မခြွင်းမချန် ဇကားသ်ပေးရန်

မြန်မာနိုင်ငံတွင် နေထိုင်သည့်မုစ်လင်မ်တို့သည် အထူးသဖြင့် ဇကားသ်ကို ရဂျဗ်၊ ရှအ်ဗာန်၊ ရမ်ဇာန် .... ယင်းသုံးလတွင် ပေးဆောင်လေ့ရှိကြသည်။ အဘယ့်ကြောင့်ဆိုသော် တမန်တော်မြတ်ဆွလ္လလ္လားဟုအလိုင်းဟိဝစလ္လမ်က ရဂျဗ်သည် အလ္လာဟ်ရဲ့လ၊ ရှအ်ဗာန်သည် တမန်တော်မြတ်ဆွလ္လလ္လားဟုအလိုင်းဟိဝစလ္လမ်ရဲ့လ၊ ရမ်ဇာန်သည် အုမ္မသ်ရဲ့လဖြစ်သည်ဟု မိန့်ခဲ့သည်။ ထို့ကြောင့် ယင်းသုံးလသည် အင်မတန်မွန်မြတ်သော လများဖြစ်သည်။ ယင်းသုံးလမှာ လှူဒါန်းမှုပြုခဲ့လျှင် အလ္လာဟ်အရှင်မြတ်က အနည်းဆုံး စဝါးဗ်ကုသိုလ်အဆပေါင်း ခုနှစ်ရာ(၇ဝဝ)မှစ၍ မိမိနှစ်သက်သလို မရည်မတွက်နိုင်သည်အထိ ချီးမြှင့်တော်မူပေမည်။ အခြားလများမှာ ကုသိုလ်လုပ်လျှင် ၁ခုအတွက် ၁ဝဆချီးမြှင့်မည်ဟု ဆိုထားသည်။ ဒီသုံးလတွင်မူ ၁ဝဆမက ချီးမြှင့်မည် ဖြစ်ပေသည်။

 အလ္လာဟ်တာဝန်ယူထားလျှင် 
အလ္လာဟ်အရှင်မြတ်၏ ချီးမြှင့်မှုကြောင့် ဇကားသ်ပေးရန် တာဝန်ထိုက်သူအဖို့ ဇကားသ်မပေးမနေရ ဖရဇ်ဖြစ်သည်။ အကယ်၍ ဇကားသ်တာဝန်ထိုက်ပါလျက် ဇကားသ်မထုတ်ခဲ့လျှင် ယင်းဥစ္စာပစ္စည်းကို အလ္လာဟ်အရှင်မြတ် တာဝန်ယူမည်မဟုတ်ပေ။ ဇကားသ်ပေးဆောင်ထားသည့် ဥစ္စာပစ္စည်းကို အလ္လာဟ်အရှင်မြတ်ကိုယ်တော်တိုင် တာဝန်ယူ ထိန်းသိမ်းစောင့်ရှောက်ပေးမည်ဖြစ်သည်။ အလ္လာဟ်ကိုယ်တော်တိုင် တာဝန်ယူထိန်းသိမ်းခဲ့လျှင် မည်သည့်အရာ၊ မည်သူကမှ လာရောက်ဖျက်ဆီးလို့ မရနိုင်သလို အလ္လာဟ်တာဝန်မယူဘူးဟု မိန့်ထားသည့်အရာကိုလည်း မည်သူကမှ ထိန်းသိမ်းကာကွယ်နိုင်မည်မဟုတ်ပေ။ အလ္လာဟ်အရှင်မြတ်သည် အကောင်းဆုံး ထိန်းသိမ်းကာကွယ် စောင့်ရှောက်နိုင်တော်မူသော အရှင်ဖြစ်ပေသည်။

 အလ္လာဟ်အရှင်မြတ်၏ ထိန်းသိမ်းမှု 
နမ်ရူးဒ်ဘုရင်ဆိုးနဲ့တကွ တိုင်းသူပြည်သားအားလုံးတို့က လောင်စာတွေစုပြီး ကွင်းပြင်ထဲမှာ ဧရာမမီးပုံကြီးပြုလုပ်သည်။ ထိုမီးပုံထဲသို့ တမန်တော်အိဗ်ရာဟီးမ် အလိုင်းဟိစ္စလာမ်ကို ပစ်ထဲ့ကာ မီးတင်ရှို့ခဲ့သည်။ သို့သော် တမန်တော်အိဗ်ရာဟီးမ်သည် မီးပုံထဲတွင် မီးမလောင်ဘဲ ပန်းခြံသဖွယ် အေးဆေးစွာ လမ်းလျှောက်နေခဲ့သည်။ ဤသည် အလ္လာဟ်အရှင်မြတ်၏ ထိန်းသိမ်းမှုပင်ဖြစ်သည်။ အလ္လာဟ်ထိန်းသိမ်းပြီဆိုလျှင် ဘုရင်အပါအဝင် တစ်နိုင်ငံလုံးပေါင်းပြီး ဒုက္ခပေးလည်း မရနိုင်တော့သလို လောင်ကျွမ်းစေသည့် မီးသည်ပင် မည်သို့မျှ အစွမ်းအစမရှိတော့ပေ။ တမန်တော်အိဗ်ရာဟီးမ် အလိုင်းဟိစ္စလာမ် မီးပုံထဲသို့ ပစ်ထည့်ခံရချိန်တွင် အလ္လာဟ်အရှင်မြတ်က မီးကိုတိုက်ရိုက် ဖရိရ်ှသဟ်ပင် ကြားခံခြင်းမရှိဘဲ " ယာနားရု ကူးနီ ဘရ်ဒေါင်း ဝစလာမန် အလာအိဗ်ရာဟီးမ်" အိုမီး အသင်သည် ငါ့ရဲ့ ချစ်မိတ်ဆွေအိဗ်ရာဟီးမ်အတွက် ခံနိုင်ရည်ရှိသည်အထိ အေးမြပါ ဟု မိန့်တော်မူသည်။ ဗရ်ဒန် ဟူသည် အေးခြင်းကို ခေါ်သည်။ လုံးဝအေးစက်ပြီး လူသားအနေဖြင့် ခံနိုင်ရည်မရှိတော့ပေ။ ထို့ကြောင့် ဗရ်ဒါန် စာလုံးနှင့် အတူ စလာမန်ကိုပါ တွဲသုံးထားသည်။ စလာမန်ဟူသည် ခံနိုင်ရည်ရှိသလောက်သာ အေးစေရန်ဖြစ်သည်။ ထို့ကြောင့် ထိုမီးပုံကြီးသည် တမန်တော်အိဗ်ရာဟီးမ် အလိုင်းဟိစ္စလာမ်အတွက် ပန်းခြံသဖွယ် ဖြစ်သွားခဲ့ပေသည်။
ထို့ကြောင့် ကျွန်ုပ်တို့ထံတွင်ရှိသည့် ဥစ္စာပစ္စည်းကိုလည်း အလ္လာဟ်မှအပ အခြားမည်သူကမျှ ထိန်းသိမ်းစောင့်ရှောက်နိုင်စွမ်းမရှိပါ။

