သယမုမ်နှင့်သက်ဆိုင်သည့် ပညတ်ချက်များ (၃)

(( ဆက်လက် တင်ပြခြင်းဖြစ်ပါသည် ...... ))
ပညတ်ချက် (၂၁)။ ကြေးဖြင့်ပြုလုပ်ထားသည့် ပန်းကန်၊ ခွက်၊ ခေါင်းအုံး၊ အိပ်ယာခင်း၊ အဝတ်၊ ပိတ်စ အစရှိသည်တို့ဖြင့် သယမုမ်ပြုခွင့်မရှိပေ။ သို့သော် ထိုအရာများအပေါ်တွင် လက်ဖြင့်ရိုက်လိုက်ပါက ဖုန်မှုန့်များ ပြန်ခါထွက်လာပြီး လက်ဖဝါးနှစ်ဖက်လုံးအပေါ် ဖုန်များလူးပေသွားနိုင်သည်အထိ ဖုန်ရှိနေလျှင် သယမုမ်ပြုခွင့်ရှိသည်။ ဖုန်အနည်းငယ်သာရှိလျှင် သယမုမ်ပြုခွင့်မရှိပေ။ မြေအိုး၊ မြေရေတကောင်း၊ စသည့်မြေဖြင့်ပြုလုပ်ထားသည့် အိုးခွက်တို့အပေါ်မှလည်း သယမုမ်ပြုခွင့်ရှိသည်။ ထိုအရာများထဲတွင် ရေရှိသည်ဖြစ်စေ၊ မရှိသည်ဖြစ်စေ။ သို့သော် စဥ့်ရည်၊ အရောင်တင်ဆီ စသည့် အရည်တစုံတရာ သုတ်လိမ်းထားခြင်း မရှိရပေ။ သုတ်လိမ်းထားပါက သယမုမ်ပြုခွင့်မရှိပါ။

ပညတ်ချက် (၂၂)။ ကျောက်တုံး၊ ကျောက်ခဲအပေါ်တွင် ဖုန်လုံးဝမရှိသည့်အခါတွင်လည်း ထိုကျောက်ဖြင့် သယမုမ်ပြုခွင့်ရှိသည်။ ထို့အတူ ရေဖြင့်ကောင်းစွာဆေးထားပါကလည်း သယမုမ်ပြုခွင့်ရှိပေသည်။ လက်အပေါ်ဖုန်ပေကပ်ရန် အရေးမကြီးပါ။ ဤအတိုင်းပင် အုတ်ကျက် အပေါ်မှလည်း သယမုမ်ပြုခွင့်ရှိသည်။ ဖုန်ရှိသည်ဖြစ်စေ၊ မရှိသည်ဖြစ်စေ။

ပညတ်ချက် (၂၃)။ ရွှံဖြင့် သယမုမ်ပြုပိုင်သော်လည်း မသင့်လျော်ပေ။ အကယ်၍ ရွှံမှအပ တခြားအရာမရရှိပါက ဤကဲ့သို့ပြုလုပ်ပါ။ မိမိ၏ အဝတ်အစားပေါ်တွင် ရွှံများသုတ်လိမ်းလိုက်ပါ။ ထိုရွှံခြောက်သွားသော်အခါမှ သယမုမ်ပြုလိုက်ပါ။ သို့သော် ရွှံခြောက်သည်အထိစောင့်ဆိုင်းပါက နမားဇ်အချိန် ကဇွာဖြစ်သွားမည်စိုးရိမ်ရလျှင် ရှိသည့်အခြေအနေအတိုင်းပင် သယမုမ်ပြုလိုက်ပါ။ နမားဇ်ကို ကဇွာမပြုပါနှင့်။

ပညတ်ချက် (၂၄)။ မြေပေါ်တွင် ကျင်ငယ် အစရှိသည့် မသန့်သည့်အရာများပေကျံနေသည်။ သို့သော် နေရောင်ကြောင့် ခြောက်သွေ့ပြီး အနံအသက်လည်း မရှိတော့ပါက ထိုမြေသည် သန့်ပေသည်။ ထိုနေရာတွင် နမားဇ်ဝတ်ပြုခွင့်ရှိသည်။ သို့သော် ယင်းမြေဖြင့် သယမုမ်ပြုခွင့်မရှိပါ။ သယမုမ်ပြုခွင့်မရှိခြင်းဟူသည် ထိုမြေနေရာက ယင်းသို့မသန့်ဖြစ်ထားသည်ကို သိရှိထားမှသာလျှင်ဖြစ်သည်။ သိရှိထားခြင်းမရှိပါက မည်သည့်သံသယမျှထားရန် မလိုအပ်ပေ။

ပညတ်ချက် (၂၅)။ ဝုဇူပြုခြင်း၏ အစားတွင် သယမုမ်ပြုခွင့်ရှိသလို ရေချိုးခြင်းကို မတတ်စွမ်းနိုင်သည့် အခါတွင်လည်း သယမုမ်ပြုခွင့်ရှိသည်။ ဤအတိုင်းပင် အမျိုးသမီးအနေဖြင့် ရာသီသွေးကာလပြီးဆုံးသွားခြင်း၊ မီးတွင်းသွေး ပြီးဆုံးသွားသည့်အခါ ရေချိုးရန် အခက်အခဲရှိပါက သယမုမ်ပြုခွင့်ရှိသည်။ (ရေကိုမသုံးစွဲနိုင်ခြင်း၏ စည်းကမ်းချက်တို့နှင့်ကိုက်ညီရပေမည်။) ဝုဇူနှင့် ဂုစူလ်၏ သယမုမ်ပြုနည်းမှာ နည်းစနစ်တစ်ခုတည်းပင်ဖြစ်သည်။

ပညတ်ချက် (၂၆)။ သင်ကြားပေးရန်အတွက် သယမုမ်ပြုလုပ်ပြသည်။ စိတ်ထဲတွင် မိမိအတွက် သယမုမ်ပြုလုပ်သည်ဟု ရည်စူးထားခြင်းမရှိ။ သင်ကြား၊ ပြသရန်အတွက်သာ ရည်ရွယ်သည်။ သို့ဆိုလျှင် ထိုသူ(သင်ကြားပေသူ) အတွက် သယမုမ်အထမမြောက်ပေ။ သယမုမ်အထမြောက်ရန် ရည်စူးချက်သည် ဖရ်ဇ်ဖြစ်သည်။ မိမိအတွက် သယမုမ်ပြုလုပ်သည်ဟု ရည်စူးချက်မရှိဘဲ တခြားသူအား သင်ကြားပြသပေးသည့် ရည်ရွယ်ချက်သာရှိလျှင် သယမုမ်အထမမြောက်ပါ။

ပညတ်ချက် (၂၇)။ သယမုမ်ပြုလုပ်သည့်အချိန် စိတ်ထဲမှ " ကျွန်ုပ်သည်သန့်ရှင်းမှု ရရန်အတွက် သယမုမ်ပြုပါသည်။ (သို့) နမားဇ်ဝတ်ပြုရန်အတွက် သယမုမ်ပြုပါသည်။" ဟု ရည်စူးခြင်းဖြင့် လုံလောက်သည်။ သယမုမ် အတည်ဖြစ်သည်။ ဝုဇူ၏အစား၊ ရေချိုးခြင်း၏အစား သယမုမ်ပြုပါသည်ဟု ရည်စူးရန်မလိုအပ်ပေ။

ပညတ်ချက် (၂၈)။ ကုရ်အာန်ကိုင်တွယ်ရန်အတွက် ပြုလုပ်ထားသော သယမုမ်ဖြင့် နမားဇ်ဖတ်ခွင့်မရှိပါ။ နမားဇ်တစ်ကြိမ်အတွက် ပြုလုပ်ထားသော သယမုမ်ဖြင့် နောက်ထပ်နမားဇ်ဖတ်ခွင့်ရှိသည်။ ထိုသယမုမ်ဖြင့် ကုရ်အာန်ကိုလည်း ကိုင်တွယ်ခွင့်ရှိသည်။

ပညတ်ချက် (၂၉)။ ရေချိုးခြင်း၊ ဝူဇူပြုခြင်း နှစ်မျိုးစလုံးဝါဂျိဗ်ထိုက်နေသူအတွက် နှစ်ခုလုံး၏အစား သယမုမ်တစ်ကြိမ်ပြုလျှင် လုံလောက်ပေသည်။ နှစ်ခုအတွက် သီးခြားစီသယမုမ်ပြုရန် မလိုအပ်ပေ။

ပညတ်ချက် (၃၀)။ သယမုမ်ပြုလုပ်၍ နမားဇ်ဝတ်ပြုလိုက်သည်။ ပြီးနောက် နမားဇ်အချိန်မကုန်ဆုံးမီမှာပင် ရေရရှိလာသည်ဆိုလျှင် နမားဇ်ကိုပြန်လည်ဝတ်ပြုရန် ဝါဂျိဗ်မဖြစ်ပေ။ သယမုမ်ဖြင့်ဖတ်ခဲ့သည့် နမားဇ်သည်မှန်ကန်ပေသည်။

ပညတ်ချက် (၃၁)။ ရေရှိသည့်နေရာသည် ရှရ်အီတစ်မိုင်ထက်မဝေးပေ။ သို့သော်နမားဇ်အချိန်ကုန်ရန် အလွန်နီးကပ်နေသည်။ ရေယူရန်သွားပါက နမားဇ်ကဇွာဖြစ်သွားမည်ကို စိုးရိမ်ပြီး သယမုမ်ပြုခွင့်မရှိပေ။ ရေရအောင်သွားယူရမည်။ ထို့နောက် ကဇွာနမားဇ်ဖတ်ရမည်။

ပညတ်ချက် (၃၂)။ ရေရှိပါလျှက် ရေကိုသုံးစွဲနိုင်ပါလျှက် ကုရ်အာန်ကျမ်းမြတ်ကိုင်တွယ်ရန် သယမုမ်ပြုခွင့်မရှိပါ။

ပညတ်ချက် (၃၃)။ အချိန်အနည်းငယ်စောင့်ဆိုင်းလျှင် ရေရနိုင်မည်ဟု မျှော်လင့်ရပါက အကောင်းဆုံးပုံစံမှာ နမားဇ်ကို ပထမဦးဆုံးမုစ်သဟဗ်အချိန်တွင် ဝတ်မပြုပါနှင့်။ ရေရသည်အထိ စောင့်ပါ။ သို့သော် မက္ကရူးဟ်အချိန်အထိ မရောက်ရှိစေပါနှင့်။ ရေရသည်အထိမစောင့်ပဲ ပထမဆုံးအချိန်မှာပင် ဝတ်ပြုလိုက်ပါကလည်း နမားဇ်ပိုင်ပေသည်။

ပညတ်ချက် (၃၄)။ ရေသည် အနီးအနား၌ပင်ရှိနေသည်။ ရေသွားယူပါက ကား၊ ရထားထွက်သွားမည်ကို စိုးရိမ်ရသည်။ ထိုအခြေအနေမျိုးတွင်လည်း သယမုမ်ပြုခွင့်ရှိသည်။ (ဥပမာ ကားဖြင့်သွားရာတွင် ခရီးတထောက်ရပ်နားသည်။ ရထားသည် ဘူတာတစ်ခုခုတွင်ရပ်လိုက်သည်။ ထိုအခါ မိမိအနေဖြင့် ရေရှိသည့်နေရာသို့သွား၍ ရေယူသည့်အချိန် ကား၊ ရထားတို့ ပြန်လည်ထွက်ခွာသွားမည်ကို စိုးရိမ်ရပါက ထိုအခါ သယမုမ်ပင်ပြုလိုက်ပြီး နမားဇ်ဖတ်နိုင်သည်ကို ဆိုလိုပါသည်။) မြွေအစရှိသည့် အသက်အန္တရာယ်ပြုမည့် အရာများကြောင့် ရေကိုရယူနိုင်ခြင်း မရှိပါကလည်း ထိုအခြေအနေတွင် သယမုမ်ပြုခွင့်ရှိပေသည်။

ပညတ်ချက် (၃၅)။ ခရီးဆောင်ပစ္စည်းများနှင့်အတူ ရေကိုထား ထားသည်။ ရေရှိနေသည်ကို သတိမရဘဲ သယမုမ်ဖြင့် နမားဇ်ဝတ်ပြုလိုက်သည်။ ပြီးမှ မိမိ၏ ပစ္စည်းများနှင့်အတူ ရေရှိသည်ကိုသတိရလျှင် သယမုမ်ဖြင့် ဖတ်ခဲ့သောနမားဇ်ကို ပြန်ဖတ်ရန် ဝါဂျိဗ်မဖြစ်ပေ။

သယမုမ်ပျက်စေသည့်အချက်များ
ပညတ်ချက် (၃၆)။ ဝုဇူပျက်စေသည့်အချက်အားလုံးဖြင့် သယမုမ်လည်း ပျက်ပေသည်။ ထို့အတူ ရေသုံးစွဲနိုင်ခြင်းကြောင့်လည်း သယမုမ်ပျက်စေသည်။ ဤအတိုင်းပင် သယမုမ်ပြု၍ (ခရီးတွင်) ရှေ့ဆက်သွားရာ ရှရ်အီတစ်မိုင်အတွင်း ရေတွေ့ရှိခြင်းဖြင့်လည်း သယမုမ်ပျက်သွားပေသည်။

ပညတ်ချက် (၃၇)။ ဝုဇူအတွက်ပြုထားသောသယမုမ်သည် ဝူဇူပြုနိုင်သည်ခန့်ရေရရှိပါက သယမုမ်ပျက်မည်။ ဂုစုလ်၏အစားဖြစ်မူ ဂုစုလ်ပြုနိုင်သည်ခန့် ရေရရှိလျှင် သယမုမ်ပျက်၏။ ရေအနည်းငယ်သာရရှိခြင်းဖြစ်ပါက သယမုမ်မပျက်ပေ။ (ဝုဇူပြုနိုင်သည်ခန့်၊ ဂုစုလ်ပြုနိုင်သည်ခန့်ဟု ဆိုရာဝယ် ဖရ်ဇ်အချက်ကို လုပ်ဆောင်နိုင်သည်ကို ဆိုလိုသည်။ ဝုဇူ၏ ဖရ်ဇ် လေးချက်ကို တစ်ကြိမ်ဆီဆေးကြောနိုင်လျှင် ဝုဇူပြုနိုင်သည်ဟု မှတ်ယူမည်။ ခန္ဓာကိုယ်တစ်ခုလုံး ဆံချည်မျှင်တစ်မျှင်မကျန် ရေတစ်ကြိမ်ချိုးနိုင်လျှင် ဂုစုလ်အတွက် လုံလောက်သည်ဟု မှတ်ယူမည်။)

