ဟဇရသ်အုဆ်မန်း (ရသွိယလ္လာဟုအန်ဟု) ၏ မိန့်ခွန်းများ

- "မော့သ်"ဆိုတဲ့ သေခြင်းတရားကို အမှန်ဟုသိရှိပြီး လောကတွင် ရယ်မောသူကိုအံ့သြမိသည်။

- ဒွန္နယာကိုပျက်စီးမည့်အရာဟု သိရှိပြီးနောက် ဒွန္နယာကို မက်မောသူကို အံ့သြမိသည်။

- (သက္ကဒီးရ်) အကောင်း အဆိုးဟူသမျှသည် အရှင့်ဘက်တော်မှ ဖြစ်သည်ဟု ယုံကြည်သော်လည်း မိမိထံမှ ခွဲခွာသွားသော အရာအတွက် ၀မ်းနည်းသူကို အံ့သြမိသည်။

- စာရင်းအင်းစစ်ဆေးခံရမည်ကို သိရှိပါလျက် အပြစ်ကျူးလွန်သူကို အံ့သြမိသည်။

- အရှင်မြတ်သည်ကို ယုံကြည်ပါလျက် အခြားသူအပေါ် ယုံကြည်ကိုးစားသူကို အံ့သြမိသည်။

- "ဂျန္နသ်"ကို အမှန်ပင်ရှိသည်ဟု ယုံကြည်ထားပါလျက် ဒွန္နယာတွင် သာယာမှုကို ရှာဖွေသူကို အံသြမိသည်။

- ရှိုင်သွာန်ကို ရန်သူဟု သိထားပါလျက် ရှိုင်သွာန်ဒအနွံအတာကို ခံသူကို အံ့သြမိသည်။

- ပညာနှင့်ပတ်သက်၍မေးမြန်းမခံရသော အာလင်မ်ပညာရှင်၊ အသုံးမချသောလက်နက်၊ ကောင်းမှု လုပ်ငန်းတွင်း အသုံးမပြုသော ဥစ္စာပစ္စည်း၊ ကျင့်သုံးမှုမရှိသောပညာ၊ နမာဇ်မဖတ်သောဗလီ၊ ဗလီတွင် မဖတ်သော နမာဇ်၊ လက်ခံခြင်း မခံရသော ကောင်းသည့် အကြံဉာဏ်၊ ဖတ်ရွတ်ခြင်းမခံရသော ကုရ်အာန်၊ နှလုံးသားတွင် ဒွန္နယာအချစ်ရှိနေသော သူတော်စင်၊ တမလွန်ခရီးအတွက် စားရေးရိက္ခာ မစုဆောင်း လိုက်ဘဲ ကုန်သွားသော ရှည်လျားသည့် သက်တမ်း တို့သည် အလဟဿ အချည်းနှီးသာဖြစ်သည်။

- အို- လူသား၊ သင့်ကိုအရှင်မြတ်က မိမိအတွက်ဖန်ဆင်းထားတာဖြစ်တယ်။ သင်က သူများ အတွက် ဖြစ်ချင်သလား။

- အေးချမ်းသာယာမှုရဲ့ ကိုးပုံဟာ လူတွေရဲ့ဝေးဝေးနေခြင်းမှာ ရှိတယ်။ တစ်ပုံသာလျှင် လူတွေနဲ့ နီးနီးကပ်ကပ် နေခြင်းမှာ ရှိတယ်။

- ဒုက္ခရောက်သောအချိန်တွင် အရှင့်ထံဦးစွာ အကူအညီ မတောင်းခံဘဲ မိမိကြံစည်စိတ်ကူးမှုများနှင့် အဖန်ဆင်းခံများ၏ အကူအညီနှင့် အဆင်မပြေသောအခါမှ အရှင့်ဘက်ကို လှည့်သော သူကို အရှင်မြတ်ကလည်း မျက်နှာလွှဲတော်မူ၏။

- တိရိစ္ဆာန်ဟာ မိမိသခင်ကို သိတယ်၊ လူကမိမိအရှင်ကိုမသိ။

- လူတို့ကို ဘယ်ဘက်ကလေ့လာမလဲ လေ့လာလိုက်။ မြွေတို့ကင်းတို့ထက်

အဆင့်မနိမ့်တာကို တွေ့ရမယ်။ ကျင့်သုံးမှုမရှိသော ပညာသည် အကျိုးရှိသော်လည်း ပညာမရှိဘဲ ကျင့်သုံးမှုသည် အကျိုးမဲ့ ဖြစ်သည်။

