ဓမ္မတာဆိုင်းငံ့ခြင်း

ရမ်ဇာန်လနှင့် အခြားသောထွတ်မြတ်သည့် နေ့များအတွက် ဆေးသောက်၍ ဓမ္မတာဆိုင်းငံ့ခြင်း

မေး - အမျိုးသမီးများအနေဖြင့် ရမ်ဇာန်လ၏ ရိုဇာဟ်အတွက်ဖြစ်စေ၊ အခြားသော နေ့ထူးနေ့မြတ်တို့တွင် နမားဇ်၊ သိလာဝသ်များ ပြုနိုင်ရန်အတွက် လစဉ်ဓမ္မတာဆင်းခြင်းကို ဆိုင်းငံ့ရန်အတွက် ဆေးများသုံးစွဲခွင့်ရှိပါသလား။ သာသနာ့လမ်းညွှန်မှုကို သိရှိလိုပါသည်။

ဖြေ - အထက်ပါပုံစံ ဆေးသုံးစွဲ၍ရိုဇာဟ်ထားခြင်းဖြင့် ရိုဇာဟ်ပိုင်သွားမည်။ သို့သော် သာသနာက တောင်းဆိုထားခြင်းမရှိပါ။ ဆေးပညာအရ အချို့ဆိုးကျိုးများရှိသည်ဟု  ဆရာဝန်များက ဆိုကြသည်။ ထို့ကြောင့် ရှောင်ကြဉ်ခြင်းက ပိုကောင်း၏။

နားလည်မှုမှားနေကြသော အကြောင်းအရာတစ်ခုမှာ  "ဆေးသုံးစွဲ၍ ရိုဇာထားလိုက်ခြင်းဖြင့် ရိုဇာကို ခဏရပ်ဆိုင်းလိုက်ပြီး ကဇွာဖြည့်ရခြင်းထက် ပိုမွန်မြတ်သည်" ဟူသည့် နားလည်ယူဆမှု ဖြစ်သည်။ ထိုနားလည်ယူဆထားမှုသည် လုံးဝမှား၏။ အမှန်မှာ ......ဆေးသုံးပြီး ရိုဇာထားလိုက်ခြင်းဖြင့် စဝါးဗ် အကျိုးကုသိုလ်တွင် တစက်ကလေးမှ ပိုမရသွားသလို ဆေးမသုံးဘဲ ကဇွာလုပ်လိုက်လျှင်လည်း အကျိုးစဝါးဗ်တွင် လုံးဝလျော့နည်းမည် မဟုတ်ပေ။
{ ကြည့် ကေသာဗွလ် ဖသာဝါကျမ်း}

ကုရ်အာန်ကျမ်းတော်မြတ် (နှစ်ပါရဟ်မှ အာယသ်တော် (ယိုရီးဒွတ်လ်လားဟို့ ဗေ့ကိုမွလ် ယွတ်စ်ရ ဝလာယိုရီးဒို့ ဗေ့ကိုမွတ်လ် အွတ်စ်ရ) အဓိပ္ပါယ် အလ္လာဟ်အရှင်မြတ်သည် အသင်တို့ထံမှ လွယ်ကူမှုကိုလိုလားပြီး ခက်ခဲမှုကို မလိုလားပေ။ ဟု မိန့်ဆိုထားတော်မူပါသည်။

Abu onaiyeis

~ အလ်မုဖီးဒ် ~
ဟစ်ဂ်ျရီ ၁၄၃၆/ ရှအ်ဗာန်/ ၁၅/ ယောင်မုလ်အရ်ဗာအ်

ပညာရှာဖွေသော လူတန်းစား (၄) မျိုး

(၁) ပညာရှာဖွေစဉ် လောက၏ဥစ္စာပစ္စည်းကို လိုသည်ထက်ပို၍ စုဆောင်းခြင်းမပြုသောဆင်းရဲသားနှင့် သာသနာ့ပညာရှာဖွေစဉ် ပညာကိုသင်ယူ၍ ဥစ္စာပစ္စည်းတို့ကိုလည်း နည်းများမဆို တစ်နည်းတစ်ဖုံဖြင့် စုဆောင်းခြင်းပြုသောဆင်းရဲသား၊ ဤဆင်းရဲသားတို့ ဆည်းပူးရယူထားသောပညာသည် ဥစ္စာပစ္စည်းကို စောင့်ထိန်းရန် အကြောင်းခံတစ်ခုပင်ဖြစ်၏။ ထိုပညာကြောင့် လောကတွင်ဂုဏ်ကျက်သရေ စံတင်လောက်သော အရည်အသွေးတစ်ခုရရှိသည်သာမက အာခိရသ်တမလွန်အခါ၌လည်း မိမိအတွက် အကျိုးထူးခံစားရမည်ဖြစ်သည်။
(၂) ရိက္ခာအသင့်အတင့်ပင် ဖူလုံခြင်းမရှိသော်လည်း ရှိသမျှနှင့် ရောင့်ရဲတင်းတိမ်စွာနေထိုင်ပြီး သာသနာ့ပညာရှာဖွေသောဆင်းရဲသား၊ ၎င်းသည် မုစ်လင်မ်တို့စောင့်စည်းအပ်သော ရောင့်ရဲတင်းတိမ်ခြင်း၏ အကျိုးအမြတ်ကို သိရှိနားလည်ပြီး မိမိသည်ဓနကြွယ်ဝသူများထက် နှစ်ပေါင်း (၅ဝဝ) အလျင် စော၍ ဂျန္နသ်သို့ဝင်ရောက်ရမည်ကို ယုံကြည်သူဖြစ်၏။ ထိုသူဆည်းပူးတတ်မြောက်ထားသော ပညာသည် လောကတွင် သာယာတင့်တယ်စေပြီး အာခိရသ်တွင် အကျိုးထူးခံစားရမည်ဖြစ်သည်။
(၃) သာသနာ့ပညာကို သင်ယူသော ကျောင်းသား၊ ၎င်းသည် သာသနာ့ပညာသင်ယူနေစဉ် ဟလာလ်ရိုဇီကိုသာစားသုံး၍ လိုအပ်သောထောက်ပံ့ကြေးများကို မုစ်လင်မ်လူထုထံမှ သို့မဟုတ် သာသနာ့ဘဏ္ဍာတော်မှ ရယူမည်။ သာသနာ့ပညာတတ်မြောက်ခဲ့သော် ဟရာမ်ရိုဇီရှာဖွေရေးမှ ရှောင်ကျဉ်မည်။ ၎င်းပြင် သာသနာပျက် သူကြွယ်များထံ မည်သည့်အချိန်မှ လက်မဖြန့်ဟူသော ခံယူချက်အပြည့်အဝထားရှိခဲ့သော် ၎င်းသည် အာခိရသ်တွင် အကျိုးထူးခံစားရမည် ဖြစ်၏။ အထက်ပါလူတန်းစား သုံးမျိုးတို့၏ သာသနာ့ပညာသင်ယူခြင်း လောကီလုပ်ငန်းနှင့် သာသနာ့ရေးရာများတွင် အမွန်မြတ်ဆုံးနှင့် အကျိုးစဝါးဗ်အများဆုံး ရရှိနိုင်မည် ဖြစ်သည်။
(၄) အလုပ်လက်မဲ့ ကျောင်းသား၊ ၎င်းက အာလင်မ်ဖြစ်မြောက်လာလျှင် ထိုပညာဖြင့် လောကီစည်းစိမ်ရှာဖွေမည်ဟု ရည်ရွယ်ချက်ထားရှိသူဖြစ်၏။ ၎င်းသည် တရားမဲ့ကျင့်သုံးနေထိုင်သော ဘုရင်တို့၏ တံခါးဝတွင်ဖြစ်စေ၊ ထိုခေတ်အခါရှိ တိုင်းပြည်၏ ဘဏ္ဍာန်တော်ဝင်ငွေများမှာ သေရည်အရက်ရောင်းချရာမှ ဖြစ်စေ၊ မတရားအခွန်ကောက်ခံ၍ ဖြစ်စေ၊ ဟရာမ်လုပ်ငန်းများ၏ ဝင်ငွေများမှဖြစ်စေ ရရှိထားစေကာမူ မိမိသာပိုင်ဆိုင်ရမည်ဆိုပါက သာသနာ့ပညာများအပေါ် သေးသိမ်သော အမူအရာကို ပြကာ ၎င်းတို့ထံမှ ပစ္စည်းရရှိရေးအတွက် သွားရောက်၍ မတ်တပ်ရပ်မည်သာ ဖြစ်ပေသည်။
၎င်းသည် ဤသို့သောပညာဖြင့် နာမည်ထင်ပေါ် ကျော်ကြားလိုမည်။ ဤသို့သော ပညာဖြင့် ဂုဏ်သိက္ခာကြီးမားထည်ဝါလိုမည်ဆိုပါက ဤသို့သောသာသနာ့ပညာကို ဆည်းပူးရယူခြင်းထက် အခြားလက်မှုပညာတစ်ခုခုကို ဖြစ်စေ၊ အရောင်းအဝယ်တစ်ခုခုကို ဖြစ်စေ၊ သင်ယူလုပ်ကိုင်ခြင်းက ပို၍ကောင်းပေသည်။
အကြောင်းကား ဤသို့သောလူတန်းစားများသည် လူ့ရှိုက်သာန်တစ်မျိုးပင် ဖြစ်၏။ ပညာမဲ့တို့သည် ၎င်းတို့ကိုကြည့်၍ လမ်းမှားသို့ ရောက်သွားနိုင်ကြသည်။ ဆိုလိုသည်မှာ ပညာမဲ့အသိဉာဏ်ခေါင်းပါးသူတို့က ဤအာလင်မ်ကြီးများသည် ဟရာမ်လုပ်ငန်းများဖြင့် အသက်မွေးဝမ်းကျောင်းပြု၍ လုပ်ကိုင်စားသောက်နေကြလျှင် ငါတို့ဂျာဟိလ်များအတွက်မူ မည်သည့်အပြစ်မှ ထိုက်မည်မဟုတ်ဟု မှတ်ချက်ချကာ ယင်းအပြစ်များကို အသက်ထက်ဆုံး ကျူးလွန်မိုက်မှားကြမည်မှာ မုချမလွဲပေ။
ဤသို့ သိက္ခာမစောင့်စည်းကြသော အာလင်မ်ဆိုး အာလင်မ်ညံ့တို့သည် လောကတွင် နည်းပါးနိုင်သမျှ ကောင်းမည်ဖြစ်၏။ ဤသို့သော အာလင်မ်ဆိုးတို့အား ပြောလိုသည်မှာ လောက၏ ရမ္မစည်းစိမ်တို့ကို လောကပညာဖြင့်သာ ရှာဖွေကြပါကုန်။ သာသနာ့ပညာကို ခုတုံးလုပ်၍ သာသနာ့အရေခြုံပြီး သာသနာ့လုပ်ငန်းများကို အလွဲသုံးစားပြုလျက် မသမာသော နည်းမျိုးစုံတို့ဖြင့် စီးပွားရှာဖွေခြင်း မပြုကြလေကုန်နှင့်။
အကယ်၍ တစ်ဦးတစ်ယောက် ကျွန်ုပ်၏ပညာသည် ကျွန်ုပ်အား လောကီရမ္မကိုဖြစ်စေမည့် လုပ်ငန်းများမှ ဖယ်ရှားစေခဲ့သည်။ ၎င်းပြင် ကျွန်ုပ်သည် အလ္လာဟ်အရှင်မြတ်အတွက် ပညာကို ဆည်းပူးသင်ယူခဲ့ရာ ထိုပညာသည် ကျွန်ုပ်အား အရှင့်လမ်းသို့တွန်းပို့ပေးခဲ့သည်ဟု ပြောဆိုခဲ့သော် ထိုသူ၏ပညာရပ်သည် ကျမ်းမြတ်ကုရ်အာန်နှင့် စွန္နသ်လမ်းစဉ်၏ ပညာရပ်များသည်ဖြစ်၏။ ထိုသူတို့သည် ထိုပညာရပ်ကို ထိန်းသိမ်းနိုင်စွမ်းလည်း ရှိ၏။ လောကီစည်းစိမ်နှင့ လောဘဒေါသမောဟများကိုလည်း ရွံရှာမည်ဖြစ်၏။ ထိုသူတို့သည် လောကီစည်းစိမ်ကို ကျောခိုင်းခဲ့ကြသော သူတော်စင်တို့အား တွေ့ဘူး၊ ကြုံဘူးကြသူများလည်း ဖြစ်ကြ၏။ ၎င်းတို့၏ စိတ်တွင်းဝယ် သူတော်စင်များ၏ နောက်လိုက်များသာ ဖြစ်လိုကြပေသည်။
ဤသို့ ပညာ၏တန်ဖိုးအနဂ္ဃကို သိရှိကြလျှင် သာသနာ့ပညာနိုးကြားသောခေတ်၌ ပညာဂုဏ်နှင့် နာမည်ကျော်ကြားသူတစ်ဦး ဖြစ်နိုင်၏။ ထိုအခါပညာသည် သင့်နောက်သို့မလိုက်ဘဲ အသင်သည် ပညာနောက်သို့သာ လိုက်မည်ဖြစ်သည်။ သို့သော် ယခုခေတ်တွင် ဆိုက်ကော်လော်ဂျီနှင့် ဖီလိုဆော်ဖီ စသည့်ပညာရပ်များကို သင်ယူပို့ချနေသော ဆရာသမားနှင့် ကျောင်းသားတုိ့သည် ထိုပညာရပ်များကို လောက၏ညွှတ်ကွင်းအဖြစ် ပြုလုပ်ထားကြပေသည်။ ထိုသူများနှင့် ဆက်ဆံခြင်း၊ ထိုသူတို့ထံမှ ပညာသင်ယူခြင်းသည်လည်း လောဘနှင့် လောကီစည်းစိမ်ကို စွန့်လွှတ်ပေးနိုင်စွမ်းမရှိပေ။
ထိုပုဂ္ဂိုလ်တို့သည် လောကုတ္တရာ အကျိုးပြုပညာရှင်များမဟုတ်။ လောကီရေးခေတ်ပညာရှင်များသာ ဖြစ်ကြပေသည်။ ၎င်းတို့၏ အာခိရသ်အရေးကို တွေးဆလျှင် အကျိုးကုသိုလ်များ လုံးဝပါဝင်ခြင်းမရှိ။ ဆုံးရှုံးမှုတွင် နစ်မွန်းနေကြသည်မှာ ထင်ရှားပေသည်။
အကယ်၍ ထိုသူသည် သာသနာကိုမြတ်နိုးမည်။ သာသနာ့ပညာရှင် သူတော်စဉ်များ၏ လမ်းစဉ်ကို ကျင့်သုံးပြီး တစ်ပါးသူအား ကြောက်မက်ဖွယ်ကောင်းသော လောကီထောင်ချောက်မှ လွတ်မြောက်စေလိုသော ဆန္ဒဖြင့် သတိပေးခြင်း၊ ကယ်တင်ခြင်းပြုလျှင် ကောင်းလေစွ။ သို့ဖြစ်ရာ ထိုသို့သောသူနှင့် ဆက်ဆံခြင်းသည် အကျိုးရှိ၏။ ထိုသူ့ထံမှ ပညာသင်ယူခြင်းသည် သင့်လျော်မွန်မြတ်လှ၏။ ထိုသူထံမှ အကျိုးပြုအတတ်ပညာကို သင်ယူခြင်းသည် အမွန်မြတ်ဆုံးလုပ်ငန်းပင် ဖြစ်၏။ သို့သာမက အိဗာဒသ်အပေါင်းတွင် အသာဆုံး၊ အမြတ်ဆုံး အိဗာဒသ်ပင် ဖြစ်လေသည်။ (အိမာမ်ဂဇာလီရဟ်မသုလ္လာဟ်)

(မော်လာနာကမ္မရွဒ်ဒီးန် ဦးသန်းမောင်(ဂျာမိအီ) ဘာသာပြန်ထားသည့် "အစ္စလာမ့်ပညာရေး" စာအုပ်ပါ အကြောင်းအရာကို အလ်မုဖီးဒ်က ပြန်လည်တင်ဆက်သည်။)

*** သတိပေးချက် အထက်ပါအကြောင်းအရာကို ကူးယူလျှင် စာသားအပြည့်အစုံ မူရင်းကျမ်းရှင် ဘာသာပြန်သူနှင့် အလ်မုဖီးဒ်၏ Link ကိုပါ ထည့်သွင်းကူးယူပါ။ မိမိလိုသလောက်ကူးယူးပြီး ကိုယ်ပိုင်နာမည်တပ်နေသူများကို တွေ့ရှိရပါသည်။ ထိုသူတို့သူ ၎င်းတို့မလုပ်သည်ကို လုပ်သယောင်ဆောင်ထားသဖြင့် လိမ်လည် မုသားဆိုသူပင်ဖြစ်၏။***

Website: http://aaitee.blogspot.com
Facebook: http://www.facebook.com/almufeed.mm
Email: haroonrangoni@gmail.com
google တွင်ရှာရန် “ အလ်မုဖီးဒ် ” ဟု မြန်မာလိုရိုက်၍ရှာပါ။
မိမိဖုန်းထဲတွင် ပြန်လည်ဖတ်ရှုရန် သိမ်းထားလိုပါက Simple Islam.apk ဖိုင်ကို ဒေါင်းလုတ်ဆွဲပြီး Install လုပ်ထားပါ။

ပညာရှိနှင့် ပညာမဲ့ခြားနားမှု

အကြင်သူသည် အဆိပ်၏ဂုဏ်သတ္တိကို သိနားလည်မှုမရှိခဲ့သော် အဆိပ်ကို ဆင်ခြင်ကင်းမဲ့စွာ သုံးစွဲမည်ဖြစ်၏။ အဆိပ်၏အန္တရာယ်ကို သိရှိနားလည်သူသည် ၎င်းကိုမသုံးစွဲမှီ မိမိအသက်ကို မုချဆုံးရှုံးစေနိုင်သည်ဟု ယုံကြည်မှု ရှိနေသဖြင့် ထိုအဆိပ်ကို မည်သည့်အခါမျှ သုံးစွဲမည်မဟုတ်ပေ။

ထို့အတူ ကျောက်မျက်ရတနာအကြောင်း နားမလည်သူ၏ ရှေ့မှောက်တွင် စိန်တစ်တုံးကျနေပါက ၎င်းကို အလေးထားအာရုံပြုမည်မဟုတ်ပေ။ စိန်အကြောင်း နားလည်သူကသာ ၎င်း၏တန်ဖိုးကိုပေး၍ အမိအရ ဝယ်ယူမည်ဖြစ်သည်။ ဤသူနှစ်ဦးသည် အမြင်ခြင်းတူညီကြသော်လည်း ခြားနားမှုရှိ၏။ တစ်ဦးသောသူသည် ကျောက်မျက်ရတနာ၏ပညာကို မသင်ခဲ့ရသဖြင့် စိန်၏တန်ဖိုးကို မသိနိုင်။ အခြားပုဂ္ဂိုလ်မှာ စိန်၏တန်ဖိုးကိုသိ၍ ကောင်းစွာဆုံးဖြတ်နိုင်စွမ်းရှိ၏။

