အစ္စလာမ်သာသနာဟာ သာသနာဝင်တွေအတွက် တစ်နှစ်မှာ နှစ်ရက်ကို ပျော်ရွှင်စရာ နေ့ရက်တွေအဖြစ် ချီးမြှင့်ထားပါတယ်။ အဲ့ဒီထဲက တစ်ရက်ဖြစ်တဲ့ လမြတ်ရမဇာန်ရဲ့ ရိုဇဟ်ဥပုသ်တွေ အပြည့်အ၀ ဆောက်တည်ပြီးချိန်မှာ ကျရောက်တဲ့ အီးဒုလ်ဖိသိရ်ကိုတော့ အလ္လာဟ်အရှင် သောင်ဖီးက်ပေးလို့ ကျွန်တော်တို့အားလုံးကြုံဆုံခဲ့ပြီး ပျော်ရွှင်ခဲ့ပြီးဖြစ်ပါ တယ်။ အခုတစ်ဖန် ဒုတိယမြောက် ပျော်ရွှင်စရာနေ့ရက်ဖြစ်တဲ့ အီဒုလ်အဒ်ွဟာ လို့ခေါ်တဲ့ ကုရ်ဘာနီ ရက်မြတ်ကတော့ သိပ်မကြာခင်ရောက်ရှိလာတော့မှာဖြစ်ပါတယ်။ အဲ့ဒီရက်မြတ်မှာလည်းပျော်ရွှင်ကြဖို့ အချို့လူတွေ အသင့်ဖြစ်နေပြီး အချို့လူတွေ အသင့်ပြုလုပ်ဆဲဖြစ်ပါတယ်။
လေးစားအပ်တဲ့ မွတ်စ်လင်မ်ညီနောင်များခင်ဗျား—–
ကုရ်ဘာနီရဲ့နောက်ခံသမိုင်းကြောင်းလေးဖြစ်တဲ့ တမန်တော် အီဗရာဟီးမ် (အလိုင်) နဲ့ တမန်တော် အစ္စမာအီးလ် (အလိုင်) တို့ရဲ့ သားအဖ အကြောင်းအရာလေးကတော့ လူကြီးမင်းတို့အားလုံး ကြားဖူးပြီးသားဖြစ်ပါလိမ့်မယ်။ ပြန်ကြည့်မယ်ဆိုရင် အစ္စလာမ်ဆိုတဲ့ သာသနာဟာ ဘယ်ခေတ်မှာ ရောက်ရှိလာလဲ အဲ့ဒီခေတ်ရဲ့ ဓလေ့စရိုက်ဆိုးတွေကို တိုက်ဖျက်ပြီး အဲ့ဒီနေရာမျာ ထာဝရအကျိုးရှိစေမယ့် လုပ်ရပ်ကောင်းတွေနဲ့ အစားထိုးလိုက်ပါတယ်။ တမန်တော် အီဗရာဟီးမ် (အလိုင်) ရဲ့ခေတ်မတိုင်မီက လူတွေဟာ ရုပ်တုတွေ နတ်ဘုရားတွေကို ကိုးကွယ်ကြတယ်။ အဲ့ဒီလိုကိုးကွယ်ရင်းနဲ့ ကိုးကွယ်မှုတွေ လွန်ကဲပြင်းထန်လာပြီး နောက်ဆုံးမှာ လူအရှင်လတ်လတ်ကို သတ်ဖြတ်ကာ ရုပ်တုတွေဆီမှာ ပူဇော်ပသတဲ့အဆင့်ထိရောက်လာကြတယ်။ အင်မတန် ဆိုးရွားပြီးကြောက်စရာကောင်းတဲ့ဒီဓလေ့စရိုက်ဆိုးကြီးကို အစ္စလာမ်သာသနာက ပပျောက်စေခဲ့ပြီး အဲ့ဒီအစား ထာဝရ အကျိုးရှိနေမယ့် ကုရ်ဘာနီဆိုတဲ့ အရာနဲ့ အစားထိုးလိုက်ပါတယ်။ အဲ့ဒီခေတ်အခါက စတင်ခဲ့တဲ့ ကုရ်ဘာနီဟာ အအစဉ်အဆက် ပြုလုပ်လာရင်း ကနေ့ ကျွန်တော်တို့ ခေတ် အထိ ရောက် ရှိလာတာဖြစ်ပါတယ်။ ပြန်ကြည့်မယ်ဆိုရင်လည်း ဒီကုရ်ဘာနီကိုအကြောင်းခံပြီး မြောက်မြားစွာသောလူတွေဟာ အကျိုးအမြတ်တွေရရှိကြပါတယ်။ အနိမ့်ဆုံးအဆင့် ဆင်းရဲသားမိသားစုတစ်စုမှာ ရက်အတန်ကြာအထိ ဟင်းစားလုံလောက်သွားပါတယ်။ ဒါက အနိမ့်ဆုံးအဆင့်ပါ။ ဒီထက်ပိုပြီးတွေကြည့်မယ်ဆိုရင် ကုရ်ဘာနီကြောင့် သားကောင် အရောင်း အ၀ယ်ဈေးကွက်ကြီး၊ အဲ့ဒီမှာဆို ဘာသာခြားတွေတောင်မှာ များစွာစီးပွားဖြစ်ရပြီး နောက်ဆုံး အခွန်အခတွေနဲ့ တိုင်းပြည်အထိမှာ ၀င်ငွေတွေရရှိပါတယ်။
လေးစားအပ်တဲ့ မွတ်စ်လင်မ်ညီနောင်များခင်ဗျား—–
ဒါပေမယ့်လည်းလည်း တစ်ဖက်မှာရှိတဲ့ ကျွန်တော်နဲ့ ဆန့်ကျင်ဖက် ယုံကြည်ကိုးကွယ်သူတွေကတော့ ကျွန်တော်တို့ရဲ့ကုရ်ဘာနီအပေါ် အင်မတန်မှ အမြင်တွေ စူးနေပါတယ်။ အမျိုးမျိုးဝေဖန်တိုက်ခိုက်ကြတယ်။ သူတို့ဟာ သူတို့ယုံကြည်မှုမှာ သတ္တ၀ါတွေကို သနားညှာတာရမယ်ဆိုပြီး သက်သတ်လွတ်တောင်စားကြတယ်။ ဒီတော့ သူတို့နဲ့ ကျွန်တော် တို့နဲ့ကြားမှာ အကွာဟကြီး ကွာဟနေပါတယ်။ သူတို့ကလည်း ကျွန်တော်တို့တွေကို သက်ရှိတွေကိုသတ်တဲ့သူ သတ္တ၀ါတွေအပေါ်မစာနာတတ်တဲ့သူတွေဆိုပြီး အမျိုးမျိုးဝေဖန် ထိုးနှက်ကြတယ်။ သူတို့ အမျိုးမျိုးဝေဖန်တိုက်ခိုက်နေပေမယ့်လည်း တစ်ဖက်မှာ သိပ္ပံကတိုးတက်လာတာနဲ့အမျှ အစ္စလာမ်ရဲ့ အမှန်တရားတွေကို ထောက်ခံပြီး အစ္စလာမ်သာသနာ ရဲ့မှန်ကန်မှုဟာလည်း တစ်နေ့တခြား ပိုမိုပြီး ထင်ရှားလာပါတယ်။ ဒီတော့ ဘာသာခြားတွေရဲ့အထင်လွဲမှားမှု၊ စွတ်စွဲမှုတွေကို ကျွန်တော်တို့ ဘယ်လိုဆွေးနွေးမလဲ။ သူတို့ရဲ့စောဒကတွေကို ကျွန်တော်တို့ ဘယ်လို အဖြေတွေပေးမလဲ။ ဒါကိုဆွေးနွေးမယ်ဆိုရင် အရင်ဆုံးစပြီးစဉ်းစားရမှာက လောကမှာ သက်ရှိဆိုတာဘာလဲ။
သက်ရှိနဲ့ပတ်သက်ပြီးကျွန်တော်တို့သိထားတာက လောကမှာ လူရယ်၊ ကုန်းနေ ရေနေ လေနေ တွင်းနေ သတ္တ၀ါတွေကသာ သက်ရှိတွေ ဆိုတာပါပဲ။ ဒါပေမယ့် ကုရ်အာန်ကျမ်းစာမှ လွန်ခဲ့ တဲ့ နှစ်ပေါင်း ၁၄၀၀ အရင်ကတည်းက အပင်သည်လည်း သက်ရှိဖြစ်ကြောင်း အချို့အာယသ်တော်များ၏ ညွှန်းဆိုမှုအရ သိရှိရပါတယ်။ (ကုရ်အာန် ၆း၉၅ ကြည့်) ခေတ်တွေပြောင်း လဲတိုးတက်ရင်းနဲ့ ဒီဘက်ခေတ်ရောက်တဲ့အခါကြတော့ အပင်သည်သက်ရှိဖြစ်ကြောင်း သိပ္ပံကပါ အထောက်အထားတွေ အမြောက် အများပေးပြီး ပြောဆိုလာကြပါတယ်။ သူတို့ပြောဆိုမှုအရ ကျွန်တော်တို့သိထားတဲ့ သက်ရှိတွေဖြစ်တဲ့ လူ၊ တိရိစ္ဆာန်တို့ရဲ့ ခန္ဓာဖွဲ့စည်းတည်ဆောက်ပုံနဲ့ အပင်ရဲ့ဖွဲ့စည်း တည်ဆောက်ပုံ ဟာ အတော်လေးကို သွားပြီးတော့ ဆင်တူနေပါတယ်။ လူ၊ တိရိစ္ဆာန်တို့ရဲ့ ခန္ဓာကို ပရိုတိုပလာဇမ် ပါဝင်တဲ့ ဆဲလ်တွေနဲ့တည်ဆောက်ထားသလို အပင်ဆီမှာလည်း စတဲ့ ပရိုတိုပလာဇမ် ပါဝင်တဲ့ ဆဲလ်တွေနဲ့ပဲ ဖွဲ့စည်းတည်ဆောက်ထားတာကိုတွေ့ရှိရပါတယ်။ ဒါတင်မကသေးဘဲ သက်ရှိရဲ့ လက္ခဏာ တော်တော်များများဟာလည်း အပင်တွေမှာ ပါရှိနေတာ ကို တွေ့ရှိရပြန်တယ်။ ဥပမာ – nutrition လို့ခေါ်တဲ့ အဟာရပြုခြင်း- အပင်တွေဟာ အမြစ်ကနေ မြေကြီးက အဟာရတွေကိုရယူပြီး အစာချက်ပါတယ်။ respiration အသက်ရှုခြင်း အပင်တွေဟာလည်း ကာဗွန်ဒိုင်အောက်ဆိုဒ်ကိုရှုပြီး အောက်ဆီဂျင်ကို စွန့်ထုတ်ပါတယ်။ growth- ကြီးထွားခြင်း- အပင်တွေဟာလည်း လူနဲ့ တိရိစ္ဆာန်တွေ ကဲ့သို့ ကြီးထွားမှုကိုလည်း ပိုင်ဆိုင်ထားပါတယ်။ Reproduction – မျိုးပွားခြင်း သက်ရှိတွေရဲ့ လုပ်ထုံးတစ်ခုဖြစ်တဲ့ မျိုးပွားခြင်းကိုလည်း အပင်တွေမှာတွေ့ရှိရပြန်တယ်။ life – ဘ၀ သက်တမ်း ရှိခြင်း၊ အပင်တွေဟာလည်း လူတွေတိရိစ္ဆာန်တွေကဲ့သို့ ငယ်ရာမှကြီး၊ ကြီးရာမှအို၊ အိုရာမှသေ အစရှိသည့် ဘ၀သက်တမ်းကိုလည်း ရရှိထားပြန်တယ်။ စတဲ့ အထောက် အထားတွေကို သိပ္ပံပညာရှင်တွေက အကျယ်တ၀င့် လက်တွေ့ကျကျတင်ပြလာတဲ့အခါမှာ အပင်သည် သက်ရှိဖြစ်ကြောင်းကို နယ်ပယ်အစုံမှ လူသားအစုံတို့ဟာ မငြင်းနိုင်ရှာတော့ ပါဘူး။ ဒါကြောင့်လည်းပဲ ကနေ့ အစိုးရကျောင်းတွေမှာ ၅ တန်းမှ စ ၁၀ တန်း အထိကျောင်းသင်ရိုးဖြစ်တဲ့ သိပ္ပံနဲ့ ဘိုင်အို စာအုပ်တွေထဲမှာ အပင်သည်လည်း သက်ရှိဖြစ်ကြောင်းကို သင်ကြားနေရပါတယ်။ နောက်ဆုံး သိပ္ပံလောကမှာ အပင်ရဲ့ အခန်းကဏ္ဍဟာ သီးသန့်ဘာသာရပ်တစ်ခုအဖြစ်ခွဲထွက်လာပြီး ဒီဘာသာရပ်ကို botany လို့ခေါ်ပါ တယ်။ အဲ့ဒီဘာသာရပ်မှာ အပင်ရဲ့ ရှင်သန်မှုအကြောင်းတွေကို အကျယ်တ၀င့်ပါရှိပြီး တက္ကသိုလ်အသီးသီးမှာ သင်ကြားပို့ချနေသလို ဒီဘာသာရပ်နဲ့ ဘွဲ့ရသူတွေလည်း အမြောက် အများရှိနေပါတယ်။