ပညတ်ချက် (၃၈)။ လမ်းခရီးတွင် ရေရသည်။ သို့သော် သယမုမ်ပြုထားသူသည် ရေရသည်ကို မသိရှိပေ။ ထို့အတူ ၎င်းရောက်နေသည့်နေရာတွင် ရေရရှိနေသည်ကိုလည်း မသိရှိမူ ထိုသူ့၏ သယမုမ်မပျက်ပေ။ ဤအတိုင်းပင် လမ်းခရီးတွင် ရေရရှိသည်။ ရေရသည်ကိုလည်းသိရှိသွားသည်။ သို့သော် ကား၊ ရထား အစရှိသည့် စီးနင်းနေသည့်ယာဉ်မှ ဆင်းသက်ရန် အခွင့်အရေးမရပါကလည်း ထိုသူ့၏ သယမုမ်မပျက်ပေ။

ပညတ်ချက် (၃၉)။ ကျန်းမာရေးချို့ယွင်းမှုကြောင့် သယမုမ်ပြုသည်။ ကျန်းမာမှုရရှိလာသည့်အခါ ရေချိုးခြင်း၊ ဝုဇူပြုခြင်းတို့က ထိခိုက်မှုမဖြစ်စေတော့သည့်အချိန်တွင် သယမုမ်ပျက်၏။ ဝုဇူ၊ ဂုစုလ်ပြုရန် ဝါဂျိဗ်ဖြစ်သည်။

ပညတ်ချက် (၄၀)။ ရေမရသည့်အတွက် သယမုမ်ပြုလိုက်သည်။ တဖန် ရေသုံးစွဲလျှင် ပိုမိုဆိုးရွားနိုင်သည့် ရောဂါမျိုးဖြစ်လာသည်။ ထိုရောဂါရရှိပြီးသည့်နောက်မှ ရေရရှိလာလျှင် ရေမရှိခြင်းကြောင့်ပြုလုပ်ထားသော သယမုမ်သည် ပျက်သွားမည်ဖြစ်သည်။ သယမုမ်အသစ်ပြန်လုပ်ရမည်။

ပညတ်ချက် (၄၁)။ ရေချိုးရန်ဝါဂျိဗ်ထိုက်နေသည့်အတွက်ကြောင့် ရေချိုးလိုက်သည်။ သို့သော် ခန္ဓာကိုယ်တစ်နေရာတွင် ရေမရောက်ရှိဘဲ ခြောက်သွေ့ပြီးကျန်နေခဲ့သည်။ ရေလည်းကုန်သွားပြီဖြစ်သည်။ ယခုထိုသူသည် သန့်ပြန်သူမဖြစ်သေးပေ။ ထို့အတွက်ကြောင့် သယမုမ်ပြုရမည်ဖြစ်သည်။ အကယ်၍ တစ်နေရာရာမှ ရေရရှိပါက ထိုခြောက်သွေ့နေသည့်နေရာကို ဆေးကြောလိုက်ပါ။ အစအဆုံး ရေပြန်ချိုးရန် မလိုအပ်ပါ။

ပညတ်ချက် (၄၂)။ (အပေါ်ပညတ်ချက်နှင့် တဆက်တည်းဖြစ်သည်။) ဝုဇူပျက်သွားပြီးသည့်နောက်မှ ရေရရှိလာသည်။ သို့ဆိုလျှင် ဦးစွာခြောက်သွေ့ကျန်ခဲ့သည့်နေရာကို ဆေးကြောလိုက်ပါ။ အကယ်၍ရေသည် ဝုဇူအတွက်သာလုံလောက်ပြီး ခြောက်သွေ့ကျန်ခဲ့သည့်နေရာကို ဆေးကြောရန်မလုံလောက်ပါက ဝုဇူသာလျှင်ပြုလိုက်ပါ။ ထိုနေရာအတွက် ဂုစုလ်၏ သယမုမ်သာပြုလိုက်ပါ။ အကယ်၍ ဂုစုလ်အတွက် သယမုမ်ကို ပြုပြီးဖြစ်ပါက ထပ်မံပြုလုပ်ရန်မလိုအပ်တော့ပေ။ ပထမပြုထားသည့် သယမုမ်သည် လုံလောက်ပါသည်။

ပညတ်ချက် (၄၃)။ အဝတ်အစား (သို့) ခန္ဓာကိုယ်သည် ညစ်ပေနေသည်။ ဝုဇူပြုရန်လည်း လိုအပ်နေသည်။ သို့သော် ရေအနည်းငယ်သာရှိပေသည်။ (နှစ်မျိုးလုံးပြုလုပ်ရန် မလုံလောက်ပေ။) သို့ဆိုလျှင် ခန္ဓာကိုယ်၊ အဝတ်အစား၏ ညစ်ပေမှုကို ဆေးကြောလိုက်ပါ။ ဝုဇူအစား သယမုမ်ပြုလုပ်ပါ။
*********
ကျမ်းကိုး။ ။ ဗဟစ်ရ်ှသီးဇေဝရ်ကျမ်း(အခ်သရီ) ပထမတွဲ အခန်း(၂) စာ၊ ၆၆ မှ ၇၁
((အလ်မုဖီးဒ် မှ ဘာသာပြန်ဆိုသည် / အမှားအယွင်းနှင့် ချွတ်ချော်မှု တစုံတရာတွေ့ရှိပါက ဘာသာပြန်ဆိုသူ၏ အားနည်းမှုကြောင့်သာ ဖြစ်ပါသည်။ အီးမေးလ် (သို့) Page ချက်ဘောက်စ် မှ မေးမြန်းနိုင်ပါသည်။))

အလ်မုဖီးဒ်

Website: http://aaitee.blogspot.com
Facebook: http://www.facebook.com/almufeed.mm
Email: haroonrangoni@gmail.com
google တွင်ရှာရန် “ အလ်မုဖီးဒ် ” ဟု မြန်မာလိုရိုက်၍ရှာပါ။
မိမိဖုန်းထဲတွင် ပြန်လည်ဖတ်ရှုရန် သိမ်းထားလိုပါက Simple Islam.apk ဖိုင်ကို ဒေါင်းလုတ်ဆွဲပြီး Install လုပ်ထားပါ။

သယမုမ်နှင့် သက်ဆိုင်သည့် ပညတ်ချက်များ (၂)

ဗိစ်မိလ္လာဟိရ်ရဟ်မာန်းနိရ်ရဟီးမ်
(မစာအိလ် မလေ့လာမီ သိရှိထားရမည့် အချက်အချို့)
ယခုတင်ပြမည့်အကြောင်းအရာသည် သယမုမ်ပိုင်းဆိုင်ရာ ပြုခွင့်ရှိခြင်း၊ မရှိခြင်း၊ သယမုမ်ပြုပိုင်မည့် အခြေအနေများနှင့် စပ်လျဉ်း၍ သာသနာမှပြသထားသည့် ပညတ်ချက်စည်းကမ်း နည်းလမ်းများကို တင်ပြမည်ဖြစ်ပါသည်။ ပညတ်ချက်ဟူသည် တနည်းဆိုရသော် ဥပဒေပင်ဖြစ်သည်။ ဥပဒေဟူသောဆောင်ပုဒ်အောက်၌ ရေးသားထားသောစာသားများသည် သာမာန်စာသား စာပေများနှင့် မတူညီပါ။ စာသားအဓိပ္ပာယ်၊ စကားလုံးသုံးစွဲပုံ အစရှိသည့်အရာတို့သည် နက်နဲပါသည်။ ထို့ကြောင့် ဥပဒေ၊ ပညတ်ချက်များပါဝင်သည့် အကြောင်းအရာတို့ကို ဖတ်ရှုမည်ဆိုပါက သာမာန်အကြောင်းအရာများပါဝင်သည့် စာပေများကဲ့သို့ မြန်ဆန်စွာနှင့် ရုပ်လုံးပေါ်လောက်ရုံသာ ဖတ်ရှုမည်ဆိုပါက နားလည်နိုင်မည်မဟုတ်ပါ။ ထို့ကြောင့် အကြံပေးလို့သည်မှာ မတ်စ်အလာ(ပညတ်ချက်)များကို ဖတ်ရှုလေ့လာမည်ဆိုပါက အေးဆေးစွာနှင့် အကြောင်းအရာ တစ်ခုကို နားလည်သဘောပေါက် မှတ်မိသည်အထိ နှစ်ကြိမ်၊ သုံးကြိမ်ဖတ်ရမည်။ မိမိနားလည်သည့်ပုံစံနှင့် မတ်စ်အလာမှပြသထားသည့် ပုံစံတို့ လွဲနေပါက စစ်မှန်သည့် အဲဟ်လေစွန္နသ်လမ်းစဉ်ကိုကျင့်သုံးပြီး မိမိနှင့် မဇ်ဟဗ်ခြင်းတူညီသည့် အာလင်မ်ကို မေးမြန်းပါ။
အောက်၌တင်ပြမည့် မတ်စ်အလာများတွင် အခြေအနေတစ်ခု၏ ပင်ရင်းအခြေအနေတို့ကို အခြေခံကာ ပညတ်ချက်များ ပြသထားခြင်းဖြစ်သည်။ ဥပမာ ရေတွင်းဟု အများဆုံးသုံးနှုန်းထားသည်။ ထို့အတူ ခရီးထွက်ခြင်းဟု ဆိုရာဝယ် တောလမ်းခရီးမှ ခြေကျင်လျှောက်သွားခြင်း၊ ခရီးသွားယာဉ်တွင် ရထား၊ အစရှိသည့် ပင်ရင်းပုံစံတို့ဖြင့် ပြသထားသည်။ ထို့ကြောင့် ရေတွင်းအမိန့်တွင် ယခုခေတ်၏ ရေစင်များ၊ ရေတိုင်ကီများ ပါဝင်သည်။ ခရီးထွက်ခြင်းတွင် ခရီးထွက်သည့် ပုံစံအားလုံးကိုဆိုလိုသည်။ ရထားခရီးစဉ်ဟု ဆိုထားခြင်းတွင် ရထား၊ ကား၊ လေယာဉ် စသည့် စီးနင်းနိုင်သည့်ယာဉ်အားလုံးကိုဆိုလိုပါသည်။
အောက်၌တင်ပြထားသည့် မတ်စ်အလာ အမိန့်ပညတ်ချက်တို့တွင် ဖတ်ရှုသူအနေဖြင့် နားမလည်၊ သဘောမပေါက်ခြင်း၊ မိမိဖြစ်ပေါ်နေသည့်အခြေအနေသည် တင်ပြထားသည့် ပညတ်ချက်များ၌ ပါဝင်နေခြင်းမရှိ၊ ဖတ်ရှုသူအနေဖြင့်လည်း သိရှိလိုလျှင် မိမိနှင့်နီးစပ်သည့် အာလင်မ်ကိုသော်လည်ကောင်း၊  (သို့မဟုတ်) haroonrangoni@gmail.com သို့လည်ကောင်း ဆက်သွယ်မေးမြန်းနိုင်ပါသည်။

သယမုမ်ပြုခွင့်ရမည့် ပုံစံများ
(အောက်၌တင်ပြမည့် ပညတ်ချက်များသည် အဲဟ်လေစွန္နသ်ဝလ်ဂျမာအသ်လမ်းစဉ်မှ ဟနဖီမဇ်ဟဗ်ဝင်များအတွက် ဖြစ်ပါသည်။)

သယမ်မုမ်ပြုခြင်းနှင့် စပ်လျဉ်၍ ထပ်မံသိရှိထားရမည့် ပညတ်တော်များ

ပညတ်ချက် (၁)။ တောထဲသို့ရောက်သွားသည်။ ရေဘယ်မှာရှိသည်ကိုလည်း လုံးဝမသိရှိပေ။ လမ်းညွှန်ပြောပြပေးမည့်သူလည်း မရှိ။ မေးမြန်းစုံစမ်းရန်လည်း ဘယ်သူမျှမရှိပေ။ ထိုသို့သော်အခြေအနေတွင် သယမုမ်ပြုခွင့်ရှိသည်။

အကယ်၍ ရေရှိသည့်နေရာကို လမ်းညွှန်ပေးနိုင်သည့် သူကိုတွေ့မည်။ ၎င်းကလည်း ရှရီအသ်မှ သတ်မှတ်ထားသည့် တစ်မိုင်ပတ်လည်အတွင်း ရေရှိသည့်နေရာကိုပြောပြမည်။ သို့မဟုတ် တခြားသောအကြောင်းခံတစ်ခုခုဖြင့် ရေရှိနိုင်ကြောင်းသိရှိရမည်။ (တိရိစ္ဆာန်တို့၏ ခြေရာကို အကြောင်းခံ၍၊ ငှက်များပျံသန်းသည့် ဘက်ကိုအခြေခံ၍) ရှရ်အီတစ်မိုင်အတွင် ရေရှိနိုင်ကြောင်း တိကျစွာမှတ်ယူနိုင်မည်ဆိုပါက ရေကိုဤမျှရှာဖွေရမည်။ ထိုသူနှင့် အပေါင်းအပါတို့ ရေရှာဖွေရာတွင် မည်သည့်အခက်အခဲမျှ မရှိနိုင်ပါက ရေမရှာဖွေပဲ သယမုမ်ပြုခွင့်မရှိပေ။ ရှရ်အီတစ်မိုင်အတွင်း ရေမုချရှိမည်ဟု ယုံကြည်ရပါက ရေရှာဖွေရန် ဝါဂျိဗ်ဖြစ်ပါသည်။
ရှရ်အီ ၁မိုင်သည် အင်္ဂလိပ်မိုင်နှင့် ၈ ပုံ ၁ ပုံ ပိုပါသည်။ (၉ ဖာလုံနှင့် ၂ဝ ကိုက်ဖြစ်ပါသည်။)

