Wednesday, January 15, 2014

စွန္နသ်တော်နှင့်အညီအစ္စသိခါရဟ်ပြုနည်း (အစ - အဆုံး)



ဟဇရသ်အဗ္ဗဒွလ္လာဟ်ဗင်အုမရ်(ရသွေ့)သခင်ကအမိန့်ရှိသည်မှာ…….
အချို့အချိန်အခါတွင် လူသားသည်အလ္လာဟ်အရှင်မြတ်ထံ အကြင်အလုပ်သည် မိမိအတွက်ကောင်းပါက ဖြစ်မြောက်ပါရစေဟု အစ္စသိခါရဟ်ပြုလုပ်သည့်အခါ အလ္လာဟ်အရှင်မြတ်က ထိုသူနှင့်သဟဇာတဖြစ်မည့်အလုပ်ကို သတ်မှတ်ပေးတော်မူလိုက်သည်။
ဗန္ဓဟ်ကမူ အပေါ်ယံအားဖြင့် ထိုအလုပ်အစဉ်ပြေလာမှုကို သဘောမပေါက်သည့်အတွက် မိမိအရှင်သခင်အပေါ် စိတ်အလိုမကျဖြစ်ကာ ကျွန်တော်ကအလ္လာဟ်ထံတော်မှာ ကျွန်တော်နဲ့ သဟဇာတဖြစ်စေမယ့်အလုပ်ကိုချီးမြှင့်ပါလို့ တောင်းခံခဲ့တာပါ။ အခုဖြစ်လာတဲ့အလုပ်ဟာ ကျွန်တော့်အတွက် ဒုက္ခနှင့်သောကရောက်စရာတွေဖြစ်နေပါတယ်။ ဟု အလ္လာဟ်အရှင်မြတ်အပေါ်စောဒကတက်တော့သည်။
ကာလအတန်ငယ်ကြာမြင့်ပြီးနောက် ထိုဗန္ဓာဟ်သည် အလုပ်၏ရလဒ်ကို မြင်တွေ့လာသောအခါတွင်မှ အလ္လာဟ်အရှင်မြတ်က မိမိနှင့်သဟဇတဖြစ်စေမည့် အလုပ်ကိုသာ မိမိအတွက် စီမံပေးတော်မူပေသည် ဟု သဘောပေါက်ရတော့သည်။ အစကနဦးတွင်မူ သိနားလည်မှုမရှိသဖြင့် အလ္လာဟ်အရှင်မြတ်က မိမိအပေါ် မတရားဖိနှိပ်သည်ဟု ထင်ထားခဲ့သည်။
အထက်ပါဆင့်ပြန်ချက်ကို ထောက်ရှုကာ အချို့အချက်များကို သတိထားသုံးသပ်ရန် လိုအပ်လာသည်။ မည်သည့်ဗန္ဓာဟ်မဆို အလ္လာဟ်အရှင်မြတ်ထံ အစ္စသိခါရဟ်ပြုလုပ်တိုင်း အလ္လာဟ်အရှင်မြတ်သည် မိမိအတွက် ကောင်းသည့်အရာကို စီရင်ဆုံးဖြတ်တော်မူသည်ဟု ခံယူထားရမည်။
လူအများသည် အိစ္စသိခါရဟ်ပြုလုပ်နည်းနှင့် ပတ်သက်၍ နားမလည်ကြ။ အချို့က အစ္စသိခါရဟ် ပြုလုပ်ဖို့အတွက် သီးသန့်နည်းလမ်းနဲ့ ကျင့်ကြံမှုရှိနေတယ်။ ဒါတွင်မကသေးဘူး အိပ်မက်ဆိုတာလည်းလိုတယ်။ အိပ်မက်ထဲမှာ အဲ့ဒီအလုပ်ကို လုပ်ဖို့မလုပ်ဖို့လမ်းညွှန်မှုတွေပေးတယ် ဟုထင်နေကြတတ်သည်။

ကိုယ်တော်မြတ် (ဆွ) သင်ကြားလမ်းညွှန်ပေးတော်မူခဲ့သည့် အစ္စသိခါရဟ်ပြုလုပ်နည်း တွင် အထက်ပါအချက်အလက်များမပါရှိကြောင်းကို ကောင်းစွာနားလည် ထားရန်လိုအပ်အရေးကြီးသည်။

အိစ္စသိခါရဟ်၏အဓိပ္ပါယ်
အိစ္စသိခါရဟ် ဟူသည် အရဗီစာလုံးဖြစ်ပြီး ကောင်းရာကောင်းကြောင်းတောင်းခံခြင်း ဟူသောအဓိပ္ပါယ်ဆောင်ထားသည်။
အလ္လာဟ်အရှင်မြတ်ထံတော်တွင် မိမိအတွက် ကောင်းရာကောင်းကြောင်းတောင်းခံခြင်းကို ဆိုလိုသည်။

အမိုက်ခေတ်က အိစ္စသိခါရဟ် ပြုလုပ်ကြပုံ
အမိုက်ခေတ်သမယရှိ လူများသည် အရေးကြီးသည့်ကိစ္စရပ် (အိမ်ထောင်ရေး၊ စီးပွားရေး၊ ခရီးသွားလာရေး) စသည့်ကိစ္စများနှင့် ကြုံတွေ့လာသည့်အခါမြှားအိမ်မှ မြှားများကိုကောက်ယူကာ အတိတ်နမိတ်ဖွင့်ဆိုသည့်အစဉ်အလာရှိခဲ့ကြသည်။ ထိုမြှားများသည် ကအ်ဗာဟ်ကျောင်းတော်ကြီးကို သန့်ရှင်းရေးပြုလုပ်သူ ထံရှိပြီး ယင်းမြှားများအနက် အချို့တွင် အမရနီရဗ်ဗီ (ကျွန်ုပ်အရှင်က ကျွန်ုပ်အား အမိန့်ပေးသည်။)အချို့တွင် နဟားနီရဗ်ဗီ (ကျွန်ုပ်အရှင်က ကျွန်ုပ်ကို တားမြစ်သည်။) ဟူသော စာတန်းရေးသားထားသည်။ အချို့တွင်မူ မည်သို့မျှရေးသားထားခြင်းမရှိ။ ကအ်ဗာဟ်ကျောင်းတော်အား ခေဒ်မသ်ပြုသူသည် မြားအိတ်ကို လှုပ်၍ အတိတ်နမိတ်ကောက်သူအား ထိုမြားအိတ်ထဲမှ မြားတစ်ချောင်းနှိုက်ထုတ်စေသည်။
အကယ်၍ အမရနီးရဗ္ဗီး (ကျွန်ုပ်အရှင်က ကျွန်ုပ်အား အမိန့်ပေးသည်) ဟုရေးသားထားသည့်မြားထွက်လာသည့် အခါ ထိုသူသည် အလုပ်ကိစ္စအား အစပြုရတော့သည်။ အကယ်၍ နဟားနီးရဗ္ဗီး ကျွန်ုပ်အရှင်က ကျွန်ုပ်အားတားမြစ်သည်)ဟုရေးသားထားသည့်မြားထွက်လာပါက ထိုသူသည်အလုပ်ကို မလုပ်ရတော့။ မည်သို့မျှရေးသားထားခြင်းမရှိသည့် မြားထွက်လာပါက တစ်ဖန်ပြန်လည်၍ နှိုက်စေသည်။ အလ္လာဟ်အရှင်မြတ်က ကျမ်းတော်မြတ်ကုရ်အာန် စူရာမာအိဒဟ် ၏အာယသ်နံပါတ် ၃ တွင် ထိုလုပ်ရပ်ကို ဟရာမ်ဖြစ်ကြောင်း သတိပေးတားမြစ်တော်မူထားသည်။

ဟရာမ်ဖြစ်ခြင်းတွင် အကြောင်းအရင်း နှစ်ခုရှိသည်။
(၁) ထိုသို့သောလုပ်ဆောင်မှုတွင် အခြေအမြစ်မရှိသောကြောင့် အလ္လာဟ်အရှင်မြတ်နှင့် မည်သို့မျှ ပတ်သက်ဆက်နွယ်မှု မရှိခြင်း။
(၂) ကျွန်ုပ်အရှင်က ကျွန်ုပ်အား အမိန့်ပေးသည်၊ ကျွန်ုပ်အရှင်က ကျွန်ုပ်အား တားမြစ်သည် စသည်များသည် အထောက်အထားမဲ့ အလ္လာဟ်နာမတော်အား အလွဲသုံးစားလုပ်ခြင်းသာဖြစ်သည်။
ကိုယ်တော်မြတ် (ဆွ) က မိမိ၏အဆွေတော်များကို ထိုသို့သော အတိတ်နမိတ်ကောက်ခြင်းအစား အစ္စသိခါရဟ်ပြုလုပ်နည်းကို သင်ကြားပေးတော်မူခဲ့သည်။

အစ္စသိခါရဟ်အရေးကြီးလိုအပ်ပုံ
လူ၏အသိဉာဏ်မှာ တိမ်လွန်းလှသည်။ လူသားအနေနှင့် အလုပ်တစ်ခုခု လုပ်ဆောင်လိုသည့်ဆန္ဒဖြစ်ပေါ်လျှင် ထိုအလုပ်သည် မိမိကို အကျိုးပေးမည်။ မပေးမည်။ ရလာဒ်ကောင်း ဖြစ်မည်။ မဖြစ်မည်ကို မတွေးဆ မမှန်းဆတတ်ပဲ သို့လောသို့လောဟူသော သံသယအတွေးတွင်သာ တ၀ဲလည်လည်ဖြစ်နေရတတ်သည်။ ထိုဝဲဂယက်မှ လွတ်ကျွတ်ကာ ယတိပြတ်ဆုံးဖြတ်ချက်ရရှိစေသည့် အစ္စသိခါရဟ်ပြုလုပ်ရန်လမ်းညွှန်ကို ဟဒီးစ်တော်တွင် အတိအလင်းလာရှိပြီးဖြစ်သည်။
အရေးကြီးသည့် ကိစ္စရပ်တစ်ခုခုနှင့် ကြုံကြိုက်ခဲ့သည့်အခါ နမားဇ်နှစ်ရကအသ်ဝတ်ပြု၍ အလ္လာဟ်အရှင်မြတ်ထံတော်တွင် ထိုအလုပ်လွယ်ကူစေရန်နှင့် ယင်းမှအောင်မြင်မှုရရှိရန် ဒုအာတောင်းခံရမည်။