ထိုသို့ပင် အရဗီစာပေမတတ်သောပုဂ္ဂိုလ်တစ်ဦး၏ ရှေ့မှောက်တွင် မည်မျှစာသားကောင်း၍ ရသမြောက်သော အရဗီစာအုပ်ကိုဖြစ်စေ ၎င်းစာအုပ်မှ စာသားများကိုဖြစ်စေ၊ တွေ့ရှိခဲ့သော် လှည့်၍ပင်ကြည့်မည်မဟုတ်ပါ။ ထိုသို့ပင် အင်္ဂလိပ်စာပေကို မတတ်ကျွမ်းသူ၏ ရှေ့မှောက်တွင် မည်မျှအနှစ်သာရရှိသော အင်္ဂလိပ်စာအုပ်တစ်အုပ်ကိုဖြစ်စေ၊ ၎င်းစာအုပ်မှ စာသားများကိုဖြစ်စေ တွေ့ရှိခဲ့သော် ထိုသူသည် ယင်းစာအုပ်ကို စက္ကူအညံ့စားထက်ပို၍ တန်ဖိုးထားမည်မဟုတ်ပေ။ ဤသို့ ခြားနားမှုရှိခြင်းကို ပြသလိုသည့်အတွက် အလ္လာဟ်အရှင်မြတ်က ကျမ်းမြတ်ကုရ်အာန်၌ ဤသို့ရှင်းပြထားတော်မူပေသည်။

هل يستوى الذين يعلمون والذين ﻻيعلمون ○
[ဟလ် ယဆ်သဝိလ် လဇီးမ ယအ်လမူးန ဝလ်လဇီးန လာယအ်လမူးန်]
ပညာရှိနှင့် ပညာမဲ့တို့နှစ်ဦးသည် အဘယ်မှာတူညီနိုင်ပါအံ့နည်း။

အမှန်မှာ လုံးဝမတူညီနိုင်ပေ။ အသိပညာရှိသောသူသည် ကောင်းကျိုးဆိုးကျိုးကို ခွဲခြားနိုင်၍ အသိပညာမဲ့သူသည် အကောင်းအဆိုးကို မခွဲခြားနိုင်ပေ။

ပမာပြုရသော် မော်တော်ကားဒရိုက်ဘာတစ်ဦးသည် စက်သံကိုကြားရုံမျှဖြင့် မိမိ၏ကား စက်ချို့ယွင်းသည်၊ မချို့ယွင်းသည်ကို တပ်အပ်သေချာသိမြင်နိုင်၏။ အကယ်၍ ချို့ယွင်းကြောင်းသိပါလျက် အချိန်မှီမပြုပြင်ခဲ့သော် စက်သည် မုချမီးထတောက်နိုင်ပြီး လိုရာခရီးသို့မရောက်နိုင်ကြောင်း နားလည်ထားပေသည်။

အကယ်၍ ကျွန်ုပ်ကဲ့သို့ မော်တော်ကားအကြောင်းနားမလည်သူက ကားကိုတက်၍ မောင်းနှင်လျှင် ကျွန်ုပ်သည် မုချသေဘေးအန္တရာယ်မှ လွတ်ကင်းနိုင်မည်မဟုတ်ပေ။ သို့သာမက လမ်းသွားလမ်းလာ ပုဂ္ဂိုလ်များကိုပင် အန္တရာယ်ဖြစ်သွားနိုင်ပေသည်။

ထို့အတူ ကျွမ်းကျင်သောဆရာဝန်တစ်ဦးသည် ဝေဒနာရှင်တစ်ဦး၏ သွေးကြောကိုစမ်းသပ်ရုံမျှဖြင့် အတွင်းရောဂါသည် မည်သည့်ရောဂါဖြစ်ကြောင်း ပြောပြနိုင်၏။ ၎င်းက ထိုသို့သိရှိပြီးသောရောဂါကို အချိန်မှီကုသမှုမပြုခဲ့သော် ယင်းဝေဒနာရှင်သည် အသက်ဆုံးရှုံးသွားနိုင်ကြောင်း ထုတ်ဖော်ပြောပြတတ်ပေသည်။ ဤနေရာတွင် ဒေါက်တာရမ်းကုဖြစ်နေပါက မည်သည့်အခြေအနေမျိုးဆိုက်ရောက်သွားနိုင်သည်ကို စဉ်းစားကြည့်ရှုကြလေကုန်။

ပညာရေးစနစ်သည်လည်း ဤနည်းအတိုင်းပင်ဖြစ်၏။ ပညာတတ်မြောက်ထားခြင်းဖြင့် စူးစမ်းလေ့လာနိုင်၏။ ရှာဖွေနိုင်၏။ တီထွင်ကြံဆနိုင်၏။ လောကီလောကုတ္တရာနှစ်ဖြာစလုံးတွင် အရှင်၏နှစ်သက်ရာဖြစ်စေသော ကောင်းမှုကုသိုလ် အကျိုးထူးတို့ကို ကျင့်သုံးနိုင်၏။ ဆောက်တည်နိုင်၏။ မိမိအရှင်က တားမြစ်ထားသော အမိုက်တရားအကုသိုလ်များကို ရှောင်ကြဉ်နိုင်၏။ တော်လှန်နိုင်၏။ စင်စစ်လူသားတိုင်းသည် အသိပညာမရှိခဲ့သော် အကောင်းအဆိုးဟူသော အင်အားစုနှစ်ခုကို မခွဲခြားမသိမြင်နိုင်ပေ။

ဤအင်အားနှစ်ခုကို ခွဲခြားသိမြင်နိုင်ရန် အရှင့်ဘက်တော်မှ ညွှန်ပြထားသည့် ပညတ်ချက်များ ပညာရပ်များဖြင့် အကူအညီရယူနိုင်ပေသည်။ သို့ဖြစ်ရာ အလ္လာဟ်အရှင်မြတ်သည် ထိုလမ်းစဉ်နှစ်ခုကို သိရှိကြစေရန် ကမ္ဘာဦးဖခင်အာဒမ်သခင်မှစ၍ နောက်ဆုံးပေါ်ထွန်းတော်မူခဲ့သော တမန်တော်မြတ်မုဟမ္မဒ်ဆွလ္လလ္လားဟုအလိုင်းဟိဝစလ္လမ်အထိ ထောင်ပေါင်းများစွာသော နဗီတမန်တော်များကို စေလွှတ်၍ ရှိုက်သာန်၏ ဒုစရိုက်အမှောင်လမ်းစဉ်မှ ရှောင်ကွင်းစေခဲ့ပြီး အရှင်နှစ်သက်မြတ်နိုးတော်မူသော လမ်းစဉ်ကို စွဲမြဲစွာ ကျင့်သုံးစေခဲ့သည်။

သို့ရှိရာ ကျွန်ုပ်တို့သည် ထိုလမ်းစဉ်ဖြင့် မိမိ၏ဝိညာဉ်ကို သန့်ရှင်းထက်သန်စေပြီး မိမိအရှင်အား အစဉ်မပြတ် ခဝပ်ခြင်း၊ တမ်းတအားထားခြင်းတို့နှင့် နေထိုင်ကြရမည်။ ကမ္ဘာသူ ကမ္ဘာသားများကိုလည်း အရှင့်အမိန့်တော်များကို ထုတ်ဖော်ဟောကြားခြင်း၊ ပြန်ဆိုရေးသားခြင်း သင်ကြားဖြန့်ဖြူးခြင်း စသည်တို့ကို ပြုကြရပေမည်။

لقدمن الله علي المؤمنين اذبعث منهم رسوﻻمن انفسهم يتلواعليهم اياته ويزكيهم ويعلمهم الكتاب والحكمة
[လကဒ် မန်နလ္လာဟု အလ်လလ်မုအ်မိနီးန အိဇ်ဗအစ မင်(န)ဟွမ်(မ) ရစူးလန် မင်(န)အန်ဖုဆိဟင်မ် ယသ်လူအလိုင်ဖ်ဟင်မ် အာယားသိဟီ ဝယူဇက်ကီးဟင်မ် ဝယုအလ် လိမုဟုမုလ်ကိသားဗ ဝလ်ဟိက်မဟ်]

မုအ်မင်န်များအပေါ်၌ အလ္လာဟ်အရှင်မြတ်သည် ကျေးဇူးဂရုဏာပြုထားတော်မူ၏။ အကြောင်းကား အလ္လာဟ်အရှင်မြတ်သည် ၎င်းတို့ထဲမှ တစ်ဦးတစ်ယောက်ကို ရစူလ်အဖြစ်စေလွှတ်တော်မူခဲ့၏။ ၎င်းရစူလ်သည် အရှင့်အမိန့်တော် (အမှန်တရား၏ ပညတ်ချက်) များကို ဟောကြားတော်မူ၍ ဒုစရိုက်မှုများကို ရှောင်ကွင်းစေတော်မူခဲ့သည်။ ကျမ်းတော်မြတ်ကိုလည်း သင်ကြားပြသ၍ နစ်နာဆုံးရှုံးစေမည့်လမ်းများမှ ကယ်တင်တော်မူခဲ့ပေသည်။

ထိုတမန်တော်တို့၏ အမွေစားများကား အာလင်မ်သာသနာ့ပညာရှင်များ ဖြစ်ကြ၏။ ၎င်းတို့နှင့် ပတ်သက်၍ ကျမ်းမြတ်ကုရ်အာန်တွင် အလ္လာဟ်အရှင်မြတ်က မိန့်ဆိုထားပေသည်။

إِنَّمَا يَخْشَى ٱللَّهَ مِنْ عِبَادِهِ ٱلْعُلَمَٰٓؤُا۟
အလ္လာဟ်အရှင်မြတ်ကို အမှန်တကယ် ကြောက်ရွံရိုသေကြသော ပုဂ္ဂိုလ်တို့သည် အာလင်မ် သာသနာ့ပညာရှင်များသာ ဖြစ်ကြကုန်၏။ (၃၅:၂၈)

ထို့သို့သောပုဂ္ဂိုလ်တို့ဖြင့် ကျွန်ုပ်တို့အား အကောင်းဘက်သို့ ရောက်ရှိလာစေရန် လမ်းညွှန်ပေးစေခဲ့ခြင်းသည် ထိုအရှင်၏ ဂရုဏာတရားပင်ဖြစ်လေသည်။

(မော်လာနာကမ္မရွဒ်ဒီးန် ဦးသန်းမောင်(ဂျာမိအီ) ဘာသာပြန်ထားသည့် "အစ္စလာမ့်ပညာရေး" စာအုပ်ပါ အကြောင်းအရာကို အလ်မုဖီးဒ်က ပြန်လည်တင်ဆက်သည်။)

ဗေဒင်​ဖတ်​ခြင်း

ဗေဒင်၊ လက္ခဏာ၊ ဂြိုလ်နက္ခတ်တွက်ချက်ခြင်းနှင့် မုစ်လင်မ်

မုစ်လင်မ်သည် အလ္လာဟ်ကို ယုံကြည်သူဖြစ်သည်။ ယင်းယုံကြည်ခြင်းတွင် အလ္လာဟ်တွင်ရှိသော ဂုဏ်ပုဒ်အားလုံးကိုပါ ယုံကြည်ခြင်း၊ အခြားသူတွင်ထိုဂုဏ်အရည်အချင်းများမရှိဟု ယတိပြတ်မှတ်ယူခြင်းဟူသည့် အဓိပ္ပါယ်ပါ ပါဝင်သည်။ မဖြစ်သေးသည့်အကြောင်းများကို သိသူသည် အလ္လာဟ်သာလျှင်ဖြစ်သည်။ လူသားမတွေ့မြင်နိုင်သည့်အကြောင်းအရာတို့ကို တွေ့မြင်သူ ဆိုးကောင်းကျိုးကြောင်းတို့ကို သိမြင်သူသည် ရင်တွင်းခံစားချက်နှင့် အတွေးအာရုံတို့ကို ကြားနေသူသည် အလ္လာဟ်သာလျှင်ဖြစ်သည်။ ယင်းဂုဏ်ပုဒ်ကို အရဗီဖြင့် စမီးအွန်၊ (အကြွင်းမဲ့ကြားတော်မူသောအရှင်) အလီးမွန်၊ (အကြွင်းမဲ့သိတော်မူသောအရှင်)၊ ဗဆွီးရွန်း၊ (အကြွင်းမဲ့မြင်တော်မူသောအရှင်) ဟု ခေါ်ဆိုသည်။ အကြွင်းမဲ့၏ ဆိုလိုရင်းမှာ ကြားခံပစ္စည်းနှင့် အကြောင်းခံလုံးဝမရှိ။ တိုက်ရိုက်မြင်နေ၊ ကြားနေ၊ သိနေခြင်းကိုခေါ်သည်။ ဤအရည်အချင်းသည် အလ္လာဟ်ထံမှသာလျှင် ရှိပြီး ကမ္ဘာပေါ်တွင်ရှိ လူအပါအဝင် မည်သည့်သတ္တဝါတွင်မှ မရှိပါ။

** ယခု ထိုကဲ့သို့ဆင်တူရိုးမှား အရည်အချင်းများ လုပ်ဆောင်ထားသူကို မုစ်လင်မ်က သူလည်းသိတာပဲ ဟု ..... အပျော်သဘောဖြစ်စေ၊ နောက်ပြောင်ပြောဆိုမှတ်ယူခြင်းသည် ရှရီးက် (အလ္လာဟ်နှင့်အတူ အခြားအရာကိုပါ ယှဉ်တွဲကိုးကွယ်ယုံကြည်ခြင်း) ဖြစ်သည်။ ထိုရှရီးက်သည် ဂျဟန္နမ်တွင်အမြဲနေစေမည့် အကြောင်းအရာဖြစ်သည်။ အလ္လာဟ်အရှင်မြတ်ကဲ့သို့ အရည်အချင်းမျိုး အခြားသူတွင်လည်းရှိသည်ဟု ယုံကြည်ခြင်းသည် ရှရီးက်ဖြစ်၍ အလ္လာဟ်အရှင်မြတ် လုံးဝခွင့်မလွှတ်သည့်လုပ်ဆောင်မှုဖြစ်သည်။

ယနေ့ မုစ်လင်မ်တို့သည် ဗေဒင်မေး၊ လက္ခဏာကြည့်၊ ဂျာနယ်တွင်ပါသော တပတ်စာ ဟောစာတမ်း၊ သင်္ကြန်စာ၊ မွေးသောလနှင့် တွက်ပေးထားသည့် အကြောင်းအရာတို့ကို အပျော်သဘောပါ ငါတို့ မယုံပါဘူး ဒီတိုင်းဖတ်တာပါ ဟူဆိုကာ ဖတ်ရှုကြသည်။ ဤသည်မှာ လုံးဝမှားသည့် လုပ်ရပ်ဖြစ်သည်။ အလ္လာဟ်အရှင်၏ ဂုဏ်ပုဒ်တွင် ယှဉ်ဖက်ကို တွဲထည့်ခြင်းဖြစ်သည်။ အချို့က ဂျာဒူပြုခြင်းနှင့် ဗေဒင်ကြည့်ခြင်း၊ မေးခြင်းမကွဲပြားကြပေ။ ဂျာဒူပြုခိုင်းခြင်းနှင့် ဗေဒင်မေးခြင်း၊ ကြည့်ခြင်းမတူပါ။ ဗေဒင်မေးခြင်း၊ နတ်ဝင်ပြီး နင်က ဘာဖြစ်နေတယ်။ ဘယ်သူကဘယ်မှာ ၊ စသဖြင့်ပြောဆိုသည်။ ရည်စားရှိသည်ဟုပြောမည်။ ဘယ်နေရာဘာရှိနေသည်။ ဘယ်သူက ဘယ်လိုနင့်ကို လုပ်ထားတာ စသဖြင့်ပြောဆိုသည်။ အမှန်ဖြစ်သည်များလည်းရှိသည်။ ထိုအမှန်ဖြစ်နေခြင်းကို ဟယ် !! သူပြောတာအကုန်မှန်တယ်။ အားလုံးဟုတ်တယ် ဟု ပြောလိုက်သည်နှင့် ရှရိက်အမှုကို ကျူးလွန်ပြီးသားဖြစ်သွားပါသည်။ ထိုပြောသူတို့သည် ဂျင်န်၊ ရှိုက်သွာန်၊ ဟမ်ဇားသ်တို့၏ ကြားခံဖြင့် စိတ်ခြင်းဆက်ကာ မေးမြန်းပြီး ပြောဆိုခြင်းဖြစ်သည်။ ကိုယ်တိုင်တွင် ဘာအရည်အချင်းမှမရှိသလို ဘာမှသိရှိသူများလည်း လုံးဝမဟုတ်ပါ။

ထို့အတူ ဗေဒင်ယုံခြင်း၊ စာကလေးလွှတ်ခြင်း၊ ယတြာချေသည့်အနေဖြင့် လက်ခုပ်တီးခြင်း၊ ထိုဗေဒင်သမားများပြောသည်အတိုင်း အရောင်များရွေးချယ်ဝတ်ခြင်း ၊ ဗေဒင်အကြောင်းများ နားဆင်ခြင်း မွေးနေ့တွင် ၎င်းတို့ပြောကြားချက်အတိုင်းလုပ်ဆောင်ခြင်း မွေးနေ့ဟောစာတမ်း နားထောင်ခြင်း ၎င်းတို့၏ လုပ်ငန်းများကို အားပေးခြင်း အားလုံးဂုနာဟ်ကဗီရဟ်များဖြစ်၍ အစ္စလာမ့်အကီဒဟ်များနှင့် လုံးဝဆန့်ကျင်ဖက်ဖြစ်သည့် ကိစ္စရပ်များဖြစ်သည်။

ထိုအကြောင်းကိစ္စတို့ကို အပျော်သဘောလုပ်ခြင်း၊ မယုံပါဘူးဟုပြောကာ ဖတ်ရှုခြင်း၊ စိတ်ထဲဘာမှမရှိဘူး ဟုဆိုကာ မေးမြန်းခြင်း၊ လက္ခဏာကြည့်ခိုင်းခြင်း နှင့် ဂျာနယ်များတွင်ပါသော ဗေဒင်ဟောချက်များကို ဖတ်ရှုခြင်းသည် ရှရီးက်ပင်ဖြစ်သည်။ ယင်းလုပ်ဆောင်ချက်တို့သည် အစ္စလာမ့်ပင်မအကီဒဟ်ဖြစ်သော အလ္လာဟ်အရှင်မြတ်ကို ယုံကြည်ခြင်းနှင့် အနှိုင်းမဲ့ဖြစ်တော်မူခြင်းတွင် --- ယှဉ်ဖက်တို့ကိုပါ တွဲထည့်လိုက်ခြင်းပင်ဖြစ်သည်။