- ဆိတ်ဆိတ်နေခြင်းဟာ ဒေါသအတွက် အကောင်းဆုံးဆေးဝါးဖြစ်တယ်။

- အို- လူသား၊ အသင်ဟာ စစ်မှန်တဲ့အရှင်သခင်ကို မကိုးကွယ်ချင်ဘူးဆိုရင် အဲဒီအရှင် ဖန်ဆင်းထားတဲ့အရာတွေကို အသုံးမပြုနဲ့တော့။

- မည်မျှပင် သေးသိမ်နိမ့်ကျသော အလုပ်ပင်ဖြစ်စေ တောင်းရမ်းမှုနဲ့တော့ အဆပေါင်းများစွာ သာပါတယ်။

- ဓားဒဏ်ရာဟာ ခန္ဓာကိုယ်ပေါ်မှာ ကျရောက်တယ်။ စကားကြောင့်ဖြစ်လာတဲ့ ဒဏ်ရာဟာ (၀ိညာဉ်) နှလုံးသားပေါ်မှာ ကျရောက်တယ်။

- အမှန်တရားပေါ်မှာ ရပ်တည်တဲ့လူတွေဟာ အရေအတွက်အားဖြင့် နည်းပေးမယ့် အဆင့်အတန်းအားဖြင့် မြင့်မားကြပါတယ်။

- မွတ်စ်လင်မ်ဟာ ဥစ္စာပစ္စည်း မရှိလို့ သိက္ခာကျမှာမဟုတ်ဘူး။ မိမိသာသနာကို မေ့လျော့သွား တဲ့အခါကျမှ သိက္ခာကျသွားမှာဖြစ်တယ်။

- မျက်လုံးများရဲ့ ရိုကျိုးမှုကို သဘောမပေါက်သူရဲ့ရှေ့မှာ ပါးစပ်ကဖွင့်ပြောပြီးတော့ အရှက် တကွဲအကျိုးနည်း အဖြစ်မခံပါနဲ့။

- ဥစ္စာပစ္စည်းရဲ့ အသီးအပွင့်ဟာ စွန့်ကျဲမှု၊ ပညာရဲ့အသီးအပွင့်ဟာ ကျင့်သုံးမှု၊ အစ်ခ်လားစ်ရဲ့ အသီးအပွင့်ဟာ အရှင့်နှစ်သက်မှု။

- အို- ၀တ်ကောင်းစားလှကိုခုံမင်သူ၊ ကဖန်ကိုသတိရပါ။ အို- စားကောင်းသောက်ဖွယ်ကို ခုံမင်သူ ပိုးမွှားများရဲ့အစာဖြစ်မှာကို နှလုံးသွင်းပါ။

- ကောင်းမှုအားလုံးက အရှက်အကြောက်နဲ့သက်ဆိုင်တယ်။

- မကောင်းမှုအားလုံးဟာအရှက် ကင်းမဲ့ခြင်းနဲ့ သက်ဆိုင်တယ်။

- ဂျန္နသ်မှာ ငိုယိုတာ အံ့သြစရာပါ၊ ဒွန္နယာမှာရယ်မောတာဟာပိုလို့အံ့သြစရာကောင်းလှပါတယ်။

- သင် အပြစ်လုပ်ဖို့ ဆုံးဖြတ်ပြီးပြီဆိုရင် အရှင်မမြင်နိုင်တဲ့နေရာတော့ ရှာလိုက်ပါ။

- နှုတ်လျှာချော်တာဟာ ခြေချော်တာထက် ကြောက်စရာကောင်းတယ်။

(Simple Islam) ဖတ်ပါ မှတ်ပါ ကျင့်သုံးပါ - ပြီးတော့ ပို့ချပါ စာအုပ် (မော်လာနာ ဟာဖိဇ် အဗ်ဒုစ်စလာမ် -မဟ်မူဒီ - ရေး) မှ မူရင်းအတိုင်းကောက်နုတ်တင်ပြသည်။ အလ္လာဟ်အရှင်မြတ်သည် ဖတ်ရှုသူအားလုံးကို လိုက်နာကျင့်သုံးနိုင်စွမ်း သောင်ဖီးက် ချီးမြှင့်တော်မူပါစေ။