Saturday, July 23, 2016

ဟရာမ်စားသုံးခြင်း၏ ဆိုးကျိုးများ


မွစ်လင်မ်တို့၏ နေ့စဉ် စား၊ ၀တ်၊ နေထိုင်သည့် အခြေအနေတိုင်းသည် အစ္စလာမ်မှ ခိုင်းစေသည့်အတိုင်း ထပ်တူဖြစ်ရန် အရေးကြီးပေသည်။ အစ္စလာမ်ဟူသည် နမားဇ်ဖတ်၊ ရိုဇာထား၊ ဟဂ်ျလုပ်ရုံမျှကိုသာ ပြဌာန်းထားသည့် ဘာသာတစ်ခု မဟုတ်ကြောင်း မွစ်လင်မ်တို့အနေဖြင့် ကောင်းစွာ သိထားရမည်။ အစ္စလာမ်တွင် လောကီ၏ လူ့ဘောင် လူ့ပတ်ဝန်ကျင်နှင့် လူဖြစ်ခြင်းကြောင့် ဖြစ်လာရသည့် ဆန္ဒများကို ချိုးနှိမ်ကာ လူသူမနီးသည့် နေရာများသို့ သွားရောက်ပြီး လောကုတ္တရာရေးကို ရှာဖွေနေရန် မပြသထားပါ။ အစ္စလာမ်တွင် ရှိသည့် အမိန့်များ၊ တာဝန်များသည် လူတစ်ဦးအနေဖြင့် လူ့ပတ်ဝန်ကျင်းအတွင်း နေထိုင်ရင်းဖြင့်သာ ဆောင်ရွက်နိုင်မည် ဖြစ်၏။ မွစ်လင်မ်တစ်ဦးအတွက် လောကုတ္တရာရေးကို ရှာဖွေစုဆောင်းလိုပါက လူ့သဘာဝဆန္ဒများကို အစ္စလာမ့်သွန်သင်ချက်နှင့်အညီ ကျင့်သုံးလုပ်ဆောင်လိုက်ရုံဖြင့် ကုသိုလ်များ ရရှိနေပေမည်။ ကုသိုလ်ရှာဖွေရန် လူ့ပတ်ဝန်းကျင်၊ လူ့ဆန္ဒတို့နှင့် သီးခြားဖြစ်ရန် မလိုအပ်ပေ။ လူရယ်လို့ ဖြစ်လာပြီးနောက် စား၊ ၀တ်၊ နေထိုင်ရေးဟူသည့် အရေးသုံးပါးကို မလွဲမသွေ ကြုံရမည်ဖြစ်ပြီး ၀မ်းဝရေးနှင့် ကျောတစ်ခင်းစာအတွက် ကမ္ဘာကြီးတွင် အခြားသူများနည်းတူ မွစ်လင်မ်တစ်ဦးလည်း ရုန်းကန် လှုပ်ရှားရမည်။ ကြီးပွားရေးအတွက် စီးပွားရှာရပေမည်။ အများနည်းတူ ရှာဖွေရမည်၊ စားသောက်ရမည် မှန်သော်လည်း မွစ်လင်မ်အတွက် အစ္စလာမ်မှ ပြသခိုင်းစေထားသည့် နည်းစနစ်များ၊ စည်းကမ်းများနှင့် ကိုက်ညီမှု ရှိ မရှိကို စစ်ဆေးပြီးမှသာ ရှာဖွေ စားသောက်ရမည်ဖြစ်၏။ အစ္စလာမ်ကို လက်ခံထားသော မွစ်လင်မ်တစ်ဦးသည် ပုခုံးနှစ်ဖက်ကြားမှ ခေါင်းပေါက်နေသူတိုင်းနှင့် မတူညီကြောင်း သိထားရပါမည်။ ပိုက်ဆံဖြစ်တိုင်း မွစ်လင်မ်က ယူခွင့်မရှိပါ။ အရောင်းအ၀ယ်ဖြစ်တိုင်း မွစ်လင်မ်က စီးပွားလုပ်ခွင့်မရှိပါ။ ပါးစပ်ထဲထည့်ပြီး လူတိုင်းစားနေတိုင်း မွစ်လင်မ် စားခွင့်မရှိပါ။ အဘယ့်ကြောင့်ဆိုသော် မွစ်လင်မ်သည် နည်းစနစ်ပြည့်စုံသော အစ္စလာမ်ဟူသည့် လူ့ဘ၀ရှင်သန်ရေး ညွှန်ကြားချက်အပြည့်ပါသော ဥပဒေကို ရရှိထားသူဖြစ်သည်။ ဥပဒေသိထားသူတစ်ဦး၏ ပြောဆို ဆောင်ရွက် လုပ်ကိုင်ပုံတို့သည် ဥပဒေ မသိထားသူနှင့် တူညီမည်မဟုတ်။ မွစ်လင်မ်ဟူသည် တာဝန်ချိန်တွင် တာဝန်ထမ်းဆောင်နေသည့် စစ်သား၊ ရဲသားနှင့် တူညီသည်။ ဆေးပညာကျွမ်းကျင်သော ဆရာဝန်နှင့် တူညီသည်။ ဥပဒေကို နားလည်တတ်ကျွမ်းသော ရှေ့နေနှင့် တူညီသည်။ ဆောက်လုပ်ရေးလုပ်ငန်းကို ပိုင်နိုင်သော အင်ဂျင်နီယာနှင့် တူညီသည်။ စစ်သား၊ ရဲ၊ ဆရာဝန်၊ အင်ဂျင်နီယာ၊ ရှေ့နေတို့သည် မိမိတို့တွင် ရှိနေသော ပညာရပ်၏ အသိပေးလမ်းညွှန်မှုအတိုင်း မိမိတို့၏ ဘ၀ကို အတိမ်းအစောင်းမဖြစ်စေရန် အမှားအယွင်းမဖြစ်စေရန် သတိပြု၍ လျှောက်လှမ်းကြမည်။ မိမိကြောင့် သူတစ်ပါးကို မထိခိုက်စေသလို၊ ကိုယ်တိုင်လည်း အမှားမပြုမိစေရန်အပြင် မှားနေသူ၊ ဒုက္ခရောက်နေသူများကိုပါ မိမိတို့၏ ပညာရပ်များဖြင့် ကယ်တင် ကူညီသွားကြမည်။ အစ္စလာမ်ကို လက်ခံထားသော မွစ်လင်မ်သည် အထက်ပါပညာရှင်များအတိုင်း ဖြစ်နေရပါမည်။ မွစ်လင်မ်တို့ လက်ခံထားသည့် အစ္စလာမ်သည် လူ့ဘ၀တစ်ခုကို အမှားအယွင်းကင်းကင်းနှင့် စိတ်အေးချမ်းမြေ့စွာ လျှောက်လှမ်းနိုင်ရန် နည်းစနစ်များ ပြပေးထားသည်။ အစ္စလာမ်ကို ရထားသည့် မွစ်လင်မ်က ထိုအတိုင်း လိုက်နာရပါမည်။ မွစ်လင်မ်တစ်ဦး၏ လုပ်ကိုင် စားသောက်မှုတို့သည် ဤလောကတွင် ရှိနေစဉ်အတွက်သာ အကျိုးပြုသည်မဟုတ်။ နောင်တမလွန် လောကုတ္တရာကိုပါ အကျိုးသက်ရောက်စေပါသည်။ အထက်တွင် ဖော်ပြခဲ့သလို အစ္စလာမ်ကို ကျင့်သုံးရန် လူ့ပတ်ဝန်ကျင် ဆန္ဒများကို စွန့်လွှတ်ရန် မလိုအပ်။ သို့သာမက ယင်းလူ့ဆန္ဒများကို ဖြည့်စည်းရင်းဖြင့်ပင် တမလွန်အတွက် ကုသိုလ်စုနိုင်သည်။ အကယ်၍ လူ့ဆန္ဒများကို ဖြည့်စည်းခြင်းသည် အစ္စလာမ့်အမိန့်များနှင့် ကိုက်ညီမှုမရှိခဲ့ပါမူ တမလွန်အတွက် အကုသိုလ်စုပြီးသား ဖြစ်နေပေမည်။ ယခုတင်ဆက်မည့် အကြောင်းအရာသည့် အစ္စလာမ်မှ တားမြစ်ထားသည့် ဟရာမ်ဟူသည့်အရာအား မွစ်လင်မ်တို့ ကျူးလွန် ဖောက်ဖျက် စားသောက်ပါက မွစ်လင်မ်တို့၏ နောင်တမလွန်အတွက် မည်သို့သော ဆုံးရှုံးမှုများ ရမည်တို့အား ဖော်ပြမည်ဖြစ်၏။

