.jpg)
ကျွန်တော်၏ကြာကြာ ဟဇရသ်ကြီးမော်လာနာအိလ်ယားစ်သခင် (ရဟ) (သဗ်လီးဂ်အမီရ်ချုပ်ကြီး)၏ အကြောင်းကို အဗ်ဗီသီကျမ်းတွင် နေရာအတော်များများ၌ ဖော်ပြထားပြီးဖြစ်သည်။ သို့သော် ယခုသခင်ကြီး၏ ရမဇာန်အကြောင်းကို အဓိကထား၍ ဖော်ပြလိုပါသည်။
ကျွန်တော်တို့၏ မျိုးရိုးစဉ်ဆက်မှာ ထုံးစံအတိုင်းပင် အိဖ်သွာရ်ဝါဖြေချိန်မှာပင် စားချင်သမျှအပြီးစားပြီးဖြစ်ကြသည်။ လ္ဘက်ရည်သောက်လေ့သောက်ထလည်း မရှိပါ။ စားစရာဆိုလျှင်လည်း မပြောပလောက်သော အစားကိုသာစားလေ့စားထရှိကြသည်။
ထိုအခိုက် အဘူဒါဝူဒ်ကျမ်းတွင်ရေးသားထားသည့်.. သူတို့၏စားစရာသည် သင့်တို့ဖခင်များစားသည့် ညစာပုံစံမျိုးမဟုတ် ဟူသော အကြောင်းအရာအား ရုတ်တရက်သတိရလိုက်မ်ိသည်။ ထိုအကြောင်းအရာလေးအားသတိရမိ၍ တင်ပြပါရစေ။ နဗီတမန်တော်မြတ် (ဆွလ္လာဟုအလိုက်ဟေဝစ္စလာမ်) က ..."ညအိရှာအ်အချိန်၌ စားဖွယ်သောက်ဖွယ်ရောက်ရှိလာလျှင် ဦးစွာစားသောက်လိုက်ကြ" ဟူ၍မိန့်ကြားခဲ့သည်။ တစ်နေ့ အထက်ပါဟဒီးဆ်တော်နှင့် ပတ်သက်၍ ပုဂ္ဂိုလ်တစ်ပါးက ဟဇ်ရသ်အုမရ်(ရသွီ) သခင်၏သား အစ်ဗ်နု အုမရ်(ရသွီ) သခင်အား ထိုဟဒီးဆ်တော်ကိုဖတ်ရွတ်ပြပြီး တအံ့တသြဖြင့်.. ကျွန်တော်အံ့သြနေတာက အကယ်၍များ ကျွန်တော်တို့ဟာ စားစရာတွေမှာနစ်မွန်းနေရင် ဂျမာအသ်နဲ့နမားဇ်ဖတ်ရမယ့်ကိစ္စတွေ လစ်ဟင်းကုန်မှာပေါ့ဟု တင်ပြမေးမြန်းလေသည်။ ထိုအခါ အိဗ်နုအုမရ်(ရသွီ) သခင်က ထိုသူ့အား.. သူတို့ဆီမှာ စားစရာဆိုလို့ ဘာများရှိခဲ့လို့လည်း .. အသင်ကအသင့်ရဲ့ဖခင်စားနေသလို.. သူတို့စားခဲ့ကြတယ်လို့ ထင်နေသလား ? ဟု ဒေါသကြီးစွာဖြင့်ဖြေကြားခဲ့သည်။ ဆိုလိုသည်မှာ စွန်ပလွန်သီးသုံးလေးငါးလုံးနှင့် စားစရာအနည်းငယ်မျှသာ ရှိတတ်သည်။ ဤမျှလောက်သောအစားကြောင့် ဂျမာအသ်ဖြင့်နမားဇ်အား မည်သို့ထိခိုက်မည်နည်းဟု ဆိုလိုခြင်းဖြစ်သည်။ (ဤသည် ဟဒီးဆ်ကို သဘောပေါက်နိုင်သောပညာမရှိလျှင် လမ်းလွဲနိုင်ခြင်း၏ သာဓကတစ်ခုဖြစ်၏ - ဘာသာပြန်သူ)