 ဇကားသ်နှင့် ပတ်သက်၍ မိန့်ထားခြင်း 
ကျမ်းတော်မြတ်ကုရ်အာန်တွင် "အကီးမုစ်ဆွလားသ် ဝအားသုဇ် ဇကားဟ်" အသင်တို့ နမားဇ်ဖတ်ကြ။ ဇကားသ်ပေးကြ။ ဟုမိန့်ထားသည်။ ထို့သို့ နမားဇ်နှင့် ဇကားသ်ကို တွဲ၍ အမိန့်ပေးထားခြင်းသည် ကုရ်အာန်၌ နေရာပေါင်း ၈ဝကျော်တွင် လာရှိထားသည်။ ဤသို့နမားဇ်နှင့် ဇကားသ်ကို တွဲ၍ မိန့်ထားခြင်းကြောင့် ဇကားသ်ထုတ်ရန် ဖရဇ်ဖြစ်နေသူသည် ဇကားသ်မထုတ်ခဲ့သော် ၎င်း၏နမားဇ်ကိုလည်း အလ္လာဟ်လက်ခံမည် မဟုတ်ပေ။

 ဇကားသ်၏ အဓိပ္ပါယ် 
ဇကားသ်၏ အဓိပ္ပါယ်မှာ သန့်ရှင်းခြင်း၊ ဘရ်ကသ် တိုးပွားခြင်းဟူ၍ ဖြစ်သည်။ ပိုင်ဆိုင်သည့် ပစ္စည်းဥစ္စာထဲမှ တစ်နှစ်ကိုတစ်ခါ ဆင်းရဲသားကိုပေးဆောင်ရန် ဒါနကြေးကို အလ္လာဟ်အရှင်မြတ်ဘက်မှ သတ်မှတ်လိုက်ခြင်းကို ဇကားသ်ဟုခေါ်ဆိုသည်။ ဇကားသ်သည် မိမိပိုင်သည့် ပစ္စည်းဥစ္စာကို မိမိကိုယ်တိုင် သန့်ရှင်းအောင်ပြုလုပ်ထားခြင်းပင် ဖြစ်သည်။ အကယ်၍ ဇကားသ်မထုတ်ခဲ့လျှင် ဆင်းရဲသား၏ ရပိုင်ခွင့်ဒါနကြေး ပါနေသည့်အတွက် ထိုပစ္စည်းဥစ္စာသည် ၎င်းသူအတွက် ကောင်းကျိုးမပေးတော့ပေ။

 ဇကားသ်ပေးလှူခြင်း၏ အကျိုး 
တမန်တော်မြတ် ဆွလ္လလ္လားဟုအလိုင်းဟိဝစလ္လမ် မိန့်တော်မူသည်မှာ အလှူဒါနပြုခြင်းဖြင့် ငါးခုသော အကျိုးကျေးဇူးကို မုချရရှိမည်။ (၁) လှူဒါန်းသူ၏ ပစ္စည်းများ တိုးပွားလာစေမည်။ (၂) လှူဒါန်းသူ၏ ရောဂါပျောက်ကင်းစေရန် ဆေးဝါးတစ်လက် ဖြစ်၏။ (၃) လှူဒါန်းသူအပေါ် ကျရောက်လာမည့် ဘေးဒုက္ခများကို ဖယ်ရှားပေးမည်။ (၄) လှူဒါန်းသူသည် ဆွရားသ် ဆံချည်မျှင်မက သေးသွယ်သောတံတားပေါ်မှ လျှပ်စီးပမာ ဖြတ်သန်းသွားနိုင်မည်။ (၅) လှူဒါန်းသူသည် စာရင်းစစ်ဆေးခြင်းမခံရဘဲ ဂျန္နသ်သုခဘုံသို့ ဝင်ရောက်ရမည် ဖြစ်၏။

