အစ္စလာမ် နှင့် ပညာရေး

ရေးသားသူ >> စတီဗင်

အလ်မုဖီးဒ် မှ ပြန်လည်တင်ဆက်သည် ... ။

ပညာရေးနှင့်သက်ဆိုင်သည့် သမိုင်းကြောင်းကို စုံလင်စွာရေးသားထားပြီး လူတိုင်းဖတ်ရှုမှတ်သားထားရမည့် အကြောင်းအရာဖြစ်ပါသည် ။

လူတိုင်းသိသင့်တဲ့ အစ္စလာမ့်ပညာရေးသမိုင်းကြောင်း

အစ္စလာမ်နှင့်ပညာရေး
အစ္စလာမ်သာသနာခေတ်ဦးကာလကတည်းက ပညာရေးဆိုတာ မွတ်စလင်တွေ အမြဲတမ်း အရင်ဆုံးစဉ်းစားကြတဲ့ ကိစ္စတစ်ခုထဲမှာပါဝင်ပါတယ်။ မဟာတမန်တော်မြတ် မုဟမ္မဒ်ဆွလ္လလ္လာဟုအလိုင်းဟိဝစလ္လမ် ထံကို ပထမဆုံးကျရောက်လာတဲ့ ကျမ်းတော်မြတ်ကုရ်အာန်ရဲ့ အစစာလုံးက “ဖတ်ပါ” တဲ့။ ဒါ့အပြင် ပထမဆုံးကျရောက်ခဲ့တဲ့ စာပိုဒ်တွေဟာ ပညာရေးနဲ့ သက်ဆိုင်တာတွေချည်းပါပဲ။ တစ်ချက်လောက်ဖတ်ကြည့်ကြပါ။
“(အို-နဗီတမန်တော်) အသင်သည် မိမိအရှင်မြတ်၏ နာမံတော်ဖြင့် (အစပြု၍) - ဖတ် - ပါလေ … ” (ကုရ်အာန် ၉၆ - ဖတ်ရွတ်လော့ကဏ္ဍး ၁ )

“အကြင်အရှင်မြတ်သည် ကလောင်ဖြင့် သင်ကြားပေးတော်မူခဲ့၏” (ကုရ်အာန် ၉၆ - ဖတ်ရွတ်လော့ကဏ္ဍး ၄ )

“ထိုအရှင်မြတ်သည် လူသားတို့အား ၄င်းတို့ မသိခဲ့သောအရာများကို သင်ကြားပေးတော်မူခဲ့ပေသတည်း” (ကုရ်အာန် ၉၆ - ဖတ်ရွတ်လော့ကဏ္ဍး ၅ )

တမန်တော်မြတ် မုဟမ္မဒ်ဆွလ္လလ္လာဟုအလိုင်းဟိဝစလ္လမ် ကလည်း “မွတ်စလင်တိုင်း ပညာကို မဖြစ်မနေသင်ကြားရမည်” လို့ တိုက်ရိုက် မိန့်ကြားတော်မူခဲ့ပါသေးတယ်။ ဒါကြောင့်လည်း မွတ်စလင်တွေဟာ သမိုင်းတလျှောက် ပညာအမျိုးမျိုးကို လေ့လာလိုက်စားပြီး လူသားတွေအကျိုးအတွက် စွမ်းဆောင်ခဲ့တာကို သမိုင်းသိသူတိုင်း မြင်ကြမှာပါ။

အစ္စလာမ်သာသနာရဲ့သမိုင်းတစ်လျှောက်မှာ ပညာရေးဆိုတာ မွတ်စလင်တွေအတွက် ဂုဏ်သိက္ခာကြီးမားတဲ့ အရာတစ်ခုပါ။ မွတ်စလင်တွေဟာ ဘဂ္ဂဒက် (ယခုအီရတ်)၊ ကော်ဒိုဘာ (ယခုစပိန်)၊ ကိုင်ရို (ယခု အီဂျစ်) အစရှိတဲ့ မြို့ကြီးတွေမှာ ကြီးကျယ်ခမ်းနားတဲ့စာကြည့်တိုက်ကြီးတွေ၊ သင်ကြားရေးစင်တာတွေ အများအပြားဖွင့်ခဲ့ကြပါတယ်။ ကမ္ဘာ့ပထမဦးဆုံး အခြေခံပညာသင်ကြားရေးကျောင်းနဲ့ တက္ကသိုလ်ကိုလည်း မွတ်စလင်တွေပဲ စတင်ဖွင့်လှစ်ခဲ့ကြပါတယ်။ အသက်မွေးဝမ်းကျောင်းပညာရပ်အများအပြားကိုလည်း တီထွင်ဖန်တီးပေးခဲ့သလို သိပ္ပံပညာရပ်မှာလည်း လျှမ်းလျှမ်းတောက်အောင်မြင်ခဲ့တာကြောင့် ဒီနေ့ခေတ်ကမ္ဘာကြီးကို အထောက်အကူအများကြီးဖြစ်စေခဲ့ပါသေးတယ်။