ကျွန်တော်၏ ကြာကြာ ဟဇ်ရသ်ကြီး မော်လာနာ အိလ်ယားစ်သခင်၏အခင်းပေါ်ရှိ စားစရာများမှာလည်း အထက်ပါအတိုင်းနီးနီးပင်ဖြစ်သည်။ ဟဇ်ရသ်ကြီးသည် မုန့်တစ်ဝက်ခန့်သာ စားတတ်သည့် အလေ့အထရှိသည်။ ဝါဖြေပြီးလျှင် မဂ်ရိဗ်နမားဇ်ကိုဦးဆောင်၍ဖတ်သည်။ ငယ်ရွယ်စဉ်ကတည်းက မဂ်ရိဗ်ပြီးလျှင် နဖိလ်ရှည်ရှည် ဖတ်လေ့ဖတ်ထရှိသည်။ ရမဇာန်လတွင် အိရှာအ်အဇာန်အချိန်နားထိ နဖိလ်များဖတ်နေလေ့ရှိသည်။ ဤသို့နဖိလ်များဖတ်ပြီးနောက် ဗလီထဲ၌ခေတ္တခါးဆန့်သည်။ နာရီဝက်ခန့် လဲလျောင်းပြီး အိရှာအ်နမားဇ်အတွက်ပြင်ဆင်ပြီး ကိုယ်တိုင်ပင် အိရှာအ်နှင့်သရာဝီဟ်ကိုပါ ရှေ့ဆောင်၍ ဖတ်လေ့ရှိသည်။ သရာဝီပြီးပြီးချင်းပင် အနားယူတတ်သည်။ မည်သူနှင့်မျှတွေ့ဆုံခြင်း၊ စကားစမြည်ပြောဆိုခြင်း မရှိတော့။ ဝိသိရ်နမားဇ်၏ စလာမ်လှည့်ပြီးနောက် ခေါင်းအုံးပေါ်ခေါင်းမတင်မီပင် အိပ်ပျော်သွားတတ်သည်ဟု အကြိမ်ပေါင်းများစွာ ကျွန်တော်ကိုပြောပြဖူးသည်။
ကျွန်တော်က အငတ်ပီပီ ရမ်ဇာန်လတွင် သရာဝီပြီးလျှင် အကြော်အလှော်နှင့်သစ်သီးဝလံကတော့မဖြစ်မနေပါရစမြဲ။ မိတ်ဆွေသင်္ဂဟများကလည်း သစ်သီးဝလံများယူလာတတ်ပြီး အားလုံးနှင့် ဆုံဆည်းချိန်လေးတစ်ခုလည်း ဖြစ်သည်။
ကျွန်တော်ရောက်နေချိန်မျိုးတွင် ဟဇ်ရသ်ကြီးသည်မလွှဲမရှောင်သာ ကျွန်တော်တို့နှင့် အတူပါဝင်ပေးတတ်၏။ ကျွန်တော်ကအားနာ၍ မပါဝင်နိုင်လည်းကိစ္စမရှိကြောင်း ပြောပြသော်လည်း (၁၅)မိနစ် (၂ဝ) မိနစ်ခန့်တော့ ပါဝင်ပေးစမြဲဖြစ်သည်။