 ဇကားသ်မထုတ်ခဲ့လျှင် 
" ဝလ်လဇီးန ယပ်(က)နေဇူးနဇ် ဇဟဗ ဝလ်ဖိဒ်ဒွဟ် ဝလာယွန်(န)ဖိကူးနဟ ဖီးစဗီးလစ်လ်လာ ဖဘရ်ှရှိရူးနဟ ဗိအဇားဗင်န် အလီးမ်" အသင်ထံ၌ သိမ်းဆည်းထားသည် ရွှေ၊ ငွေတို့ကို အလ္လာဟ်လမ်းမှာ အလ္လာဟ်သတ်မှတ်ထားသည့်အတိုင်း မလှူခဲ့လျှင် ထိုသူများကို ငါအလ္လာဟ်အရှင်မြတ်၏ ကြောက်မက်ဖွယ်ရာ အဇားဗ်ပြစ်ဒဏ်များအကြောင်းကို ဝမ်းသာစရာ သတင်းကောင်းအဖြစ်ပေးလိုက်ပါ။ ဆက်လက်မိန့်ထားသည်မှာ " ယောင်မာ ယုဟ်မာအလိုင်းဟား ဖီးနားရိ ဂျဟန္နမ် ဖသုက်ဝါဗိဟာ ဂျိဗာဟုဟွမ် ဝဂျုနုး ဗုဟွမ်း ဝဇုဟူးရုဟွမ်း၊ ဟားဇား မာကနတ်စ်သုမ် လိအန်ဖုစိကွမ် ဖဇူးကူ မာကွန်သွမ် သပ်က်နေဇူးန်" ထိုနေ့တွင် ယင်း ရွှေ၊ ငွေကို ဂျဟန္နမ်ငရဲမီးတွင် ဖုတ်မြှိုက်ပြီး ထိုသူတို့၏ နဖူးများ၊ နံဘေးများ၊ ကျောကုန်းများတွင် ထိုသို့ မီးဖုတ်ထားသည့် ရွှေ၊ ငွေများဖြင့် တံဆိပ်ခတ်နှိပ်ခြင်း ခံကြရမည်။ ဥစ္စာပစ္စည်းကို ရှာဖွေစုဆောင်းပြီး အလ္လာဟ်အရှင်မြတ်လမ်းတော်၌ မလှူဒါန်း မသုံးစွဲသောသူများ (ဥပမာ- ဇကားသ်မပေးသူများ၊ သုံးစွဲရန် မုချတာဝန်ရှိသော ကိစ္စများတွင် သူများ) သည် နောင်ကိယာမသ်နေ့တွင် ၎င်းတို့စုဆောင်းထားခဲ့ကြသည့် ရွှေငွေများကို မီးမြှိုက်၍ ၎င်းတို့၏ နဖူး၊ နံဘေး၊ ကျောကုန်းများတွင် တံဆိပ်ခတ်နှိပ်တော်မူမည်။

မလှူရက်၊ မပေးရက် စေးနှဲသော သူတစ်ယောက်ထံတွင် အလ္လာဟ်အရှင်မြတ်လမ်းတော်၌ အလှူဒါနပြုရန် မေတ္တာရပ်ခံလျှင် ထိုသူ၏ နဖူးသည်ရှုံ၍ သွားလေသည်။ ဆက်လက် မေတ္တာရပ်ခံလျှင် ဘေးသို့လှည့်လိုက်သည်။ ထို့နောက်တဖန် ထပ်မံ၍ မေတ္တာရပ်ခံလျှင် ကျောခိုင်းသွားလေတော့သည်။ ထို့အတွက်ကြောင့်ပင် ထိုနေရာများကို အထူးသဖြင့် တံဆိပ်ခတ်နှိပ်တော်မူခြင်း ဖြစ်သည်။ (စူရာသောဝ်ဗာဟ် အမှတ် ၉၊ အာယသ် ၃၄၊ ၃၅) ဇကားသ်ပေးရန် တာဝန်ထိုက်နေသူသည် ဇကားသ်မပေးဆောင်ခဲ့သော် ထိုသို့ပြစ်ဒဏ်ခံရပေမည်။

 ဖြစ်ရပ်တစ်ခု 
အလ်လာမဟ်အဗ်ဒွရ်ရဟ်မားန် ဆဖူရီသခင်က နဇ်ဟသွလ်မဂျာလိစ်ကျမ်းတွင် မက္ကဟ်မြို့၌ အမှန်တကယ်ဖြစ်ခဲ့သော ဖြစ်ရပ်တစ်ခုကို ရေးသားခဲ့လေသည်။ လူတစ်ဦးသည် စုဆောင်းထားသော ရွှေဒင်္ဂါး (၂ဝဝ) တိတိကို မိတ်ဆွေတစ်ဦးထံ နှစ်ပေါင်းများစွာ အပ်နှံထားခဲ့ပြီး ကွယ်လွန်သွားခဲ့၏။ ထိုအပ်နှံခြင်းခံရသော ပုဂ္ဂိုလ်သည် ကွယ်လွန်သူ၏ သားထံ ရွှေဒင်္ဂါးနှစ်ရာကို ပြန်ပေးလိုက်ရာ သားဖြစ်သူက မိမိဖခင်သည် ရွှေဒင်္ဂါးနှစ်ရာထက် ပို၍အပ်နှံခဲ့သည်ဟုဆိုက တရားစွဲလိုက်သည်။ တရားသူကြီးမှလည်း နှစ်ဦးနှစ်ဖက် မည်သို့မျှ ဖြေရှင်းပေးမရသည့်အဆုံး သေသူ၏ကဗရ်ကို ပြန်ဖော်ရန် အမိန့်ထုတ်ပြန်ခဲ့လေသည်။ ကဗရ်မှ အလောင်းကို စစ်ဆေးသည့်အခါ ကျောတွင် ဒင်္ဂါးအရွယ်အစားရှိ မီးနှင့် သားရေပြားကို ဖောက်ထားခြင်းခံရသော အပေါက်ပေါင်း နှစ်ရာတိတိကို တအံ့သြတွေ့မြင်ရလေသည်။ အဘယ့်ကြောင့်ဆိုသော သေသူသည် မိမိပိုင်ရွှေဒင်္ဂါးကို ဇကားသ်မပေးခဲ့သောကြောင့်ဖြစ်၏။ အပ်နှံထားသည့် ဒင်္ဂါးအရေအတွက် အမှန်ကိုလည်း သိရှိသွားရပေသည်။

