သဗ်လီးဂ်ကြိုးပမ်းမှု

အမှန်တရား၏ စကားများကို အခြားသူများထံသို့ ပို့ဆောင်ခြင်း၊ သာသနာဖြန့်ချိမှုပြုခြင်းများသည် အဆုံးမရှိတာဝန်ပင်ဖြစ်သည်။ ဤအလုပ်ကိုဆောင်ရွက်ရန်မှာ အရှင်မြတ်၏ အမိန့်တော်ပင်ဖြစ်သည်။ အလ္လာဟ်အရှင်မြတ်၏ လုပ်ငန်းကို ပြုလုပ်သူသည် အရှင်မြတ်၏ ထိန်းသိမ်းဆောင်ရှောက်မှုအတွင်း၌ ရှိ၏။ အကယ်၍သာ စိတ်အတွင်း၌ အလ္လာဟ်အရှင်မြတ်၏ ကူညီစောင်မမှုသည် ကျွန်ုပ်တို့နှင့် အတူရှိသည်ဟူသော ယုံကြည်ချက်ဝင်ရောက်လာပါက ကြောက်ရွံစရာ၊ ထိတ်လန့်စိုးရိမ်ဖွယ်ရာ အဘယ်မှာရှိမည်နည်း။ အစိုးရ၏ အနိမ့်ဆုံးဝန်ထမ်းသည် အစိုးရအလုပ်ကို ထမ်းဆောင်နေစဉ် ၎င်းတွင်မည်မျှ သတ္တိရှိသည်ကို တွေ့ရပေမည်။ ယင်းသို့ဖြစ်ပေါ်လာသော သတ္တိတို့သည် အစိုးရ၏ ဝန်ထမ်းဖြစ်မှုနှင့် အစိုးရ၏ တာဝန်များထမ်းဆောင်ရခြင်းကြောင့် ပေါ်ပေါက်လာရသည်။ အလားတူပင် သာသနာ့လုပ်ငန်းများ ထမ်းဆောင်ကြစဉ်တွင် ကျွန်ုပ်တို့၏ စိတ်အတွင်း၌လည်း ဤသို့သောယုံကြည်ချက်များရှိရမည်။

သဗ်လီးဂ်သည် အားလုံးအပေါ်၌အရေးကြီးသည်

အလ္လာဟ်အရှင်မြတ်သည် ခေတ်ကာလအား ကစမ်ကျိန်ဆို၍ “လူသားအားလုံးသည် ပျက်စီးဆုံးရှုံးခြင်းတွင်ရှိသည်။ သို့သော် အီမာန်ရှင်များ၊ ၎င်းနောက်အမလ်ပြုကျင့်သူများနှင့် အခြားသူတို့အား အမှန်တရားနှင့် ဆွဗရ်တရားရနိုင်ရန် နှိုးဆော်သူများသည် ထိုပျက်စီးဆုံးရှုံးခြင်း၌မပါဝင်” ဟု မိန့်ကြားတော်မူသည်။

အထက်ပါ အာယသ်တော်တွင် ဤအွမ္မသ်ကို ဦးတည်ပြောဆိုခြင်းဖြစ်ပြီး “လိန္နားစ်” လူသားထုအကျိုးအတွက်ဟူ၍ သုံးနှုန်းထားသည်။ “လိလ်မွတ်စ်လိမီးန်” မုစ်လင်မ်ထုအကျိုးအတွက်ဟူ၍ သုံးနှုန်းမထားပေ။

သဗ်လီးဂ်အတွက် ဂျမာအသ်ပုံစံ

အိန္ဒိယနိုင်ငံတွင် လက်ရှိ ဒအ်ဝသ်သဗ်လီးဂ်လုပ်ငန်းကို နှစ်အနည်းငယ်အလျင်က ဟဇရသ်မော်လာနာအိလ်ယားစ်က ပြန်လည်စတင်ခဲ့ခြင်းဖြစ်သည်။ အလ္လာဟ်အရှင်မြတ်သည် ၎င်း၏ နှလုံးသားအတွင်းဝယ် ထိုသဗ်လီးဂ်လုပ်ငန်း၏ နည်းလမ်းများကို ထည့်သွင်းပေးတော်မူခဲ့၏။ သခင်ကြီးသည် သဗ်လီးဂ်လုပ်ငန်းအတွက် ဂျမာအသ်ပုံစံဖြင့် ပြုလုပ်ရန် ရွေးချယ်ခဲ့သည်။ အဘယ့်ကြောင့်ဆိုသော် လူအချို့စုပေါင်း၍ စကားတစ်လုံးပြောလျှင် (သို့) အလုပ်တစ်ခုလုပ်လျှင် အထူးစူးရှမှုဖြစ်သည်မှာ ဓမ္မတာပင်ဖြစ်သည်။ စကားတစ်မျိုးတည်းကို လူများစွာက အချိန်များစွာအတွင်းပြောဆိုကြလျှင် ယင်းစကား၏ စူးရှသက်ဝင်မှုသည် တစ်ချိန်မဟုတ်တစ်ချိန် ဖြစ်ပေါ်လာမည်ပင်။

