အေပရယ်ဖူးလ်လုပ်တာကို အစ္စလာမ်က ခွင့်ပြုထားသလား

တမန်တော်ချုပ် မုဟမ္မဒ်(ဆွ)သည် အလ္လာဟ်အရှင်မြတ်၏နောက် အမြင့်မြတ်ဆုံးဖြစ်တော်မူသည်။ ထိုတမန်တော်ချုပ်အား ချီမြှင့်ထားသော သာသနာတော်မှာ ကိယာမသ်နေ့တိုင် ပြီးပြည့်စုံနေမည့် သာသနာဖြစ်သည်။ ကျွန်ုပ်တို့အနေဖြင့် ဤမျှကြီးကျယ်လှသော ကျေးဇူးတော်အတွက် မည်သို့ပင်ကျေးဇူးတင်စကားဆိုသည်ဖြစ်စေ မည်သည့်နည်းနှင့်ပင် ကျေးဇူးဆပ်သည်ဖြစ်စေ နည်းနေပါလိမ့်မည်။

ထို့ပြင် ကျွန်ုပ်တို့အား နဗီရစူလ်အပေါင်းတုိ့၏ ခေါင်းဆောင်ဖြစ်တော်မူသော တမန်တော်မြတ် မုဟမ္မဒ်(ဆွ) ၏ အွမ္မသ်သားများအဖြစ် ဖန်ဆင်းပေးတော်မူသော အလ္လာဟ်အရှင်မြတ်အား မရေမတွက်နိုင်လောက်အောင် ကျေးဇူးတင်ကြရပါမည်။

သို့ရာတွင် ဝမ်းနည်းစရာမှာ………….. မျက်မှောက်ခေတ်ရှိ အချို့မုစ်လင်မ်များသည် မုစ်လင်မ်မဟုတ်သူများ၏ အယူဝါဒများနှင့် ဓလေ့ထုံးစံများကို လက်ခံကျင့်သုံးနေကြခြင်းပင်ဖြစ်သည်။

များစွာသောဓလေ့ထုံစံများမှာ မုစ်လင်မ်မဟုတ်သူတို့၏ ရိုးရာများ၊ ထုံးတမ်းစဉ်လာများဖြစ်ပြီး ၎င်းတို့နှင့် ရောနှောဆက်ဆံနေထိုင်ကြရင်းမှ ရရှိလာကြခြင်းဖြစ်သည်။ ဤဓလေ့ ထုံးတမ်းစဉ်လာများသည် အဘယ်ကရောက်ရှိလာသနည်း။ အဘယ်အချိန်က ရောက်ရှိလာသနည်းဟူ၍လည်း တွေးတောဆင်ခြင် သုံးသပ်ခြင်း မပြုကြပါ။ စင်စစ်ထိုဓလေ့ထုံးစံများသည် ကာဖိရ်များ၏ ရိုးရာဓလေ့များဖြစ်သည့်အတွက် မုစ်လင်မ်တို့သည် ယင်းတို့အားရှောင်ကြပြီး မိမိတို့၏ အီမာန်အား ထိန်းသိမ်းရန် အရေးကြီးသည်။

အေပရယ်ဖူးလ်ဆိုတာ ဘာလဲ

အထက်ဖေါ်ပြပါ ဓလေ့ထုံးစံများအနက် မျက်မှောက်ခေတ်တွင် ရေပန်းစားကျော်ကြားနေသည်မှာ အေပရယ်ဖူးလ်မည်သော ဓလေ့ဆိုးပင်ဖြစ်သည်။ အေပရယ်ဖူးလ်ဆိုသည်မှာ နှစ်စဉ် ဧပြီလဆန်းတစ်ရက်နေ့တွင် လှည့်ဖြားခြင်း၊ လိမ်ညာ မုသားပြောခြင်း၊ နောက်ပြောင်ကျီစယ်ခြင်းများဖြင့် လူတို့အား ဒုက္ခပေးခြင်းပင်ဖြစ်သည်။

ဥပမာ။ ထိုနေ့တွင် မိမိအိမ်မှ အခြားတစ်နေရာသို့ရောက်နေသူ တစ်ဦးအား နောက်တစ်ဦးက "ကျွန်တော် ခင်ဗျားရဲ့အိမ်နားက ဖြတ်လာတဲ့အချိန်မှာ ခင်ဗျားအိမ် မီးလောင်နေတာကို တွေ့ရတယ်။ ခင်ဗျားရဲ့မိဘတွေ၊ ခင်ဗျားရဲ့ဇနီးနဲ့ ကလေးတွေလည်း အားလုံးမီးလောင်ပြီး သေဆုံးသွားကြပြီ။ အိမ်ရဲ့အတွင်းပစ္စည်းအားလုံးလည်း မီးလောင်ပြာကျကုန်ပြီ။ အိမ်နားမှာလည်း လူတွေဝိုင်းနေကြတယ်။ ခင်ဗျား အမြန်ဆုံးပြန်ပေတော့ " ဟုပြောသောအခါ ကြားရသူခမျာ ထိုသူ့စကားကို ယုံပြီး သောကဗျာရမီးတောက်၍ အိမ်သို့အပြေးသွားလေတော့သည်။ ရောက်သောအခါ အိမ်မှာ ပကတိအတိုင်း ငြိမ်းချမ်းစွာရှိနေပြီး ထိုသူပြောသကဲ့သို့ စိုးရိမ်ဖွယ်တစ်စုံတစ်ရာမဖြစ်ကြောင်း တွေ့မြင်ရတော့သည်။