ပညတ်ချက် (၂)။ ရေရှိသည့်နေရာကိုသိသွားသည်။ သို့သော် ရှရ်အီ ၁မိုင်ထက် ပိုဝေးပါက ဤမျှလောက် ဝေးလံသည့်နေရာသို့ သွားရောက်၍ ရေရယူရန် အရေးမကြီးပေ။ သယမုမ်ပြုခွင့်ရှိသည်။

ပညတ်ချက် (၃)။ မြို့နှင့် ၁ မိုင်ဝေးသည့်နေရာသို့ရောက်ရှိနေသည်။ မိမိရောက်ရှိနေသည့်နေရာ၏ ၁ မိုင်အတွင်းတွင် ရေမရရှိနိုင်ပါကလည်း သယမုမ်ပြုခွင့်ရှိသည်။ ခရီးသည်ဟုတ်သည်ဖြစ်စေ၊ မဟုတ်သည်ဖြစ်စေ။

ပညတ်ချက် (၄)။ မိမိသွားနေသည့် လမ်းတွင် ရေတွင်းတွေ့သည်။ သို့သော် ခပ်ယူရန် ကြိုး၊ ပုံး အစရှိသည်တို့ကို မရရှိပါကလည်း သယမုမ်ပြုခွင့်ရှိသည်။

ပညတ်ချက် (၅)။ ရေရရှိလိုက်သည်။ အလွန်နည်းသည်။ သို့သော် မျက်နှာ၊ လက်နှစ်ဖက်နှင့် ခြေထောက်နှစ်ဖက်တို့ကို တစ်ကြိမ်စီဆေးနိုင်လောက်သည်အထိ ရေရှိပါက သယမုမ်ပြုခွင့်မရှိပေ။ ဝုဇူ၏ ဖရ်ဇ်အစိတ်အပိုင်းအားလုံးကို တစ်ကြိမ်စီဆေး၍ ဦးခေါင်းကို မစဟ်ပြုလိုက်ပါ။ အကယ်၍ ထိုမျှခန့်ပင်မရှိပါက သယမုမ်ပြုပါ။

ပညတ်ချက် (၆)။ ကျန်းမာရေးအရ ရေသုံးစွဲနိုင်ခြင်းမရှိ။ ရေသုံးစွဲပါက ရောဂါထပ်တိုးမည်။ နေကောင်းရန် နှောင့်နှေးကြန့်ကြာမည်ကို စိုးရိမ်ရပါက သယမုမ်ပြုခွင့်ရှိသည်။ သို့သော် ရေအေးမဟုတ်ဘဲ ရေနွေးကို သုံးစွဲနိုင်ပါက ရေနွေးဖြင့် ဝုဇူ၊ ဂုစုလ်ပြုရန် ဝါဂျိဗ်ဖြစ်ပေသည်။ သို့သော် ရေနွေးလည်း မရရှိနိုင်သည့် နေရာဖြစ်ပါက သယမုမ်ပြုခွင့်ရှိသည်။

ပညတ်ချက် (၇)။ ရေသည် အနီးအနားတွင်ရှိသည်။ ရှရ်အီတစ်မိုင်မျှလည်း မဝေးပေ။ ရေယူ၍ ဝုဇူပြုရန် ဝါဂျိဗ်ဖြစ်သည်။ အမျိုးသမီးများအနေဖြင့် ယောကျာ်းများရှိခြင်းကို ရှက်၍ ရေမယူဘဲ သယမုမ်ပြုခွင့်မရှိပါ။ ရှရီအသ်၏ အမိန့်တစ်ခုကိုလက်လွှတ်ဆုံးရှုံးဖို့ ပရ်ဒါကို အကြောင်းခံခြင်းသည် မပြုပိုင်သည်သာမက ဟရာမ်လည်းဖြစ်ပေသည်။ ဗုရ်ကအ်ခြုံ၍ (သို့) လုံခြုံသည့် ခြုံထည်ကို ခြုံကာ ရေသွားယူရန် ဝါဂျိဗ်ဖြစ်သည်။ ယင်းသို့ယူဆောင်ရာတွင်လည်း မျက်နှာ၊ လက်၊ ခြေ တို့ကို အကြောင်းမဲ့ မဖော်ရပေ။

ပညတ်ချက် (၈)။ ရေဖြင့် ဝုဇူမပြုနိုင်သရွေ့ သယမုမ်ကို ဆက်တိုက်ပြုနေခွင့်ရှိသည်။ သယမုမ်ပြုရသည့်ရက်သည် မည်မျှပင်ကြာရှည်ပါစေ မည်သည့်သံသယမျှ ရှိစရာမလိုပါ။ ဝုဇူပြုခြင်းနှင့် ရေချိုးခြင်းတို့ကြောင့် ရရှိသည့် သန့်ရှင်းမှုအတိုင်းပင် သယမုမ်ကသန့်ရှင်းမှုကို ပေးပါသည်။ သယမုမ်ပြုခြင်းဖြင့် ကောင်းစွာမသန့်ရှင်းနိုင်။ အနည်းငယ်သာ သန့်ရှင်းသည်ဟု မမှတ်ယူရပါ။

ပညတ်ချက် (၉)။ ရေကို ဝယ်ယူသုံးစွဲရမည်။ ရေ၏ တန်ကြေးသည် မြင့်မားနေပါက သယမုမ်ပြုခွင့်ရှိသည်။ သို့သော် မိမိထံပါးတွင် ငွေရှိသည်။ ခရီးစရိတ်ထက်လည်း ပိုလျှံနေသည်ဆိုပါက ရေဝယ်ယူရန် ဝါဂျိဗ်ဖြစ်သည်။ ရေရောင်းသည့်ဈေးနှုံးန်းသည် မည်သူမျှမရောင်းသည့်ဈေးဖြင့် မတန်တဆ ဈေးတင်ရောင်းနေပါက ထိုအခြေအနေတွင် ရေဝယ်ယူရန် ဝါဂျိဗ်မဖြစ်ပေ။ သယမုမ်ပြုခွင့်ရှိသည်။ မိမိထံတွင်ရှိသည့် ငွေကြေးသည် လမ်းခရီးစရိတ်ထက် အပိုမရှိပါက သယမုမ်ပြုခွင့်ရှိသည်။

ပညတ်ချက် (၁၀)။ အအေးဓာတ် အလွန်ပြင်းထန်နေမည်။ ရေများပင် ခဲနေမည်။ ထိုအခြေအနေမျိုးတွင် ရေချိုးပါက သွေးခဲ၍ သေနိုင်မည်။ နာမကျန်းဖြစ်သွားမည်ကို စိုးရိမ်ရသည်။ ရေတော့ချိုးနိုင်သည်။ သို့သော် ရေချိုးပြီးနောက် အနွေးဓာတ်ရယူရန် စောင်၊ အစရှိသည့်အရာများလည်း မရှိပါက ဤသို့သော် အခြေအနေတွင် သယမုမ်ပြုခွင့်ရှိပေသည်။

ပညတ်ချက် (၁၁)။ ခန္ဓာကိုယ်တစ်ဝက်ထက်ပို၍ ဒဏ်ရာများရှိနေမည်။ သို့မဟုတ် ရေယုံ၊ ရေကျောက် ကဲ့သို့ အနာများပေါက်နေပါကလည်း ထိုအခြေအနေတွင် ရေချိုးရန် ဝါဂျိဗ်မဖြစ်ပေ။ သယမုမ်ပြုနိုင်ပါသည်။

ပညတ်ချက် (၁၂)။ ကွင်းပြင်တစ်ခုတွင် သယမုမ်ပြု၍ နမားဇ်ဖတ်လိုက်သည်။ သို့သော် ရေသည် ၎င်းနှင့် အနီးအနားမှာပင်ရှိနေသည်။ ရေရှိသည်ကို မသိပေ။ သယမုမ်ဖြင့် ၎င်းတို့ဖတ်လိုက်သည့် နမားဇ်သည် မှန်ကန်ပေသည်။ ၎င်းတို့၏ အနီးအနား၌ပင် ရေရှိသည်ကို သယမုမ်ဖြင့် နမားဇ်ဝတ်ပြုပြီးမှ သိရှိလျှင်လည်း နမားဇ်ပြန်ဖတ်ရန် အရေးမကြီးပေ။

ပညတ်ချက် (၁၃)။ ခရီး၌ တစ်ဦးတစ်ယောက်ထံတွင် ရေရှိပါက ၎င်းထံမှတောင်းခံလျှင် မုချပေးမည်ဟု စိတ်ထဲမှ ယုံကြည်ချက်ခိုင်မာလျှင် ရေမတောင်းပဲ သယမုမ်ပြုခွင့်မရှိပေ။ ဤသို့မဟုတ်ဘဲ တောင်းလျှင် မပေးနိုင်ဟု စိတ်ထဲမှ ယုံကြည်နေလျှင် ရေမတောင်းပဲ သယမုမ်သာပြု၍ နမားဇ်ဝတ်ပြုခွင့်ရှိသည်။ သို့သော် နမားဇ်ဖတ်ပြီးသည့်နောက် ၎င်းသူထံမှ ရေတောင်းလိုက်သည်။ ထိုသူကလည်း ရေပေးလိုက်သည်ဆိုပါက ပထမဖတ်ခဲ့သည့်နမားဇ်ကို ဝူဇူဖြင့် ပြန်လည်ဖတ်ရွတ်ရမည်။

ပညတ်ချက် (၁၄)။ ဇမ်ဇမ်ရေပုံးများတွင် ဇမ်ဇမ်ရေများရှိနေလျှက်ဖြင့် သယမုမ်ပြုခွင့်မရှိပေ။ ဇမ်ဇမ်ပုံးများကိုဖွင့်၍ ထိုရေဖြင့် ရေချိုး၊ ဝုဇူပြုခြင်းများကို ပြုရမည်ဖြစ်သည်။

ပညတ်ချက် (၁၅)။ ရေရှိသည့်သူထံ ရေတောင်းရန်သွားသောအခါ လမ်းတွင် အခက်အခဲဖြစ်မည်။ သို့မဟုတ် သွားနေရင်း ရေဆာလောင်မှုကြောင့် အခက်အခဲတစ်ခုခု၊ အသက်အန္တရာယ် စိုးရိမ်ရပါက ထိုအခြေအနေတွင် ဝုဇူမပြုဘဲ သယမုမ်ပြုခွင့်ရှိသည်။ ထို့အတူ မိမိထံတွင်ရှိနေသောရေကို သုံးစွဲလိုက်ပါက ရေဆာလောင်မှုအတွက် သောက်သုံးရန် ရေမကျန်ရှိနိုင်တော့ပါက ထိုအခြေအနေတွင် သယမုမ်ပြုခွင့်ရှိသည်။

ပညတ်ချက် (၁၆)။ ရေချိုးလျှင် ကျန်းမာရေးထိခိုက်နိုင်သည်။ ဝုဇူပြုလျှင် အခက်အခဲမရှိပါက ရေချိုးခြင်း၏ အစား သယမုမ်ပြုလိုက်ပါ။ (သယမုမ်ကို ဦးစွာပြုပါ။ ထို့နောက်မှ ဝုဇူပြုပါ။) ဂုစုလ်အတွက် သယမုမ်ပြုပြီးသည့်နောက် ဝုဇူပျက်သွားပါက ဝုဇူအတွက် သယမုမ်မပြုရပေ။ ဝုဇူသာပြန်လုပ်ရမည်။

ပညတ်ချက် (၁၇)။ သယမုမ်ပြုသည့် နည်းလမ်းမှာ လက်နှစ်ဖက်ကို သန့်ပြန့်သော မြေကြီးပေါ်တွင် ရိုက်ပုတ်လိုက်ပါ။ ထို့နောက် မျက်နှာတစ်ခုလုံးကို ပွတ်သပ်လိုက်ပါ။ ဒုတိယအကြိမ် မြေကြီးကို ရိုက်ပုတ်ပါ။ လက်နှစ်ဖက်ကို တံတောင်ဆစ်အပါအဝင် ပွတ်လိုက်ပါ။ လက်ချောင်းများကိုလည်း ခိလာလ်ပြုပါ။ ကျပ်နေသည့် လက်စွပ်တို့ကို ချွတ်ထားပါ။ ပွတ်သပ်ရာတွင် ဆံချည်မျှင် တစ်မျှင်စာမျှ မကျန်ရှိအောင် ဂရုပြုရမည်။ ကျန်ရှိခဲ့ပါက သယမုမ် မပိုင်ပါ။

ပညတ်ချက် (၁၈)။ မြေကြီးအပေါ်လက်ရိုက်ပြီးသည့်နောက် လက်ကိုပြန်ခါလိုက်ရမည်။ သို့မှသာ လက်နှင့် မျက်နှာတို့တွင် ဖုံမှုန့်များပေကပ်မည်မဟုတ်ပေ။ ဖုံနှင့် မြေကြီးများပေ၍ မျက်နှာပုံစံမပျက်သွားစေရန်ဖြစ်ပေသည်။

ပညတ်ချက် (၁၉)။ မြေကြီးအပြင် မြေကြီးအမျိုးအစားမှဖြစ်သည့် အုတ်၊ သဲ၊ ကျောက်၊ ထုံး၊ ဘိလပ်မြေ၊ မြေနီမှုန့်၊ စုရ်မာ၊ အစရှိသည့်အရာတို့ဖြင့် သယမုမ်ပြုခွင့်ရှိသည်။ မြေအမျိုးအစားမှ မဟုတ်သည့်အရာတို့ဖြင့် သယမုမ်ပြုခွင့်မရှိပေ။ ရွှေ၊ ငွေ၊ ကြေး၊ သတ္တု၊ ထို့အတူ အသီးအနှံများ။ အကယ်၍ ထိုအရာများအပေါ်တွင် မြေကြီး ဖုန်မှုန့်များပေကျံနေပါက ထိုပုံစံမျိုးတွင် ထိုအရာများပေါ် သယမုမ်ပြုခွင့်ရှိသည်။

ပညတ်ချက် (၂ဝ)။ မီးတွင် လောင်ကျွမ်းသွားခြင်း၊ ပျော်ဝင်သွားခြင်းမရှိသည့်အရာသည် မြေအမျိုးအစားဖြစ်သည်။ လောင်ကျွမ်းပြာဖြစ်သွားသောအရာသည် မြေအမျိုးအစားမှ မဟုတ်ပေ။ ထို့အတူ ပြာအပေါ်တွင်လည်း သယမုမ်ပြုခွင့်မရှိ။
(တတိယအပိုင်းကို ဆက်လက် လေ့လာပါရန်)