ယခုဖုန်းများတွင်ပါ လွယ်လင့်တကူဖတ်လာနိုင်အောင်ပြုလုပ်လာပြီဖြစ်သည်။ ယခင်က အသံလွှင့်ဌာနများမှ နေ့စဉ်ထုတ်လွှင့်ပေးသည်။ မုစ်လင်မ်အမျိုးသား အမျိုးသမီးတိုင်း ထိုလုပ်ရပ်များမှ လုံးဝရှောင်ရမည်။ လုပ်ခဲ့ဖူးလျှင် သောဝ်ဗဟ်ဖတ်ပါ။ နောက်နောင် အစ အနလေးတောင် မထိမတို့ပါနှင့်။ ယင်းဗေဒင်သည် ရှရီးက်လုပ်ရပ်ကို ဖုံးအုပ်ထားသည့် အဆိပ်ဖြစ်သည်။

ထိုဗေဒင်နှင့် ဆင်တူအကြောင်းကိစ္စအားလုံး ရှရီးက်အမိန့်တွင်ပါဝင်သည်။ ရှရီးက်ပြစ်မှုကို အလ္လာဟ်အရှင်မြတ်လုံးဝခွင့်မလွှတ်ကြောင်း ကုရ်အာန်ကျမ်းတော်မြတ်တွင် ပြတ်သားစွာလာရှိထားပြီးဖြစ်သလို ဂျဟန္နမ်တွင် အမြဲနေရမည့် ရှဖာအသ်မရမည့် လုပ်ရပ်ဖြစ်သည်။ အပျော်လုပ်ဆောင်ချက်တစ်ခုက အာခိရသ်၏ သက်တမ်းတစ်ခုလုံးကို ဖျက်ဆီးပစ်မည့်အရာဖြစ်သည်ကို မုစ်လင်မ် မိန်းမတိုင်း ယောက်ျားတိုင်း သိထားရမည်။

ထို့အတူ ဗေဒင်ဆရာများထံမှ ဗမာနာမည်ရွေးပေးရန် မွေးနေ့ မွေးနံ လနှင့် တွက်ချက်ပြီး နာမည်ထားသည့်အလုပ်သည် လုံးဝအဓိပ္ပါယ်မဲ့သော လုပ်ရပ်ဖြစ်သည်။ မိမိတို့ရင်သွေးကို အမည်ပေးရန် ဗေဒင်ဆရာထံအကြောင်းကြားနေဖို့ မလိုအပ်ပါ။ ယင်းဗေဒင်ဆရာတို့သည် အလ္လာဟ်အရှင်မြတ်နှင့် တုဖက်ပြီး ယှဉ်ပြိုင်နေသူများ ကာဖိရ်မုရ်ှရစ်က်များဖြစ်ကြသည်။ ထိုကဲ့သို့သောသူများထံမှ ကလေးငယ်အတွက်အမည်ရွေးခိုင်းခြင်းသည် အလွန်ပင်ဉာဏ်တုံးကာ သာသနာ့အသိခေါင်းပါးသော ငတုံးမုစ်လင်မ်များ၏ လုပ်ရပ်ပင်ဖြစ်သည်။ ကာဖိရ်၏အလုပ်ကို အားပေးခြင်း၊ ရှရိက်၏လုပ်ရပ်ကို ဖော်ဆောင်ပေးခြင်းဖြစ်သည်။

ဂြိုလ်နက္ခတ်၊ နေ့၊ လ၊ ရက် အချိန်၊ အရောင်၊ လူတို့တွင် မည်သည့်အရည်အချင်း လုပ်ဆောင်နိုင်စွမ်းမှမရှိသလို မည်သူကမျှလည်း အကွယ်အကြောင်းအရာတို့ကို လုံးဝလုံးဝ မသိပေ။ ထိုအရာများတွင် အကြောင်းအရာတစ်ခုဖြစ်စေနိုင်သည်ဟု ယုံကြည်လိုက်ပါက ဂျဟန္နမ်တွင် အမြဲနေထိုင်နိုင်ရန် နေရာစီစဉ်ပေးလိမ့်မည်။

မုစ်လင်မ်သည် အခြားတစ်ယောက်ကလည်းလုပ်တာပဲ ဘာဖြစ်လို့လည်းဟု သတ်မှတ်ကာ လိုက်လုပ်ရမည့်သူမဟုတ်ပါ။ ဘယ်လောက်ပဲ သာသနာကိုင်းရှိုင်းသည့်ပုံပေါက်နေသူက ထိုဗေဒင်လက္ခဏာမေးသည့်ကိစ္စတို့ကို ပြုနေပါကလည်း ဟရာမ်က ဟရာမ်ပင်ဖြစ်သည်။

ထို့ကြောင့် ဖုန်းကဗေဒင်ကိုပဲဖတ်သည်ဖြစ်စေ လမ်းဘေးမှာ သူငယ်ချင်းတွေစုပြီး ဝိုင်းမေးသည့် ဗေဒင်ပင်ဖြစ်စေ၊ အသံလွှင့်ဌာနမှ လွှင့်သည်ဖြစ်စေ၊ ဂျာနယ်ထဲမှ သတင်းစာထဲမှ ဒီတိုင်းပဲဖတ်ဖတ် တကယ်ပဲဖတ်ဖတ် ယင်းအကြောင်းအရာအားလုံး ရှရစ်က်ဖြစ်စေသည့်အရာများဖြစ်ကြောင်း မုစ်လင်မ်ဖြစ်သူတိုင်း သိထားရပါမည်။ ဟရှရ်ရောက်သည့်အခါမှ ကျမက အပျော်လုပ်တာပါ။ ကျနော်က ဘာရည်ရွယ်ချက်မှမရှိပါဘူးဟု မယုံပါဘူး ဖတ်ပဲဖတ်တာဟု လျှောက်လွှဲချက်တို့ အသုံးဝင်မည်မဟုတ်ပါ။ အစ္စလာမ်သာသနာတွင် အပျော်ဆိုပြုပိုင်သည် စိတ်မပါလျှင်လုပ်ပါဟု သတ်မှတ်ထားသည့် မည်သည့်အကြောင်းအရာမှ မရှိပေ။ အားလုံးတိတိကျကျ သတ်မှတ်ထားပြီးသားပင်ဖြစ်သည်။ ရှောင်ရမည့်အရာကို ရှောင်ရမည်ပင်ဖြစ်၍ မလုပ်ပိုင်သည့်အရာသည် မလုပ်ပိုင်သည်သာဖြစ်သည်။

ထို့ကြောင့် ဗေဒင်၊ လက္ခဏာ၊ ဂြိုလ်နက္ခတ်တွက်ချက်ခြင်း၊ ယင်းနှင့်စပ်ဆက်လုပ်ငန်းများအားလုံးကို ကိုယ်တိုင်လည်းရှောင်၍ လုပ်နေသည်ကို မြင်တွေ့ပါကလည်း တားမြစ်ရမည်ဖြစ်ပါသည်။

ယင်းလုပ်ရပ်တို့သည် အီမာန်နှင့် အကီဒဟ်တို့ကို ထိခိုက်ပျက်ပြားစေသည့်လုပ်ရပ်များပင် ဖြစ်ပါသည်။

အလ်​မုဖီးဒ်​

အမျိုးသမီးများ နမားဇ်ဖတ်ရာတွင် သတိပြုရမည့် အချက်များ

((အလ်မုဖီးဒ် မှ ရေးသားသည်။))

ဗိစ်မိလ္လာဟိရ်ရဟ်မာန်းနိရ်ရဟီးမ်
***********************
နမားဇ်ဆောက်တည်ခြင်းဟူသည် အလ္လာဟ်အရှင်မြတ်ထံပါး၌ ခစားခြင်း၊ အရှင့်ရှေ့တော်မှောက်တွင် မတ်တပ်ရပ်ကာ လူသားအနေဖြင့် ဖန်ဆင်းရှင် အရှင်သခင်အား ခဝပ်ဦးချရခြင်းဖြစ်သည်။ လူ့ခန္ဓာကိုယ်တွင်ရှိသော အမွန်မြတ်ဆုံးဖြစ်သည့် ဦးခေါင်းကို ဂုဏ်အင်အပေါင်းနှင့် စုံလင်တော်သည့် အလ္လာဟ်အရှင်မြတ်၏ ရှေ့တော်မှောက်ဝယ် ပျက်ဝပ်ဦးချခွင့်ရခြင်းသည် အီမာန်ရှင်အဖို့ အလွန်ပင် ဂုဏ်ယူရမည့် ကိစ္စရပ်ဖြစ်ပေသည်။ မုစ်လင်မ်ကို အလ္လာဟ်မှအပ မည်သည့်အရာ၏ ရှေ့မှောက်တွင်မှ ဦးချခွင့် မပေးထားပေ။ မုစ်လင်မ်ဖြစ်ပြီးသည့်နောက် နမားဇ်သည် ယင်းမုစ်လင်မ်အတွက် တစ်နေ့ ငါးကြိမ် မပြုမနေရဟု သတ်မှတ်ပြဌာန်းထားသည်။ နမားဇ်ဆောက်တည်ရာတွင် ခုရှုအ်၊ ခုဇုအ် ခေါ် စိတ်တည်ငြိမ်ရိုသေခံညားမှု ရှိရန် အလွန်လိုအပ်လှပေသည်။ ထို့ပြင် မိမိဆောက်တည်နေသည့် နမားဇ်ကို စိတ်ထဲမှ သေချာတပ်အပ်စွာ စွဲမှတ်ယုံကြည်ထားရန် လိုအပ်ပေသည်။ ဥပမာ ဇုဟုရ်ဆွလာသ်၏ ဖရ်ဇ်ကို ဆောက်တည်နေချိန် စိတ်ထဲမှ ကျွန်ုပ်သည် ဇုဟုရ်ဆွလားသ်၏ ဖရ်ဇ်ကို ဆောက်တည်နေ၏ ဟု သေချာစွာ မှတ်ယူထားရမည်။ ထို့ပြင် နမားဇ်ဆောက်တည်ရာတွင် ပါဝင်သည့် သိလာဝသ်၊ ဇိကိရ်၊ ဒရူးဒ်၊ ဒုအာများကို သေချာကျနစွာ ဖတ်ကြားပြီး ဖတ်နေစဉ်အတွင်း စိတ်ပါလက်ပါ ရှိနေရမည်။ ဤသို့ဆောက်တည်သော နမားဇ်သည် လှပပြီး ကဗရ်နှင့် ကိယာမသ်တွင် မိမိအတွက် အသုံးဝင်ပေမည်။ ယခုဤနေရာတွင် အမျိုးသမီးများအတွက် နမာဇ်ဖတ်ရာတွင် သတိပြုဆင်ခြင်ရမည့် ကိစ္စရပ်များကို တင်ပြပါမည်။
((ဤအကြောင်းအရာကို ယခင်က ရေးသားတင်ဆက်ခဲ့သည်။ ယခုတဖန် လိုအပ်သည်များကို ထပ်မံဖြည့်စွက်ကာ အသစ်တဖန်ပြန်လည်တင်ပြခြင်း ဖြစ်ပါသည်။ ))

အမျိုးသမီးများသည် .......
၁။ နမားဇ်ဝတ်ပြုရာတွင် ဟောင်းနွမ်းနေသည့် ဂျာအေနမားဇ်များ၊ ပုဝါများကို အသုံးပြုခြင်းသည် မကောင်းပေ။ မိမိတွင် အသစ်အကောင်းများကို ဝယ်ယူသုံးစွဲနိုင်ပါလျှက် ၁ဝနှစ်ခန့်မျှ သုံးစွဲနေသည့် စုတ်ပြတ်ဟောင်းနွမ်းနေသည့်အရာများကို အလ္လာဟ်အရှင်မြတ်နှင့် တွေ့ဆုံရာတွင် အသုံးပြုခြင်းသည် လုံးဝမသင့်တော်သည့် ကိစ္စဖြစ်ပေသည်။ ထို့ကြောင့် နမားဇ်ဆောက်တည်ရာတွင် သုံးစွဲသည့် ပစ္စည်းများကို သစ်လွင်ကောင်းမွန်သည့် အရာများအား မိမိတတ်နိုင်သည့်ခန့် ဝယ်ယူသုံးစွဲရမည်။ ကြွားဝါသည့် နိယသ်မပါဘဲ နမားဇ်အတွက် သန့်ရှင်းသပ်ရပ်၊ ကောင်းမွန်သည့်အရာများကို သုံးစွဲပါက အင်န်ရှာအလ္လာဟ် စဝါးဗ်ရပေမည်။
၂။ နမားဇ်အတွက် နိယသ်ပြုပြီးသည့်နောက် လက်မြှောက်သည့်အခါ ပုခုံး၊ နားရွက်တို့ အထိ မြှောက်ရန် မလိုအပ်ပေ။ ရင်ဘတ်အထိ လက်မြှောက်လျှင် လုံလောက်ပေသည်။
၃။ နမားဇ်အတွင်း မိမိဝတ်ဆင်ထားသည့် ပုဝါကို ပုံစံကြအောင်ပြုပြင်ခြင်း၊ အချို့သည် နမားဇ်ဝတ်ပြုသည့်အခါ ပတ်သည့်ပုဝါကို အသုံးပြုကြသည်။ ထိုပတ်ထားသည့် ပုဝါကို နမားဇ်အတွင်း၌ ပြင်၍ ပတ်ခြင်း၊ ၀တ်ဆင်ထားသည့် ထမီကို ပြင်ဝတ်ခြင်း၊ ဤအချက်များကို ပြုလုပ်ပါက နမားဇ် ပျက်သည်။

၎။ ယား၍ ကုတ်ခြင်းသည် တစ်ကြိမ်၊ နှစ်ကြိမ်ခန့်အတွက် ခွင့်ပြုချက်ရှိသည်။ အကြိမ်ရေ များသွားပါက နမားဇ်ပျက်သွားမည်။

၅။ နမားဇ်ဖတ်နေသူ တစ်ဦး၏ ( နမားဇ်နှင့် မသက်ဆိုင်သည့်) လုပ်ရပ်ကို အပြင်သူတစ်ဦးတစ်ယောက်က နမားဇ်ဖတ်နေသည်ဟု မထင်နိုင်လောက်သည့် အခြေအနေအထိ ပုံစံပျက်ယွင်းစွာ ပြုလုပ်နေပါက နမားဇ်ပျက်သွားပေသည်။

၆။ နမားဇ်ဝတ်ပြုရန်အတွက် ပုဝါဆောင်းရာတွင် အလွန်ပါးလွှားသည့် ပုဝါမျိုး မဖြစ်ရပေ။ ထူထဲသည့် ပုဝါဖြစ်ရမည်။

၇။ ပုဝါဆောင်းသည့်အခါ လည်ပင်းနေရာတွင် 'ဟ'မနေရပေ (လည်ပင်းမပေါ်နေရပေ။) လည်ပင်းပေါ်နေပါက နမားဇ်မပိုင်ပါ။

၈။ နမားဇ်အတွက် ပုဝါဆောင်းသည့်အခါ နဖူးဖုံးနေပါကလည်း ယင်းပုဝါဖြင့် စဂ်ျဒဟ်ပြုခွင့်ရှိသည်။ နဖူးဖော်ထားနိုင်လျှင် ပိုကောင်းသည်။

၉။ မှို့ယာ၊ ဆိုဖာများအပေါ်တွင် နမားဇ်ဖတ်ခြင်းသည် မသင့်တော်ပေ။ အကယ်၍ ဖတ်ခဲ့ရပါကလည်း စဂ်ျဒဟ်ပြုသည့်အခါ အစွမ်းကုန် နဖူးကို ဖိချရမည်။

၁ဝ။ အမျိုးသမီးများသည် နမားဇ်ဖတ်ရန် အဇာန်ဆိုသည့် အချိန်အထိ စောင့်ဆိုင်းရန် မလိုအပ်ပေ။ အချိန်ဝင်သည်နှင့် တစ်ပြိုင်နက် နမားဇ်ဖတ်ခွင့်ရှိသည်။

၁၁။ နမားဇ်ဖတ်နေစဉ် မလိုအပ်ဘဲ မျက်လုံးမှိတ်မထားရပေ။ သို့သော် စိတ်အာရုံစုစည်းရန်အတွက် အချိန်အနည်းငယ် မျက်လုံးမှိတ်ထားနိုင်သည်။ 

၁၂။ နမားဇ်ဖတ်နေစဉ် နှာချေမိသွားပါက အလ်ဟမ်ဒုလစ်လလ္လာဟ် မဆိုရပေ။ ရုတ်တရက် နှုတ်မှထွက်သွားပါက အကြောင်းမဟုတ်ပါ။

၁၃။ ဆီး၊ ဝမ်းသွားချင်လျှက်၊ နမားဇ်ဆောက်တည်ပါက စိတ်တည်ငြိမ်မှု မရရှိနိုင်တော့သည့်အတွက် မက္ကရူသဟ်ရီမီဖြစ်သည်။ ထို့ကြောင့် နမားဇ်မစတင်မီ ဟာဂျသ်ပြုလိုက်ရမည်။ နမားဇ်ဖတ်နေစဉ်အတွင်း ဤသို့ဖြစ်လာပါက နမားဇ်ဖျက်လိုက်ပါ။ ဆီးဝမ်းသွားလိုက်ပါ။ ပြီးမှ စိတ်တည်ငြိမ်စွာဖြင့် နမားဇ်ပြန်ဖတ်ပါ။ အကယ်၍ နမားဇ်အချိန်ကုန်ဆုံးရန် အလွန်နီးကပ်နေသည်။ မိမိနမားဇ်ဖျက်လိုက်ပါက ကဿွာဖြစ်သွားမည်ကို စိုးရိမ်ရပါက ဆီးဝမ်း သွားချင်စိတ်ကို ထိန်းထားနိုင်လျှင် နမားဇ်ကို ပြီးဆုံးအောင်ဖတ်လိုက်ပါ။ မထိန်းနိုင်ပါက နမားဇ်ဖျက်၍ ပြီးမှ ကဿွာပြန်ဖြည့်ပါ။

၁၄။ နမားဇ်ဖတ်နေစဉ်အတွင်း ဒွန္နယာကိစ္စတစ်ခုခုကကြောင့် ""လာဟောင်လာ ဝလာကုဝသ"" ဖတ်လိုက်ပါက နမားဇ်ပျက်သွားမည်။ အာခိရသ်ကို ကြောက်ရွံမှုကြောင့် ဖတ်မိပါက နမားဇ်မပျက်ပေ။