စားသုံးခြင်း၏ အလိုသဘောတွင် ထမင်းစား မုန့်စားသည်သာမဟုတ်ဘဲ မိမိ၏ခန္ဓာကိုယ်နှင့် မိမိ၏ နောင်အာခိရသ်အတွက် အသုံးဝင်ရန်အတွက် သုံးစွဲလိုက်သည့် ကိစ္စရပ်တိုင်းကို ဆိုလိုပါမည်။ အ၀တ်အထည် ၀တ်ဆင်ခြင်းသည်လည်း စားသုံးခြင်း ဖြစ်၏။ လှူဒါန်းခြင်းသည်လည်း စားသုံးခြင်း ဖြစ်၏။ လုပ်ငန်းတစ်ခုခု အောင်မြင်ရန် လာဘ်ထိုးခြင်းသည်လည်း စားသုံးခြင်း ဖြစ်၏။ ကားတစ်စီး အရောင်းအ၀ယ်ဖြစ်ရန် ကြားမှ လိမ်စကားများဖြင့် ပွဲစားလုပ်ကာ ပွဲခယူလိုက်ခြင်းသည်လည်း စားသုံးခြင်း ဖြစ်၏။ ခရီးစရိတ် သုံးစွဲခြင်းသည်လည်း စားသုံးခြင်း ဖြစ်ပါမည်။

ဟရာမ်မပါရန် ရှောင်ပါ
အစားတစ်ခု မထည့်မီ ဒါဟာ ဟလာလ်ဖြစ်မလား၊ ဟရာမ်ဖြစ်မလားဟူသည်ကို သေခြာစွာ စဉ်းစားရပါမည်။ မိမိ၏ ခန္ဓာကိုယ်တွင်းသို့ ဟရာမ်မ၀င်ရောက်ရန် ပြင်ပမှ မျက်စိ၊ နား၊ လက်တို့က ထိန်းသိမ်းကာကွယ်ရန် တာဝန်ရှိသည်။ ဦးနှောက်ကလည်း ကာကွယ်ပေးရမည်။ ခန္ဓာကိုယ်ထဲတွင် နှလုံးသားဟူသည့်အရာရှိပေသည်။ နှလုံးသားအတွင်း မွစ်လင်မ်တို့၏ တမလွန်ကို ကယ်တင်ပေးမည့် ရတနာပေါင်းများစွာ တစ်ကမ္ဘာလုံးထက်ပင် ဈေးကြီးသည့် အီမာန်ရှိနေသည်။ ဟရာမ်ဟူသည် ယင်းအီမာန်ကို နှလုံးသားထဲမှ ဆွဲထုတ်မည့် ပထမဦးဆုံးသော ရန်သူဖြစ်သည်ကို ပါးစပ်ထဲ အစားတစ်လုတ်မထည့်မီ သဘောပေါက်ထားပါ။ ဟရာမ်မှ ဖြစ်လာသည့် ဆိုးကျိုးကို ရိုးရိုးမျက်စိဖြင့် မမြင်နိုင်။ အာခိရသ်အထိ ထိုးဖောက်မြင်နိုင်သည့် အမြင်အာရုံအစွမ်းကို ရရှိထားသူများကသာ သိနိုင်သည်။ သို့ရှိရာ မမြင်နိုင်သော ကျွန်ုပ်တို့က မြင်နိုင်သူ၏ ပြောစကားကို နားထောင်ရပါမည်။

ဟရာမ်စားထားသူ၏ ဆုတောင်းမပြည့်ခြင်း
မွစ်လင်မ်ကျမ်းတွင် ဟရာမ်၏ ဆိုးကျိုးနှင့် စပ်လျဉ်း၍ အောက်ပါဟဒီးစ်ကို ဆင့်ပြန်ထားသည်။ မဟာတမန်တော်မြတ် ဆွလ္လလ္လားဟုအလိုင်းဟိဝစလ္လမ်က လူတစ်ဦး၏ အခြေအနေကို ပြောပြသည်။ ယင်းသူသည် အလွန်ဝေးသောနေရာမှ ခရီးရှည်ကြီး ထွက်လာသူဖြစ်သည်။ ယင်းသူ၏ ဆံပင်များသည်လည်း ဖရိုဖရဲဖြစ်ကာ သပ်ရပ်မှုမရှိ၊ ခန္ဓာကိုယ်ရှိ အ၀တ်အစားများသည်လည်း ဖုံများ ပေကျံနေသည်။ (ခရီးပမ်းမှု သဏ္ဍာန်သည် ထိုသူ့တွင် အပြည့်အ၀ ပေါ်လွင်နေသည်။) ထိုသူက မိုးကောင်းကင်ဘက်သို့ မော့လျက် အို အလ္လာဟ်ရှင်၊ အို အလ္လာဟ်ရှင်ဟု အစချီလျက် တောင်းဆုပြုသည်။ သို့သော်လည်း ယင်းသူ၏ စားသောက်မှုသည် ဟရာမ်၊ အ၀တ်အထည်များသည် ဟရာမ်၊ ဟရာမ်နည်းများဖြင့် စီးပွားရှာကာ အသက်မွေးဝမ်းကျောင်းပြုနေသည်။ ထိုသို့သောသူ၏ ဆုတောင်းသည် အဘယ်မှာ ပြည့်ဝပါမည်နည်း။