ကျမ်းကိုး။ ။ ဗဟစ်ရ်ှသီးဇေဝရ်ကျမ်း(အခ်သရီ) ပထမတွဲ အခန်း(၂) စာ၊ ၆၆ မှ ၇၁
((အလ်မုဖီးဒ် မှ ဘာသာပြန်ဆိုသည် / အမှားအယွင်းနှင့် ချွတ်ချော်မှု တစုံတရာတွေ့ရှိပါက ဘာသာပြန်ဆိုသူ၏ အားနည်းမှုကြောင့်သာ ဖြစ်ပါသည်။ အီးမေးလ် (သို့) Page ချက်ဘောက်စ် မှ မေးမြန်းနိုင်ပါသည်။))

အလ်မုဖီးဒ်

Website: http://aaitee.blogspot.com
Facebook: http://www.facebook.com/almufeed.mm
Email: haroonrangoni@gmail.com
google တွင်ရှာရန် “ အလ်မုဖီးဒ် ” ဟု မြန်မာလိုရိုက်၍ရှာပါ။
မိမိဖုန်းထဲတွင် ပြန်လည်ဖတ်ရှုရန် သိမ်းထားလိုပါက Simple Islam.apk ဖိုင်ကို ဒေါင်းလုတ်ဆွဲပြီး Install လုပ်ထားပါ။

သယမုမ်နှင့်သက်ဆိုင်သည့် ပညတ်ချက်များ (၁)

ဗိစ်မိလ္လာဟိရ်ရဟ်မာန်းနိရ်ရဟီးမ်

(မစာအိလ်မလေ့လာမီအလျင် သိရှိထားရမည့် အချက်အချို့)

ယခုတင်ပြမည့်အကြောင်းအရာသည် သယမုမ်ပိုင်းဆိုင်ရာ ပြုခွင့်ရှိခြင်း၊ မရှိခြင်း၊ သယမုမ်ပြုပိုင်မည့် အခြေအနေများနှင့် စပ်လျဉ်း၍ သာသနာမှပြသထားသည့် ပညတ်ချက်စည်းကမ်း နည်းလမ်းများကို တင်ပြမည်ဖြစ်ပါသည်။ ပညတ်ချက်ဟူသည် တနည်းဆိုရသော် ဥပဒေပင်ဖြစ်သည်။ ဥပဒေဟူသောဆောင်ပုဒ်အောက်၌ ရေးသားထားသောစာသားများသည် သာမာန်စာသား စာပေများနှင့် မတူညီပါ။ စာသားအဓိပ္ပာယ်၊ စကားလုံးသုံးစွဲပုံ အစရှိသည့်အရာတို့သည် နက်နဲပါသည်။ ထို့ကြောင့် ဥပဒေ၊ ပညတ်ချက်များပါဝင်သည့် အကြောင်းအရာတို့ကို ဖတ်ရှုမည်ဆိုပါက သာမာန်အကြောင်းအရာများပါဝင်သည့် စာပေများကဲ့သို့ မြန်ဆန်စွာနှင့် ရုပ်လုံးပေါ်လောက်ရုံသာ ဖတ်ရှုမည်ဆိုပါက နားလည်နိုင်မည်မဟုတ်ပါ။ ထို့ကြောင့် အကြံပေးလို့သည်မှာ မတ်စ်အလာ(ပညတ်ချက်)များကို ဖတ်ရှုလေ့လာမည်ဆိုပါက အေးဆေးစွာနှင့် အကြောင်းအရာ တစ်ခုကို နားလည်သဘောပေါက် မှတ်မိသည်အထိ နှစ်ကြိမ်၊ သုံးကြိမ်ဖတ်ရမည်။ မိမိနားလည်သည့်ပုံစံနှင့် မတ်စ်အလာမှပြသထားသည့် ပုံစံတို့ လွဲနေပါက စစ်မှန်သည့် အဲဟ်လေစွန္နသ်လမ်းစဉ်ကိုကျင့်သုံးပြီး မိမိနှင့် မဇ်ဟဗ်ခြင်းတူညီသည့် အာလင်မ်ကို မေးမြန်းပါ။

အောက်၌တင်ပြမည့် မတ်စ်အလာများတွင် အခြေအနေတစ်ခု၏ ပင်ရင်းအခြေအနေတို့ကို အခြေခံကာ ပညတ်ချက်များ ပြသထားခြင်းဖြစ်သည်။ ဥပမာ ရေတွင်းဟု အများဆုံးသုံးနှုန်းထားသည်။ ထို့အတူ ခရီးထွက်ခြင်းဟု ဆိုရာဝယ် တောလမ်းခရီးမှ ခြေကျင်လျှောက်သွားခြင်း၊ ခရီးသွားယာဉ်တွင် ရထား၊ အစရှိသည့် ပင်ရင်းပုံစံတို့ဖြင့် ပြသထားသည်။ ထို့ကြောင့် ရေတွင်းအမိန့်တွင် ယခုခေတ်၏ ရေစင်များ၊ ရေတိုင်ကီများ ပါဝင်သည်။ ခရီးထွက်ခြင်းတွင် ခရီးထွက်သည့် ပုံစံအားလုံးကိုဆိုလိုသည်။ ရထားခရီးစဉ်ဟု ဆိုထားခြင်းတွင် ရထား၊ ကား၊ လေယာဉ် စသည့် စီးနင်းနိုင်သည့်ယာဉ်အားလုံးကိုဆိုလိုပါသည်။

အောက်၌တင်ပြထားသည့် မတ်စ်အလာ အမိန့်ပညတ်ချက်တို့တွင် ဖတ်ရှုသူအနေဖြင့် နားမလည်၊ သဘောမပေါက်ခြင်း၊ မိမိဖြစ်ပေါ်နေသည့်အခြေအနေသည် တင်ပြထားသည့် ပညတ်ချက်များ၌ ပါဝင်နေခြင်းမရှိ၊ ဖတ်ရှုသူအနေဖြင့်လည်း သိရှိလိုလျှင် မိမိနှင့်နီးစပ်သည့် အာလင်မ်ကိုသော်လည်ကောင်း၊ (သို့မဟုတ်) haroonrangoni@gmail.com သို့လည်ကောင်း ဆက်သွယ်မေးမြန်းနိုင်ပါသည်။

သယမုမ်ပြုခွင့်ရမည့် ပုံစံများ
(အောက်၌တင်ပြမည့် ပညတ်ချက်များသည် အဲဟ်လေစွန္နသ်ဝလ်ဂျမာအသ်လမ်းစဉ်မှ ဟနဖီမဇ်ဟဗ်ဝင်များအတွက် ဖြစ်ပါသည်။)

၁။ ဝုဇူ(သို့မဟုတ်) ဂုစုလ်ပြုရာတွင် သုံးစွဲရန် လုံလောက်သည့်ရေကို မိမိရှိသည့်နေရာမှ တစ်မိုင်အတွင်း မရရှိဘဲ၊ တစ်မိုင်ထက် ကွာဝေးသော နေရာတွင်မှ ရရှိနိုင်ခြင်း။ (တစ်မိုင်ဟူသည် ရှရ်အီတစ်မိုင်ကို ခေါ်ဆိုပါသည်။)
ရှင်းလင်းချက်။
ဝုဇူ၊ ဂုစုလ်ပြုရန် လုံလောက်သည့် ရေဟုဆိုရာ၌ အနည်းဆုံး ဖရ်ဇ်အချက်များအတွက်သာ သုံးစွဲရန်ပင် လုံလောက်ခြင်းကို ဆိုလိုသည်။ အကယ်၍ ဖရ်ဇ်အချက်များအတွက်သာ သုံးစွဲနိုင်လျှင် ရေလုံလောက်သည်ဟု မှတ်ယူမည်။ (မိမိ၌ရှိသောရေသည် ဝုဇူပြုရန်သာလုံလောက်ပြီး ရေချိုးခြင်းအတွက်မလုံလောက်ခဲ့ပါက ထိုသူ့အနေဖြင့် ရေချိုးခြင်းအစားတွင် သယမုမ်ပြုလိုက်ပါ။ ပြီးနောက်မှ ဝုဇူပြုပါ။ သယမုမ်ကို အရင်ပြုရမည်ဖြစ်သည်။)
ရေမရှိသောနေရာသို့ ရောက်နေ၍ ရေရရှိနိုင်သည့်နေရာကို သိရှိသူက ပြသ၍ ဖြစ်စေ၊ မိမိကိုယ်တိုင်ခန့်မှန်း၍ ဖြစ်စေ၊ တစ်မိုင်အတွင်း ရရှိနိုင်လျှင် ရေကိုရအောင်ယူ၍ ဝုဇူပြုခြင်းနှင့် ရေချိုးခြင်းကို ပြုရပေမည်။
ရေရှိသောနေရာကို ပြမည့်သူမရှိလျှင်သော်လည်းကောင်း၊ မိမိ၏ ခန့်မှန်းချက်အရလည်း ရေရနိုင်မည့်နေရာမှာ တစ်မိုင် (သို့မဟုတ်) ထို့ထက်ဝေးသည်ဟု ယူဆလျှင်သော်လည်းကောင်း

(ထိုအခြေအနေတွင်) ရေရှာရန် တာဝန်မရှိတော့ပေ။ သယမုမ်ပြုခွင့်ရှိ၏။

** ဤနေရာတွင် မိုင်ဟူသည် ရှရ်အီမိုင်ကို ဆိုလိုပါသည်။ ရှရ်အီမိုင်သည် ကိုက် ၂ဝဝဝ (နှစ်ထောင်) (သို့) (၉) ဖာလုံ (၂၀)ကိုက် (သို့) ၁၆ဝ၉ (တထောင့်ခြောက်ရာကိုး) မီတာ၊ (သို့) ၈.၂၈ ကီလိုမီတာ ၈ဝ စင်တီမီတာ ဖြစ်ပါသည်။ ရှရ်အီမိုင်ဟု ဆိုလိုခြင်းအားလုံးတွင် အထက်ပါအတိုင်းတွက်ယူထားသော မိုင်အရေအတွက်သာဖြစ်သည်။ (မုခ်သဆွရွလ်ကုဒုရီ)

ရေရှိသည့်နေရာကိုတော့ သိရှိလိုက်ရသည်။ သို့သော် တစ်မိုင်ထက် ပိုဝေးပါက ထိုမျှအကွာအဝေးထိ သွား၍ ရေကိုရယူရန် ဝါဂျိဗ်မဖြစ်ပါ။ သယမုမ်ပြုလိုက်ခွင့်ရှိသည်။

၂။ ရေရှိသော်လည်း သူတစ်ပါးထံမှ လုယူထားသောရေဖြစ်နေမည်။ (သို့မဟုတ်) တစ်ဦးတစ်ယောက်မှ အပ်နှံထားသောရေဖြစ်နေမည် ဆိုပါက အခြားသော သုံးစွဲရန် ရေမရှိသည့်အခြေအနေတွင် ရေမရှိဟု မှတ်ယူပြီး သယမုမ်ပြုရမည်။ (တစ်နည်းနည်းဖြင့် ရေရနိုင်ပါက သယမုမ်ပြုခွင့်မရှိပါ။)

၃။ ရေ၏ ဈေးနှုန်းတန်ကြေးသည် သာမာန်ထက် အဆမတန် မြင့်မားနေခြင်း။

၎။ ရေဝယ်ယူရန် တန်ကြေးငွေမရှိခြင်း။ (ထိုရေကို အကြွေးရယူနိုင်သည်ဖြစ်စေ၊ မရနိုင်သည်ဖြစ်စေ) ကြွေးရနိုင်သည့်ပုံစံတွင် ထိုအကြွေးကို ပြန်ဆပ်နိုင်သည်ဖြစ်စေ၊ မဆပ်နိုင်သည်ဖြစ်စေ။

သို့သော် မိမိထံတွင် လက်ရှိငွေကြေးရှိနေမည်။ (သို့မဟုတ်) သတ်မှတ်ကာလ တစ်ခုဖြင့် အကြွေးရယူနိုင်ပါက ရေကို အကြွေးရယူရမည်ဖြစ်သည်။

ရေကိုဝယ်ယူသုံးစွဲရမည့်အခြေအနေတွင် ဦးစွာအလကားတောင်းကြည့်ပါ။ မရလျှင် တန်ကြေးပေးဝယ်ပါ။ အကြွေးပေးဝယ်စရာမလိုအပ်ပါ။ ဝယ်လိုက ဝယ်နိုင်ပါသည်။ အကြွေးဖြင့်ဝယ်ကိုဝယ်ရမည်ဟု သတ်မှတ်မထားပါ။ တန်ကြေးသည်လည်း တတ်နိုင်သည့်တန်ကြေးကို ဆိုလိုပါသည်။ မတန်တဆဈေးမြှင့်ထားခြင်းကို မဆိုလိုပါ။

၅။ ရေသုံးစွဲလိုက်ခြင်းဖြင့် ရောဂါတစ်ခုခုဖြစ်သွားနိုင်ခြင်း၊ သို့မဟုတ် ရောဂါထပ်တိုးသွားနိုင်မည်ဟု စိုးရိမ်ရခြင်း။
အကယ်၍ ရေသုံးစွဲပါက ကျန်းမာရေးရရှိမှုတွင် နှောင့်နှေးကြန့်ကြာနိုင်မည်ဟု စိုးရိမ်ရပါက သယမုမ်ပြုခွင့်ရှိသည်။ (ထိုအခြေအနေအတွက် ဆရာဝန်၏ တိကျသောညွှန်ကြားချက်နှင့် ခိုင်လုံသည့် အခြေအနေရှိရမည်ဖြစ်သည်။)

၆။ အအေးဓာတ် အလွန်ပြင်းထန်နေမည်။ ထိုအချိန် ရေသုံးစွဲပါက ကိုယ်ခန္ဓာအစိတ်အပိုင်း တစ်ခုခုတွင် ချို့ယွင်းမှုဖြစ်သွားမည်။ သို့မဟုတ် ရောဂါဖြစ်သွားမည်ကို စိုးရိမ်ရမည်။ ရေနွေးလည်း မရရှိနိုင်ပါက ထိုအခြေအနေတွင် သယမုမ်ပြုခွင့်ရှိသည်။ (ရေနွေးရရှိနိုင်ပါက သယမုမ်ပြုခွင့်မရှိပါ။)