ဒီနေ့ခေတ်ပညာရေးစနစ်အရ ကလေးသူငယ်တွေကိုသင်ကြားပေးတဲ့နေရာမှာ အချက်အလက်ကန့်သတ်ထားတာမျိုးတွေ မလုပ်တော့ပါဘူး။ ဒါ့အပြင် ဆရာတွေက ကလေးတွေရဲ့ ခံစားချက်တွေ၊ လူမှုဆက်ဆံရေးတွေ၊ ကိုယ်ကာယကျန်းမာကြံ့ခိုင်ရေးတွေကိုပါ ထည့်ပြီးစဉ်းစားရတာကြောင့် ပညာရေးကို ဘက်စုံဖွံ့ဖြိုးတိုးတက်အောင် လေ့ကျင့်သင်ကြားပေးတယ်လို့ပြောနိုင်ပါတယ်။ အလယ်ခေတ်အစ္စလာမ်သာသနာရဲ့ ပညာသင်ကြားရေး စနစ်ကလည်း ဒီနေ့ခေတ်နဲ့ ထူးမခြားနားပါပဲ။

၁၂ရာစု ဆီရီယားသမားတော်ကြီး အလ်-ရှေဇရီဟာ ကျောင်းသားတွေရဲ့ ကျန်းမာရေးမှတ်တမ်းတွေကို အသေးစိတ်ပြုစုခဲ့တဲ့အထောက်အထားကိုတွေ့ရပါတယ်။ ဒါ့အပြင်ကလေးတွေကို စာအရမ်းပိအောင်သင်ကြားတာမျိုးနဲ့ အားလပ်ချိန်မရှိအောင်သင်ကြားတာမျိုးက အကျိုးမရှိတဲ့အတွက် မလုပ်သင့်ဘူးလို့ အလ်-ရှေဇရီက ဝေဖန်ထောက်ပြထားပါသေးတယ်။
ဒိတ်ဒိတ်ကြဲအစ္စလာမ့်ပညာရှင်ကြီး (အီမာမ်) အလ်-ဂဇ္ဖာလီ ကလည်း “ကလေးငယ်တွေကို လှုပ်ရားကစားခြင်းကနေ ပိတ်ပင်ပြီး သူတို့လေးတွေရဲကနှလုံးသားကို စာပေ၀န်နဲ့ပဲ ဖိနေမယ်ဆိုရင် ချွန်မြနေတဲ့အရာကို တုံးအောင်လုပ်လိုက်သလို သူတို့ရဲ့ဘ၀လေးကို ၀န်ထုတ်ဝန်ပိုးဖြစ်အောင်လုပ်လိုက်တာပါပဲ။ ဒီလိုဖြစ်လာပြီဆိုရင်တော့ ကလေးငယ်ဟာ ပညာရေးကနေ ဘယ်လိုပြေးရမလဲဆိုတဲ့ ထွက်ပေါက်ကိုရှာလာနိုင်ပါတယ်” လို့ ဆုံးမခဲ့ပါတယ်။ အလ်-ဂဇ္ဖာလီက ကျောင်းသားတွေအတွက်ပညာသင်ကြားရေးကို စာတစ်မျိုးထဲမဟုတ်ပဲ ပြဇာတ်ရုံအသေးစားလေးတွေ၊ အားကစား၊ တိရစ္ဆာန်အရုပ်လေးတွေနဲ့ တွဲဖက်သင်ကြားသင့်တယ်လို့ ယုံကြည်ခဲ့သူတစ်ယောက်လည်းဖြစ်ပါတယ်။ အခုခေတ်အနောက်တိုင်းပညာရေးရဲ့ ရှေ့ဆောင်လမ်းပြလို့တောင်ပြောနိုင်ပါသေးတယ်။

အစောဆုံးကျောင်းများ
အစ္စလာမ့်ပညာရှင်ကြီး အိဗ်နေ့ ခလ်ဒွန်းကလည်း သူရဲ့ မုကဒ္ဒိမာဟ် ဆိုတဲ့စာအုပ်ထဲမှာ “ကလေးငယ်တွေကို ကုရ်အာန်ကျမ်းတော်မြတ်(ရဲ့နည်းလမ်းအတိုင်း)သင်ကြားပေးခြင်းက အစ္စလာမ်ဘာသာရဲ့ သင်္ကေတပဲဆိုတာ သိထားရပါမယ်။ မွတ်စလင်တွေအနေနဲ့ သူတို့တွေရဲ့မြို့တိုင်းမြို့တိုင်းမှာ ဒီလိုမျိုးလမ်းညွှန်ထားသင့်ပါတယ်။ ဒါမှသာ အစ္စလာမ်ဘာသာကို နှစ်နှစ်ကာကာယုံကြည်လာကြမှာဖြစ်ပြီး နှလုံးသားနဲ့ မွေ့လျော်နိုင်မှာဖြစ်ပါတယ်။ ကုရ်အာန်ကျမ်းတော်မြတ်ရဲ့အာယသ်တော်တွေထဲက ထုတ်နှုတ်ထားတာတွေရယ်၊ တမန်တော်မြတ် မုဟမ္မဒ်ဆွလ္လလ္လာဟုအလိုင်းဟိဝစလ္လမ် ရဲ့ နည်းစနစ်တွေ(စွန္နသ်တော်)နဲ့ ပေါင်းစပ်ပြီးသင်ကြားရပါမယ်” လို့ဖော်ပြထားပါတယ်။

အစ္စလာမ့်ကမ္ဘာရဲ့ ပထမဆုံးကျောင်းတွေကတော့ တော်တော်လေးကို နည်းစနစ်မကျခဲ့ဘူး။ ဗလီဝတ်ကျောင်းတော်တွေကို လူတွေကစုရပ်အနေနဲ့သဘောထားပြီး ပညာတတ် (အမျိုးသား/အမျိုးသမီး) တစ်ယောက်ဆီကနေ တစ်ဆင့်ပြန်သင်ကြတယ်၊ စာအုပ်တွေဖတ်ကြတယ်၊ အပြန်အလှန်သင်ပေးသင်ယူလုပ်ကြတယ်၊ အသိပညာတွေစည်းပူးကြပါတယ်။ အစ္စလာမ်ဘာသာရဲ့ ဒိတ်ဒိတ်ကြဲပညာရှင်ကြီးတချို့က ဒီနည်းလမ်းနဲ့ပဲ ပညာရည်နို့ သောက်သုံးခဲ့ကြတာပါ။ ဒါ့အပြင်သူတို့ရဲ့တပည့်တပန်းတွေကိုလည်း ဒီပုံစံအတိုင်းပဲ ဆက်လက်ပို့ချခဲ့ကြတယ်။ မဇ်ဟဗ် အစ္စလာမ်ဥပဒေသတွေချမှတ်ခဲ့ကြတဲ့ အီမာမ်ကြီးလေးပါးစလုံး (အီမာမ် အဗူဟနီဖာ၊ အီမာမ် မာလစ်၊ အီမာမ် ရှာဖီအီ၊ အီမာမ် အိဗ်နေ့ ဟမ်ဘလ်) က ဗလီဝတ်ကျောင်းပေါ်ကပညာရေးနဲ့ပဲ အသိပညာဆည်းပူးခဲ့ကြတာလို့ သိရပါတယ်။ နောက်ပြီးတော့ ဗလီဝတ်ကျောင်းတော်ပေါ်မှာပဲ အစ္စလာမ်ဥပဒေသတွေကို ဆွေးနွေးခဲ့ကြတယ်လို့ ဆိုပါတယ်။

မွတ်စလင်ကမ္ဘာမှာရှိတဲ့ တချို့ကျောင်းတွေကတော့ အထက်က ဗလီဝတ်ကျောင်းတော်သင်ကြားရေး နည်းစနစ်ကိုပဲ ဆက်လက်ကျင့်သုံးခဲ့ကြတယ်။ အစ္စလာမ်ဘာသာဝင်တို့ရဲ့ အထွဋ်မြတ်ဆုံး နေရာသုံးခုဖြစ်တဲ့ မက္ကာဟ်မြို့မှ ဟရာမ်ဝတ်ကျောင်းတော်၊ မဒီနာမြို့မှ မက်စ်ဂျီဒီ အလ်-နဗ၀ီ၊ ယေရုဆလင်မြို့မှ မက်စ်ဂျီဒီ အလ်-အက္ကဆာတို့ကို ဖွင့်လှစ်ပေးထားပြီး မည်သူမဆိုလာရောင်ပူးပေါင်းနိုင်ပြီး အသိပညာတွေမျှဝေခွင့်ပေးထားပါတယ်။ အဲဒီမှာ ပညာရှင်တွေဟာ ပုံမှန်ထိုင်ပြီး သူတို့ရဲ့ အသိပညာတွေကို တစ်ဆင့်ပြန်လည်မျှဝေခဲ့ကြတယ်။ အချိန်ကြာလာတာနဲ့အမျှ ဆန်းသစ်တီထွင်မှုမှာ ရှေ့ပြေးခဲ့တဲ့ မွတ်စလင်တွေဟာ ပညာရေးအတွက် ရည်ရွယ်ပြီး အဆောက်အဦးတွေ သီးသန့်ဆောက်လုပ်လာကြပါတော့တယ်။

