အီးဒ်တွင် ရရှိသော ဆုလာဘ်များနှင့် ခြောက်လုံးရိုဇာအကြောင်း

ဤလင့်မှ ရှဲပေးနိုင်ပါသည်။
https://www.facebook.com/almufeed.mm/posts/796480357139222:0

အီးဒ်ည၌ မဂ်ဖိရသ် (ခွင့်လွှတ်ခြင်း) ရရှိမှု 
အဗူဟုရိုင်ရာသခင်(ရသွီ) ထံမှ ဆင့်ပြန်သည်။ တမန်တော်မြတ် ဆွလ္လလ္လားဟု အလိုင်းဟိဝစလ္လမ်က ရမ်ဇာန်၏ နောက်ဆုံးည၌ အုမ္မသေမုဟမ္မဒီယာ (ဤအုမ္မသ်) ကို ခွင့်လွှတ်မှု၊ (ဂျဟန္နမ်မှ) လွတ်ငြိမ်းခွင့်တို့ကို ချီးမြှင့်ပေးသနားတော်မူ၏ ..... ဟု မိန့်တော်မူသည်။ ထိုအခါ အဗူဟုရိုင်ရာသခင်က အို ကိုယ်တော် အဲ့ဒီနောက်ဆုံးညဆိုသည်မှာ ကဒရ်ညကို ဆိုလိုပါသလားဟု မေးမြန်းရာ ကိုယ်တော်မြတ် ဆွလ္လလ္လားဟုအလိုင်းဟိဝစလ္လမ်က မဟုတ်ပါ။ (ကဒရ်ကို ဆိုလိုခြင်းမဟုတ်။ ဤထူးမြတ်မှု ချီးမြှင့်မှုတို့သည် ရမ်ဇာန်၏ နောက်ဆုံးအတွက် သီးသန့်ဖြစ်၏။) ဤသို့ ခွင့်လွှတ်မှု၊ လွတ်ငြိမ်းမှုတို့ ရရှိခြင်းသည် ပြုလုပ်ရန် တာဝန်အပ်နှင်းထားသည့် အလုပ်ကို ပြီးပြည့်စုံအောင် ပြုလုပ်လိုက်ခြင်းကြောင့် ချီးမြှင့်ရခြင်းဖြစ်၏ ..... ဟု မိန့်ကြားရှင်းပြတော်မူသည်။
ရမ်ဇာန်၏ နောက်ဆုံးညတွင် အလ္လာဟ်အရှင်မြတ်က တာဝန်ပေး သတ်မှတ်ပြဌာန်းသည့် ရမ်ဇာန်တစ်လလုံး ရိုဇာစောင့်ထိန်းခြင်းဟူသည့် အလုပ်ကို လူသားက ပြီးပြည့်စုံအောင် ထမ်းဆောင်ခဲ့သည့်အတွက် အထူးဆုလာဘ်ဖြစ်သည့် အလ္လာဟ်အရှင်မြတ်၏ ခွင့်လွှတ်မှုရရှိခြင်းနှင့် ဂျဟန္နမ်မှ လွတ်ငြိမ်းမှုရရှိခြင်းတို့ကို ချီးမြှင့်ပေးသနားတော်မူ၏။
ဤအီးဒ်ညကို မိုးကောင်းကင်အထပ်များတွင် လိုင်လသွလ်ဂျာအိဇာ ဆုလာဘ်ချီးမြှင့်သည့်ညဟု ခေါ်ဆိုလေသည်။ အလ္လာဟ်အရှင်မြတ်မှ ချီးမြှင့်သည့်အရာများတွင် ခွင့်လွှတ်ခြင်းဟူသည့် ဆုလာဘ်ကို ရရှိလိုက်ခြင်းထက် သာပိုကောင်းမွန်သည့်အရာ အဘယ်မှာပင် ရှိသေးနိုင်ပါအံ့နည်း။ မုစ်လင်မ်တို့သည် သေပြီးတဖန်ပြန်ရှင်ခြင်းနှင့် ကဗရ်၏ အဇားဗ် စဝါးဗ်တို့ကို လက်ခံယုံကြည်ထားသူဖြစ်သဖြင့် ယင်းကာလတို့တွင် ခံရမည့်ပြစ်ဒဏ်များမှ ခွင့်လွှတ်ပေးခြင်းခံရသည်ဟူသည့် ဆုလက်မှတ်ကို ရရှိပိုင်ဆိုင်လိုက်သူအဖို့ အင်မတန် ဖူးစာထူးသူပင် ဖြစ်ပေသည်။ ထို့အတူ အလ္လာဟ်၏ ခွင့်လွှတ်ခြင်းဟူသည့် ဆုသည်လည်း အင်မတန်အဖိုးထိုက်တန်သည့်အရာဖြစ်ကြောင်း အာခိရသ်တွင် မျက်ဝါးထင်ထင် တွေ့မြင်ရပေမည်။ ထို့ကြောင့် အရှင်မြတ်ချီးမြှင့်သည့် ဆုလာဘ်ကို ရအောင်ယူနိုင်သူဖြစ်အောင် ကြိုးစားရပေမည်။