၁၅။ နမားဇ်ဖတ်ရာတွင် ဟားသမ်းခြင်းကို အတတ်နိုင်ဆုံးထိန်းချုပ်ရမည်။ ကိယာမ်တွင် သမ်းဝေမိပါက ညာလက်၏ လက်ဖဝါးဖြင့် ဖုံးကာပါ။ ကအ်ဒဟ်တွင် ဘယ်လက်၏ လက်ဖမိုးဖြင့် ကာလိုက်ပါ။

၁၆။ နမားဇ်တွင် မလိုအပ်ဘဲ ချောင်းဟန့်ခြင်း၊ ချောင်းဆိုးခြင်းတို့သည် မက္ကရူသဟ်ရီမီဖြစ်၏။ ရောဂါကြောင့် ချောင်းဆိုးခြင်းဖြစ်ပါက ခွင့်ပြုချက်ရှိသည်။ သို့သော် အတတ်နိုင်ဆုံး ထိန်းချုပ်ရမည်။ 

၁၇။ နမားဇ်ဝတ်ပြုရာတွင် အတွင်းမှဝတ်ဆင်ထားသည့် အ၀တ်သည် အလယ်အလတ်တန်းစားရှိသော အ၀တ်ဖြစ်ရမည်။ တတ်နိုင်ပါက အကောင်းဆုံးသော အ၀တ်အစားဖြင့် နမားဇ် ၀တ်ပြု ရမည်။ အပြင်သို့သွားလျှင်ပင် မ၀တ်သည့် အလွန်ဟောင်းနွမ်း စုတ်ပြတ်နေသည့် အ၀တ်မျိုးဖြင့် နမားဇ်ဝတ်ပြုပါက မက္ကရူဟ်ထိုက်၏။
၁၈။ အမျိုးသမီးများအနေဖြင့် နမားဇ်ဝတ်ပြုသည့်အခါ အောက်ပိုင်းတွင် ၀တ်ဆင်ထားသည့်အ၀တ်သည် ပွ၍ ထူထဲသော အမျိုးအစားထဲမှ ဖြစ်ရမည်။ စတောကင်၊ ဂျင်းဘောင်းဘီအကျပ်၊ ဆွဲသားဘောင်းဘီအကျပ်၊ ခြေသလုံးသားများကို မြင်နိုင်လောက်အောင် ပါးလွှာသည့် စကပ်၊ ထမီ၊ ဂါဝန်၊ ခန္ဓာကိုယ်ကို အတိုင်းသားမြင်နိုင်လောက်အောင် ပါးလွှာ၊ တင်းကြပ်သည့် အ၀တ်အစားများဝတ်၍ နမားဇ်ဖတ်ခြင်း မပိုင်ပါ။ ယင်းကဲ့သို့ အ၀တ်များကို ၀တ်ဆင်ထားပြီး အပေါ်မှ ထပ်၍ ဘုရ်ကအ်(သို့) အခြား ထူထဲသော အ၀တ်ကို ၀တ်ဆင်ပြီးဖတ်မှသာလျှင် နမားဇ် ပိုင်မည်ဖြစ်သည်။
အထက်တွင်ဖေါ်ပြထားသည့် အ၀တ်များကို ၀တ်ဆင်ပြီး ဘုရ်ကအ်မပါပဲ အပြင်ထွက်ပါက ၀တ်ဆင်သူ၊ ၀တ်ရန်ခွင့်ပြုပေးသူ နှစ်ဦးစလုံးပေါ် အပြစ်ထိုက်သည်။ ၎င်းအ၀တ်များကို ၀တ်ဆင်ခြင်းသည် ကျန်းမာရေးအရလည်း မညီညွတ်ပါ။ (မွတ်စလ်မာန် အမျိုးသမီးများအားလုံးကို လိုက်နာနိုင်စွမ်း ချီးမြှင့်တော်မူပါ)
၁၉။ အမျိုးသမီးများအနေဖြင့် နမားဇ်အတွင်း ကိရာအသ်ဖတ်ခြင်းနှင့် အခြားသော အရာများ ရွတ်ဖတ်ရာတွင် မိမိကြားနိုင်လောက်သည်ခန့် အသံထုတ်၍ ဖတ်သင့်သည်။ ယင်းကဲ့သို့ ဖတ်ပါက နမားဇ်အတွင်း စိတ်ဝင်စားမှုလည်း ရှိမည်။ လုံးဝအသံမထုတ်ပဲ ဖတ်ခြင်းသည် မသင့်လျော်ပါ။ (အသံထုတ်ခြင်းသည် အပြင်သူကြားနိုင်လောက်အောင် အသံထုတ်ခြင်းကို မဆိုလိုပါ။ အပြင်သူကြားနိုင်လောက်အောင် အသံထုတ်ပါက နမားဇ်မပိုင်ပါ။) အကယ်၍ အသံလည်းမထုတ်၊ ပါးစပ်လည်း မလှုပ်ပဲ ဖတ်ပါက နမားဇ် အထမမြောက်ပါ။

၂ဝ။ သက်ဗီးရေသဟ်ရီမဟ်ကို အနည်းငယ် အသံထုတ်ပြီး ဆိုရမည်။

၂၁။ လက်ပိုက်ရာတွင် ပုဝါအတွင်းမှသာ ပိုက်ရမည်။ ပုဝါအပေါ်သို့ လက်ထုတ်၍ မပိုက်ရပါ။ 

၂၂။ ရုကုအ်ဦးညွှတ်ရာတွင် ယောကျာ်းများကဲ့သို့ ကျောကုန်းတစ်ဖြောင့်တည်း၊ ဒူးနှစ်ဖက်ကို လက်ဖြင့် စုပ်ကိုင်ထားခြင်းများကို အမျိုးသမီးတို့ ပြုမူရန် မလိုအပ်ပေ။ ရုကူတွင် ခန္ဓာကိုယ်အနည်းငယ် ကိုင်းလျှင်လုံလောက်သည်။ လက်ချောင်းများကို ဒူးနှစ်ဖက်အပေါ်သို့ တင်ရုံသာ တင်ထားရမည်။ ဆုပ်ကိုင်ထားရန် မလိုအပ်ပေ။

၂၃။ ရုကူမှ ပြန်ထသည့်အခါ "စမီအလ္လာဟုလိမန် ဟမိဒဟ် ရဗ္ဗနာ လကလ်ဟမ်ဒ်"  ဟု ပြည့်ဝစွာရွတ်ဆိုပြီးသည်အထိ မတ်တပ်ရပ်ရမည်။ ပြီးနောက်မှ စဂ်ျဒဟ်သို့ သွားရမည်။

၂၄။ စဂ်ျဒါသို့ သွားရာတွင်လည်းကောင်း၊ ပထမစဂ်ျဒဟ်မှ ပြန်ထရာတွင်လည်းကောင်း လက်ကို ဂျာအေနမားဇ်နှင့် ရှပ်တိုက်ဆွဲယူခြင်းမပြုရပေ။ ဤသို့ပြုခြင်းသည် ပျင်းရိဖျင်းတွဲသူတို့၏ လက္ခဏာဖြစ်သည်။ လက်ကို ကြွယူလိုက်ရမည်။ အကယ်၍ ရောဂါကြောင့် ဥပမာ အရိုးအဆစ်များအားနည်းခြင်းကြောင့် ခန္ဓာကိုယ်၏ လေးပင်သည့်ဝိတ်ကို မနိုင်ပါက ရှပ်တိုက်ဆွဲယူနိုင်ပါသည်။ သို့သော် တက်နိုင်သလောက် ကြွယူခြင်းက ပိုကောင်း၏။

၂၅။ စဂ်ျဒဟ်ပြုလုပ်ရာတွင် စဂ်ျဒဟ်တစ်ခုပြုပြီးသည့်နောက် ခန္ဓာကိုယ်ကို တည့်မတ်စွာထိုင်ရမည်။ ပြီးနောက်မှ ဒုတိယစဂ်ျဒဟ်ကို ပြုရမည်။ ဤသို့မဟုတ်ဘဲ ခေါင်းထောင်ရုံလေးသာ ထောင်လိုက်ပြီး ဒုတိယစဂ်ျဒဟ်ပြုပါက မပိုင်ပါ။

၂၆။ ကအ်ဒဟ်ထိုင်ရာတွင် ခန္ဓာကိုယ်ကို မယိမ်းနေရပေ။ တည်ငြိမ်စွာ ထိုင်ရမည်။ 

၂၇။ သရှဟွဒ်အတွက် လက်ညှိုးထောင်ရာတွင် လက်ညှိုးကို ကစ်ဗ်လာဖက်သို့သာ တစ်ဖြောင့်တည်း ထားရမည်။ မိုးပေါ်သို့ မထောင်ရပေ။

၂၈။ အမျိုးသမီးများ၏ စဂ်ျဒဟ်တွင် လက်နှစ်ဖက်ကို နံဘေးနှင့် ကပ်ထားရမည်ဟု မိန့်ထားသည်။ နံဘေးဟုဆိုရာတွင် ခန္ဓာကိုယ်၏ ဘေးနံရိုးများကို ဆိုလိုခြင်းမဟုတ်။ စဂ်ျဒဟ်ချလိုက်သည့်အခါ လက်မောင်းကို ခန္ဓာကိုယ်၏ ဘေးနှင့် ကပ်ထားခြင်းကို ဆိုလိုခြင်းဖြစ်သည်။

၂၉။ အမျိုးသမီးများ အနေဖြင့် အောက်ပိုင်းဝတ် အတွင်းခံကိုဝတ်ပြီး နမားဇ်မဖတ်သင့်ပါ။ လုံးဝသန့်သည်ဟု မှတ်ယူနိုင်မှသာလျှင် ၀တ်ဖတ်ခွင့် ရှိသည်။ အကယ်၍ မသန့်များရှိနေခဲ့ပါက နမားဇ်ဝတ်ပြုရာတွင် အ၀တ်အစားသန့်ရမည့် စည်းကမ်းနှင့် မကိုက်ညီသည့်အတွက် နမားဇ်မပိုင်ပါ။

၃ဝ။ အမျိုးသမီးများသည် ဝုဇူပြုပြီးနောက် အဖြူဆင်းခြင်းဖြစ်ပါက ဝုဇူပျက်သည်။ (ယင်းရောဂါကို ပျောက်ကင်းအောင် ကုသသင့်သည်။ သားအိမ်အားနည်း၍ ဆင်းခြင်းဖြစ်သဖြင့် ကောင်းမွန် အဟာရရှိသော အစားအစာများကို စားသုံးပြီး ဆရာဝန်ညွှန်ကြားသည့် ဆေးနည်းကို သေချာစွာ သောက်သုံးရမည်ဖြစ်သည်။)

၃၁။ အဝတ်အစားတွင် အတွင်းခံတွင် အဖြူများပေကျံပါက ယင်းအဝတ်အစားသည် မသန့်ဖြစ်၏။

၃၂။ အမျိုးသမီး အမျိုးသား တို့သည် ရုပ်ပုံများပါသည့် အဝတ်အထည်ဖြင့် နမားဇ်ဖတ်ခြင်းသည် မက္ကရူဟ်ဖြစ်သည်။ နမားဇ်မဟုတ်သည့် ပြင်ပတွင် ဝတ်ပါကလည်း မက္ကရူဟ်ပင်ဖြစ်သည်။

၃၃။ ညအိပ်ဝတ် အ၀တ်အစားများဖြင့် နမားဇ်ဖတ်ခြင်းသည် မသင့်လျော်ပါ။

အမျိုးသမီးများအတွက် နမားဇ်ဖတ်ရန် အကောင်းဆုံးနေရာမှာ အိမ်၏အတွင်းခန်းပင်ဖြစ်သည်။

အမျိုးသမီးသည် နမားဇ်ဝတ်ပြုနေရင်း ဖုံးအုပ်ရမည့် အစိတ်အပိုင်းများ အနက်မှ အစိတ်အပိုင်း တစ်ခု၏ ၄ပုံ၁ပုံ ပေါ်သွားလျှင် နမားဇ်ပျက်သည်။ အစိတ်အပိုင်းတစ်ခုဆိုသည်မှာ ဥပမာ လက်ဟုပြောလျှင် အစိတ်ပိုင်း နှစ်ခုရှိသည်။ လက်မောင်းမှ တံတောင်ဆစ်အထိ အစိတ်အပိုင်းတစ်ခု၊ တံတောင်ဆစ်မှ လက်ဖျားအထိ အစိတ်အပိုင်းတစ်ခု ဖြစ်သည်။
ဖုံးအုပ်ရမည့် အစိတ်အပိုင်း ၄ ပုံ ၁ ပုံပေါ်ခြင်းက ဘယ်အချိန်အထိခွင့်ရှိလဲ
ပုံစံ ၃မျိုးရှိသည်။
၁။ ပေါ်သည့်အတိုင်းအတာသည် များမည်။ ပေါ်သွားသည့် အချိန်နည်းမည်။
၂။ ပေါ်သည့်အတိုင်းအတာ နည်းမည်။ ပေါ်သည့် အချိန်များမည်။ ဤပုံစံ ၂မျိုးလုံးတွင် နမားဇ်မပျက်ပါ။
၃။ ပေါ်သည့်အတိုင်းအတာလည်းများမည်။ ပေါ်သည့်အချိန်လည်းများမည်။ ဤပုံစံတွင် နမားဇ်ပျက်မည်။

အလ်မုဖီးဒ်

Website: http://aaitee.blogspot.com
Facebook: http://www.facebook.com/almufeed.mm
Email: haroonrangoni@gmail.com
google တွင်ရှာရန် “ အလ်မုဖီးဒ် ” ဟု မြန်မာလိုရိုက်၍ရှာပါ။
မိမိဖုန်းထဲတွင် ပြန်လည်ဖတ်ရှုရန် သိမ်းထားလိုပါက Simple Islam.apk ဖိုင်ကို ဒေါင်းလုတ်ဆွဲပြီး Install လုပ်ထားပါ။

ဟဂ်ျပြုခြင်းဆိုင်ရာ သိမှတ်ဖွယ်ရာများ (၃)