အစားအသောက် ဟရာမ်ဖြစ်သည်ဟူသည်မှာ ၀က်သားနှင့် အရက်ပါမှ ဟရာမ်ဖြစ်သည်မဟုတ်။ အစားအသောက်ရရန် ကြားခံပစ္စည်းဖြစ်သည့် ပိုက်ဆံသည် ဟရာမ်နည်းဖြင့် ရထားသည်၊ ဟရာမ်စီးပွားရှာခြင်းဖြင့် ရထားသည်ဖြစ်လျှင် ယင်းပိုက်ဆံဖြင့် ၀ယ်ယူသည့်အရာများလည်း ဟရာမ်ပင်ဖြစ်၏။ ယင်းပိုက်ဆံဖြင့် မိဘ၊ သားသမီး၊ ဇနီး၊ ခင်ပွန်းစသည်များကို ကျွေးမွေးလျှင်လည်း ဟရာမ်ကို ကျွေးခြင်းဖြစ်၏။ ဟရာမ်ပိုက်ဆံဖြင့် မတ်စ်ဂျိဒ်(ဗလီ)များ၊ မဒရ်စာများကို လှူလျှင်လည်း ဟရာမ်လှူခြင်းပင်ဖြစ်၏။ ယင်းဟရာမ်ဖြင့် ဟဂ်ျသွားလျှင်လည်း ဟရာမ်ဖြင့် ဟဂ်ျပြုခြင်းသာ မည်ပေ၏။ ဟရာမ်ဖြင့် ဇကားသ်ထုတ်လျှင် ဟရာမ်ကို အသုံးချခြင်းသာ ဖြစ်၏။ ဟရာမ်ဖြင့် ကောင်းမှုလုပ်လို့ ယင်းကောင်းမှုက ဟရာမ်ကို ဟလာလ်မပြုပေးပါ။ ဟရာမ်က ဟရာမ်သာဖြစ်၏။ သို့သာမက ဟရာမ်ဖြင့် ကောင်းမှုလုပ်ပြီး ကုသိုလ်ရမည်ဟု မျှော်လင့်နေခြင်းကလည်း ဟရာမ်ပင်ဖြစ်ပြန်ရာ ကျွန်ုပ်တို့၏ အာခိရသ်အတွက် အဘယ်မျှ စိုးရိမ်ဖွယ်ကောင်းပါသနည်း။ ယနေ့အခါသမယတွင် ဘိန်းရောင်း၊ ဆေးခြောက်ရောင်း၊ မူးယစ်ဆေးများရောင်း၊ အတိုးပေး၊ အတိုးယူ၊ မတရားသိမ်းပိုက် စသည်များကိုလည်း မွစ်လင်မ်တို့ မကြောက်မရွံလုပ်ကိုင်နေကြသည်။ စားသောက်စရာကို အမည်တပ်ရလျှင်လည်း နာမည်ကြီးဆိုင်မှန်သမျှတွင် ကြက်ကြော်ဖြစ်လျှင် ရပြီ၊ ဟလာလ်ဟူသည့် စက္ကူတစ်ရွက်မှ ထောက်ခံချက်ကို အီမာန်တစ်ခုလုံးပုံအပ်က တစ်ထွာခန့်မျှသော ဗိုက်တစ်ခုအတွက် အာခိရသ်၏ ကောင်းကျိုးများကို အဆုံးရှုံးခံလိုက်ကြသည်။ ကြက်ကြော်မစားဘဲ တခြားဗိုက်ပြည့်စရာ အစားအစာများစွာ ရှိပါသည်။ ကိုယ့်ဒူးတောင် ကိုယ်မယုံပါဟု ပြောသူတို့သည် ဆိုင်တစ်ဆိုင်တွင် ကပ်ထားသည့် ဟလာလ်တံဆိပ်ကိုမူ အီမာန်တစ်ခုလုံးနှင့် မိမိ၏ အအ်မာလ်အားလုံးကို ၀ကွက်အပ်၍ ယုံကြပေသည်။ ဟရာမ်ကြောင့် ဖြစ်လာသော ဆိုးကျိုးသည် တစ်ခြားသူကို ထိခိုက်စေသည်မဟုတ်။ ကျွန်ုပ်တို့ကိုသာ ထိခိုက်စေခြင်း ဖြစ်သည်။ လူမျိုးမရွေး ဘာသာမရွေး လူတန်းစားမခြား သိပ်လိုလားကြသည့် ဆုတောင်းပြည့်သည်ဟူသည့် ဖူးစာထူးကို ဟရာမ်စားသည့် မွစ်လင်မ် လက်လွှတ် အရှုံးခံရပါမည်။ လူဖြစ်သည့် ကျွန်ုပ်တို့ ဆုတောင်းတွေ ယခုအခါမှာ ပြည့်ရဲ့လား မပြည့်ဘူးလားဟူသည်ကို ကိုယ်တိုင် စဉ်းစားသုံးသပ်ကြပါ။ လွယ်လွယ်ကူကူရတာပဲ၊ ဒီမှာ ဟလာလ်ပါတာပဲ၊ ဘယ်အဖွဲ့က ဟလာလ်တံဆိပ်ပေးထားတာပဲဟု ယုံကြည်အားကိုးလျှင် တစ်ခုပြောပြမည်။ မိတ်အင် ဗားမားဆိုပါက မိတ်အင်ချိုင်းနားဆိုပါက ကျွန်ုပ်တို့ နှာခေါင်းရှုံသလား ပြုံးပျော် ဂုဏ်ယူပြီး ပစ္စည်းသိပ်ကောင်းမှာပဲလို့ ယုံကြည်ကြပါသလား။ ပါးစပ်ထဲထည့်ကာ ကျွန်ုပ်တို့ ခန္ဓာကိုယ်အတွင်း အသွေး အသားများဖြစ်ပေါ်စေမည့် အစားအစာဆိုင်ရာ ထောက်ခံချက်ကိုမူ ထိုမျှလောက်ပင် အရေးမထားကြသည်မှာ ကျွန်ုပ်တို့ ဗမာပြည်မွစ်လင်မ်များ၏ ပေါ့လျော့မှုနှင့် ငတ်ကြီးကျမှုပင် ဖြစ်ပါသည်။

ဆုတောင်းပြည့်သူသုံးမျိုး
(၁) ခရီးသည်၊ (၂) ဖခင်က သားသမီးအတွက် ဆုတောင်းပေးခြင်း (၃) ညှင်းပမ်းခံရသူက ညှင်းပမ်းသူအတွက် တောင်းသည့် မကောင်းဆု။ ထိုသူတို့သည် သံသယမရှိ ဆုတောင်းပြည့်သူများ ဖြစ်သည်ဟု ဟဒီးစ်တော်တွင် ပါရှိသည်။ ထိုဆုတောင်းပြည့်သူတို့က ဟရာမ်ကို ရှာဖွေသူ စားသောက်သုံးစွဲသူဖြစ်ပါမူ ယင်းသူတို့၏ ဆုတောင်းကို လက်ခံမည် မဟုတ်ကြောင်း အထက်က ဟဒီးစ်တွင် ဖော်ပြပြီး ဖြစ်သည်။

ထို့ကြောင့် မွစ်လင်မ်တို့အနေဖြင့် ကိုယ်တိုင် လုပ်ကိုင်စားသောက်နိုင်ပါလျက်၊ ဟရာမ်ဖြစ်နိုင်သည်များမှ ရှောင်၍ အခြားအရာများကို စားသုံး(ရှာဖွေ)နိုင်ပါလျက် သံသယဖြစ်ဖွယ်ရာများ၊ မှန်၏ မမှန်၏ ခွဲရခက်သည်များအား ရှာဖွေ စားသောက်နေခြင်းသည် မိမိတို့လက်နှင့် မိမိတုိ့၏ အာခိရသ်ကို ဖျက်ဆီးနေခြင်းပင် ဖြစ်ပါသည်။ ရှောင်ရပါမည်။ ရှောင်မည်ဟု စိတ်ပိုင်းဖြတ်လိုက်လျှင် အလ္လာဟ်အရှင်က လမ်းဖွင့်ပေးပါလိမ့်မည်။

ဟရာမ်စားသူ၏ အိဗာဒသ်ကို လက်မခံခြင်း
ဟဒီးစ်တစ်ပုဒ်လာရှိသည်။ အလ္လာဟ်အရှင်မြတ်သည် ဗိုင်သွလ်မုကဒ်ဒတ်စ်ပေါ်တွင် ဖရိရ်ှသဟ်တစ်ပါး ခန့်အပ်ထားသည်။ ၎င်းက နေ့၊ ညမပြတ် ... ပြောနေသည်မှာ ဟရာမ်စားသူ၏ ဖရ်ဇ်အိဗာဒသ်များအား အလ္လာဟ်အရှင်မြတ် လက်မခံပါ။ ထို့အတူ နဖိလ်အိဗာဒသ်များအားလည်း လက်မခံပါ။ ( كتاب الكبائر )