အီးဒ်ညများတွင် အိဗာဒသ်ပြုလျှင် မည်သည့်အရာ ရရှိမည်နည်း
ရစူလွလ္လာဟ် ဆွလ္လလ္လားဟုအလိုင်းဟိဝစလ္လမ်က မည်သူမဆို အီးဒ်နှစ်အီးဒ်၏ ညများတွင် အကျိုးကုသိုလ်ရရှိရန် ရည်စူး၍ မအိပ်မနေ အိဗာဒသ်ပြုခဲ့သော် လူအများ စိတ်ညှိုးနွမ်းနေကြမည့် ကိယာမသ်နေ့တွင် ထိုသူ၏ စိတ်နှလုံးမှာ ညှိုးနွမ်းမည်မဟုတ်ဟု မိန့်တော်မူထားသည်။ သဘောမှာ (ကိယာမသ်၏) ပူပင်ဒုက္ခခံစားရသောအခါ လူတို့၏စိတ်နှလုံးများ အားငယ်ညှိုးနွမ်းနေသည့် အခါမျိုး၌ ထိုသူ၏ စိတ်နှလုံးမှာ ရွှင်လန်းစွာ ရှိပေမည်။ သို့မဟုတ် ဆူရ်(ခရာ)မှုတ်သည့်နေ့တွင် လူအများတို့၏ ဝိဉာဉ်များ သတိလစ်နေသည့်အချိန် ထို (အီးဒ်နှစ်ညတွင် အိဗာဒသ်ပြု)သူ၏ ဝိဉာဉ်မှာ သတိလစ်မည်မဟုတ် ဟူသည့် သဘောလည်း ဖြစ်ပေသည်။
ကိယာမသ်နေ့၏ ပြင်းထန်မှုသည် ကြောက်ခမန်းလိလိပင် ဖြစ်၏။ ကြောက်မက်ဖွယ်ရာအခြေအနေများ ဖြစ်ပေါ်မည့်အချိန် ဖြစ်၏။ ထို့အတူ ဟရ်ှရ်၏ အခြေအနေသည်လည်း ပြင်းထန်လှပေသည်။ ကမ္ဘာပေါ်တွင် ကျွန်ုပ်တို့အသက်ရှင်နေစဉ် အနည်းငယ်သော အသံဗလံများကိုပင် ရင်တုန်ပန်းတုန်ဖြစ်နေကြသည်။ စိုးထိတ်နေကြ၏။ ထိုကိယာမသ် ထိုဟရှရ်၏ အခြေအနေ မည်မျှပြင်းထန်မည်ကို အနည်းငယ်လေး စဉ်းစားကြည့်လျှင်ပင် သိနိုင်သည်။ ထိုသို့ ကြောက်မက်ဖွယ်ပြင်းထန်မှုများ ဖြစ်နေချိန်တွင် အီးဒ်၏ ညများ၌ အိဗာဒသ်ပြုထားသူ၏ စိတ်သည် အနည်းငယ်မှ ကြောက်ရွံစိုးထိတ်မှု မဖြစ်ဘဲ တည်ငြိမ်အေးဆေးစွာရှိမည်ဟု ဆိုထားခြင်းမှာ အလ္လာဟ်အရှင်မြတ်၏ အထူးချီးမြှင့်မှုတစ်ရပ်ပင် ဖြစ်၏။ ထို့ကြောင့် ကမ္ဘာ၏ အချိန်အနည်းငယ် တစ်ညတာခန့်မျှကို အလ္လာဟ်နှစ်သက်ရန်အတွက် အိဗာဒသ်ပြုကြဖို့ တိုက်တွန်းအပ်ပါသည်။
ပညာရှင်အချို့က အထက်ပါဟဒီးစ်ကို ... ထို (အီးဒ်နှစ်ညတွင် အိဗာဒသ်ပြု)သူ၏ နှလုံးသာသည် လောကီ၏ ပျက်စီးသွားမည့် ရုပ်ဝတ္ထုများအပေါ် နှစ်သက်စွဲလန်းနေခြင်း ဖြစ်ပေါ်မည် မဟုတ်ပေ။ ထိုသို့သောအရာများကို စွဲလန်းနှစ်သက်ခြင်းသည် အမှန်ပင် နှလုံးသားများ သေစေ၏။ ထို့ပြင် ၎င်းသူသည် မကောင်းသော သေခြင်းမှ ထိန်းသိမ်းမှု ရရှိမည် .....  ဟု ဖွင့်ဆိုမိန့်ကြားထားပေသည်။ ထို့ကြောင့် ဤသို့အကျိုးထူးများ ပြည့်နေသည့် ညဥ့်များကို အလဟဿကိစ္စများဖြင့် မဖြုန်းတီးဘဲ အကျိုးရှိမည့်အရာများတွင် အသုံးချရမည် ဖြစ်၏။
ဟဒီးစ်တော်တစ်ရပ် လာရှိ၏။ ည ငါးညကို မအိပ်ဘဲ အိဗာဒသ်ပြုသောသူအဖို့ ဂျန္နသ်ရရှိရန် ဝါဂျိဗ်ဖြစ်သည်။ ထို ည ငါးညမှာ ......
[၁] လိုင်လသွသ် သရ်ဝီယဟ် (ဇိလ်ဟဂ်ျလ ၈ရက် ည)
[၂] လိုင်လသွလ် အရဖဟ် (ဇိဟဂ်ျလ ၉ရက် ည)
[၃] လိုင်လသွန် နဟရ် (ဇိဟဂ်ျလ ၁ဝရက်၊ အီဒွလ်အဿွ်ဟာည)
[၄] အီဒွလ် ဖိသိရ် (ရမ်ဇာန်လမြတ်ကုန်ဆုံးသည့် နောက်ဆုံးည)
[၅] ရှဗေဗရာအသ် (ရှအ်ဗာန် ၁၅ရက် ည) တို့ဖြစ်သည်။
အစ္စလာမ့်ဓမ္မသတ်ပညာရှင်တို့ထံတွင်လည်း အီးဒ်ည နှစ်ညတွင် အိဗာဒသ်ပြုခြင်းသည် မုစ်သဟဗ်၏ ထူးမြတ်မှုရရှိကြောင်း ရေးသားဖော်ပြထားကြပေသည်။ အခြားအဆိုတစ်ရပ်တွင် ......
[၁] သောကြာည၊ [၂] အီဒွလ်ဖသိရ်ည၊ [၃] အီဒွလ်အဿွ်ဟာည၊ [၄] ရဂျဗ်လဆန်းည နှင့် [၅] ရှအ်ဗာန် ၁၅ရက် ညတို့သည် တောင်းဆုပြုခြင်းများကို အထူးလက်ခံမှုပြုသော ညများဖြစ်ကြောင်း ဖော်ပြထားပေသည်။
ယခု ကျွန်ုပ်တို့အနေဖြင့် အီဒွလ်ဖိသိရ်၏ ညကို အနီးဆုံးရရှိပိုင်ဆိုင်ရမည်ဖြစ်ပေသည်။ ထို့ကြောင့် အတတ်နိုင်ဆုံး အီးဒ်ညများတွင် အလ္လာဟ်အရှင်နှစ်မြို့တော်မူသော ကျင့်ဆောင်မှုများ၌ မွေ့လျော်ခြင်းဖြင့်သာ ကျွန်ုပ်တို့၏ နှစ်ဌာနအတွက် သုခချမ်းသာကို ရှာဖွေအပ်ပေသည်။ သို့မှသာ ကျွန်ုပ်တို့၏ အီးဒ်နေ့သည် မင်္ဂလာအတိဖြစ်သော အီးဒ်နေ့ဖြစ်ပေမည်။ အီးဒ်ညတွင် အိဗာဒသ် ခဝပ်မှုပြုခြင်းနှင့် နဖိလ်များ ဆောက်တည်ခြင်းတို့သည် မုစ်သဟဗ်၏ အကျိုးထူးကို ရရှိမည်ဖြစ်သည်။ သို့သော် သီးသန့်သတ်မှတ်ပြဌာန်းထားသည့် ခဝပ်မှုမျိုးမရှိသဖြင့် မိမိတို့ စိတ်ထက်သန်ရာပုံစံဖြင့် အလ္လာဟ်အရှင်မြတ်ကို အိဗာဒသ်ပြုကာ အကျိုးကုသိုလ်များ ရယူနိုင်ပေသည်။ အိဗာဒသ်တွင် နဖိလ်နမားဇ်ဖတ်ခြင်း၊ ညဖြစ်သည့်အတွက် သဟဂ်ျဂျွဒ်ဖတ်ခြင်း၊ ဆွလာသွသ်သပ်စ်ဗီဖတ်ခြင်း၊ ဇိကိရ်၊ ဒရူးဒ်၊ အိစ်သိဂ်ဖာရ်၊ ကုရ်အာန်သိလာဝသ်ပြုခင်းများ နှင့် ဒုအာဆုတောင်းမှုပြုခြင်းတုိ့ အားလုံး အကျုံးဝင်ပေသည်။