ဒီလောက်ဆိုရင် အပင်သည်လည်းသက်ရှိဖြစ်ကြောင်း လူကြီးမင်းတို့ ကောင်းကောင်းသဘောပေါက်လောက်ပြီထင်တယ်။ သူ့ရဲ့ ရှင်သန်မှုက လူနဲ့ တိရိစ္ဆာန်တွေရဲ့ ရှင်သန်မှုနဲ့ အနည်းငယ်သာ ကွာခြားတာဖြစ်တယ်။ ဒီတော့ သား ငါး မစားပဲနဲ့ ဟင်းသီးဟင်းရွက်၊အသီးအနှံတို့သာ စားသုံးသူကို သက်သတ်လွက် စားတယ်လို့ ခေါ်နိုင်မလားဆိုတာ စဉ်းစားကြည့်ကြပါတော့။ အပင်တစ်ပင်ကို ခုတ်လိုက်တာလည်း သက်ရှိ သတ္တ၀ါကို သတ်လိုက်တာ နာကျင်စေလိုက်တာနဲ့အလားတူပါပဲ။
လေးစားအပ်တဲ့ မွတ်စ်လင်မ်ညီနောင်များခင်ဗျား—–
နောက်တစ်ချက်စဉ်းစားကြည့်ရအောင်၊ တချို့လူတွေက သူတို့ကိုယ်သူတို့ သတ္တ၀ါတွေကို ညှာတာတယ်လို့၊ သူ့အသက်မသက်ဖူးလို့ဆိုပြီး အသီးအနှံတွေ ဟင်းသီးဟင်း ရွက်တွေစားကြတယ်။ ဒီတော့ စဉ်းစားကြည့်ပါ။ ဒီအသီးအနှံတွေ ဟင်းသီးဟင်းရွက်တွေ ဘယ်ကလာလဲ၊ မိုးပေါ်က ကျလာတာမဟုတ်ပါ၊ စိုက်ခင်းထဲကလာပါတယ်၊ စိုက်ခင်းမှာ စိုက်စဉ်တုန်းက ဘယ်လယ်သမားမဆို ရွက်ဖျန်းဆေးသုံးကြတာချည်းပဲ၊ ရွက်ဖျန်းဆေးဆိုတာ အပင်မှာ ကပ်တွယ်နေတဲ့ သီးနှံဖျက်ပိုးတွေ၊ အင်းဆက်ပိုးတွေ ကို သေစေဖို့ အတွက် သုံးတာ၊ ဒီတော့ သက်သတ်လွတ်စားတဲ့သူစားလိုက်တဲ့ ဒီအသီးအနှံတွေ ဟင်းသီးဟင်းရွက်တွေက မြောက်များစွာသော ပိုးမွှားတွေရဲ့အသက်တွေကို စတေးပြီးမှ ဖြစ် လာတာ၊ ဒီတော့ သက်သတ်လွတ်စားတဲ့သူလည်း အသကသတ်ခြင်းဆိုတဲ့ အပြစ်ကနေ ဘယ်နည်းနဲ့မှ မကင်းနိုင်ပါဘူး။
လေးစားအပ်တဲ့ မွတ်စ်လင်မ်ညီနောင်များခင်ဗျား—–
လူသားတိုင်းလူသားတိုင်းဟာ နေ့စဉ်လှုပ်ရှားသွားလာရင်း မရည်ရွယ်ဘဲ အသက်ပေါင်းများစွာကို သတ်မိနေတတ်ပါတယ်။ ဥပမာ ကျွန်တော်တို့တွေ အသက်ရှုကြတယ်။ လေထဲမှာ မမြင်နိုင်တဲ့ ရောဂါပိုးမွှားပေါင်းမြောက်မြားစွာပါကြတယ်။ ဒီရောဂါပိုးမွှားတွေဟာ ကျွန်တော်တို့ရဲ့ အသက်ရှုလမ်းကြောင်းထဲကိုဝင်ရောက်လာကြပါတယ်။ ဒါပေမယ့် ကျွန်တော်တို့ အသက်ရှုလမ်းကြောင်းမှာပါရှိတဲ့ ရောဂါကာကွယ်မှုစနစ်က ဒီပိုးမွှားပေါင်းမြောက်မြားစွာကို