ဇိနာကြောင့် ဆုံးရှုံး နစ်နာမှုများ

ဇိနာဟုဆိုရာတွင် မျက်စိဇိနာ၊ နား၏ ဇိနာ၊ ပါးစပ်၏ ဇိနာ၊ စိတ်နှလုံး၏ ဇိနာ၊ ထိတွေ့မှု၏ ဇိနာ၊ အတူနေလိုက်ခြင်း၏ ဇိနာ အားလုံးအကျုံးဝင်ပါသည်။

မကောင်းမှု၏ နိဂုံးသည် အမြဲမကောင်းပါ။ မကောင်းမှုကြီးသလောက် နိဂုံး၏ ဆိုးကျိုးသည်လည်း ထိုမျှကြီးမားသည်။ ဇိနာသည် ကြီးမားသော ပြစ်မှုဖြစ်၍ ၄င်းကြောင့် များစွာသော ဆုံးရှုံးမှုတို့ကို ရင်ဆိုင်ရပေသည်။

* စီးပွါးရေးတွင် နစ်နာသည်။
ဇိနာပြစ်မှုကြောင့် ဗရ်ကသ်များမှ လက်မဲ့ ဖြစ်သွားသည်။ မည်မျှပင် ချမ်းသာပါစေ အမြဲ အကြွေး တင်နေမည်။ သပ်က်ဝါဖြင့် ဗရ်ကသ်များ ရရှိသည်။

* ရိုဇီ ကြပ်တည်းသည်။
ဇိနဟ်ပြုသူသည် အလ္လာဟ်အမိန့်မှ မျက်နှာလွှဲသူဖြစ်၍ ရိုဇီကြပ်တည်းခြင်းကို ခံရမည်။

*အောင်မြင်မှုလမ်းစ ပိတ်ခြင်းခံရမည်။
ဇိနာပြုသူသည် မိမိ၏ ပြစ်မှုမှ သောဝ်ဗဟ်မပြုလျှင် အောင်မြင်မှုတံခါး အပိတ်ခံရမည်။ လုပ်ငန်းတစ်ခု အောင်မြင်မှု နီးကပ်လာမှ တစ်ခုမဟုတ်တစ်ခု အနှောင့်အယှက် ဝင်လာမည်။ သား၏ ဆွေမျိုးဆက်ရန် သတင်းရောက်လာသည်။ တစ်ဝက်တစ်ပျက်နှင့် ပျက်သွားမည်။

* ဒုက္ခပေါင်းစုံ ကြုံရမည်။
ဇိနာအကျင့် မစွန့်လွှတ်လျှင် ဒုက္ခများသည် ပုတီးကုန်းကြိုးပျက်သကဲ့သို့ တစ်ခုပြီးတစ်ခု ဆက်တိုက်ဖြစ်လာမည်။

* သေးသိမ်မှုဖြစ်မည်။
ဇိနာပြုသူသည် မိမိ၏ ဂုဏ်သိက္ခာကို ကိုယ်တိုင် ဖျက်ဆီးသူ ဖြစ်သည်။ အလ္လာဟ်အရှင်မြတ်ထံတွင်လည်း သိက္ခာမရှိ။ အခြားသူများ ရှေ့မှောက်တွင်လည်း  သိက္ခာမဲ့ပင် ဖြစ်၏။ (အလ္လာဟ့်အရှေ့သိက္ခာမဲ့နေလျှင် ကျန်သူများအရှေ့ သိက္ခာရှိနေပါကလည်း ဘာများ အသုံးဝင်မည်နည်း။)

* သာသနာပိုင်းဆိုင်ရာတွင် ဆုံးရှုံးမှု ဖြစ်လာမည်။
မကောင်းမှုကို မကောင်းမှုဟု ယူဆသည့် အသိတရား ပျောက်ဆုံးသွားမည်။ စိတ်တွင် ဇိနာကို မကောင်းမှုဟု မထင်တော့။ ပမာအားဖြင့် ယောကျာ်း၊ မိန်းမ စခြင်း၊ နောက်ပြောင်ခြင်း၊ စာပေးခြင်း၊ မျက်စာပစ်ပြခြင်း၊ နှုတ်ဆက်ခြင်း၊ နှစ်ယောက်တည်း အတူနေခြင်းတို့ကို ပြစ်မှုဖြစ်သည်ဟု မမှတ်ယူတော့ပေ။ တခါတရံ ဆုံကြုံခွင့် ရပါစေဟု ဒုအာပြုနေမည်။ ပြစ်မှုကျုးလွန်ရန် ဒုအာပြုခြင်းသည်လည်း ပြစ်မှုဖြစ်ကြောင်း မေ့နေသည်။

* မခံချင်စိတ် မရှိတော့။
ဇိနာအမှုပြုနေသူ စိတ်တွင် အီမာန်ပိုင်းဆိုင်ရာ မခံချင်စိတ် ကုန်ဆုံးသွား၏။ မကောင်းမှုကို မိသားစုတွင်၊ မုစလ်မာန်များတွင် မြင်တွေ့နေပါကလည်း မည်သို့မျှမခံစားရတော့ပေ။

* သောဝ်ဗဟ်၏ အခွင့်အရေး ရုပ်သိမ်းခံရသည်။
ဇိနာအမှုအတွက် သောဝ်ဗဟ် ပြုလိုစိတ် ဖြစ်ပေါ်လာခြင်း မရှိ။ ပို၍ ခိုင်မာမှုကိုသာ ရည်ရွယ်နေမည်။