၇။ ရေရယူရာတွင် ရန်သူကို စိုးရိမ်ရမည်။ သားရဲတိရိစ္ဆာန်၏ အန္တရာယ်ကို ကြောက်ရွံ့ရမည်။ ဥပမာ ရေရှိသည့်နေရာသို့ သားရဲတိရိစ္ဆာန်များ လာရောက်ကြသည်။ သို့မဟုတ် ရှိနေမည်။ သို့မဟုတ် ရေရှိသည့်နေရာကို သွားပါက သူခိုး၊ ဓားပြတို့၏ရန်ကို စိုးရိမ်ရမည်။ သို့မဟုတ် မိမိသည် တစ်ဦးတစ်ယောက်အား အကြွေးပေးရန် တာဝန်ရှိနေသည်။ ထိုနေရာသို့ သွားပါက ထိုအကြွေးရှင်က သိက္ခာကျအောင်လုပ်မည် (သို့) မိမိအပေါ် တစ်ဦးဦးက ရန်ညှိုးထားသည်။ အကယ်၍ မိမိအနေဖြင့် ရေသွားရောက်ယူငင်ရာတွင် ၎င်းတို့က မိမိအား ဖမ်းချုပ်လိုက်မည်ကို စိုးရိမ်ရလျှင်။ (သို့) ဒုက္ခတစ်စုံတစ်ရာပေးလိုက်မည်။ (သို့) ရေသည် ဆိုးသွမ်းယုတ်မာသူ ထံတွင်သာရှိနေမည်။ အမျိုးသမီးအနေဖြင့် ၎င်းထံသွား၍ ရေယူပါက မိမိ၏ အရှက်သိက္ခာကို ထိခိုက်လိုက်နိုင်သည်ဟု စိုးရိမ်ရလျှင်။ အထက်ပါ အခြေအနေအားလုံးတွင် သယမုမ်ပြုလုပ်ခွင့်ရှိသည်။

၈။ ရေတော့ရှိသည်။ သို့သော် အစားအသောက် ချက်ပြုတ်ရာတွင် သုံးစွဲရန်၊ သောက်သုံးရန် အတွက်လောက်သာ ရှိသည်။ ထိုရေဖြင့် ဝုဇူ၊ ဂုစုလ် ပြုလိုက်ပါက စားသောက်၊ ချက်ပြုတ်ရာတွင် အခက်အခဲဖြစ်သွားမည်။ (သို့) ရေရှိသည်။ ထိုရေဖြင့် ဝုဇူ၊ ဂုစုလ်ပြုလိုက်ပါက ရေသောက်ရန် မရှိတော့ပေ။ ရေဆာလောင်မှုကို ခံစားရမည်။ ကိုယ်တိုင် ရေဆာလောင်သည်ဖြစ်စေ၊ အခြားသူက ရေဆာလောင်သည်ဖြစ်စေ။ တိရိစ္ဆာန်များအတွက် တိုက်ကြွေးဖို့ ရေမလုံလောက်တော့သည်ဖြစ်စေ။ (အကယ်၍ တိရိစ္ဆာန်များအတွက် သုံးစွဲပြီးသားရေ (ဥပမာ ဝုဇူပြုပြီး ကျသောရေကို ခံ၍တိုက်ကြွေးနိုင်ပါက တိရိစ္ဆာန်အတွက် ရေမလုံလောက်ဟု မမှတ်ယူပါ။) အထက်ပါအခြေအနေများတွင် သယမုမ်ပြုခွင့်ရှိသည်။

၉။ ရေတွင်းထဲမှ ရေငင်ရန် မည်သည့်ပစ္စည်းမျှ မရှိပေ။ ရေတွင်းထဲသို့ အဝတ်တစ်စုံတစ်ရာကို ထည့်၍ ရေဆိုစေပြီး ထိုအဝတ်ကို ပြန်ယူကာ ညှစ်၍ ကျလာသောရေဖြင့် သန့်ရှင်းမှု ရယူနိုင်သည်။ သို့သော် ထို့သို့ပြုလုပ်ရန် အဝတ်အထည်လည်း မရှိပေ။ (သို့) ရေတိုင်ကီ၊ ရေစင်၊ စဥ့်အိုး အစရှိသည့် အရာများတွင် ရေရှိသည်။ သို့သော် ထိုအရာတို့မှ ရေထုတ်ယူရန် မည်သည့်ပစ္စည်းမှ မရှိပေ။ ရေရှိနေသည့် အိုး၊ တိုင်ကီ၊ ရေစင်တို့ကိုလည်း စောင်း၍၊ မှောက်၍ ရေယူရန်လည်းမဖြစ်နိုင်ပေ။ ထိုပုံစံများတွင် သယမုမ်ပြုနိုင်သည်။

ထိုအရာတို့တွင် ရေအပြည့်ရှိသည်။ သို့သော် ခပ်ယူသုံးစွဲရန် မိမိ၏ လက်နှစ်ဖက်စလုံးတွင် အညစ်အကြေးများ ရှိနေပြီး သူ့၏ လက်ကို (ရေခပ်၍) ဆေးကြောပေးမည့်သူလည်းမရှိပေ။ ယင်းအခြေအနေတွင် ဦးစွာ မြေကြီးဖြင့်လက်နှစ်ဖက်အား သန့်စင်ပြီးခါထုတ်ပါ။ ပြီးလျှင် ဘယ်ဘက်လက်၏ လက်ချောင်းထိပ်လေးများဖြင့် ရေထဲနှိုက်ပြီး ညာလက်အားသန့်စင်အောင်ဆေးပါ။ ပြီးလျှင် ညာလက်ဖြင့်ဘယ်လက်အားဆေးကြောပါ။ ထို့နောက်သေချာစွာရေခပ်ယူပြီး ဝုဇူပြု သန့်စင်မှုကိုရယူရမည်ဖြစ်သည်။

၁၀။ ဝုဇူ (သို့) ဂုစုလ်ပြုရာတွင် ကဇာပြန်ဖတ်လို့မရမည့် နမားဇ် လွတ်သွားမည်ကို စိုးရိမ်ရခြင်း။ ဥပမာ အီးဒ်နမားဇ်၊ ဂျနာဇာနမားဇ်

၁၁။ ရေရှိသည်ကို မေ့လျော့နေခြင်း။ (မိမိထံပါးတွင် ရေရှိသည်ကို မေ့နေ၍ ရေမရှိဟုသာ မှတ်ယူထားပြီး သယမုမ်ပြုလုပ်လိုက်သည်။ နမားဇ်အချိန်အတွင်း၌ပင် ရေကိုသတိရပါကလည်း ပထမဖတ်ရွတ်ခဲ့သည့် နမားဇ်သည် မှန်ကန်ပေသည်။ ပြန်လည်ဖတ်ရွတ်ရန် မလိုအပ်ပါ။)

** သယမုမ်ပြုလုပ်သည့်အချိန် သတိပြုရမည့် အချက်များ **
၁။ သယမုမ်ပြုသည့်အခါ နိယသ်ပြုရန် ဖရ်ဇ်ဖြစ်သည်။ မသန့်ရှင်းမှုကြောင့် သယမုမ်ပြုခြင်းဖြစ်လျှင် ထိုအရာမှ သန့်ရှင်းမှုရယူပါသည်ဟု နိယသ်ပြုရမည်။ သို့မဟုတ် တစ်ခုတစ်ခုအတွက် ရည်စူးပြီး သယမုမ်ပြုခြင်းဖြစ်ပါက ထိုအရာအတွက် နိယသ်ပြုရမည်။ ဥပမာ ဂျနဇာနမားဇ်အတွက် သယမုမ်ပြုပါသည်။ ကုရ်အာန်ဖတ်ရွတ်ရန်အတွက် သယမုမ်ပြုပါသည်။ (ယင်းကဲ့သို့ ရည်စူးခြင်းကို ဆိုလိုပါသည်။) မသန့်ရှင်းမှုကြောင့် ပြုထားသည့်သယမုမ်နှင့် သန့်ရှင်းမှုရှိမှ ပြုပိုင်ခွင့်ရှိသည့် အေဗာဒသ်တို့အတွက် ပြုလုပ်ထားသည့် သယမုမ်တို့ဖြင့်သာ နမားဇ်ဝတ်ပြုခွင့်ရှိသည်။

(သန့်ရှင်းမှုရှိမှ ပြုပိုင်ခွင့်ရှိသည့် အေဗာဒသ်တို့အတွက် ပြုလုပ်ထားသည့် သယမုမ်ဆိုသည်မှာ ဥပမာ ဂျနာဇာနမားဇ်ဝတ်ပြုရန်၊ သွဝါးဖ်လှည့်ရန်၊ ကုရ်အာန်ကျမ်းမြတ်တွင် စဂ်ျဒဟ်အာယသ်ဖတ်၍ စဂ်ျဒဟ် သိလာဝသ်ပြုရန်အတွက် သယမုမ်ပြုထားခြင်း အစရှိသည်တို့ကို ဆိုလိုသည်။ စလာမ်ပေးရန် ပြုထားသော သယမုမ်ဖြင့် နမားဇ်ဝတ်ပြုခွင့်မရှိပါ။ စလာမ်ကို သန့်ရှင်းမှု မရှိလျှင်လည်း ပေးခွင့်၊ ယူခွင့် ရှိသောကြောင့်ဖြစ်သည်။)

၂။ သယမုမ်ပြုလုပ်သည့်အခါ လက်ဖြင့် ပွတ်သပ်ရသည့် ခန္ဓာကိုယ်အစိတ် အပိုင်းတို့မှ မြေကြီးရောက်ရှိရန် အဟန့်အတားဖြစ်စေသော အရာများကို ဦးစွာဖယ်ရှားပစ်ရန် ဖရ်ဇ်ဖြစ်သည်။ ဥပမာ အဆီများပေကျံနေခြင်း၊ စီးကပ်သောအရာများပေကျံနေခြင်း

၃။ ကြပ်နေသောလက်စွပ်၊ နှာခေါင်းကပ်၊ နားကပ်၊ လက်ကောက်၊ လက်ပတ်တို့ကို ချွတ်ပြီးမှ သယမုမ်လုပ်ရန် ဝါဂျိဗ်ဖြစ်ပါသည်။

၎။ ရေရှိသည် (သို့မဟုတ်) ရေရရှိနိုင်မည်ဟု အကြောင်းခံ၊ နမိတ်လက္ခဏာတစ်ခုခုဖြင့် သိရှိရပါက ရေကို ခြေလှမ်းပေါင်း တစ်ရာအထိ ကိုယ်တိုင်သွားရောက်ရှာဖွေခြင်း (သို့) ရှာဖွေရန်စေလွှတ်ခြင်းသည် ဝါဂျိဗ်ဖြစ်ပါသည်။

၅။ အခြားသူတစ်ယောက်ထံတွင် ရေရှိသည်။ တောင်းလျှင် ပေးမည်ဟုလည်း မျှော်လင့်ရပါက တောင်းခံရန် ဝါဂျိဗ်ဖြစ်သည်။

၆။ တမန်တော်မြတ်(ဆွလ္လာဟုအလိုင်းဟိဝစလ္လမ်) သယမုမ်ပြုလုပ်ခဲ့သည့် အစီအစဉ်အတိုင်း သယမုမ်ပြုခြင်းသည် စွန္နသ်ဖြစ်သည်။ ဦးစွာ မျက်နှာကို မစဟ်ပြုရမည်။ ထို့နောက် လက်နှစ်ဖက်ကို မစဟ်ပြုရမည်။

၇။ မျက်နှာကိုမစဟ်ပြုသည့်အခါ ဒါရီ(မုတ်ဆိတ်)ကိုပါ ခိလာလ်ပြုခြင်းသည် စွန္နသ်ဖြစ်သည်။

၈။ နမားဇ်အချိန်နောက်ဆုံးအထိ ရေရရှိနိုင်သည်ဟု ယုံကြည်ချက်များနေပါက နောက်ဆုံးအချိန်အထိ ရေကိုစောင့်ဆိုင်းခြင်းသည် မုစ်သဟဗ်ဖြစ်သည်။ (ဥပမာ ရေတွင်းထဲမှ ရေခပ်ယူရန် ကြိုး၊ ပုံးတို့ကို ရရှိနိုင်သည်။ ရထားခရီး၊ ကားဖြင့် ခရီးသွားနေရာတွင် ဘူတာ (သို့) ကားရပ်နားမည့်နေရာတွင် ရေရရှိနိုင်မည်ဟု မျှော်လင့်ရခြင်းတို့ဖြစ်သည်။) ယင်းသို့ရရှိနိုင်ခြင်းကို နမားဇ်အချိန်ကုန်ခါနီးမှ ဖြစ်နိုင်သည်ဟု မှတ်ယူရပါက စောင့်ဆိုင်းရန် မုစ်သဟဗ်ဖြစ်၍ ကုန်ဆုံးသွားသည်အထိ မဖြစ်စေရပေ။

၉။ သယမုမ်ပြုရသည့်အကြောင်းခံသည် လူတို့ကြောင့်ဖြစ်ခဲ့ပါက ယင်းအကြောင်းခံမရှိတော့သည့်အခါ သယမုမ်ဖြင့် ဖတ်ခဲ့သည့်နမားဇ်အားလုံးကို ပြန်ဖတ်ရမည်။ ဥပမာ ထောင်ကျနေသူကို ထောင်မှုးက ရေမပေးပေ။ သို့မဟုတ် အသင်ဝူဇူလုပ်ပါက အသင့်ကို ရိုက်နှက်မည်။ ထိုကဲ့သို့သော် အခြေအနေမျိုးကို ဆိုလိုပါသည်။

၁၀။ နေရာတစ်ခုတည်းမှ မြေကြီးခဲ၊ အုတ်ခဲ (သယမုမ်ပြုခွင့်ရှိသည့်မည်သည့်အရာမဆို) တို့မှ လူများစွာ တစ်ယောက်ပြီး တစ်ယောက် ဆက်တိုက် သယမုမ်ပြုခွင့်ရှိသည်။