အခြေခံပညာရေးမှ အဆင့်မြင့်ပညာရေးသို့
၉၀၀ခုနှစ်လောက်ကို ပြန်ငှဲ့စောင်းကြည့်မယ်ဆိုရင် ကျောင်းသားငယ်လေးတွေက မက်သဗ်လို့ခေါ်တဲ့ အခြေခံပညာရေးကျောင်းတွေမှာ သင်ကြားခဲ့ကြပါတယ်။ ထုံးစံအားဖြင့် မက်သဗ်တွေကို ဗလီတွေနဲ့ တွဲလျှက်ဖွင့်ကြတယ်။ ဗလီရှေ့ဆောင် အီမာမ်ပဲဖြစ်ဖြစ်၊ အနီးအနားက မွတ်စလင်ပညာရှင်တစ်ပါးပါးဖြစ်ဖြစ် အဲဒီကျောင်းတွေမှာ ပညာဝင်သင်တတ်ကြပါတယ်။ အဲဒီအခြေခံကျောင်းတွေကတော့ အာရဗီစာ အရေး၊ အဖတ်၊ အခြေခံသင်္ချာနဲ့ အခြေခံ အစ္စလာမ့်ဥပဒေတွေကို သင်ကြားပေးတယ်လို့ ခြုံငုံသတ်မှတ်လို့ရပါတယ်။ တော်တော်များများ မွတ်စလင်ကလေးတွေကတော့ အဲဒီမက်သဗ်ကျောင်းတွေမှာပဲ ငယ်စဉ်ကျောင်းသားဘ၀ကို ဖြတ်သန်းခဲ့ကြတယ်လို့ ပြောနိုင်ပါတယ်။ မက်သဗ်ကျောင်းက သင်ရိုးညွှန်းတမ်းကုန်ဆုံးသွားရင် ကျောင်းသားတွေက အရွယ်ရောက်တဲ့အချိန်လောက် ဖြစ်သွားကြပြီး ကိုယ့်ဘ၀ကိုယ်ကျောင်း၊ ကိုယ့်အလုပ်ကို ကိုယ်ရှာလပ်ကြပါတော့တယ်။ ဒါမှမဟုတ်ရင်လည်း မဒ်ရဆာလို့ခေါ်တဲ့ အဆင့်မြင့်ပညာသင်ကြားပေးတဲ့ကျောင်းတွေတက်ရောက်ကြပါတယ်။

အရင်တုန်းကတော့ မဒ်ရဆာတွေကို ပုံမှန်အားဖြင့် ဗလီကြီးတွေနဲ့ တွဲလျှက်ဖွင့်လှစ်ကြပါတယ်။ ဥပမာအနေနဲ့ပြောရမယ်ဆိုရင် အီဂျစ်နိုင်ငံကိုင်ရိုမြို့က အလ်-အဇ်ဟရ် အစ္စလာမ်တက္ကသိုလ်ကြီး (၉၇၀ခုနှစ်တွင်ဖွင့်လှစ်)၊ မော်ရိုကိုနိုင်ငံ ဖစ်မြို့မှ အလ်-ကာရ၀ီန်းကျောင်းတော်ကြီး ( ၈၅၉ခုနှစ်တွင်ဖွင့်လှစ်)တို့ပါ။ အော်တိုမန်အင်ပါယာရဲ့ အဆင့်မြင့် ဆယ်ဂျက် ၀န်ကြီးတပါးဖြစ်တဲ့ နီဇမ် အလ်-မုလ်က်ရဲ့ အကျိုးကျေးဇူးနဲ့ တဖြည်းဖြည်းနဲ့ မွတ်စလင်ကမ္ဘာမှာ မဒ်ရဆာကျောင်းတွေအများအပြား ပေါ်ပေါက်လာခဲ့ပါတယ်။ မဒ်ရဆာတွေမှာ ဘာသာရေးသိပ္ပံ၊ အာရဗီစတဲ့ ဘာသာရေးပညာရပ်တွေအပြင် ဆေးပညာ၊ သင်္ချာ၊ နက္ခတ်တာရာပညာ၊ သမိုင်း၊ ပထ၀ီ အစရှိတဲ့ ခေတ်နဲ့အညီ ပညာရပ်တွေကိုလည်း သင်ကြားပေးပါတယ်။ ၁၁၀၀ပြည့်နှစ်မှာတေ့ ကိုင်ရိုမြို့တစ်ခုထဲမှာပဲ မဒ်ရဆာပေါင်း ၇၅ကျောင်း ရှိခဲ့ပြီး ဒမတ်စကပ်မြို့မှာ ၅၁ကျောင်းနဲ့ အလက်ပိုမြို့မှာ ၄၄ကျောင်းအသီးသီးရှိခဲ့ပါတယ်။ မွတ်စလင်တွေအုပ်ချုပ်ခဲ့တဲ့ စပိန်ပြည် အလ်-အန်ဒလွတ်စ်မှာလည်း အဲဒီအချိန်မှာ မဒ်ရဆာပေါင်း ရာနဲ့ချီပြီးရှိနေပါပြီ။