 ဂျဟန္နမ်၏ မီး 
တမန်တော်အာဒမ် အလိုင်းဟိစ္စလာမ် ကမ္ဘာပေါ်သို့ ရောက်ရှိလာပြီးနောက် ချက်ပြုတ်ရန် မီးမရှိခဲ့ပေ။ ထို့ကြောင့် အလ္လာဟ်အရှင်မြတ်ထံ မီးလိုအပ်ကြောင်း လျှောက်ထားလေသည်။ အလ္လာဟ်အရှင်မြတ်က ကောင်းကင်တမန်ဂျိဗရာအီးလ်ကို ဂျဟန္နမ်မှ မီးယူသွားပေးရန် အမိန့်ပေးလိုက်သည်။ ထိုအခါ ဂျိဗ်ရီးလ်ကောင်းကင်တမန်သည် ဂျဟန္နမ်၏ တံခါးမှုးဖြစ်သူ မာလိက်ထံမှ မီးပေးရန် တောင်းသည်။ မာလိက်က မေးသည်။ မီးကို ဘယ်လောက်အတိုင်းအတာလောက် ယူမလဲ။ စွန်ပလွံတစ်စေ့စာ ဟုဖြေလိုက်သည်။ ထိုမျှခန့် မီးယူသွားလျှင် ကမ္ဘာတစ်ခုလုံး ပြာဖြစ်သွားပေလိမ့်မည်။ ထိုအခါ တစ်ဝက်ရမလားဟု မေးသည်။ တစ်ဝက်လည်း မရပါ။ သို့ဆိုလျှင် ဘယ်လောက်အတိုင်းအတာ ယူသွားရမလဲ။ မာလိက်က ပြောသည်မှာ တစ်စိတ်(တစ်ဝက်ရဲ့ တစ်စိတ်)စာ ယူသွားပါ။ ထိုတစ်စိတ်စာကိုလည်း ဒီအတိုင်းမယူသွားနှင့်။ ဒီအတိုင်းယူသွားလိုက်လျှင် ထိုတစ်စိတ်စာမီးကြောင့် ကမ္ဘာပေါ်တွင် မည်သည့်အပင်မှ ပေါက်တော့မည် မဟုတ်ပါ။ ယင်းတစ်စိတ်စာကို ရေဖြင့် အကြိမ်ပေါင်း ၇ဝ ဆေးလိုက်ပါ။ ထိုသို့ဆေးကြောပြီးသားမီးကို ယူသွားပြီး ကမ္ဘာပေါ်မှာ ချပြီးသည်နှင့် တစ်ပြိုင်တည်း ချက်ခြင်းပြန်မယူလာပြီး ဂျဟန္နမ်မှာ ပြန်လာထားလိုက်ပါ။ (အလ္လာဟ်ဟုအပ်က်ဗရ် ဂျဟန္နမ်၏ မီး ထိုမျှပြင်းထန်ပေသည်။)
ဂျိဗ်ရာအီးလ်သခင်သည် ထိုသို့ အကြိမ်ပေါင်း ၇ဝ ဆေးပြီးသားမီးကို ကမ္ဘာမြေကြီးပေါ်ချပြီး ချက်ခြင်းပင် ပြန်မယူသွားလိုက်သည်။ မီးချလိုက်သည့် မြေကြီးသည် မာကြောသည့် ကျောက်သားများ၊ ကျောက်တောင်များ ဖြစ်သွားခဲ့လေသည်။

 ရက်ရောမှုကို နှစ်သက်သော အရှင်မြတ် 
အလ္လာဟ်အရှင်မြတ်သည် ရက်ရောတော်မူသော အရှင်ဖြစ်သကဲ့သို့ ရက်ရောခြင်းကို အလွန်နှစ်သက်၍ စေးနှဲတွန့်တိုခြင်းကို လုံးဝမနှစ်မြို့ပေသည်။
အီစာအလိုင်းဟိစ္စလာမ်၏ အခါသမယတွင် ဖြစ်ခဲ့သော အကြောင်းအရာတစ်ခုကို ဖြစ်သည်။ တစ်နေ့ အီစာအလိုင်းဟိစ္စလာမ် လမ်းလျှောက်သွားရင်း လမ်းတွင် အရိုးခေါင်းတစ်ခုကို တွေ့လေသည်။ အီစာအလိုင်းဟိစ္စလာမ်၌ အသေကို ရှင်အောင်လုပ်နိုင်သော မုအ်ဂျိဇာကို အလ္လာဟ်က ချီးမြှင့်ပေးထားသည်။ ထို့ကြောင့် နဗီကြီးသည် မိမိကို အလ္လာဟ်ချီးမြှင့်ထားသည့် မုအ်ဂျဇာဟ်ဖြင့် အရိုးခေါင်းကို "ကွန်(န)ဗိအိဇ်နိလ်လာဟ်" အလ္လာဟ်အရှင်မြတ်အမိန့်ဖြင့် ထစမ်းဟု မိန့်လိုက်ရာ အရိုးခေါင်းက ထလာပြီး ထိုသူသည် ဘုရင်တစ်ပါးဖြစ်သည်ကို တွေ့ရလေသည်။ အီစာအလိုင်းဟိစ္စလာမ်က ခင်ဗျားဘယ်သူလဲ ဟုမေးလိုက်သည်။ ဘုရင်က ကျွန်တော် နှစ်ငါးရာအလျင်က ဘုရင်တစ်ပါးဖြစ်သည်။ ကျွန်တော့်ရဲ့ ဦးခေါင်းကို အလ္လာဟ်အရှင်မြတ်က ခင်ဗျားလျှောက်တဲ့လမ်းပေါ်မှာ ပြစ်ချစေခဲ့ခြင်းဖြစ်သည်။ ခင်ဗျားနာမည်ဘာလဲဟု အီစာနဗီက မေးရာ ဂျမ်ဂျဟ်ဖြစ်ကြောင်း ဖြေလေသည်။ ခင်ဗျားက ဘယ်လိုဘုရင်လဲဟု ဆက်လက်မေးမြန်းလေသည်။ ထိုအခါ ကျွန်တော်သည် အင်မတန်ကြီးကျယ်သည့် ဘုရင်တစ်ပါးဖြစ်သည်။ ဘယ်လောက်အထိ ကြီးကျယ်သလဲဆိုရင် ကျွန်တော်က ဘယ်သာသနာ၊ ဘယ်ဘုရား တစ်ခုကိုမှ လက်မခံခဲ့ပါ။ သို့သော် ကျွန်တော်သည် အလွန်ရက်ရော၊ ပေးကမ်းသူတစ်ဦးဖြစ်ပေသည်။
ကျွန်တော်၏ နန်းတော်ရှေ့တွင် ကြီးမားသော အဆောက်တစ်ခု တည်ဆောက်ထားပြီး နေ့၊ ည မည်သူမဆို လာရောက်စားသောက်နိုင်သည်။ ကမ္ဘာတွင် ကျွန်တော်သည် နှစ်ပေါင်းသုံးရာ (၃ဝဝ) အသက်ရှင်နေထိုင်ခဲ့ပြီး ထိုသက်တမ်းတလျှောက် တစ်ခါမျှ ခေါင်းမကိုက်ဖူးခဲ့ပါ။ သေသွားတဲ့အခါမှာတော့ ကဗရ်ထဲမှာ ပြစ်ဒဏ်ပေးခြင်းကို နှစ်ပေါင်းငါးရာ (၅ဝဝ) အထိ ကောင်းကောင်း ခံစားနေရပါသည်။ ကျွန်တော်၏ ရက်ရောမှုကို အကြောင်းခံပြီး အလ္လာဟ်အရှင်မြတ်က ကမ္ဘာပေါ်တွင် နောက်တစ်ကြိမ် ရှင်သန်မှုချီးမြှင့်ခဲ့ခြင်း ဖြစ်ပါသည်။ ယခုလို ကျွန်တော့်၏ ဦးခေါင်းကို နဗီ့ရဲ့ခြေတော်ရှေ့သို့ ရောက်စေခဲ့ခြင်း ဖြစ်သည်။

