ရမဿွာန်လမြတ် နှုတ်ဆက်ထွက်ခွာသွားသော်လည်း .......
သရာဝီဟ်မဖတ်ရတော့ပေမယ့် နဖိလ်နမားဇ်များ ဖတ်ခွင့်ရှိသေးသည်။ နဖိလ်နမားဇ်များ စွန္နသ်နမားဇ်များ သောင်ဗဟ်နမားဇ်များအား တစ်နှစ်ပတ်လုံး ဆောက်တည်ပြီးနောက် နောက်တစ်ခေါက် ရမဿွာန်ကို ပြန်လည်ကြိုဆိုကြရမည်။
ရမဿွာန်လမြတ် နှုတ်ဆက်ထွက်ခွာသွားသော်လည်း .......
ရိုဇဟ်များ နှုတ်ဆက်မသွားသေးပါ။ ဖရ်ဇ်ရိုဇဟ်ပြီးနောက် နဖိလ်ရိုဇဟ်များ ထားခွင့်ရှိသေးသည်။ တစ်နှစ်ပတ်လုံး၏ ရိုဇဟ်များဖြင့် နောက်တစ်ခေါက် ရမဿွာန်ကို ပြန်လည်ကြိုဆိုကြရမည်။
ရမဿွာန်လမြတ် နှုတ်ဆက်ထွက်ခွာသွားသော်လည်း .......
ဇကားသ်ပေးခြင်း၏ တာဝန်တို့ ကျေပွန်ပြီး ဖြစ်သည်။ သို့သော်လည်း နောက်တစ်နှစ် ဇကားသ်တာဝန်အတွက် ယခုကတည်းက စာရင်းများ စတင်ပြုစုထားရမည်။ နဖိလ်စွဒကဟ်များ ပေးကမ်းလှူဒါန်းရမည်။ စွဒကဟ်အလှူ၏ ကုသိုလ်များအား တစ်နှစ်လုံး စုဆောင်းပြီး နောက်တစ်နှစ်ရမဿွာန်ကို ပြန်လည်ကြိုဆိုရမည်။
ရမဿွာန်လမြတ် နှုတ်ဆက်ထွက်ခွာသွားသော်လည်း .......
နဖိလ်အုမ္မရဟ်များ ပြုခွင့်ရှိနေသေးသည်။ ဟဂ်ျအခါသမယက ပြန်လည်ကြိုဆိုနေပြီ၊ ကုရ်ဘာနီအတွက် စိုင်းပြင်းကြမည်၊ မလိုသူတို့၏ ရန်စကားများ တွန်းထုတ်ချေဖျက်ကာ အလ္လာဟ်အမိန့်ကို နာခံကြမည်၊ စိတ်ရိုင်းကို ဓားထက်ထက်အောက်ဝယ် ဇဗဟ်ပြုကြပါမည်။
ရမဿွာန်လမြတ် နှုတ်ဆက်ထွက်ခွာသွားသော်လည်း .......
ဇိကိရ်ပြုရန် တာဝန်သည် တစ်နှစ်ပတ် ကျန်နေသေးသည်။ ဂျန္နသ်တောင်းခံရမည့် အချိန်များ ဂျဟန္နမ်မှ လွတ်မြောက်မှုရရန် ပန်ကြားချက်များ ပြုနေရပါဦးမည်။ ကလိမဟ်ရဲ့ ဇိကိရ်များ အချိန်တိုင်း ပြုနေရပါဦးမည်။ အိစ်သိဂ်ဖာရ်ရဲ့ လန်းဆန်းမှုကို ရယူကြရပါဦးမည်။ ဒရူးဒ်ပို့ကာ အရသာ ခံယူရပါဦးမည်။ တစ်နှစ်ပတ်လုံးကို ဇိကိရ်ဖြင့် စိုပြေစေပြီး နောက်တစ်နှစ်ရမဿွာန်ကို ဇိကိရ်ပြုသော နှုတ်လျှာတစ်စုံဖြင့် ပြန်လည် ကြိုဆိုကြရမည်။
ရမဿွာန်လမြတ် နှုတ်ဆက်ထွက်ခွာသွားသော်လည်း .......