အစ္စသိခါရဟ်၏ထွတ်မြတ်မှု
အစ္စသိခါရဟ်ပြုလုပ်ရန် ဟဒီးစ်တော်အမြောက်အများတွင် အလေးအနက်တိုက်တွန်းထားပေသည်။ အတိုချုံးလိုသဖြင့် ဟဒီးစ်တော် ၃ ပုဒ်သာတင်ပြပါမည်။

(၁) ဟဇ်ရသ်ဂျာဗိရ် သခင်က ပြောပြသည်မှာ တမန်တော်မြတ်က မိမိ၏ အဆွေတော်များအား အစ္စသိခါရဟ်၏ ဒိုအာကို ကုရ်အာန်ကျမ်း၏စူရဟ်များ ကျက်မှတ်ခိုင်းသကဲ့သို့ (ကျက်မှတ်ထားကြရန်) သင်ကြားပေးတော်မူသည်။ (ဗုခါရီကျမ်း)

(၂) ဟဇ်ရသ် စအဒ်သခင်က ဆင့်ပြန်ခဲ့သည်။ တမန်တော်မြတ်က မိန်တော်မူသည်မှာ လူသားတို့၏ ကံကောင်းခြင်းဟူသည် အလ္လာဟ်အရှင်၏ သတ်မှတ်စီမံခြင်းကို ကျေနပ်နှစ်သက်ခြင်း၊ အလ္လာဟ်ထံ အစ္စသိခါရဟ် ကောင်းရာကောင်းကြောင်း တောင်းခံခြင်းပင်ဖြစ်သည်။ လူသားတို့၏ ကံမကောင်းခြင်းဟူသည် အစ္စသိခါရဟ်ဖြင့် အလ္လာဟ်ထံမှ လမ်းညွှန်မှုမခံယူခြင်း၊ အလ္လာဟ်အလိုတော်ဖြစ်သော် လမ်းညွှန်မှုကို မနှစ်သက်ခြင်းပင် ဖြစ်သည်။ (မစ်ရ်ှကားသ်ကျမ်း)

(၃) ဟဇ်ရသ်အနပ်စ်က ဆင့်ပြန်ခဲ့သည်။ ကိုယ်တော်မြတ်သခင်က အစ္စသိခါရဟ်ပြုသူသည် မည်သည့်အခါမျှ အလဟဿအချည်းအနှီးဖြစ်မည်မဟုတ်။ မရ်ှဝါရဟ် တိုင်ပင်ဆွေးနွေးသူသည် မည်သည့်အခါမျှ အရှက်တကွဲဖြစ်မည်မဟုတ် ဟု မိန့်တော်မူထားလေသည်။ (တွဗ်ရာနီကျမ်း)

အစ္စသိခါရဟ်၏ အနှစ်သာရနှင့် အကျိုးကျေးဇူး
အစ္စသိခါရဟ်ပြုရခြင်း၏ အကြောင်းမှာ …
၁။ လူသားသည် မိမိအရှင်သခင်ထံမှ လမ်းညွှန်မှုကို ခံယူရာရောက်ခြင်း၊
၂။ မိမိ၏ ကိစ္စရပ်အား အလ္လာဟ်ထံအပ်နှင်းခြင်းနှင့် အလ္လာဟ်အရှင်မြတ်၏နှစ်သက်မှုကို ခံယူရန်အတွက် အလ္လာဟ်ဘက်သို့ ပြည့်ပြည့်၀၀ အာရုံစိုက်ရောက်စေခြင်း၊
၃။ အလ္လာဟ်အရှင်မြတ်သည် မိမိဗန္ဓဟ် အား ကူညီဆောင်မတော်မူမည်ဖြစ်ခြင်း။
၎။ အလ္လာဟ်ထံမှ ဂရုဏာတံခါးပွင့်၍ ဗန္ဓဟ်အတွက်ကောင်းကျိုးပြုသည့်လမ်း၊ ဖြောင့်ဖြူးစေတော်မူခြင်း တို့ကြောင့်ဖြစ်သည်။
အစ္စသိခါရဟ်၏နောက်ဆက်တွဲအကျိုးကျေးဇူးတစ်ရပ်မှာ လူသားသည် ဖရိရ်ှသာ၏ အရည်အချင်းကို ရရှိသွားပေသည်။ အကြောင်းမှာ အစ္စသိခါရဟ်ပြုသူသည် မိမိ၏ ပင်ကိုဆုံးဖြတ်ချက်ကို အသုံမချပဲ မိမိ၏ကျေနပ်နှစ်သက်မှုကို အလ္လာဟ်အရှင်မြတ်၏အလိုတော်အောက်ဝယ်ထားရှိသည့်အတွက်ပင် ဖြစ်သည်။

အစ္စသိခါရဟ်ပြုလုပ်ရန်အမိန့်
လုပ်ပိုင်သည့်ကိစ္စရပ်များ၌သာ အစ္စသိခါရဟ်ပြုခြင်းသည် စွန္နသ်ဖြစ်သည်။ ဟဒီးစ်တော်များတွင် ယင်းနှင့်ပတ်သက်၍ အလေးအနက်တိုက်တွန်းထားပေသည်။

မည်သည့်ကိစ္စများတွင် အစ္စသိခါရဟ်ပြုရမည်နည်း
အကျိုးပေးခြင်းနှင့် ဆုံးရှုံးနစ်နာခြင်း စုံတွဲနေသည့်ကိစ္စရပ်များ၌ သာ အစ္စသိခါရဟ်ပြုရမည်။ သဘာဝအရဖြစ်စေ ရှရီအသ်တရားတော်အရဖြစ်စေ ယတိပြတ်ကောင်းခြင်း ဆိုးခြင်းပေါ်လွင်နေသည့်ကိစ္စများ အတွက် အစ္စသိခါရဟ်ပြုခြင်းမှာ မပိုင်ပါ။ ဥပမာ နမားဇ်ဝတ်ပြုရန်အတွက် (သို့) မပိုင်သည့်ကိစ္စရပ်တစ်ခုခုအား ကျူးလွန်ရန်အတွက် အစ္စသိခါရဟ်ပြုခြင်းများသည် မပိုင်ပါ။

အစ္စသိခါရဟ်ကိုမည်သူပြုလုပ်ရမည်နည်း
ကျွန်ုပ်တို့၏လူမှုနယ်ပယ်တွင် ကာယကံရှင်ကိုယ်တိုင် အစ္စသိခါရဟ်မပြုလုပ်ပဲ သူတော်စဉ် (သို့) အာလင်မ်တစ်ပါးပါးကို တစ်ဆင့်ခံပြုခိုင်းသည်ကို များသောအားဖြင့်တွေ့မြင်ရတတ်သည်။ အချို့သူတို့သည် မိမိသည် အပြစ်ကျူးလွန်သူဖြစ်၍ အစ္စသိခါရဟ်ပြုလုပ်ရန်မထိုက်၊ အာလင်မ် (သို့) သူတော်စဉ်တစ်ပါးပါးကို အစ္စသိခါရဟ်ပြုလုပ်ခိုင်းရသည်ဟု ယုံကြည်ထားကြသည်။

ရှရီအသ်တရားတော်တွင် အပြစ်ရှိသူ အစ္စသိခါရဟ်မပြုလုပ်ရ၊ သူတော်စဉ်တစ်ပါးပါးကိုသာ အစ္စသိခါရဟ်ပြုလုပ်ခိုင်းရမည်ဟု စည်းကမ်းချက်များ ပြဌာန်းမထားပါ။ ဟဒီးစ်တော်တွင် ကာယကံရှင်ကိုယ်တိုင် အစ္စသိခါရဟ်ပြုလုပ်ရန် တိုက်တွန်းထားသည်။ အစ္စသိခါရဟ်၏ ဒိုအာတွင်ပါရှိသည့် ရွတ်ဆိုမှုအားလုံးသည် ကာယကံရှင်နှင်သာ သက်ဆိုင်နေသည်ကို တွေ့ရမည်။ မိမိသာ ကောင်းရာကောင်းကြောင်းကို တောင်းခံသူဖြစ်သောကြောင့် စွန္နသ်တော်နှင့်ကိုက်ညီကာ အကောင်းဆုံးဖြစ်ရန်အတွက် မိမိကိုယ်တိုင်ပင် အစ္စသိခါရဟ်ပြုလုပ်ရမည်ပင်ဖြစ်သည်။ သို့မှသာ စွန္နသ်တော်အပေါ် လိုက်နာကျင့်သုံးရာရောက်ကာ ကုသိုလ်အကျိုးကိုပါရရှိပေမည်။
ဘာသာရေးကိုင်းရှိုင်းသည့် ပုဂ္ဂိုလ်အား တစ်ဆင့်အစ္စသိခါရဟ်ပြုလုပ်ခိုင်းခြင်းတွင် အပြစ်မဖြစ်ပါ။