သေစေလိုက်ပါတယ်။ ဒီအတိုင်းပဲ ရေတွေထဲမှာ လည်း ရောဂါပိုးမွှားတွေပါကြပါတယ်။ သာမန်လူ့မျက်စိနဲ့မမြင်တွေ့နိုင်ပါဘူး။ မိုက်ခရိုစကုပ်နဲ့ကြည့်မှသာ တွေ့မြင်နိုင်မှာဖြစ်ပါတယ်။ ဒီရေကို ကျွန်တော်တို့ ကြိုချက်ကြတယ်။ ဆန်နဲ့ရောပြီး ထမင်းဖြစ်အောင်တည်ကြတယ်။ အဲ့ဒီကိစ္စတွေမှာလည်း ပိုးမွှားပေါင်းမြောက်မြားစွာရဲ့ အသက်တွေ သေကြေဆုံးရှုံးရတာပါပဲ။ ဒီတော့ သူ့အသက်သတ်ခြင်းကနေ ကင်းတဲ့သူဆိုတာ လောကမှာရှိနိုင်ပါဦးမလား။
လေးစားအပ်တဲ့ မွတ်စ်လင်မ်ညီနောင်များခင်ဗျား—–
တစ်ခါတစ်ခါ အသက်သတ်ခြင်းဟာ ရည်ရွယ်ချက်အပေါ်မူတည်ပြီး ကုသိုလ်ရစေမယ့်ကိစ္စပင် ဖြစ်လျင်ဖြစ်နေတတ်ပါတယ်။ ဥပမာ – တရားသူကြီးက တရားရုံးမှာ တရားစီရင်တဲ့အခါ တရားခံကို လိုအပ်လို့ သေဒဏ်ပေးသင့်ရင်ပေးရမှာပါပဲ။ ဒီအခါ တရားသူကြီးကို သွားပြီးတော့ သတ္တ၀ါတွေကို သတ်လို့ ငရဲကျမယ့်သူလို့ပြောမလား။ပြောမယ်ဆိုရင် လောကမှာ တရားသူကြီးလုပ်မယ့်သူလည်းမရှိ တရားရုံးတွေလည်းရှိတော့မှာမဟုတ်ဘဲ အမှုအခင်းတွေပိုပြီးများလာတော့မှာပေါ့။ ဒီအတိုင်းပဲ နိုင်ငံတိုင်းနိုင်ငံတိုင်းမှာ ကာကွယ်ရေး တပ်မတော် ဆိုတာရှိတယ်။ ဒီတပ်မတော်ဟာ တိုင်းပြည်ကို ကျူးကျော်လာတဲ့ရန်သူတွေကို သုတ်သင်ရှင်းလင်းမှာပဲ။ အဲ့ဒီအခါ တိုင်းသူပြည်သားတွေက ဒီတပ်မတော် သားတွေ ကို ကျေးဇူး တင်မလား။ သူများအသက်သတ်တဲ့သူတွေဆိုပြီး ၀ိုင်းဝန်းကဲ့ရဲ့ကြမှာလား။ လူကြီးမင်းတို့ပဲ စဉ်းစားကြည့်စမ်းပါ။
အစ္စလာမ်ဟာ အယူမသီး အစွန်းမရောက်တဲ့ သဘာဝတရားနဲ့ကိုက်ညီတဲ့သာသနာဖြစ်တယ်။ အစ္စလာမ်မှာ လိုအပ်ရင် စစ်တိုက်ခွင့်လည်းရှိတယ်။ ကိုယ့်ကို ကျူးကျော်လာတဲ့ ရန်သူကိုလည်း ပြန်လည် ချေမှုန်းသတ်ဖြတ်ခွင့်လည်းရှိတယ်။ လူတွေကို ခက်ခဲသွားစေအောင် အစ္စလာမ်က အမိန့်ပေးထားခြင်း၊ စေခိုင်းထားခြင်းမျုး လုံးဝလုံးဝမရှိပါဘူး။
လေးစားအပ်တဲ့ မွတ်စ်လင်မ်ညီနောင်များခင်ဗျား—–
