ဆရာသခင်များ၏ ရမဇာန်ကုန်ဆုံးပုံ

ဟဇရသ်ထာနဝီ၏ အဆိုအမိန့်များ 

ဝါဖြေချိန်၌ စားစရာများကို ဖြစ်နိုင်သ၍လျှော့စားပါ ။ သို့မှသာ စဟ်ရီထမင်းကို မြိန်ရည်၊ ယှက်ရည် စားနိုင်မည်။ 

"ကျွန်တော်ကတော့ အပိုပစ္စည်းတွေ - ဥပမာ သရက်သီးလိုသစ်သီးဝလံတွေကို သရာဟ်ဝီပြီးမှပဲ စားတတ်တယ်။ ဒါမှနမားဇ်မှာ လေးလံမှုမရှိဘဲဖတ်နိုင်မယ်။"
သရာဝီဆွလာသ်ပြီးနောက် အိမ်ပြန်ရောက်စဉ် အမျိုးများအား ကုရ်အာန်ထပ်မံရွတ်ဆိုပြပြီးည (၁၂) နာရီခွဲလောက်မှ အိပ်၏။ နှစ်နာရီခွဲလောက်တွင် စဟ်ရီအတွက်ပြန်ထသည်။ နံနက်မိုးလင်းသည်အထိ အိပ်လို့မရတော့ချေ။
သခင်ကြီးမှာ တော်တော်နှင့် အိပ်မပျော်နိုင်သည်ကတစ်ကြောင်း အိပ်တစ်ချက် မအိပ်တစ်ချက်ဖြစ်နေသည်က တစ်ကြောင်း အအိပ်နည်းသည့် အကျင့်ကအမြဲလိုလို ဖြစ်နေသည်။ ည၌ နှစ်နာရီခန့်သာအိပ်နိုင်တော့၏။ "ငါကမအိပ်နိုင်ဘဲနဲ့ အိပ်တယ်လို့သာအခေါ်ခံနေရတယ်။ နည်းနည်းကြိုးစားလိုက်ရင် ညလုံးပေါက်မအိပ်ဘဲ နေနိုင်မယ်" ဟုမိန့်၏။
တစ်ခေါက် ပုဂ္ဂိုလ်တစ်ဦးက "ရမဇာန်လမြတ်တွင် ကျင့်စဉ်များတိုးလုပ်ရာ၌ မြဲမြဲမလုပ်နိုင်ခြင်းအတွက် ဆရာ၏စကားကို သွေဖည်ရာများရောက်နေပါသလား" ဟု မေးရာ သွေဖည်ရာမရောက်၊ အကြောင်းမူကား အစကနဦးတည်းက မြဲမြဲလုပ်မည်ဟု ရည်ရွယ်ချက်မရှိသောကြောင့်ဖြစ်သည်။ ဟဒီးဆ်တော်မြတ်တစ်ခုတွင် နဗီတမန်တော်မြတ် (ဆွလ္လာဟုအလိုင်ဟေဝပ်စလာမ်) ကိုယ်တိုင်ပင် ရမဇာန်လမြတ်တွင် အမလ်ကျင့်စဉ် ပို၍လုပ်လေ့လုပ်ထရှိကြောင်း တင်ပြထားသည် ဟုဖြေကြားလိုက်၏။

မော်လဝီဆွာဟိဗ်တစ်ပါး၏ မျက်မြင်ဖြစ်ရပ်များ 
ယခုနှစ် (ဟစ်ဂျရီ ၁၃၃၇) ခုနှစ်တွင်ကျွန်တော်သည် ထာနဘဝန်၌ နေခဲ့ရ၏။ ရမဇာန်အစမှ အဆုံးအထိ သရာဝီဟ်တွင်ပါဝင်ခွင့်ရလိုက်သည်။ ဟဇ်ရသ်ထာနဝီ ကုရ်အာန်ဖတ်၏။ ဟဇ်ရသ်သည် ကိစ္စတိုင်း၌ စွန္နသ်ကိုလေးထားဆောင် ရွက်သည့်အတွက် ဟဇ်ရသ်နှင့်အတူဖတ်ခဲ့သည့် သရာဟ်ဝီအကြောင်း ရုပ်လုံးဖော်ရေးသား လက်ဆင့်ကမ်းလိုက်ခြင်းဖြင့် ဖတ်မိသူတိုင်းလိုက်နာနိုင်ကြမည်ဟု မျှော်လင့်ပါသည်။