အစ္စသိခါရဟ်ပြုလုပ်နည်းနှင့်ဒိုအာ
စွန္နသ်တော်နှင့်အညီ အစ္စသိခါရဟ်ပြုနည်းမှာ "အို အလ္လာဟ်အရှင်မြတ် ကျွန်တော်မျိုးသည် လမ်းနှစ်သွယ်မြင်နေရပါသောကြောင့် ကျွန်တော်မျိုးနှင့် အပ်စပ်သဟဇာတ ဖြစ်မည့်လမ်းကို အရှင်ဆုံးဖြတ်ပေးတော်မူပါဟု " နိယသ်ပြုပြီး (အစ္စသိခါရဟ်၏နိယသ်ဖြင့်) နဖိလ်နမားဇ် နှစ်ရကအသ် ၀တ်ပြုပါ။ နမားဇ်ပြီးနောက် တမန်တော်မြတ် (ဆွ) လမ်းညွှန်သင်ကြားထားသော အစ္စသိခါရဟ်ဒိုအာကို ဖတ်ပါ။ ထိုဒုအာသည် အလွန်ဆန်းကြယ်လှပြီး အရှင့်၏ရစူလ်ကသာ တောင်းခံနိုင်ပါသည်။ သာမာန်လူသားတစ်ယောက်အနေဖြင့် ကြိုးစားအားထုတ်ပြီး အခြားစာသားများဖြင့် တောင်းခံလျှင်လည်း ဤဒိုအာကဲ့သို့ စူးရှထိရောက်မည်မဟုတ်ပါ။


အဓိပ္ပါယ်
အို အလ္လာဟ်အရှင်မြတ် ကျွန်တော်မျိုးသည် အရှင်မြတ်၏ အကြွင်းမဲ့သိတော်မူသော ဉာဏ်ကို အားထားလျှက် အရှင့်ထံတော်မှကောင်းကောင်းကြောင်းကို တောင်းခံပါ၏ အရှင်မြတ်၏ အကြွင်းမဲ့တတ်စွမ်းနိုင် ခြင်းကို အားထားကာ ကျွန်တော်မျိုးအား စွမ်းစောင်နိုင်မှုပေးသနားတော်မူပါရန် တောင်းခံပါ၏ အရှင်မြတ်၏ ကြီးကျယ်မြင့်စွင့်တော်မူသော ကူညီစောင်မမှုများကို မျှော်ကိုးအားထားတောင်းခံပါ၏ မုချဧကန် အရှင်မြတ်သည် အကြွင်းမဲ့စွမ်းစောင်နိုင်တော်မူပါသည်။ ကျွန်တော်မျိုးတွင် တတ်စွမ်းနိုင်ခြင်းမရှိပါ။ ထို့ပြင် အရှင်မြတ်သည် အကြွင်းမဲ့သိတော်မူပါသည်။ ကျွန်တော်မျိုးတွင် အကြွင်းမဲ့သိခြင်းမရှိပါ။ အရှင်မြတ်သည်သာ လျှင် အကွယ်အကာဟူသမျှကို အကြွင်းသိမြင်တော်မူသော အရှင်ဖြစ်ပါသည်။

အို အလ္လာဟ်အရှင်မြတ် အကယ်၍ ဤ အလုပ် (မိမိလုပ်လိုသည့်အလုပ်ကို ရည်စူးရန်) သည် ကျွန်တော်မျိုးအဖို့ ကျွန်တော်မျိုး၏ သာသနာရေး၊ အသက်ရှင်သန်ရေးနှင့် နောင်ရေးကိစ္စများတွင် ကောင်းခြင်းမင်္ဂလာရှိမည်ဟု အရှင်မြတ်သိရှိတော်မူထားပါလျှင် ယင်းကိစ္စကို ကျွန်တော်မျိုးအတွက် ဖြစ်မြောက်စေတော်မူပါ။ လွယ်ကူစေတော်မူပါ။ ထို့နောက်ယင်းကိစ္စတွင် တိုးပွားမှုအဖြာအဖြာ ပေးသနားတော်မူပါ။ အကယ်၍ ဤအလုပ် (မိမိလုပ်လိုသည့်အလုပ်ကို ရည်စူးရန်) သည်ကျွန်တော်မျိုးအဖို့ ကျွန်တော်မျိုး၏ သာသနာရေး၊ အသက်ရှင်သန်ရေးနှင့် နောင်ရေးကိစ္စများတွင် မကောင်းဖြစ်မည်၊ အဆိုးဖြစ်မည်ဟု အရှင်သိရှိတော်မူထားပါလျှင် ယင်းကိစ္စကို ကျွန်တော်မျိုးထံမှ လွှဲဖယ်စေတော်မူပါ။ ထို့ပြင် မည်သည့်နေရာ၌မဆို ကျွန်တော်မျိုးအတွက် ကောင်းခြင်းအပေါင်းကို သတ်မှတ်ပေးတော်မူပါ။ ထို့နောက်ယင်းကိစ္စကို ကျွန်တော်မျိုးအဖို့ အရှင်နှစ်မြို့တော်မူပါ။

(မှတ်ချက်)။ ။ မျဉ်းသားထားသောနေရာတို့တွင် မိမိဆန္ဒထားရှိသော (အိမ်ထောင်ရေး၊ စီးပွားရေး၊ ခရီးသွားလာရေး) စသည်တို့ကို အာရုံပြုလိုက်ပါ။

ရှေးယခင် သူတော်စဉ်ကြီးများက အစ္စသိခါရဟ်ပြုလုပ်ပြီးနောက် သန့်ပြန့်သောအိပ်ယာပေါ်တွင် ကိဗလဟ်ဖက်သို့မျက်နှာမူလျှက် ၀ူဇူဖြင့်အိပ်စက်ရမည်။ အိပ်ရာမှပြန်ထသောအခါ စိတ်အတွင်း၌ အခိုင်အမာပေါ်ပေါက်လာသောအကြောင်းသည် အသင့်အတွက် အကောင်းဆုံးဖြစ်သောကြောင့် ထိုအတိုင်းပင် ပြုလုပ်ဆောင်ရွက်ရမည် ဟု မိန့်ထားသည်။ (ဒီးန်ကီးဗာသီးန်၊ ဟဇရသ်ထာနဝီ)

အစ္စသိခါရဟ်ပြုလုပ်ရန်အချိန်အကန့်အသတ်မရှိ
အချို့လူများသည်ကား ညအိပ်စက်အနားယူသည့်အခါမှသာ (သို့မဟုတ်) အိရှာနမာဇ်ဝတ်ပြုပြီးမှသာ အစ္စသိခါရဟ်ပြုလုပ်ရသည်ဟု လွဲမှားစွာ လှေနံဓါးထစ် သတ်မှတ်ထားကြသည်။ ထိုသို့သတ်မှတ်ဆုံးဖြတ်ထားရန်မလိုပေ။ အခွင့်ကြုံလျှင် ကြုံသည့်အလျောက် အစ္စသိခါရဟ်ပြုခွင့်ရှိသည်။ ည၊ နေ့၊ အိပ်စက်ချိန်၊ နိုးကြားချိန် အစရှိသည့်ကန့်သတ်ချက်များလည်း မရှိပေ။
ညအခါတွင် စိတ်တည်ငြိမ်မှုရှိနေတတ်ကြသောကြောင့် များသောအားဖြင့် ညတွင် အစ္စသိခါရဟ်ပြုလုပ်လေ့ရှိကြသည်။

အချို့လူတို့သည် လုပ်ငန်းဆောင်တာများအတွက် အစ္စသိခါရဟ်ပြုခြင်းကိုသာ အဓိကထားတတ်ကြပြီး အရေးကြီးလှသည့် အမလ်တစ်ခုဖြစ်သည့် မရ်ှဝါရဟ် တိုင်ပင်ဆွေးနွေးမှုကို လက်လွှတ်ထားကြသည်။ ကိစ္စရပ်တစ်ခုခုအတွက် အစ္စသိခါရဟ်ပြုလုပ်လိုသည့်အခါ ထိုကိစ္စနှင့်ပတ်သက်၍ မိမိမိတ်ဆွေများ၊ အကြီးအကဲများ၊ သိနားလည်တတ်ကျွမ်းသူများနှင့်လည်း မရ်ှဝါရဟ် လုပ်ရမည်။ မရ်ှဝါရဟ်လုပ်ခြင်းမှာ ကျမ်းမြတ်ကုရ်အာန်လာ အမိန့်တော်အရဖြစ်သည့်အပြင် ဟဒီးစ်တော်များတွင်လည်း မရ်ှဝါရဟ်လုပ်ကြရန် အတွက် အလေးအနက်တိုက်တွန်းထားတော်မူသည်။

အိပ်မက်ရရန်အဓိကမဟုတ်
အချို့လူတို့သည် အစ္စသိခါရဟ်ပြုလုပ်ပြီးနောက် အိပ်မက် မက်မည်။ အိပ်မက်တွင် ထိုအလုပ်နှင့်ပတ်သက်၍ လုပ်သင့်မလုပ်သင့် လမ်းညွှန်မှုပေးမည်ဟု သိမှတ်ထားကြသည်။ အစ္စသိခါရဟ်ပြု လုပ်လိုက်သည့်အပေါ် အိပ်မက်ရရန် အရေးမကြီးသည့်အတွက်ကြောင့် အိပ်မက်ဖြင့် ထိုအလုပ်လုပ်သင့်၊ မလုပ်သင့် တိတိကျကျသိစေမည်ဟု ယတိပြတ်မှတ်ယူခြင်းများမပြုလုပ်ရန် သတိထားရမည်။ အိပ်မက်ရလိုက ရမည်၊ မရလျှင်လည်း အကြောင်တစ်စုံတစ်ရာမရှိကြောင်း ကောင်းစွာသိရှိထားရမည်။