အထက်ပါဟဒီးဒ်နှစ်ခုမှ ဟရာမ်စားသုံးသူသည် ဆုတောင်းလည်း မပြည့်သလို ၎င်း၏ ကောင်းမှုအိဗာဒသ်များလည်း လက်ခံမှု မရကြောင်း သိရပါသည်။ (အလ္လာဟ်အရှင်မြတ် ထိန်းသိမ်းတော်မူပါစေ။) အလ္လာဟ်အရှင်မြတ်ကိုယ်တိုင်သည် စင်ကြယ်သန့်ရှင်းတော်မူသည်။ မိမိထံသို့ ဆက်သသည့် အီမာန်ရှင်တို့၏ ကောင်းမှုများမှလည်း သန့်ပြန့်သည့်ကောင်းမှုကိုသာ လက်ခံပေသည်။ မိမိထံ ဆုပန် တောင်းခံသူများမှ အတွင်းအပြင် သန့်ပြန့်စင်ကြယ်သူများ၏ ဆုတောင်းကိုသာ လက်ခံပေသည်။ အတွင်းအပြင် သန့်ခြင်းဟူသည်မှာ စားလိုက်သည့်အရာသည်လည်း သန့်ရမည်ဖြစ်သလို ၀တ်ဆင်သုံးစွဲထားသည့်အရာများလည်း သန့်ရမည်ကို ဆိုလိုပါသည်။ သန့်ပြန့်စင်ကြယ်လှသည့် အလ္လာဟ်အရှင်မြတ်ထံသို့ သန့်ပြန့်စင်ကြယ်သည့် အမလ်များကို ဆက်သကြပါစို့။

ဆုတောင်းပြည့်သူဖြစ်နည်း
ဟဒီးစ်တော်တွင် လာရှိထားသည်။ တစ်ခါက ဟဇရသ်အနတ်စ်သခင်သည် တမန်တော်မြတ်ထံပါး၌ ကျွန်ုပ်အား ဆုတောင်းပြည့်သူဖြစ်ရန် အလ္လာဟ်ထံမှ တောင်းခံပေးပါဟု လျှောက်ထားလေသည်။ ထိုအခါ တမန်တော်မြတ်က ... အို အနတ်စ်၊ အသင်သည် ဟလာလ်နည်းဖြင့် စီးပွားရှာဖွေခြင်းနှင့် ဟလာလ်စားသုံးခြင်းကို အထူးဂရုစိုက်ပါ။ အလ္လာဟ်အရှင်မြတ်သည် အသင့်အား ဆုတောင်းပြည့်သူအဖြစ် ပြုလုပ်ပေးလိုက်လိမ့်မည်။ ထို့နောက် အသင်ဘာတောင်းတောင်း ယင်းတောင်းဆုကို အလ္လာဟ်အရှင်မြတ်က လက်ခံပေးလိမ့်မည်။ ဟရာမ်မှ ရှောင်ပါ။ ဟရာမ်အစား တစ်လုတ်သည်ပင်လျှင် လူ့ပါးစပ်အတွင်း ၀င်သွားပါက ရက်ပေါင်း ၄၀ အထိ ၎င်းသူ၏ ဆုတောင်းများ ပြည့်မည်မဟုတ်ပါဟု သင်ပြပေးတော်မူသည်။ ( الترغيب ) ဤသည်မှာ ဟရာမ်စားခြင်း၏ အကြီးမားဆုံးသော ဆုံးရှုံးမှုကြီးပင် ဖြစ်၏။ ဆုတောင်းမပြည့်တော့လျှင်၊ ကျွန်ုပ်တို့လုပ်ခဲ့သည့် အိဗာဒသ်များ လက်ခံမှု မရထားလျှင်၊ ကျွန်ုပ်တို့၏ ရှင်နေခြင်းသည် အဓိပ္ပါယ်မဲ့နေပေတော့မည်။ ထို့ကြောင့် တစ်ခုရှောင်လိုက်လျှင် ဆယ်ခုမက အကျိုးရှိမည်ဖြစ်သောကြောင့် ဟရာမ်အရာမှန်သမျှမှ ရှောင်ပါ။ လိုက်နာလိုပါက လွယ်ကူသည်။ မလိုက်နာလိုက တစ်လောကလုံးက လွယ်ပါသည်ဟုပြောနေလျှင် ခက်နေမည်သာ ဖြစ်၏။ အဓိကမှာ ကိုယ်တိုင်ပင် ဖြစ်၏။ အခြားသူမဟုတ်ပါ။

ဟရာမ်ကြောင့် ဆုတောင်းမပြည့်ခြင်း၊ အိဗာဒသ်များ လက်မခံခြင်းအပြင် အခြားသော ဆုံးရှုံးမှုများစွာလည်း ရှိပါသေးသည်။

ဟရာမ်အစားအစာမှပေးသည့် ဆုံးရှုံးမှုများ
အုမ္မသ်၏ နှလုံးကုအထူးပညာရှင်ကြီးဖြစ်သော ဟဇရသ်မော်လာနာ အရ်ှရဖ်အလီ ထာန၀ီက ဟရာမ်စားခြင်းကြောင့် အောက်ပါဆုံးရှုံးမှုများ ဖြစ်ရကြောင်း ဖော်ပြထားသည်။

(၁) ဟရာမ်စားသုံးခြင်းကြောင့် ပထမဦးဆုံးသော ဆုံးရှုံးမှုမှာ လူ့နှလုံးအတွင်းမှ နူရ် လင်းရောင်ခြည် ထွက်သွားသည်။ 

(၂) ဒုတိယဆုံးရှုံးမှုမှာ ဟရာမ်စားလိုက်ခြင်းကြောင့် စိတ်ပိုင်းဆိုင်ရာတွင် ပျင်းရိ လေးဖင့်မှုများ ဖြစ်ပေါ်လာသည်။ (သွက်လက် ထက်မြက်မှု မရှိတော့ပေ။)

(၃) တတိယဆုံးရှုံးမှုမှာ လူ၏ စိတ်နေသဘောထားနှင့် အတွေးအခေါ်အတွင်း မကောင်းခြင်းများ ၊ မကောင်းသည့် အတွေးအခေါ်များ၊ မကောင်းသည့် အလိုဆန္ဒများ များစွာဖြစ်ပေါ်လာသည်။ ထို့နောက် လူသားသည် မကောင်းမှုကိုသာ အချိန်တိုင်း လုပ်ဆောင်လိုတော့သည်။

(၄) စတုတ္ထဆုံးရှုံးမှုမှာ ကောင်းမှု၊ ကုသိုလ်လုပ်ရန် စိတ်မပါတော့ပေ။

ဟရာမ်စားလိုက်ခြင်းဖြင့် လူသား၏ ဘာသာရေးပိုင်းဆိုင်ရာ အဓိကဆုံးရှုံးရပေသည်။ ဘာသာရေးပိုင်းဆိုင်ရာ ဆုံးရှုံးရသည်နှင့် ယင်းသူ၏ အာခိရသ်သည်လည်း ပျက်စီးသွားပေတော့သည်။

ဟရာမ်စားသူအား ရှိုက်သွာန်က အာရုံမထားခြင်း
ခေါင်းစဉ်ကို ကြည့်လျှင်တော့ အားရစရာပင်။ ရှိုက်သွာန်က အာရုံမထားတော့ဘူးဆိုရင် အနှောင့်အယှက်ကင်းပြီပေါ့ဟု ဆိုနိုင်သည်။ ဤသို့မဟုတ်ပါ။ ရှိုက်သွာန်နှောင့်ယှက်ရန် မလိုတော့သည်အထိ ထိုသူက ဆိုးရွားသွားခြင်းဖြစ်သည်။

