၂ ။ အမိဝမ်းတွင်းလောက (ဒါကို အာလမေဒွန္နယာရဲ့ အစလောက လို့ခေါ်ပါတယ်) အဲဒီလောကကို လူ့ဝိညာဉ်တိုင်းဖြတ်သန်းရပါတယ်။ လူ့ ဝိညာဉ်(နာမ်) နဲ့ လူ့ခန္ဓာ (ရုပ်) ပေါင်းစပ်ပေးတဲ့လောက။ အဲဒါ အမိဝမ်းတွင်းမှာဖြစ်ပါတယ်။ အာလမေအရ်ဝါဟ်က ဝိညာဉ်တိုင်းဟာ အမိဝမ်းတွင်း ပဋိသန္ဓေတည်ခြင်းလောကကို ဖြတ်သန်းပြီးမှ လူသားစင်စစ် ဧကန်ဖြစ်ပါတယ်။ (တစ်နည်း ရုပ်နဲ့ နာမ် တွဲမိသွားပါတယ်) အဲသည်လောကမှာ နေခဲ့တဲ့ အချိန်ကာလကို ကာယကံရှင် လူသားက မသိရှိခဲ့ပါ။ အမိဝမ်းတွင်းလောကရဲ့ ပိုင်ရှင်က အလ္လာဟ် (စွဗ္ဗဟားနဟူးဝသအာလာ) ဖြစ်ပါတယ်။
၃ ။ လောကီဘဝလောက (ဒါကို အာလမေဒွန္နယာ) လို့ခေါ်ပါတယ်။ ဒီလောကမှာ လူသားက ရုပ်နဲ့ နာမ်နဲ့ တွဲမိသွားပြီဖြစ်တယ်။ ဒါပေမယ့် သူ့ကိုယ်သူ လူဆိုတာကို မသိသေးဘူး။ မိခင်နဲ့ ဖခင်ရဲ့ နှလုံးသားထဲမှာ အဲသည် လူမမယ် ခလေးလေးအပေါ် ချစ်ခင်တဲ့စိတ်ကို အလ္လာဟ်အရှင်မြတ်က ထည့်ပေးထားတယ်။ ဝိညာဉ်လောက နဲ့ အမိဝမ်းတွင်းလောကမှာ ထိန်းသိမ်းစောင့်ရှောက်လာခဲ့တဲ့အရှင်က အခု လူမမည် ကလေးလေး ဖြစ်နေတဲ့ ရုပ်နဲ့နာမ်တွဲထားတဲ့ လူသားပေါက်စလေးအပေါ်မှာ မိဘ (အုပ်ထိန်းသူ) ကိုသတ်မှတ်ပေးလိုက်ပြီ။ ဒီလိုသတ်မှတ်ပေးပြီးတဲ့နောက် သူတို့အတွင်းမှာလည်း ဒီကလေးလေးအပေါ်မှာ ယုယ ကြင်နာတဲ့စိတ်ကို ထည့်ပေးလိုက်တယ်။ ကလေးလေး လူလားမြောက်လာတော့ Wisdom နဲ့ Knowledge လို့ခေါ်တဲ့ အသိပညာ အတတ်ပညာ အမှန်အမှား ဝေခွဲနိုင်တဲ့ပညာရပ်တွေကို လူသားအချင်းချင်း အမှီသဟဲပြုပြီး တတ်မြောက်စေပြန်တယ်။ လူဖြစ်လာပြီဖြစ်တဲ့ လူသားကို မိမိလုပ်ချင်တာ လုပ်ခွင့်ပေးလိုက်ပါတော့တယ်။ ဒီနေရာမှာလည်း လူကို အချိန်နဲ့နေရာ (Time and Space) ဆိုတဲ့ အကန့်အသတ် (Limitation) ထဲမှာ ထည့်ထားတုန်းပဲ။ လုပ်ချင်တာတိုင်းလုပ်လို့မဖြစ်တဲ့ အနေအထားမှာရှိတယ်။ ဒါပေမယ့် အတော်များများကို လုပ်ခွင့်ပြုလိုက်တယ်။ ဒီလောကကိုလည်း အလ္လာဟ် (စွဗ္ဗဟားနဟူးဝသအာလာ) ပဲပိုင်ဆိုင်တော်မူတယ်။
