ဂျုမုအဟ် (သောကြာနေ့) ၏ ထူးကဲမြင့်မြတ်မှု

၁။ တမန်တော်မြတ် (ဆွ)က ဂျုမုအဟ်နေ့တွင် အချိန်တစ်ချိန်ရှိသည်။ မွတ်စ်လင်မ်တစ်ဦးသည် ယင်းအချိန်၌ အလ္လာဟ်အရှင်မြတ်ထံ
ဒိုအာတောင်းခံမှုပြုလျှင် ၎င်း၏ဒိုအာကို လက်ခံကဗူလ်ပြုတော်မူမည်ဖြစ်သည်ဟု မိန့်တော်မူသည်။
(ဗုခါရီ၊ မွတ်စ်လင်မ်ကျမ်း)

မှတ်ချက်။ သောကြာနေ့တွင် ဒိုအာလက်ခံကဗူလ်ပြုသော အချိန်နှင့် စပ်လျဉ်း၍ အဆိုအမျိုးမျိုးလာရှိသည်။ ကျော်ကြားသောအဆို (၂)ခုမှာ
(က) အိမာမ်ရှေ့ဆောင် ခွသ်ဗာဟ်ပေးရန် မင်မ်ဗရ်ပေါ်တတ်သောအချိန်မှစ၍ ဂျုမုအဟ်နမာဇ် အဆုံးသတ်သည့်အချိန်အတွင်း၊ (သို့သော် ခွသ်ဗာဟ်ပေးနေချိန်အတွင်း ဒုအာမပြုရ)
(ခ) အစွရ်နမာဇ်ဝတ်ပြုပြီးအချိန်မှ စ၍ နေဝင်ချိန်အတွင်း။
၂။ တမန်တော်မြတ် (ဆွ)မိန့်တော်မူသည်။ မည်သည့်အီမာန်ရှင်မဆို ဂျုမုအဟ်နေ့ သို့မဟုတ် ဂျုမုအဟ်ည၌ သေဆုံးခဲ့သော် ထိုသူသည် ကဗရ်၏အဇားဗ်မှ လွတ်ကင်းပြီး ကိယာမသ်နေ့၌ ရှဟီးဒ်ဟူသော ဘွဲ့တံဆိပ်ခပ်နှိပ်ခံရသောအဖြစ်နှင့် ရှင်ပြန်ထရမည်။
၃။ ဂျုမုအဟ်နေ့သည် နေ့များအနက် အမြင့်မြတ်ဆုံးဖြစ်သည်။ အရှင်မြတ်က အာဒမ်(အလိုင်)ကို ဂျုမုအဟ်နေ့၌ ဖန်ဆင်းတော်မူခဲ့သည်။ ဂျုမုအဟ်နေ့၌ပင် အာဒမ်သခင်အား ဂျန္နသ်အတွင်းသို့ သွတ်သွင်းတော်မူခဲ့၏။ ဂျုမုအဟ်နေ့၌ပင် ဂျန္နသ်မှ လောက မြေပြင်သို့ ပို့ဆောင်ခြင်းခံခဲ့ရသည်။ ဂျုမုအဟ်နေ့၌ပင် ကိယာမသ်ရောက်ရှိလာမည်။ (မွတ်စ်လင်မ်ကျမ်း)
၎။ ဂျုမုအဟ်နေ့၌ ရေချိုးခြင်းဖြင့် လူသား၏ အပြစ်ဂုနာဟ်များသည် (ကိုယ်ခန္ဓာရှိ အမွှေးအမှင်တိုင်းကို အမြစ်မှ နှုတ်ပြစ်သကဲ့သို့) ပလပ်သွားလေသည်။(သွစ်ဗ်ရာနီကျမ်း)

ဂျုမုအဟ်နေ့နှင့်ပတ်သက်သည့်အချို့သောကျင့်စဉ်များ
စူရဟ်ကဟဖ်ဖတ်ခြင်း
တမန်တော်မြတ်(ဆွ)မိန့်တော်မူသည်။ ဂျုမုအဟ်နေ့၌ စူရဟ်ကဟဖ်ဖတ်လျှင် ဖတ်သူ၏ ခြေထောက်မှစ၍ မိုးကောင်းကင်အထိ (နာမ်ပိုင်းဆိုင်ရာ)လင်းဝင်းမှုရှိမည်။
ဂျုမုအဟ်နှစ်ခုကြား အလယ်၌ ကျူးလွန်မိသော ဂုနာဟ်များကို ခွင့်လွှတ်ချမ်းသာပေးတော်မူမည်။
(အိဗ်နုမာဂျာဟ်)
အိမာမ်မွတ်စ်လင်မ်(ရဟ)က ဆင့်ပြန်သည်မှာ အကြင်သူသည် စူရဟ်ကဟဖ်၏ အာယသ် ၁၀ ခုကို အာဂုံကျက်မှတ်လျှင် ၎င်းနောက် ဖတ်ရွတ်လျှင် ထိုသူသည် ဒတ်ဂ်ျဂျာလ်၏ ပြဿနာမှ ထိန်းသိမ်းစောင့်ရှောက်ခြင်းခံရမည်။
အကြင်သူသည် ဂျုမုအဟ်နေ့၊ ဂျုမုအဟ်နမာဇ်ဖတ်ပြီး စူရဟ်ဖာသိဟဟ်၊ စူရဟ်အိခ်လားစွ်၊ စူရဟ်ဖလပ်က်၊ စူရဟ်နားစ်တို့ကို (၇) ကြိမ်စီဖတ်လျှင် ရှိသမျှမွတ်စ်လင်မ်အမျိုးသား၊ အမျိုးသမီးတို့၏ အရေအတွက်နှင့် အညီ အလ္လာဟ်အရှင်မြတ်က ကုသိုလ်စဝါးဗ်ပေးသနားတော်မူမည်။ ဂျုမုအဟ်နမာဇ်ဖတ်ပြီးနောက် စူရဟ်အိခ်လားစွ်၊ ဖလပ်က်၊ နားစ် ဟူသောစူရာ (၃)ပုဒ်ကို ဖတ်လျှင် အလ္လာဟ်အရှင်မြတ်က ထိုသူ့အား ရှေ့လာမည့် ဂျုမုအဟ်နေ့အထိ မကောင်းခြင်းဟူသမျှမှ စောင့်ရှောက်တော်မူမည်ဟု လာရှိသည်။

အလ်မုဖီးဒ်

Website:        http://aaitee.blogspot.com

Facebook:      http://www.facebook.com/almufeed.mm

Email:           haroonrangoni@gmail.com

google တွင်ရှာရန် “ အလ်မုဖီးဒ် ” ဟု မြန်မာလိုရိုက်၍ရှာပါ။ မိမိဖုန်းထဲတွင် ပြန်လည်ဖတ်ရှုရန် သိမ်းထားလိုပါက Simple Islam.apk ဖိုင်ကို ဒေါင်းလုတ်ဆွဲပြီး Install လုပ်ထားပါ။