အီးဒ်ညကို လက်လွှတ်ဆုံးရှုံးကြခြင်း
ကျက်သရေမင်္ဂလာနှင့် ကောင်းချီးအပေါင်းတို့ဖြင့် အထူးပြည့်စုံနေသော အီးဒ်ကဲ့သို့ ညထူးညမြတ်၏ အကျိုးကုသိုလ်များကို မေ့လျော့မှုပြုထားသူတို့သည် အမှန်တကယ် ကံဆိုးသူများ ဖြစ်ကြသည်။ တကယ်ဖြစ်ရမည်မှာ ထိုညမြတ်များ၌ အလ္လာဟ်အရှင်မြတ်နှစ်မြို့တော်မူသော ကောင်းမှုများ၌သာ မွေ့လျော်၍အချိန်ကုန်စေရမည်သာ ဖြစ်၏။
သို့သော် ယနေ့ ကျွန်ုပ်တို့၏ ဖြစ်စဉ်မှာ အိဗာဒသ်ပြုကောင်းမှုပွားရမည့်အစား မိသားစုနှင့်အတူ ရုပ်မြင်သံကြား၏ အစီအစဉ်များတွင် ပါဝင်နေကြသည်။ မိသားစုနှင့် မိတ်ဆွေများကို အိဗာဒသ်ပြုရန် တိုက်တွန်းပြောကြားဖို့ ဝေးစွ။ ကိုယ်တိုင်ပင် မကောင်းမှုအတွင်း သက်ဆင်းနစ်မွန်းနေ၏။
အလ္လာဟ်အရှင်မြတ်နှင့် တမန်တော်မနှစ်မြို့သည့် အမှုကိစ္စတို့ကို အခြားနေ့ရက်များ၌ ကျူးလွန်ခြင်းသည်ပင် ကြီးလေးသော ဒုစရိုက်မှုဖြစ်ပါလျှင် အီးဒ်ကဲ့သို့ မြင့်မြတ်သည့်ည၌ ကျူးလွန်ခြင်းမှာ အဘယ်မျှပင် ပြစ်မှုပိုကြီးသွားသည်ကို အထူးပြောပြရန် မလိုတော့ပါ။ ပြစ်မှုဒုစရိုက်ကို အထင်သေးခြင်းသည် (ဆိုလိုသည်မှာ ဒါလေးပဲလုပ်တာပါကွာ၊ မက္ကရူပါကွာ၊ ရုပ်ရှင်ကို နည်းနည်းပဲကြည့်တာပါ ... အပြစ်ခံရလည်း နည်းနည်းပေါ့ ... စသဖြင့်) အလ္လာဟ်အရှင်မြတ်ကို အထင်သေးခြင်း (အရှင့်၏ ကြီးကျယ်မြတ်ထွတ်မှု၊ အရာရာကို ပိုင်စိုးနိုင်နင်းအုပ်ချုပ်သည့် ဂုဏ်အင်နှင့် အရှင်ပေးမည့် ပြစ်ဒဏ်တို့ကို မကြောက်ခြင်း အထင်အမြင်သေးခြင်း) ဖြစ်သည်။ အချို့သူတို့သည် ဤသို့ထူးကဲလှသည့် ညမြတ်၌ အိဗာဒသ်ခဝတ်မှုဘက်သို့ အာရုံမရှိဘဲ အီးဒ်မနက်ဝတ်ဆင်ရမည့် ဝတ်ကောင်းစားလှများဘက်သို့ အာရုံရောက်နေသည်။ ထိုအရာများကို ဆင်ယဉ်ချယ်သနေကြသည်။ အများစုသည် အီးဒွလ်ဖိသိရ်၏ည၌ စားသောက်စရာများချက်ပြုတ်သည့် အရေးမကြီးသည့်အလုပ်ကို အထူးအလေးထားဆောင်ရွက်နေကြပြီး အီဒွလ်အဿွ်ဟာတွင်မူ ကုရ်ဗာနီ၏ သားကောင်နောက်သို့လိုက်နေကြ၏။ သက်ဆိုင်နေရာများ ရရှိပြီးပါကလည်း ဝိုင်းဖွဲ့ကာ စကားဖောင်စီးနေကြပြန်သည်။ အချို့ကလည်း ထိုည၏ထူးကဲမြင့်မြတ်သော အကျိုးကုသိုလ်များ ရရှိပိုင်ဆိုင်နိုင်ရန် ကောင်းမှုပွားရမည်ကို မသိနားမလည်ဘဲ လက်လွတ်ဆုံးရှုံးရခြင်းမျိုးလည်း ရှိပေသည်။ အားကောင်းမောင်းသန် ခန္ဓာကိုယ်ပိုင်ရှင်များသည်လည်း ထိုသို့သောညများတွင် လူသေကောင်ပမာ တခေါခေါနှင့် အိပ်မောကြနေကြ၏။ အိပ်ခြင်းသည်လည်း အိဗာဒသ်ဟု ဆိုကာ အိပ်နေကြ၏။ အမျိုးသမီးအများစုတို့သည်လည်း ထိုညတွင် ဒန်းဆိုးခြင်းဟူသည် ဝတ္တရားနောက် တကောက်ကောက် လိုက်နေကြရပေသည်။ သနားဖွယ်ပင်။ အီးဒ်တွင် ဒန်း မရှိလည်း အီးဒ်ဖြစ်၏။ အာခိရသ်တွင်မူ အမလ်မပါ ပါက လူတကာထံမှ လက်ဖြန့်လိုက်တောင်း၍ ရမည်မဟုတ်ပါ။ စာရှုသူတို့အနေဖြင့် ဤသို့မြင့်မြတ်ထူးကဲလှသည့် ညမြတ်အကြောင်းသိရှိပြီးပါက ထိုသို့လက်လွတ်ဆုံးရှုံးကြသူများအတွင်း မပါဝင်စေရန်၊ အရှင်မြတ်ထံမှ ရရှိသည့်အထူးအခွင့်အရေးကို ပိုင်နိုင်စွာ အသုံးချနိုင်ရန် ကြိုးစားအားထုတ်ရပေမည်။ ပမာတစ်ခုပြမည်။ တန်ဖိုးကြီးပစ္စည်းများသာ ရောင်းချသော ဈေးဝယ်စင်တာကြီးတစ်ခုတွင် ..... မည်သည့်ည၏ ၆နာရီမှ မနက်၎နာရီအထိ မည်သူမဆို လာရောက်၍ မည်သည့်ပစ္စည်းကိုမဆို နှစ်သက်သလောက် ယူငင်နိုင်သည်။ တန်ကြေးကိုလည်း သုံးပုံတစ်ပုံသာ ပေးရမည်ဟု ကြေငြာထားသည်။ လူအချို့သည် အားကြိုးမာန်တက် စ၍ ခွင့်ပေးသည့်အချိန်မှ ပိတ်သည့်အချိန်အထိ တစ်ညလုံး တန်ဖိုးကြီးပစ္စည်းများကို ယူငင်သည်။ အချို့မှာမူ စသည့်အချိန်၌သာ လာပြီး ပစ္စည်းတစ်ခုယူလိုက်သည်။ မနက်ပိတ်ခါနီးလာ၍ နောက်ပစ္စည်းတစ်ခု ယူသည်။ ထိုသူ့အဖို့ ပစ္စည်းနှစ်ခုသာ ရသည်။ ပထမအုပ်စုကတော့ တန်ဖိုးကြီးပစ္စည်းများစွာကို တန်ဖိုးသက်သာစွာဖြင့် များစွာပိုင်ဆိုင်သွားသည်။ အသင်ဆိုလျှင် မည်သည့်အုပ်စုဝင် ဖြစ်လိုပါသနည်း။ လူ့ဗီဇမှာ သက်သက်သာသာနှင့် ပေါများစွာရခြင်းကို နှစ်သက်သည်သာ ဖြစ်၏။ ကမ္ဘာ့၏ ကုန်ပစ္စည်းနှင့် ငွေကြေးတို့အတွက် အသင့်တွင် ကြိုးပမ်းလိုစိတ်ရှိလျှင် တစ်ခုလုပ်လျှင် ဆယ်ခုရမည့် အာခိရသ်အတွက် ပို၍ပင် သောကထားကာ စိတ်ရောကိုယ်ပါ အားထုတ်ရပေမည်။