အလားတူ ထိုနေ့၌ မီးသတ်ဌာနသို့ ဖုန်းဆက်၍ " မည်သည့်နေရာမှာ မီးစွဲလောင်နေပါတယ်။ အမြန်သွားရောက် မီးငြိမ်းသတ်ကြပါ " ဟုပြောသောအခါ မီးသတ်ဌာနသည် ထိုနေရာသို့ အလျင်အမြန်သွားရောက်လေတော့သည်။ သို့သော် မည်သည့်ထူးခြားချက်မျှ မတွေ့သောအခါ နောက်ပြောင်ခြင်း ဖြစ်ကြောင်းသိရှိရတော့၏။

ဧပြီလဆန်းတစ်ရက်နေ့ရောက်လျှင် ဤကဲ့သို့သော ဖြစ်ရပ်များ ပေါ်ပေါက်လေ့ရှိသည်။ ထို့ကြောင့် ထိုနေ့သို့ရောက်လျှင် " ဒီနေ့ ဧပြီတစ်ရက်နေ့နော်၊ သတိထားနေကြ " ဟူ၍ အထူးတလည် သတိပေးခြင်းပင် ပြုရလေသည်။
ဤဓလေ့တွင် လွန်စွာဆိုးယုတ်သော မကောင်းခြင်းများ ပါဝင်ပေါင်းစုနေသည့်အတွက် ရှရီအသ်တရားတော်က ဟရာမ် မပြုပိုင်ကြောင်း တားမြစ်ထားသည်။

ဧပရယ်ဖူးလ်ဓလေ့၏ မကောင်းခြင်း - ပထမအချက်
ထိုဓလေ့၏ မကောင်းခြင်းတစ်မျိုးမှာ ခရစ်ယာန်များနှင့် တူဆင်ခြင်းဖြစ်သည်။ အကြောင်းမှာ အေပရယ်ဖူးလ်ကျင်းပခြင်းဓလေ့ကို ခရစ်ယာန်များက စတင်ခဲ့ခြင်းဖြစ်သည်။

အစ္စလာမ်တရားတော်မြတ်တွင် ၎င်းတို့နှင့် တူဆင်မှုပြုခြင်းကို " မပိုင်" ဟူ၍ သတ်မှတ်ထားတော်မူသည်။ သို့သော်လည်း ယခုအခါ ၎င်းတို့နှင့် တူဆင်မှုပြုခြင်းအား အပြစ်တစ်စုံတစ်ရာ ထိုက်သည်ဟု မှတ်ယူခြင်းမပြုကြရုံမျှမက အနောက်တိုင်းယဉ်ကျေးမှုကို ခုံမင်သူအချို့တို့သည် ထိုလုပ်ရပ်များအပေါ် ဂုဏ်ယူဝင့်ကြွား၍ "တို့က ခေတ်နဲ့အညီ လျှောက်လှမ်းနေကြတာပါ။ ဒါဟာ ခေတ်ရဲ့တောင်းဆိုချက်ပဲ။ တို့လည်း ခေတ်နဲ့အညီနေရာမှာပေါ့ " ဟုပင် ပြောဆိုကြသေးသည်။

သို့ရာတွင် မုစ်လင်မ်တို့၏ အောင်မြင်မှုဆိုသည်မှာ အစ္စလာမ်သာသနာတော်အပေါ် လိုက်နာကျင့်သုံးခြင်း၌သာ ရှိပြီး အခြားသူတို့၏ ဓလေ့ထုံးစံများတွင် အောင်မြင်မှု မရှိသည်ကို ကောင်းစွာသိထားရပါမည်။

မကောင်းခြင်း - ဒုတိယအချက်

အလွန်ကြောက်မက်ဖွယ် သတိပေးချက်များ လာရှိထား၏။ မုသားပြောဆိုသူများအပေါ် အလ္လာဟ်အရှင်မြတ်၏ လအ်နသ်ကျရောက်မည်။ မုသားပြောဆိုခြင်းသည် မုနာဖိက်တို့၏ လက္ခဏာများအနက်မှ တစ်ခုအပါအဝင်အဖြစ်သတ်မှတ်ထားသည်။ ဟဒီးစ်တော်တစ်ရပ်တွင် " လူတွေရယ်မောစေဖို့ မုသားပြောဆိုသူဟာ ပျက်စီးဆုံးရှုံးမယ် " ဟူ၍ မိန့်ကြားထားသည်။ အခြားသောဟဒီးစ်တော်တစ်ပါး၌ "ရယ်မောပျော်ရွှင်တဲ့အခါမှာဖြစ်ဖြစ်၊ တိုက်ခိုက်တဲ့အခါမှာဖြစ်ဖြစ် မုသားပြောဆိုတာကို မစွန့်လွှတ်သမျှ ဒီလူဟာ ပြည့်ဝတဲ့အီမာန်ရှင်မဟုတ်ဖူး။ " ဟူ၍ လာရှိထားသည်။