အဲဒီမဒ်ရဆာတွေကို ကမ္ဘာ့ပထမဆုံး ခေတ်မီတက္ကသိုလ်တွေလိုယူဆလို့ရပါတယ်။ ဘာသာရပ်တစ်ခုဆီအတွက် သီးသန့်အချိန်၊ အတန်းတွေခွဲထားပြီး သက်ဆိုင်ရာဘာသာရပ်ကိုအထူးကျွမ်းကျင်တဲ့ အိတ်စပတ်နဲ့သာ သင်ကြားပေးပါတယ်။ ကျောင်းသားတွေကပညာသင်ကြားရေးကိုပဲအထူးအာရုံစိုက်ကြပြီး နှစ်ပေါင်းတော်တော်ကြာအောင် ပရော်ဖက်ဆာတွေအများအပြားလက်အောက်မှာ သေသေ၀ပ်ဝပ်ပညာရည်အပြည့်ရယူကြရပါတယ်။ အိဗ်နေ့ ခလ်ဒွန်းရဲ့ပြောကြားချက်အရဆိုရင် အဲဒီအချိန်ကပညာရေးသင်ရိုးညွှန်းတမ်းတစ်ခုက ၁၆နှစ်ကြာတယ်လို့ မှတ်သားရတယ်။

အဲဒီ curriculum သင်ရိုးညွှန်းတမ်းတစ်ခုပြီးပြီဆိုရင် ကျောင်းသားက အီဂျာဇာ (Ijaza) လို့ခေါ်တဲ့ ဘွဲ့လက်မှတ်လိုင်စင်တစ်ခုရပါတယ်။ အဲဒီလိုင်စင်ကတော့ သူ့အနေနဲ့ သက်ဆိုင်ရာသင်ရိုးညွှန်းတမ်းကို ပြီးဆုံးအောင်မြင်သွားကြောင်းနဲ့ ဆရာအဖြစ်ပြန်လည်ပို့ချဖို့အတွက် အရည်အသွေးပြည့်မှီကြောင်း လက်မှတ်ပါ။ အီဂျာဇာလက်မှတ်ကို ဖြစ်နိုင်ရင် ကျောင်းသားအကြောင်း လက်ပွန်းတသီးသိတဲ့ ဆရာကပဲ ပေးရပါတယ်။ အီဂျာဇာဘွဲ့လက်မှတ်က သင်ရိုးညွှန်းတမ်းတစ်ခုပြီးဆုံးကြောင်းပေးအပ်ချီးမြှင့်တဲ့ ပထမဆုံးလက်မှတ်ဖြစ်ခဲ့ပြီး ဒီကနေ့ခေတ် ဒစ်ပလိုမာလက်မှတ်တွေနဲ့ အလားသဏ္ဍန်တူပါတယ်။

အစ္စလာမ့်ပညာရေးနဲ့ အမျိုးသမီးများအခန်းကဏ္ဍ
မသမာသူတွေစွတ်စွဲသလိုမျိုး မွတ်စလင်အမျိုးသမီးတွေက ပညာသင်ကြားခွင့်မရှိဘူး၊ တပါးသူကိုပညာပြန်လည်ပို့ချခွင့်မရှိဘူးဆိုတာ ထွင်လုံးဖြီးလုံးတွေသာဖြစ်ပြီး လုံးဝယုတ္တိမတန်ပါဘူး။ အစ္စလာမ့်သမိုင်းတစ်လျှောက်မှာ အမျိုးသမီးတွေရဲ့ပညာရေးကို အမြဲတမ်းဦးထိပ်ပန်ဆင်ခဲ့ပါတယ်။ မွတ်စလင်အမျိုးသမီးတွေရဲ့ ပညာရေးကို စတင်ခဲ့သူကတော့ တခြားသူမဟုတ်ပါဘူး။ မဟာတမန်တော် မုဟမ္မဒ်ဆွလ္လလ္လာဟုအလိုင်းဟိဝစလ္လမ် ၏ ဇနီးတော် အာအေရှာသခင်မပဲဖြစ်ပါတယ်။ သူ့ခေတ်သူ့အခါက အာအေရှာသခင်မဟာ ထိပ်သီးပညာရှင်တစ်ပါးဖြစ်ခဲ့သလို တမန်တော်မြတ် ၀ဖားသ်ဖြစ် (ကွယ်လွန်)ပြီးနောက်ပိုင်းမှာလည်း မဒီနာမြို့က လူတွေကို ဆရာမအဖြစ် ပညာသင်ကြားပေးခဲ့ပါသေးတယ်။

