“ခက်ခဲမှုနှင့်အတူ လွယ်ကူမှုသည် မုချ ဒွန်တွဲလျက်ပင် ရှိ၏။”
မူရင်း = လာသဟ်ဇန်
ဘာသာပြန်ဆိုသူ = ဘရှီရွလ္လာဟ် ဖာရိုကီ
စာရှုသူမိတ်ဆွေ….။
ဆာလောင်မွတ်သိပ်မှုနောက်တွင် ဝမ်းဝခြင်းရှိ၏။ ရေငတ်မှုနောက်တွင် ရေငတ်ပြေခြင်းရှိ၏။ အိပ်ရေးပျက်ခြင်းနောက်တွင် အိပ်စက်ခြင်းရှိ၏။ ရောဂါစွဲကပ်ခြင်းနောက်တွင် သက်သာပျောက်ကင်းခြင်းရှိ၏။ အဝေးရောက်နေသူသည် မကြာမီ ပြန်လာအံ့။ လမ်းမှားနေသူသည်လည်း မကြာမီ လမ်းမှန်သိသွားလိမ့်မည်။ အကျဉ်းသားသည်လည်း မကြာမီ လွတ်ငြိမ်းချမ်းသာခွင့်ရလိမ့်မည်။ အမှောင်ထုကြီးသည်လည်း စိတ်သုဉ်းပျောက်ကွယ်သွားလိမ့်မည်။
မြင့်မြတ်တော်မူသော အလ္လာဟ်အရှင်မြတ်သည် မကြာမီ အောင်မြင်ခြင်းကို ပေးသနားတော်မူအံ့။ သို့မဟုတ် အထူးအကြောင်းတစ်ရပ်ရပ်ကို ဖြစ်စေတော်မူအံ့။
မှောင်မိုက်နေသော ညအား လင်းဝင်းလှပသော နံနက်ခင်း မကြာမီ ရောက်လာမည်ဖြစ်ကြောင်း၊ နံနက်ခင်း၏ အလင်းရောင်သည် တောတောင်မကျန်၊ လျှိုမြှောင်မချန် ချင်းနင်းဝင်ရောက်ကာ အမှောင်ထုများကို တိုက်ထုတ်မည်ဖြစ်ကြောင်း သတင်းကောင်းပေးပါလေ။
စိတ်ကျဉ်းကျပ်နေသူအား မကြာမီ စိတ်ချမ်းမြေ့ဖွယ်ရာများသည် ရုတ်တရက် အလင်း၏ အမြန်နှုန်း၊ အမြင်အာရုံ၏ အမြန်နှုန်းဖြင့် ရောက်လာမည်ဖြစ်ကြောင်း သတင်းကောင်းပေးပါလေ။
ဒုက္ခရောက်နေသူ၊ သဘာဝဘေးအန္တရာယ်သင့်နေသူအား လေပြေလေညင်းကဲ့သို့ မမြင်နိုင်သော်လည်း အလွန်နူးညံ့သိမ်မွေ့သော နှလုံးသားများရှိကြောင်း၊ နောက်အိမ်ထောင် ထပ်မပြုတော့သော မိခင်ကဲ့သို့ အေးအတူ ပူအမျှ ထာဝရနေထိုင်ရန် ကမ်းပေးနေသော လက်များရှိကြောင်း သတင်းကောင်းပေးပါလေ။
သဲကန္တရကြီးကို ကြည့်လိုက်ပါ။ အမြင်အာရုံ ဆုံးသွားသော်လည်း သဲကန္တရကြီး၏ အကျယ်အဝန်းမှာ မဆုံးသေးပေ။ သို့သော် ယင်းသဲကန္တရကြီး၏ အဆုံးတွင် စိမ်းလန်းစိုပြေနေသော ဥယျာဉ်ကြီးနှင့် အေးမြသောအရိပ်တို့ ရှိ၏ ဟူ၍ သင့်အနေနှင့် နားလည်သဘောပေါက်သင့်၏။