အစ္စသိခါရဟ်ပြုလုပ်ခြင်း၏ရလဒ်
အစ္စသိခါရဟ်ပြုလုပ်ပြီးနောက် များသောအားဖြင့် ကာယကံရှင်၏စိတ်သည် တစ်ဘက်သို့ အခိုင်အမာရောက်ရှိနေတတ်သောကြောင့် ထိုစိတ်ကူးရရာကို ဦးစားပေးလုပ်ရသည်။ အကယ်၍ လတ်တလောအားဖြင့် စိတ်သည် တစ်ဘက်ဘက်သို့ အခိုင်အမာရောက်ရှိခြင်းမရှိဘဲ ဇဝေဇဝါဖြစ်နေသော်လည်း အလ္လာဟ်အရှင်မြတ်က မိမိနှင့်သဟဇာတဖြစ်သည့်ကိစ္စကို စီရင်ဆုံးဖြတ်တော်မူကြောင့် အစ္စသိခါရဟ်ပြုရကျိုးနပ်ပေပြီ ဟုပညာရှင်အချို့က ဖွင့်ဆိုထားကြသည်။ အစ္စသိခါရဟ်ပြုလုပ်ပြီးနောက် ဗန္ဓဟ်ကိုယ်တိုင်ကပင် စိတ်ကူထင်မှတ်ခဲ့ခြင်းမရှိသော်လည်း မိမိနှင့်သဟဇာတဖြစ်မည့် လိုက်လျောညီထွေမှုရှိသည့် အခြေအနေများ ဖြစ်ပေါ်လာတတ်သည်။

ပမာအားဖြင့် လူတစ်ဦးသည် လမ်းတစ်ခု(သို့) ကိစ္စတစ်ခုကို အလွန်ကောင်းသည်ဟုမှတ်ယူ နေရာမှ ရုတ်တရတ် အတားအဆီးများဆိုက်ရောက်လာလေရာ အလ္လာဟ်အရှင်မြတ်က ဖယ်ရှားပေးတော်မူလိုက်သည်။

အလားတူပင် အစ္စသိခါရဟ်ပြုလုပ်ပြီးနောက် လူသားနှင့် သဟဇာတဖြစ်မည့်ကိစ္စများကို အလ္လာဟ်အရှင်မြတ်က ဖန်တီးပေးတော်မူမည်ဖြစ်၍ လတ်တလောတွင်မူ လူသားသည်ကောင်းခြင်းကောင်းရာ မည်သို့မည်ပုံ မည်သည့်နေရာတွင်ရှိနေသည်ကို သိနားလည်နိုင်မည်မဟုတ်။ အလ္လာဟ်အရှင်မြတ်ကသာ စီရင်ဆုံးဖြတ်သတ်မှတ်ပေးတော်မူပေမည်။

တစ်ခေါက်တည်း အစ္စသိခါရဟ်ပြုလုပ်သည့်အပေါ် ထူးခြားမှုတစ်စုံတစ်ရာလည်းမတွေ့ရှိရ၊ စိတ်၏ရှုပ်ထွေးမှုသံသယသည်လည်း မပျောက်ပြယ်လျှင် ဒုတိယနေ့တါင် တဖန် အစ္စသိခါရဟ်လုပ်ပါ။ ဤနည်းအတိုင်း ခုနှစ်ရက်တိုင်ပြုလုပ်ပါက အင်န်ရှာအလ္လာဟ် မုချဧကန် ထိုအမှုကိစ္စ၏ အကောင်းအဆိုးနှစ်ရပ် ကို ခွဲခြားသိရှိရပါလိမ့်မည်။ (ဒီးန်ကီးဗါသီးန်၊ ဟဇရသ်ထာနဝီ)

ဤသည်သာသင့်အတွက်အကောင်းဆုံးပါ။
အလုပ်ကိစ္စသာ ပြီးမြောက်သွားသည်။ သို့သော် ယင်းအလုပ်ကိစ္စနှင့်ပတ်သက် ၍ ကောင်းခြင်းကောင်းရာဟူ၍လည်းမမြင်ရ စိတ်နှင့်တိုက်ဆိုင်ခြင်းလည်းမရှိသောကြောင့် ဗန္ဓဟ်သည် အလ္လာဟ်အရှင်မြတ်အား အို.. အရှင် ကျွန်တော်မျိုးသည် အလ္လာဟ်အရှင်မြတ်ထံတော်တွင် ထိုအလုပ်ကိစ္စနှင့် ပတ်သက်၍ မရ်ှဝါရဟ်နှင့် အစ္စသိခါရဟ်ပြုခဲ့ပါသော်လည်း ဖြစ်လာသည့်အခြေအနေတွင် ကျွန်တော်မျိုး၏ စိတ်အလိုကျလည်းမဖြစ်၊ ကောင်းရာကောင်းခြင်းဟူ၍လည်း မတွေ့ရပါ။ ဟုစောဒကတတ်တော့သည်။ ဤသို့သောတွေးဆမှု အတွက် ဟဇရသ်အဗ်ဒုလ္လာဟ်ဗင်န်အုမရ် က အိုအမိုက်အမှား သင်သည် မိမိ၏တိမ်ကောလွန်းလှသည့် ဦးနှောက်နှင့်တွေးဆ၍ အလုပ်သည် မိမိနှင့်သဟဇာတမဖြစ်ဟု ပြောနေခြင်းဖြစ်သည်။ လောကအပေါင်း၏ စီမံခံခွဲမှု ဟူသ၍တို့သည် ထိုအရှင်မြတ်၏အသိတော် တွင်သာရှိနေတော်မူသဖြင့် သင့်အဖို့မည်သည့်အရာက ကောင်းသည်၊ မည်သည့်အရာက မကောင်းသည်ကို ထိုအရှင်ကသာ သိတော်မူသောကြောင့် သင်နှင့်သင့်လျော်အပ်စပ်သည့်အရာကို သင့်အတွက်သတ်မှတ်ပေးတော်မူခြင်းဖြစ်သည်။ အလ္လာဟ်အရှင်မြတ်၏ထိုသတ်မှတ်တိုင်းတာ စီရင်ပေးမှုသည် သင့်လျော်ပါမှ သင်ဤဘ၀သက်တမ်းတွင် သိရှိရမည်။ မသင့်လျော်ပါက သင်ဤဘ၀သက်တမ်းတွင် သိရှိနိုင်မည်မဟုတ်ပါ။ နောင်တမလွန်ဘဝသို့ရောက်ရှိကာ အကျိုးနှင့်ကြောင်းကို ခွဲခြားတွေ့ရှိမှ အလ္လာဟ်အရှင်မြတ်ကမိမိအတွက် အကောင်းဆုံးသတ်မှတ်ပေးတော်မူခဲ့ခြင်းဖြစ်ကြောင်း သင်မြင်မည်၊ ဟု အသိပေးထားသည်။

အသင်သည်ကလေးကဲ့သို့ပါ
သာဓကအားဖြင့်တင်ပြရလျှင် ကျွန်ုပ်တို့၏ အဖြစ်သည် မိဘကိုအပူကပ်နေသည့် ကလေးတစ်ယောက်နှင့် မခြားလှပါ။ ကလေးက မိဘကို ဒါစားမယ်၊ ဟိုဟာစားမယ်ဟု ပူဆာသော်လည်း ကလေးတွင် ဥပါဒ်အန္တရာယ်သက်ရောက်မည်ကို စိုးရိမ်သောကြောင့်မိဘအနေနှင့် လိုက်လျောခြင်းမပြုသည်ကို သိနားလည်မှုမရှိသောကလေးက ငါ့မိဘတွေက ငါစားချင်တာကိုမကျွေးဘဲ ခါးလွန်းတဲ့ဆေးတွေတိုက်ပြီး ငါ့ကို မတရားသက်သက်နှိပ်စက်တယ်ဟုထင်တတ်သည်။ ကလေးက သောက်ရသောဆေးဝါးကို မိမိအတွက်ဘေးဟုမှတ်ယူနေတတ်သည်။ သို့သော်အချိန်တန်လူလားမြောက်ပြီးနောက် အလ္လာဟ်အရှင်မြတ်က ၎င်းကိုအသိဉာဏ်ချီးမြှင့်တော်မူလိုက်လျှင် ထိုအချိန်တွင်မှ ကလေးက ငါကတော့ သေမင်းကိုလက်ယပ်ခေါ်ခဲ့ တာ၊ ငါ့မိဘတွေက ငါ့ရဲ့ဘ၀နဲ့ သုခချမ်းသာဖက်ကို ဦးတည်ပေးခဲ့တာပါလား ဟု သိနားလည်လိုက်မည်။ အမှန်စင်စစ်အလ္လာဟ်အရှင်မြတ်သည် မိမိ၏ဗန္ဓဟ်လူသားများအပေါ် မိဘထက်သာပို၍ သနားကြင်နာတော်မူသောကြောင့် မိမိ၏ဗန္ဓဟ်အတွက် နိဂုံးကောင်းမည့်လမ်းကို ရွေးချယ်ပေးတော်မူခြင်းဖြစ်သည်။ ထိုကောင်းခြင်းကောင်းရာကို အလျဉ်းသင့်ပါမှ မိမိ၏ဘဝသက်တမ်းတွင် သိမြင်လာမည်။ သို့မဟုတ်ပါက သိမြင်ခွင့်ရမည်မဟုတ်ပေ။