ဟဇ်ရသ်ထာနဝီထံ၌ အိရှာအ်အဇာန်သည် နေဝင်ပြီးတစ်နာရီလေးဆယ့်ငါးမိနစ်ကြာညောင်းပြီးမှ ပေး၏။ တစ်ဖန် တစ်နာရီစောင့်ပြီးမှ ဂျမာအသ်ရပ်၏။ ဖရပ်ဇ်ဆွလာသ်များတွင် ကိရာအသ်ရှည်ရှည်ဖတ်လေ့မရှိ။ များသောအားဖြင့် ဝသ်သီးနိ နှင့်အလမ်သရကိုင်ဖ ဖြစ်သည်။ သရာဟ်ဝီတွင် ဖရပ်ဇ်ဆွလာသ်ထက် အနည်းငယ်ကိရာအသ်မြန်၏။ သို့သော် အက္ခရာစာလုံးတိုင်းကို အသေအချာ ကြားရသည်။ စာလုံးတိုင်းကို နားလည်နိုင်သည်။ အိခ်ဖာ အိဇ်ွဟာရ်ကိုပင် သတိထား၍ဖတ်၏။ ပထမ စစချင်းနေ့၌ တစ်ပါဟ်ရဟ်ခွဲဖတ်ပြီး နောက်ပိုင်းလျှော့လာ၏။ ရိုဇာဟ်(၂၇)တွင် ကုရ်အာန်ခသမ်သိမ်းဖြစ်သည်။ အိရှာအ်၊ သရာဝီဟ်နှင့် ဝိသိရ်အတွက် စုစုပေါင်းအချိန် တစ်နာရီခွဲ သို့မဟုတ် တစ်ခါတစ်ရံ ထို့ထက်လျှော့၏။ (သရ်ဝီယဟ်) လေးရကအသ်ပြီးတိုင်းတွင် ဒရူးဒ်(၂၅)ကြိမ်ဖတ်လေ့ရှိ၏။ တိုးတိုးဖတ်သော်လည်း တစ်ချက်တစ်ချက် အသံထွက်ပေါ်လာတတ်သည်။ ကျွန်တော်က အကြောင်းသိလို၍ မေးရာ ဟဇ်ရသ်က... သရ်ဝီယဟ်မှာဖတ်ဖို့ တိတိကျကျဘာမှဖော်ပြမထားတဲ့အတွက် ဒရူးဒ်ကိုနှစ်သက်လို့ ဒရူးဒ်ဖတ်တာပါ... (၂၅)ခေါက်ဖတ်ရတာကလည်း တစ်ဦးတစ်ယောက်ကိစ္စကြီးငယ်ရှိနေရင် ဒီအချိန်အတွင်းဆောင်ရွက်နိုင်ဖို့ပါ ဟုဖြေကြား၏။ သရာဟ်ဝီပြီး ဒိုအာတောင်းလေ့တောင်းထရှိ၏။ ထို့နောက်ဝိသိရ်ဖတ်၏။ သရာဝီဟ်ခသမ်သိမ်းသည့်ည၌ နေ့စဉ်လုပ်ရိုးလုပ်စဉ်အတိုင်းပင် ထပြန်သွား၏။ မီးလည်းပိုမထွန်း၊ အချိုမုန့်များဝေငှသည်ကိုလည်းမတွေ့ရ။ ကျန်သုံးရက်၏သရာဝီ၌ ပထမ တစ်ရက်တွင် ဝဒ်ဒုဟာမှ စ၍ဖတ်၏။ ဒုတိယရက်တွင် အလမ်သရ မှစ၍ဖတ်သည်။ တတိယရက်တွင် အမ္မာယသစာအာလူန် မှပါရာတစ်ဝက်ခန့်ဖတ်သည်ကို တွေ့ရ၏။

