သည်မှာ အပြစ်မဟုတ်သေးပါ။ ထိုဒုက္ခကြောင့် ကျေးဇူးကန်းစကားများ ပြောခြင်း၊ ရင်ထုပွဲများ လုပ်ခြင်း၊ ငိုပွဲကျင်းပခြင်းတို့သည် အပြစ်ဖြစ်ပေသည်။

**ဆွဗရ်ပြုရန် အရေးကြီးလိုအပ်သည့် အချိန်
အခက်အခဲ အကြပ်အတည်း ရောဂါဝေဒနာ ပူဆွေးသောက  စိတ်မချမ်းမြေ့မှု စသည်တို့ ကြုံလာရင် မည်သူ့ထံမှ အကူအညီတောင်းမည်နည်း။ မည်သူ့ထံမှ အကူအညီတောင်းသင့်သနည်း။ ယင်း၏ အဖြေမှာ ဦးစွာ ဆွဗရ်ဖြင့် အကူအညီရယူပါ။ ထို့နောက် နမားဇ်ဖြင့် အလ္လာဟ်ထံမှအကူအညီတောင်းပါ။ အလ္လာဟ်အရှင်သည် ဆွဗရ်ပြုသူများနှင့် အတူရှိနေသည်ဟု အလ္လာဟ်အရှင်မြတ်ကိုယ်တိုင် မိန့်ထားသည်။ ထိုမှပင် ဆွဗရ်ကိုကျင့်သုံးရန် လွန်စွာအရေးကြီးကြောင်း သိရှိရသည်။ ဆွဗရ်ရှိသူများနှင့် အတူ အလ္လာဟ်ရှိမည်ဟု အထူးပြုမိန့်ရခြင်း၏ အကြောင်းတစ်ရပ်မှာ နမားဇ်ဖတ်သူသည် ဆွဗရ်ပြုနိုင်သူသာလျှင်ဖြစ်ပြီး ဆွဗရ်မပြုနိုင်သူသည် နမားဇ်မဖတ်ပေ။ အဘယ့်ကြောင့်ဆိုသော် အလ္လာဟ်အရှင်မြတ်၏ အမိန့်ကိုလိုက်နာရန် မိမိကိုယ်ကိုယ် ထိန်းချုပ်ထားခြင်းသည်လည်း ဆွဗရ်ပင်ဖြစ်သည်။ အလ္လာဟ်လုပ်ခိုင်းထားသည့် အမိန့်များအနက်တစ်ခုမှာ နမားဇ်ဖြစ်သည်။ ဆွဗရ်ကို အဝတ်အစားပမာ စွဲမြဲစွာလက်ကိုင်ပြုထားသူသာလျှင် ထိုနမားဇ်အတွက် အဆင်သင့်ပြုနိုင်ပေမည်။ ၎င်းသူတွင် စိတ်သောကများနေ၍ နမားဇ်မဖတ်နိုင်ခြင်း၊ မဖတ်ဖြစ်ခြင်းဟူသည့် အခြေအနေမျိုးမရှိပေ။ တမန်တော်မြတ် ဆွလ္လလ္လားဟုအလိုင်းဟိဝစလ္လမ်သည် စိတ်ချောက်ခြားဖွယ်အခြေအနေနှင့်ကြုံတွေ့ရပါက ချက်ချင်းပင် နမားဇ်ဖတ်လိုက်သည်။ နမားဇ်မှ စိတ်၏ တည်ငြိမ်မှုကို ရစေသည်။ ထို့အတူ ဆွဗရ်မှလည်း စိတ်တည်ငြိမ်မှုကို ရစေသည်။ လူသားသည် အလ္လာဟ်၏ စီမံမှုကို လက်ခံနိုင်စွမ်းရှိသွားခြင်းကသာလျှင် ဆွဗရ်မှရရှိသည့် အလင်းရောင်ဖြစ်ပေသည်။