အာအေရှာသခင်မနောက်ပိုင်းမှာလည်း အစ္စလာမ့်ပညာရေးမှာ အမျိုးသမီးတွေဦးစီးဦးဆောင်မှုပြုလုပ်ခဲ့တဲ့ အခန်းကဏ္ဍတွေရှိပါတယ်။ မွတ်စလင်ကမ္ဘာရဲ့ ဗလီဝတ်ကျောင်းတော်ပညာရေးမှာလည်း အမျိုးသမီးတွေအနေနဲ့ အစ္စလာမ်ဝတ်စားဆင်ယင်မှုနဲ့အညီ ပညာသင်ယူခွင့်ရှိပါတယ်။ မဒ်ရဆာတွေမှာလည်း ပညာသင်ယူခွင့်ရှိသလို ဆရာမအနေနဲ့ စာပြန်သင်ခဲ့တဲ့ မွတ်စလင်ပညာတတ်အမျိုးသမီးတွေ ဒုနဲ့ဒေးပါ။ ၁၂ရာစု ပညာရှင်ကြီး အိဗ်နေ့ အဆာကိရ် (သူပြုစုခဲ့တဲ့ ဒမတ်စကပ်မြို့ရဲ့သမိုင်းကြောင်းစာအုပ် Tarikh Dimashq နဲ့အတူထင်ရှားလာသူ) ကတော့ မွတ်စလင်ဆရာမ အယောက် ၈၀ထံမှာပညာဆည်းပူးခဲ့ပါသတဲ့။

ပညာရေးမှာ ဒိတ်ဒိတ်ကြဲထင်ရှားခဲ့တဲ့ မွတ်စလင်အမျိုးသမီးအနည်းငယ်ကို ဆက်လက်ဖော်ပြရမယ်ဆိုရတော့ …

(၁) ကမ္ဘာ့ ပထမဆုံး မဒ်ရဆာစာသင်ကျောင်း၊ ၈၅၉ခုနှစ်ကတည်ဆောက်ခဲ့တဲ့ မော်ရိုကိုနိုင်ငံ ဖစ်မြို့က University of al-Karaouine (အလ်-ကာရ၀ီန်း တက္ကသိုလ်ကြီး)ကို တည်ထောင်ခဲ့သူကတော့ ကြွယ်ဝတဲ့လူကုံထံမွတ်စလင်အမျိုးသမီး ဖာတီမာ အလ်-ဖိဟ်ရီ ပါတဲ့။

(၂) ကမ္ဘာကျော်အဘာစီခလီဖာကြီး ဟာရူန်း အလ်-ရရှီဒ်းရဲ့ ကြင်ယာတော် ဇူဘေဒါသခင်မကလည်း ဟိဂျာဇ်နယ်မှာ ဗလီဝတ်ကျောင်းတော်၊ စာသင်ကျောင်း။ လမ်းးနဲ့ ရေတွင်းတွေတည်ဆောက်တူးဖော်ဖို့အတွက် ကိုယ်တိုင်ကိုယ်ကျ အလှူငွေထည့်ဝင်ခဲ့ရာမှာထင်ရှားပါတယ်။ သူ့ရဲ့ကြိုးပမ်းမှုကြောင့် ဒေသတစ်ခွင်မှာ လူတော်တော်များများ ပညာရရှိခဲ့ပါတယ်။
(၃) အော်တိုမန်ဆူလတန် ဆူလိုင်မန်ရဲ့ ကြင်ယာတော် ဟူရ်ရမ်ဆူလတန်ဟာလည်း မဒ်ရဆာကျောင်းအများအပြား တည်ထောင်ခဲ့သူလို့နာမည်ကြော်ကြားပါတယ်။ အခြားအခြားသော လှူဒါန်းမှုတွေအပြင် ဆေးရုံ၊ ရေချိုးကန်၊ မီးဖိုဆောင်အများအပြားလည်းလှူဒါန်းခဲ့ပါသေးတယ်။
(၄) ဒမတ်စကပ်က အိုင်ယူဘီမင်းဆက် (၁၁၇၄-၁၂၆၀) တုန်းကလည်း မဒ်ရဆာကျောင်းတွေ၊ ဗလီတွေ၊ ဘာသာရေးအထိမ်းအမတ်တွေကို မွတ်စလင်အမျိုးသမီးကပဲဆောက်လုပ်လှူဒါန်းခဲ့ပါတယ်။