ဟဇ်ရသ်ကြီးသည် သရာဝီပြီးအိပ်သည်။ ည(၁၂) နာရီထိုး၌ ပြန်နိုးလာတတ်သည်။ ထိုအခါ တပည့်တစ်ယောက်က ဥပြုတ်နှစ်လုံး ပူပူနွေးနွေးလာချပေးလေ့ရှိသည်။ ယင်းဥပြုတ်စားပြီး သဟဂ်ျဂျုဒ်စဖတ်လေတော့သည်။ စဟ်ရီနောက်ဆုံးအချိန်တွင် စလာမ်လှည့်ကာ စဟ်ရီစားလေ့ရှိသည်။ စဟ်ရီစားလျှင်လည်း အချိန်ကုန်ရန်မည်မျှ နီးကပ်နေသည်ဆိုသော် ညာဘက်လက်တွင်ထမင်းလုပ်ကို ယူရင်း တပည့်တစ်ယောက်ကို ရေခပ်ခိုင်းနေရင်းကပင် နောက်တပည့်တစ်ဦးအား အဇာန်ဆိုရန် ပြင်ဆင်ခိုင်းနေသည်ကို ကျွန်တော်တွေ့ခဲ့ဖူးသည်။ စဟ်ရီစားသောက်ပြီးရုံမျှသာ ရှိသေးသည်။ မုအဇ်ဇင်န်သည်လည်း အပေါ်ရောက်ပြီး အဇာန်စတင် ပေးလိုက်လေတော့၏။ စဟ်ရီတွင်လည်း များများမစားတတ်သဖြင့် အချိန်တိုတိုသာယူ၍ စားသောက်လေ့ရှိသည်။ အဇာန်ဆိုပြီးနောက် ဖဂျရ်၏ပထမအချိန်မှာပင် ဂျမာအသ်ကို ဦးဆောင်ကာ နမားဇ်ဖတ်လေ့ရှိသည်။
ရမဇာန်လတွင် ဖဂျရ်ပြီးတရားဟောပွဲ အစီအစဉ်ထားရှိသည်။ မော်လာနာယူစွဖ်ကဟောပြောသည်။ ဟဇ်ရသ်ကြီးမော်လာနာအိလ်ယားစ်သည် မိမိနမားဇ်ဖတ်ခဲ့သော မုဆွလ္လာဟ်ဂျာနမားဇ်ပေါ်၌ အစ်ရ်ှရားက် အချိန်အထိ ဆက်တိုက်ထိုင်နေပြီး ဖတ်နေကြ ဇိကိရ်ဝဇီဖဟ်များကို ဖတ်ရွတ်နေသည်။ ထိုအချိန်၌ ဝတ်ကြီးဝတ်ငယ် ပြုစုကြသောတပည့်တို့မှာ အနားယူလိုက်ကြသည်။ လိုရင်လိုသလို နိုးနိုးကြားကြားလည်းရှိနေကြသည်။ ဟဇ်ရသ်ကြီးမှာ အိရှိရားက်နမားဇ်ဖတ်ပြီးမှ အနားယူလေ့ရှိသည်။ သို့မဟုတ်လျှင် မေဝါသ်သို့ပြန်မည့် သဗ်လီးဂ်မိတ်ဆွေများအား အမှာစကားပြောခြင်း၊ ရောက်ရှိလာသော ဧည့်သည်တော်များနှင့် စကားစမြည်ပြောခြင်း စသည်တို့ပြုနေတတ်သည်။ ရောက်ရှိလာသော ဧည့်သည်တော်များကို အထူးတလေးတစားဆက်ဆံသည်။ အဆင့်အတန်းရှိသူကို သူ့အဆင့်အတန်းနှင့် ထိုက်တန်သည့်ဂုဏ်ပေး၍ ဆက်ဆံလေ့ရှိသည်။ လိုအပ်ပါက တစ်ကိုယ်ရေဝဇီဖဟ်ကျင့်စဉ်များကိုလည်း ရှေ့တိုးနောက်ဆုတ် လုပ်ပေးလိုက်၏။