တမန်တော်မူစာ ၏ ဖြစ်ရပ်မှန်တစ်ခု
ကျွန်တော်သည် ကျွန်တော်၏ ရှိုင်းခ် ဟဇရသ်ဒေါက်တာ အဗ္ဗဒွလ်ဟိုင်းယ် ထံမှ တစ်ခါမှ မကြားဖူး၊ မဖတ်ဖူးသည့်( စာအုပ်တစ်အုပ်တွင် မလွဲမသွေရှိနေမည်မှာ သေခြာပါသည်။) ဖြစ်ရပ်မှန်တစ်ခုကို ဤသို့နားထောင်ခွင့် ရခဲ့သည်။ ဟဇရသ်မူစာ သည်အလ္လာဟ်အရှင်မြတ်နှင့် တူရ်တောင်တွင် စကားဆိုရန်အတွက် ကြွမြန်းစဉ် လမ်းခုလတ်တစ်နေရာတွင် ပုဂ္ဂိုလ်တစ်ယောက်နှင့် ဆုံမိကာ ၎င်းက အိုမူစာ အသင်သည် အလ္လာဟ်အရှင်မြတ်နှင့်စကားပြောဆိုရန် အခွင့်အရေးရရှိသည့်အတွက်ကြောင့် အလ္လာဟ်အရှင်မြတ်၏ရှေ့တော်မှောက်တွင် မိမိ၏လိုအပ်ချက်နှင့် ဆန္ဒများတင်ပြရန်အတွက် ထိုထက်ကောင်းသည့်အခွင့်အရေးအဘယ်မှာရှိမည်နည်း။ ထိုနေရာသို့ရောက်သောအခါ ကျွန်တော့်အတွက် ဒိုအာတောင်းခံပေးပါ။ ကျွန်တော်သည် ဘေးဒုက္ခပေါင်းစုံနှင့် ရင်ဆိုင်နေရပါသည်။ ကျွန်တော့်အပေါ်သို့ တောင်တန်းတစ်ခုပြိုကျနေသည့်အလား ဒုက္ခများကျရောက်နေပါသည်။ ငတ်ပြတ်ခေါင်းပါးခြင်း၏အန္တရာယ်သာမက ပူဆွေးဝမ်းနည်းမှုအသွယ်သွယ်တွင် နစ်မွန်းနေရပါသည်။ ထို့ကြောင့် ကျွန်တော်ငြိမ်းချမ်းသာယာမှုရရန်အတွက် အလ္လာဟ့်ထံ ဒိုအာပြုပေးပါ။ ဟုလျှောက်တင်သဖြင့် တမန်တော်မူစာက ကောင်းပါပြီ၊ အသင့်အတွက် ကျွန်ုပ်ဒိုအာပြုပေးမည်ဟု အတိပြုခဲ့သည်။

ထို့သူ့ကို ငါအရှင်အမြောက်အများပေးလိုက်ပြီ
တူရ်တောင်သို့ ရောက်သောအခါ တမန်တော်မူစာသည် အလ္လာဟ်အရှင်မြတ်နှင့် စကားပြောဆိုတော်မူလေသည်။ မူစာ (အလိုင်) က မိမိအား ဒုအာအတွက် မှာကြားလိုက်သည့် ပုဂ္ဂိုလ်ကို သတိရကာ ထိုသူ့အတွက် အလ္လာဟ်အရှင်မြတ်ထံ ဤသို့ ဒိုအာဆုပန်လိုက်သည်။ အို အလ္လာဟ်အရှင်မြတ် အရှင်မြတ်၏ဗန္ဓဟ်တစ်ယောက်သည် မည်သည့်နေရာတွင် နေထိုင်လျှက်ရှိပါသည်။ သူ့အမည်မှာ မည်သူမည်ဝါဖြစ်ပါသည်။ သူက သူခံစားနေရသော ဒုက္ခများကို အရှင်မြတ်ထံတင်ပြပေးရန်ကျွန်ုပ်အားမှာ ကြားလိုက်ပါသည်။ အိုအလ္လာဟ်… သူသည် အရှင်မြတ်၏ ဗန္ဓဟ်တစ်ဦးဖြစ်ပါ၍ မိမိ၏ဂရုဏာတော်ဖြင့် ထိုသူချမ်းသာသုခနှင့် ငြိမ်းချမ်းမှုရစေရန် ထိုသူ၏ဒုက္ခဟူသရွေ့ကို ဖယ်ရှားပေးတော်မူပါ။ ထို့ပြင်မိမိထံမှ နိအ်မသ်စည်းစိမ်တော်များ ၎င်းအားချီးမြှင့်ပေးသနားတော်မူပါ… ဟုလျှောက်ထားပန်ကြားလိုက်ရာ အလ္လာဟ်အရှင်မြတ်က အို မူစာ ထိုသူ့အားနိအ်မသ်အနည်းငယ် ပေးရမည်လော၊ သို့မဟုတ် များများစားပေးရမည်လော ဟုမေးတော်မူသဖြင့် မူစာနဗီက (အရှင်မြတ်ထံတောင်းခံသည့်နောက် အမြောက်အများသာတောင်းခံမည်)ဟု စဉ်းစားမိကာ အို အရှင်မြတ် နိအ်မသ်တော်များချီးမြှင့်သည့်နောက် အမြောက်အများသာချီးမြှင့်တော်မူလိုက်ပါဟု ပန်ကြားတော်မူလိုက်သည်။ ထိုအခါအလ္လာဟ်အရှင်မြတ်က သို့ဆိုလျှင် ငါအရှင်မြတ်က ထိုဗန္ဓဟ်ကို အမြောက်အများပေးတော်မူလိုက်ပြီဟု မိန့်တော်မူလိုက်သည်။ မူစာနဗီသည် စိတ်အေးသွားကာ ထိုတူရ်တောင်တွင်ပင် မိမိနေရမည့်ရက်နှင့်အမျှ နေထိုင်တော်မူခဲ့သည်။

ဒွန္နယာလောကတစ်ခုလုံးသည်ပင် နည်းလွန်းလှသည်
အလ္လာဟ်အရှင်မြတ်သည် ထိုပုဂ္ဂိုလ်အတွက် ဒိုအာလက်ခံထားတော်မူပြီးဖြစ်ရာ မူစာနဗီသည်တူရ်တောင်မှအပြန် ထိုပုဂ္ဂိုလ်၏ အခြေအနေကို တစေ့တစောင်းလေ့လာရန် အာသီသဖြစ်လာသောကြောင့် ၎င်းနေထိုင်ရာအိမ်သို့သွားရောက်၍ တံခါးခေါက်သည်။ လူတစ်ယောက်ထွက်လာသဖြင့် မူစာနဗီက ကျွန်တော်မည်သူမည်ဝါနှင့် တွေ့ချင်ပါသည်ဟုပြော လိုက်ရာ ထိုသူက သူသေဆုံးသွားတာကြာပြီ ဟုဖြေသဖြင့် မူစာနဗီက အံအားသင့်ကာ သူဘယ်တုံးက ဆုံးတာလဲဟု မေးလိုက်သည်။ ၎င်းက ဘယ်နေ့ဘယ်အချိန်ကဆုံးခဲ့တာပါဟု ဖြေကြားသည်။ မူစာနဗီက ထိုရက်ကို တွက်စစ်ကြည့်လိုက်ရာ ထိုပုဂ္ဂိုလ်အတွက် မိမိဒုအာတောင်းခံပေးပြီး အချိန်အနည်းငယ်ကြာမြင့်ပြီးနောက် သေဆုံးသွားခြင်းဖြစ်သည်ကို သိလိုက်ရတော့သည်။ မူစာနဗီက ဝမ်းနည်းကြေကွဲစွာဖြင့် အို အရှင် ကျွန်တော်မျိုးသည် အရှင်မြတ်ထံ ထိုသူ့အတွက် ငြိမ်းချမ်းသာယာမှုနှင့် နိအ်မသ်စည်းစိမ်ဥစ္စာ ချီးမြှင့်ပါဟု တောင်းခံခဲ့သည့်အပေါ် အရှင်မြတ်က သူ၏ဘ၀သက်တမ်းကို နိဂုံးချုပ်လိုက်ရပါသလား..ထိုအဖြစ်အပျက်ကို ကျွန်တော်မျိုးနားမလည်နိုင်တော့ပါဟု အရှင်မြတ်ထံလျှောက်တင်ခဲ့သည်။ ထိုအခါ အလ္လာအရှင်မြတ်က အို မူစာ ငါအရှင်မြတ်သည် ထိုသူ့အတွက် နေ့အ်မသ်စည်းစိမ်ကို နည်းနည်း (သို့) များများ ချီးမြှင့်ရမည်လော ဟုမေးမြန်းခဲ့ရာ အသင်က များများစားစားချီးမြှင့်တော်မူပါဟု ပြန်လည်ဖြေကြားခဲ့သည် မဟုတ်ပါသလော၊ ငါအရှင်မြတ်ထံတော်တွင် များများစားစား၏ပမာနအောက်ဝယ် ဒွန္ဒယာလောက တစ်ခုလုံးသည် နည်းလွန်းမက နည်းလွန်းလှသည့်အတွက်ကြောင့် နေ့အ်မသ်များများစားစားကို ဒွန္နယာတွင် မည်သို့မျှမရနိုင်၊ များများစားစားတွင် တမလွန်ဘ၀သက်တမ်းနှင့် ဂျန္နသ်သုခဘုံ၏ စည်းစိမ်များသာ အကြုံးဝင်သောကြောင့် ငါအရှင်မြတ်သည် များများစားစားနှင့်ကိုက်ညီသည့် တမလွန်၏နေအ်မသ်စည်းစိမ်များချီးမြှင့်လိုက်ခြင်းပင် ဖြစ်သည် ဟုမိန့်ကြားတော်မူခဲ့သည်။