ထို့အတူ ကြိုးတစ်ချောင်းကို ကြည့်လိုက်ပါ။ ခိုင်ခန့်လွန်းသည်ဟု ထင်ရ၏။ သို့သော် မကြာမီ ထိုကြိုးသည်လည်း ပြတ်တောက်သွားပေမည်။
မျက်ရည်စက်များ ရွာသွန်းဖြိုးသည်နှင့် အပြုံးပန်းများပွင့်လာကြ၏။ နှလုံးသားတွင် ကြောက်ရွံ့မှု နေရာယူသည်နှင့် ဖြေသိမ့်သူ ငြိမ်းချမ်းသာယာမှု ရောက်လာ၏။ တုန်လှုပ်ခြောက်ခြားမှု နေရာယူသည်နှင့် တည်ငြိမ်အေးချမ်းမှုက နှင်ထုတ်ပစ်၏။
မီးသည် ဟဇရသ် အိဗ်ရာဟီးမ် (အလိုင်းဟိစ္စလာမ်)အား မလောင်ကျွမ်းစေခဲ့၊ အဘယ်ကြောင့်ဆိုသော် မြင့်မြတ်တော်မူသော အလ္လာဟ်အရှင်မြတ်၏ ကာကွယ်စောင့်ရှောက်မှုသည် ဟဇရသ် အိဗ်ရာဟီးမ်အတွက် အေးမြသာယာခြင်း၏ ပြူတင်းပေါက်ကို ဖွင့်ပေးခဲ့သည်။
ငါအရှင်မြတ်က အို မီး၊ သင်သည် အိဗ်ရာဟီးမ်အပေါ်၌ အေးမြစွာလည်းကောင်း၊ သာယာစွာလည်းကောင်း ရှိလော့ဟု မိန့်တော်မူခဲ့၏။
ပင်လယ်သည် ဟဇရသ် မူဆာ (အလိုင်းဟိစ္စလာမ်)အား မနစ်မြုပ်စေခဲ့၊ အဘယ်ကြောင့်ဆိုသော် အင်အားပြည့်ပြောဆိုလိုက်သော၊ မုသားမပါသော အသံရှိနေခဲ့၏။
မူဆာ (အလိုင်းဟိစ္စလာမ်)သည် မိမိ၏ နောက်လိုက်များကို ပြောပြ၊ ဖြေသိမ့်ခဲ့၏။ ကျွန်ုပ်တို့သည် လုံးဝ အဖမ်းခံကြရမည်မဟုတ်။ မလွဲဧကန် င့ါအား ဖန်ဆင်းမွေးမြူတော်မူသော အရှင်မြတ်သည် ငါနှင့်အတူ ရှိတော်မူပေရာ၊ ယခုပင် ထိုအရှင်မြတ်သည် ငါ့အား ပင်လယ်မှထွက်နိုင်ရန် လမ်းညွှန်တော်မူမည်။
အပြစ်ကင်းစင်သူ တမန်တော်မြတ်ကြီး (ဆွလ်လလ္လာဟု အလိုင်းဟိ ဝစလ်လမ်)သည် လိုဏ်ဂူထဲ၌ ရှိနေစဉ် ခရီးဖော်အဖြစ် လိုက်ပါလာသော ဟဇရသ် အဗူဘက်ရ် (ရသွေ့ယလ္လာဟု အန်ဟု)အား “မြင့်မြတ်တော်မူသော အလ္လာဟ်အရှင်မြတ်သည် ကျွန်ုပ်တို့နှင့်အတူ ရှိနေသည်။” ဟူ၍ သတင်းကောင်းပေးခဲ့၏။ ထို့ကြောင့် ငြိမ်းချမ်းမှု၊ အောင်မြင်မှုနှင့်တည်ငြိမ်အေးချမ်းမှုတို့ ကျရောက်လာခဲ့လေသည်။
အချို့ပုဂ္ဂိုလ်များသည် လက်ရှိ အချိန်နှင့် အခြေအနေတို့၏ ရလဒ်ဆိုးများကြောင့် ဖိနှိပ်ခံကျွန်များသဖွယ်ဖြစ်နေကြ၏။ အမှန်မှာ ၎င်းတို့သည် လိုတမရခြင်း၊ ကျပ်တည်းခြင်း၊ ပျက်စီးခြင်း၊ ရောက်ရာ ခလုတ်တိုက်၊ မှောက်လျက်လဲနေခြင်းတို့ကိုသာ မြင်တတ်ကြ၏။ ထို့အတူ ၎င်းတို့သည် မျက်တောင်တဆုံးခန့်မျှသာ ကြည့်ကြသူများ၊ အခန်းနံရံအထိသာ အမြင်ရောက်ကြသူများ၊ အိမ်ဝရှိ တံခါးလောက်သာ မြင်ကြသူများ ဖြစ်နေကြ၏။ ၎င်းတို့အနေနှင့် အကာအရံ၊ အတားအဆီးများကို ဖောက်ထွင်းကာ ကြည့်ရှုသင့်ပေသည်။ ချုပ်နှောင်ထားသော အတွေးအခေါ်များကို တုပ်ကြိုးများဖြည်ကာ နံရံတံတိုင်းကြီးများ၏ ပြင်ပသို့ လွှတ်ပေးသင့်ပေသည်။
သို့ဖြစ်ရာ သင့်အနေနှင့်လည်း ဘေးကျပ်နံကျပ် မဖြစ်လေနှင့်။ အဘယ်ကြောင့်ဆိုသော် အခြေအနေတစ်ခုသည် အမြဲထာဝရ မရှိနိုင်၊ အမြဲထာဝရ ရှိနေသော အခြေအနေဟူသည် မဖြစ်နိုင်သောအရာပင်။ (စိတ်ကျဉ်းကျပ်ချိန်တွင်) အကောင်းဆုံး၊ အမြတ်ဆုံးသော အိဗာဒသ်သည် (ဆွဗ်ရ်လုပ်၍) အရှင်မြတ် ချီးမြှင့်မည့် သာယာပျော်ရွှင်ခြင်းကို စောင့်စားခြင်းဖြစ်ပေသည်။
နေ့ရက်များတွင် ပြောင်းလဲတတ်သော ဂုဏ်သတ္တိရှိ၏။ ခေတ်ကာလသည်လည်း အမြဲပြောင်းလဲ၊ တိုးတက်နေ၏။ ညများသည် ထူးဆန်းအံ့သြဖွယ်ကောင်းသော နေ့သစ်များကို မွေးဖွားပေး၏။ အနာဂတ်တွင် ဖြစ်မည့်ကိစ္စများသည် အကွယ်၌ ရှိနေရာ မည်သူမျှ တပ်အပ်မသိနိုင်ပေ။ သဗ္ဗညုတဥာဏ်တော်ရှင် အလ္လာဟ်အရှင်မြတ်သည် နေ့စဉ် အရေးကိစ္စတစ်ခုခုကို ဆောင်ရွက်လျက် ရှိနေတော်မူ၏။ ဖြစ်နိုင်သည်မှာ မြင့်မြတ်တော်မူသော အလ္လာဟ်အရှင်မြတ်သည် အကြောင်းကိစ္စ တစ်စုံတစ်ရာကို အသစ်ဖန်တီး၍ ပေးတော်မူလိမ့်မည် ဖြစ်၏။ ထို့အတူ ခက်ခဲမှုနှင့်အတူ လွယ်ကူမှုသည် ဒွန်တွဲလျက်ပင် ရှိပြီး၏။ ခက်ခဲမှုနှင့်အတူ လွယ်ကူမှုသည် မုချ ဒွန်တွဲလျက်ပင် ရှိ၏။
Credit, ဘရှီရွလ္လာဟ် ဖာရိုကီ ရေးသားထားသော အကြောင်းအရာကို အလ်မုဖီးဒ်မှ ကူးယူတင်ဆက်သည်။