မကောင်းခြင်း - တတိယအချက်

ထိုဓလေ့ဆိုးတွင် ခယာနသ် အလွဲသုံးစားပြုမှုလည်း ပါဝင်နေသည်။
အလွဲသုံးစားမှုသည် မုနာဖိက်တို့၏ လက္ခဏာဖြစ်သည်။ အလ္လာဟ်အရှင်မြတ်က တားမြစ်တော်မူထားသည်။ ကုရ်အာန်ကျမ်းတော်မြတ်တွင် " အို အီမာန်သက်ဝင်ယုံကြည်သူအပေါင်းတို့ သင်တို့သည် အလ္လာဟ်အရှင်မြတ်ကိုလည်းကောင်း၊ ရစူလ်တမန်တော်မြတ်ကိုလည်းကောင်း၊ ခိယာနသ်အလွဲသုံးစားခြင်း မပြုကြနှင့်။ ထို့နောက် အချင်းချင်း အမာနသ်တာဝန်ရှိသည်များကို ခိယာနသ်တာဝန်ပျက်ကွက်ခြင်း၊ သစ္စာမဲ့ခြင်းမပြုကြနှင့်။ " ဟူ၍ မိန့်ကြားထားသည်။

*ကိုယ်တော်မြတ်(ဆွ)သည် ခိယာနသ်ပြုခြင်းမှ ကင်းဝေးရန် တောင်းဆုပန်တော်မူခဲ့၏။

မကောင်းခြင်း - စတုတ္ထအချက်
ထိုဓလေ့ဆိုးတွင် လှည့်စား၍ ဒုက္ခပေးခြင်းလည်းပါဝင်နေသည်။ ဒုက္ခပေးခြင်းသည် မုစ်လင်မ်တို့၏ လမ်းစဉ်မဟုတ်ပါ။ ထိုမျှမက ပြည့်ဝသည့်မုစ်လင်မ်ဆိုသည်မှာ မိမိ၏ လုပ်ရပ်များကြောင့် အခြားသောသူများအပေါ် ဒုက္ခမရောက်စေသူသာဖြစ်သည်။

အစ္စလာမ်ဟူသည် သန့်ရှင်းသောစီမံမှုများနှင့် ပြည့်ဝသော ဥပဒေများ၏ ဘဝသက်တမ်းတစ်ခုဖြစ်သည်။ အစ္စလာမ်သာသနာတွင် ဤကဲ့သို့သော အကျိုးမဲ့လုပ်ရပ်များနှင့် ဓလေ့ထုံးတမ်းစဉ်လာများ လုံးဝမရှိပါ။ ထို့ကြောင့် မုစ်လင်မ်များအနေဖြင့် ထိုကဲ့သို့သောလုပ်ရပ်များကို ရှောင်ကြဉ်ကြပြီး မိမိတို့၏ ဘဝသက်တမ်းအားပြုပြင်ရန် ကြိုးစားကြရပါမည်။

အလ္လာဟ်အရှင်မြတ်သည် ကျွန်ုပ်တို့အား ရှရီအသ်တရားတော်၏ အမိန့်ဟူသ၍အပေါ် လိုက်နာကျင့်ဆောင်နိုင်သည့် စွမ်းအားများ ပေးသနားတော်မူပါစေ။ (အာမီးန်)

(( အလ်မီဇားန်- အတွဲ ၈ မှ ဆရာသခင်ကြီးမော်လာနာမုဟမ္မဒ်ယူနွတ်စ်ဆွာဟိဗ် (မဇွာဟေရီ) ၏ ဆောင်းပါးအား အလ်မုဖီးဒ်မှ ပြန်လည်ဝေမျှ တင်ပြခြင်းဖြစ်သည်။ ))

(အလ်မုဖီးဒ်)

Website:        http://aaitee.blogspot.com

Facebook:      http://www.facebook.com/almufeed.mm

Email:           haroonrangoni@gmail.com

google တွင်ရှာရန် “ အလ်မုဖီးဒ် ” ဟု မြန်မာလိုရိုက်၍ရှာပါ။

မိမိဖုန်းထဲတွင် ပြန်လည်ဖတ်ရှုရန် သိမ်းထားလိုပါက Simple Islam.apk ဖိုင်ကို ဒေါင်းလုတ်ဆွဲပြီး Install လုပ်ထားပါ။