၁၁။ အကြင်သူအနေဖြင့် ဝူဇူပြုရန်၊ သယမုမ်ပြုရန် နှစ်ခုစလုံးအပေါ်တွင် လုပ်ဆောင်နိုင်စွမ်းမရှိပေ။ (ရေမရှိသည်ဖြစ်စေ၊ သယမုမ်ပြုရန် မည်သည့်ပစ္စည်းမှ မရှိ၍ဖြစ်စေ၊ ကျန်းမာရေးကြောင့်ဖြစ်စေ) ထိုအခြေအနေမျိုးတွင် သွဟာရသ်မရှိဘဲ နမားဇ်ဝတ်ပြုလိုက်ရမည်။ တဖန် သွဟာရသ်ရယူနိုင်သည့် အခြေအနေတွင် ဖတ်ခဲ့သည့်နမားဇ်ကို ပြန်ဖတ်ရမည်။

ဥပမာ ကား၊ ရထား၊ လေယာဉ် စီးနင်းသွားနေသည်။ နမားဇ်အချိန်လည်းကျရောက်လာသည်။ သို့သော် ဝူဇူပြုရန် ရေလည်းမရှိ၊ သယမုမ်ပြုနိုင်သည့် မည်သည့်ပစ္စည်းမှလည်း မရှိပေ။ ခရီးစဉ်ပြီးဆုံးသည်အထိစောင့်ဆိုင်းပါကလည်း နမားဇ်အချိန်ကုန်ဆုံးသွားမည်။ ထိုကဲ့သို့အခြေအနေတွင် သွဟာရသ်မပါဘဲနှင့် နမားဇ်ကို ဆောက်တည်လိုက်ရမည်။ ထို့အတူ ထောင်အကျဉ်းကျနေသူ၊ ယင်းနည်းတူ အခက်အခဲထဲတွင် ကျရောက်နေသူများသည် နမားဇ်ကို မလွှတ်ဘဲ သွဟာရသ်မရှိသည့်အတိုင်းပင် ဆောက်တည်လိုက်ရမည်။ သွဟာရသ်ပြုနိုင်သည့်အခါတွင် ထိုဖတ်ခဲ့သည့်နမားဇ်အားလုံးကို ပြန်ဖတ်ရမည်ဖြစ်ပါသည်။
(မဇွာဟိရိဟတ်က် ဂျဒီးဒ် တွဲ ၁/ ဗာဗွသ်သယမုမ်/ စာ ၃၈၃၊ ၄၊ ၅ )
((အလ်မုဖီးဒ် မှ ဘာသာပြန်ဆိုသည် / အမှားအယွင်းနှင့် ချွတ်ချော်မှု တစုံတရာတွေ့ရှိပါက ဘာသာပြန်ဆိုသူ၏ အားနည်းမှုကြောင့်သာ ဖြစ်ပါသည်။ အီးမေးလ် (သို့) Page ချက်ဘောက်စ် မှ မေးမြန်းနိုင်ပါသည်။))
အလ်မုဖီးဒ်
Website: http://aaitee.blogspot.com
Facebook: http://www.facebook.com/almufeed.mm
Email: haroonrangoni@gmail.com
google တွင်ရှာရန် “ အလ်မုဖီးဒ် ” ဟု မြန်မာလိုရိုက်၍ရှာပါ။
မိမိဖုန်းထဲတွင် ပြန်လည်ဖတ်ရှုရန် သိမ်းထားလိုပါက Simple Islam.apk ဖိုင်ကို ဒေါင်းလုတ်ဆွဲပြီး Install လုပ်ထားပါ။

သယမုမ်အကြောင်း သိကောင်းစရာများ

အလွန်တရာ သနားကြင်နာတော်မူသော မဟာဂရုဏာတော်ရှင်ဖြစ်တော်မူသော အလ္လာဟ်အရှင်မြတ်၏ နာမတော်ဖြင့် အစပြုပါ၏။ အလ္လာဟ်အရှင်မြတ်သည် မိမိ၏အဖန်ဆင်းခံမခ်လူးက်များအပေါ် မရေမတွက်နိုင်သော ကျေးဇူးတော်များကို ပြုထားတော်မူပေသည်။ အလ္လာဟ်အရှင်မြတ်၏ ကျေးဇူးတရားများကို ကျွန်ုပ်တို့အနေဖြင့် ရေတွက်မည်ဆိုပါက မည်သည့်အခါတွင်မှ ရေတွက်ရန် လုံးဝတတ်စွမ်းနိုင်မည်မဟုတ်ပါ။ လူသားတစ်ဦးအနေဖြင့် တမန်တော်နူးဟ်(အလိုင်ဟစ္စလာမ်)၏ အသက်နှင့်ညီမျှသည့် သက်တမ်းကို ရရှိပိုင်ဆိုင်ခဲ့သည်ဖြစ်ပါစေ အလ္လာဟ်အရှင်မြတ်၏ ကျေးဇူးတော်များကို ရေတွက်ကုန်နိုင်မည်မဟုတ်ပါ။ (တမန်တော်နူးဟ်(အလိုင်)၏ သက်တော်သည် နှစ်ပေါင်း(၁ဝ၅ဝ) ရရှိခဲ့ပါသည်။) အလ္လာဟ်အရှင်မြတ် ကိုယ်တော်တိုင် ကျမ်းတော်မြတ်ကုရ်အာန်၌ မိန့်ကြားထားသည်မှာ "ဝအင်န် သအုဒ်ဒူ နိအ်မသလ္လာဟိ လာသဟ်ဆွူဟာ" (အကယ်၍ အသင်တို့အနေဖြင့် အလ္လာဟ်အရှင်မြတ်၏ ကျေးဇူးတော်များ၊ နိအ်မသ်ချီးမြှင့်မှုများကို ရည်တွက်ရန် လိုလားခဲ့မည်ဆိုပါက မည်သည့်အခါတွင်မျှ ထိုကျေးဇူးတော်များကို ရည်တွက်ရန် တတ်စွမ်းနိုင်မည်မဟုတ်ပါ။)

အရှင်မြတ်၏ ကျေးဇူးပြုချီးမြှင့်မှုများတွင် ကျွန်ုပ်တို့အွမ္မသေ မုဟမ္မဒီယာအပေါ်တွင် ချီးမြှင့်ခြင်းသည် ယခင်အွမ္မသ်များထက် မြောက်များစွာ သာပိုပေသည်။ ဤသို့သာပိုရခြင်းသည်လည်း နှစ်ဘဝ၏ခေါင်းဆောင် နဗီအပေါင်းတို့၏ မကိုဋ်သရဖူဖြစ်တော်မူသော မုဟမ္မဒ်မုစ်သွဖား (ဆွလ္လာဟုအလိုင်းဟိဝစလ္လမ်) ကြောင့်သာလျှင် ဖြစ်တော်မူပေသည်။ အကယ်၍များသာ ကျွန်ုပ်တို့သည် တမန်တော်မြတ်၏ အွမ္မသ်မဖြစ်ခဲ့ဘဲ ယခင်အွမ္မသ်များတွင် ပါဝင်ခဲ့ပါက ကျွန်ုပ်တို့၏ ဆိုးသွမ်းမှုများကြောင့် အရှင့်၏ ပြစ်ဒဏ်ခတ်မှုကို ဒွန္နယာ၌ပင် ချက်ခြင်းလက်ငင်း ခံစားနေရမည်ဖြစ်သည်။ ယခုမူ တမန်တော်မြတ်ကြီး(ဆွ)၏ ဆုတောင်းတော်မူခဲ့သည့် ဒုအာများ၏ အကြောင်းခံဖြင့် သက်သာချောင်ချိစွာ နေခွင့်ရနေခြင်း ဖြစ်ပေသည်။ ထို့ကြောင့် ကျွန်ုပ်တို့အနေဖြင့် ချစ်နဗီအတွက် နေ့စဉ်ဒရူးဒ်ဖတ်ခြင်းကို အကျင့်ပြုလုပ်ရမည် ဖြစ်သည်။ ထို့ပြင် ကျွန်ုပ်တို့ နှစ်သက်စွဲလမ်းအထင်ကြီးနေသည့် အနောက်တိုင်းယဉ်ကျေးမှု၊ ဘာသာခြားတို့၏ ယဉ်ကျေးမှုများ၏နေရာတွင် အွမ္မသ်ကိုချစ်ပြီး အွမ္မသ်အတွက်သာ ငိုခဲ့သည့် ချစ်နဗီမုဟမ္မဒ် (ဆွလ္လာဟုအလိုင်းဟိဝစလ္လမ်)၏ ယဉ်ကျေးမှုကို အစားထိုးကာ ကျင့်သုံးခြင်း၊ ကိုယ်တော်ပြသခဲ့သည့် ယဉ်ကျေးမှုများကို နှစ်သက်စွဲလမ်း အထင်ကြီးခြင်းတို့ဖြင့် အစားထိုးပြုပြင်ကြရမည် ဖြစ်ပါသည်။

ဟဇရသ်ဟုဇိုင်ဖား(ရသွီ)သခင်က တမန်တော်မြတ်(ဆွ)၏ မိန့်ခြွေမှုကို ဆင့်ပြန်ထားသည်မှာ "ငါကိုယ်တော်မြတ်၏ အွမ္မသ်ကို လွန်လေပြီးသောအွမ္မသ်များထက် အချက် (၃)ခုတွင် သာပိုမှုချီးမြှင့်ထားသည်။ ပထမမှာ ဤအွမ္မသ်၏ ဆွဖ်လိုင်းသည် (နမားဇ်၏ လိုင်းဖြစ်စေ၊ ဂျိဟားဒ်၏ လိုင်းဖြစ်စေ) ဖရိရ်ှသာတို့၏ဆွဖ်လိုင်းများကဲ့သို့ ရေတွက်သတ်မှတ်ခြင်းခံရပေသည်။ ဒုတိယအချက်မှာ ငါကိုယ်တော်မြတ်တို့ (အွမ္မသေမုဟမ္မဒီယာ) အတွက် မြေပြင်တခုလုံး၊ မည်သည့်နေရာ၌မဆို စဂ်ျဒါပြုခွင့်ပေးထားတော်မူပေသည်။ (မြေပထဝီ၏ ကြိုက်ရာနေရာတွင် နမားဇ်ဆောက်တည်နိုင်ပေသည်။) တတိယအချက်မှာ သန့်ရှင်းမှုရယူရန် ရေကို သုံးစွဲနိုင်ခြင်းမရှိတော့သည့်အခြေအနေတွင် ကျွန်ုပ်တို့အတွက် မြေကြီးဖြင့် သန့်ရှင်းမှုရယူခွင့်ကို ချီးမြှင့်တော်မူထားပေသည်။" (မုစ်လင်မ်ကျမ်း)

ကိုယ်တော်မြတ်(ဆွလ္လာဟုအလိုင်းဟိဝစလ္လမ်)၏ အွမ္မသ်ထက်အလျှင် များစွာသောအွမ္မသ်များပေါ်ထွန်းခဲ့သည်။ အွမ္မသေမုဟမ္မဒီယာသည် ထူးမြတ်မှုများ၊ စမ်းသပ်ခံရမှုများ၊ မြင့်မြတ်မှုများတွင် ထိုအားလုံးသောအွမ္မသ်များထက် သာပိုပေသည်။ အွမ္မသေမုဟမ္မဒီယာ၏ မြင့်မြတ်မှု၊ ထွတ်မြတ်မှုများကို အခြားလွန်လေပြီးသော မည်သည့်အွမ္မသ်ကမျှ ယှဉ်နိုင်မည်မဟုတ်ပါ။ ထိုအတူ ရှရီအသေမုဟမ္မဒီယာတွင်လည်း လွန်လေပြီးသော ရှရီအသ်များထက် များစွာသောလွယ်ကူမှုများကို ချီးမြှင့်ခြင်းခံထားရပေသည်။ အကြီးဆုံးသော လွယ်ကူမှုတစ်ခုမှာ ရှရီအသေမုဟမ္မဒီယာတွင် ကိဆွားဆွ် (အကြောင်းမဲ့သတ်ဖြတ်သူအား ပြန်လည်၍ အသက်ရယူခြင်း)တွင် ဒိယသ် (ခေါ်) သတ်သူဖက်မှ အသတ်ခံရသူ၏ ကျန်ရစ်သူများဖြင့် ညှိနှိုင်း၍ အသတ်လျော်ကြေးငွေ ပေးအပ်ခွင့်ရှိခြင်းပင်ဖြစ်သည်။ ယခင်ရှရီအသ်များတွင် ဒိယသ်၏ အခွင့်အရေးမရှိခဲ့ပါ။ ထို့အတူ များစွာသော လွယ်ကူမှုများကို တမန်တော်မြတ်(ဆွ)၏ နောက်လိုက် အွမ္မသ်သားများအတွက် အလ္လာဟ်အရှင်မြတ်က ချီးမြှင့်ထားပေသည်။ အထက်ပါဟဒီးစ်တော်တွင် ထိုချီးမြှင့်မှုများအနက်မှာ အချို့ကို ကိုယ်တော်မြတ်က မိန့်ကြားထားတော်မူခြင်းဖြစ်သည်။ ယခု ဤနေရာတွင် ဟဒီးစ်တော်၌ပါဝင်သည့် အွမ္မသေမုဟမ္မဒီယာတွင် ချီးမြှင့်ခံရသည့် ထူးမြတ်မှု(၃)ရပ်အနက်မှ တတိယထူးမြတ်မှုဖြစ်သည့် " သန့်ရှင်းမှုရယူရန် ရေကို သုံးစွဲနိုင်ခြင်းမရှိတော့သည့်အခြေအနေတွင် ကျွန်ုပ်တို့အတွက် မြေကြီးဖြင့် (သယမုမ်ပြုလုပ်၍) သန့်ရှင်းမှုရယူခွင့်ကို ချီးမြှင့်တော်မူထားပေသည်။" ဟူသည့်အကြောင်းအရာကို တင်ပြမည်ဖြစ်ပါသည်။