၎င်းပုဂ္ဂိုလ်သည် အီစာအလိုင်းဟိစ္စလာမ်ထံ အီမာန်ယူပြီး နောက်ထပ် ကိုးဆယ့်ကိုး(၉၉) နှစ် အသက်ရှင်နေထိုင်ကာ ဗလီအတွင်း၌ပင် (၉၉)နှစ်လုံး နေထိုင်သွားခဲ့သည်။ ဤသည်မှာ ရက်ရောမှု၏ ရလဒ်ပင် ဖြစ်သည်။

 စေးနှဲတွန့်တိုမှုကို မနှစ်သက်ခြင်း 
တစ်ခါက အိန္ဒိယပြည်တွင် စက်ရုံပိုင်ရှင် သူဌေးတစ်ဦးရှိသည်။ စက်ရုံ၊ ကား၊ သင်္ဘော၊ ရွှေ၊ ငွေ မြောက်မြားစွာပိုင်ဆိုင်ပေသည်။ ထို့အတူ ချောမောလှပသော ဇနီးတစ်ဦးကိုလည်း ရရှိထားရုံမက သားသမီးလည်း မရှိခဲ့ပေ။ တစ်နေ့ ၎င်း၏ ခြံရှေ့တွင် ခြံစောင့်မရှိချိန် ဆင်းရဲသားတစ်ဦးသည် အလွန်အမင်းဆာလောင်လျှက် ခြံတံခါးလည်း ဖွင့်ထားပြီး ခြံစောင့်လည်းမရှိသည်ကို တွေ့၍ အိမ်အတွင်းထဲအထိ ဝင်လာ၍ စားသောက်ခန်းအထိရောက်လာလိုက်သည်။ ထိုအချိန် စားပွဲပေါ်တွင် ကြက်ကောင်လုံးကင်အပါအဝင် စားဖွယ်အစုံအလင်တို့ကို စားသောက်ရန်အဆင့်သင့် ပြုလုပ်ထားပြီး သူဌေးမင်းတစ်ဦးတည်းသာ ထိုင်နေချိန်ဖြစ်သည်။ ဆင်းရဲသားက အနည်းငယ် ပေးကျွေးပါရန် တောင်းပန် အသနားခံရှာသည်။ သူဌေးမင်းသည် သူ့အိမ်အတွင်းထဲအထိ ဝင်ရောက်လာသော စုတ်ပြတ်နုံချာသည့် ဆင်းရဲသားကို မြင်၍ ဒေါသထွက်ကာ ပေးကျွေးရမည့်အစား အော်ဟစ်ငေါက်ငမ်း၍ တုတ်ဖြင့် ရိုက်နှက်လွှတ်လိုက်လေသည်။

သတိပြုရမည်မှာ တောင်းရမ်းခြင်းကို အစ္စလာမ်က မနှစ်သက်သလို တောင်းရမ်းသူကို အော်ဟစ်ငေါက်ငမ်းခြင်းကိုလည်း မနှစ်သက်ပေ။ ဟဒီးစ်တော်၌ လာရှိသည်မှာ အလ္လာဟ်အရှင်မြတ်က လူသားကို ပြောမည်။ အို လူသား ငါအလ္လာဟ်အရှင် အသင်ရှေ့ကို လာခဲ့တယ်။ အသင်ဘာ့ကြောင့် မပေးခဲ့သနည်း။ ထိုအခါ လူသားက ယာအလ္လာဟ် အလ္လာဟ်ဘယ်တုန်းက လာခဲ့တာလဲ။ ထိုအခါ အသင့်ရှေ့ကို တောင်းရမ်းသူတစ်ဦးအဖြစ်နှင့် လာခဲ့သည်။ အသင်မပေးခဲ့ပေ။ ထို့အတူ ကျမ်းမြတ်ကုရ်အာန်၌ (( ဝအမ်မတ်(ဆ) ဆာအိလ ဖလာ သန်ဟရ်)) တောင်းရမ်းသူကို မငေါက်ငမ်းပါနှင့်ဟု ပါရှိထားသည်။ ထို့ကြောင့် မိမိအနေနှင့် ပေးနိုင်က ပေးလိုက်ရမည်။ မပေးနိုင်ပါက ချိုသာစွာပင် ပြန်လည်ပြောဆိုလိုက်ရမည်။