လူသားသည် မိမိ၏တိမ်ကောလွန်းလှသည့်အသိဉာဏ်ဖြင့် အလ္လာဟ်အရှင်မြတ် စီရင်ဆုံးဖြတ် သတ်မှတ်ထားတော်မူသည့် ကိစ္စရပ်များကို မည်ကဲ့သို့ သိရှိနိုင်မည်နည်း။ ထိုအရှင်ကသာ မည်သည့်ကိစ္စသည် မည်သည့်ဗန္ဒဟ်နှင့် သင့်လျော်အပ်စပ်သည်ကို သိတော်မူလေသည်။ လူသားသည် အချို့အချက် အလက်များကို သာမာန်အမြင်လောက်နှင့်သာကြည့်ကာ အလ္လာဟ်အရှင်မြတ်အပေါ် မကောင်းမြင်၊ အရှင်မြတ်၏စီရင်ဆုံးဖြတ်မှုများကို မကောင်းထင်မြင်ကြသည်။ အမှန်စင်စစ် မည်သည့်အရာက မည်သူ့အတွက် မည်သို့ကောင်း၍ မည်ကဲ့သို့ဖြစ်မည်ကို အလ္လာဟ်အရှင်မြတ်မှအပ မည်သူမျှမသိမမြင်မဆုံးဖြတ်နိုင်ပါ။

ဖြစ်သမျှအကြောင်းအကောင်းချည်း
သူတော်စဉ်တစ်ပါးသည် မိမိဇနီးနှင့်အတူတောထဲတွင်နေထိုင်သည်။ အိမ်၌ပစ္စည်းများသယ်ပိုးရန်အ တွက်မြည်းတစ်ကောင်မွေးထားသည်။ အိမ်ကိုစောင့်ရှောက်ရန်ခွေးတစ်ကောင်ကိုလည်း မွေးထားသည်။ နံနက်စောစော ဖဂျရ်ဆွလာသ်ဝတ်ပြုရန်အတွက် နှိုးဆော်ပေးရန်ဟုရည်ရွယ်ကာ ကြက်ဖတစ်ကောင်ကိုလည်း မွေးထားသည်။ အလ္လာဟ်အရှင်မြတ်၏အလိုတော်ဖြင့် တစ်ရက်တွင် တောတွင်းမှ ဝံပုလွေတစ်ကောင် လာချောင်း၍ကြက်ဖကို ဖမ်းဆီးသွားသည်။ ထိုအခါ ဇနီးဖြစ်သူက နှမြောသဖြင့် ယူကျုံးမရဖြစ်ကာ ငိုလေသည်။ ထိုအခါ သူတော်စဉ်က ဖြစ်သမျှအားလုံးဟာ အလ္လာဟ်အရှင်မြတ်၏အလိုတော်ကြောင့်ဖြစ်သဖြင့် အကောင်းဟူ၍သာ ယူဆသင့်ပါသည် ဟုနှစ်သိမ့်စကားဆိုလေသည်။ ထို့နောက်ရက်အတန်ကြာသောအခါ ခွေးအတစ်ကောင်လာ၍ အိမ်၌မွေးထားသောမြည်းကို သတ်ဖြတ်သွားပြန်သည်။ ဇနီးက နှမြော၍ ငိုပြန်သည်။ ထိုအခါ သူတော်စဉ်က ဖြစ်သမျှအကြောင်း အကောင်းချည်းဖြစ်သဖြင့် မငိုရန်နှစ်သိမ့်စကားဆိုသည်။ ထိုနောက်ရက်အတန်ကြာသောအခါ အိမ်၌မွေးထားသောခွေးလဲ သေသွားတော့၏။ ထိုအခါ ဇနီးက ဝမ်းနည်း၍ ငိုပြန်တော့၏။ ထိုအခါသူတော်စဉ်ကလည်း မငိုရန်နှင့် ဖြစ်သမျှအကြောင်း အကောင်းချည်းဖြစ်ကြောင့် နှစ်သိမ့်စကားဆိုပြန်၏။ ထိုအခါ ဇနီးဖြစ်သူက အားမလိုအားမရဖြစ်ကာ စိတ်အတွင်း၌ ငါ့ရဲ့ခင်ပွန်းကတော့ ဆုံးရှုံးမှုတွေနဲ့ရင်ဆိုင်ကြုံတွေ့နေတာတောင်အကောင်းချည်းပဲပြောနေသည် ဟု တွေးထင်မိ၏။ ထိုသို့ရှိနေရင်း တစ်ရက်သောအခါ ဓားပြတစ်စုသည် အဆိုပါသူတော်စဉ်တို့နေထိုင်ရာ ကွင်းပြင်သို့လာရောက်ပြီး ရှိရှိသမျှသော အိမ်မှပစ္စည်းများကို လုယူသွားကြ၏။ အိမ်ရှိ ယောက်ျားမိန်းမအားလုံးကိုလည်း ကျေးကျွန်ပြုရန် ဖမ်းဆီးချုပ်နှောင်ကာ ခေါ်ဆောင်သွားကြ၏။ အိမ်ရှိ ယောက်ျားမိန်းမအားလုံးကိုလည်း ကျေးကျွန်ပြုရန် ဖမ်းဆီးချုပ်နှောင်ကာ ခေါ်ဆောင်သွားကြ၏။ အဆိုပါကွင်းပြင်ရှိ အိမ်များကို ဓားပြများသိသွားရခြင်း၏ အကြောင်းအရင်းမှာ အိမ်ရှိ ခွေးများ၊ မြည်းများ၊ ကြက်ဖများက မြည်တွန်အော်ဟစ်ကြသောကြောင့် အိမ်၏သဲလွန်စရကာ ၀င်ရောက်လုယက်ကြခြင်းဖြစ်သည်။ သူတော်စဉ်၏ အိမ်တွင် ခွေးလည်းမရှိ၊ ကြက်ဖလည်းမရှိ၊ မြည်းလည်းမရှိသဖြင့် သူတော်စဉ်၏ အိမ်ရှိကြောင်းကို ဓားပြတို့မသိလိုက်သောကြောင့် လွတ်မြောက်သွားကြခြင်းဖြစ်၏။ ထိုအခါ သူတော်စဉ်က ဇနီးသည်အား မိမိကနှစ်သိမ့်စကားဆိုခဲ့သော ဖြစ်သမျှအကြောင်းအကောင်းချည်းပဲ ဟူသောစကား မှန်ကန်ကြောင်းကို ရှင်းပြလေ၏။ ခွေး၊ မြည်း၊ ကြက်ဖများမသေဘဲ ယခုတိုင်ရှိနေပါက ၎င်းတို့ကြောင့် ဓားပြအတိုက်ခံရ ဖမ်းဆီးချုပ်နှောင်ခြင်းခံရမှာ သေချာ၏။

အချုပ်ဆိုရလျှင် အကြင်သူသည် အလ္လာဟ်အရှင်မြတ်၏ လောကီရေးရာ စီမံခန့်ခွဲမှုနှင့် စပ်လျဉ်း၍ အီမာန်သက်ဝင်ယုံကြည်သူဖြစ်ပါက ၎င်းသည် အလ္လာဟ်အရှင်မြတ်၏ အဆုံးအဖြတ် စီမံခန့်ခွဲမှုနှင့် စပ်လျဉ်း၍ မည်သည့်အခါမျှ အံ့သြလိမ့်မည်မဟုတ်ပေ။ စကြဝဠာတစ်ခုလုံးကို စိုးမိုးအုပ်ချုပ်တော်မူသောအရှင်မြတ်၏ စီမံခန့်ခွဲမှုအပေါ် အံ့အားသင့်ခြင်းထက် မိမိနားမလည်နိုင်၊ မမြင်စွမ်းနိုင်သည့်အပေါ် အံ့အားသင့်ထိုက်ပေသည်။ (သဗ်လိဂီဒီးန်ကျမ်း)

အစ္စသိခါရဟ်ပြုလုပ်ပြီးနောက် ပူပင်ကြောင့်ကြရန်မလိုတော့
ဟဇရသ်အဗ္ဗဒွလ္လာဟ်ဘင်န်အုမရ်သခင်က မောင်မင်းတို့အလုပ်တစ်ခုခုအတွက် အစ္စသိခါရဟ်ပြုလုပ် ပြီးသည့်နောက် ပူစရာမလိုတော့ပါ။ အလ္လာဟ်အရှင်မြတ်က အကောင်းဆုံးကိုပဲ စီရင်ဆုံးဖြတ်ပေးတော်မူလိမ့် မယ်။ အဲဒီဆုံးဖြတ်သတ်မှတ်မှုဟာ ကိုယ့်အမြင်မှာ ကောင်းကောင်း မကောင်းကောင်း နောက်ဆုံးမှာတော့ ထာဝရကောင်းခြင်းနဲ့ ဆုံစည်းရလိမ့်မယ်။ အလ္လာဟ်အရှင်မြတ်ရဲ့ အဲဒီအကောင်းဆုံး စီရင်ဆုံးဖြတ်ချက်အတွက် အခြေအနေကိုတော့ ဒီလောကမှာ လက်ငင်းသိရှိရလိမ့်မယ်။ ဒါမှမဟုတ်ရင် နောင်တမလွန်အာခေရသ်မှာ ဗန္ဒာဟ်က အလ္လာဟ်အရှင်မြတ်က ငါနဲ့ သဟဇာတဖြစ်မဲ့ကိစ္စရပ်ကိုပဲ စီရင်ဆုံးဖြတ်သတ်မှတ်ပေးတော်မူခဲ့ပါလား ဟု အဲဒီတော့မှ အိစ္စသိခါရဟ် ရဲ့စူးရှထိရောက်မှုကို သိသွားလိမ့်မယ် ဟုမိန့်တော်မူပေသည်။