၎ ။ သင်္ချိုင်းလောက (ဒီလောကကို အာလမေဗရ်ဇခ် - ကြားစခန်း သို့မဟုတ် အာလမေမိစားလ်လို့ခေါ်တယ်။) ဒီလောကမှာ လူသားက ရုပ်ခန္ဓာကို စွန့်ခွာလိုက်ပြီး အာလမေဒွန္နယာကနေ ထွက်ခွာလာခဲ့ပြီ။ ကိုယ်တိုင် မွေးမြူခဲ့တဲ့သက်တမ်းရဲ့ ကောင်းကျိုးဆိုးကျိုးတွေကို ခံစားရတော့မယ်။ ဝိညာဉ်လောကကနေ ကမ္ဘာလောက (လောကီဘဝလောက) ကိုမလာခင်အမိဝမ်းတွင်းမှာ နေရသလိုမျိုး ကမ္ဘာမြေကြီးရဲ့ ဝမ်းတွင်းမှာ ခေတ္တနေရတဲ့သဘော။ အဲဒီလောကကိုလည်း အလ္လာဟ်အရှင်မြတ်ပဲ ပိုင်ဆိုင်တော်မူပါတယ်။
၅ ။ မသေဆုံးတော့မည့် ထာဝရသက်တမ်းလောက (အာလမေအာခိရဟ်) ဒီလောကကတော့ လောကီလောကမှာ လုပ်ခဲ့တာတွေရဲ့ ကောင်းကျိုးဆိုးပြစ်ကို ခံယူရမယ့်လောကသက်တမ်းဖြစ်တယ်။ ဒီလောကမှာ သေခြင်းဆိုတာမရှိတော့ဘူး။ ဝိညာဉ်တိုင်းဟာ ခန္ဓာပြန်ရမယ်။ မိမိရဲ့လောကီသက်တမ်းမှာ လုပ်ခဲ့သမျှ အစားပြန်ရမယ့်လောကဖြစ်တယ်။ အဲဒီလောကမှာ ဂျန္နသ် - ကောင်းမှုအတွက်အစားပေးရာနေရာ နဲ့ ဂျဟန္နမ် - မကောင်းမှုအတွက် အစားပေးရာနေရာ နှစ်ခုပဲရှိမယ်။ ဝိညာဉ်နဲ့ခန္ဓာတွဲဖက် ရရှိခဲ့တဲ့ လူသားတိုင်းအတွက် အဲသည် နှစ်နေရာအနက် တစ်နေရာရရှိဖို့ သေချာတယ်။ အဲသည် အာလမေ အာခိရသ် ကိုလည်း အလ္လာဟ် (စွဗ္ဗဟားနဟူးဝသအာလာ)ကပဲ ပိုင်ဆိုင်တော်မူပါတယ်။
ဒါ့ကြောင့် လူသားတိုင်းဟာ ဘဝလောက ၅ ခုကိုဖြတ်သန်းရပြီး အဲသည် ဘဝလောက ၅ ခုရဲ့ပိုင်ရှင်ဖြစ်တော်မူတဲ့ အလ္လာဟ်အရှင်မြတ် နှစ်သက်ကျေနပ်အောင် နေထိုင်သွားပါက ဂျန္နသ် - အမတသုခဘုံမှာ ထာဝရ ပျော်စံရမှာဖြစ်ကြောင်း သတင်းကောင်းပါးလိုက်ပါတယ်။
(လူသားတိုင်းဟု ဆိုရာတွင် ကမ္ဘာဦးဖခင်ကြီးနဲ့ မိခင်ကြီး တို့သည် အမိဝမ်းတွင်းလောကကို မဖြတ်သန်းခဲ့ရပါ။ ကမ္ဘာလောကသို့ တိုက်ရိုက်ရောက်ရှိခဲ့ပါသည်။)
အိုအလ္လာဟ် တင်ပြသူ- ဖတ်ရှုသူအပေါင်းကို အရှင်မြတ်နှစ်သက် လက်ခံတော်မူသော အအ်မာလ်များလုပ်ဆောင်ပြီးမှ ဤလောကမှရုပ်သိမ်းတော်မူပါ။ အာမီးန်။ ။
(အလ်မုဖီးဒ်)