ဟဇ်ရသ်ကြီးသည် စိုင်ယိဒ်မျိုးနွယ်ဝင်တိုင်းအား အထူးဂရုစိုက်လေ့ရှိသည်။ ကျွန်တော့်ကိုပါ ထိုသူတို့ကိုဂုဏ်ပေး၍ တလေးတစားဆက်ဆံရန် အကြိမ်ကြိမ်မှာကြားတတ်သည်။ ဤမျှနှင့်မတော်သေး။ မိမိ၏တပည့်များ၊ မူရီဒ်များ၌ စိုင်ယိဒ်ဆိုသူများ၏ မှားယွင်းချွတ်ချော်မှုများအား ဥပေက္ခာပြုလေ့ရှိသည်။ တစ်ခေါက်က ကျွန်တော်သည် မူရီးဒ်တပည့်တစ်ယောက်၏ကိစ္စနှင့် ပတ်သက်၍တိုင်ကြားရာ " အေး .. ငါလည်း သိတယ်။" ဟုဆိုပြီး ထိုသူသည် စိုင်ယိဒ်မျိုနွယ်မှဖြစ်ကြောင်းကို တလေးတစားလေသံဖြင့်ပြောရာ ကျွန်တော်ဘယ်လိုမှ ပြန်မပြောတတ်အောင် ဖြစ်သွားခဲ့ရဖူးသည်။ ရမဇာန်လ၏နေ့လည် နေ့ခင်းတွင် တစ်နာရီခွဲ၊ နှစ်နာရီခန့် အနားယူလေ့ယူထရှိ၏။ ဇုဟုရ်ပြီးတိုင်း မိမိအခန်းတွင်ထိုင်၍ ရောက်ရှိလာသော ဧည့်သည်တော်များနှင့် စကားပြောလေ့ရှိ၏။ အဆွရ်မတိုင်မီအထိ ဧည့်သည်များနှင့် ထိုင်နေတတ်သည်။ ထိုအခိုက်အတန့်တွင် ရမဇာန်လမြတ်နှင့်ပတ်သက်သည့် သင်ခန်းစာများကျန်ရှိနေလျှင် သင်ပေးတတ်၏။ အဆွရ်ပြီးမှ မဂ်ရိဗ်အထိ အသံထုတ်၍ဇိကိရ်ပြုရင်း အချိန်ကုန်လွန်စေ၏။ ရမဇာန်လ မဟုတ်သောရက်များတွင် ဤဇိကိရ်အား ညသန်းကောင်ယံချိန်တွင် ပြုလုပ်လေ့ရှိသည်။ သဟဂ်ျဂျုဒ်ပြီးနောက် နံနက်ဖဂျရ်နမားဇ်အချိန်နားထိပင်ဖြစ်သည်။ ကျွန်တော်၏ ဆရာသခင်အကြီးအကဲများအနက် ဟဇ်ရသ်ကြီးတစ်ယောက်ကိုသာ အသက်ကြီးသည်အထိ ဇိကိရ်ကို အသံထုတ်၍ စွဲစွဲမြဲမြဲ ပြုသွားသည်ကို တွေ့ခဲ့ရသည်။ မကျန်းမမာဖြစ်ခဲ့သည့်နှစ်မတိုင်မီက သပ်စ်ဗီဟ် (၁၂)ရပ်နှင့် အိစ်မိဇာသ်(အလ္လာဟ်၏ဇာသ်တော်နှင့် ပတ်သက်သည့်ဇိကိရ်)ကို ရမဇာန်လမြတ်တွင် အဆွရ်ပြီးမှ မဂရိဗ်အထိဖတ်ပြီး ရမဇာန်မဟုတ်သောလတွင် သန်းကောင်ယံအချိန်တွင် စွဲစွဲမြဲမြဲ ဖတ်လေ့ရှိသည်။