နေ့နှင့် ည မည်သည်က သာပိုထူးမြတ်ပါသနည်း
ညသည် နေ့ထက် အကြောင်းအရင်းများစွာကြောင့် ထူးမြတ်ရပါသည်။
(၁) ညများအနက် ည တစ်ညသည် လပေါင်းတစ်ထောင်ထက် သာပိုထူးမြတ်၏။ သို့သော် နေ့နှင့်စပ်လျဉ်း၍ ထိုကဲ့သို့ ဖော်ပြချက် မပါရှိပါ။
(၂) ကျမ်းမြတ်ကုရ်အာန် တစ်အုပ်လုံးသည် လောင်ဟေမဟ်ဖူးဇ် ထိန်းသိမ်းထားသည့်ကျောက်စာမှ မိုးကောင်ကင် ပထမထပ်သို့ ချပေးသည့်အချိန်မှာလည်း ညအချိန်ဖြစ်၏။ နေ့အချိန်မဟုတ်ပါ။
(၃) ညဥ့်၏နောက်ဆုံးအချိန် (သုံးပုံ တစ်ပုံ) သို့ရောက်တိုင်း အလ္လာဟ်အရှင်မြတ်သည် မိုးကောင်းကင် ပထမထပ်သို့ ဆင်းသက်ကြွမြန်းတော်မူ၏။
(၄) တမန်တော်မြတ် ဆွလ္လလ္လာဟုအလိုင်းဟိဝစလ္လမ်ကို ကောင်းကင်ဘုံခရီးသို့ ခေါ်ဆောင်သွားသည့်အချိန်မှာလည်း ညချမ်းအချိန်သာ ဖြစ်၏။
(၅) ညသည် အနားယူအိပ်စက်သည့်အချိန်ဖြစ်၍ ညအချိန်၌ တိရိစ္ဆာန်များကို ဇဗာပြုခြင်း မက္ကရူဖြစ်ရခြင်းမှာလည်း ညကို အကြောင်းခံ၍သာ ဖြစ်၏။
(၆) ညချမ်းအချိန် ခရီးသွားပါက ခရီးတွင်ကျယ်သည်ဟု တမန်တော်မြတ် ဆွလ္လလ္လာဟုအလိုင်းဟိဝစလ္လမ်က မိန့်ခြွေတော် မူထားသည်။
(၇) ည၏ ထူးမြတ်မှုကြောင့်ပင် တမန်တော်မြတ် ဆွလ္လလ္လားဟုအလိုင်းဟိဝစလ္လမ်က ရန်သူများကို ညအချိန် ဝင်ရောက်တိုက်ခိုက်ခြင်း ပြုတော်မမူချေ။

အီးဒ်၏ နေ့အချိန်
((ရမ်ဇာန်နှင့် စပ်လျဉ်း မိန့်ခြွေထားသည့် ဟဒီးစ်တော်၌ ပါဝင်သည်မှာ) အီးဒ်နေ့ မိုးလင်းသောအခါ အလ္လာဟ်အရှင်မြတ်သည် ကောင်းကင်တမန်များကို မြို့၊ ရွာတိုင်းသို့ စေလွှတ်တော်မူ၏။ ကောင်းကင်တမန်တို့သည် ကမ္ဘာမြေသို့ဆင်းသက်လာကြပြီး လမ်းကြီးလမ်းငယ် အသွယ်သွယ်တို့၏ ထိပ်တွင်ရပ်ကြလေသည်။ ထို့နောက် ဂျင်န်နှင့် လူသားတို့မှအပ အခြားအဖန်ဆင်းခံအားလုံး ကြားကြရသည့်အသံဖြင့် အို မုဟမ္မဒ် ဆွလ္လလ္လာဟုအလိုင်းဟိဝစလ္လမ်၏ အုမ္မသ်အပေါင်းတို့ ရက်ရောတော်မူသော အရှင်မြတ်ထံတော်သို့ ဝင်ရောက်ခစားကြကုန်။ ထိုအရှင်မြတ်သည်အတိုင်းထက်အလွန် ချီးမြှင့် ပေးသနားတော်မူ၏။ ကြီးမားလှစွာသော ပြစ်မှုကို ခွင့်လွှတ်တော်မူ၏ .... ဟု ကြွေးကျော်ကြသည်။
ထို့နောက် လူတို့ အီဒ်ဂါသို့ထွက်လာကြသောအခါ အလ္လာဟ်အရှင်မြတ်က ကောင်းကင်တမန်တို့အား မိမိတို့အလုပ်တာဝန်ကို ပြီးစီးအောင်ဆောင်ရွက်သော အလုပ်သမားအား မည်သို့အစားပေးရမည်နည်း ဟု မေးမြန်းတော်မူ၏။ ထိုအခါ ကောင်းကင်တမန်တို့က အို .... ကျွန်တော်မျိုးတို့၏ အရှင်သခင် ၎င်းတို့၏ လုပ်ခကို အပြည့်ချီးမြှင့်တော်မူခြင်းသာလျှင် ၎င်းအား အစားပေးခြင်းဖြစ်ပါသည် ... ဟု လျှောက်ထားဖြေကြားလေသည်။ ထိုအခါ အလ္လာဟ်အရှင်မြတ်က သို့ဖြစ်လျှင် အို ကောင်းကင်တမန်အပေါင်းတို့ အမှန်ပင် ငါအရှင်မြတ်သည် ၎င်းတို့အား ရမ်ဇာန်လ၏ ရိုဇာနှင့် သရာဝီတို့၏အစား အကျိုးကုသိုလ်အဖြစ် ငါအရှင်မြတ်၏ ကျေနပ်နှစ်သက်မှုနှင့် ခွင့်လွှတ်ချမ်းသာပေးမှုကို ချီးမြှင့်တော်မူလိုက်ပြီး အသင်တို့အား သက်သေထားတော်မူသည် ဟု မိန့်တော်မူလေသည်။
ထို့ပြင် အလ္လာဟ်အရှင်မြတ်က လူတို့ကို ဤသို့မိန့်တော်မူ၏။ အို ငါအရှင်မြတ်၏ ကျေးကျွန်အပေါင်းတို့ ငါအရှင်မြတ်ထံပါး၌ တောင်းခံကြလော့။ ငါအရှင်မြတ်၏ ဂုဏ်တော်၏ ကစမ်၊ ငါအရှင်မြတ်၏ တန်ခိုးတော်၏ ကစမ်၊ အသင်တို့သည် ယနေ့မိမိတို့၏ ဤအစုအဝေး၌ မိမိတို့၏ အာခိရသ်တမလွန်အရေးနှင့် စပ်လျဉ်း၍ အသနားခံတောင်းခံကြသည်ကို ငါအရှင်မြတ် ချီးမြှင့်တော်မူမည်။ သို့ရာတွင် လောကီ (ကမ္ဘာပေါ်တွင် ရှင်သန်နေစဉ်၏) အရေးနှင့် ပတ်သက်၍ တောင်းခံသည်ရှိသော် အသင်တို့၏ အကျိုးရလဒ်အတွက် ကြည့်ရှုတော်မူမည်။ ငါအရှင်မြတ်၏ ဂုဏ်တော်၏ ကစမ်၊ အသင်တို့သည် ငါအရှင်မြတ်ဘက်သို့ အာရုံပြုသမျှ ငါအရှင်မြတ်သည် အသင်တို့၏ ချွတ်ချော်မှုကို ဖုံးအုပ်တော်မူမည်။ ငါအရှင်မြတ်၏ ဂုဏ်တော်၏ ကစမ်၊ ငါအရှင်မြတ်၏ တန်ခိုးတော်၏ ကစမ် ငါအရှင်မြတ်သည် အသင်တို့အား ကာဖိရ်များရှေ့မှောက်ဝယ် အရှက်တကွဲဖြစ်အောင် ပြုလုပ်တော်မူမည်မဟုတ်။ ယခုသော်ကား အသင်တို့သည် မိမိတို့၏ နေအိမ်များသို့ ခွင့်လွှတ်ချမ်းသာမှု ပေးသနားခြင်းကို ရရှိသူများအဖြစ်နှင့် ပြန်ကြလော့။ အသင်တို့သည် ငါအရှင်မြတ်အား ကျေနပ်အောင် ပြုလုပ်ခဲ့ကြသည်။ ငါအရှင်မြတ်သည် အသင်တို့အပေါ်၌ ကျေနပ်တော်မူလေပြီ။
ထိုအခါ ကောင်းကင်တမန်တို့သည် အဖ်သာရ်ပြုသောနေ့ (အီဒွလ်ဖိသိရ်)တွင် ဤအုမ္မသ်အပေါ်ချီးမြှင့်သည်များများကို မြင်၍ ဝမ်းမြောက်ပျော်ရွှင်ကြကုန်သည်။