အလ္လာဟ်အရှင်မြတ်က စူရာယာစီးန်တွင် “ငါအရှင်မြတ်က ၎င်းတို့ထံသို့ ရစူလ်နှစ်ပါးအားစေလွှတ်တော်မူခဲ့ရာ ၎င်းတို့က ယင်းရစူလ်နှစ်ပါးအား ငြင်းဆိုဆန့်ကျင်ခဲ့ကြသည်။ သို့ရှိရာ ငါအရှင်မြတ်သည် တတိယရစူလ်တစ်ပါးကို စေလွှတ်၍ ၎င်းတို့အပေါ်ကျေးဇူးပြုခဲ့သည်။ သို့ရှိရာ ၎င်းတို့က ကျွန်ုပ်တို့သည် သင်တို့ထံစေလွှတ်ခြင်းခံရသော ရစူလ်များဖြစ်ကြသည်” ဟု ပြောကြသည်ဟု မိန့်ကြားထားသည်။

ဤအတွက်ကြောင့် မော်လာနာအိလ်ယားစ်သည် ဒအ်ဝသ်လုပ်ငန်းအတွက် ဂျမာအသ်ပုံစံကို ရွေးချယ်ခဲ့ခြင်းဖြစ်သည်။ ဂျမာအသ်အစုအရုံးဖြင့်နေသော အသိုက်အဝန်းတွင် တစ်ဦးတစ်ယောက်သောသူ၏ စကားမှာ စူးရှသက်ဝင်မှုမဖြစ်နိုင်သည်ကို စဉ်းစားဆင်ခြင်၍ မော်လာနာသည် ဂျမာအသ်ပုံစံဖြင့် ကြိုးပမ်းမှုကို စတင်ခဲ့သည်။ လူအချို့သည် ပုဂ္ဂိုလ်တစ်ဦးထံသို့ သွားရောက်ကြရသည်။ ပခုံးတွင် အိပ်ယာလိပ်ကို ထမ်းပိုး၍ ခြေလျင်လည်း လျှောက်ကြရသည်။ ကြိုးပမ်းမှု၊ မောပန်းမှုတို့၏ လက္ခဏာများမှာ ၎င်းတို့၏ မျက်နှာတွင်ပေါ်လွင်နေပြီး ဖိတ်ခေါ်ခံရသူက “ဤသူတို့သည် ကျွန်ုပ်ထံအဘယ့်ကြောင့်လာကြရသနည်း။ ကျွန်ုပ်နှင့် ထိုသူတို့အကြား မည်သို့မျှ ပတ်သက်မှုမရှိသော်လည်း အဘယ့်ကြောင့် ဒုက္ခခံ၍ ကျွန်ုပ်ထံလာကြသနည်း။ ၎င်းတို့ပြောဆိုသည့်စကားများမှာ မုချပင် အမှန်ဖြစ်ရမည်” ဟု စဉ်းစားမိပေမည်။
ဤသို့ ဂျမာအသ်ဖြင့် ဒုက္ခခံလျှက် သွားရောက်ကြိုးပမ်းမှုသည် လွန်စွာစူးရှသက်ရောက်မှုရှိသည်။