သယမွမ်ဟူသည်မှာ
မြေဖြင့် သန့်ရှင်းမှုရယူခြင်းကို အရဗီဘာသာဖြင့် "သယမုမ်" ဟုခေါ်ပေသည်။ ဝုဇူပြုခြင်းနှင့် ရေချိုးရန်ဝါဂျိဗ်ထိုက်သည့်အခြေအနေတွင် ရေကို မသုံးစွဲနိုင်ပါက ယင်းနှစ်ခုလုံး၏အစား သယမုမ်ပြုခွင့်ရှိသည်။ အဘိဓါန်တွင် သယမုမ်၏ အဓိပ္ပါယ်မှာ "ရည်ရွယ်ခြင်း၊ ရည်စူးခြင်း" ဟုလာရှိပြီး ရှရီအသ်၏အသုံးအနှုံးတွင် သယမုမ်၏ အဓိပ္ပာယ်မှာ "သန့်ရှင်းမှုရယူရန် နိယသ်ဖြင့် သန့်ပြန့်သောမြေကြီး (သို့မဟုတ်) ထိုမြေကြီးကဲ့သို့သောအရာ (ဥပမာ ကျောက်ခဲ၊ ထုံး၊ အစရှိသည့်အရာများ)ကို သုံးစွဲခြင်း၊ ၎င်းနောက် သန့်ရှင်းမှုရယူသည့်နိယသ်ဖြင့် ထိုအရာများကို မျက်နှာနှင့် လက်အပေါ်ပွတ်သပ်ခြင်း" ဟု ဖြစ်ပေသည်။

သယမုမ်ပြုခွင့်ရှိခြင်းနှင့် ပတ်သက်သည့် အထောက်အထား
ကုရ်အာန်ကျမ်းတော်မြတ်နှင့် တမန်တော်မြတ်၏သြဝါဒတော် နှစ်မျိုးလုံးတွင် သယမွမ်ပြုခွင့်ရှိခြင်းနှင့် ပတ်သက်သည့် အထောက်အထားသည် ရှင်းလင်းစွာ ပါရှိပါသည်။ ကျမ်းတော်မြတ်ကုရ်အာန် စူရာမာအိဒဟ် အာယသ်အမှတ် (၆) ၌ အလ္လာဟ်အရှင်မြတ်က "ဖလန်(မ်) သဂျိဒူ မာအန်(န်) ဖသယမ်မမူ ဆွအီးဒန်(န်) သွိုင်ယိဗာ" (စူရာမာအိဒဟ်)
" ပြီးနောက် အသင်တို့သည် ရေကိုမရရှိခဲ့ကြပါလျှင် စင်ကြယ်သန့်ပြန့်သော မြေကြီးဖြင့် သယမွန်မ် ပြုလေကုန်။" ဟု မိန့်ကြားထားတော်မူပေသည်။ (အထက်ပါအာယသ်တော်သည် စူရာမာအိဒဟ် အာယသ် အမှတ် (၆) "ယာအိုက်ယုဟလ် လဇီးန အာမနူ အိဇာကုမ်သွန်(မ်) အိလဆ်ွဆွလာသိ၊ ဆွလာသ်ဝတ်ပြုရန် ရည်ရွယ်သည့်အခါ ဝူဇူပြုရန်ဖရ်ဇ်ဖြစ်ခြင်း" အာယသ်တော်နှင့် တစ်ဆက်တည်းပင်ဖြစ်ပါသည်။)
ဟဒီးစ်သြဝါဒတော်တွင် "အင်န်နဆ်ဆွအီးဒသ်သွိုက်ယိဗာ သူဟူးရွလ်မုစ်လိမိ ဝအစ်လ်လမ်(မ်) ယဂျိဒိလ်မာအ ၊ အရှရစိနီးန်" သန့်ပြန့်သောမြေကြီးသည် မုစလ်မာန်ကို သန့်ရှင်းစင်ကြယ်အောင်ပြုပေးသောအရာပင်ဖြစ်သည်။ အကယ်၍ (၁ဝ) နှစ်တိုင်တိုင် ရေသုံးစွဲရန် အခွင့်အရေးမရခဲ့ပါက ထို(၁ဝ) နှစ်လုံးအတွက် သန့်ရှင်းမှုရယူရန် သန့်ပြန့်သော မြေကြီးသည် လုံလောက်ပေသည်။
(မအာရိဖုစ်စုနန် ၁/၄ဝ၆ , သိရ်မီဇီရှရီးဖ် အတွဲ ၁, စာမျက်နှာ ၃၂)

သယမွမ်ပြုခွင့် ချီးမြှင့်ခြင်းခံရသည့်သမိုင်းနှင့် ဖြစ်စဉ်
သယမွမ်ပြုခွင့်ကို ဟစ်ဂ်ျရီ ၅ခုနှစ်၌ ချီးမြှင့်ခြင်းခံရခဲ့သည်။ သယမွန်မ်၏ အာယသ်တော်ကျရောက်လာသည့် ဖြစ်ရပ်ကို တင်ပြရမည်ဆိုလျှင် စစ်ပွဲတစ်ခုသို့ ကိုယ်တော်မြတ် (ဆွလ္လာဟုအလိုင်ဟိဝစလ္လမ်) သည် ကြင်ယာတော် ဟဇရသ်အာအိရှာ (ရသွီယလ္လာဟုသအာလာအန်ဟာ) သခင်မနှင့် အတူကြွမြန်းတော်မူခဲ့ပေသည်။ ထိုခရီးမှအပြန် လမ်းတစ်ဝက်တွင်ဆွလ်ဆွလ် အမည်ရှိတောင်၌ ခရီးတစ်ထောက်အနားယူကြလေသည်။ ကိုယ်တော်မြတ်နှင့်အတူ ဟဇရသ်အာအေရှာသခင်မ၊ သခင်မ၏ ဖခမည်းတော်ဖြစ်သူ ဟဇရသ်အဗူဗက္ကရ် (ရသွီ) သခင်နှင့် အခြားသော ဆွဟာဗာကြီးများလည်း ခရီး၌အတူပါဝင်ကြပေသည်။ ဟဇရသ်အာအိရှာသခင်မသည် ဟာဂျသ် (အပေါ့၊ အလေးစွန့်ရန်) အတွက် နားနေသည့်စခန်းနှင့် အတန်ငယ်လှမ်းသည့် တောတွင်းသို့ ကြွမြန်းသွားလေသည်။ ထိုသို့သွားရာတွင် လမ်းတစ်နေရာ၌ သခင်မ၏ လည်တွင်ဆင်မြန်းထားသော ဘယက်မှာပြတ်၍ ကျပျောက်သွားလေသည်။ ကိုယ်တော်မြတ်သည် ဤအချင်းအရာကို သိရှိတော်မူသောအခါ ဟဇရသ်အိုစိုက်ဒ်ဗင်န်ဟဇီးရ် (ရသွီ) သခင်နှင့်တကွ အချို့သောဆွဟာဗာတို့ကို ဘယက်ရှာဖွေရန်စေလွှတ်တော်မူလိုက်သည်။ ဤသို့ဖြင့် ဘယက်ရှာဖွေသူတို့ကလည်း ဘယက်ကို ဆက်တိုက်ရှာဖွေနေကြသည်။ ရှာနေရင်းနှင့်ပင် ဖဂျရ်ဆွလာသ်ဝတ်ပြုရန် အချိန်ကျရောက်လာလေသည်။ ဆွလာသ်ဝတ်ပြုရန်အတွက် စခန်းချထားသည့် အနီးတဝိုက်မည်သည့်နေရာတွင်မှလည်း ရေမရရှိကြပေ။ ဆွဟာဗဟ်သခင် အပေါင်းတို့သည်လည်း အလွန်ပင်စိတ်သောကရောက်ကြရလေသည်။ အချို့ဆွဟာဗဟ်တို့သည် ဟဇရသ်အဗူဗက္ကရ်သခင်အား တိုင်တန်းကြသည်မှာ သခင်၏ သမီးသည် ခရီးသွားတို့ကို အဘယ်ကဲ့သို့သော နေရာမျိုးတွင် ရပ်တန့်စေခဲ့ပါသနည်း။ ဤနေရာမှ အလွန်ဝေးလံသည့်နေရာအထိပင် ရေ၏ အနံအသက်ကိုပင် မရရှိပါ။ ယခု နမားဇ်၏အချိန်လည်း ကျရောက်နေပြီဖြစ်သည်။ ကျွန်ုပ်တို့ ရေမရရှိပဲ အဘယ်ကဲ့သို့ နမာဇ်ဝတ်ပြုကြမည်နည်း။

ဟဇရသ်အဗူဗက္ကရ်သခင်သည် အာအိရှာသခင်မတည်းနေသည့် တဲသို့ရောက်ရှိလာပြီး သခင်မအား ပြောသည်မှာ အသင်မသည် အမြဲတစေလူတို့ကို အခက်အခဲဖြစ်စေသည်။ ဘယက်တခုကြောင့် ကိုယ်တော်မြတ် (ဆွလ္လာဟုအလိုင်းဟိဝစလ္လမ်)သည် ဤကဲ့သို့ရေဖြင့်အလွန်ဝေးလံသည့် နေရာတွင် စခန်းချလိုက်ရသည်။

အဗူဗက္ကရ်သခင်မှာ မိမိသမီးတော်ဖြစ်သူ အာအိရှာသခင်မအား ဤသို့ ဆူနေစဉ် သခင်သည်လက်ဖြင့်ခါးကိုလည်း တို့ တို့ ပြီးပြောနေခြင်းဖြစ်သည်။ အာအိရှာသခင်မသည် ဖခင်ဖြစ်သူ၏ စကားအပေါ်မည်သည့်အဖြေမျှ ပြန်မပေးခဲ့သလို မိမိထိုင်နေသည့်နေရာမှလည်း အနည်းငယ်မျှပင် မရွေ့သွားခဲ့ပါ။ အဘယ့်ကြောင့်ဆိုသော် တမန်တော်မြတ်(ဆွ)သည် ထိုအချိန်က ခရီး၏ပန်ပမ်းမှုကြောင့် သခင်မ၏ ပေါင်ပေါ်တွင် ဦးခေါင်းတော်တင်လျှက် အိပ်စက်အနားယူနေတော်မူပေသည်။ ဘယက်ရှာဖွေနေသည့်ဆွဟာဗာများသည်လည်း ဘယက်ကိုမတွေ့ရှိကြ၍ စခန်းချရာနေရာသို့ ပြန်လာလိုက်ကြလေသည်။ အားလုံးသောဆွဟာဗာတို့သည် မတတ်နိုင်သည့်အဆုံးတွင် ဝူဇူမရှိသည့်အခြေအနေဖြင့်ပင် ဖဂျရ်ဆွလာသ်ကို ဆောက်တည်လိုက်ကြပြီး ပြန်လည်ထွက်ခွာရန်ပြင်ဆင်ကြပေသည်။ ထိုအချိန်၌ ဟဇရသ်ဂျိဗ်ရာအီးလ်သခင်သည် တမန်တော်မြတ်(ဆွ)၏ ထံတော်ပါးသို့ကြွမြန်းရောက်ရှိလာပြီး စူရာမာအိဒဟ် ဒုတိယရုကူအ်၌ ပါဝင်သည့်အာယသ်တော်များကို ချပေးတော်မူပြီး အလ္လာဟ်အရှင်မြတ်မှ သယမုမ်မ်ပြုခွင့် ချီးမြှင့်တော်မူလိုက်သည့် အကြောင်းကို ဖတ်ကြားပြသတော်မူပေသည်။ (စူရာမာအိဒဟ် အာယသ်အမှတ် (၆)တွင် "ဝအင်န်ကွန်သုမ် မရ်ဒွာ အောဝ်အလာစဖရင်(န်)" မှစ၍ အာယသ်တော်အဆုံးအထိသည် သယမုမ်ပြုခွင့်ရှိခြင်းကို ချီးမြှင့်တော်မူခဲ့သည့် အာယသ်ဖြစ်ပေသည်။)

သယမုမ်အမိန့် ကျရောက်လာပြီးသည့်နောက် ကိုယ်တော်မြတ် (ဆွလ္လာဟုအလိုင်းဟိဝစလ္လမ်) သည် အလွန်ပင်ဝမ်းသာအားရဖြစ်ကာ အို အာအိရှာ ! အသင်မ၏ ဘယက်တန်ဆာသည် အလွန်ပင် ဗရကသ်ရှိသော် ဘယက်ပင်ဖြစ်ပေသည် ဟုမိန့်ကြားတော်မူလိုက်ပေသည်။ ကိုယ်တော့်၏ ထိုမိန့်ကြားသောစကားများကို ကြားသောအခါ သခင်မ၏ ဖခင်ဖြစ်သူ ဟဇရသ်အဗူဗက္ကရ်သခင်သည် ဝမ်းမြောက်ဝမ်းသာဖြစ်သွားလေသည်။ ထို့နောက် အာအိရှာသခင်မအား အိုသမီးတော်! သမီးသည် အင်မတန်မှ မင်္ဂလာရှိသော်၊ နဖူးစာအလွန်ကောင်းမွန်သော သမီးပင်ဖြစ်သည်ဟု သုံးကြိမ်တိုင်တိုင် ပြောကြားလေသည်။

ဟဇရသ်အိုစိုက်ဒ်(ရသွီ)သခင်သည် ဘယက်ရှာဖွေရင်း အလွန်ပင်မောပန်း၍ ပင်ပမ်းနွမ်းနယ်သူဖြစ်သည်။ သခင်ကလည်း ပြောကြားသည်မှာ အို အဗူဗက္ကရ်၏ သမီး၊ ဤကိစ္စရပ်မှာ အသင်မတို့၏ ပထမဆုံးသော ဗရကသ်ဖြစ်မှုမဟုတ်ပါ။ ဒီ့အရင်ကလည်း အသင်တို့၏ အကြောင်းခံဖြင့် အလ္လာဟ်အရှင်မြတ်သည် အွမ္မသေ မုဟမ္မဒီယာအတွက် လွယ်ကူမှုများစွာကို ချီးမြှင့်တော်မူခဲ့ပါသည်။

