မုစလ်မာန်သည် ကမ္ဘာပေါ်မှာ အသက်ရှင်နေစဉ် အလ္လာဟ်တားထားသည့် တီးလုံးသံ၊ သီချင်းသံတို့ကို နားထောင်ခြင်း၊ အရသာယူကာ နားဆင်ခြင်းမှ မိမိ၏နားကို ထိန်းသိမ်းခဲ့ပါက ကိယာမသ်နေ့ရောက်လျင် အလ္လာဟ်အရှင်မြတ်သည် အင်မတန် သာယာနာပျော်ဖွယ်ကောင်းသော ဖရိရ်ှသဟ်၊ ဟူရ်၊ နဗီတို့၏အသံများကို နားဆင်ခွင့် ချီးမြှင့်တော်မူပေမည်။
သီချင်းနားထောင်ခြင်း မပြုခဲ့သူတို့အား......
အလ္လာဟ်အရှင်မြတ်၏ ချီးမွမ်းမှုများအကြောင်း စပ်ဆိုထားသည့် တေးသွားကို ဟူရ်ကညာပျိုများက သီဆိုပြမည်ဖြစ်သည်။ ယင်း၏ ကြာချိန်မှာ နှစ်ပေါင်း ၇ဝ ဖြစ်သည်။ ပျင်းသွားခြင်း၊ အီသွားခြင်းများမရှိဘဲ အသံနှင့် ကဗျာအလိုက်တို့၏ သာယာမှုတွင် နစ်မျောနေမည်သာ ဖြစ်၏။
ထို့ပြင် ပထမသီဆိုမှုထက် ပိုကောင်းသောအရာကို အလ္လာဟ်အရှင်က ချီးမြှင့်ပေးမည်။ ၄င်းမှာ တမန်တော်ဒါဝူးဒ် အလိုင်ဟိစ္စလာမ်၏ ဇဗူရ်ကျမ်းကို ဖတ်ပြခြင်းပင် ဖြစ်၏။ လောကတွင် တမန်တော်ဒါဝူးဒ် ဇဗူရ်ကျမ်းကို ရွတ်ဖတ်ပါက ကောင်းကင်ရှိ ငှက်များ၊ ရေထဲရှိငါးများကပါ နားထောင်ကြသည်အထိ အသံကောင်းသူ ဖြစ်သည်။ ကိယာမသ်နေ့ အလ္လာဟ်ကိုယ်တော်တိုင် ဖတ်ပြခိုင်းလျှင် မည်မျှအသံကောင်းမည်ကို စဉ်းစားကြည့်ပါ။
ထို့ထက်ကောင်းသော အလွန်သာယာကြည်နူးဖွယ်ကောင်းသော အသံကို အလ္လာဟ်အရှင်မြတ်က ထပ်၍ချီးမြှင့်နားဆင်စေမည်။ ယင်းအသံမှာ အလ္လာဟ်အရှင်၏ အချစ်ဆုံးတမန်တော် မြတ်နဗီ ဆွလ္လလ္လားဟုအလိုင်းဟိဝစလ္လမ်၏ စူရဟ်ယာစီးန် ဖတ်ရွတ်သံဖြစ်ပေသည်။
အားလုံးထက်အကောင်းတကာ့ အကောင်းဆုံးကို ထပ်၍ ချီးမြှင့် ကြားနာစေမည်။ ယင်းအသံမှာ အလ္လာဟ်အရှင်မြတ် ကိုယ်တော်တိုင်၏ စူရဟ်ရဟ်မာန်၊ သို့မဟုတ် စူရဟ်သွာဟာ ဖတ်ပြသည့်အသံတော် ဖြစ်ပေမည်။ အခြားဆင့်ဆိုမှုတွင် စူရဟ်အင်န်အာမ်ကို ဖတ်ပြတော်မူမည်ဟု လာရှိသည်။
ထိုသို့ကောင်းမွန်လှသည့်အသံတို့ကို ကမ္ဘာပေါ်၌ အသက်ရှင်စဉ် သီချင်းနားထောင်ခြင်း၊ ကြည့်ခြင်း၊ တီးခတ်ခြင်းစသည့် မပြုပိုင်သည့် အမှုကိစ္စတို့ကို ရှောင်ကြဉ်ခဲ့သူတို့ကိုသာ ချီးမြှင့်မည်ဖြစ်၏။
ဆင့်ပြန်မှုတစ်ခုတွင် လာရှိသည်မှာ ကိယာမသ်နေ့၌ အလ္လာဟ်အရှင်မြတ် မေးတော်မူမည်။ ကမ္ဘာပေါ်တွင် အသက်ရှင်နေစဉ် မိမိ၏ မျက်စိနှင့် နားကို ရှိုက်သွာန်၏ တီးလုံးသံများ နားဆင်ခြင်း၊ အတီးသမားများကို ကြည့်ခြင်းကနေ ထိန်းသိမ်းရှောင်ကြဉ်ခဲ့ကြသူတွေ အဘယ်မှာနည်း။ ၄င်းတို့ကို အခြားသူတို့မှ သီးခြားခွဲထုတ်ပါ။
ဖရစ်ရ်ှသဟ်တို့က ထိုသို့သော သူများကို သီးခြားခွဲထုတ်ကာ ကတိုးနှင့် အမွှေးတုံး၏ တောင်ကုန်းပေါ်တွင် ထိုင်စေမည်။ ထို့နောက် အလ္လာဟ်အရှင်မြတ်က ဖရိရ်ှသဟ်တို့အား ဤသူများကို ငါအရှင်မြတ်၏ သန့်ရှင်းစင်ကြယ်မှုနှင့် မြင့်မြတ်မှု အကြောင်း ဖွဲ့ဆိုထားသော တေးကဗျာတို့ကို သီဆိုပြဟု အမိန့်ပေးမည်။
ထိုအခါ ဖရိရ်ှသဟ်များက ၄င်းတို့အား အလွန်သာယာနာပျော်ဖွယ် နားဝင်ပီယံရှိလှတဲ့ ချစ်စရာအသံဖြင့် အလ္လာဟ်အရှင်မြတ်အကြောင်းကို ဆိုပြပါမည်။ ကြားရသူအပေါင်းသည် ဤအသံမျိုးကို မည်သည့်အခါကမျှ ကြားဖူးခဲ့ကြမည် မဟုတ်ပါ။
** သီချင်းနားထောင်ခဲ့သော နားကို ..........
ကိယာမသ်နေ့တွင် သီချင်းနားထောင်ခဲ့သော နားထဲသို့ ခဲရည်ကျိုပြီး လောင်းထည့်မည် ဖြစ်၏။
ထို့ကြောင့် သီချင်းသံမှ ရှောင်ကြဉ်ပြီး နားဆင်ခဲ့ခြင်းများ ရှိပါက စစ်မှန်သည့်သောဝ်ဗဟ်ပြု၍ အလ္လာဟ်ထံ ခွင့်လွှတ်မှု တောင်းခံရပါမည်။ ပြစ်ဒဏ်မှ ရှောင်ကာ ဂုဏ်ပြုပေးခြင်းကို ခံယူရင်း အရသာရှိလှသည့် အသံများကို နားဆင်သူတို့တွင် ပါဝင်အောင် ကြိုးစားရပါမည်။
{ကောက်နှုတ်ချက်ဖြစ်ပါသည်}
~အလ်မုဖီးဒ်~
ဟစ်ဂ်ျရီ ၁၄၃၆/ ရှအ်ဗာန်/ ၅/ ယောင်မုလ်အဟဒ်