ဥရောပရဲ့အလယ်ခေတ်ကနေ ၁၈၀၀-၁၉၀၀လောက်ထိအောင် အမျိုးသမီးတွေကို အဖက်ဖက်ကဖိနှိပ်ချုပ်ချယ်ပြီး ကျွန်သာသာသာ ဆက်ဆံခဲ့ကြပေမယ့်လည်း မွတ်စလင်တွေကတော့ လွန်ခဲ့တဲ့နှစ်ပေါင်း ၁၄၀၀လောက်ကတည်းက ပညာရေးမှာ အမျိုးသမီးတွေကို ဦးထိပ်ပန်ဆင်ခဲ့ကြပါတယ်။ အမျိုးသမီးတွေကို ဒုတိယတန်းစားအဖြစ်ထားလား မထားလားဆိုတာကိုတော့ သမိုင်းမှန်သိသူတိုင်း၊ လေ့လာဘူးသူတိုင်း သိရှိမှာပါ။ ဒုတိယတန်းစားထားဖို့ဝေးပါသေးတယ်၊ အမြဲတမ်းထိပ်တန်းမှာထားခဲ့ကြတယ်။

မျက်မှောက်ခေတ်ကာလပညာရေး
တစ်ခေတ်တစ်ခါက မဒ်ရဆာပညာရေးက ဒီနေ့ထိအောင်ဆက်လက်ရှင်သန်နေဆဲပါ။ ဒါပေမယ့်လည်း ပုံစံတော့ကွဲပြားသွားပါပြီ။ ပုံစံကွဲပြားသွားရတဲ့အဓိကအကြောင်းအရင်းကတော့ ၁၈၀၀ပြည့်နှစ်လွန်ပိုင်းမှာ ဥရောပသားတွေ မွတ်စလင်ကမ္ဘာကိုကျူးကျော်မှုလို့ပြောလို့ရပါတယ်။ ဥပမာအနေနဲ့ပြောရမယ်ဆိုရင် အော်တိုမန်အင်ပါယာဆူလတန်ရဲ့ ပြင်သစ် စီကျူလာအကြံပေးအရာရှိတွေက ပညာရေးစနစ်ကို ဘာသာရေးမပါတဲ့ သင်ရိုးညွှန်းတမ်းဖြစ်အောင်ပြောင်းလဲဖို့အကြံပြုတဲ့အတွက် အစ္စလာမ့်ပညာရေးစနစ်ကို မြေလှန်လိုက်သလိုဖြစ်သွားခဲ့ပါတယ်။ ဒီလိုနဲ့ပဲ ဥရောပသင်ရိုးညွှန်းတမ်းတွေကိုနှစ်ပေါင်း ရာချီကျော်အောင် အစားထိုးသင်ဖြစ်သွားခဲ့တယ်။ ဘယ်လိုပဲဖြစ်ဖြစ် မဒ်ရဆာပညာရေးစနစ်ကတော့ အော်တိုမန်အစိုးရ ကျောထောက်နောက်ခံမရှိပေမယ့်လည်း ဆက်လက်ရှင်သန်ခဲ့တဲ့အပြင် မျက်မှောက်ခေတ် မွတ်စလင်ကမ္ဘာထဲမှာပါ အမြစ်တွယ်နေဆဲပါ။