ဟဇရသ်ယူစွဖ်ဗင်န် အိရ်သွားသ်က ပြောပြသည်။ လူငယ်တစ်ဦး အလ္လာဟ်ကို အိဗာဒသ်ပြုရန်၊ အမိန့်နာခံရန်ဘက်သို့ စိတ်အာရုံ လုပ်ရပ်တို့ လှည့်လာသည့်အခါ ရှိုက်သွာန်က ယင်း၏ နောက်လိုက်များအား ထိုလူငယ်၏ ၀မ်းစာရှာဖွေမှုနှင့် စားသောက်မှုအခြေအနေကို စုံစမ်းခိုင်းသည်။ အကယ်၍ စားသောက် ရှာဖွေမှု၊ ၀တ်စားမှုတို့သည် ဟရာမ်ဖြစ်ခဲ့ပါမူ ရှိုက်သွားန်က နောက်လိုက်များအား ထိုသူ့အား နှောက်ယှက်မှုပြုရန် အာရုံမထားတော့နှင့်၊ ၎င်းအတွက် သောကဖြစ်ရန်လည်း မလိုတော့ပါ။ ဟရာမ်စားသုံးခြင်းကြောင့် ထိုသူ့၏ အိဗာဒသ်များအားလုံးသည် အလကားပင်ဖြစ်ပေသည်။ ယင်းသူအား ထိုအိဗာဒသ်က မည်သို့မျှ အကျိုးပြုမည်မဟုတ်ပါဟု ပြောလိုက်သည်။ ( كتاب الكبائر )

ရှိုက်သွာန်ပင် လူတစ်ဦး၏ စားဝတ်နေရေး ရှာဖွေမှုအခြေအနေကိုကြည့်၍ ဟရာမ်ဖြစ်ခဲ့ပါက စိတ်အေးလက်အေးရှိသွားကြသည်။ (အတွေးထဲအကြောင်းအရာတစ်ခု ၀င်လာ၍ ပြောလိုက်ပါမည်။ မွစ်လင်မ်သမီးရှင်များ သမက်ရွေးကြရာတွင် ယနေ့အခါသမယ၌ စီးပွားကြီးပွားမှုကို အထူးအလေးထားကာ ရွေးချယ်ကြသည်။ အိမ် ဘယ်နှလုံးပိုင်သလဲ၊ ကားဘယ်နှစီး၊ လုပ်ငန်း ဆိုင် ပိုက်ဆံ အဘယ်မျှ ပိုင်ဆိုင်ချမ်းသာသည်ကို အထူးဂရုစိုက်၍ ရွေးချယ်ကြသည်။ ယင်းလူငယ်၏ ရှာဖွေမှုသည် ဟရာမ်လား၊ ဟလာလ်လားဟူသည်ကို စိုးစေ့မျှ သောကမရှိပါ။ ပိုက်ဆံချမ်းသာဖို့သာ အာရုံရှိသည်။ အကယ်၍ ဟရာမ်ဖြစ်နေလျှင်လည်း အကြောင်းမဟုတ်။ ချမ်းသာဖို့ အဓိကဖြစ်၏။ ဟရာမ်၊ ဟလာလ် မခွဲခြား၊ ပြောရလျှင် ရှိုက်သွာန်လောက်ပင် စဉ်းစားဆင်ခြင်မှု မရှိသူများ ဖြစ်၏။ ရှိုက်သွားန်သည် မိမိနှောင့်ယှက်မည့်သူ၏ အခြေအနေကို အရင်စမ်းစစ်လေ့လာသည်။ ဘယ်လိုစီးပွားရှာပြီး ဘာစားသလဲ ကြည့်သည်။ ယနေ့ မွစ်လင်မ်များမှာ ရင်နှစ်သည်းခြာ သမီးရတနာ၏ ဘ၀တစ်ခုလုံးအား ဟရာမ် ဟလာလ်မခွဲခြားဘဲ ငွေမျက်နှာတစ်ခုတည်းဖြင့်သာ ပုံအပ်ပေးနေကြသည်။ ၀မ်းနည်းဖွယ်ရာပင်) အဘယ့်ကြောင့်ဆိုသော် ဟရာမ်ကိုအခြေခံပြီး ဖြစ်တည်ထားသော ခန္ဓာကိုယ်ဖြင့် ပြုလုပ်သော အိဗာဒသ်သည် အလဟဿ အကျိုးမဲ့ပင်ဖြစ်သောကြောင့် ရှိုက်သွာန်ကလည်း နှောင့်ယှက်ရန် စိတ်မ၀င်စားတော့ပေ။ အကယ်၍ ဟလာလ်ဝင်ငွေဖြင့် ရပ်တည်နေထိုင်သည်။ ဟလာလ်ကိုသာ စားသုံးပြီး ထိုသူက အိဗာဒသ်အတွက် ပြင်ဆင်လိုက်သည်နှင့် ရှိုက်သွာန်က နှောင့်ယှက်တော့သည်။ အဘယ့်ကြောင့်ဆိုသော် ဟလာလ်ဖြင့် ပြုလုပ်သော ကောင်းမှုအိဗာဒသ်သည် ယင်းသူအတွက် ဂျဟန္နမ်မှ လွတ်မြောက်ရန်၊ အလ္လာဟ်အရှင်မြတ်၏ နှစ်သက်မှုရရန်၊ အရှင်မြတ်နှင့် နီးစပ်ရန် အကြောင်းခံဖြစ်သည်ကို ရှိုက်သွာန်က ကောင်းကောင်းသိထားသည်။ ထို့ကြောင့် နှောင့်ယှက်ရန် ပြင်ဆင်တော့သည်။ ဟရာမ်ကိုအခြေခံထားသော အိဗာဒသ်သည် ဘာမှ အကျိုးမပြုသောကြောင့် ရှိုက်သွာန်နှောင့်ယှက်ရန်ပင် မလိုအပ်တော့ပေ။ ဆိုးရွားပြီးသား ဖြစ်သဖြင့် ထပ်မံ ပျက်စီးရန် ကြိုးစားဖို့ မလိုတော့ခြင်းပင် ဖြစ်၏။

ဟရာမ်ပုံစံကွဲများ
ယနေ့အခါသမယ၏ မွစ်လင်မ်အသိုင်းအ၀ိုင်းအတွင်း အကျင့်ပျက်ချစားမှုများ တစ်နေ့ထက် တစ်နေ့ တိုးပွားများပြားလာနေကြသည်။ ဟရာမ်ရှာဖွေမှုများ ပေါသထက် ပေါနေသည်။ ခိုးခြင်းသည် ဟရာမ်ဖြစ်သည်။ မီတာခိုးခြင်း၊ ပိတ်စကိုက်ခိုးခြင်း၊ မူးယစ်ဆေးဝါးများ ခိုးသွင်းခြင်း၊ အလေးချိန်ခိုးခြင်း၊ တာဝန်ချိန်တွင် အချိန်ပြည့်အလုပ်မလုပ်ဘဲ အချိန်ခိုးခြင်း၊ ဓါတ်ဆီခိုးခြင်း၊ လစာခိုးခြင်း စသည်များအားလုံး ဟရာမ်ဖြစ်သည်။ ထို့အတူ အတိုးပေးခြင်း၊ ယူခြင်း၊ လာဘ်ငွေထိုးခြင်း၊ လာဘ်ယူခြင်း၊ လိမ်ရောင်းခြင်း၊ ပမာဏသတ်မှတ်၍ အမြတ်ငွေယူခြင်း၊ လိမ်စားခြင်း စသည်များအားလုံးလည်း ဟရာမ်ဖြစ်သည်။ မူးယစ်ဆေးဝါးသည် ဟရာမ်ဖြစ်သလို ယင်းအရာများကို ကိုယ်တိုင်သုံးခြင်းသည်လည်း ဟရာမ်၊ အခြားသူများသုံးအောင် ရောင်းပေးခြင်းသည်လည်း ဟရာမ်ပင်ဖြစ်၏။ ဘိန်းများ တင်သွင်းပြီး ပိုက်ဆံရနေလျှင်လည်း ဟလာလ်စီးပွားတစ်ခုဟု မသတ်မှတ်နိုင်ပါ။ ကျွန်ုပ်တို့အနေဖြင့် ဟရာမ်မရှောင်ပါက ဆုတောင်းများပြည့်မည်လည်း မဟုတ်ပါ။ ကြိုးစားထားသည့် အိဗာဒသ်များလည်း အလကားပင် ဖြစ်ပါလိမ့်မည်။ ဟလာလ်စီးပွားရေးကိုသာ ရှာဖွေကြပါ။