ရုပ်ရှင်ကြည့်လျှင် အပြစ်ထိုက်ခြင်းက မထွက်ခွာသွားပါ။ တစ်နှစ်ပတ်လုံး ဘယ်အချိန်မှာ ဘယ်လိုပဲကြည့်ကြည့် အပြစ်ထိုက်သည်။ ရမဿွာန်မှ တီဗွီတွေကို စောင်ခြုံထားသလို တစ်နှစ်ပတ်ခြုံထားလိုက်လျှင် မွစ်လင်မ်တို့ရရှိမည့် နောက်တစ်နှစ်ရမဿွာန်သည် ဒီ့ထက်ပိုပြီး ဂျန္နသ်လမ်းကို အမြန်ဖောက်နိုင်ပါမည်။ ရုပ်ရှင်မကြည့်သည့် တစ်နှစ်တာအဖြစ် ဒီနှစ်ရမဿွာန်မှ စတင်လိုက်ပြီး နောက်တစ်နှစ်ရမဿွာန်ကို ကြိုဆိုကြရမည်။
ရမဿွာန်လမြတ် နှုတ်ဆက်ထွက်ခွာသွားသော်လည်း .......
အတင်းပြောလျှင် အပြစ်ထိုက်ခြင်းများ ခွဲခွာမသွားပါ။ အတင်းမပြောသည့် အလေ့အကျင့်ကို ရမဿွာန်မှ ကျင့်ယူကာ နောက်ရမဿွာန်အထိ ကျင့်ကြံလျှက် ပါးစပ်သန့်သည့် မွစ်လင်မ်တစ်ဦးအဖြစ် နောက်တစ်နှစ်ရမဿွာန်ကို ကြိုဆိုကြရမည်။
ရမဿွာန်လမြတ် နှုတ်ဆက်ထွက်ခွာသွားသော်လည်း .......
ကျွန်ုပ်တို့၏ ခံစားချက်များ ထွက်ခွာမသွားပါ။ အီးဒ်ရဲ့အပြုံးတွေနောက်မှာ သွေးစက်လက်ကျနေတဲ့ အသည်းတစ်စုံက အမှန်တရားရဲ့ လက်များကို စောင့်ကြိုနေသည်။ ထိတ်လန့်နေသည့် မတ်စ်ဂျိဒ်များက နှစ်သိမ့်ပေးမည့် နမာဇီများကို မျှော်လင့်နေသည်။ တစ်ဖက်သက် အနှိပ်ကွပ်ခံရခြင်း အစွန်းတစ်ဖက်မှ ပြန်ထမလာရန် မျှော်လင့်ချက်များ နောက်တစ်နှစ် ရမဿွာန်ထိ ရှိနေပါသည်။
ရမဿွာန်လမြတ် နှုတ်ဆက်ထွက်ခွာသွားသော်လည်း .......
နမားဇ်ငါးကြိမ်တိုင်းအား မတ်စ်ဂျိဒ် (ဗလီ)သို့သွား၍ ယောက်ျားပီပီ ဂျမာအသ်ဖြင့် ဆောက်တည်ရမည့်တာဝန်များ၊ စဲဟ်ရီပြီးလျှင် ဖဂျရ်သွားသည့်တာဝန်က ရမဿွာန်ပြီးသွားသော်လည်း တာဝန်မပြီးသေးကြောင်း အဇာန်သံက ဖိတ်ခေါ်နေပါသည်။ ဂျမာအသ်မြဲပြီး နေ့စဉ်၏ ဖဂျရ်မှာ မတ်စ်ဂျိဒ်ပြည့်မည့် နေ့ရက်များအား မစ်ဂျိဒ်တိုင်းက လိုလားနေသည်။ ဂျမာအသ်မြဲသည့် ယောက်ျားကောင်းများအဖြစ် နောက်တစ်နှစ်ရမဿွာန်ကို ကြိုဆိုကြရမည်။
ရမဿွာန်လမြတ် နှုတ်ဆက်ထွက်ခွာသွားသော်လည်း .......