အရင်ကအော်တိုမန်အင်ပါယာထဲမှာပါခဲ့တဲ့ ဒီနေ့ခေတ်သစ်နိုင်ငံတွေကတော့ ဥရောပသင်ရိုးညွှန်းတမ်းအတိုင်းပဲ ရှေ့ဆက်သွားနေဆဲပါ။ ဥပမာအနေနဲ့ပြောရမယ်ဆိုရင် ဥရောပပညာရေးစနစ်အရ အထက်တန်းကျောင်းမှာ နောက်ဆုံးနှစ် တက္ကသိုလ်ဝင်တန်းစာမေးပွဲမှာ ဘယ်လောက်ထိအောင် စွမ်းဆောင်ရည်ရှိသလဲဆိုတဲ့ အပေါ်မှာမူတည်ပြီး မေဂျာဘာသာရပ်တွေကို ခွဲခဲ့ပါတယ်။ အကယ်လို့ကျောင်းသားတစ်ယောက်က အမှတ်မြင့်မြင့်နဲ့အောင်မြင်ပြီဆိုရင် ဆေးပညာ ဒါမှမဟုတ် အင်ဂျင်နီယာပညာရပ်ကိုသင်ကြားခွင့်ရပါတယ်။ အမှတ်နိမ့်နိမ့်နဲ့အောင်ပြီဆိုရင်တော့ အစ္စလာမ့်သိပ္ပံနဲ့ပညာရေးကိုစည်းပူးခွင့်ရပါတယ်။ ရှင်းရှင်းပြောရရင် အစ္စလာမ့်ပညာရေးကိုချောင်ထိုးလိုက်တဲ့သဘောပါ။

ခေတ်သစ်ဥရောပပညာရေးစနစ်က မွတ်စလင်ကမ္ဘာအနှံ့မှာ ခြေကုပ်ရယူနိုင်ခဲ့ပေမယ့်လည်း မိရိုးဖလာ အစ္စလာမ့်ပညာရေးစနစ်ကတော့ ရှင်သန်နေဆဲပါပဲ။ အလ်-အဇ်ဟရ်တက္ကသိုလ်၊ အလ်-ကာရ၀ိန်းတက္ကသိုလ်နဲ့ ဒီယိုဘန်မှာရှိတဲ့ ဒါရူလ်အုလူမ်းတက္ကသိုလ်ကြီးတွေကတော့ အစ္စလာမ့်ပညာရေးနဲ့ စီကျူလာသိပ္ပံပညာရေးကို တွဲဖက်သင်ကြားပေးနေပါတယ်။ ကြီးကျယ်ခမ်းနားတဲ့ အစ္စလာမ့်သမိုင်းကြောင်းထဲက မွတ်စလင်ပညာရှင်ကြီးတွေ တစိုက်မတ်မတ်ကျင့်သုံးပြီး မျိုးစေ့ချပေးခဲ့တဲ့ အစ္စလာမ့်ပညာရေးစနစ်ကိုအထင်လည်းမသေးပါနဲ့။ အစ္စလာမ်သမိုင်း ရွှေရောင်ဝင်းခဲ့တဲ့အချိန်ကာလကို အစ္စလာမ့်ပညာရေးတစ်ခုထဲနဲ့ မောင်းနှင်ခဲ့တာပါ။

ဒီနေ့ခေတ်စကားနဲ့ပြောရမယ်ဆိုရင် လောကီပညာနဲ့ လောကုတ္တရာပညာ (ဘာသာရေးနဲ့ ခေတ်ပညာ) နှစ်ခုလုံးကိုတွဲဖက်သင်ကြားဖို့အရေးကြီးပါတယ်။ သာသနာ့ပညာရေးအခြေခံရှိမှသာ မိမိကိုယ်ကိုယ်ထိမ်းကျောင်းနိုင်မှာပါလို့ယုံကြည်ပါတယ်။ ဒါ့အပြင်အစ္စလာမ်ဘာသာနဲ့ပတ်သက်တဲ့ အချက်အလက်အမှန်တွေကို တုံ့ပြန်ဖြေရှင်းနိုင်မှာဖြစ်သလို ကမ္ဘာ့လူသားထုကြီးကိုလည်း “ငါတို့အစ္စလာမ်ဟာ ဒီလိုရှိတယ်” ဆိုပြီး ချပြနိုင်မှာလို့ယုံကြည်ပါကြောင်း … ။

Bibliography:
Ibn Khaldūn. The Muqaddimah, An Introduction To History. Bollingen, 1969. Print.
Lindsay, James E. Daily Life in the Medieval Islamic World. Indianapolis: Hackett Publishing Company, Inc., 2005. Print.
Morgan, M. Lost History. Washington D.C. : National Geographic Society, 2007. Print.
Via Lost Islamic History

10:30pm
6-Nov-14
(စတီဗင်)

((အလ်မုဖီးဒ်))
Website: http://aaitee.blogspot.com
Facebook: http://www.facebook.com/almufeed.mm
Email: haroonrangoni@gmail.com
google တွင်ရှာရန် “ အလ်မုဖီးဒ် ” ဟု မြန်မာလိုရိုက်၍ရှာပါ။
မိမိဖုန်းထဲတွင် ပြန်လည်ဖတ်ရှုရန် သိမ်းထားလိုပါက Simple Islam.apk ဖိုင်ကို ဒေါင်းလုတ်ဆွဲပြီး Installလုပ်ထားပါ။