အလ္လာဟ်အရှင်မြတ်ချီးမြှင့်တော်မူလိုက်သည့် သာသနာ့အတွက်လွယ်ကူမှုတခုရရှိပြီးသည့်နောက် အားလုံးသောဆွဟာဗာတို့သည်လည်း ပျော်ရွှင်စွာဖြင့်ပင် မိမိတို့၏ တိရိစ္ဆာန်များအပေါ် ကုန်းနှီးများတင်၍ ထွက်ခွာရန်ပြင်ဆင်ကြလေတော့သည်။ ဟဇရသ်အာအိရှာသခင်မစီးနင်းသည့် ထမ်းစင်ကိုမလိုက်သည့်အခါ ထိုထမ်းစင်အောက်မှ ဘယက်ကို ပြန်လည်ရရှိခဲ့လေသည်။ သခင်မသည်လည်း အပျော်ပေါ်အပြုံးဆင့်၍ အလွန်ပင်ဝမ်းသာသွားလေသည်။ ကိုယ်တော်မြတ်(ဆွ)သည်လည်း ဘယက်ပြန်လည်တွေ့သွားခြင်းကြောင့် စိတ်တည်ငြိမ်သွားရလေသည်။ အားလုံးသောသူတို့သည် အလ္လာဟ်အရှင်မြတ်၏ ကျေးဇူးတော်များအပေါ် ရှုကုရ်ပြုရင်း ဝမ်းသာမှုအပြည့်ဖြင့် မဒီနာရွှေမြို့တော်သို့ ပြန်လာတော်မူခဲ့ကြပေသည်။ ထိုနေ့မှစ၍ ရေမရှိသည့်အခါတွင် (သို့မဟုတ်) ရေကိုသုံးစွဲရန် မတတ်စွမ်းနိုင်တော့သည့်အခြေအနေတွင် သယမုမ်ပြုခွင့်ကို ရရှိသွားခဲ့ပါသည်။ (အသ်သောဝ်ဒွီးဟုလ်မုမဂ်ျဂျဒ်၊ စာ ၃၃၆)

ထို့ကြောင့် အီမာန်ရှင်မုစ်လင်မ်တို့အတွက် သယမုမ်ပြုခွင့်ရရှိခဲ့ခြင်းသည် အလ္လာဟ်အမိန့်နာခံရန်၊ နမားဇ်ကို ကဇွာပြုစွန့်လွှတ်လိုက်ရန်ကြောက်ရွံ့သူများနှင့် နမားဇ်ဝတ်ပြုရန် စိတ်အားထက်သန်သူတို့အဖို့ အလ္လာဟ်အရှင်မြတ်ဖက်မှ ချီးမြှင့်သည့် အနှိုင်းမဲ့လက်ဆောင်တစ်ခုပင်ဖြစ်ပါသည်။

သယမုမ်ပြုလုပ်ခြင်းဆိုင်ရာ ပညတ်ချက် (အကျဉ်းချုံ)
သယမုမ်သည် ဝုဇူပြုခြင်းနှင့် ရေချိုးခြင်းတို့ အစား ဖြစ်ပါသည်။ ဆိုလိုသည်မှာ ယင်းနှစ်ခုကိုလုပ်ဆောင်ရန် အတွက် ရေသုံးစွဲရန် တတ်စွမ်းနိုင်ခြင်းမရှိတော့သည့်အခြေအနေတွင် သယမုမ်ကို၎င်းတို့နှစ်ခု၏နေရာ၌ အစားထိုးသုံးစွဲခွင့်ရှိပြီး သန့်ပြန့်မှုရရှိသွားခြင်းတွင်လည်း ဝုဇူ၊ ဂုစုလ်ပြုသည့်အတိုင်းပင်ဖြစ်ပေသည်။

သယမုမ်တွင် ဖရ်ဇ်(မပြုမနေရ)ဖြစ်သည့် အချက် (၃)ချက်ရှိပါသည်။
(၁)။ နိယသ်ပြုခြင်း (၂)။ လက်ဝါးနှစ်ဖက်ကို မြေပြင်ပေါ်တွင် ရိုက်ပုတ်၍ မျက်နှာပေါ်တွင် ပွတ်သပ်ခြင်း

(၃)။ တဖန်လက်နှစ်ဖက်ကို မြေပေါ်တွင်ရိုက်ပုတ်၍ လက်နှက်ဖက်ကို တံတောင်ဆစ်အထိ ပွတ်သပ်ခြင်း တို့ဖြစ်သည်။
သယမုမ်၏ နိယသ်မှာ "ကျွန်တော်မျိုး၊ ကျွန်တော်မျိုးမသည် သန့်ရှင်းမှုရရှိရန်အတွက် သယမုမ်ပြုပါသည်။

(သို့မဟုတ်) နမားဇ်ဝတ်ပြုရန်အတွက် သယမုမ်ပြုပါသည်" ဟုရည်စူးလိုက်ပါ။ ရည်စူးခြင်းကို နှုတ်ဖြင့်လည်းရွတ်ဆိုနိုင်သလို စိတ်ထဲမှလည်း မှတ်ယူရည်စူးနိုင်ပါသည်။ နိယသ်ပြုသည့်အချိန်သည် သယမုမ်ပြုရန် လက်နှစ်ဖက်ကို မိမိသယမုမ်ပြုမည့် အရာဝတ္ထုအပေါ်သို့ လက်ဝါးနှစ်ဖက်ဖြင့် ရိုက်လိုက်သည့် အချိန်ဖြစ်ရမည်။ ထိုအချိန်တွင် နိယသ်ရည်စူးမှု ပြုလိုက်ရမည်။

သယမုမ်ပြုရန်အတွက် လုံးဝမြေကြီးဖြစ်နေရန် အရေးမကြီးပါ။ အကယ်၍ သယမုမ်ပြုမည့်သူအတွက် မြေကြီးသက်သက်ရှိခဲ့လျှင်လည်း သယမုမ်ပြုခွင့်ရှိသလို မြေကြီးအမျိုးအစားဖြစ်သည့် ပစ္စည်းများအပေါ်တွင်လည်း သယမုမ်ပြုခွင့်ရှိပါသည်။ စဥ့်ရည် (သို့မဟုတ်) အရောင်တစ်စုံတရာနှင့် အဆီများသုတ်ထားခြင်းမရှိသည့် မြေအိုး၊ မြေတကောင်းများအပေါ်တွင်လည်း သယမုမ်ပြုခွင့်ရှိသည်။ ထို့အတူ ကျောက်ခဲ၊ ထုံး၊ အုတ်ခဲ၊ အင်္ဂတေ၊ သဲ၊ စုရ်မာ၊ မြေနီမှုန့် အစရှိသည်တို့အပေါ်တွင်လည်း သယမုမ်ပြုခွင့်ရှိပေသည်။ မြေကြီးအမျိုးအစားဖြစ်သည့် ပစ္စည်းဟုဆိုရာ၌ ဂျုံ၊ ပြောင်းဆန်၊ သစ်သား၊ အဝတ်စ၊ ကောက်ပဲသီးနှံတို့အပေါ်တွင် သယမုမ်ပြုခွင့်မရှိပါ။ ဖန်ထည်၊ မှန်ထည်များပေါ်တွင်လည်း သယမုမ်ပြုခွင့်မရှိပါ။ ကြွေပြားပေါ်တွင်မရပါ။

အချုပ်ဆိုရသော် သယမုမ်သည် မြေကြီးအမျိုးအစားဖြစ်သည့် အရာပေါ်တွင်သာပြုခွင့်ရှိခြင်းဖြစ်ပြီး မြေအမျိုးအစားမဟုတ်သည့်အရာပေါ်တွင့် သယမုမ်ပြုခွင့်မရှိပါ။ အရာဝတ္ထုသည် မီးထဲထည့်လိုက်ပါက လောင်ကျွမ်းသွားနိုင်လျှင် ထိုအရာသည် မြေအမျိုးအစားထဲမှ မဟုတ်ပါ။ မီးထဲထည့်လိုက်သည့်အခါ လောင်ကျွမ်းမှုမရှိသည့် ပစ္စည်းသာလျှင် မြေအမျိုးအစားပါဝင်သည့်ပစ္စည်းဖြစ်ပါသည်။ ဥပမာ ရွှေ၊ ငွေ၊ ကြေး၊ သတ္တု၊ သစ်သား အစရှိသည့်အရာများသည် မီးထဲထည့်လိုက်လျှင် လောင်ကျွမ်းသွားသဖြင့် ထိုအရာတို့သည် မြေအမျိုးအစားတွင်မပါဝင်ပါ။ အထက်တွင်တင်ပြခဲ့သည့် ကျောက်ခဲ၊ ထုံး၊ မြေအိုး အစရှိသည့်အရာတို့ကို မီးထဲထည့်လျှင် လောင်ကျွမ်းပြာကျသွားခြင်းမရှိသဖြင့် ထိုအရာတို့သည် မြေအမျိုးအစားထဲမှဖြစ်သည်။ ထို့အတူ ပြာအပေါ်တွင်လည်း သယမုမ်ပြုခွင့်မရှိပါ။

သယမုမ်ပြုလုပ်နည်း
(မိမိသယမုမ်ပြုမည့်ပစ္စည်းအပေါ်တွင် မသန့်သည့်အရာများ ကပ်နေခြင်းမရှိရပါ။)
သယမုမ်တွက် ရိုက်ပုတ်ချက် နှစ်ချက်ပါဝင်သည်။
(ပထမရိုက်ပုတ်ချက်)။ ဗိစ်မစ်လ္လာဆို၍ နိယသ်ပြုပြီးနောက် လက်နှစ်ဖက်ကိုဖြန့်၍ လက်ဖဝါးဘက်ဖြင့် မိမိ သယမုမ်ပြုမည့် အရာဝတ္ထုအပေါ်သို့ ရိုက်ပုတ်လိုက်ပါ။ ထို့နောက်လက်နှစ်ဖက်ကိုမ၍ ခါလိုက်ပါ။

(ဖုန်များစွာကပ်လာသည့်အခါ လက်ကိုပြန်ခါရမည်။ ခါရမည့်ပုံစံမှာ လက်ဝါးမှောက်လျှက်အတိုင်း မလိုက်သည့်အခါ ညာဘက်လက်မနှင့် ဘယ်ဘက်လက်မ ဘေးချင်းထိလျှက် ရိုက်ခတ်ပြီး တစ်ချက်ခါရမည်ဖြစ်ပါသည်။) ပြီးနောက် လက်ဖဝါးနှစ်ဖက်လုံးဖြင့် မျက်နှာကို ဆံချည်မျှင် တစ်မျှင်မျှမကျန်အောင် ပွတ်သပ်ရမည်။ မျက်ခုံးထူသူ၊ ဒါရီရှိသူတို့သည် ခိလာလ် (လက်ချောင်းများဖြင့် ဖီးသင်ခြင်း) ကိုလည်းပြုလုပ်ရမည်ဖြစ်သည်။ မျက်နှာ၏ နေရာတစ်ခုလုံးကို အပြည့်အဝပွတ်သပ်လိုက်ရမည်။
(ဒုတိယရိုက်ပုတ်ချက်)။ တဖန်ပထမပုံစံအတိုင်း သယမုမ်ပြုမည့်ပစ္စည်းအပေါ်လက်ဖြင့် ရိုက်၍ ခါပြီးနောက် ဘယ်ဘက်လက်၏ လက်မ၊ လက်ညှိုးနှင့် လက်ဖဝါးကိုချန်၍ ကျန်လက်ချောင်းသုံးချောင်းဖြင့် ညာလက်ကို လက်ချောင်းကလေးများ ထိပ်မှစ၍ တံတောင်ဆစ်အပါအဝင် လက်ဖမိုးဘက်မှနေ၍ ပွတ်သပ်ဆွဲချလိုက်ပါ။ (ဤသို့ဆွဲချရာတွင် ဘယ်ဘက်လက်၏ လက်ချောင်းသုံးချောင်းကို ကန့်လန့်ထား၍ ဆွဲချရမည်။) ထိုပုံစံအတိုင်းပင် ညာလက်ဖြင့် ဘယ်ဘက်လက်ကိုလည်း ပွတ်သပ်လိုက်ပါ။ ထို့နောက် ကျန်ရှိနေသည့် လက်မ၊ လက်ညှိုးနှင့် လက်ဖဝါးတို့ဖြင့် ကျန်ရှိနေသေးသည့် ညာလက်နှင့် ဘယ်လက်တို့၏ လက်ဖဝါးဖက်တစ်လျှောက်လုံးကို ပွတ်သပ်လိုက်ပါ။ (လက်ဖဝါးဖက်ကို သယမုမ်ပြုရာတွင် လက်မနှင့် လက်ညှိုးကို ကွေး၍ လက်ဖျံရိုး၏ ဘေးဘက်အခြမ်းများပါ ပါဝင်စေရန် သတိပြု၍ ပွတ်သပ်ရမည်ဖြစ်သည်။)
သယမုမ်ပြုခွင့်ရရှိမည့် အဓိကအချက်မှာ ရေကို သုံးစွဲနိုင်ခြင်းမရှိရပေ။ ရိုးရိုးရေမဟုတ်ဘဲ ရေနွေးကို သုံးစွဲနိုင်သည့် အခြေအနေတွင် ရေနွေးကို သုံးစွဲရမည်ဖြစ်သည်။ ဝုဇူနှင့် ဂုစုလ် နှစ်မျိုးလုံးအတွက် သယမုမ်ပြုလိုပါက သယမုမ်တစ်ကြိမ်တည်းသည် ၎င်းနှစ်မျိုးလုံးအတွက် လုံလောက်ပါသည်။ (မဇွာဟိရိဟပ်က်ဂျဒီးဒ်)
(သယမုမ်နှင့်သက်ဆိုင်သည့် ပညတ်ချက်အကျယ်တဝန့်ကို အင်န်ရှာအလ္လာဟ် ထပ်မံတင်ပြသွားမည်ဖြစ်ပါသည်။) အလ်မုဖီးဒ်မှ ရေးသားသည်။

Website: http://aaitee.blogspot.com

Facebook: http://www.facebook.com/almufeed.mm
Email: haroonrangoni@gmail.com
google တွင်ရှာရန် “ အလ်မုဖီးဒ် ” ဟု မြန်မာလိုရိုက်၍ရှာပါ။
မိမိဖုန်းထဲတွင် ပြန်လည်ဖတ်ရှုရန် သိမ်းထားလိုပါက Simple Islam.apk ဖိုင်ကို ဒေါင်းလုတ်ဆွဲပြီး Install လုပ်ထားပါ။