နောက်တစ်နှစ် ရမဿွာန်က ပြန်ရောက်လာဦးမည်။ ကြုံမည် ဆုံမည် မသေချာသော လူ့ဘ၀၀ယ် သေချာသည့် အာခိရသ်အတွက် ပြင်ဆင်လျှက် အလ္လာဟ်ခေါ်လျှင် လက်ဗ်ဗိုင်းက် ထူးကာ အရှင့်ရှေ့မှောက် ပြုံးရွှင်စွာ ၀င်ရောက်နိုင်ဖို့အရေး ဒီရမဿွာန်က နည်းစနစ်တွေ လေ့ကျင့် သင်ပေးနေသည်။ ရမဿွာန်ပြီး၍ သင်တန်းဆင်းသွားလျှင် လေ့ကျင့်ပေးလိုက်သည့် နည်းစနစ်အတိုင်း တစ်နှစ်ပတ်လုံး နေထိုင်သွားသူက လောကရဲ့ ပြစ်မှုတွင်းမှ ရုန်းထွက်နိုင်သူတစ်ဦး ဖြစ်လာမည်။ နောက်တစ်နှစ်ရမဿွာန်ကို စွမ်းရည်အပြည့်ဖြင့် ပြိုင်နိုင်မည်။ ဒီနှစ်ရမဿွာန်ထက် နောက်နှစ်ရမဿွာန်က ပိုကောင်းနေရမည်။ ဒီနှစ်ရမဿွာန်ကနေ တစ်နှစ်ပတ်လုံးအား ရမဿွာန်အတိုင်းနေထိုင်၍ နောက်နှစ်ရမဿွာန်ကို ကြိုဆိုကြရမည်။
ရမဿွာန်လမြတ် နှုတ်ဆက်ထွက်ခွာသွားသော်လည်း .......
အလ္လာဟ်အရှင်မြတ်၏ ရဟ်မသ်၊ မဂ်ဖိရသ်များ ဗရကသ်များ ကဗူလ်ပြုခြင်းများ မခွဲခွာသွားပါ။ တစ်နှစ်ပတ်လုံး ချီးမြှင့်ရန် ရယူမည့် အီမာန်ရှင်အတွက် တံခါးဖွင့်ထားသည်။ အရှင့်ရဟ်မသ်များကို တစ်နှစ်ပတ်လုံး အရယူ၍ နောက်နှစ်၍ ရမဿွာန်ကို ကြိုဆိုကြမည်။
ရမဿွာန်လမြတ် နှုတ်ဆက်ထွက်ခွာသွားသော်လည်း .......
မနှုတ်ဆက်သွားသည့် အရာများ များစွာကျန်နေခဲ့သည်။ ကြိုတင်ပြင်ဆင်မှုများ လုပ်ရပါဦးမည်။ အီးဒ်ရောက်လာသော်လည်း ခံစားချက်များ မပျောက်ကွယ်ဘဲ ရှိနေဆဲနဲ့ နောက်တစ်နှစ် ရမဿွာန်ကို ကောင်းမှုအင်အား အမှန်တရား၏ လမ်းများဖောက်ထွင်းလျှင် အမှားကိုဖြိုခွင်း မတရားမှုများ ထောင်ချ အောင်မြင်မှုအလံ လှမ်းကိုင်လျှက် ကြိုဆိုကြရမည်ဖြစ်ကြောင်း အသိတရား သွန်းလောင်းကာ မွစ်လင်မ်အားလုံးနှင့်အတူ အီးဒ်အခါသမယကို ကြိုဆိုလိုက်ပါသည်။
အလ်မုဖီးဒ်
