အာခိရသ်တွင် စိတ်ချမ်းမြေ့သာယာစွာ နေနိုင်ရေးအတွက် လိုအပ်သည့် အရည်အချင်းများမှ စတုတ္ထအရည်အချင်း
**ရိုကျိုးမာန်ချ ဂျန္နသ်ရ
(ကနသ၊ ကူနူးသန်) قَنَتَ قُنُوْتًا ၏ အဘိဓာန်အဓိပ္ပါယ်မှာ .... နာခံခြင်း၊ အမိန့်အတိုင်းလိုက်နာခြင်း၊ ရိုကျိုးခြင်း၊ နှိမ့်ချခြင်းတို့ ဖြစ်ပေသည်။ قَنَتَ لَه ဟု သုံးလျှင် တစ်ဦးတစ်ယောက်၏ရှေ့တွင် ရို့ကျိုးနှိမ့်ချမှု ပြုလုပ်ခြင်းဟု အဓိပ္ပါယ်ရပါသည်။ အာယသ်တွင် ပါဝင်သည့် အဓိပ္ပါယ်မှာ အလ္လာဟ်အမိန့်နာခံသူဖြစ်ခြင်း၊ အလ္လာဟ်ရှေ့တွင် ရိုကျိုးမှုအပြည့်ဖြင့် ကျေးကျွန်ပီသမှုကို ထုတ်ဖော်ခြင်း၊ နာခံသူ၊ လိုက်နာသူဟု ဖြစ်ပေသည်။
အလ္လာဟ်အရှင်မြတ်ကို အီမာန်ယူထားသူသည် ကြီးမားသည့်အခက်အခဲများကို တွေ့ကြုံရလျှင်လည်း အရှင့်၏အမိန့်နာခံမှုကို စွဲမြဲစွာ ဆုပ်ကိုင်ထားသည်။ ပြစ်မှုကျူးလွန်ခြင်း မဖြစ်စေရန် မိမိကိုယ်ကိုယ် ထိန်းချုပ်ထား၏။ လူအများနှင့်လည်း ရိုကျိုးစွာဖြင့် ဆက်ဆံသမှုပြုလေသည်။ သကဗ်ဗုရ်ဟုခေါ်သည့် မာန်မာနကို အလ္လာဟ်အရှင်မြတ် လုံးဝမနှစ်သက်ပေ။ ဟဒီးစ်တွင် လာရှိသည်မှာ ခေါင်းမော့၍ မော်ကြွားမောက်မာသူကို သေးသိမ်စေ၏။ မိမိကိုယ်ကိုယ် နှိမ့်ချကျိုးငဲ့စွာနေသူကို အလ္လာဟ်အရှင်မြတ်သည် မြင့်မားစေတော်မူပေသည်။ ထို့ကြောင့် အရှင်မြတ်သည် မာန်မာနရှိခြင်းကို အလွန်ရွံမုန်းကြောင်း သိရပေသည်။
မာနဆိုတာ ...
စိတ်၏ ခံယူချက်ပုံစံ သုံးမျိုးရှိသည်။
(၁) သန့်ပြန့်မှု၊ ကောင်းမွန်မှုကိုနှစ်သက်ခြင်း
လူတစ်ဦးသည် သန့်ရှင်းသည့်အဝတ်အထည်ကို ဆင်မြန်းရခြင်း၊ အိမ်ကို ကောင်းမွန်သန့်ပြန့်စွာထားခြင်း၊ သုံးဆွဲသည့်အရာတိုင်း သန့်ပြန်နေခြင်း၊ ကောင်းမွန်သည့်အရာများကို အသုံးပြုခြင်းတို့ကို နှစ်သက်ခြင်း၊ ညစ်ပတ်ပေရေစွာနှင့် ပုံစံမကျ ဖြစ်ကတတ်ဆန်းနေသည်ကို မနှစ်သက်ခြင်းတို့သည် သကဗ်ဗွရ်ဟုခေါ်သည့် မာနမဟုတ်ပေ။ ဤသည်မှာ သန့်ပြန့်စင်ကြယ်ခြင်းဖြစ်၍ အီမာန်၏ အစိတ်အပိုင်းထဲမှပင် ဖြစ်သည်။
(၂) တော်ရာမှာနေခြင်း
သင့်တော်ရာမှာ နေခြင်းသည်လည်း မာနမဟုတ်။ တော်ရာမှာနေခြင်းဆိုသည်မှာ လူသည် မိမိကိုယ်ကိုယ် မည်သူဖြစ်သည်ဆိုတာကို သိရှိထားမည်။ မိမိနှင့် မထိုက်တန်သည့်နေရာတွင် ကိုယ့်ကိုယ်ကိုယ် သိက္ခာမချပေ။ မိမိသည် မုအ်မင်န်တစ်ဦးဖြစ်သည်။ မုအ်မင်န်တစ်ဦးဖြစ်ခြင်းကြောင့် ၎င်းနှင့်ထိုက်တန်သည့် သဏ္ဍာန်ဖြင့် နေထိုင်ရမည်။ မိမိကိုယ်ကိုယ် တစ်ဦးတစ်ယောက်ရှေ့တွင် သိက္ခာကျအောင်မလုပ်သင့်ပေ။ မိမိကိုယ်ကိုယ် သိက္ခာကျစေမည့်အဖြစ်မှ ထိန်းသိမ်းကာကွယ်၍ နေထိုင်ခြင်းသည် တော်ရာမှာနေခြင်းဖြစ်ပြီး မာနမဟုတ်ပေ။