ဗိုင်သွလ္လာဟ် (ကအ်ဗာကျောင်းတော်) တွင် ခစားခြင်း
မက္ကာဟ်ရွှေမြို့တော်သို့ရောက်ရှိ၍ တည်းခိုခန်း အစရှိသည်တို့တွင် နေရာထိုင်ခင်း စီစဉ်ပြီးနောက် တက်နိုင် သမျှ အမြန်ဆုံး ဟရမ်ကျောင်းတော်သို့ အခစားဝင်ပါ။
- ဗိုင်သွလ္လာဟ်အား မြင်တွေ့သည်နှင့် စိတ်ရောကိုယ်ပါ ခယရိုကျိုး၍ ဒိုအာပြုပါ။ ဤအချိန်သည် ဒုအာကဗူလ်ပြုလက်ခံသော အချိန်ဖြစ်သည်။
- အကယ်၍ ဟဂ်ျဂျေအိဖ်ရာဒ်အတွက် အဲဟ်ရာမ်ဝတ်ဆင်ထားပါက ဗိုင်သွလ္လာဟ်သို့ ဝင်ရောက်ခစားသည်နှင့် သွဝါးဖေကုဒူးမ် ပြုလုပ်ပါ။
- အကယ်၍ ဟဂ်ျဂျေသမသ်သိုအ် နှင့် ဟဂ်ျဂျေကိရားန်၏ အဲဟ်ရာမ်ဝတ်ဆင်ထားပါက ဦးစွာပထမ သွဝါးဖေအွမ္မရာဟ် ပြုလုပ်ပါ။
- ဟဂ်ျဂျေသမသ်သိုအ် ပြုလုပ်သူအတွက် သွဝါးဖေကူဒူမ်၏ အမိန့်မရှိပေ။
- ဟဂျဂျေကိရားန် ပြုသူသည် အွမ္မရာဟ်ပြုပြီးနောက် သွဝါးဖေကူဒူးမ် ပြုရမည်။
- ဟဂ်ျဂျေသမသ်သိုအ် ပြုလုပ်သူသည် သွဝါးဖေအွမ္မရာဟ် ပြုလုပ်ပြီးနောက် အွမ္မရာဟ် ပြီးမြောက်စေရန်အတွက် ဆွဖာ နှင့် မရ်ဝါအား စအီပြုရမည်။
- ဟဂျဂျေကိရားန် ပြုသူမှာလည်း ထိုနည်းတူစွာပင် အွမ္မရာဟ် ပြုရမည်။
- အမျိုးသမီးများအတွက် ရမလ် (လျင်မြန်စွာလျှောက်လှမ်းခြင်း) နှင့် အိဇ်သွေဗာအ် (အမျိုးသားများ အဲဟ်ရာမ်ခြုံထည်ကို ညာဘက်ဂျိုင်းမှထုတ်၍ ဘယ်ဘက် ပုခုံးပေါ်တင်ခြင်း) မရှိပေ။ အချို့အမျိုးသမီးများသည် သွဝါးဖ်ပြုရာတွင် အမျိုးသားများကဲ့သို့ပင် ရမလ်ပြုကြသည်။ ဤသို့ပြုခြင်းမှာ မှားယွင်းသည်။ ရှောင်ကြဉ်ရမည်။ - သွဝါးဖ်၏အစနှင့် အဆုံးသည် ဟဂျရေအတ်စ်ဝဒ် (ကျောက်နက်တုံး) အား နမ်းရှုံခြင်းဖြင့် ဖြစ်သည်။
- ဟဂျရေအတ်စ်ဝဒ် ၏ အရှေ့ အောက်အခင်းပေါ်၌ မူသွားဖ် (သွဝါးဖ်ပြုရာနေရာ) တစ်ခုလုံးတွင် အနက်ရောင်ဖြင့် လိုင်းဆွဲထားသည်။ ထိုအနက်ရောင် လိုင်းအနားသို့သွား၍ ဤပုံစံဖြင့် မတ်တပ်ရပ်ပါ။ ဟဂျရေအတ်စ်ဝဒ်သည် မိမိ၏ညာဘက်တွင် ရှိနေရမည်။ တဖန် သွဝါးဖ်၏နိယသ်ကို ဤသို့ပြုလုပ်ပါ။ အို အလ္လာဟ် ကျွန်တော်မျိုး/မသည် အရှင်မြတ်၏ သန့်ပြန့်လှသောအိမ်တော်အား သွဝါးဖ်ခုနှစ်ပတ် ပတ်ရန် ရည်ရွယ်ပါသည်။ အရှင်မြတ်၏ နှစ်မြို့မှုအတွက်သာ ဖြစ်သည်။ ထို့ကြောင့် ၄င်းကို ကျွန်တော်မျိုး/မ အတွက် လွယ်ကူစေတော်မူပါ။
- နိယသ်ပြုပြီးနောက် ညာဘက်သို့လျှောက်ပါ။
- ဟဂျရေအတ်စ်ဝဒ်၏ အရှေ့တည့်တည့်သို့ ရောက်လာလျှင် မျက်နှာနှင့် ရင်ဘက်အား ဟဂျရေအတ်စ်ဝဒ် ဘက်သို့လှည့်၍ အနက်ရောင်လိုင်းပေါ် မတ်တပ်ရပ်လိုက်ပါ။ နမားဇ်ဝတ်ပြုလျှင် လက်မြှောက်သကဲ့သို့ မြှောက်၍ " بسم الله الله أكبر ولله الحمد" ရွတ်ဆိုကာ လက်ချလိုက်ပါ။
- ထို့နောက် ဟဂျရေအတ်စ်ဝဒ်အား နမ်းရှုံပါ။ နမ်းရှုံရမည့် ပုံသဏ္ဍန်မှာ အကယ်၍ ဟဂျရေအတ်စ်ဝဒ်အထိ ရောက်ရှိနေပါက မိမိ၏ပါးစပ်အား လက်နှစ်ဖက်ကြားတွင် ထားပါ။ နမားဇ်တွင် စဂ်ျဒါဟ်ပြုသကဲ့သို့ပင် ဖြစ်သည်။ တဖန် ညှင်သာစွာဖြင့် နမ်းရှုံပါ။
- အကယ်၍ လူစုလူဝေးရှိနေ၍ ဟဂျရေအတ်စ်ဝဒ်အထိ မရောက်နိုင်လျှင် အနက်ရောင် လိုင်းပေါ်တွင် မတ်တပ်ရပ်ကာ အဝေးမှပင် လက်နှစ်ဖက်အား ဟဂျရေအတ်စ်ဝဒ် ဘက်သို့မူ၍ (လက်နှစ်ဖက်ကို ဟဂျရေအတ်စ်ဝဒ်ဘက်သို့ ဆန့်ထုတ်ကာ အရိပ်အမြွက်ဖြင့်) နမ်းရှုံလိုက်ပါ။ စိတ်ထဲတွင် ဟဂျရေအတ်စ်ဝဒ်အား နမ်းရှုံနေသည်ဟု အာရုံပြုပါ။ နမ်းရှုံချိန်တွင် ဤဒိုအာရွတ်ဆိုပါ။الله أكبر ﻻ اله إلا الله و الصلوة و السلام على رسول الله
- အဝေးမှ နမ်းရှုံလျှင်လည်း အနီးမှနမ်းရှုံသကဲ့သို့ပင် စဝါးဗ်အပြည့်အဝ ရမည်ဖြစ်သည်။ ထို့ကြောင့် လူအများကြားတွင် တိုးဝှေ့ခြင်း မပြုပါနှင့်။ အထူးသဖြင့် အမျိုးသမီးများသည် တက်နိုင်သ၍ အမျိုးသားများနှင့် မရောထွေးစေရန် သတိပြုသင့်သည်။
- နမ်းရှုံခြင်းပြုပြီးနောက် ချက်ချင်းပင် မိမိ၏မျက်နှာ၊ ရင်ဘက်နှင့် ခြေဖဝါးအား ဟဂျရေအတ်စ်ဝဒ်၏ ညာဘက်ခြမ်းမှနေ၍ ပြန်လျှောက်ပါ။
- သွဝါးဖ်ပြုနေချိန် မိမိအရှုအား ဗိုင်သွလ္လာဟ်တော်အား မကြည့်စေဘဲ မျက်လွှာချထားပါ။ အဝိုင်းတွင်သာလျှောက်နေပါ။
- သွဝါးဖ်တစ်ပတ်ပြုပြီး ဒုတိယအကြိမ် အနက်ရောင်လိုင်းပေါ်သို့ ရောက်လာလျှင် တဖန်ပြန်ပြီး မျက်နှာနှင့် ရင်ဘက်အား ဟဂျရေအတ်စ်ဝဒ် ဘက်သို့မူကာ နမ်းရှုံပါ။ ထိုနည်းအတိုင်းပင် ခုနှစ်ပတ် အပြည့်ပြုပါ။
- သွဝါးဖ်ခုနှစ်ပတ်လုံးတွင် ဝူဇူနှင့်တကွရှိနေရန် အရေးကြီးသည်။ အကယ်၍ ပထမလေးပတ်တွင် ဝူဇူပျက်သွားခဲ့လျှင် ဝူဇူပြုကာ အစမှတဖန် သွဝါးဖ်ပြုရမည်။
- အကယ်၍ ပထမလေးပတ်ပြီးမှ ဝူဇူပျက်ခဲ့လျှင် ဝူဇူပြုကာ အစမှပြန်လုပ်လိုက လုပ်နိုင်သည်။ မလုပ်လျှင်လည်း အကြောင်းမဟုတ်ပေ။
- သွဝါးဖ်ပြုနေရင်း ဇိကိရ်၊ သပ်စ်ဗီးဟ်၊ သာသနာ့ရေးရာနှင့် မိမိကျက်မှတ်ထားသော ဒုအာများ ရွတ်ဆိုနိုင်သည်။ သတ်မှတ်ထားသည့် ဒိုအာသာဖတ်ရန် အရေးမကြီးပေ။ သတိထားရမည်မှာ မိမိ၏ ဒုအာဖတ်သံသည် ကျယ်လောင်၍ အခြားသူများ၏ အေဗာဒသ်တွင် အနှောင့်ယှက်မဖြစ်စေရပေ။ ယခုခေတ်တွင် သဝါးဖ်ပြုချိန်၌ အုပ်စုဖွဲ့ကာ ကျယ်လောင်စွာဖြင့် ဒုအာများရွတ်ဆိုကြသည်။ ဤသည်မှာ လုံးဝမှားယွင်းသော ပုံစံဖြစ်သည်။
- သွဝါးဖ်ခုနှစ်ပတ်လုံး ပြီးမြောက်သွားလျှင် ဝါဂျေဗုသ်သွဝါးဖ် နမားဇ်နှစ်ရကအသ် ဝတ်ပြုရန် အရေးကြီးသည်။ မက္ကရူဟ်အချိန် ဖြစ်နေလျှင် သွဝါးဖ်ဆက်ပြုနေပါ။ မက္ကရူဟ်အချိန် ကျော်လွန်ပြီးမှသာ သွဝါးဖ်များအားလုံး၏ နမားဇ်များကို အစဉ်လိုက်ဝတ်ပြုပါ။
- သွဝါးဖ်နမားဇ်အား မကားမေအိဗ်ရာဟီးမ်၏ အနီးနားတွင်ဖတ်ခြင်းမှာ စွန္နသ်ဖြစ်သည်။ ပထမရကအသ်တွင် စူရဟ်ကာဖိရူးန် နှင့် ဒုတိယရကအသ်တွင် စူရဟ်အိခ်လားစွ် ဖတ်ပါ။ အကယ်၍ မကားမေအိဗ်ရာဟီးမ်အနားတွင် နေရာမရပါက မည်သည့်နေရာတွင်မဆို နမားဇ်ဝတ်ပြုလိုက်ပါ။
- သွဝါးဖ်ပြုပြီးနောက် မူလ်သဇမ် (ဟဂျရေအတ်စ်ဝဒ် နှင့် ဗိုင်သွလ္လာဟ်၏ တံခါးအကြား နှစ်ကိုက်ခွဲခန့်တွင် ကအ်ဗာဟ်ကျောင်းတော်၏ နံရံရှိသည်။) နားတွင် ဒိုအာတောင်းခံခြင်း မုစ်သဟဗ်ဖြစ်သည်။ ဤသည်မှာ ဒိုအာ ကဗူလ်ဖြစ်သော သီးသန့်နေရာဖြစ်သည်။
- သွဝါးဖ်ပြုပြီးနောက် ဇမ်ဇမ်ရေသောက်သုံးခြင်း မုစ်သဟဗ်ဖြစ်သည်။ ဇမ်ဇမ်ရေ သောက်သုံးချိန်တွင်လည်း ဒိုအာတောင်းခံလျှင် ဒိုအာကဗူလ် ဖြစ်သည်။

ဆွဖာနှင့် မရ်ဝါအား စအီပြုခြင်း
သွဝါးဖ်ပြုပြီးနောက် စအီပြုပါက ဟဂျရေအတ်စ်ဝဒ်အား နမ်းရှုံပြီးနောက် အနက်ရောင်လိုင်းတည့်တည့်မှ လျှောက်သွားပါ။ ယင်းအနက်လိုင်းမှ အနည်းငယ်အကွာဝေးတွင် ဆွဖာတောင်၏ နေရာရှိသည်။
- ဆွဖာတောင်ပေါ်သို့ ဗိုင်သွလ္လာဟ်ကျောင်းတော်အား မြင်နိုင်ရုံခန့်သာ တက်ပါ။ ထို့ထက်ပို၍ အပေါ်တက်ခြင်း မက္ကရူဟ် ဖြစ်သည်။
- ဤနေရာတွင် ဦးစွာပထမ ကိဗ်လဟ်ဘက်သို့ မျက်နှာမူကာ စအီ၏ နိယသ်ပြုပါ။ တဖန် ဒိုအာတောင်းသကဲ့သို့ လက်မြှောက်ပါ။ လက်မြှောက်ပြီးလျှင် ဇိကိရ် ဒိုအာ အစရှိသည်တို့ပြုပါ။ ဤနေရာသည်လည်း ဒိုအာလက်ခံသော နေရာများတွင် ပါဝင်သည်။
- အများအားဖြင့် အချို့သူများသည် နမားဇ်အစတွင် လက်မြှောက်သကဲ့သို့ မြှောက်ကြသည်။ ဤသို့ မပြုအပ်ပေ။
- တဖန် ဆွဖာမှ မရ်ဝါသို့ သွားပါ။ မရ်ဝါရောက်လျှင် တပတ်ပြည့်သည်။ ဆွဖာတွင် ပြုသကဲ့သို့ပင် မရ်ဝါတွင်လည်း လက်မြှောက်ကာ ဇိကိရ် ဒိုအာများပြုပါ။
- ဆွဖာနှင့် မရ်ဝါကြားတွင် မီးစိမ်းနေရာ၌ အမျိုသမီးများသည် လျှင်မြန်စွာ လျှောက်လှမ်းခြင်းမပြုရ။ ပုံမှန်လျှောက်နှုန်းအတိုင်းသာ လျှောက်ပါ။ ပြေးခြင်းလည်းမပြုရပေ။ အစိမ်းရောင်တိုင် အနီးတွင်
ဤဒိုအာရွတ်ဆိုရန် ဆင့်ပြန်ချက် တစ်ရပ်လာရှိပေသည်။
رب اغفر وارحم إنك أنت الاعزوالاكرم (
အို အလ္လာဟ် လွတ်ငြိမ်းချမ်းသာခွင့်နှင့် ဂရုဏာတော် ( မဂ်ဖိရသ်နှင့် ရမသ်ကို) ချီးမြှင့်တော်မူပါ။ မုချဧကန် အရှင်မြတ်သည်သာလျှင် အရာခပ်သိမ်းအား လွှမ်းမိုးတော်မူပြီး အားလုံးထက်သာပို၍ ရက်ရောတော်မူသော အရှင်မြတ် ဖြစ်တော်မူပါသည်။
- စအီပြုနေရင်း ဝူဇူပျက်သွားခဲ့လျှင် ဝူဇူပြန်လုပ်ရန် မလိုပေ။ အကယ်၍ ဝူဇူပြန်လုပ်ခဲ့လျှင်လည်း စအီအား အစမှတဖန် ပြုလုပ်ရန်မလိုပေ။ ကျန်ရှိသောစအီအား ဆက်လုပ်ပါ။ စအီအစတွင် ဝူဇူပျက်သည်ဖြစ်စေ၊ နောက်မှပျက်သည် ဖြစ်စေ အမိန့်တစ်မျိုးတည်းပင် ဖြစ်သည်။
- စအီပြုပြီးလျှင် မတ်စ်ဂျိဒိဟရာမ်ကျောင်းတော်အတွင်း တစ်နေရာ၌ နဖိလ်နှစ်ရကအသ် ဝတ်ပြုခြင်းသည် မုစ်သဟဗ် ဖြစ်သည်။
- ***မှတ်သားထားရမည်မှာ စအီသည် ဟဂ်ျ သို့ အွမ္မရာဟ်နှင့် တွဲလျှက်သာ ပြုခွင့်ရှိသည်။ ဟဂ်ျ သို့ အွမ္မရာဟ် မပြုလုပ်ဘဲ သီးသန့် နဖိလ်စအီ ပြုခွင့်မရှိပါ။ အချို့သူများသည် နဖိလ်သွဝါးဖ်ပြုသကဲ့သို့ပင် နဖိလ်စအီလည်း ပြုလုပ်ကြသည်။ ဤသို့ပြုခြင်းသည် လုံးဝမှားယွင်း၏။

ဆံသခြင်း
စအီပြုပြီးနောက် ဟဂ်ျဂျေသမသ်သိုအ်ပြုလုပ်သူများ ဆံချကာ (အမျိုးသားဖြစ်လျှင် ခေါင်းတုံးခြင်း၊ အမျိုးသမီးဖြစ်လျှင် လက်တစ်ဆစ် ဆံပင်အောက်ပိုင်းအား ညှပ်ခြင်း) အဲဟ်ရာမ်ချွတ်လိုက်ပါ။

မတ်စ်အလဟ်အဲဟ်ရာမ်ချွတ်ရန်အတွက် ခင်ပွန်းက ဇနီးအားလည်းကောင်း၊ ဖခင်မှ သမီးကိုလည်းကောင်း ဆံပင်လက်တဆစ်ခန့် ညှပ်ပေးခွင့်ရှိသည်။ အမျိုးသမီးများ အချင်းချင်းလည်း ညှပ်ပေးနိုင်သည်။
* မှတ်သားထားရမည်မှာ ဆံသခြင်းမပြုပဲ(ဆံသခြင်းမပြုသရွေ့) အဲဟ်ရာမ်၏စည်းကမ်းများ ကျန်နေအုံးမည်။ (အဲဟ်ရာမ်၏ စည်းကမ်းအတိုင်း နေထိုင်ရမည်။)
* အွမ္မရာဟ်ပြုသူ ဟဂ်ျပြုသူသည် ကျင့်စဉ်များအားလုံး ဆောင်ရွက်ပြီး၍ ဆံချရန်သာကျန်နေလျှင် မိမိဆံပင်အား ကိုယ်တိုင်လည်းညှပ်ခွင့်ရှိသည်။ သို့သော် ဆံပင်မညှပ်မီ လက်သည်း၊ ခြေသည်း အစရှိသည်တို့ကို မညှပ်ရပေ။ ညှပ်ခဲ့လျှင် ဒမ်ထိုက်မည်။

အွမ္မရဟ်ပြုပြီးနောက် မက္ကာဟ်ရွှေမြို့တော်တွင် တည်းခိုခြင်း
- အွမ္မရဟ် အပြည့်ဝပြုပြီးနောက် ဟဂ်ျဂျေသမသ်သိုအ်ပြုသူသည် ဟလာလ်ဖြစ်သွားသည်။ ယခု မက္ကဟ်ရွှေမြို့တော်တွင် တည်းခိုခွင့်ရရှိနေခြင်းကို မင်္ဂလာတစ်ပါးဟု မှတ်ယူပါ။ တတ်နိုင်သရွေ့ သွဝါးဖ်ပြုခြင်း၊ နမားဇ် နှင့် သိလာဝသ်၊ ဇိကိရ် အစရှိသည်တို့အား စွဲမြဲစွာပြုနေပါ။ မက္ကာဟ်ရွှေမြို့တော်တွင် ကောင်းမှုတစ်ခု ပြုလုပ်ခြင်း၏ အကျိုးစဝါးဗ်သည် အဆ ပေါင်းတစ်သိန်းရရှိမည် ဖြစ်သည်။
- ဟဂ်ျမပြုလုပ်ခင် ကြားကာလအတွင်း နဖိလ်အွမ္မရာဟ်များ ပြုလုပ်လိုက ပြုနိုင်ပေသည်။ သို့သော် အဲဟ်ရာမ်ဝတ်ဆင်ရန်အတွက် မတ်စ်ဂျိဒိဟရာမ်ကျောင်းတော်အပြင် မတ်စ်ဂျိဒိအာအေရှာဟ် (သို့မဟုတ်) ဂျအ်ရာနာဟ်သို့ သွားရမည်။

မိနာဟ်သို့ထွက်ခွာခြင်း
ယောင်မွသ်သရ်ဝီယာဟ် - ဇိလ်ဟဂ်ျလ (၈) ရက်နေ့ ညမှစ၍ပင် မိနာဟ်သို့ ထွက်ခွာသွားရမည်။ ဇိလ်ဟဂ်ျလ (၇) ရက်နေ့ ညနေမှပင် အဲဟ်ရာမ် အစရှိသည်တို့အား အသင့်ပြုရမည်။ သို့မှသာ မုအလ်လိမ်မှ စီစဉ်ထားသောကားများနှင့် မိနာဟ်သို့ သွားနိုင်မည်။ အဘယ့်ကြောင့်ဆိုသော နားမလည် အတွေ့အကြုံမရှိသူအတွက် မုအလ်လိမ်မှ စီစဉ်ပေးထားသောကားများမှလွဲ၍ မိနာဟ်သို့ ရောက်ရှိရန် အလွန်ပင်ခဲယဉ်းလှသည်။ သို့သော် နားလည်တတ်ကျွမ်းပြီး အတွေ့အကြုံရှိသူအတွက် (၈) ရက်နေ့ မနက်ဖဂျရ်ပြီးမှ အေးဆေးစွာ ထွက်ခွာလိုက ထွက်ခွာပါ။
- ဟဂ်ျ၏အဲဟ်ရာမ်အား မက္ကာဟ်ရွှေမြို့တော်၌ပင် မိမိတည်းခိုရာနေရာ၌ ဝတ်ဆင်နိုင်သည်။ သို့သော် မတ်စ်ဂျိဒိဟရာမ်သို့သွား၍ နိယသ်နှင့် သလ်ဗီယာဟ်ဖတ်လျှင် ပိုကောင်း၏။
- မိနာဟ်သို့သွားရန် အဝတ်အစားတစ်စုံ၊ ဖျာ(အခင်း) တစ်ချပ်၊ ထီးတစ်ချောင်းနှင့် မုန့်ခြောက် အနည်းငယ် (ဘီစကွတ် အစရှိသည်တို့) ယူဆောင်သွားပါ။ လိုအပ်သလောက်သာ ပစ္စည်းသယ်ပါ။
- မိနာဟ်တွင် (၈) ရက်နေ့မှ (၉)ရက်နေ့ မနက်အထိနေ၍ နမားဇ်ငါးကြိမ်ဝတ်ပြုခြင်းသည် စွန္နသ်ဖြစ်၏။
- မိနာဟ်တွင် ယခုလက်ရှိတဲများမှာ ခေတ်မီစွာဆောက်လုပ်ထားသည်။ တဲများတွင် ရေအေးစက်များလည်း တပ်ဆင်ထားသည်။ သို့သော် တဲအားလုံးမှာ တပုံစံတည်းဖြစ်နေ၍ မိမိတဲအား အမှတ်သားပြုကာ မှတ်ထားပါ။ မိမိတဲမှ အဝေးသို့မသွားပါနှင့်။ ပျောက်သွားနိုင်ဖွယ်ရှိသည်။ အမည်ကဒ်ပြားအား အမြဲတစေ မိမိကိုယ်နှင့်အတူဆောင်ထားပါ။
- တဲများတွင် အမျိုးသမီး/ အမျိုးသားများ မရောနှောစေနှင့်။ ကြားတွင် ကန့်လန့်ကာခြားကာ နှစ်ပိုင်းခွဲလိုက်ပါ။ ဤအချက်သည် အလွန်အရေးကြီး၏။
- ဇိလ်ဟဂ်ျလ (၉)ရက်နေ့ ဖဂျရ်နမားဇ်အချိန်မှစ၍ (၁၃) ရက်နေ့ အဆွရ်နမားဇ်အထိ ဖရပ်ဇ်နမားဇ်ပြီးတိုင်း အမျိုးသားများမှာ ကျယ်လောင်စွာဖြင့် အမျိုးသမီးများမှာ တီးတိုးစွာဖြင့် တစ်ကြိမ် သပ်က်ဗီရေသရ်ှရီးက်ဖတ်ခြင်း ဝါဂျိဗ်ဖြစ်သည်။
" သက်ဗီရေ သရ်ှရီးက် " : الله أكبر، الله أكبر، ﻻ إله إلا الله والله أكبر، الله أكبر ولله الحمد