အသိနည်းသည်မဟုတ်၊ မကျင့်သုံးခြင်းသာ ဖြစ်...
ဟရာမ်ကြောင့် အသိတရားနည်းသွားမည်မဟုတ်ပါ။ လက်တွေ့လုပ်ဆောင်မှုတွင် အားနည်း၊ ပျင်းရိလာခြင်းသာ ဖြစ်၏။ နမားဇ်ဖတ်ရမည်ကို သိသည်။ နမားဇ်ဖတ်လျှင် ရမည့်စ၀ါးဗ်နှင့် မဖတ်လျှင် ခံရမည့် အဇားဗ်ကိုလည်း သိသည်။ အသိများရှိသော်လည်း နမားဇ်အချိန်ရောက်လျှင် ၀ုဇူလုပ်ဖို့၊ ဗလီရှေ့ရောက်နေပြီး နမားဇ်ဝင်ဖတ်ဖို့ အင်အားမရှိကြပေ။ အဇာန်သံကြားနေသည်။ စကားပြောကောင်းတုန်းပင် ဖြစ်၏။ ဆိုင်သမားက ဆိုင်မှာပင် ဖြစ်၏။ ဆွေးနွေးပြောဆိုမှုများ အမျှင်မပြတ်ဖြစ်နေ၏။ ဗလီထဲတွင် နမားဇ်လေးရကအသ်ဖတ်ပြီးလျှင် ဗလီအပြင်သို့ အမြန်ပြန်ထွက်လိုသည်။ ဂျာအေနမားဇ်ပေါ်တွင် နမားဇ်ဖတ်ရန် ရပ်လိုက်လျှင် အမြန်ပြီးရန် နမားဇ်ကို ဒုန်းစိုင်းဖတ်နေသည်။ ကောင်းမှုကို မကျင့်သုံးနိုင်ကြပေ။ နမားဇ်များကို လွယ်ကူစွာပင် ကဇွာလုပ်လိုက်သည်။ နမားဇ်တစ်ကြိမ် ကဇွာဖြစ်သွားခြင်းက လက်ကို ခြင်ကိုက်သလောက်ပင် နာကျင်မှု မရှိကြတော့ပေ။ အမှန်တော့ ယခင်ကထက် ယခုအခါ ပို၍ အသိများ တိုးလာကြပြီဖြစ်၏။ စာအုပ်စာပေများ၊ ကျောင်းများ၊ တရားများ၊ အသိပညာများ ကြွယ်ဝစွာ ရှိနေပြီဖြစ်သော်လည်း လက်တွေ့ဖော်ဆောင်နိုင်မှု အလွန်နည်းသည်။ ယခင်က ဒီးန်၏ အသိတရားများ ထိုမျှလောက် ပျံ့နှံ့ခြင်း မရှိပေ။ သို့သော် အမလ်လုပ်နိုင်မှုသည် ကျွန်ုပ်တို့ထက် ဆယ်ဆမက သာကြသည်။ ယနေ့အခါ အစ္စလာမ့်အသိပညာများကို လိုသလို ရယူနိုင်သည်။ အခွေများ၊ အွန်လိုင်းများ စသည်များတွင် ဘာသာရေးကို ကျယ်ပြန့်စွာ လုပ်ဆောင်နေကြသည်။ ဂျမာအသ်များ၊ အာလင်မ်များ၊ ပညာရှင်များ ပေါများနေသည်။ သို့သော်လည်း အစ္စလာမ့်အမိန့်များကို လက်တွေ့အကောင်အထည်ဖော်နိုင်ရန်ကိုမူ အလွန်ပင် လေးဖင့်နေကြ၏။

ဘာ့ကြောင့်ပါနည်း။ မွှေးကြိုင်သည့် ရနံ့ကို နှာခေါင်းယဉ်နေသူအတွက် နံစော်သည့်အနံ့ကို ချက်ချင်းသိသည်။ နှစ်သက်မှုလည်း မရှိကြပေ။ နံစော်သည့် အနံ့ကို နှာခေါင်းယဉ်နေသူအဖို့ နံခြင်းကို နံသည်ဟု မမြင်တော့ပါ။ ထိုနည်းတူပင် ဟရာမ်သည် ဟရာမ်ကို ဆွဲဆောင်သည်။ ဟလာလ်သည် ဟလာလ်ကိုသာ ဆွဲဆောင်သည်။ ဗိုက်ထဲရောက်နေသည်တို့က ဟရာမ်များ၊ သံသယဖြစ်ဖွယ် အရာများ ၀င်နေခြင်းကြောင့် အတွင်း နှလုံးသားသည် ပျက်စီးသွားပြီ ဖြစ်၏။ ကောင်းမှုအမလ်ပြုရန် အင်အားမရှိတော့ပေ။ မကောင်းမှုအတွင်းမှ ရုန်းထွက်ရန် အင်အားမရှိတော့ပေ။ ထို့အတူ မွှေးရနံ့နှင့်တူသည့် အိဗာဒသ်များအတွင်းသို့ ဟရာမ်ရနံ့ နံစော်နေသည့် ခန္ဓာကိုယ်က မပျော်မွေ့ပေ။ ထို့ကြောင့်သာ ဗလီအတွင်းရောက်လျှင် အမြန်ပြန်ထွက်ချင်နေကြသည်။ ကောင်းမှုမွှေးရနံ့ဖြစ်သည့် နမားဇ်ဖတ်လျှင် ဟရာမ်ပါနေသည့် ခန္ဓာကိုယ်က မလိုလား၊ မြန်မြန်ဖတ်ပြီး မြန်မြန်ပြီးရန်သာ စိတ်စောနေတော့သည်။ အကယ်၍ ရုပ်ရှင်ကြည့်ချိန်၊ ဂိမ်းဆော့နေချိန်၊ ဟရာမ်ဖြစ်သည့် ရည်းစားခြင်း စကားပြောချိန်တို့တွင် ထိုသို့ အမြန်ပြီးချင်စိတ် မဖြစ်ကြပါ။ ဟရာမ်အချင်းချင်း ဓါတ်တူသဖြင့် မခွဲနိုင် မခွာရက် ရုန်းမထွက်နိုင်ဖြစ်ကြသည်။ နံစော်သည့် အနံ့အချင်းချင်း ဆွဲဆောင်မှုရှိသဖြင့် လိုလားနှစ်သက်စွာ ဟရာမ်တွင် ပျော်မွေ့နေကြ၏။

ယင်းအခြေအနေသည် ကောင်းသည့်အခြေအနေမဟုတ်ပါ။ အလွန်လိုချင်လှပါသည်ဟူသည့် ဂျန္နသ်၊ သောက်ချင်လှပါသည်ဟူသည့် ကောင်စရ်ရေ၊ အေးချမ်းချင်လှပါသည်ဟူသည် ကဗရ်တွင်းကို ဖျက်ဆီးပြစ်မည့် အခြေအနေဖြစ်သည်။ ဟရာမ်တစ်ခုကို ရှောင်လိုက်ပါမူ အာခိရသ်ရေး ကောင်းစားမည်ဖြစ်၏။ မွစ်လင်မ်၏ အဓိကပန်းတိုင်မှာ အာခိရသ်၏ အောင်မြင်မှု ဖြစ်သည်။ လောကတွင် စားကောင်း သောက်ဖွယ်များ၊ စည်စိမ်များဖြင့် ယစ်မူး ဇိမ်ခံ ပျော်ရွှင်နေရန် မဟုတ်ပါ။