ဤသို့နှင့် ကာလအနည်းငယ်၌ သူဌေး၏ စီးပွားရေးပျက်လာလေသည်။ ရှိသမျှသော ပိုင်ဆိုင်မှုများသည် ခွဲခွာခြင်းဟူသည့်လမ်းသို့လျှောက်၍ ယခင်ပိုင်ဆိုင်ခဲ့သူနှင့် မဆိုင်သလိုပင် လှည့်ပြန်ထွက်သွားလေတော့သည်။ ထိုထဲတွင် သူဌေး၏ ဇနီးလည်း ပါဝင်သည်။ သူဌေးအခြေအနေမကောင်းသဖြင့် ကောင်းမွန်သည့် အိုးအိမ်သစ်ထူထောင်ရန် လမ်းသစ်ရှာသွားသည်။ သူဌေးဟောင်းကြီးလည်း အခြေအနေမကောင်းသဖြင့် မြို့ပြောင်းကာ တောင်းရမ်းစားသောက်ရင်းဖြင့် အသက်ဆက်ရလေတော့သည်။
နေ့၊ လ၊ ရက်တို့ ပြောင်းလဲလာပြီးနောက် တစ်ရက်သောအခါတွင် အင်မတန်ကြွယ်ဝချမ်းသာသော သူဌေးတစ်ဦး၏ အိမ်ရှေ့သို့ ရောက်သွားခဲ့သည်။ အင်မတန် ဆာလောင်မွတ်သိပ်နေသည်။ ၎င်း၏ ခြံဝင်းတံခါးတွင်လည်း ခြံစောင့်ကိုလည်း မတွေ့ရ၊ တံခါးကလည်း ပိတ်မထား။ သို့နှင့် အိမ်အတွင်းထဲသို့သာ တောက်လျှောက်ဝင်သွားလိုက်သည်။ အိမ်ပိုင်ရှင် သူဌေးကိုတွေ့ရသောအခါ စားသောက်လိုပါကြောင်း၊ မစားရသည်မှာ ရက်များစွာရှိပြီဖြစ်သဖြင့် အနည်းငယ်ကျွေးမွေးပါရန် အသနားခံလေသည်။ ထိုအချိန် စားပွဲခင်းတွင်လည်း စားသောက်ဖွယ် အစုံအလင်နှင့်အတူ ကြက်ကောင်လုံးကြော်တစ်ကောင်လည်း ပါဝင်ပေသည်။ သူဌေးက လာတောင်းသူအား ခနထိုင်ရန် ပြောပြီး မိမိဇနီးကို ကြက်ကြော်တစ်ခြမ်း လာတောင်းသူအား သွားပေးလိုက်ရန် ပြောလိုက်သည်။ ဇနီးကလည်း ခင်ပွန်းပြောစကားအတိုင်း ပန်းကန်ထဲထည့်၍ သူတောင်းစားအရှေ့သွားချပေးရင်း မျက်နှာကို စေ့စေ့ကြည့်မိလေသည်။ အိမ်ထောင်မပြောင်းခင်က ခင်ပွန်းဟောင်းသူဌေးဖြစ်သည်ကို တွေ့လိုက်ရသဖြင့် လန့်ဖြန့်ကာ အော်ပြီး အိမ်တွင်းပြေးဝင်လာလိုက်သည်။ ဘာဖြစ်သလဲဟု ခင်ပွန်းဖြစ်သူမေးရာ ရှင့်ထံလာတောင်းတဲ့ သူတောင်းစားက တခြားသူမဟုတ်။ ကျွန်မ၏ ပထမခင်ပွန်းဟောင်း သူဌေးပင်ဖြစ်သည်ကို ပြောပြလေသည်။ ထိုအခါ သူဌေးက ၎င်းသူထံသွား၍ထိုင်ပြီး ခင်ဗျား ကျွန်တော့မှတ်မိသလား။ ခင်ဗျားအိမ်မှာ တစ်ခါက လာတောင်းခဲ့ဖူးသူက ကျွန်တော်ပါပဲ။ သေချာကြည့်ပါဦး။ အဲ့ဒီ့တုန်းက ခင်ဗျား ကျွန်တော့ကို အော်ဟစ် ငေါက်ငမ်း ရိုက်လွှတ်ခဲ့တယ်။ ဒီကနေ့ ခင်ဗျားပိုင်ဆိုင်သကဲ့သို့ ကျွန်တော့ကို ပြန်ချီးမြှင့်ထားပြီး ခင်ဗျားဇနီးကိုပါ ပေးလိုက်ပြီ။ ဒါပေမဲ့ ခင်ဗျား အေးဆေးစွာ စားသုံးပါ။ ဘာမှ အားမနာပါနှင့်ဟု ပြောလေသည်။
ဤသည်တို့မှာ စေးနှဲတွန့်တိုမှု၏ ရလဒ်ပင်ဖြစ်လေသည်။

 မြတ်နဗီ ဆွလ္လလ္လားဟုအလိုင်းဟိဝစလ္လမ်သည် အလွန်ရက်ရောသူဖြစ်ခြင်း 
နှစ်ဌာန၏ ခေါင်းဆောင်ဖြစ်သော တမန်တော်မုဟမ္မဒ် ဆွလ္လလ္လားဟုအလိုင်းဟိဝစလ္လမ်သည် ဥစ္စာဓနချမ်းသာသူမဟုတ်ပေ။ သို့သော တမန်တော်မြတ် ဆွလ္လလ္လားဟုအလိုင်းဟိဝစလ္လမ် အလွန်ရက်ရော ပေးကမ်းသူဖြစ်သည်။ တစ်ခါက တမန်တော်မြတ်ထံ အကြီးအကဲတစ်ဦးက လှပသောခြုံစောင်လေးတစ်ခု လက်ဆောင်ပေးလိုက်သည်။ တမန်တော်မြတ် ထိုခြုံစောင်လေးကို ခြုံထားသည်။ ဆွဟာဗဟ်တစ်ပါးရောက်လာရာ အို .... ကိုယ်တော် ဆွလ္လလ္လားဟုအလိုင်းဟိဝစလ္လမ် ခြုံစောင်လေး အလွန်လှတယ်။ ကျွန်တော် အလွန်သဘောကျပါတယ် ဟုသာ ပြောလိုက်ပြီး စကားဖြတ်လိုက်သည်။ တမန်တော်မြတ်ဆွလ္လလ္လားဟုအလိုင်းဟိဝစလ္လမ် ကိုယ်ပေါ်မှ စောင်ကို ဆွဟာဗဟ်လက်ထဲ ထည့်ပေးလိုက်သည်။ ဤမျှ ရက်ရောစွာပေးကမ်းသော တမန်တော်ဖြစ်သည်။