အရ်ဖားသ်ကွင်းပြင်တွင်
မုအလ်လီမ်ကားများမှ ညထဲကပင် အရ်ဖားသ်ကွင်းပြင်သို့ စတင်ခေါ်ဆောင် သွားလေသည်။ သို့သော် စွန္နသ်တော်မှာ ဖဂျရ်ဖတ်ပြီးမှ အရ်ဖားသ်ကွင်းပြင်သို့ ထွက်ခွာရမည်။
အရ်ဖားသ်သို့သွားနေချိန်၌ စိတ်ရောကိုယ်ပါ သလ်ဗီယာဟ် တသနေပါ။ အချစ်ရူးတစ်ဦးပမာ အလ္လာဟ်အရှင်မြတ်၏ ထံတော်ပါးမှ ဂရုဏာတော်အား မျှော်ကိုးလျှက် အရ်ဖားသ်ကွင်းပြင်ဆီသို့ ခရီးနှင်ပါ။ ဤနေ့သည်သာလျှင် ဟဂ်ျကျင့်စဉ်၏ အထူးနေ့ရက် ဖြစ်ပါသည်။
- အရ်ဖားသ်တွင် မိမိတည်းခိုရမည့် နေရာအား ဦးစွာ စုံစမ်းသိရှိထားလျှင် ပိုကောင်း၏။ အချို့အချိန်အခါများတွင် မူအလ်လီမ်၏ ကားများသည် ကားလမ်းကြောင်း ပိတ်ဆို့မှုကြောင့် ကြန့်ကြာတတ်သည်။ ထို့ကြောင့် အရ်ဖားသ်တွင် ဝူကူးဖ်ပြု (စောင့်ဆိုင်း) ရမည့်အချိန်သည် အများအားဖြင့် ကားပေါ်တွင် ထိုင်လျှက်ပင် ကုန်ဆုံးသွားတတ်သည်။ မိမိ၏တည်းခိုရမည့်နေရာအား ကြိုတင်သိရှိထားလျှင် အရ်ဖားသ်၌ မည်သည့်နေရာတွင်မဆို ဆင်းကာ ခြေလျှင်ဖြင့် တဲသို့သွားနိုင်သည်။ မိနာဟ်မှ Taxi ဖြင့်လည်း လာနိုင်သည်။
- အရ်ဖားသ်တွင် နားခိုရမည့် ဖရပ်ဇ်အချိန်မှာ မွန်းလွဲပြီးနောက်ပိုင်းမှ စတင်သည်။ ထို့ကြောင့် မွန်းတည့်ချိန်မရောက်ခင်ကတည်းက ကြိုတင်အသင့်ပြင် ထားသင့်သည်။ သို့မှသာ နောက်ပိုင်းအချိန်များ လစ်ဟင်းတော့မည်မဟုတ်ပေ။
- နေဝင်ချိန်အထိ အရ်ဖားသ်တွင်နေရန် ဝါဂျိဗ်ဖြစ်သည်။
- အရ်ဖားသ်တွင် ရှိနေချိန်၌ အချိန်ပြည့် ဒုအာ/ သလ်ဗီယာဟ် နှင့် အခြားသောအိဗာဒသ်များတွင် ကုန်ဆုံးရမည်။ တန်ဖိုးရှိလှသော အချိန်အား ပျင်းရိမှုများတွင် မကုန်ဆုံးစေပါနှင့်။ နေမဝင်မီပင် မုအလ်လီမ်များသည် ဟာဂျီတို့အား ကားပေါ်သို့ထိုင်စေလိုက်သည်။ သို့သော် နေဝင်ပြီးမှသာ ကားများထွက်ခွာသည်။ ကားပေါ်တွင်လည်း ဒုအာ၊ ဇိကိရ်တို့ ဖတ်မြဲဖတ်နေပါ။
- နေဝင်သွားသော်လည်း အရ်ဖားသ်တွင် မဂ်ရိဗ် မဖတ်ရပေ။

မုဇ်ဒလိဖာဟ်သို့ ထွက်ခွာခြင်း
- နေဝင်ပြီးနောက် အရ်ဖားသ်မှ မုဇ်ဒလိဖာဟ်သို့ ထွက်ခွာရမည်။
- မုဇ်ဒလိဖာဟ်သို့ ရောက်သောအခါ မဂ်ရိဗ်နှင့် အိရှာ (နမားဇ်နှစ်ကြိမ်) အား အိရှာအချိန်တွင် ပေါင်းဖတ်ရမည်။ ဤနမားဇ်နှစ်ကြိမ်အား ပေါင်းဖတ်ခြင်းသည် ဝါဂျိဗ်ဖြစ်၏။ တဦးတည်းဖတ်သည် ဖြစ်စေ။ အေမာမ်နှင့်တကွ ဖတ်သည်ဖြစ်စေ။
- မုဇ်ဒလိဖာဟ်၏ (ဤ)ညသည် အလွန်ပင်မင်္ဂလာအပေါင်းနှင့် ပြည့်စုံလှသော ညဖြစ်သည်။ သာသနာ့ပညာရှင်အချို့က ဤညအား ရှဗေကဒရ်ထက်ပင် မွန်မြတ်သည်ဟု ဖေါ်ပြထားသည်။ ဤညအား အိပ်စက်ခြင်းဖြင့်သာ မကုန်ဆုံးစေနှင့်။
- များသောအားဖြင့် မုဇ်ဒလိဖာဟ်တွင် ကောင်းကင်အောက်၌ အကာအရံမဲ့စွာ မိမိတို့၏ ဖျာအခင်းပေါ်၌သာ နေရတတ်သည်။ သေခြာကောင်းမွန်သော စီမံမှုများရှိနေသော်လည်း ရေအစရှိသည်တို့၏ နည်းပါးမှုနှင့် ကြုံရတတ်သည်။ ထို့ကြောင့် အရ်ဖားသ်မှပင် ရေ အစရှိသည်တို့အား စီစဉ်ထားလျှင် အကောင်းဆုံးဖြစ်သည်။ စားသောက်ဖွယ်ရာ အချို့ကိုလည်း မိမိနှင့်အတူ ယူဆောင်လာပါ။
- ဟနဖီမဇ်ဟဗ်ဝင်များအတွက် မုဇ်ဒလိဖာဟ်တွင် နားခိုရမည့် အဓိကအချိန်မှာ ဇိလ်ဟဂ်ျလ ဆယ်ရက်မြောက်နေ့ နံနက်အာရုဏ်ဦးအချိန်မှ နေထွက်ချိန်၏ ကြားကာလ ဖြစ်သည်။ ထို့ကြောင့် ပထမဦးဆုံး အချိန်တွင် ဖဂျရ်နမားဇ်ဝတ်ပြု၍ အချိန်ရသလောက် မုဇ်ဒလိဖဟ်တွင် ရှိနေရမည်။ ခယရိုးကျိုးစွာဖြင့် သိလာဝသ်ပြုခြင်း၊ ဒုအာ ဇိကိရ် ဒရူးဒ်ဖတ်ခြင်း အစရှိသည်တို့တွင် နစ်မွန်းနေပါ။
- မုဇ်ဒလိဖာဟ်၌ရှိစဉ် ကိဗ်လာဟ် သတ်မှတ်ရန် အလွယ်ကူဆုံးနည်းလမ်းမှာ ကအ်ဗာဟ်ကျောင်းတော်၏ အနီးရှိ တောင်တစ်လုံးပေါ်၌ အလွန်မြင့်မားလှသည့် တာဝါကြီးတစ်ခု ဆောက်လုပ်ထားသည်။ ၄င်းတာဝါပေါ်တွင် အဖြူရောင် မီးချောင်းထွန်းထားသည်။ ဤမီးအား မက္ကာဟ်ရွှေမြို့တော်၏ အနီးပတ်ဝန်းကျင် မိုင်ပေါင်းများစွာမှပင် မြင်တွေ့နိုင်သည်။ ညအခါ ကိဗ်လာဟ် သိရှိနိုင်ရန် ဤနည်းလမ်းမှာ အလွယ်ကူဆုံးဖြစ်သည်။ မုဇ်ဒလိဖာဟ်၏ မည်သည့်နေရာ၌ပင် ရှိနေပါစေ ဤမီးအားတွေ့မြင်၍ ကိဗ်လာဟ်အား သတ်မှတ်လိုက်ပါ။
- မုဇ်ဒလိဖာဟ်တွင် ရှိုက်သွာန်အား ခဲပေါက်ရန်အတွက် ကြနာစေ့ခန့် ကျောက်စလစ်ခဲများအား စုဆောင်းလိုက်ပါ။ ကျောက်စလစ်ခဲများ မသန့်လျှင် ဆေးကြော၍ သန့်စင်လိုက်ပါ။

မုဇ်ဒလိဖာဟ်မှ အပြန်
ဇိလ်ဟဂ်ျလ ဆယ်ရက်နေ့တွင် မုဇ်ဒလိဖာဟ်မှ မီနာဟ်သို့ ထွက်ခွာရမည်။ အကယ်၍ သတ္တိနှင့် အင်အားရှိလျှင် မိနာဟ်တွင် မိမိတည်းခိုရမည့်နေရာအား ကောင်းစွာသိရှိထားလျှင် အိုမင်းမစွမ်းသူများနှင့် အမျိုးသမီးများ အတူမပါလျှင် မုဇ်ဒလိဖာဟ်မှ မီနာဟ်အထိ ဘတ်စ်ကားများဖြင့် ခရီးနှင်မည့်အစား လမ်းလျှောက်ခြင်းက ပိုလွယ်ကူသည်။ အချိန်များစွာလည်း ကျန်မည်ဖြစ်သည်။

ရှိုက်သွာန်ခဲပေါက်ခြင်း
ဇိလ်ဟဂ်ျလ (၁၁/၁၂) ရက်နေ့ နေမွန်းလွဲပြီးနောက် ဂျမရားသ် သုံးခုလုံးအား ရမီပြုရမည်။ သို့သော် လူများသောအချိန် မသွားပါနှင့်။ လူနည်းပါး ကျဲသွားသည့်အချိန်၌ အေးဆေးစွာ ရမီပြုပါ။
- နေမွန်းမလွဲမီ ရမီပြုခြင်းမပိုင်ပေ။ ဤအချက်အား သတိပြုသင့်သည်။
- အိုမင်းမစွမ်းသူနှင့် အမျိုးသမီးများ ညအခါရမီပြုလျှင် မက္ကရူဟ်မဖြစ်ပေ။ သို့သော် ညအခါတွင် ရမီပြုနိုင်သူများသည် အခြားသူအား မိမိ၏ကိုယ်စား ပြုခိုင်းခွင့်မရှိပေ။ ဤအချက်ကိုလည်း လွန်စွာ သတိထားသင့်သည်။ အချို့သူများသည် ခိုင်လုံသောအကြောင်းပြချက်မရှိဘဲ မိမိ၏ကိုယ်စား အခြားသူအား ရမီပြုခိုင်းကြသည်။ ဤသို့ပြုခိုင်းသူများ၏ ရမီသည် အထမမြောက်ပေ။ ထိုသူများသည် ရမီလွတ်သွားသည့်အတွက် ဒမ်ထိုက်သည်။
- ခဲလုံးအား အဝိုင်းခတ်ထားသည့်အတွင်းသို့ ဝင်အောင်ပစ်ပါ။ အပြင်သို့မကြစေရ။
- ဂျမ်ရာဟ်အွက်ဘာဟ် နှင့် ဂျမ်ရာဟ်ဝူစ်သွာအား ရမီပြုပြီးနောက် ကိဗ်လာဟ်ဘက်သို့မျက်နှာမူ၍ ဒိုအာတောင်းခြင်းသည် မွစ်သဟဗ်ဖြစ်သည်။ ဂျမ်ရာဟ်အွခ်ရာအ်အား ခဲပေါက်ပြီးနောက် ဒိုအာတောင်းရန် အမိန့်မလာရှိပေ။
- မီနာဟ်တွင် နေထိုင်သည့်ရက်များသည် အထူးတလည် ဇိကိရ်ပြုနေရမည့် နေ့ဖြစ်သည်။ ဤကာလအတွင်းတွင် အမလ်အိဗာဒသ်ကို အထူးအလေးထားပြုလုပ်ပါ။
- ဇိလ်ဟဂ်ျလ (၁၂) ရက်နေ့ နေမဝင်မီအလျှင် မီနာဟ်မှ မက္ကာဟ်သို့ထွက်ခွာရမည်။
- အကယ်၍ ဇိလ်ဟဂ်ျလ(၁၃) ရက်နေ့ နံနက်အာရုံဦးအချိန်ထိ မီနာဟ်တွင် ရှိနေလျှင်(၁၃) ရက်နေ့၏ ရမီသည်လည်း ဝါဂျိဗ်ဖြစ်သည်။

မက္ကာဟ်ရွှေမြို့တော်သို့အပြန်နှင့် သွဝါးဖေဝေဒါအ်
- မက္ကာဟ်ရွှေမြို့တော်သို့ ပြန်လာပြီးနောက် နေရပ်ဋ္ဌာနီသို့ ပြန်လိုသူများသည် မပြန်မီအလျှင် သွဝါးဖေဝေဒါအ် ပြလုပ်ခြင်းသည် ဝါဂျိဗ်ဖြစ်၏။ အကြောင်းမဲ့စွန့်လွှတ်ခဲ့လျှင် ဒမ်ထိုက်မည်။
- သွဝါးဖေဇီယာရသ်ပြီးနောက် ပြုခဲ့သောနဖိလ်သွဝါးဖ်များသည် သွဝါးဖေဝေဒါအ်၏ ကိုယ်စားဖြစ်နိုင်သည်။
- တစ်ဦးတစ်ယောက်သည် သွဝါးဖေဝေဒါအ် မပြုလုပ်ဘဲ မီကားသ်မှ အပြင်သို့ထွက်သွားလျှင် ဒမ်ထိုက်မည်။ ဒမ်မှ လွတ်ကင်းနိုင်မည့်ပုံစံမှာ ဒုတိယတဖန် အွမ္မရာဟ်၏ အဲဟ်ရာမ်ဝတ်ဆင်၍ ဟရာမ်သို့လာပါ။ ဦးစွာအွမ္မရာဟ် ပြုပါ။ တဖန် သွဝါးဖေဝေဒါအ် ပြုပါ။ သီးသန့် သွဝါးဖေဝေဒါအ်အတွက် အပြင်မှ အွမ္မရာဟ်၏ အဲဟ်ရာမ်မဝတ်ဆင်ဘဲ လာခြင်းသည် မပိုင်ပါ။ ဤမတ်စ်အလဟ်အား ကောင်းစွာ နားလည်ထားရမည်။
- အမျိုးသမီးသည် မသန့်ဖြစ်နေလျှင် သွဝါးဖေဝေဒါအ် လုပ်စရာမလိုအပ်တော့ပေ။ သွဝါးဖ် မပြုလုပ်ပဲ နေရာဋ္ဌာနီသို့ ပြန်ခွင့်ရှိသည်။
- မက္ကာဟ်ရွှေမြို့တော်တွင် နေထိုင်ခွင့်ရသလောက်အချိန်အား တန်ဖိုးထားပါ။ သွဝါးဖ်နှင့် အွမ္မရာဟ်များ များမြောင်စွာ ပြုပါ။ ပြန်ချိန်၌ အလွန်ဝမ်းနည်းကြေကွဲမှုဖြစ်ပါ။ ဗိုင်သွလ္လာဟ်အား ခွဲခွာရခြင်းအတွက် ငိုကြွေးပါ။

((ကျမ်းကိုး မစာအိလိမုကလ်မုလုလ်မုဒလ်လလ်

ပြန်ဆိုသူ Shareat Ya Shahadat ))

အလ်မုဖီးဒ်မှ တင်ဆက်သည်။

အမျိုးသမီးများ၏ ဟဂ်ျခရီးစဉ်အတွက် အရေးကြီးလှသော မတ်စ်အလဟ်များ

အမျိုးသမီးများ၏ ဟဂ်ျခရီးစဉ်အတွက် အရေးကြီးလှသော မတ်စ်အလဟ်များ

အမေး။ ကျွန်မသည် ဟဂ်ျပြုရန် ရည်ရွယ်ထားပါသည်။သို့သော် ဟဂ်ျကာလအတွင်း ကိုယ်မသန့် ဖြစ်သွားမည်ကို စိုးရိမ်နေရသည်။အကယ်၍ ဤသို့ဖြစ်သွားပါက မည်သို့ပြုရမည်နည်း။ မတ်စ်ဂျိဒိနဗဝီတွင် နမားဇ်အကြိမ်လေးဆယ်နှင့်ပက်သက်၍ မည်သို့ပြုရမည်နည်း။
အဖြေ။ အသင်မ၏ သောကသည် မတ်စ်အလဟ် နားမလည်သောကြောင့် ဖြစ်ပါသည်။ ဟဂ်ျ၏ ကျင့်စဉ်များတွင် ဗိုင်သွလ်လဟ်(ကအ်ဗာဟ်ကျောင်းတော်) ၏ သွဝါးဖ်မှလွဲ၍ ကျန်လုပ်ဆောင် ချက်အားလုံးအား အမျိုးသမီးများသည် မသန့်သောကာလအတွင်း ပြုနိုင်ပါသည်။