လူတွင် သည်းခံခြင်းခန္တီတရားဟူသည့် ဆွဗရ်မရှိလျှင် အကြိမ်ပေါင်းများစွာ ကြေကွဲဝမ်းနည်းနေရပေမည်။ လောက၏ လောကဓံတရားကို မခံနိုင်သည့်အဆုံးတွင် မိမိကိုယ်ကိုယ် သတ်သေလိုက်ကြသည်။ စိတ်ဒုက္ခဒဏ်၊ ပူဆွေးသောကများ၊ အရှက်တကွဲဖြစ်ခြင်းများကို မခံနိုင်၍ ယင်းဒုက္ခတို့မှ လွတ်ရာလွတ်ကြောင်းအဖြစ် မိမိကိုယ်ကိုယ်သတ်သေလိုက်သည်။ သေလျှင်ပြီးပြီဟူသည့်သဘောဖြင့် လွတ်ကျွတ်မှုယူလိုက်သည်။ အစ္စလာမ်တွင် ကိုယ့်ကိုယ်ကိုယ် သတ်သေခြင်းကို ဟရာမ်အဖြစ်သတ်မှတ်ထားသည်။ ၎င်းတို့မှတ်ယူသလို သေပြီးနောက် ဘာမှဖြစ်မလာလျှင်တော့ ဒုက္ခမှ လွတ်သွားခြင်းဖြစ်မည်။ အမှန်မှာ လောကမှ သေခြင်းသည် အဆုံးသတ်သွားခြင်း မဟုတ်ပါ။ သေခြင်းဟူသည် လောကတစ်ခုမှ နောက်တစ်ခုသို့ ကူးပြောင်းသွားခြင်းသာဖြစ်သည်။နောက်လောကတစ်ခုတွင် ယခုထက် ပိုကောင်းသည့်အခြေအနေကို ရမလား၊ ပိုဆိုးသည်ကိုသာ ကြုံတွေ့ရမည်လားဟူသည်ကို မည်သူမျှ မသိပေ။ ထို့ကြောင့် ဤလောကမှ သေခြင်းကို ကိုယ့်ဖာသာရွေးချယ်ပြီး ဒုက္ခမှလွတ်မြောက်မှုယူလိုက်ခြင်းသည် အမှန်တကယ်လွတ်မြောက်သွားခြင်းမဟုတ်ပေ။ ထို့ကြောင့် ကုရ်အာန်ကျမ်းမြတ်နှင့် ဟဒီးစ်တော်မြတ်များတွင် ဆွဗရ်ပြုရန် အလွန်အလေးထား တိုက်တွန်းထားရခြင်း ဖြစ်သည်။ ကျွန်ုပ်တို့အနေဖြင့် လောက၏ မည်သည့်သောက အခြေအနေကို ကြုံတွေ့နေရသည်ပဲဖြစ်ပါစေ၊ ဘာသာရေးဒုက္ခပေးမှုများ၊ အခြေအနေဆိုးများ စသည့်အခက်အခဲများကို ဆွဗရ်ဖြင့် ကြံ့ကြံ့ခံရပ်တည်ကာ ရင်ဆိုင်ယှဉ်ပြိုင်ရပေမည်။ ဆွဗရ်ဖြင့် ဒုက္ခတို့ကို အနိုင်ယူရပေမည်။ ဤသည်မှာ ဆွဗရ်ခန္တီတရားကို လက်ကိုင်ထား ကျင့်သုံးသူတို့၏ နည်းစနစ်ဖြစ်ပေသည်။