တုန်လှုပ်ခြောက်ခြားဖွယ် သတိပေးချက်တစ်ရပ်
တမန်တော်မြတ်၏ မိန့်ကြားမှုတစ်ရပ်ဖြစ်သည်။ ကိယာမသ်နေ့တွင် လူအချို့သည် အလ္လာဟ်အရှင်မြတ်ရှေ့မှောက်သို့ တောင်လောက်ရှိသည့် ကောင်းမှုအစုအပုံကြီးကို ယူဆောင်လာ၍ ခစားကြလိမ့်မည်။ ယင်းကောင်းမှုများကို အလ္လာဟ်အရှင့်ထံ ဆက်သသည့်အခါ အလ္လာဟ်အရှင်က ယင်းကောင်းမှု အိဗာဒသ်များမှ တစ်ခုကိုမှ လက်ခံမည်မဟုတ်။ ထို့ပြင် ယင်းတို့အား ဂျဟန္နမ်သို့ ဆွဲချခိုင်းလိုက်မည်။ ထိုအခါ နားထောင်နေသည့် ဆွဟာဗဟ်တို့က အိုကိုယ်တော် ဘာ့လို့ ဒီလိုဖြစ်ရတာလဲဟု မေးမြန်းရာ၊ တမန်တော်မြတ်က ရှင်းပြသည်မှာ ယင်းသူတို့သည် လောကတွင် နမားဇ်မြဲသည်။ ရိုဇဟ်များလည်း ထားကြသည်။ ဟဂ်ျ၊ ဇကားသ်လည်း လက်လွတ်သည်မရှိ။ သို့ရာတွင် ၎င်းတို့ထံသို့ ဟရာမ်ပစ္စည်းဥစ္စာများ ရောက်လာလျှင်မူ ချက်ချင်းယူ၍ သုံးစွဲကြလေသည်။ ဟရာမ်မှ ရှောင်ကြဉ်ခြင်း မရှိပေ။ ဟရာမ်ကို လွတ်လပ်စွာ သုံးစွဲခွင့်ပြုထားသကဲ့သို့ပင် အပူအပင် ကြောက်ရွံ့စိုးရိမ်မှုမရှိဘဲ သုံးကြသည်။ ယင်းဟရာမ်ဥစ္စာပစ္စည်းကြောင့် ၎င်းတို့၏ အိဗာဒသ်များအားလုံးကို ပယ်ဖျက်ခံလိုက်ရသည့် ဆိုးကျိုးကို ခံစားလိုက်ရခြင်းဖြစ်ပေသည်။ ( كتاب الكبائر ) အိဗာဒသ်များ တည်တံ့နေစေရန် ဟရာမ်မှ ရှောင်ရပါမည်။ မိမိကိုယ်တိုင်ရှောင်ရမည်ဖြစ်သလို အိမ်သူအိမ်သားများအား ရှာဖွေမကျွေးမွေးရပါ။ ဟလာလ်ကိုသာ ရှာဖွေရမည်။ ဟလာလ်ကိုသာ သုံးစွဲ ဆင်ယဉ်ရပါမည်။ ဟလာလ်သည် နည်းပါးလိမ့်မည်။ အလ္လာဟ်အရှင်မြတ် ဗရကသ်ပေးပါက နည်းသော ဟလာလ်က များပြားသည့် ဟရာမ်တို့ထက် လောကီ၊ လောကုတ္တရာ နှစ်ဌာန အသုံးဝင်ပါလိမ့်မည်။

ဟရာမ်ရှောင်ရန် ဖရ်ဇ်
နမားဇ်၊ ရိုဇာ၊ ဇကားသ်၊ ဟဂ်ျတို့သည် တာဝန်ထိုက်လာလျှင် မပြုမနေရ ဖရ်ဇ်တာဝန်ဖြစ်သလို ဟရာမ်ကို ကြုံလာလျှင် ချက်ချင်းရှောင်ရန် ဖရ်ဇ်ဖြစ်ပါသည်။ မွစ်လင်မ်အများစု နမာဇီ၊ ဟာဂျီ၊ ဒါရီဖြစ်နေကြသည်။ ဖြစ်အောင် ကြိုးပမ်းကြသည်။ သို့သော် ဟရာမ်စီးပွားရေးကို လက်မလွှတ်ကြ။ ဟရာမ်ကို မစွန့်လွှတ်ကြ။ ဟရာမီဖြစ်နေသည်ကို အသိမ၀င်ကြပေ။ ဟရာမီက ရှေ့ကရှိနှင့်ပြီးသား ဟာဂျီ နမားဇီများအားလုံးကို ဖျက်ပြစ်မည့် လက်နက်ဖြစ်သည်။ ဘဏ်များတွင် ပိုက်ဆံထည့်၍ ဘဏ်တိုးယူနေကြသည်။ ဘဏ်ဝန်ထမ်းလုပ်နေကြသည်။ လောင်းကစားနှင့် ဆက်စပ်နေသည့် လုပ်ငန်းများ၊ အရက်၊ ဘိန်း၊ မူးယစ်ဆေးဝါးများနှင့် ဆက်စပ်သည့် အလုပ်အကိုင်များ လုပ်နေသည်။ တစ်ဖက်တွင် ယင်းမှ ရသည့်ပိုက်ဆံဖြင့် ဗလီဆောက် ကျောင်းဆောက် ဟဂ်ျလုပ်နေကြသည်။ ဟရာမ်ကို စွန့်လွှတ်ရန် ဖရ်ဇ်ဖြစ်သည်။ နမားဇ်လည်းဖတ်ရမည်။ ဟရာမ်လည်း စွန့်လွှတ်ရမည်။ ဒါရီလည်း ထားရမည်။ ဟရာမ်လည်း စွန့်လွှတ်ရပါမည်။ ဘုရ်ကအ်လည်း ၀တ်ရမည်။ ဟရာမ်လည်း စွန့်လွှတ်ရပါမည်။

ဟလာလ်ကို ရွေးချယ်ရန် ဖရ်ဇ်
နမားဇ်ထဲတွင်လည်း ဟရာမ်ဖြစ်သည့်အချက် ဟလာလ်ဖြစ်သည့်အချက်များ ရှိနေသည်။ ရိုဇဟ်တွင်လည်း ဟရာမ်၊ ဟလာလ်ရှိသည်။ အလုပ်အကိုင်၊ လုပ်ငန်း စီးပွားရေး လုပ်ကိုင်ရာတွင်လည်း ဟရာမ်၊ ဟလာလ်ရှိပါသည်။ မိမိလုပ်နေသည့် အလုပ်အကိုင်သည် ဟရာမ်လား ဟလာလ်လားဟူသည်ကို အသိရှာဖွေ၍ ခွဲခြားရပါမည်။ ဟရာမ်ရှောင်ရန် ဖရ်ဇ်ဖြစ်သလို ဟလာလ်ကို ရှာဖွေရန်၊ ဟလာလ်ကို ရွေးချယ်ရန် ဖရ်ဇ်ဖြစ်၏။