မော်လာနာယဟ်ယာနှင့် ဟဇ်ရသ်ထာနဝီ
ဟကီမုလ်အုမ္မသ် ဟဇ်ရသ်ထာနဝီနှင့် ကျွန်တော့်ဖခင်မော်လာနာယဟ်ယာသည် ခေတ်အခါတူကြပြီး အားမနာတမ်း ဆက်ဆံကြရုံမက တစ်ယောက်နှင့်တစ်ယောက် ရယ်မောပျော်ရွှင်စရာများ ပြောလေ့ရှိကြသူများဖြစ်သည်။ တစ်ခေါက် ရမဇာန်လမြတ်တွင် ကျွန်တော့်ဖခင်က ဟဇ်ရသ်ထာနဝီထံ ဧည့်သည်အဖြစ်ရောက်ရှိသွားသည်။ ထိုအခါ ဖခင်ဖြစ်သူက ဟဇ်ရသ်ဟကီမုလ်အုမ္မသ်အား... "ဝါဖြေဖို့ကိစ္စမှာ ဘယ်လိုများအစဉ်အလာရှိသလဲ" ဟုမေးလိုက်၏။ ဟဇ်ရသ်ထာနဝီက.. အချိန်ပြည့်ပြီး လေး၊ ငါးမိနစ်လောက်ကြာမှ ရှရဟ်ဆဒရ်( စိတ်ထဲမှာစိတ်ချလောက်တဲ့) အချိန်အထိ စောင့်ပြီးမှဖြေတယ်။" ဟုပြော၏။ အခြေအနေအရ ဧည့်သည်ရောက်နေ၍ စားဖွယ်သောက်ဖွယ်များတွင် အထူးအစီအစဉ်များကိုတွေ့ရ၏။ ကျွန်တော့်ဖခင်သည် နာရီကိုကြည့်ပြီး နေဝင်ချိန်ဇယားအရ မိုးကောင်းကင်အပေါ်နေဝင်/မဝင်ကြည့်ပြီး ဝင်သွားကြောင်းစိတ်ချချိန်၌ ဝါဖြေလိုက်ရာ ဖခင်နှင့်အတူပါသူ တပည့်တို့လည်း ဖခင်နှင့်အတူဝါဖြေလိုက်ကြသည်။ ဟဇ်ရသ်ထာနဝီသည် နှစ်မိနစ်ခန့်စောင့်ဆိုင်းပြီး ငါစိတ်ချတဲ့အချိန်ရောက်ရင် အခင်းပေါ်မှာစားစရာဘာတစ်ခုမျှ ကျန်မှာမဟုတ်တော့ဘူး ဟုနောက်ပြောင်ကာ တပည့်များနှင့်အတူဝါဖြေလိုက်လေသည်။ သရာဝီဟ်ဖတ်ပြီးနောက် ဟဇ်ရသ်ထာနဝီက ကျွန်တော့်ဖခင်အား... မော်လာနာ.. စဟ်ရီအတွက် ခင်ဗျားဘယ်လို ဆန္ဒရှိသလဲ ဟုမေးရာ ဖခင်က နောက်နောက်ပြောင်ပြောင်နှင့်...  ကျွန်တော်ကတော့ ရိုဇာဟ်များရလိုက်သလား၊ လွတ်များလွတ်သွားသလားလို့ သံသယဝင်လောက်အောင် စဟ်ရီအချိန်ကပ်တဲ့အထိစားတတ်တယ် ဟုပြောလိုက်သည်။ (အမှန်မှာ စဟ်ရီအချိန်မကုန်မီ နှစ်မိနစ်သုံးမိနစ်အလို၌ လုံးဝအစားအသောက်ရပ်လိုက်ကြစမြဲဖြစ်သည်။) ထိုအခါ ဟဇ်ရသ်ထာနဝီက.. ကျုပ်ကတော့ ဝါချည်ချိန်ထက် တစ်နာရီလောက်စောပြီးစဟ်ရီစားတယ်ဗျ ဟုပြောသည်။ ထိုအခါ ဖခင်က... ဒါဆိုရင်.. ခင်ဗျားလည်း ကို့အချိန်နဲ့ကိုယ်စားလိုက်..