အထက်ပါ ဟဒီးစ်မှပင် အီးဒ်၏နေ့တွင် အလ္လာဟ်အရှင်မြတ်၏ ချီးမြှင့်မှုများကို ပြီးပြည့်စုံစွာ သိရလေသည်။ ထို့ကြောင့် အီးဒ်၏ နေ့အချိန်တွင်လည်း စားသောက်ပျော်ပါးမှု၌သာ နစ်မွန်းမနေရဘဲ သူ့အချိန်နှင့်သူ နမားဇ်များကို ဆောက်တည်ကြရပေမည်။ အများအားဖြင့် အီးဒ်တွင် အိမ်များသို့လည်ပတ်ရင်း လမ်းခရီး၏ ကျန့်ကြာမှုများကြောင့် ဇုဟုရ် အစွရ်နမားဇ်များ ကဇွာဖြစ်သွားရသည်။ မဂ်ရိဗ်နှင့် အိရှာသည်လည်း တစ်နေကုန်ပင်ပမ်းထားခြင်းကြောင့် အညောင်းမိကာ အိပ်ပျော်သွားကြလေသည်။ အချို့ မိတ်ကပ်ဖျက်ရင်း အချိန်ကုန်နေကြသည်။ အလွန်ဝမ်းနည်းဖွယ်ပင်။ အီးဒ်တွင် အရှင်မြတ်မှ အပြစ်ခွင့်လွှတ်ပေးသည်ဟု ဆိုခြင်းက ယနေ့တစ်နေကုန် လုပ်ချင်တာလုပ်ကြဟု ခွင့်ပေးနေခြင်းမဟုတ်ပါ။ အီးဒ်လ မြင်သည်နှင့် ရမ်ဇာန်တစ်လလုံးပိတ်နေသည့် ရှိုက်သာန်တီဗီကို ဖွင့်ပြီး ဇိနာအမှုများပြည့်နှက်ကာ ရွံရှာဖွယ်ရာများအတိဖြစ်သည့် သီချင်များ၊ ရုပ်ရှင်များကို စတင်ဖွင့်လိုက်ကြသည်။ အိန္ဒိယသီချင်းများကိုပင် အချို့ကလည်း မုစ်လင်မ် သီချင်းဟုခေါ်သည်က ရှိသေး၏။ မှတ်ထားပါ။ အစ္စလာမ်တွင် အတီး၊ အမှုတ်၊ ကခုန်ခြင်းမရှိသလို ၎င်းအရာတို့သည် မုစ်လင်၏ လုပ်ဆောင်ချက်လည်း မဟုတ်။အချို့ကလည်း ဗရကသ်သဘောဖြင့် ကိရာအသ်ဖွင့်ထားသည်။ တစ်ဖက်တွင်မူ ကိုယ်တိုင်က လုပ်ချင်ရာလုပ် အတင်းပြော စကားများခြင်းများပြုနေကြသည်။ ကုရ်အာန်ဖွင့်ထားလျှင် နားစိုက်ထောင်ရန် အရေးကြီးသည်။ ထို့အတူ အီးဒ်တွင် အရက်သေစာသောက်စားခြင်းများ၊ မတော်မလျော်သော အပျော်ကျူးခြင်းများဖြင့် အစ္စလာမ့်အလှအပဖြစ်သော အီးဒ်ကို ညစ်ထေးအောင်ပြုခြင်းသည် မုစ်လင်မ်တို့ကိုယ်တိုင် မိမိအစ္စလာမ်ကို  သိက္ခာချပစ်နေခြင်းသာ ဖြစ်၏။ အရက်၊ လောင်းကစား၊ ရုပ်ရှင်၊ သီချင်း၊ မကောင်းမှုအပေါင်းသည် ရမ်ဇာန်တွင်လည်း မပြုကြသကဲ့သို့ ရမ်ဇာန်ပြီးနောက်တွင်လည်း ရှောင်ကြရမည် ဖြစ်သည်။ ယင်းမကောင်းမှုတို့သည် ရမ်ဇာန်တွင် ဟရာမ်ဖြစ်သလို ရမ်ဇာန်ပြီးနောက်တွင်လည်း ဟရာမ်အဖြစ်နှင့်သာ ဆက်လက်တည်ရှိနေပြီး ကျူးလွန်ဖောက်ဖျက်သူအဖို့ သတ်မှတ်ပြစ်ဒဏ်ကို ကျခံရမည်သာဖြစ်၏။ ထို့ကြောင့် မုစ်လင်မ်တို့အနေဖြင့် မိမိတို့၏ အစ္စလာမ့်အလှအပများကို ထိန်းသိမ်းသူဖြစ်ကြပါ။ ဖျက်ဆီးသူများ မဖြစ်ကြပါနှင့်။