သဗ်လီးဂ်ဂျမာအသ်နှင့် ကြီးမားသောပြောင်းလဲမှု

တစ်နေရာ၌ရေးသားထားသည်ကို ကျွန်ုပ်ဖတ်ခဲ့ဖူးသည်။ သဗ်လီးဂ်လုပ်ငန်းအား အလ္လာဟ်အရှင်မြတ်သည် မော်လာနာအိလ်ယားစ်ဆွာဟိဗ်၏ နှလုံးသားအတွင်းဝယ် ဘာသာရပ်တစ်ခုအနေဖြင့် ထည့်သွင်းပေးတော်မူခဲ့သည်။ သင်ပေးသင်ယူခြင်း၊ မိမိကိုယ်မိမိပြုပြင်ခြင်း၊ ခရီးသွားလာလှည့်လည်ခြင်း၊ ဝိညာဉ်ပိုင်းဆိုင်ရာစိတ်ပါဝင်စားမှု၊ ခန္ဓာကိုယ်ကျန်းမာရေး စသောအရာအားလုံး ပါဝင်ပေသည်။ ယခုခေတ်အခါတွင် ဤလုပ်ငန်းသည် လွန်စွာအကျိုးပြုသောလုပ်ငန်းဖြစ်ပြီး ပြုလုပ်ရန်အရေးကြီးသော လုပ်ငန်းတစ်ခုလည်းဖြစ်သည်။ ထို့ကြောင့်လည်း ဤလုပ်ငန်းသည် အရှိန်အဟုန်ကြီးစွာဖြင့်ပင် ကြီးမားသောတိုးတက်ပြောင်းလဲမှုများဖြစ်ပေါ်လာနေသည်။ အိန္ဒိယနိုင်ငံ၏ ဒေသတိုင်းနှင့် ကမ္ဘာ့နိုင်ငံများတွင်လည်း မည်သည့်နေရာသို့ရောက်ရောက် သဗ်လီးဂ်ဂျမာအသ်များနှင့် သဗ်လီးဂ်မရ်ကဇ်များကို တွေ့ရသည်။ ဗိဒ်အသ်လုပ်ရပ်များသည် ကမ္ဘာသို့ဖြန့်ချိနေသောဤလုပ်ငန်းကြောင့် အရာမရောက်တော့ပါ။ ထိုလုပ်ငန်းအတွင်းဝယ် ပြဿနာအရှုပ်ထွေးများမရှိ၊ အကျိုးမဲ့လုပ်ရပ်များလည်း မရှိ၊ ဤသဗ်လီးဂ်လုပ်ငန်းသည် ကမ္ဘာကြီးတစ်ခုလုံးသို့ ပျံ့နှံနေပြီး နေ့စဉ်နှင့်အမျှ တိုးတက်လာနေသည်။

သဗ်လီးဂ်တွင် အပြင်ထွက်ရခြင်း၏ အကျိုး

သဗ်လီးဂ်လုပ်ငန်းတွင် လူသားကို ၎င်း၏အိမ်မှ အပြင်သို့ ထုတ်ယူလိုက်သည်။ အိမ်၏မိသားစုအသိုက်အဝန်းမှ ထွက်၍ အလ္လာဟ်အရှင်မြတ်၏အိမ်တော် ဗလီသို့ရောက်လာရလေသည်။ ထိုဗလီတွင် အသိုက်အဝန်းတစ်ခုကို ရရှိသည်။ အိမ်၏ အသိုက်အဝန်းနှင့် ဗလီ၏ အသိုက်အဝန်းမှာ လွန်စွာခြားနားလှပါသည်။ ဗလီမှ ၎င်းအား ဒါအီ(ဖိတ်ခေါ်ကြိုးပမ်းသူ) ဖြစ်လာစေသည်။ ထို့နောက် အာမိလ်(ကျင့်ဆောင်သူ) ဖြစ်သွားသည်။

သဗ်လီးဂ်၏ရည်ရွယ်ချက်

ဟဇရသ်စွဖ်ယားန်စောင်ရီ(ရဟ)က “ကျွန်ုပ်သည် ပညာသင်ယူစဉ်က အလ္လာဟ်အရှင်မြတ်နှစ်မြို့မှုအတွက်မဟုတ်ပဲ ပညာသင်ယူခဲ့ပါသည်။ သို့သော် ပညာတတ်မြောက်ပြီးသောအခါတွင် ကျွန်ုပ်သည် အလ္လာဟ်အရှင်မြတ်အတွက်ဖြစ်သွားသည်” ဟု မိန့်တော်မူသည်။ ဤသဗ်လီးဂ်လုပ်ငန်းတွင် ရည်ရွယ်ချက်မှာ နှလုံးသားသန့်စင်ခြင်း၊ လောကီရေးရာဟူသရွေ့တို့၏ စွဲလန်းစုံမက်ခြင်းမှ ပပျောက်စေခြင်း၊ နဖ်စ်စိတ်ရိုင်းမှ သန့်ရှင်းလာစေခြင်း၊ နှလုံးသားကြည်လင်ရှင်းလင်းစေခြင်း၊ ဝိဉာဉ်ပိုင်းဆိုင်ရာအင်အားများရှင်သန်လာစေခြင်း၊ ရှိုက်သွာန်ဖက်မှလာသော မကောင်းသောစိတ်ဓာတ်များ ပပျောက်သွားစေခြင်း တို့ဖြစ်သည်။

အဖြူရောင်ကိုယ်ကျိုးစွန့်မှု

ယခုခေတ်အခါတွင် များစွာသောကြိုပမ်းမှုများ ရှိကြပါသည်။ သို့သော်လည်း မိမိပုံစံနှင့် မိမိတို့ လှုပ်ရှားနေခြင်းဖြစ်သည်။ ဤသဗ်လီးဂ်ကြိုပမ်းမှုတွင် ရာထူးလည်းမရှိ၊ ကုလားထိုင်လည်းမရှိ၊ မိမိတို့ဥစ္စာငွေကြေးကိုသုံးစွဲပြီး ကြိုပမ်းနေကြခြင်းသာဖြစ်သည်။ ဤကြိုးပမ်းမှုသည် ယနေ့မျက်မှောက်ခေတ်တွင် သာသနာအားထိန်းသိမ်းရန်အတွက် အလွန်ကြီးမားသော ခိုလှုံရာရိပ်မြုံတစ်ခုဖြစ်သည်။