အိစ္စသိခါရဟ်ပြုလုပ်သူသည် အကျိုးမဲ့မည်မဟုတ်
ကိုယ်တော်မြတ်က 


မိမိ၏ကိစ္စရပ်များ၌ အိစ္စသိခါရဟ်ပြုသူသည် မည်သည့်အခါမျှ အကျိုးမဲ့ဖြစ်မည်မဟုတ်၊ ၎င်းပြင် မိမိ၏အလုပ်များအတွက် မရ်ှဝါရဟ် တိုင်ပင်ဆွေးနွေးသူသည် မည်သည့်အခါမှ အရှက်တကွဲအကျိုးနည်း မည်မဟုတ်၊ ဟုမိန့်တော်မူထားကြောင်း ဟဒီးစ်တော်တစ်ပါးတွင်လာရှိသည်။

မရ်ှဝါရဟ် တိုင်ပင်ဆွေးနွေးပြီးနောက်မှ လုပ်ဆောင်ခြင်းမလုပ်ဆောင်ခြင်းသည် မရ်ှဝါရဟ်၏ လမ်းညွှန်ချက်နှင့် ညီနေသည့်အတွက် အရှက်တကွဲအကျိုးနည်းမည် မဟုတ်ကြောင်းဆိုလိုခြင်းဖြစ်သည်။

အထက်ပါဟဒီးစ်တော်တွင် ကိုယ်တော်မြတ်က အိစ္စသိခါရဟ်ပြုလုပ်သူသည် မည်သည့်အခါမျှ အကျိုးမဲ့မည်မဟုတ်ဟု မိန့်တော်မူထားသည်။ အိစ္စသိခါရဟ်ပြုသူ၏ နောက်ဆက်တွဲရလဒ်အခြေအနေသည် ယတိပြတ်ကောင်းမည်ဟု ဆိုလိုခြင်းဖြစ်သည်။ အကယ်၍ အလ္လာဟ် အိစ္စသိခါရဟ်ပြုခဲ့သူ၏ နှလုံးသားတွင် မိမိ၏ အလုပ်ကောင်းမွန်ချောမွေ့စွာမဖြစ်ဟု အားငယ်နေရသည့်တိုင် အောင်မြင်မှုကိုမူ မုချရရှိမည်။ ထို့အပြင် မရ်ှဝါရဟ်ဖြင့် အလုပ်လုပ်သူသည် မည်သည့်အခါမျှအရှက်ရမည်မဟုတ်သောကြောင့် လတ်တလောတွင် အလုပ်ပျက်စီးသွားသည့်တိုင် အခြားတစ်ဖက်တွင် မိမိ၏အကြီးအကဲများ မိတ်ဆွေများနှင့် တိုင်ပင်ဆွေးနွေး၍ ပြုလုပ်ခဲ့ခြင်းဖြစ်ပြီး မိမိ၏စိတ်ဆန္ဒသက်သက်ဖြင့် မိမိ၏ကိုယ်စွမ်းသက်သက်ဖြင့် လုပ်ဆောင်ခဲ့ခြင်းမဟုတ်ရုံသာမက ယင်းကိစ္စနှင့် ပတ်သက်၍အလ္လာဟ်အရှင်မြတ်အလိုတူသည့်အတိုင်း နာခံမည် စသည့်မှန်ကန်သည့်ခံယူချက်များကြောင့် စိတ်သက်သာမှုရရှိမည်ပင်ဖြစ်သည်။ ထို့ကြောင့်အလုပ်တစ်ခုခုနှင့် ပတ်သက်၍ လုပ်သင့်၊ မလုပ်သင့် သိလိုလျှင် ဟဒီးစ်တော်တွင် အချက်နှစ်ချက်ကို လုပ်ရန်လမ်းညွှန်ထားသည်။ (၁)၊ အိစ္စသိခါရဟ်ကောင်းရာကောင်းကြောင်းတောင်းခံခြင်း (၂)၊ မရ်ှဝါရဟ် တိုင်ပင်ဆွေးနွေးခြင်း။

အကျဉ်းနည်းဖြင့် အိစ္စသိခါရဟ်ပြုနည်း
အထက်တင်ပြပါ စွန္နသ်တော်နှင့်အညီ အိစ္စသိခါရဟ်ပြုနည်းမှာ အချိန်ရခြင်းအပေါ်ထောက်ရှု၍ အိစ္စသိခါရဟ်၏နိယသ်ဖြင့် နဖိလ်နမားဇ်နှစ်ရကအသ် ဝတ်ပြုကာ အိစ္စသိခါရဟ်ဒိုအာဖတ်ခြင်းဖြစ်ပါသည်။ သို့သော်အရေးပေါ်အလုပ်တစ်ခုပေါ်ပေါက်လာကာ နမားဇ်ဝတ်ပြုရန် ဒိုအာဖတ်ရန်ပင် အချိန်မရပဲ လုပ်မလုပ်ရန် အတွက် ချက်ခြင်းဆုံးဖြတ်ရမည့်အခြေအနေမျိုးတွင်

အို အလ္လာဟ်အရှင်မြတ် ကျွန်တော်မျိုးအတွက် ကောင်းမွန်မှန်ကန်သည့်လမ်းကို ရွေးချယ်ပေးတော်မူပါ။ ဟူသောဒိုအာဖတ်လိုက်ရန် မြတ်နဗီက သင်ပြပေးတော်မူထားသည်။

ကိုယ်တော်မြတ်(ဆွ)ကပင်အလား တူဒိုအာတစ်ပုဒ်ကို သင်ကြားပေးတော်မူထားသေးသည်။ 

အို အလ္လာဟ်အရှင်မြတ် ကျွန်တော်မျိုးအား တရားလမ်းမှန်နှင့် ဖြောင့်မတ်ကောင်းမွန်သည့်လမ်းပေါ်တွင် ထားရှိတော်မူပါ။

ထိုသို့သော မပ်စ်နူးန်ဒိုအာ တစ်ပုဒ်လည်းရှိသေးသည်။ 
အို အလ္လာဟ်အရှင်မြတ် ကျွန်တော်မျိုး၏ နှလုံးသားတွင် စစ်မှန်သည့်လမ်းကို သွတ်သွင်းပေးသနားတော်မူပါ။ 

အရေးပေါ်ဆုံးဖြတ်ရသည့်အခြေအနေမျိုးတွင် ဖော်ပြပါ ဒိုအာများအနက် မိမိနှစ်သက်ရာဒိုအာကို ဖတ်လိုက်ပါ။ အကယ်၍ အရဗီဘာသာဖြင့်မရပါက မြန်မာဘာသာဖြင့် ဤသို့ဒိုအာပြုပါ။
အိုအလ္လာဟ်အရှင်မြတ် ကျွန်တော်မျိုးသည် ဤကိစ္စရပ်နှင့်ပတ်သက်၍ ဝေခွဲမရဖြစ်နေရပါသောကြောင့် ကျွန်တော်မျိုးအား မှန်ကန်သည့်လမ်းကို ညွှန်ပြပေးတော်မူပါ။

နှုတ်လျှာဖြင့် ပြောခွင့်မကြုံသည့်အခြေအနေမျိုးတွင် မိမိ၏စိတ်တွင်းမှပင် အိုအလ္လာဟ်အရှင်မြတ် ကျရောက်နေသော ဤဒုက္ခအခက်အခဲအစား ကျွန်တော်မျိုးအတွက် ကောင်းမွန်သည့်စစ်မှန်သောလမ်းကို အရှင်မြတ်ညွှန်ပြပေးတော်မူပါ။ အရှင်မြတ်ကိုယ်တော်တိုင်လည်း ထိုစစ်မှန်သောလမ်းကို နှစ်သက်တော်မူပါဟု ဆုပန်လိုက်ပါ။

ပါကစ္စတန်နိုင်ငံ မွဖ်သီချုပ်၏ဓလေ့တော်
ကျွန်ုပ်၏ကျေးဇူးရှင် ဖခင်ကြီးပါကစ္စတန်နိုင်ငံမွဖ်သီချုပ် ဟဇရသ်မော်လာနာမွဖ်သီမုဟမ္မဒ်ရှဖီးအ် သခင်သည် မိမိဘဝသက်တမ်းတစ်လျှောက်တွင် အရေးပေါ်ကိစ္စရပ်တစ်ခုခုနှင်ကြုံတွေ့လာ၍ ချက်ခြင်းလက်ငင်းဆုံးဖြတ်ပေးရတော့မည်ဆိုလျှင် ဖခင်သည် ခေတ္တခဏမျက်စိကို မှိတ်ထားလိုက်သည်ကို ကျွန်တော်တွေ့ခဲ့ရပါသည်။ သခင်၏ထိုဓလေ့ကို သိမထားသောသူသည် သခင်ကြီးမည်သည့်အတွက်ကြောင့် ထိုမျက်လွှာပိတ်သည်ကို သိနိုင်မည်မဟုတ်ပါ။ ဖခင်ကြီးသည် မျက်လွှာပိတ်ကာ အလ္လာဟ်ဖက်သို့အာရုံပြု၍ မိမိနှလုံးသားမှ အို အလ္လာဟ်အရှင်မြတ် ကျွန်တော်မျိုးကိုယ်တိုင် ဆုံးဖြတ်ပေးရမည့်ကိစ္စအပေါ် ဇဝေဇ၀ါဖြစ်နေရပါသောကြောင့် အလ္လာဟ်အရှင်မြတ်နှစ်သက်တော်မူသည့်လမ်းကို ကျွန်တော်မျိုး၏နှလုံးသားတွင် ထင်ဟပ်ပေးသနားတော်မူပါ ဟု ဆုပန်နေခြင်းဖြစ်ပါသည်။ ထိုသို့ဖြင့် မိမိ၏နှလုံးသားမှပင် အစ္စသိခါရဟ်ကိစ္စတစ်ခု ပြီးမြောက်စေခဲ့သည်။