အီးဒ်နေ့တွင် ဆောင်ရွက်ရမည့် အရာများ
အီးဒ်နေ့များတွင် အောက်ပါအရာများကို ဆောင်ရွက်ခြင်းသည် စွန္နသ် သို့မဟုတ် မုစ်သဟဗ်၏ ထူးမြတ်ရှိသည်။ အစ္စလာမ့်ညွှန်ကြားမှုနှင့် အညီ တစ်ကိုယ်ရေသန့်ရှင်းမှုပြုခြင်း၊ နမားဇ်မဖတ်မီ ရေချိုးသန့်စင်ခြင်း၊ မစ်ဝါးက်တိုက်ခြင်း၊ အကောင်းဆုံးအဝတ်ကို ဝတ်ဆင်ခြင်း၊ အမွှေးအကြိုင်လိမ်းခြင်း၊ စောစီးစွာ အိပ်ယာထခြင်း၊ အီဒဂါသို့ စောလျင်စွာ သွားခြင်း၊ အီးဒ် (အီဒွလ်ဖိသိရ်၏) နမားဇ်ဖတ်ရန် မသွားမီ အချိုတစ်ခုခု စားသုံးခြင်း၊ အီးဒ်နမားဇ်ထက်အလျှင် ဖိသ်ရာပေးခြင်း၊ အီဒဂါသို့သွား၍ နမားဇ်ဖတ်ခြင်း၊ လမ်းတစ်ခုမှသွား၍ အပြန်တွင် အခြားတစ်လမ်းမှ ပြန်လာခြင်း၊ ခြေလျှင်လျှောက်သွားခြင်း၊ လမ်းတွင် အီးဒ်၏ သက္ကဗီရ်ဖြစ်သော အလ္လာဟုအက္ကဗရ် အလ္လာဟုအက္ကဗရ် လာအိလားဟ အိလ်လ္လားဟု ဝလ္လားဟုအက္ကဗရ်၊ အလ္လာဟုအက္ကဗရ် ဝလိလ်လားလိလ်ဟမ်ဒ် ကို တိုးတီးစွာ ဖတ်ခြင်းတို့ ဖြစ်ပေသည်။

အီးဒ်ဟု အမည်တွင်ရခြင်းအကြောင်း
လမြတ်ရမ်ဇာန်ကုန်ပြီး ရှောက်ဝလ်လပထမရက်ကို အီဒွလ်ဖိသိရ် ဟု ခေါ်သည်။ အီးဒ်ဟူသည် အရဗီစကားလုံး အောင့်ဒ်ဟူသည့် ပုဒ်မှ ဆင်းသက်လာသည်။ အဓိပ္ပါယ်မှာ အဖန်တလဲလဲ ပြန်လာခြင်းဟူ၍ ဖြစ်သည်။ ဤနေ့သည် ကျွန်ုပ်တို့ထံ အဖန်တလဲလဲ နှစ်စဉ်ရောက်ရှိလာပေသည်။ ထို့ပြင် အရဗ်လူမျိုးများသည် ပျော်ရွှင်ဖွယ်ရာ စုစည်းမှုတိုင်းကိုလည်း အီးဒ်ဟု ခေါ်ဆိုသမုတ်လေ့ရှိကြသည်။

အီးဒ်ရက်သည် မည်သည့်အချိန်မှ စတင်ဖြစ်ပေါ်ခဲ့ပါသနည်း
အီးဒ်သည် ပထမဆုံး ဟိဂ်ျရီခုနှစ်မှ စတင်ခဲ့သည်။ ဟဒီးစ်တော်၌ လာရှိသည်။ အနတ်စ်သခင် (ရသွီ)က ဆင့်ပြန်မိန့်ဆိုသည်မှာ ကိုယ်တော်မြတ် ဆွလ္လလ္လားဟုအလိုင်းဝစလ္လမ်သည် မက္ကဟ်မြို့မှ မဒီနာသို့ ဟစ်ဂ်ျရသ်ပြု ရွှေ့ပြောင်းတော်မူလာသည်။ အစ္စလာမ်ဘာသာဝင် ဒေသခံ မဒီနာမြို့သူမြို့သားများသည် ပွဲတော်ရက်နှစ်ရက် ကျင်းပလေ့ရှိကြပြီး ယင်းပွဲတော်ရက်များတွင် ပျော်ပွဲရွှင်ပွဲများအား နှစ်စဉ်ဆင်နွှဲလေ့ရှိကြသည်။
ဤသည်ကို တွေ့သောအခါ ကိုယ်တော်မြတ်က အသင်တို့ကျင်းပသည့် ဤပွဲတော်နှစ်ရက်သည် မည်သို့ပါနည်း။ အဘယ့်ကြောင့် ဆင်နွှဲရပါသနည်း ဟု မေးမြန်းရာ ကျွန်ုပ်တို့ထံ အစ္စလာမ်မရောက်လာမီ ရှေးယခင်ခေတ်ကာလများကပင် ဤပွဲတော်များကို အစဉ်အလာတစ်ရပ်အနေဖြင့် ကျင်းပလာခဲ့ကြသည် ဟု ဖြေကြ၏။
ထိုအခါ တမန်တော်မြတ်က အသင်တို့၏ ဤပွဲတော်နှစ်ရက်အစား ထိုထက်သာလွန်ကောင်းမြတ်သည့် ရက်နှစ်ရက်ကို သတ်မှတ်ပေးတော်မူလိုက်သည်။ ၎င်းမှာ အီဒွလ်အဿွ်ဟာနှင့် အီဒွလ်ဖိသိရ် ဟူ၍ ဖြစ်၏.....ဟု မိန့်တော်မူလေသည်။

အစ္စလာမ်တွင် ပျော်ခြင်း၏ အထိမ်းအမှတ်သည် နမားဇ်ဖြစ်၏။ ထို့အတူ ဝမ်းနည်းခြင်း၏ အထိမ်းအမှတ်သည်လည်း နမားဇ်ပင်ဖြစ်သည်။ သဘောမှာ အစ္စလာမ့်၏ ပျော်ရွှင်ခြင်း ဝမ်းနည်းခြင်းတို့အတွက် လူတို့တီထွင်ထားသည့် လုပ်ဆောင်ချက်များ၊ ကစားခုန်စားမှုများနှင့် အသံဗလံအစုံမြည်သည့် ပစ္စည်းကိရိယာတို့ဖြင့် ကြိုဆိုနေရန် မလိုအပ်ချေ။ နှစ်ဌာနအကျိုးရှိစေမည့် တိုတောင်းလွယ်ကူ ရိုးရှင်းလှသည့် နမားဇ်ဆိုသည့် အရာဖြင့် ကြိုဆိုသမှုပြုသလို ဝမ်းနည်းရသည်များအတွက်လည်း ယင်းနမားဇ်ကိုပင် ဆောက်တည်ကြရပါသည်။