ဟဇ်ရသ်ကြီးသည် တတိယဟဂ်ျအား ရမဇာန်လမြတ်မှစတင်၍ ခရီးထွက်ခဲ့သည်။ မော်လာနာအဘုလ်ဟစံန်အလီနဒ်ဝီသခင်က ဟဇ်ရသ်ကြီး၏အတ္ထုပတ္တိတွင် ယခုကဲ့သို့ရေးသားထားသည်။ ဟဇ်ရသ်ကြီးသည် ဟိဂ်ျရီ(၁၃၅၁)ခုနှစ်တွင် တတိယမြောက် ဟဂ်ျပြုရန်သွားရောက်ခဲ့သည်။ ရမဇာန်လမြတ်၏ စန္ဒာလမင်းအား နိဇာမုဒ္ဒီးန်တွင်ရှိခိုက် တွေ့မြင်ခဲ့ရသည်။ သရာဝီဟ်ကို ဒစ်လ်ဟီ မီးရထားဘူတာတွင် ဟဇ်ရသ်ကြီးကိုယ်တိုင် ဦးဆောင်၍ဖတ်ခဲ့သည်။ ဟဇ်ရသ်ကြီးကိုလိုက်ပို့ကြသူတို့အပြင် ဒစ်လ်ဟီမြို့နေ လူခပင်းတို့လည်းစုမိကြသည်။ အချို့သူများသည် မိမိတို့ကိုယ်စီကိုယ်စီ ဗလီဝတ်ကျောင်းတော်တွင် သရာဝီဖတ်ပြီးမှ ဘူတာသို့ရောက်လာပြီး ဟဇ်ရသ်ကြီးနှင့် အတူ သရာဝီတွင်ပါဝင်ကြပြန်သေးသည်။ ဗလီများတွင်စောစောပြီးသွားခြင်းကြောင့်ဖြစ်သည်။ ဟဇ်ရသ်ကြီး၏ သရာဝီမှာ ဝန်စည်စလယ်များအား နေရာတကျထားနေရခြင်းကြောင့် နောက်ကျမှ စတင်ခဲ့ရသည်။ ဟဇ်ရသ်ကြီးသည် အလီးဖ်..လာ.မ်..မီမ် ပါရဟ်မှစတင်၍ ဖတ်လေ၏။ ရထားနောက်ကျမည်ဖြစ်ကြောင်း သိရှိလိုက်ရ၍ မိမိဗလီ၌ သရာဝီဖတ်သည့်နည်းတူ စိမ်ပြေနပြေဖတ်လေတော့သည်။ ရထားသည်လည်း တစ်နာရီခွဲခန့်နောက်ကျမည် ဖြစ်ကြောင်းသိရှိခဲ့ရသည်။
သဗ်လီးဂ်လုပ်ငန်းအားအချိန်မရွေး၊ နေရာမရွေး၊ စားနေရင်းသောက်နေရင်း၊ အိမ်၌၊ ခရီး၌၊ ရထားဘူတာ၌၊ ရထားတွဲ၌ စသည်ဖြင့် သားအဖနှစ်ဦးလုံး တစိုက်မတ်မတ်ကြိုးပမ်းလေ့ရှိကြသည်။ ယနေ့တိုင် သားဖြစ်သူ မော်လာနာယူစွတ်ဖ်ကိုမီသူ တွေ့ဖူးမြင်ဖူးသူများရှိကြပါလ်ိမ့်မည်။ အချိန်ပြည့် ဤအလုပ်တစ်ခုတည်းကိုသာ ဇောက်ချလုပ်ခဲ့သည်။ ဟဇ်ရသ်ကြီးမော်လာနာအိလ်ယားစ်သခင်သည် အစဉ်အမြဲ ရမဇာန်လမြတ်နှင့်ကြုံကြိုက်တိုင်း ဒအ်ဝသ်လုပ်ငန်းအား အထူးအလေးပေးကာ ကြိုးပမ်းလေ့ရှိ၏။ သဗ်လီးဂ်ဂျမာအသ်များကိုလည်း မေဝါသ်အစား နေဇာမုဒ္ဒီးန်မရ်ကဇ်သို့ခေါ်ယူကာ ထိုမှတစ်ဆင့် နေရာဒေသအသီးသီးသို့ စေလွှတ်လေ့ရှိ၏။ ဒအ်ဝသ်အလုပ်ကို နေဇာမုဒ္ဒီးန်မရ်ကဇ်တွင် ရမဇာန်လ၌ပို၍ ဂရုတစိုက်ထားကာလုပ်ကိုင်လေ့ရှိသည်။
(အလ်မုဖီးဒ်)