* စိတ်ထား မာကြော ခက်ထန်လာမည်။
ဇိနာကြောင့် စိတ်ထား မာကြောလာမည်။ ဆုံမစကား ပြောလျှင်လည်း နားမဝင်တော့ချေ။ ကျောက်ခဲပင်လျင် အလ္လာဟ်ကိုကြောက်၍ ကွဲအပ်သွားသည်။ လူ့စိတ်က ပြစ်မှုအပေါ် တုန်လှုပ်မှု တစ်ချက်မှ ဖြစ်ပေါ်ခြင်း မရှိ။

* အမိန့် နာခံခြင်း ပျောက်ဆုံးသွား၏။
ဇိနာ၏ အမင်္ဂလာကြောင့် စိတ်ဓါတ် သေသွားသည်။ ကောင်းသောအမလ်များကို စိတ်ပါဝင်စွာ ပြုလုပ်လိုစိတ် မရှိတော့ပါ။ စွန်နသ်တော်ကို လိုက်နာလိုစိတ် ကုန်ခမ်းနေမည်။

* အလ္လာဟ်အရှင်မြတ်နှင့် ဝေးကွာမှု ဖြစ်လာမည်။
ဇိနာတွင် နစ်နေသူသည် အလ္လာဟ်ကို သတိမရ၊ သိလာဝသ်လုပ်ရန် စိတ်မပါ၊ နမားဇ်ဆောက်တည်လိုစိတ် မရှိ ဖြစ်လာ၏။

*နဗီ၏ ကျိန်စာကို ခံထိုက်သူ ဖြစ်လာ၏။
တမန်တော်မြတ်က ပြစ်မှု ကျူးလွန်သူ အမျိုးမျိုးတို့အပေါ် ကျိန်စာပို့ခဲ့သည်။ ဇိနာသည်လည်း ပြစ်မှုတစ်ခုပင်ဖြစ်ရာ ထိုကျိန်စာမှ မလွတ်ကင်းပေ။

* အလ္လာဟ်ရဟ်မသ်မှ မက်ကင်းသူ ဖြစ်လာ၏။
ဇိနာပြုသူ၏ စိတ်နှလုံးသည် အနည်းငယ်သော ကိစ္စရပ်တွင်လည်း အရှင့်၏ ရဟ်မသ်တော်မှ မျှော်လင့်ချက်မဲ့သွားသည်။ စိတ်ဓါတ်ကျသည့်ရောဂါ ဖြစ်လာ၏။

* နိဂုံး မကောင်းမည်ကို စိုးရိမ်ရ၏။
ဇိနာပြစ်မှု၏ အမှောင်သည် လူသားကို ဤမျှ အားနည်းစေသည်မှာ အဆုံးသတ် နိဂုံးမကောင်းမည်ကိုပင် စိုးရိမ်ရ၏။ အတွင်းပိုင်းဆိုင်ရာ ဆူဖီတို့က မိန့်သည်မှာ ဇိနာမှ သောဝ်ဗဟ်မဖတ်သူသည် နောက်ဆုံးအချိန်တွင် အီမာန်မှ လက်မဲ့ ဖြစ်တတ်ပါသည်။

ဇိနာ၏ အရင်ဆုံး တခါးပေါက်မှာ စိတ်ကူးယဉ်ခြင်း ဖြစ်၏။ စိတ်တွင်း၌ သူစိမ်းတစ်ဦးဦးနှင့် စိတ်ကူးယဉ်နေမည်။ အရသာ ယူနေမည်။ ထိုသို့ပြုခြင်းကြောင့် နှလုံးသား အမှောင်လွှမ်းလာသည်။ နှလုံးသားကို သောဝ်ဗဟ်၊ အိစ်သိဂ်ဖာရ်ဖြင့် ပြန်လည် လင်းဝင်းအောင် ပြုလုပ်ရပေမည်။

ယနေ့ ချက်တင်ဟူသည့် ဇိနာသည် အမွှေးအကြိုင်ဖြင့် လူတိုင်းထံသို့ စွဲမက်ဖွယ်ရနံပေးကာ သုံးစွဲရန် ဖိတ်ခေါ်နေသည်။ စာနဲ့ပဲ ပြောခြင်းပါ၊ ဘာစိတ်မှ မရှိဘူး၊ ရိုးရိုးသားသား ခင်ကြတာ၊ စ နောက် တာပါ။ သူ့ကို တကယ်ယူမလို့ (ယခုအထိ နိကဟ် မရှိသေး) စသဖြင့် ဇိနာကို စကားလုံးလဲ၍ ပြောင်းသုံးကြသည်။ လူတို့က အပြစ်ဟု မသတ်မှတ်ခြင်းကြောင့် ပြစ်မှုဖြစ်ခြင်းမှ လွတ်ကင်းသွားခြင်းမျိုး မရှိပါ။ ဇိနာသည် ဇိနာသာ ဖြစ်၏။

နိကဟ်သည် ဗရ်ကသ်ရှိစေ၍ ဇိနာသည် အဇားဗ်ရှိစေသည်။ ထို့ကြောင့် ...ဇိနာကို ရှောင် ... နိကဟ်ကို ဆောင် .. ပါ။

{အရှက်တရားနှင့် ကာအိနြေ္ဒ၊ အတွဲ - ၃ မှ ကောက်နှုတ်သည်။}
အလ်မုဖီးဒ်
ဟစ်ဂ်ျရီ ၁၄၃၆/ ရှအ်ဗာန်/ ၁/ ယောင်မုလ်အရ်ဗာအ်

(အထက်ပါ အကြောင်းအရာကို ကူးယူးပါက အလ်မုဖီးဒ်မှ ကူးကြောင်း ထည့်သွင်းရေးသားပါ။)