ဆွဗရ်မလုပ်ရမည့်နေရာ
လုပ်ရပ်တိုင်းတွင် လုပ်ရမည့်နေရာ၊ မလုပ်ရမည့်နေရာဟူ၍ ရှိသည်။ ဆွဗရ်တွင်လည်း မလုပ်ရမည့်နေရာဟူ၍ ရှိသည်။ ကောင်းမှုကို ညွှန်သည့်အချိန်နှင့် မကောင်းမှုမှ တားမြစ်ခြင်းတို့တွင် ဆွဗရ်မလုပ်ရပါ။ အစ္စလာမ့်ရှရီအသ်တွင် တားထားသည့် လုပ်ရပ်တစ်ခုခု ကိုယ့်မွစ်လင်မ်ညီနောင်က လုပ်နေသည်ကို တွေ့သိလျှင် ချက်ချင်းလက်ငင်းတားမြစ်ရမည်။ ဤနေရာတွင် ဆွဗရ်မလိုအပ်ပါ။ မွစ်လင်မ်အမျိုးသမီးက လုံခြုံမှုမရှိသည်များ ၀တ်ဆင်ထားလျှင် ချက်ချင်းတားရမည်။ ကောင်းမှုဖြစ်သည့် လုံခြုံသည့်အ၀တ်အစားအား ညွှန်ပြပေးရမည်။ အမျိုးသားများ ခြေမျက်စိဖုံးနေလျှင်၊ ဒါရီရိတ်နေလျှင် ချက်ချင်း တားမြစ်ရမည်။ သားသမီးများ၊ ကလေးငယ်များ ဆဲနေလျှင်၊ လိမ်စကားပြောလျှင် ချက်ချင်းပြုပြင်ရမည်။ အဓိကဆိုလိုသည်မှာ ရှရီအသ်မှ တားထားသည့် လုပ်ရပ်များ၊ အစ္စလာမ့်ယဉ်ကျေးမှုနှင့် ဆန့်ကျင်သည့် အမူအကျင့်များ ပါဝင်လာလျှင် ယင်းတို့အား တားရမည်။ ထိုသို့တားရန်အတွက် အနည်းငယ် စောင့်ဆိုင်းပြီးမှ စသဖြင့် ဆွဗရ်ကို ကျင့်သုံးနေရန် မလိုအပ်ပါ။ မဟုတ်တာကို မဟုတ်ကြောင်း ပွင့်ပွင့်လင်းလင်း ပြောဆိုတားမြစ်ရပေမည်။

နိဂုံး
လောကတွင်ရှင်နေခြင်း၏ အဓိကရည်ရွယ်ချက်မှာ အာခိရသ်တွင် သာယာစွာနေနိုင်ရေးအတွက် ကြိုးပမ်းအားထုတ်ကြရန်ဖြစ်၏။ ယင်းသို့ကြိုးပမ်းရာတွင် လိုအပ်သည့် လုပ်ဆောင်ချက်များတွင် ပထမဦးဆုံးမှာ ရှိရ်က်ကင်းစင်သည့် အီမာန်ရှိရန်ဖြစ်သည်။ အီမာန်ရှိပြီးနောက်တွင် မွစ်လင်မ်အတွက် သတ်မှတ်ပြဌာန်းချက်များ ရှိလာပြီဖြစ်သည်။ ယင်း သတ်မှတ်ချက်များကို လိုက်နာကျင့်သုံးရန်အတွက် ဒုတိယအချက်အနေဖြင့် ဆွဗရ်လိုအပ်ပေသည်။ ဆွဗရ်သည် လောကီ လောကုတ္တရာနှစ်ခုလုံးအတွက် အလင်းအိမ်တစ်ခုဖြစ်သည်။ လောကတွင် ရှင်စဉ်ယင်းအလင်းအိမ်ကို ရအောင် ကျင့်ယူရမည်။ အလင်းအိမ်ရသွားလျှင် သက်တမ်းတစ်ခုလုံးကို အထိအခိုက်နည်းပါးစွာ ဖြတ်သန်းသွားနိုင်မည်။ ပြစ်မှုများ နည်းပါးအောင် ပြုလာနိုင်မည်။ ကောင်းမှုများ ပိုများအောင် ကျင့်လာနိုင်မည်။ ဤသို့နှင့် လောကမှခွဲခွာ၍ ဒုတိယဌာန လောကုတ္တရာသို့ပြောင်းရွှေ့သွားချိန်တွင် သာယာပြီး ဇိမ်ရှိသော အာခိရသ်တစ်ခုကို အဆင်သင့်ရရှိပါမည်။ အလ်မုဖီးဒ်၏ စာရှုသူမိတ်ဆွေများအနေဖြင့် ဆွဗရ်တစ်မျိုးတည်းမဟုတ်ပဲ အမျိုးအစား သုံးခုလုံးကို အပြည့်အ၀ကျင့်သုံးကာ အလ္လာဟ်ချီးမြှင့်မည့် အာခိရသ်၏ စည်းစိမ်ကို အရ ယူကြပါရန် တိုက်တွန်းအပ်ပါသည်။

Credit, အလ်မုဖီးဒ်က ရေးသားသည်။