မုစ်လင်မ်တို့အတွက် အလ္လာဟ်ဖက်မှချီးမြှင့် ဆုလာဘ်များသည် ရေတွက်မကုန်နိုင်ဖွယ်ပင်။ စဉ်းစားကြည့်ပါ။ ရဂျဗ်မှာ စတင်ကာ ရှအ်ဗာန်ကို ဖြတ်ကျော်ပြီး ရမ်ဇာန်တွင် အဆုံးသတ်သည်။ ထိုကာလတစ်လျှောက်လုံး အလ္လာဟ်အရှင်မြတ်ဘက်မှ တောင်းဆုပြည့်သည့်ညများ၊ ခွင့်လွှတ်မှုများပေးသည့် ကာလများ၊ ငရဲမှ ထုတ်ပေးခြင်းများ၊ ဂျန္နသ်သုခဥယျာဉ်ကို စံမြန်းရန် အခွင့်အရေးရရှိမည့် ကောင်းမှုလုပ်ဆောင်ချက်များ တစ်စစချီးမြှင့်လာလိုက်သည်မှာ ယခု အီးဒ်သို့ပင် ရောက်ရှိလာခဲ့ပေပြီ။ ထိုအီးဒ်ကို ကြည့်ပါ။ ညအချိန် နေ့အချိန် နှစ်ခုစလုံးတွင် တောင်းဆုများ လက်ခံပေးမည်။ ခွင့်လွှတ်မှုများ လွတ်ငြိမ်းခွင့်များပေးမည်ဟူသည့် မဟာအခွင့်အရေးများကို အတိုင်းအဆမဲ့ ထပ်မံချီးမြှင့်နေပြန်သည်။ အလ္လာဟ်အရှင်မြတ်၏ ကတိ၊ အရှင်မြတ်၏ ချီးမြှင့်ခြင်းများသည် မည့်သည့်ကာလ မည်သည့်ဒေသဟူ၍ ခွဲခြားထားခြင်းမရှိသလို ပေးမည်ဟု မိန့်သည့်အချိန်မှစ၍ ယနေ့အထိ ကိယာမသ်နေ့အထိ ပေးမည်ပင်ဖြစ်သည်။ ပေးနေမည်သာ ဖြစ်၏။ သို့သော် ...... သို့သော် ထို..ထိုသော အကျိုးထူးများကို ပြည့်ပြည့်ဝမရဘဲ လိုတာမရ ရတာမလို အရှက်တကွဲအကျိုးနည်း ဖြစ်နေရခြင်းမှာ ကျွန်ုပ်တို့၏ ပေါ့လျော့ချို့ယွင်းမှုများကြောင့်သာ ဖြစ်နေသည်ကို သတိပြုကာ အထူးပြုပြင် ဆင်ခြင်သင့်လှပေသည်။

ခြောက်လုံးရိုဇာထားခြင်းအကြောင်း
အဗူအိုက်ယူးဗ်အန်ဆွာရီသခင် (ရသွီ)ထံမှ ဆင့်ပြန်သည်။ တမန်တော်မြတ် ဆွလ္လလ္လားဟုအလိုင်းဟိဝစလ္လမ် မ်ိန့်သည်မှာ အကြင်သူသည် ရမ်ဇာန်လ၏ ရိုဇာကိုထားမည်။ ရမ်ဇာန်လကုန်ပြီးနောက် အီးဒ်လဖြစ်သည့် ရှောက်ဝလ်တွင် နဖိလ်ရိုဇာခြောက်လုံးကို ဆက်လက်ထားမည်ဆိုပါက (ဤနည်းအတိုင်း နှစ်စဉ်ကျင့်ဆောင်သွားလျှင်) ထိုသူသည် တစ်သက်လုံး ရိုဇာထားသကဲ့သို့ ဖြစ်ပေသည်။
အလ္လာဟ်အရှင်မြတ်သည် ကောင်းမှုတစ်ခုအစားတွင် ဆယ်ဆချီးမြှင့်မည်ဟု မိန့်ထားသည်။ ရမ်ဇာန်ရိုဇာ ၃ဝ ထားလျှင် ၎င်းသည်အစားသည် ၃ဝဝ ဖြစ်မည်။ နဖိလ်ခြောက်လုံးသည် ၆ဝဖြစ်မည်။ ပေါင်းလျှင် ၃၆ဝရသည်။ တစ်နှစ်တွင် ရက်ပေါင်း ၃၆ဝ ရှိသည်ဖြစ်၍ တစ်နှစ်ပတ်လုံး ရိုဇာထားသကဲ့သို့ ဖြစ်ပေသည်။ ဤပုံစံအတိုင်း လူတစ်ယောက် ရမ်ဇာန်တိုင်းနှင့် ခြောက်လုံးရိုဇာကို တွဲစပ်သွားပါက ထိုသူသည် အသက်ရှင်သရွေ့ နေ့စဉ်ရိုဇာစောင့်ထိန်းသကဲ့သို့ အကျိုးကုသိုလ်ကို ရရှိသွားမည် ဖြစ်၏။ စွဗ်ဟာနလ်လာ ၃၆ရက် အလ္လာဟ်အတွက်အချိန်ပေးကာ အလ္လာဟ်အမိန့်နာခံလိုက်လျှင် အလ္လာဟ်က ၃၆ဝ၊ တစ်နှစ်စာအတွက် လစာ (ကုသိုလ်) ပေးလိုက်သည်။ ကမ္ဘာ၏ အလုပ်အကိုင်များတွင်​ တစ်လနှင့် နောက်ခြောက်ရက်လုပ်ပြီး တစ်နှစ်စာလခပေးသည်များ ရှိတတ်ပါသလား။ သို့သော် ကျွန်ုပ်တို့၏ မြင့်မြတ်တော်မူလှသော အလ္လာဟ်အရှင်မြတ်က မိမိ၏ ကျေးဇူးအသနားတော်ဖြင့် ထိုမျှကာလလေးအတွက် တစ်နှစ်စာ ကုသိုလ်ကို ချီးမြှင့်တော်မူနေပေသည်။ ထို့ကြောင့် ယင်းအကျိုးထူးကို မုစ်လင်မ် အမျိုးသား၊ အမျိုးသမီးတိုင်း ရယူရန် ကြိုးပမ်းရပေမည်။ ကိယာမသ်နေ့၌ ဖရဇ်တာဝန်များ စစ်ဆေးသည့်အခါ ပေါ့လျော့မှုများနှင့် လျော့နည်းမှုများ ရှိနေခဲ့ပါက နဖိလ်အိဗာဒသ်တို့ဖြင့် ဖြည့်စွက်မည်ဖြစ်၏။ အကယ်၍ ဖရဇ်တွင် ပေါ့လျော့မှုမရှိပါက နဖိလ်မှ ကုသိုလ်များ သီးသန့်ရရှိကာ ဂျန္နသ်၏ သုခချမ်းသာများကို ထပ်မံခံစားရမည်ဖြစ်သည်။ ထို့ကြောင့် နဖိလ်များကို နဖိလ်ပါဟူ၍ အတွေးမထားဘဲ နဖိလ်သည် နဖိလ်ဖြစ်၏။ အကျိုးထူးလှ၏ဟု မှတ်ယူကာ ကျင့်သုံးရပေမည်။
မှတ်သားဖွယ်တစ်ခုမှာ ရမ်ဇာန်သည် နှစ်ဆယ့်ကိုးရက် ဖြစ်ခဲ့သည်ရှိသော် ဆယ်ဆဖြစ်သည့် ၃ဝဝမှာ ၂၉ဝဖြစ်သွားမည်လား။ ရမ်ဇာန်သည် ၂၉ဖြစ်ခဲ့လျှင်လည်း ၃ဝဟုသာ ရေတွက်၍ ကုသိုလ်ကို အပြည့်ချီးမြှင့်မည် ဖြစ်၏။ အဘယ့်ကြောင့်ဆိုသော မုစ်လင်မ်၏ ရင်တွင်းဝယ် ၂၉ရက်နေ့ လမမြင်ခဲ့သော် နောက်တစ်နေ့တွင် ရိုဇာထားမည်ဟူသည့် ရည်ရွယ်ချက်မှာ အပြည့်အဝပင် ရှိပေသည်။ ထို့ကြောင့် လ၏ ရက်အရေအတွက်လျော့နည်းသွားသောလည်း ကုသိုလ်အကျိုးတွင် လျော့နည်းမည်မဟုတ်ပါ။ အလ္လာဟ်အရှင်မြတ်က အပြည့်အဝချီးမြှင့်မည်သာ ဖြစ်၏။