ကျွန်တော်လည်းကိုယ့်အချိန်နဲ့ကိုယ်စားမယ်။ တစ်ရက်ခွဲလောက် ရိုဇာဟ်စောင့်နိုင်စွမ်း ကျွန်တော့်မှာ မရှိဘူး ဟုကျီစယ်လိုက်၏။ ဟဇ်ရသ်ထာနဝီက... ဒီလို စားကြလို့ဘယ်ဖြစ်မလဲ...စားမှတော့.. အတူတူတစ်ဝိုင်းတည်းစားမှုာပေါ့...တစ်ရက် ခင်ဗျားကဒုက္ခခံပြီး ကျွန်တော့်ကို လိုက်လျော၊ နောက်တစ်ရက် ကျွန်တော်ကခင်ဗျားကိုလိုက်လျောမယ် ဟုဆိုပြီး ညှိလိုက်ရာ လေးဆယ့် ငါးမိနစ်မတိုင်မီစားပြီး နာရီဝက်ခန့် အလိုတွင်ဝါချည်ရန် သဘောတူလိုက်ကြသည်။ ဟဇ်ရသ်ထာနဝီသည် ဝါဖြေရာ၌ လူစုလူဝေးဖြင့်ဖြေလေ့ဖြေထရှိ၏။ မဂ်ရိဗ်အပြီး အပိုအိဗာဒသ်တို့တွင်ပိုသည် လျော့သည်ဟူ၍ မရှိခဲ့ချေ။ တစ်ပြေးတည်းရှိနေ၏။ အောဝ်ဝါဘီးန် ခြောက်ရကအသ်အမြဲဖတ်လေ့ရှိ၏။ တစ်ခါတစ်ရံ ထိုင်ဖတ်၏။ ကျွန်တော်ကသိလို၍မေးရာ.. မာနမဝင်ဖို့အတွက် တစ်ခါတစ်လေထိုင်ပြီးဖတ်တာပါဟုဖြေ၏။ ဆွလာသ်ဝတ်ပြုနေခိုက် ပန်ကာမဖွင့်။ ကျွန်တော်က အကြောင်းသိလို၍မေးရာ ဟဇ်ရသ်ထာနဝီက... စိတ်က မလိုအပ်လို့ ဟုဖြေ၏။ ကျွန်တော့်အမြင်တွင် ဟဇ်ရသ် ကုရ်အာန်ဒေါရ်(ပြန်လည်အလွတ်ဖတ်ရွတ်ခြင်း) လုပ်သည်ကို မမြင်ခဲ့ရ။ ကျွန်တော် မှတ်မိသလောက်ပြောရလျှင် ဟဇ်ရသ်ထာနဝီသည် ကုရ်အာန်ကိုအမြဲကြည့်ဖတ်လေ့ရှိ၏။ ကုရ်အာန် ကျွမ်းကျွမ်း ကျင်ကျင် ကျက်မှတ်ထားသူလည်းဖြစ်၏။ ကျွန်တော်သည် ဟဇ်ရသ်ထာနဝီနှင့် ကာရီအဗ်ဒုလ်ခါလစ်က်ဆွာဟိဗ်တို့ထက် ကုရ်အာန်ကိုမှတ်မိသူ နောက်ထပ်မတွေ့ခဲ့ရတော့ပါ။ 

မုဟမ္မဒ်ယအ်ကူးဗ် (မဟ်မူဒီ)