ကြောက်မက်ဖွယ်ဖြစ်ရပ်တစ်ခု
ဟဇရသ်အလီဗင်န် မဒီနီက ပြောပြသည်။ ၎င်း၏ ဖခင် ကွယ်လွန်သွားသဖြင့် ဖခင်၏ ကဗရ်သို့သွား၍ နေ့စဉ် ကုရ်အာန်ဖတ်ကာ အီစွာလေစ၀ါးဗ်ပို့သလေ့ရှိသည်။ ရမဿွာန်လ ၂၇ရက်ညက ဖြစ်၏။ စဲဟ်ရီစားပြီး ဖဂျရ်ဖတ်ပြီးနောက် ဖခင်၏ကဗရ်တွင် ထုံးစံအတိုင်း ဖတ်ရွတ်နေစဉ် အနီးရှိ ကဗရ်တစ်ခုမှ အားဟ် အားဟ်ဟု အသံထွက်လာနေသည်။ သေသူက ပြစ်ဒဏ်ခံနေရခြင်းကြောင့် ထွက်ပေါ်လာသံဖြစ်သည်။ ဤသို့နှင့် ထိုကဗရ်ရှင်မည်သူနည်းဟု စုံစမ်းကြည့် ရပ်ကွက်အတွင်းမှ ဘာသာရေးကိုင်းရှိုင်းသည့် မိတ်ဆွေတစ်ဦးဖြစ်ကြောင်းသိလိုက်သည်။ သို့နှင့် ဘာကြောင့်များ အပြစ်ပေးခံရသနည်းဟု စဉ်းစားမိ၍ ယင်းပုဂ္ဂိုလ်နှင့် အသက်အရွယ်တူလူကြီးများအား မေးကြည့်ရာ ကဗရ်ရှင်သည် လူလတ်ပိုင်းအရွယ်က အလွန်ချမ်းသာပြီး လုပ်ငန်းများစွာပိုင်ဆိုင်သူဖြစ်သည်။ ယင်းလုပ်ငန်းများကို ဆက်လက်တာဝန်ယူမည့် သားသမီး လက်အောက်ငယ်သားလည်း မရှိပေ။ သို့နှင့် အသက်ကြီးလာပြီး အလုပ် မလုပ်နိုင်တော့သည့် အချိန်တွင် ပိုင်ဆိုင်မှုများအားလုံးကို ရောင်းလိုက်ပြီး ရသည့်ငွေကို အတိုးပေးစားလေတော့သည်။ ဟလာလ်ဝင်နေသည့် လုပ်ငန်းအားလုံးကို ရပ်စဲ ရောင်းချလိုက်ပြီး ရသည့်ငွေကို ဟရာမ်အတိုးဖြင့် ဘ၀နောက်ဆုံးပိုင်းအား အသက်ဆက်ရှင်သွားလေတော့သည်။ တစ်ဖက်တွင် အတိုးယူနေသော်လည်း နောက်တစ်ဖက်တွင်မူ အခြားသော တာဝန်များ တစ်ခုမှ မရှိတော့သဖြင့် ဘာသာရေးကို ဇောက်ချလုပ်ကိုင်တော့သည်။ သို့သော်လည်း ဟရာမ်က ဟလာလ်ကို ဖျက်ဆီးမည့်အရာဖြစ်ကြောင်း သတိမထားသဖြင့် ကဗရ်တွင်းသို့ သက်ဆင်းပြီးနောက် ကောင်းမှုများက အလုပ်မလုပ်တော့ဘဲ မကောင်းမှုဟရာမ်ကြောင့် အဇားဗ်ခံနေရပေတာ့သည်။

ထို့ကြောင့် မွစ်လင်မ်တို့အနေဖြင့် မိမိတို့၏ အမလ်များကို ဖျက်ဆီးမည့် ဟရာမ်ကို ရှောင်ကြပါ။ မွစ်လင်မ်တိုင်း နှုတ်လွတ်ရသည့် ဟဒီးစ်တစ်ပုဒ်ကို ဖော်ပြပါမည်။ “မွစ်လင်မ်တစ်ဦးသည် မိမိ၏ ပါးစောင်ကြားမှ နှုတ်လျှာ (ပါးစပ်)နှင့် ပေါင်ကြားမှ အရှက်အင်္ဂါတို့ကို တာဝန်ယူလျှင် တမန်တော်သည် ယင်းသူ ဂျန္နသ်ရရန် တာဝန်ယူမည်” ဟူသည့် ဟဒီးစ်တော်ဖြစ်၏။ ယင်း၏ ဖွင့်ဆိုချက်များစွာကို စာရှုသူတို့ သိပြီးဖြစ်ပါမည်။ ဤနေရာတွင် ဖော်ပြလိုသည်မှာ ပါးစပ်ကိုထိန်းခြင်းတွင် အစားအသောက် ထိန်းခြင်းလည်း ပါဝင်သည်။ အတင်းမပြောရန်၊ ကုန်းမတိုက်ရန်၊ ရန်မထောင်ရန်၊ မလိမ်ရန်၊ ပြဿနာမရှာရန်၊ မိမိပါးစပ်ဖြင့် နောက်တစ်ယောက်ကို ဒုက္ခမပေးရန်တို့ တာဝန်ရှိသကဲ့သို့ ပါးစပ်ထဲသို့ ဟရာမ်အစားအစာ မထည့်ရန်လည်း တာဝန်ရှိပါသည်။ ယနေ့အခါသမယတွင် ဟရာမ်သည် ပတ်ပတ်လည်ပင် ဖြစ်၏။ ထို့ကြောင့် မဖြစ်စလောက် အစားတစ်လုတ်ကြောင့် ရက်လေးဆယ်ကောင်းမှုများ၊ အာခိရသ်အတွက် အိဗာဒသ်များကို မဖျက်စီးကြပါနှင့်။ ကိုယ့်ဒူးတောင် ကိုယ်မယုံရသည့် အခြေအနေကာလကြီးတွင် ဘယ်မှမမြင်ရဘဲ ဟလာလ်ပါဟု အခြားသူက ပြောသည်နှင့် ယုံပုံလွှဲအပ်ကာ ပါးစပ်အတွင်းသို့ ပြစ်သွင်းလိုက်ကြသည်မှာ အလွန်ဝမ်းနည်းဖွယ်ရာပင်ဖြစ်ပါသည်။ ဟရာမ်ကို ရှောင်မည်ဟုစိတ်ပိုင်းဖြတ်လိုက်ပါက ဟလာလ်၏ လမ်းသည် ပွင့်လာပါလိမ့်မည်။ အမှတ်အသားများ၊ တံဆိပ်များ၊ လက်မှတ်များသည် လောကီထောက်ခံချက်တစ်ခုမျှသာ ဖြစ်၏။ မွစ်လင်မ်၏ စားခြင်း သောက်ခြင်း ၀တ်စား နေထိုင်ခြင်းတို့ လောကမှာတင် ပြီးဆုံးသွားသည် မဟုတ်ပါ။ ယင်းလုပ်ရပ်တို့၏ ဆိုးကျိုး ကောင်းကျိုးကို တမလွန် လောကုတ္တရာ အာခိရသ်တွင်လည်း ရရှိခံစားကြရပါမည်။ ထို့ကြောင့် ကိုယ်တိုင် လုပ်နိုင်သည့် အခြေအနေမျိုး၊ သေလုမျောပါးမဟုတ်ဘဲနှင့် လျှာအရသာ ခံယူရန်အတွက် အိဗာဒသ်များကို ဟရာမ်နှင့် မလဲကြပါနှင့်ဟု ပြောကြားရင်းဖြင့် ဤဆောင်းပါးလေးအား အဆုံးသတ်လိုက်ပါသည်။

Credit, မော်လာနာ အဗ်ဒုရ်ရအူးဖ် စခ်ရ၀ီ ဟောကြားသော حرام كهانے كی نحوست ကို အလ်မုဖီးဒ်က မြန်မာဘာသာဖြင့် ပြန်လည် ဖော်ပြပါသည်။

အလ်မုဖီးဒ် Link များ
Website: http://aaitee.blogspot.com
Facebook: http://www.facebook.com/almufeed.mm
Email: haroonrangoni@gmail.com
google တွင်ရှာရန် “ အလ်မုဖီးဒ် ” ဟု မြန်မာလိုရိုက်၍ရှာပါ။
မိမိဖုန်းထဲတွင် ပြန်လည်ဖတ်ရှုရန် သိမ်းထားလိုပါက Simple Islam.apk ဖိုင်ကို ဒေါင်းလုတ်ဆွဲပြီး Install လုပ်ထားပါ။