ကိစ္စရပ်တိုင်းကို အစမပြုမီအလျင် အလ္လာဟ်အရှင်မြတ်ဘက်တော်သို့အာရုံပြုပါ။
ကျွန်ုပ်၏ရှိုက်ခ် ဟဇရသ်ဒေါက်တာအဗ္ဗဒွဟိုင်းယ်သခင်က အကြင်သူသည် မည်သည့်ကိစ္စကိုမဆို အစမပြုမီအလျင် အလ္လာဟ်ဘက်သို့အာရုံပြုပါက အလ္လာဟ်အရှင်မြတ်သည်ထိုသူ့အား မုချဧကန် ကူညီစောင်မတော်မူမည်ပင်ဖြစ်သည် ဟု မိန့်မှတ်ကာ ဆက်လက်၍ အသင်သည် ထိုခဏတွင် မည်သည်ကို မည်သို့လုပ်လိုက်ကြောင်း အမှုမဲ့အမှတ်မဲ့ဖြစ်နေမည်ဟု မိန့်ပါသည်။ သဘောမှာ အသင်သည်ထိုမျက်စိတစ်မှိတ်မျှတွင် အလ္လာဟ်အရှင်မြတ်ဘက်တော်သို့ အာရုံပြုကာ အလ္လာဟ်နှင့် ဆက်သွယ်ရင်း အလ္လာဟ်အရှင်မြတ်ထံတော်မှ ကောင်းရာကောင်းကြောင်းကို တောင်းခံလိုက်သည်။ မိမိအတွက် လမ်းစစ်လမ်းမှန်ကို တောင်းခံလိုက်သည်။ သို့ဖြင့် သင်သည် စစ်မှန်သည့်လမ်းကို ရရှိရုံသာမက အလ္လာဟ်ဘက်တော်သို့ အာရုံပြုလိုက်သည့်အတွက် ကုသိုလ်အကျိုးစဝါးဗ်ကိုလည်း ရရှိလိုက်မည်။ အလ္လာဟ်အရှင်မြတ်သည် ဗန္ဒာဟ်လူသားမှ ထိုသို့သောအခြေအနေမျိုးတွင် မိမိဘက်သို့အာရုံပြုခြင်းကို အလွန်နှစ်သက်တော်မူသောကြောင့် ကုသိုလ်အကျိုးစဝါးဗ်များပေးသနားတော်မူခြင်းဖြစ်သည်။ ထို့ကြောင့် လူသားသည် အလ္လာဟ်အရှင်မြတ်နှင့် ဆက်သွယ်ရေးကိစ္စကို အကျင့်လုပ်ထားရန်လိုအပ်သည်။ လူသားတစ်ယောက်အဖို့ နံနက်မိုးလင်းမှစ ၍ ညမိုးချုပ်အထိ လုပ်သင့်၊ မလုပ်သင့် ဆုံးဖြတ်ရသည့်ကိစ္စပေါင်း မည်မျှကြုံနိုင်ရမည်ကို မပြောနိုင်ပါ။ အမှတ်မထင် ထိုသို့ကြုံဆုံလာလျှင် ချက်ခြင်းအလ္လာဟ်ဘက်သို့အာရုံပြု လိုက်ပြီး အို အလ္လာဟ်အရှင်မြတ် ကျွန်တော်မျိုး၏ စိတ်တွင်းဝယ် အရှင်နှစ်သက်သည့်ကိစ္စကို ထည့်ပေးသနားတော်မူပါဟု ဒုအာပြုလိုက်ပါ။

အဖြေမပေးမီအလျှင် ဒုအာပြုခြင်း၏ဓလေ့တော်
ဟကီမွလ်အွမ္မသ် ဟဇရသ်မော်လာနာ အရ်ှရဖ်အလီထာနဝီသခင်က တစ်ဦးတစ်ယောက် ကျွန်ုပ်ထံလာရောက်၍ သခင်ကြီးကျွန်တော်စကားတစ်ခွန်းလောက်မေးမြန်းပါရစေဟု ပြောလာသည့်အခါ ကျွန်ုပ်သည် ချက်ခြင်းအလ္လာဟ်အရှင်မြတ်ဘက်သို့အာရုံပြု၍ အို အလ္လာဟ်မေးမြန်းသူအတွက် မှန်ကန်သည့်အဖြကို ကျွန်တော်မျိုး၏နှလုံးသားတွင် ထည့်သွင်းပေးတော်မူပါဟု ဆုပန်လိုက်သည်။ ကျွန်ုပ်သည် ထိုသို့အလ္လာဟ်ဖက်သို့ အာရုံပြုသည့်အကျင့်ကို မိမိဓလေ့စရိုက်ပြုထားပါသည်ဟု မိန့်ကြားပါသည်။

ဤသည်ကိုသာလျှင် အလ္လာဟ်အရှင်မြတ်နှင့်ဆက်သွယ်ခြင်းဟုခေါ်ဆိုပါသည်။ ထို့ကြောင့်အကြောင်းကိစ္စတစ်ခုခုပေါ်ပေါက်လာလျှင် ချက်ခြင်းအလ္လာဟ်ဖက်သို့ အာရုံပြုလိုက်ရမည် ပင်ဖြစ်သည်။ ကျွန်ုပ်၏ရှိုက်ခ် ဟဇရသ်ဒေါက်တာအဗ္ဗဒွလ်ဟိုင်းယ်သခင်က အို မိတ်ဆွေတိုပ မိမိ၏အရှင်မြတ်နှင့် စကားစမြည်ပြောသည့် အလေ့အထလုပ်ကြပါ။ အကြောင်းကိစ္စတစ်ခုခု ပေါ်ပေါက်လာလျှင် ချက်ခြင်းပင် အလ္လာဟ်အရှင်မြတ်ထံတော်မှ အကူအညီတောင်းခံပါ။ အလ္လာဟ်ဘက်တော်သို့အာရုံပြု၍ အလ္လာဟ့်ထံတော်ပါးမှ ဟေဒါယသ်တရားလမ်းမှန်ကို တောင်းခံပါ။ မိမိ၏ ဘဝသက်တမ်းတစ်လျှောက်လုံးတွင် ထိုသို့ပင် အမြဲကျင့်ဆောင်နေလျှင် နှလုံးသားတွင် စက္ကန့်အမျှ အလ္လာဟ့်ဖက်သို့ အာရုံရောက်နေသည့်အရည်အချင်းများ ရရှိသွားမည် ဟုမိန့်ပါသည်။

ဆက်လက်၍ ကျွန်ုပ်တို့အနေနှင့် ရှေးယခင် သူတော်စင်တို့၏ ကြိုးပမ်းမှုများနှင့် ပေးဆပ်မှုများကို မည်သို့ တုပနှိုင်းယှဉ်နိုင်မည်နည်း။ သို့သော်လည်း ကျွန်ုပ်အသင့်အား အကောင်းဆုံးအချက်တစ်ချက်ညွှန်ပြမည်။ ထိုအတိုင်းလိုက်နာကျင့်သုံးပါက အင်န်ရှာအလ္လာဟ် အောင်မြင်ထွန်းတောက်ကာ ပန်းတိုင်သို့ရောက်ရှိမည်မှာ သေချာပါသည်။ ထိုအချက်မှာအလ္လာဟ်အရှင်မြတ်နှင့် တိုက်ရိုက်ဆက်သွယ်လိုက်ခြင်းပင်ဖြစ်သည်ဟု ပြောပြခဲ့ပါသည်။

အို အလ္လာဟ်အရှင်မြတ် ကျွန်ုပ်တို့အားလုံးကို ထိုသိရှိရသည့်သွန်သင်မှုအပေါ် လက်တွေ့လိုက်နာကျင့်သုံးနိုင် သည့်သောက်ဖီးက်စွမ်းအား ပေးသနားတော်မူပါ။ (အာမီးန်)



စွန္နသ်တော်နှင့်အညီ အိစ်သေခါရာပြုလုပ်နည်း စာအုပ်မှ ကူးယူဖော်ပြပါသည်။

ဟောကြားသူ - ဟဇ်ရသ်မော်လာနာ မုဖ်သီ သကီးအုစ်မာနီ - ဒါရွလ်အိုလူးမ် -ကရာချိ
ပြန်ဆိုသူ - မော်လာနာ ဟာဖိဇ် မိုဟမ္မဒ်ဇကီး မဟ်မူဒီ - ကျောင်းဆရာ - ဒါရွလ်အိုလူးမ် - ရန်ကုန်။

အလ္လာဟ်အရှင်မြတ်သည် ကျွန်ုပ်နှင့်တကွ အီမာန်ရှင်တိုင်းကို အိစ်သိခါရဟ် စွန္နသ်တော်အား အကောင်အထည်ဖော်နိုင်ခွင့် ပေးသနားတော်မူပါစေ။ အာမီးန်။

အလ်မုဖီးဒ်
Website: http://aaitee.blogspot.com
Facebook: http://www.facebook.com/almufeed.mm
Email: haroonrangoni@gmail.com
google တွင်ရှာရန် “ အလ်မုဖီးဒ် ” ဟု မြန်မာလိုရိုက်၍ရှာပါ။
မိမိဖုန်းထဲတွင် ပြန်လည်ဖတ်ရှုရန် သိမ်းထားလိုပါက Simple Islam.apk ဖိုင်ကို ဒေါင်းလုတ်ဆွဲပြီး Install လုပ်ထားပါ။