- အကယ်၍ ဟဂ်ျ (သို့) အွမ္မရာဟ်၏ အဲဟ်ရာမ် မရုံမီအလျှင် ကိုယ်မသန့်ရက်များစတင်သွားပါက ရေချိုး၍ အဲဟ်ရာမ်ရုံလိုက်ပါ။အဲဟ်ရာမ်ရုံပြီးသည့်နောက် ဖတ်ရသည့် နမားဇ်နှစ်ရကအသ်အား မဖတ်ပါနှင့်။
- ဟာဂျီသည် မက္ကဟ်ရွှေမြို့တော်သို့ ရောက်ရှိပြီးနောက် ပထမဆုံးပြုလုပ်ရသည့်သွဝါးဖ် (ဤသည်ကို သွဝါးဖေကူဒူးမ် ဟုခေါ်ပါသည်။) ပြုလုပ်ခြင်းသည် စွန္နသ် ဖြစ်သည်။အမျိုးသမီးသည် မိမိ၏ မသန့်ရက်အတွင်း သွဝါးဖေကူဒူးမ် မလုပ်ရပေ။ မိနာဟ်သို့ မသွားမီအလျှင် သန့်ပြန့်မှုရရှိသွားပါက သွဝါးဖေကူဒူးမ် ပြုလုပ်လိုက်ပါ။မသန့်ဖြစ်နေပါကလည်း အကြောင်းမဟုတ်ပေ။ ကဖ်ဖာရာဟ် မထိုက်ပေ။
- ဇိလ်ဟဂ်ျလ ဆယ်ရက်မြောက်နေ့တွင် သွဝါးဖေဇီယာရသ် ပြုရပေမည်။ဤသည်မှာ ဟဂ်ျ၏ဖရပ်ဇ်အချက် ဖြစ်သည်။ အကယ်၍ အမျိုးသမီးသည် မသန့်သောကာလဖြစ်နေပါက သွဝါးဖေဇီယာရသ်အား ဆိုင်းငံထားပါ။ သန့်ပြန့်ပြီးနောက်မှသာ သွဝါးဖေဇီယာရသ် ပြုပါ။
- မက္ကဟ်ရွှေမြို့တော်မှ နှုတ်ဆက်ထွက်ခွာချိန် သွဝါးဖေဝေဒါအ်ပြုရသည်။ ဤသည်မှာ ဝါဂျိဗ်ဖြစ်ပေသည်။ အကယ်၍ အမျိုးသမီးသည် မသန့်သောကာလဖြစ်နေပါက ဤသွဝါးဖ်ကိုမပြုလုပ်ရ။ ဝါဂျိဗ်တာဝန်မှာလည်း ပျက်ပြယ်သွားပေမည်။
- ကျန်ရှိသော အမလ်များဖြစ်သည့် မိနာဟ် / အရ်ဖားသ် / မွဇ်ဒလိဖာဟ် အစရှိသည်များတွင် လုပ်ဆောင်ရသောအအ်မာလ်များအတွက်အမျိုးသမီးသည် သန့်ပြန့်ရန် မလိုအပ်ပေ။
- အကယ်၍ အမျိုးသမီးသည် အွမ္မရာဟ်၏ အဲဟ်ရာမ်ရုံထားပါက သန့်ပြန့်သွားသည့်အချိန်ထိ သွဝါးဖ်နှင့် စအီ မပြုလုပ်ရပေ။ဤပုံသဏ္ဍန်တွင်သူမသည် အွမ္မရာဟ်၏ ကျင့်ဆောင်ချက်များ ပြုလုပ်ရန် အခွင့်မကြုံလိုက်ဘဲ (ဟဂ်ျပြုရန်အတွက်) မိနာဟ်သို့ထွက်ခွာရန် အချိန်ကြရောက်လာပါက အွမ္မရာဟ်၏ အဲဟ်ရာမ်အားချွတ်၍ ဟဂ်ျ၏ အဲဟ်ရာမ်ရုံလိုက်ပါ။ ဆိုလိုသည်မှာ နဖိလ်မဖတ်တော့ဘဲ ဝူဇူပြု၍ ဟဂ်ျ၏အဲဟ်ရာမ်အတွက် နိယသ် ပြုလိုက်ပါ။အွမ္မရာဟ်၏ အဲဟ်ရာမ်ချွတ်လိုက်ရသည့်အတွက် နောက်မှ (သန့်ပြန့်သွားသည့်အခါမှ) အွမ္မရာဟ် ပြန်လုပ်ပါ။
- မတ်စ်ဂျိဒိနဗဝီတွင် နမားဇ်အကြိမ်ပေါင်း လေးဆယ်ဖတ်ရွတ်ရန်မှာ အမျိုးသားများအတွက် မွစ်သဟဗ်ဖြစ်သည်။အမျိုးသမီးများတွက် မဟုတ်ပေ။ *** အမျိုးသမီးများအတွက် မက္ကာဟ်ရွှေမြို့တော်နှင့်
မဒီနာဟ်ရွှေမြို့တော်တွင်လည်း ဗလီထက်စာလျှင် မိမိ၏တည်းခိုရာနေရာ၌သာ နမားဇ်ဖတ်ခြင်းက သာပို မွန်မြတ်ပေသည်။

မတ်စ်အလဟ်
အကယ်၍ အမျိုးသမီးသည် အဲဟ်ရာမ်၏အခြေအနေတွင် ဟိုက်ဇ် (သို့မဟုတ်) နိဖားစ် ရက်များနှင့် ကြုံလာပါက သန့်ပြန့်သည့်အချိန်ထိစောင့်ဆိုင်းရမည်။
- သန့်ပြန့်ပြီးသည့်နောက်မှသာ သွဝါးဖ်နှင့်စအီ ပြုရပေမည်။
- ပြီးလျှင် ဆံပင်ညှပ်၍ အွမ္မရာဟ် အပြည့်ပြုလုပ်ပါ။
- အကယ်၍ အွမ္မရာဟ်ပြုပြီးသည့်နောက် ဇိလ်ဟဂ်ျလ (၈) ရက်မြောက်နေ့တွသ် ဟဂ်ျ၏အဲဟ်ရာမ်ရုံပြီးနောက်မှ ဟိုက်ဇ် (သို့) နိဖားစ် ဖြစ်ပေါ်လာပါက ဟဂ်ျ၏ကျင့်ဆောင်ချက်များအားလုံး ပြုလုပ်လိုက်ပါ။ ဝုကူဖေအရဖာဟ်/ ဝုကူဖေမုဇ်ဒလိဖာဟ်/ ခဲပေါက်ခြင်း/ သလ်ဗီယာဟ် နှင့် ဇိကိရ် အားလုံးပြုပိုင်သည်။ အကယ်၍ ဟဂ်ျ၏သွဝါးဖ်နှင့်စအီပြုပြီးနောက်မှ ဟိုက်ဇ် (သို့) နိဖားစ်ဖြစ်လာလျှင် သွဝါးဖေဝေဒါအ်၏ အမိန့် ပျက်ပြယ်သွားပေမည်။အဘယ့်ကြောင့်ဆိုသော် ဟိုက်ဇ်နှင့် နိဖားစ်သွေး ဆင်းနေသောအမျိုးသမီးအတွက် သွဝါးဖေဝေဒါအ် မရှိတော့ပေ။
မတ်စ်အလဟ်
အမျိုးသမီးများသည် ဟိုက်ဇ် (သို့) နိဖားစ်၏အခြေနေတွင်ရှိပါက သွဝါးဖေဗိုင်သွလ္လာဟ်(ကအ်ဗာဟ်၏ သွဝါးဖ်) နှင့် စအီပြုခြင်းမှလွဲ၍ ကျန်ရှိသော ကျင့်ဆောင်မှုများအားလုံး ပြုပိုင်သည်။သွဝါးဖေဗိုင်သွလ္လာဟ်(ကအ်ဗာဟ်၏ သွဝါးဖ်) မပြုလုပ်ရသည့်အကြောင်းမှာ သွဝါးဖ်အတွက် သန့်ပြန့်မှုရှိရန် အရေးကြီးသည်။ စအီမပြုရသည့်အကြောင်းမှာ စအီသည် သွဝါးဖ်မပါဘဲ မပိုင်သည့်အတွက် ကြောင့်ဖြစ်သည်။
မတ်စ်အလဟ်
အမျိုးသမီးများသည် လူများပြားလှသောအခြေအနေတွင် တိုးကြိတ်ကာ ဟဂျရေအတ်စ်ဝဒ် ကျောက်နက်တုံးအား နမ်းရှုံ့ခြင်းသည် မပိုင်ပေ။
(အဘယ့်ကြောင့်ဆိုသော် အမျိုးသမီးအတွက် ဟဂ်ျရေအတ်စ်ဝဒ်ကျောက်နက်တုံးအား နမ်းခြင်းထက် မိမိ၏ ပရ်ဒါအားဂရုပြုရန်၊ ပရ်ဒါအား အလေးထားရန် ပို၍ အရေးကြီးပေသည်။ လူများနှင့် တိုးကြိတ်သွားရောက်လျှင် ယောက်ျားများနှင့် မိမိ၏ ခန္ဓာကိုယ်ထိတွေ့မှုကြားတွင် ပရ်ဒါအား ထိန်းသိမ်းနိုင်မည်မဟုတ်တော့ပေ။ အမိန့်များနှင့် ယင်း၏အဆင့်အတန်း၊ လုပ်ဆောင်ချက်တိုင်း၏ အဆင့်အတန်းကို အမျိုးသမီးတိုင်း ခွဲခြားစွာ သိမြင်ရန် အလွန်အရေးကြီးပေသည်။ သာသနာက မပြုပိုင်။ မလုပ်ရဟု တားမြစ်ထားသည့် အရာကို လူအများက လုပ်ဆောင်နေပါကလည်း ယင်းမပြုပိုင်သည့်ကိစ္စသည့် ပြုပိုင်သည့်ကိစ္စအဖြစ်သို့ ပြောင်းလဲမသွားပေ။ မပြုပိုင်သည့်ကိစ္စကို ပိုင်သယောင်နှင့် ကျင့်သုံးသူအတွက် ဂုနာ၏ပြစ်ဒဏ်ကို ခံရမည်။ ထိုအထဲတွင် အမိန့်ကို သိရှိသူကလည်း ရောယောင်သွားပါက နှစ်ဆခံရမည်ဖြစ်သည်။)
မတ်စ်အလဟ်
ကိုယ်တော်သခင် (ဆွလ္လလ္လာဟုအလိုင်းဟိဝစလ္လမ်)၏ ရောင်ဿွာတော်တွင် အခစားဝင်ရန်အတွက် လူအများကြားတိုးကြိတ်၍ သွားရောက်ခြင်းသည် မပိုင်ပေ။ အထူးသဖြင့် အမျိုးသမီးများသည် အမျိုးသားများ၏ အစုအဝေးတွင် ဝင်ရောက်တိုးဝှေ့ခြင်းသည် ဟရာမ်ဖြစ်သည်။ ဤသို့အခြေအနေမျိုးတွင် အဝေးမှပင် ဒရူးဒ် နှင့် စလာမ်ကို ဖတ်လိုက်ရပေမည်။

အရဖားသ်ကွင်းပြင်တွင် ဟိုက်ဇ်လာနေသောအမျိုးသမီးသည် ကုရ်အာန်အာယသ် အစရှိသည်တို့အား ရွတ်ဖတ်ခြင်း

မတ်စ်အလဟ် (၁) 
အမျိုးသမီးသည် ဟိုက်ဇ် (သို့) နိဖားစ်သွေး ဆင်းနေသောကာလအတွင်း ကုရ်အာန်ကျမ်းတော်မြတ်၏ မည်သည့်အာယသ်တော်ကိုမဆို သိလာဝသ်၏နိယသ်ဖြင့် ဖတ်ပိုင်ခွင့်မရှိပေ။သို့သော် အလ္လာဟ်အရှင်မြတ်၏ ချီးမွမ်းထောပနာပြုသော အာယသ်တော်များနှင့် ဒုအာ၏အာယသ်တော်များအား ဇိကိရ်နှင့် ဒုအာ၏နိယသ်ဖြင့် ဖတ်ပိုင်ပေသည်။
မတ်စ်အလဟ် (၂) 
ဟိုက်ဇ် (သို့) နိဖားစ်ဖြစ်နေသောအမျိုးသမီးနှင့် ရေချိုးရန်တာဝန်ထိုက်နေသူ (အမျိုးသား/သမီး) သည် ဗလီထဲသို့သွားခြင်း၊ ကအ်ဗာဟ်ကျောင်းတော်အား သွဝါးဖ်ပြုခြင်း၊ ကုရ်အာန်ကျမ်းတော်မြတ်ဖတ်ရွတ်ခြင်းနှင့် ထိတွေ့ခြင်းသည် မပိုင်ပေ။
မတ်စ်အလဟ် (၃) 
စူရဟ်ဖာသေဟဟ်တစ်ပုဒ်လုံးကို ဒုအာနိယသ်ဖြင့်ဖတ်ခြင်း (သို့) ကုရ်အာန်ကျမ်းလာဒုအာများကို သိလာဝသ် နိယသ်ဖြင့်မဟုတ်ဘဲ ဒုအာနိယသ်ဖြင့်သာဖတ်ရွတ်ခြင်း ပိုင်သည်။အပြစ်မထိုက်ပေ။ဥပမာ
((ရဗ္ဗနာ အာသိနာ)) အစရှိသည်တို့အား ဒုအာ၏နိယသ်ဖြင့် ဖတ်ခြင်းသည် ပိုင်ပါသည်။ အရဖားသ်ကွင်းပြင်တွင်လည်း ထိုနည်းတူစွာပင် ဖတ်ပိုင်သည်။ စူရာအိခ်လားစ်ွတစ်ပုဒ်လုံးကိုလည်း ဇိကိရ်၏နိယသ်ဖြင့် ဖတ်ပိုင်သည်။ သိလာဝသ် နိယသ်ဖြင့်မဖတ်ရ။
ﻻ اله الا انت سبحانك اني كنت من الظالمين
ဤအာယသ်တော်အားလည်း ဇိကိရ်၏နိယသ်ဖြင့် ဖတ်ပိုင်သည်။သို့သော် အာယသ်တော်များအား လက်ဖြင့် တိုက်ရိုက်ထိတွေ့ခွင့်မရှိပေ။
မတ်စ်အလဟ် (၄) 
ဝူကူဖေအရဖာဟ်အတွက် သန့်ပြန့်ခြင်းသည် အရေးမကြီးပါ။ အကယ်၍အမျိုးသမီးသည် ဟိုက်ဇ် (သို့) နိဖားစ်၏ အခြေအနေတွင်ရှိပါ ဝူကူဖေအရဖာဟ် ပိုင်ပေသည်။

အမျိုးသမီးများ ဟဂ်ျကာလအတွင်း ဟိုက်ဇ် (ဓမ္မတာ) ဖြစ်လာလျှင် မည်သို့ပြုရမည်နည်း။

မတ်စ်အလဟ် (၁)
ဟရမိုင်းန်ရှရီဖိုင်းန် (မတ်စ်ဂျိဒိဟရာမ် နှင့် မတ်စ်ဂျိဒိနဗဝီ) တွင် နမားဇ်အပြည့်အဝ ဝတ်ပြုနိုင်ရန်ရည်ရွယ်၍ ဓမ္မတာမဖြစ်စေရန် တားဆီးသောဆေးဝါးများ သုံးစွဲခြင်းသည် ပိုင်ပါသည်။ (ယင်းသို့သုံးစွဲခြင်းသည် အကယ်၍ သုံးစွဲသူအနေဖြင့် မိမိ၏ကျန်းမာရေးကို ထိခိုက်နိုင်သည်ဟု ယူဆ ယုံကြည်ပါက မသုံးဆွဲရပေ။ ထို့ပြင် ယင်းသို့ အရင်က သုံးစွဲဖူးသည်။ သုံးစွဲသည့်အခါ ကျန်းမာရေးလည်း ထိခိုက်ဖူးပါက မိမိ၏ကျန်းမာရေးကို အထိခိုက်ခံကာ ထိုဆေးဝါးများသုံးစွဲခြင်းသည် မပိုင်ပါ။ (တည်းဖြတ်သူမှ တင်ပြခြင်းဖြစ်သည်။)
မတ်စ်အလဟ် (၂)
အမျိုးသမီးသည် ဓမ္မတာဖြစ်နေသည့်အတွက် စအီပြုခြင်းကို သွဝါးဖ်ထက်အလျှင် ပြုလုပ်ခြင်းသည်မပိုင်ပါ။ သန့်ပြန့်ပြီးမှသာ သွဝါးဖ်နှင့် စအီပြုလုပ်၍ အဲဟ်ရာမ်ချွတ်ရပေမည်။ သန့်ပြန့်သည့်ရက် မရောက်မခြင်းအဲဟ်ရာမ်မချွတ်ရပေ။
မတ်စ်အလဟ် (၃)
သွဝါးဖ်ပြုနေရင်း ဓမ္မတာဖြစ်လာလျှင် သွဝါးဖ်ပြုနေခြင်းအားရပ်ဆိုင်းလိုက်ပါ။ဓမ္မတာပြီးဆုံးသွားမှသာ အစမှတဖန် သွဝါးဖ်ပြန်လုပ်ပါ။
မတ်စ်အလဟ် (၄)
ဇိလ်ဟဂ်ျလ (၁၂) ရက်မြှောက်နေ့ နေမဝင်မီသန့်ပြန့်သွားပြီး ရေချိုးကာ သွဝါးဖ်အပြည့် (သွဝါးဖ် ၇ ပတ်) သို့ လေးပတ်ခန့် လုပ်နိုင်ပါလျှက် မပြုလုပ်ခဲ့လျှင် ဒမ်ထိုက်သည်။ ဤမျှအချိန်မရခဲ့လျှင်ဒမ်မထိုက်ပေ။
မတ်စ်အလဟ် (၅)
မိမိဓမ္မတာဖြစ်ပေါ်မည့်အချိန်အား ခန့်မှန်းနိုင်သည်။ ယခု ဓမ္မတာမဖြစ်မီ သွဝါးဖ်အပြည့် (သို့) လေးပတ် ပြုနိုင်ပါလျှက် မပြုဘဲနေလိုက်သည်။ ပြီးနောက် ဓမ္မတာဖြစ်လာသည်။တဖန် ကုရ်ဗာနီအီးဒ်ပြီးမှ သန့်ပြန့်လျှင် ဒမ်ဝါဂျိဗ်ထိုက်မည်။အကယ်၍ သွဝါးဖ်လေးပတ်ခန့်ပြုနိုင်မည့်အချိန်မရခဲ့လျှင် ဒမ်မထိုက်ပေ။