ခြောက်လုံးရိုဇာကို ....
အချို့ ရမ်ဇာန်တစ်လလုံးရိုဇာရသူကသာ ခြောက်လုံးထားရမည်ဟု အယူထားသည်။ ဤသည်မှာ မှား၏။ မည်သူမဆို ထားနိုင်သည်။ ထို့အတူ နဖိလ်ခြောက်လုံးရိုဇာကို ရှောက်ဝလ်တစ်လလုံးအတွင်း မည်သည့်ရက်မဆို ထားနိုင်ပေသည်။ အီးဒ်နှင့် ကပ်နေသည့် ခြောက်ရက်ကိုထားမှ ရိုဇာခြောက်လုံးဖြစ်သည်မဟုတ်ပါ။ သတိပြုရမည်မှာ ရှောက်ဝလ်အတွင်း ဖြစ်ရမည်။ မကျန်းမာသူများ၊ အင်အားနည်းသူများအနေဖြင့် ဆက်တိုက် ခြောက်လုံးမထားနိုင်ကလည်း ရက်ခြား၍ ဖြစ်စေ၊ မိမိအစဉ်ပြေသလို ရှောက်ဝလ်အတွင်း ထားလိုက်လျှင် ဖြစ်၏။ အီးဒ်ပြီး နောက်တစ်ရက်ကပ်နေသည့်နေ့မှ စထားမှ ခြောက်လုံးဖြစ်သည်မဟုတ်ပါ။ ထို့အတူ ရှောက်ဝလ်တစ်လလုံးအတွင်း နဖိလ်တစ်လုံးသာထားပြီး ခြောက်လုံး၏ အကျိုးကုသိုလ်ကိုလည်း ရမည်မဟုတ်ပါ။ နဖိလ်ခြောက်လုံးကို အပြည့်ထားရပေမည်။

ခြောက်လုံးရိုဇာနှင့် ကဇွာ
ရမ်ဇာန်အတွင်း ပျက်ကွက်ခဲ့သည့် ရိုဇာများကို ကဇွာပြန်ဖြည့်ခြင်းသည် သပ်သပ်ဖြစ်၏။ နဖိလ်၏ ခြောက်လုံးက သပ်သပ်ဖြစ်ပါသည်။ နှစ်ခုရောခွင့်မရှိပါ။

ကဇွာရိုဇာနှင့် နဖိလ်ရိုဇာ
ကဇွာရိုဇာအတွက် ရည်စူးမှု နိယသ်ကို ညကတည်းက ပြုရန် အရေးကြီးသည်။ စဲဟ်ရီကတည်းက မိမိသည် ပျက်ခဲ့သည့် ရိုဇာကို ပြန်ဖြည့်ကြောင်း ရည်စူးရမည်။ ကဇွာ၏ နိယသ်နှင့်အတူ နဖိလ်နိယသ် ရောပြုခွင့်မရှိပါ။ နဖိလ်ရိုဇာတွင်မူ မနက်ရောက်သည့်အချိန်မှ ရည်စူးမှုပြုလည်း ဖြစ်ပေသည်။ ထိုနဖိလ်ထားသည့်အချိန် ကဇွာပါဖြည့်ပါသည်ဟု ရော၍ ရည်စူးလို့မရပါ။ နဖိလ်ရိုဇာကို စောင့်ရင်းတစ်ဝက်ဖြင့် ပျက်သွားပါကလည်း ထိုနဖိလ်ကို ပြန်ဖြည့်ရန် အရေးကြီးပါသည်။

မုစ်လင်အမျိုးသား အမျိုးသမီးတိုင်းသည် မိမိတို့၏ အီးဒ်များ အလ္လာဟ်အရှင်မြတ်၏ ချီးမြှင့်မှုများနှင့် အစ္စလာမ့်၏ အမိန့်များကို သိရှိနိုင်ရန်၊ ဗဟုသုတရစေရန်၊ လိုက်နာနိုင်ရန်ရည်ရွယ် တင်ဆက်လိုက်ခြင်းဖြစ်ပါသည်။ မုစ်လင်မ်တိုင်း ရရှိမည့် ကုသိုလ်အကျိုးနှင့် ဆုလာဘ်များကို လက်လွှတ်မခံဘဲ အမိအရ ရယူကျင့်သုံးကြပါ ..... လို့ တိုက်တွန်းရင်းဖြင့် အဆုံးသတ်လိုက်ပါသည်။

[သုဟ်ဖာအေခဝါသီးန်၊ ဖဇာအိလေရမ်ဇာန်နှင့် ထူးကဲမြင့်မြတ်သော ညများနှင့်နဖိလ်နမားဇ်များ စာအုပ်တို့ကို ကိုးကား၍ တင်ဆက်ပါသည်။]

အလ်မုဖီးဒ်
ရမ်ဇာန်/ ၂၉/ ယောင်မုလ်ဂျွမ်အဟ်/ ဟိဂ်ျရီ ၁၄၃၆

အလ်မုဖီးဒ် Link များ
Website: http://aaitee.blogspot.com
Facebook: http://www.facebook.com/almufeed.mm
Email: haroonrangoni@gmail.com
google တွင်ရှာရန် “ အလ်မုဖီးဒ် ” ဟု မြန်မာလိုရိုက်၍ရှာပါ။
မိမိဖုန်းထဲတွင် ပြန်လည်ဖတ်ရှုရန် သိမ်းထားလိုပါက Simple Islam.apk ဖိုင်ကို ဒေါင်းလုတ်ဆွဲပြီး Install လုပ်ထားပါ။