ခိုလှုံရာရိပ်မြုံနှစ်ခု

ကျွန်ုပ်တို့ဖြတ်သန်းနေရသော ယနေ့ခေတ်အခါတွင် မုစ်လင်မ်များအဖို့ ခိုလှုံရာ ရိပ်မြုံနှစ်ခုရှိသည်။ တစ်ခုမှာ သာသနာ့စာသင်ကျောင်း(မဒ်ရစာ)များဖြစ်ပြီး နောက်တစ်ခုမှာ သဗ်လီးဂ်လုပ်ငန်းဖြစ်သည်။ သာသနာ့ပညာသင်ကြားပေးသူတို့မှာ အပြင်ကလူများကို ခေါ်ဆောင်လာပြီး တစ်နေရာတွင်စုစည်း၍ သာသနာ့ပညာရပ်များပို့ချကြသည်။ သဗ်လီးဂ်လုပ်ငန်းမှာ စုစည်းပြီးလူများကို တစ်နေရာမှတစ်နေရာသို့ ခေါ်ဆောင်သွားကြသည်။

ဒအ်ဝသ်လုပ်ငန်း၌ပါဝင်ခြင်း

သဗ်လီးဂ်လုပ်ငန်းသည် ချို့ယွင်းချက်အလျဉ်းမရှိသော ခိုင်ခံသော အခြေခံလုပ်ငန်းဖြစ်သည်။ လူတို့၏ အတက်အကျသည် ထိုလုပ်ငန်းပေါ်၌မူတည်သည်။ သဗ်လီးဂ်လုပ်ငန်းနှင့် ထိတွေ့မှုရှိပြီး မိမိတို့အချိန်များအား ထိုလုပ်ငန်း၌အသုံးချသူများသည် ထပ်ဆင့်တိုးမြှင့်၍ အချိန်ပေးရမည်။ ယခင်က အချိန်အနည်းငယ်သာပေးခြင်းဖြစ်ပါက ယခုအချိန်ကို ပို၍ ပေးရမည်။ သဗ်လီးဂ်လုပ်ငန်း၌ ကြိုးစား၍ စိတ်ရောကိုယ်ပါ ပါဝင်ကြရမည်။ သဗ်လီးဂ်လုပ်ငန်းအပေါ်တွင် ကိုယ်တိုင်ကြိုးပမ်း အမလ်ကျင့်ဆောင်ခြင်းများပြုနိုင်ရန် ကြိုးစားရမည်။ အဘယ့်ကြောင့်ဆိုသော် အကြီးဆုံးသော အထောက်အထားသည် အမလ်ကျင့်ဆောင်ခြင်းသာဖြစ်ပြီး အမလ်ကျင့်ဆောင်မှုသည် ကြီးမားစွာသော စူးရှသက်ဝင်မှုကိုဖြစ်စေသည်။

ဒအ်ဝသ်လုပ်ငန်း၏အကျိုး

ယနေ့ကမ္ဘာတွင် အထူးသဖြင့် အိန္ဒိယ၊ ဘင်္ဂလားဒေ့ရ်ှနှင့် မြန်မာနိုင်ငံတို့တွင် မုစ်လင်မ်များအတွက် တိုးတက်မှု၊ အောင်မြင်မှု၏လမ်းသည် ဒအ်ဝသ်လုပ်ငန်းသာဖြစ်သည်။ ဤလုပ်ငန်းအား ပြုလုပ်ကြသူများသည် ဂုဏ်ပေးလေးစားခြင်းခံရသည်။

အလ္လာဟ်အရှင်မြတ်သည် ကျွန်ုပ်တို့အားလုံးအား သဗ်လီးဂ်လုပ်ငန်း၌ ပါဝင်နိုင်ရန် သောင်ဖီးက်စွမ်းအားချီးမြှင့်တော်မူပါစေ။ (အာမီးန်)

ဟဇရသ်ရှိုက်ခွလ်ဟဒီးစ်မော်လာနာရှမ်စွတ်ဒိုဟာ (ကျောင်းအုပ်ဆရာကြီး ဂျာမိအဟ်စူဖီယဟ် ရန်ကုန်)
(( အလ်မီဇားန်- အတွဲ ၈ မှ ဆရာသခင်ကြီး၏ ဆောင်းပါးအား အလ်မုဖီးဒ်မှ ပြန်လည်ဝေမျှ တင်ပြခြင်းဖြစ်သည်။ ))