အလ္လာဟ်အရှင်မြတ်ဟာ သက်ရှိတွေကို စတင်ဖန်ဆင်းကတည်းက လိုအပ်သလို ပုံစံချဖန်ဆင်းထားပြီးသားဖြစ်ပါတယ်။အဲ့ဒီထဲမှာ သွားရဲ့စနစ်ကလည်းတစ်ခု အပါအ၀င်ပါပဲ။ ဘယ်သတ္တ၀ါကို ဘယ်လိုအစားအစာ စားစေချင်သလဲ။ အဲ့ဒီ သတ္တ၀ါကို အဲ့ဒီအစားအစာနဲ့ လိုက်ဖက်တဲ့ သွားစနစ် အစာချေစနစ်ပါ ပြုလုပ်ဖန်ဆင်းပေးထားတာ ကျွန်တော်တို့ရဲ့ မျက်မြင်ပါပဲ။ သွားစနစ် အစာချေစနစ်တွေဟာ ငါးမှာ ပုံစံတစ်မျိုး၊ တီကောင်မှာ ပုံစံတစ်မျိုး၊ မိကျောင်းမှာပုံစံတစ်မျိုး၊ နွားမှာ ပုံစံတစ်မျိုး၊ ကျားမှာ ပုံစံတစ်မျိုး စသဖြင့်တွေ့မြင်ရမှာပါ။ သတ္တ၀ါတွေကလည်း သူတို့ရဲ့သွားစနစ် အစာချေစနစ်နဲ့ကိုက်ညီတဲ့ အစားအသောက်ကိုပဲစားသုံးကြပါတယ်။ လူသားကို အလ္လာဟ်အရှင်မြတ်က သားငါးဟင်းသီးဟင်းရွက် အစုံကို စားလို့ရတဲ့ သွားစနစ် အစာချေစနစ်ကို ဖန်ဆင်းထားရှိပေးထားပါတယ်။ တကယ်တမ်းကြည့်ရင်လည်း လူသားဟာ အစားအသောက်အစုံကို စားသောက်ဖို့လိုအပ်ပါတယ်။ ခန္ဓာကိုယ် သင့်တင့်မျှတဖို့ ကစီဓာတ်၊ အဆီဓါတ်၊ ဗီတာမင်၊ သတ္တု၊ ပရိုတင်း၊ ရေဓါတ်တို့ လိုအပ်ပါတယ်။ ဒီတော့ ရောဂါကာကွယ်နိုင်ဖို့ ဗီတာမင်၊ သတ္တု ဓါတ်တို့လိုအပ်ပါတယ်။ ဒီဓါတ်တွေကို ဟင်းသီးဟင်းရွက်တွေကနေရမှာဖြစ်ပါတယ်။ ခန္ဓာကိုယ်ကြီးထွားဖို့ ပရိုတင်းဓါတ်လိုအပ်ပါတယ်။ ဒီဓါတ်ကိုတော့ အသားကနေရရှိမှာဖြစ်ပါတယ်။ ဒါကြောင့် လူဟာ အသားကို လည်းစားသုံးဖို့ လိုအပ်ပြန်ပါတယ်။
လေးစားအပ်တဲ့ မွတ်စ်လင်မ်ညီနောင်များခင်ဗျား—–
ကျွန်တော်တို့အစ္စလာမ်သာသနာမှာ သားကောင်ကို အလ္လာဟ်အရှင်မြတ်၏နာမတော်ဖြင့် အစ္စလာမ့်နည်းကျ ဇဗဟ်လုပ်ထားမှသာ စားသုံးခွင့်ရှိတာပါ။ အလိုအလျောက် သေသွားတဲ့သတ္တ၀ါ၊ အစ္စလာမ့်နည်းအတိုင်းမဟုတ်ဘဲ၊ တခြားပုံစံနဲ့ လည်မျိုလိမ်ချိုးပြီးဖြစ်စေ၊ ဦးခေါင်းကိုထုရိုက်၍ဖြစ်စေ သတ်ထားတဲ့ သတ္တ၀ါတွေကိုလည်း စားသုံးခွင့် လုံးဝမရှိပါ။ အစ္စလာမ့်နည်းကျသားကောင်လှီးဖြတ်ခြင်းကို အချို့သူများက အပ်ါယံကြည့်ပြီး သားကောင် အပေါ် ရက်စက်လွန်းလှတယ်။ ကြမ်းကြုတ်လွန်းလှ တယ် ဆိုပြီး ဝေဖန်ကြ ပါတယ်။ အမှန်တကယ် လေ့လာကြည့်တဲ့အခါမှာတော့ အစ္စလာမ့်နည်းကျသတ်ဖြတ်ခြင်းကသာလျင် သားကောင်ကိုလုံးဝ နာကျင်မှုမရှိဘဲ သေဆုံး ရခြင်းဖြစ် ပဲဖြစ်ပါတယ်။ အစ္စလာမ့်နည်းကျ သားကောင်သတ်ဖြတ်ပုံဟာ သားကောင်ရဲ့လည်ပင်းကို အင်မတန် ထက်တဲ့ဓါးနဲ့ လှီးဖြတ်ရပါတယ်။ လှီးဖြတ်ရာမှာလည်း သတ်မှတ်ထား တဲ့ အကြောများ ကိုသာပြတ်အောင် လှီးရတာပါ။ လည်းပင်တစ်ခုလုံး ပြတ်အောင် မလှီးရပါဘူး။ အဲ့ဒီလိုလှီးလိုက်တာနဲ့ သားကောင်ရဲ့ လည်ပင်းအရေပြားဟာ ကွဲထွက်သွားပြီး လည်မျိုပြတ် ကာ သွေးများဝေါ ကနဲထွက်လာပါတယ်။ ဒီဖြစ်စဉ်ဟာ ၅ စက္ကန့်လောက်အတွင်းမှာဖြစ်တာပါ။ အဲ့ဒီလို သွေးတွေထွက်လာတာနဲ့ သားကောင်ဟာ သတိလစ်သွားပါတော့ တယ်။ သူဟာ ရုန်းသာရုန်းနေပေ မယ့် သတိမရှိတော့ပါဘူး။ အရေပြားကို စလှီးဖြတ်ပြီး လည်ပင်းကြီးဟက်တက်ကွဲပြီး သွေးတွေ ထွက်လာတဲ့အထိ သားကောင်ဟာ နာတဲ့ဒဏ် မခံစားရသေးပါဘူး။ ဒီဖြစ်စဉ်ဟာလည်း အရမ်းလျင်မြန်စွာ ၅ စက္ကန့်မျှအတွင်းမှာ ပြီးသွားတာဖြစ်တယ်။ ဒါဟာ ဘာနဲ့ ပမာ တူလဲဆိုရင် ကျွန်တော်တို့ တစ်ခါတစ်ခါ ခန္ဓာကိုယ်မှာ ထိခိုက်ရှနာဖြစ်တဲ့အခါ ချက်ချင်းမှာ သွေးပူနေ တဲ့အတွက် နာတဲ့ ဒဏ်ကို မခံစားရဘူး။ တအောင့်လောက်နေမှ သူ့ဟာသူ ဖြေးဖြေးချင်း နာလာတာ ဖြစ်တယ်။ သားကောင်ကလည်း ဒီအတိုင်းပဲ ။ သွေးပူနေစဉ် ၅ စက္ကန့်လောက် အတွင်းမှာ ဖြစ်တဲ့ဖြစ်ရပ်အပေါ် နာကျင်မှုဒဏ် မခံစားရသေးပါဘူး။ ဒီနောက်ပိုင်းသွေးတွေ ဝေါခနဲ ထွက်လာတာနဲ့ သားကောင်ဟာ သတိမေ့သွား ပါတယ်။ သွေး ထွက်လွန်ရင် လူတောင် သတိမေ့တာပါပဲ။ သားကောင်ဟာ သူ့ဒဏ်ရာ တကယ်နာကျင်လာတဲ့အချိန်မှာ သူသတိမေ့နေတဲ့အတွက် နာကျင်မှုဒဏ်ကို မသိလိုက်ပါ ဘူး။ မေ့ဆေး ထိုးထားသလိုပါပဲ။ ဒီနောက်ပိုင်းမှာ သားကောင်ဟာ အချိန်အတန်ကြာအထိ ဆန့်ငင်ဆန့်ငင်ဖြစ်ပြီး အကြောတက်နေမယ်။ ဒီအချိန်မှာလည်း သွေးတွေဟာ မကုန်မချင်း ထွက်နေတဲ့ အတွက် ပြန်လည် သတိဝင်လာစရာ အကြောင်းမရှိတော့ပါဘူး။ ဒီလိုဖြစ်နေချိန်မှာ ကျွန်တော်တို့ဟာ ဘေးကနေရပ်ကြည့်ပြီး သားကောင်ငြိမ်ပြီးအသက်ထွက်သွား တဲ့အထိ စောင့်ကြည့်နေရမယ်။ အလျင်လိုပြီး အပြီးသေစေလိုက်တာမျုိး လုံးဝ မလုပ်ရဘူး။ ဘာကြောင့်လဲဆိုရင် ဒီလို ဆန့်ငင်ဆန့်ငင်ဖြစ်ပြီး အကြောတက်တာ ဟာ အင်မတန်ကောင်း တဲ့ ကိစ္စဖြစ်တယ်။ ဒါဟာ သားကောင်ဟာ သူ့ခန္ဓာကိုယ်ထဲမှာရှိတဲ့ သွေးအကြွင်းအကျန်တွေကို ညှစ်ထုတ်နေတာဖြစ်တယ်။ သွေးတွေ လုံးဝကုန်သွားရင် အင်မတန် သန့်ရှင်း လတ်ဆတ်တဲ့ အသားကိုရရှိမှာဖြစ်ပါတယ်။ သွေးဟာ အင်မတန် ညစ်ပတ်ပါတယ်။ သွေးထဲမှာ ရောဂါပိုးမွှားပေါင်း မြောက်မြားစွာ ပါလို့ပါပဲ။ သားကောင်တွေ မှာ သွေး ဟာ သေသွားတာနဲ့ ချက်ချင်း ခဲသွားတတ်ပါတယ်။
အစ္စလာမ့်နည်းကျ လှီးဖြတ်တဲ့အခါ သားကောင်ဟာ သွေးပူနေစဉ်မှာပဲ သူ့ကိုယ်ထဲမှာ ရှိသမျှသွေးအားလုံး ကို သူ့ဟာသူ ညှစ်ထုတ်လိုက်ပါတယ်။ အဲ့ဒီအခါ ကျန်းမာရေးနဲ့ အင်မတန်ညီညွတ်တဲ့အသားကိုစားရတာပေါ့။ အစ္စလာမ့်နည်းကျ မဟုတ်ဘဲ အခြားနည်းနဲ့သေရတဲ့၊ အသတ်ခံရတဲ့ သတ္တ၀ါတွေဟာ ကျန်းမာရေးနဲ့ ညီညွတ်မှုမှာ အင်မတန်အားနည်းသွားပါတယ်။ ဒါကြောင့်လည်း ကနေ့ အနောက်တိုင်း ပညာရှင် အားလုံးက အစ္စလာမ့်နည်းကျ သတ်ဖြတ်မှုသာလျင် မေ့ဆေး ထုံဆေး မလိုဘဲ သားကောင်ကို မနာကျင်စေသော သတ်ဖြတ်မှုဖြစ်ကြောင်းနဲ့ ကျန်းမာရေးနဲ့ အညီညွတ်ဆုံေးသာ အသားကို ရရှိစေကြောင်း တစခဲနက် ထောက်ခံလာပါတော့တယ်။
လေးစားအပ်တဲ့ မွတ်စ်လင်မ်ညီနောင်များခင်ဗျား—–
ကျွန်တော်တို့ အစ္စလာမ်သာသနာဟာ အင်မတန်မှ စည်းစနစ်ကျတဲ့ သာသနာ၊ ပြီးပြည့်စုံတဲ့ သာသနာဖြစ်ပါတယ်။ သာသနာက ညွှန်ကြားတဲ့ ကိစ္စတွေကလည်း အခုလို လူသားတွေ အတွက် အကျိုးရှိစရာ ချည်းတွေပါပဲ။ ဒါဟာ လွန်ခဲ့တဲ့ နှစ်ပေါင်း ၁၄၀၀ အရင်ကတည်းက တမန်တော်မြတ်ကြီး မုဟမ္မဒ်သခင် (ဆွ) သင်ကြားပေးခဲ့တာ ဖြစ်ပါတယ်။ အချို့သူတွေဟာ အစ္စလာမ်ကို အပေါ်ယံကြည့် ဝေဖန်နေတာဖြစ်ပါတယ်။ အတွင်းကျကျလေ့လာကြည့်လိုက်တဲ့အခါမှာ အစ္စလာမ်ရဲ့ ပြီးပြည့်စုံတဲ့ အနှစ်သာရတွေကို တွေရှိရမှာ ဖြစ်ပါတယ်။ ကြီးကျယ်မြင့်မြတ်မှန်ကန်တော်မူသော အလ္လာဟ်အရှင်မြတ် ကျွန်တော်တို့ အားလုံးကို အစ္စလာမ်၏ အနှစ်သာရများကိုနားလည်ပြီး သာသနာ့ အမိန့်ပညတ်ချက်များကို အပြည့်အ၀ လိုက်နာဆောက်တည်နိုင်သည့် သောဝ်ဖီးက်စွမ်းအား ချီးမြှင့်ပေးသနားတော်မူပါစေ။
အာမီးန်
(အလ်မုဖီးဒ်)