အမျိုးသမီးသည် အဲဟ်ရာမ်မှထွက်ရန်အတွက် ဆံပင်မည်မျှ ညှပ်ရမည်နည်း။ 

အမေး။ ဟဂ်ျတွင် အမျိုသားများသည် ကုရ်ဗာနီပြုပြီးနောက် ခေါင်းတုံးကြသည်။ အမျိုးသမီးအနေဖြင့် ဆံပင်မည်မျှ ညှပ်ရမည်နည်း။ဆံပင်အောက်ဖက်မှ ညှပ်ရမည်လား။ (သို့) နဖူးဆံစမှလည်း ညှပ်နိုင်ပါသလား။
အဖြေ။ အမျိုးသမီးသည် မိမိ၏ ဆံပင်အားလုံးကိုစုစည်း၍ အောက်ဖက်မှ လက်တစ်ဆစ်ညှပ်ရမည်။ ကိုယ်တိုင်လည်းညှပ်နိုင်သလို အခြားအမျိုးသမီးအားလည်း ညှပ်ခိုင်းနိုင်သည်။ မိမိ၏မဲဟ်ရမ် (နိကာဟ်မပြုပိုင်သော သွေးသားအရင်းအချာ) အမျိုးသားများအားလည်း ညှပ်ပေးခိုင်းနိုင်သည်။ အွမ္မရာဟ်ပြုသည့် အရေအတွက်နှင့်အညီ ဆံပင်ညှပ်ရန် အရေးကြီးသည်။

အမျိုးသမီးများအတွက် ခေါင်းတုံးခြင်းကို တားမြစ်ထားခြင်းသည် အဘယ့်ကြောင့်နည်း။

ဟဇရသ်အလီသခင် (ရသွီယလ္လာဟုအန်ဟု) နှင့် ဟဇရသ်အာအေရှာသခင်မ (ရသွီယလ္လာဟုအန်ဟာ) တို့ထံမှဆင့်ပြန်ချက်လာရှိသည်မှာ တမန်တော်မြတ်ဆွလ္လလ္လာဟုအလိုင်းဟိဝစလ္လမ်သည် အမျိုးသမီးများအား ခေါင်းတုံးခြင်းမှ တားမြစ်တော်မူခဲ့သည်။
ဟဇရသ်အိဗ်နေအဗ္ဗားစ်သခင် (ရသွီယလ္လာဟုအန်ဟု) ထံမှ ဤသို့ဆင့်ပြန်ချက်လာရှိသည်။ အမျိုးသမီးများအတွက် ခေါင်းတုံးခြင်းမရှိ။ (ဟဂ်ျတွင်) ဆံပင်ညှပ်ရန်သာလိုအပ်သည်။
ရှင်းလင်းချက်
အမျိုးသမီးများသည် အဲဟ်ရာမ်မချွတ်မီခေါင်းတုံးရန်မှာ အချက်နှစ်ချက်ကြောင့်မလိုအပ်ပေ။
(၁) ခေါင်းတုံးလိုက်ခြင်းဖြင့် အမျိုးသမီးသည် ကျက်သရေမဲ့ (အလှအပမဲ့) ဖြစ်သွားသည်။ မုစ်လဟ်ဟုခေါ်သည့် ရုပ်ဆင်းသဏ္ဍန်ကို ဖျက်စီးခြင်းဖြစ်သောကြောင့် လုံးဝမပိုင်ပေ။
(၂) ခေါင်းတုံးလိုက်ခြင်းဖြင့် အမျိုးသမီးသည် အမျိုးသားများနှင့် ပုံစံတူသွားသည်။ အမျိုးသမီးများသည် အမျိုးသားများကဲ့သို့ ပုံစံတူပြုလုပ်ခြင်းသည် လုံးဝမပြုပိုင်ပေ။

သွဝါးဖေဇိယာရသ်ပြုနေချိန် ဓမ္မတာ(ဟိုက်ဇ်)ဖြစ်လာလျှင် မည်သို့ပြုရမည်နည်း။

မတ်စ်အလဟ် (၁)
သွဝါးဖေဇိယာရသ်သည် ဟဂ်ျ၏ အရေးကြီးလှသော ရုကူန်တစ်ခုဖြစ်ပေသည်။ သွဝါးဖေဇိယာရသ် မပြုလုပ်ဘဲ နေရပ်ဋ္ဌာနီ (မိမိနေထိုင်သည့်နိုင်ငံ) သို့ ပြန်သွားခဲ့လျှင် ထိုအဲဟ်ရာမ်ဖြင့်သာမက္ကာရွှေမြို့တော်သို့ပြန်လာ၍ သွဝါးဖေဇိယာရသ် ပြုရပေမည်။ သွဝါးဖေဇိယာရသ်ကို မပြုလုပ်သရွေ့ ခင်ပွန်းနှင့် ဇနီး နှစ်ဦးစလုံး အဲဟ်ရာမ်၏ အခြေအနေတွင်သာ ရှိနေမည်။(နှစ်ဦးအတူပေါင်းသင်းဆက်ဆံနေထိုင်ခွင့် မရှိသေးပေ။) သွဝါးဖေဇိယာရသ် မပြုလုပ်ပါက ဟဂ်ျလည်းပိုင်မည်မဟုတ်။ ဒမ်ဖြင့်လည်းအစားထိုးနိုင်မည်မဟုတ်ပါ။ တစ်ဖန်ပြန်သွား၍ သွဝါးဖ်ပြုရပေမည်။သွဝါးဖ်အား ဆိုင်းငံခဲ့သည့်အတွက် ဒမ်ပေးရမည်။အမျိုးသမီးသည် ဤရက်ပိုင်းအတွင်း မသန့်ရှင်းပါက ခရီးစဉ်အား ဆိုင်းငံထားပါ။သန့်ပြန့်၍ သွဝါးဖ်မပြုလုပ်မခြင်း မက္ကာဟ်ရွှေမြို့တော်မှ မထွက်ခွာရပေ။ ဓမ္မတာအားရပ်ဆိုင်းစေရန် ဆေးဝါးများ ကြိုတင်သုံးစွဲခွင့်ရှိသည်။၏
မတ်စ်အလဟ် (၂) 
အမျိုးသမီးသည် ဓမ္မတာအားတားစီးစေရန် ဆေးဝါးသုံးစွဲခြင်းအား ခံနိုင်ရည်ရှိမည်။ အန္တရာယ်လည်းမဖြစ်။ ယခင်ကတည်းက သုံးစွဲဖူးသောအတွေ့ကြုံလည်းရှိမည်ဆိုလျှင် ဓမ္မတာတားစီးဆေးဝါးများသုံးစွဲခြင်းပိုင်သည်။
မတ်စ်အလဟ် (၃)
ဓမ္မတာလာနေသောကြောင့် သွဝါးဖေဇိယာရသ်အား အချိန်မီမလုပ်နိုင်လျှင် ဒမ်ဝါဂျိဗ်မထိုက်ပေ။ သန့်ပြန့်ပြီးလျှင် သွဝါးဖေဇိယာရသ်ပြုရမည်ဖြစ်သည်။
မတ်စ်အလဟ် (၄)
သွဝါးဖ်ပြုလုပ်နေသည့်အချိန်အတွင်း ဝူဇူပျက်သွားလျှင် ထိုနေရာ၌သာသွဝါးဖ်အား ရပ်လိုက်ပါ။ဝူဇူပြု၍ ထိုနေရာမှပင် သွဝါးဖ်ပြန်လုပ်ပါ။သို့သော် အစမှတဖန် သွဝါးဖ် ပြန်လုပ်ခြင်းသည် အကောင်းဆုံးဖြစ်သည်။ (စအီပြုခြင်းတွင် ဝူဇူအရေးမကြီးပေ။)

မတက်သာ၍ ဓမ္မတာကာလအတွင်း သွဝါးဖေဇိယာရသ်ပြုခြင်း 

အမေး။ ယခုခေတ်အခါသမယတွင် ဟဂ်ျခရီးစဉ်အတွက် ပြန်လည်ထွက်ခွာမည့်ရက်များ သတ်မှတ်ထားပြီးသားဖြစ်၍ ရှေ့တိုးနောက်ဆုတ်ပြုလုပ်ရန်မှာ မလွယ်ကူလှပေ။ မတက်စွမ်းနိုင်သည့်အခြေအနေမျိုးတွင်အမျိုးသမီးသည် ဓမ္မတာလာနေစဉ်အတွင်း သွဝါးဖေဇိယာရသ်ပြုခွင့်ရှိပါသလား။
အဖြေ။ ဓမ္မတာလာနေစဉ်အတွင်း ဟဂ်ျ၏အရေးကြီးလှသောရုကူန်ဖြစ်သည့် သွဝါးဖေဇိယာရသ်ပြုခြင်းသည် အလွန်ကြီးလေးသောအပြစ်ထိုက်သည်။ မသန့်ရှင်းသောအခြေအနေတွင် မတ်စ်ဂျိဒိဟရာမ်ထဲသို့ဝင်ရောက်ခြင်း၊ ဗလီထဲတွင် အချိန်ကြာမြင့်စွာနေခြင်း၊ အစရှိသည့်လုပ်ရပ်တို့သည် ဟရာမ်ဖြစ်ပေသည်။ထို့ကြောင့် သန့်ပြန့်ပြီးမှသာ သွဝါးဖေဇိယာရသ်ပြုပါ။မတ်စ်အလဟ်နားမလည်၍ ဓမ္မတာလာနေစဉ်အတွင်း သွဝါးဖ်ပြုမိပါက အမိန့်အရ သွဝါးဖ်ပိုင်သွားပေမည်။ အဲဟ်ရာမ်မှလည်း ဟလာလ် ဖြစ်သွားမည်။ သို့သော် ကုလားအုတ် (သို့) နွားတစ်ကောင် ဖိဒ်ယဟ်ပေးရန်အရေးကြီးသည်။ မတ်စ်အလဟ်သိလျှက်နှင့် (သွဝါးဖ်ပြုခွင့်မရှိခြင်းကို သိလျှက်နှင့်) ဓမ္မတာလာနေစဉ်အတွင်း သွဝါးဖ်ပြုခွင့်မရှိပေ။တမင်သိလျှက်နှင့် ဓမ္မတာလာနေစဉ်အတွင်း သွဝါးဖ်ပြုခြင်းနှင့် နောက်မှဖိဒ်ယဟ် ပေးလိုက်ခြင်းသည် လုံးဝ လုံးဝမပိုင်ပေ။ ဤအပြစ်သည် ဖိဒ်ယဟ်ဖြင့် လွတ်ငြိမ်းခွင့်မရပေ။

သွဝါးဖေဝေဒါအ်ပြုချိန် ဓမ္မတာဖြစ်ခြင်း

မတ်စ်အလဟ် (၁) 

ဓမ္မတာဖြစ်နေသောအမျိုးသမီးသည် မက္ကဟ်ရွှေမြို့တော်မှမထွက်ခွာမီအလျှင် သန့်ပြန့်ခဲ့လျှင် ပြန်လှည့်လာ၍ သွဝါးဖ်ပြုရန် ဝါဂျိဗ်ဖြစ်သည်။ အကယ်၍ ထွက်ခွာပြီးနောက်ပိုင်းမှ သန့်ပြန့်လျှင် ပြန်လှည့်ရန် ဝါဂျိဗ်မထိုက်ပေ။ သို့သော် "မီကားသ်" မ ကျော်လွန်မီ မက္ကဟ်မြို့တော်သို့ပြန်ဝင်လာလျှင် သွဝါးဖ်ပြုရန်ဝါဂျိဗ်ထိုက်မည်။
မတ်စ်အလဟ် (၂)
အမျိုးသမီးသည် ဟဂ်ျမှပြန်လာချိန်၌ ဓမ္မတာဖြစ်သွားသည်။ သွဝါးဖေဝေဒါအ် မပြုနိုင်တော့ပေ။ ထိုနေရာ၌ ထပ်မံတည်းခိုရန်လည်းမဖြစ်နိုင်တော့ပေ။ အကြောင်းအမျိုးမျိုးကြောင့် ပြန်ရတော့မည်ဖြစ်၍ သွဝါးဖေဝေဒါအ် မပြုလုပ်နိုင်တော့လျှင် ဒမ်ပေးဆောင်ရန်လည်း တာဝန်မရှိပေ။
ဓမ္မတာဖြစ်နေသော အမျိုးသမီးပေါ်၌ သွဝါးဖေဝေဒါအ် ဝါဂျိဗ်မထိုက်ပေ။ အကယ်၍ အခွင့်သင့်မည်ဆိုပါက သန့်ပြန့်ပြီးနောက် သွဝါးဖေဝေဒါအ်ပြုလုပ်၍ ပြန်ခြင်းက ပိုကောင်းပေသည်။
မတ်စ်အလဟ် (၃) 
ဟိုက်ဇ် နှင့် နိဖားစ်ဖြစ်နေသောအမျိုးသမီးသည် သွဝါးဖေဝေဒါအ် မပြုလုပ်ဘဲ ဗလီ(မတ်စ်ဂျိဒိဟရာမ်)၏ နယ်နမိတ်အပြင်မှသာ ဒိုအာတောင်း၍ လှည့်ပြန်ရမည်။

သွဝါးဖ်ခုနှစ်မျိုးနှင့်သက်ဆိုင်သော အမိန့်များ 

မတ်စ်အလဟ်
ဂျနာဗသ် (ကိုယ်ခန္ဓာမသန့်ရှင်းချိန်) သို့မဟုတ် ဟိုက်ဇ်၊ နိဖားစ် ဖြစ်နေစဉ်ကာလအတွင်း အကယ်၍ သွဝါးဖ်ပြုခဲ့လျှင် သွဝါးဖ်၏အမျိုးစားခုနှစ်မျိုး၏အမိန့်သည် အောက်ပါအတိုင်းဖြစ်သည်။

(၁) "သွဝါးဖေဇိယာရသ်" ပြုမိလျှင်ဟရာမ်နယ်နမိတ်အတွင်း၌ပင် နွား (သို့) ကုလားအုတ်တစ်ကောင် ဖိဒ်ယဟ်ပေးရမည်။ အကယ်၍ သွဝါးဖ်သုံးပတ် (သို့) သုံးပတ်ထက်ပိုခဲ့လျှင် ဒမ်ထိုက်မည်။ သို့သော် သန့်ပြန့်ပြီးချိန် သွဝါးဖ်ပြန်ပြုခဲ့လျှင် ဒမ်ပေးဆောင်ရန်မလိုတော့ပေ။
(၂) "သွဝါးဖေအွမ္မရာဟ်" ပြုမိလျှင် ဒမ် (ဆိတ်တစ်ကောင်) ကုရ်ဗာနီပေးရမည်။ သို့သော် သန့်ပြန့်ပြီးချိန် သွဝါးဖ်ပြန်ပြုခဲ့လျှင် ဒမ်ပေးရန်မလိုတော့ပေ။
(၃) " သွဝါးဖေဝေဒါအ်" ဟိုက်ဇ် နှင့် နိဖားစ်ဖြစ်နေသော အမျိုးသမီးသည် "သွဝါးဖေဝေဒါအ်" ပြုလုပ်ရန် မလိုအပ်တော့ပေ။သို့သော် ဂျနာဗသ်ဖြစ်နေချိန် "သွဝါးဖေဝေဒါအ်" ပြုခဲ့လျှင် ဒမ်ထိုက်မည်။သို့သော် သန့်ပြန့်ပြီးချိန် သွဝါးဖ်ပြန်ပြုခဲ့လျှင် ဒမ် ပေးရန်မလိုတော့ပေ။
(၄) "သွဝါးဖေနဇရ်" (မိမိရည်ရွယ်ချက်ပြည့်ဝလျှင် သွဝါးဖ်ပြုမည်ဟု ရည်ရွယ်ထားခြင်း) သည် ဝါဂျိဗ်ဖြစ်သည်။ ဖေါ်ပြပါအခြေအနေများတွင် "သွဝါးဖေနဇရ်" ပြုမိလျှင် ဒမ်ထိုက်မည်။ သို့သော်သန့်ပြန့်ပြီးချိန် သွဝါးဖ်ပြန်ပြုခဲ့လျှင် ဒမ် ပေးရန်မလိုတော့ပေ။
(၅) "သွဝါးဖေကူဒူးမ်" ဖေါ်ပြပါအခြေအနေများတွင် "သွဝါးဖေကူဒူးမ်" ပြုခဲ့လျှင် ဒမ်ထိုက်မည်။ သို့သော် သန့်ပြန့်ပြီးချိန် သွဝါးဖ်ပြန်ပြုခဲ့လျှင် ဒမ် ပေးရန်မလိုတော့ပေ။
(၆) "သွဝါးဖေနဖိလ်"
(၇) "သွဝါးဖေသဟိယ်ယဟ်" ဤနှစ်မျိုးလုံးအတွက် တစ်မျိုးတည်းသာဖြစ်သည်။ ဖေါ်ပြပါအခြေအနေများတွင် ဤသွဝါးဖ်များပြုမိပါက ဒမ် ဝါဂျိဗ်ထိုက်မည်။ သို့သော်သန့်ပြန့်ပြီးချိန် သွဝါးဖ်ပြန်ပြုခဲ့လျှင် ဒမ် ပေးရန်မလိုတော့ပေ။ အဘယ့်ကြောင့်ဆိုသော် "သွဝါးဖေနဖိလ်" သည်လည်း "သွဝါးဖေကူဒူးမ်" ကဲ့သို့ပင်ဖြစ်သည်။

((ကျမ်းကိုး // မစာအိလိမုကမ်မိလုလ်မုဒလ်လလ်
ဘာသာပြန်ဆိုသူ :: Shareat Ya Shahadat
အလ်မုဖီးဒ် မှ စီစဉ်တင်ဆက်သည်။))

Website: http://aaitee.blogspot.com
Facebook: http://www.facebook.com/almufeed.mm
Email: haroonrangoni@gmail.com
google တွင်ရှာရန် “ အလ်မုဖီးဒ် ” ဟု မြန်မာလိုရိုက်၍ရှာပါ။
မိမိဖုန်းထဲတွင် ပြန်လည်ဖတ်ရှုရန် သိမ်းထားလိုပါက Simple Islam.apk ဖိုင်ကို ဒေါင်းလုတ်ဆွဲပြီး Install လုပ်ထားပါ။