 မလှူဒါန်းခြင်း၏ ဆိုးကျိုး 
ဖီကီးဟ်အဗွလ်လိုက်စ် စမရ်ကန်ဒီ(ရဟမသုလ္လာဟိအလိုင်းဟ်) က ဗုစ်သာနွလ်အာရိဖီးန်ကျမ်း၌ ရေးသားထားသည်။ လူတစ်ယောက်သည် ကအ်ဗဟ်၏ ဂိလားဖ်ခြုံထည်ကို ကိုင်ကာ ဒုအာတောင်းနေသည်။ ယာအလ္လာဟ် ကျွန်တော့ကို မအ်ဖ်ခွင့်လွှတ်မှုပေးပါ။ ယာအလ္လာဟ် ကျွန်တော့ကို မအ်ဖ်ခွင့်လွှတ်မှုပေးပါ .... ဟု တောင်းနေသည်။ တမန်တော်မြတ် ဆွလ္လလ္လားဟုအလိုင်းဟိဝစလ္လမ် သဝါးဖ်ပြုပြီးနောက် ထိုသူ့ကို တွေ့သဖြင့် မိန့်သည်မှာ အသင် ဒီအတိုင်း အလ္လာဟ်ထံကနေ တိုက်ရိုက်မားအ်ဖ်လုပ်လို့တောင်းနေမည့်အစား ယာအလ္လာဟ် ကျွန်တော်လှူဒါန်းခဲ့တဲ့ ဆွဒကဟ်အလှူဒါနကို အကြောင်းခံပြီး မားအ်ဖ်ချီးမြှင့်ပါ .... ဟုတောင်းပါ။ ယာရစူလလ္လာဟ် ကျွန်တော်မလှူဘူး။ အလှူအတန်းမပြုဘူး။ တမန်တော်က အသင်ဘယ်သူလဲဟု မေးလိုက်သည်။ ၎င်းသူက ကျွန်တော် ဘယ်မြို့၊ ဘယ်ရွာက သူဌေးကြီးတစ်ဦးပါ။ ကျွန်တော့ကို လှူဒါန်းမှုအကြောင်းပြောလျှင် ကျွန်တော့အသည်းကို လှံဖြင့် ထိုးသကဲ့သို့ ခံစားရပါသည်။ ကျွန်တော် ဘယ်တော့မှ မလှူပါဟု ပြန်လျှောက်တင်သည်။ ထိုအခါ တမန်တော်မြတ်က အသင် ဒီဂိလားဖ်ကို ကိုင်ပြီး ငိုငိုပြီးဒုအာလုပ်၊ အသင့်ရဲ့ မျက်ရည်တွေက မြစ်ချောင်းပမာစီးဆင်းပြီး အပင်တွေပေါက်လာ၍ အဲ့ဒီအပင်တွေကို ကမ္ဘာ့လူသားတွေက စားသုံးသည်ဖြစ်ပါစေ အသင့်ကို အလ္လာဟ်ခွင့်မလွှတ်ဘူးဟု မိန့်တော်မူလေသည်။ ((စေးနှဲမှုက ထိုမျှ ကြောက်စရာကောင်းလှပါသည်။))

 ဇကားသ်ပေးရာ၌ ထိမ်ချန်ခြင်း 
ဇကားသ်ပေးရာ၌ အကောင်းဆုံးမှာ ကျသင့်သည့် နှုန်းထားထက် နည်းနည်းပိုပေးလိုက်ရမည်။ ကျသင့်သည့်နှုန်းထားကို အပြည့်အဝမပေးဘဲ ထိမ်ချန်မှုပြုထားပါက အလ္လာဟ်အရှင်မြတ်သည် အကောင်းဆုံး သိရှိမြင်တွေ့နေတော်မူသည့်အရှင်ဖြစ်ပေသည်။ ဇကားသ်၌ ထိမ်ချန်ခြင်း၊ ဇကားသ်ပေးရန် ကျန်သောအရာသည် ကောက်ရိုးပုံ၌ မီးအနည်းငယ် တို့ထားခြင်းနှင့် တူပေသည်။ မပေးဘဲထိမ်ချန်ထားသည့် ဇကားသ်အပါအဝင် ကျန်ရှိပစ္စည်းများပါ ပျက်စီးသွားပေလိမ့်မည်။ ထိုကြောင့် ဇကားသ်ကို အတိအကျ မထိမ်ချန်ဘဲ ပေးကမ်းလိုက်ရမည်။ ကျသင့်နှုန်းထားထက် အနည်းငယ် ပိုပေးလိုက်ရမည်။

 ဇကားသ်ပေးရာ၌ ကုသိုလ်နှစ်ဆရမည့် ပုံစံ 
ဆွေမျိုးသားချင်းများကို ပေးခြင်းနှင့် အစ္စလာမ့်ပညာသင်ယူနေသူနှင့် အစ္စလာမ်အတွက် ကြိုးပမ်းနေသူများကို ပေးကမ်းခြင်းသည် ကုသိုလ်နှစ်ဆရပေမည်။ ဆွေမျိုးကိုပေးခြင်းတွင် ဇကားသ်ပေးခြင်းကြောင့် ကုသိုလ်တစ်ခု၊ ဆွေမျိုးသားချင်းကို ကူညီခြင်းကြောင့် ကုသိုလ်တစ်ခု ပေါင်းနှစ်ခုရမည်။ အစ္စလာမ့်ပညာဆည်းပူသူနှင့် အစ္စလာမ့်ပညာရေးကျောင်းများ အစ္စလာမ်အတွက် ကြိုးပမ်းနေသူများကို ဇကားသ်ပေးခြင်းသည်လည်း ထိုနည်းတူပင်ဖြစ်၏။