(၃) မာန
မာန ဟူသည်မှာ ... بَطَرُالْحَقِّ وَغَمْطُ النَّاسِ အမှန်တရားရှေ့တွင် မာနဖြင့်နေခြင်း၊ တခြားသူများကို မိမိထက်သေးသိမ်သည်ဟု မှတ်ယူခြင်း၊ ယူဆခြင်းတို့သည် မာနဖြစ်ပေသည်။ အမှန်ကို အမှန်အတိုင်း လက်မခံခြင်း၊ ငါကို ဘယ်ကောင်ပြောရဲလဲဟု မာနထောင် မေးငေါ့ခြင်း၊ တခြားသောသူများကို သေးသိမ် နိမ့်ကျသည့်အမြင်ဖြင့် ကြည့်ခြင်း၊ ငါသာလျှင် အားလုံးထက် အကောင်းဆုံး အတော်ဆုံး၊ ငါလုပ်လျှင် ငါပြောလျှင် အားလုံးပြီး၏။ ဘယ်သူ ဘာများပြောနိုင်သနည်းဟု ခံယူချက်ထားခြင်းတို့သည် မာနဖြစ်သည်။ ဤသို့သောအတွေးမျိုး၊ ခံယူချက်မျိုးကို အလ္လာဟ်အရှင်မြတ်သည် မနှစ်သက်ပေ။
ဟဒီးစ်တော်တွင် ဤသို့လာရှိထားသည်။ مَنْ تَوَاضَعَ لِله رَفَعَهُ الله အလ္လာဟ်အရှင်မြတ်အတွက် ကျိုးငဲ့နှိမ့်ချသူကို အလ္လာဟ်အရှင်မြတ်က အဆင့်အတန်း မြှင့်ပေးတော်မူမည်။ အသီး၊ အနှံတို့ဖြင့် ပြည့်နေသောအကိုင်းသည် မြေပြင်ဖက်သို့ ကိုင်းညွှတ်နေပေသည်။ ဘာမှမရှိသည့်အကိုင်းသည် အပေါ်သို့ ထောင်နေပေသည်။ ထို့အတူ အရည်အချင်းပြည့်ဝသူသည် မိမိကိုယ်ကိုယ် ကြီးမြတ်သည်ဟု မယူဆပေ။ မပြည့်သည့်အိုးကသာ ဘောင်ဘင်ခတ်၍ အသံထွက်သည်။ ပြည့်သည့်အိုးမှ မည်သည့်အသံမှမထွက်ပေ။
ထို့ကြောင့် အမှန်တရား ရှေ့ရောက်လာလျှင် မဆိုင်းမတွ ချက်ချင်းလက်ခံရမည်။ သာမန်လူတစ်ဦးက အမှန်ပြောနေလျှင် ၎င်းသူ ပြောနေသည့် အမှန်စကားသည် သာမန်တော့မဟုတ်ပေ။ အမှန်သည် အဆင့်အတန်း မြင့်မားသည်။ ထို့ကြောင့် မှန်ကန်မှုကို တွေ့ပါက မည်သည့်အခြေအနေတွင်မဆို ချက်ချင်းလက်ခံလိုက်ရပေမည်။ ဤသို့လက်ခံနိုင်သူသာလျှင် ပြည့်ဝသူဖြစ်ပေသည်။
[အိလ်မီးခွသ်ဗားသ်]
အာခိရသ်တွင် စည်းစိမ်ချမ်းသာဖြင့် နေလိုပါက လောကတွင် အသက်ရှင်စဉ် လူတို့ရှေ့ အောက်ကျို့ရန် ကြုံလာပါက အလ္လာဟ်အရှင်၏ နှစ်သက်မှုကို ရှေ့တန်းတင်ကာ အောက်ကျို့လိုက်ရမည်။ အာခိရသ်ဟူသည်မှာ အဆုံးမရှိသည့် သက်တမ်းတစ်ခု ဖြစ်သည်။ လောကတွင် ရှင်သန်နေခြင်းသည် ခဏသာ ဖြစ်၏။ ခဏအတွက် တစ်ဘ၀ကို မစတေးပါနှင့်။ တစ်ဘ၀ တစ်ခဏလောကကိုသာ စတေးလိုက်ပါ။ အမှန်တရား၊ အစ္စလာမ့်ရှရီအသ်၏ အမိန့်များကို ပြောဆိုလာလျှင် စိတ်မဆိုးရပါ။ အမှန်တရားပြောသူသည် လောကတွင် မိမိလောက် မချမ်းသာသူ၊ မိမိလောက် မသနားသူ ဖြစ်ကောင်း ဖြစ်နေပါလိမ့်မည်။ သို့ရာတွင် ယင်းသူရရှိမည့် အာခိရသ်သည် မိမိထက် သာနေလျှင် လောကတွင် သာခဲ့ခြင်းက ဘာမှ အသုံးဝင်တော့မည်မဟုတ်ပါ။ ထို့ကြောင့် အမှန်တရားကို ပြောလာလျှင် အာခိရသ်ရေး မျှော်ကိုးကာ လက်ခံပါဟု တိုက်တွန်းအပ်ပါသည်။
Credit, အလ်မုဖီးဒ်က ဘာသာပြန်ဆိုရေးသားသည်။