 ဇကားသ်ပေးပြီး အကျိုးအမြတ် မရယူရ 
အချို့နွမ်းပါးသူတို့သည် ဇကားသ်ရယူရန် ပေးကမ်းနိုင်သည့် အိမ်များသို့ လာကြသည်။ အိမ်ရှိ အလုပ်များကို ဝိုင်းလုပ်ပေးသည်။ သို့မဟုတ် ထိုသို့သောသူများလာပါက မိမိဖက်မှ တခုခုခိုင်းစေမည်။ ထိုသို့ခိုင်းပြီးမှ ဇကားသ်ပေးခြင်းမပြုသင့်ပါ။ ဇကားသ်တွင် ထိခိုက်မှုရှိသည်။ ထို့ကြောင့် ၎င်းတို့လုပ်ခအတွက် သီးသန့်အရင်ပေးလိုက်ရမည်။ ပြီးမှ ဇကားသ်ကို သပ်သပ်ပေးရမည်။

 ဇကားသ်မပေးထိုက်သူ 
ဇကားသ်ထုတ်ရန် သတ်မှတ်စံညွှန်း ပြည့်မှီပြီးသူများ။ ဇကားသ်ထုတ်သူ၏ အထက်ဆက်၊ အောက်ဆက်အကုန်၊ ဇနီးမှ ခင်ပွန်းသို့၊ ခင်ပွန်းမှ ဇနီးသို့ ဇကားသ်မပေးထိုက်ပါ။ ထိုသူတို့ကို ဇကားသ်ပေးလျှင် ဇကားသ်အထမမြောက်ပါ။ နောက်တစ်ကြိမ် ဇကားသ်ထပ်ထုတ်ရမည်။

ဇကားသ်ဟူသည် အလ္လာဟ်အရှင်မြတ် ကိုယ်တော်တိုင်သတ်မှတ်ထားသည့် အလှူဒါနဖြစ်သည်။ ပေးသူကလည်း ပျော်ရွှင်ဂုဏ်ယူစွာပေးကမ်းရမည်။ ပေးခြင်းခံရသူကိုလည်း ပေးသူက အထင်သေးအမြင်သေးခြင်း လုံးဝမပြုရပါ။ မိမိ၏ ဇကားသ်ကို ယူမည့်သူမရှိလျှင် အဘယ်သို့ပြုမည်နည်း။ ထို့ကြောင့် ဇကားသ်ပေးခြင်းခံရသူကို ကျေးဇူးပါပြန်တင်သင့်ပါသည်။ ထို့အတူ ဇကားသ်ယူသူအတွက်လည်း မည်သို့မျှ ဝမ်းနည်း၊ စိတ်မကောင်းဖြစ်ဖွယ် မရှိပါ။ ဇကားသ်ဟူသည် အလ္လာဟ်ဖက်မှ တိုက်ရိုက်သတ်မှတ်ချီးမြှင့်သည့် နိအ်မသ်ပင်ဖြစ်သည်။ ပေးသူ၊ ယူသူနှစ်ဦးနှစ်ဖက် ဂုဏ်ရှိစွာပင် ပြုမူဆက်ဆံရမည်ဖြစ်ပြီး ပေးသူကလည်း အလ္လာဟ့်အမိန့်နာခံနိုင်ခြင်းအပေါ်ကျေးဇူးတင်ရမည်ဖြစ်ပြီး ယူသူအဖို့လည်း မိမိကို အလ္လာဟ်ဖက်မှ ချီးမြှင့်သည်ဟု သဘောပိုက်ကာ အလ္လာဟ်အရှင်မြတ်ကို ကျေးဇူးတင်ရပါမည်ဟု ပြောကြားရင်းဖြင့် နိဂုံးချုပ်အပ်ပါသည်။

........။........။........။........။........။........

မုစလ်မာန်တိုင်း တိကျသေချာစွာ အရှင့်အမိန့်များနာခံနိုင်ရန် ရည်ရွယ်ချက်ဖြင့် ၇/ ၆/ ၂ဝ၁၅။ တနင်္ဂနွေနေ့၊ မစီဒီးခါန်း စွန္နီဂျာမေ့မတ်စ်ဂျိဒ်၌ ဟောကြားသည့်ဗယာန်ကို စာသားဖြင့် ပြန်လည်တင်ဆက်ခြင်း ဖြစ်ပါသည်။

** သတိပေးချက်။ အထက်ပါအကြောင်းအရာကို ကူးယူလျှင် အလ်မုဖီးဒ်မှ ကူးယူကြောင်း ထည့်သွင်းရေးသားပါ။ တစ်ဝက်တစ်ပျက် မိမိလိုသလောက် ကူးယူခြင်း လုံးဝခွင့်မပြုပါ။ မိမိ မလုပ်သည့်အရာကို လုပ်သယောင်ဆောင်ခြင်းသည် လိမ်လည်မှုဖြစ်၏။ ထို့ကြောင့် ဒီးန်ဖြန့်ချိလိုလျှင်လည်း မှန်ကန်သည့် နည်းလမ်းဖြင့်သာ ဖြန့်ချိပါ။ စာသားကူး၍ အမည်ပြောင်းတပ်သည့် လုပ်ရပ်မျိုး မပြုပါနှင့်။

ဇကားသ်နှင့်သက်ဆိုင်သည့် မတ်စ်အလဟ်များကို နီးစပ်ရာအာလင်မ်များထံတွင် မေးမြန်းပါရန် အကြံပြုအပ်ပါသည်။

အလ်မုဖီးဒ်
ရှအ်ဗာန်/ ၃ဝ/ ယောင်မုလ်ခမီးစ်/ ဟစ်ဂ်ျရီ ၁၄၃၆

Website: http://aaitee.blogspot.com
Facebook: http://www.facebook.com/almufeed.mm
Email: haroonrangoni@gmail.com
google တွင်ရှာရန် “ အလ်မုဖီးဒ် ” ဟု မြန်မာလိုရိုက်၍ရှာပါ။
မိမိဖုန်းထဲတွင် ပြန်လည်ဖတ်ရှုရန် သိမ်းထားလိုပါက Simple Islam.apk ဖိုင်ကို ဒေါင်းလုတ်ဆွဲပြီး Install လုပ်ထားပါ။