Sunday, October 26, 2014

ကုန်ဆုံးနေသော ဒွန္နယာသက်တမ်း


ဗိစ်မစ်လ္လာဟိစ်ရ်ရဟ်မာနစ်ရ်ရဟီးမ်
ဟဇရသ် ခါလစ်ဒ်ဗင်န်အုမိုင်ရ်အဒဝီ(ရဟ)ဆင့်ပြန်ခဲ့သည်။ ဟဇရသ် အွတ်သ်ဗဟ်ဗင်န်ဂဇ်ဝါန်(ရဟ)က ကျွန်ုပ်တို့အား ဟောကြားတင်ပြသည်။ ဦးစွာ ၎င်းက အလ္လာဟ်(စုဗ်ဟာနဟုသအာလာ)အား ဟမ်ဒိုစနာ ချီးမွမ်းထောမနာပြုပြီးနောက် အမိန့်ရှိတော်မူသည်မှာ မုချဧကန် ဤဒွန္နယာလောကသည် မိမိကိုယ်တိုင်ပျက်စီးယိုယွင်းမှုနှင့် နောက်ဆုံးအချိန်သို့ ဆိုက်ရောက်နေကြောင်းကို ကြွေးကြော်ခဲ့ပေပြီ။ ပြီးနောက် ၎င်းသည်အလွန်လျင်မြန်သော အရှိန်အဟုန်ဖြင့် ကျောပေး၍ ပြေးနေပေပြီ။ ၎င်းဒွန္နယာသည် အနည်းအကျဉ်းမျှသာ ကျန်နေပေတော့သည်။ ပမာဆိုသော်ခွက်တစ်ခုတွင် သောက်ရန် အရည်အနည်းငယ်ကျန်ရှိနေခဲ့သည်။ ၎င်းကို လူတို့သည် စုပ်ယူလိုက်သကဲ့သို့ဖြစ်သည်။ အသင်သည် ဤဒွန္နယာလောကမှ ကျောခိုင်းပြီး အမြဲတည်နေမည့်နေအိမ်ဌာနသို့ ထွက်ခွာ ပြောင်းရွှေ့ရဦးမည်။
ထို့ကြောင့်ပင် အသင်တို့ထံ၌ရှိသောအကောင်းဆုံးအရာများ(ကောင်းမှုကုသိုလ်)ကို ယူဆောင်၍ အသင်တို့ ၎င်းဌာနသို့ သွားကြလေကုန်။ ဂျဟန္နမ်၏ နှုတ်ခမ်းဝမှ ကျောက်ခဲတစ်လုံးကိုယူ၍ ဂျဟန္နမ်ထဲသို့ ပစ်ချလိုက်ပါမူ ကျောက်ခဲသည် နှစ်(၇၀)ကျော်တိုင် ကျဆင်းနေသော်လည်း ၎င်း၏အောက်ဆုံးသို့ ဆိုက်ရောက်သေးမည်မဟုတ်သေးကြောင်း၊ ကျွန်ုပ်တို့အား အသိပေးခြင်းခံခဲ့ရသည်။ အသင်တို့သည် အံ့သြနေကြပါ၏လော။ ၎င်းထိုမျှ နက်ရှိုင်းသော ဂျဟန္နမ်သည် အရှင့်ကစမ်၊ တစ်နေ့သောအခါလူများဖြင့် ပြည့်နှက်သွားကြပေလိမ့်မည်သာ။ ၎င်းပြင် ဂျန္နသ်ရှိ တံခါးပေါက်တစ်ခု၏ တံခါးရွက်နှစ်ခု၏ အကွာအဝေးသည် နှစ်ပေါင်း(၄၀) ခရီးမျှကွာဝေးသည်။ သို့သော်လည်း ဤမျှကျယ်ဝန်းသောတံခါးပေါက်သည်လည်း လူတို့ဖြင့် ပြည့်နှက်နေဦးမည်သာ။

ကျွန်ုပ်သည်ထိုခေတ်အခါကိုလည်း မှီခဲ့ပေသည်။ ကျွန်ုပ်တို့ခုနစ်ဦးသည် တမန်တော်မြတ် (ဆွလ္လာဟုအလိုင်ဟိဝစလာမ်) နှင့် အတူရှိနေခဲ့သည်။ ၎င်းကျွန်ုပ်တို့ စားသောက်ရန်အတွက်လည်း သစ်ရွက်များသာရှိခဲ့သည်။ ၎င်းသစ်ရွက်များကိုသာနေ့စဉ်ရက်ဆက် စားသောက်ရသဖြင့် ကျွန်ုပ်တို့၏ ပါးစောင်များသည်ပင် ဒဏ်ရာများ ရရှိလာပေသည်။ ကျွန်ုပ်သည် စောင်တစ်ထည်ရှိလေရာ တစ်ပိုင်းကို ကျွန်ုပ်က ပုဆိုးအဖြစ် အသုံးပြုရ၏။ ကျန်တစ်ပိုင်းကို စအဒ်ဗင်န်မာလစ်က်က ပုဆိုးအဖြစ်အသုံးပြုလေ၏။ ယခုအခါတွင်မူ ကျွန်ုပ်တို့အနက် တစ်ဦးစီတိုင်းသည် မြို့တစ်မြို့၏ မြို့ပိုင်များအဖြစ် ခန့်အပ်ခံကြရပေသည်။ ကျွန်ုပ်တို့သည် မိမိကိုယ်ကို မိမိကြီးကျယ်မြင့်မြတ်သည်ဟု ထင်မြင်ယူဆနေပြီး အလ္လာဟ် (စုဗ်ဟာနဟုသအာလာ) ထံ၌ သေးသိမ်ယုတ်ညံ့နေသည့်အဖြစ်မျိုးမှ ကင်းဝေးဗရန် အရှင်မြတ်ထံတော်၌ ခိုလှုံဆည်းကပ်ပါ၏။ နဗူဝသ်၏ နည်းစနစ်သည် ချုပ်ငြိမ်းကုန်ဆုံးသွားခဲ့ပေပြီ။ ၎င်းနေရာသို့ ဘုရင်စနစ်အစားထိုး ဝင်ရောက်လာခဲ့ပေပြီ။ ကျွန်ုပ်မရှိပြီးသည့်နောက် အသင်တို့သည် အခြားဦးစီးခေါင်းဆောင်များကိုလည်း တွေ့ကြုံကြရပေလိမ့်မည်။ (လက်တွေ့မြင်ကြရပေလိမ့်မည်) (မွတ်စ်လင်မ်ကျမ်း) မွန်သခဗ်အဟာဒီးစ်ကျမ်း မှ ကောက်နှုတ်တင်ပြသည်။
***အာခိရသ်ရဲ့နူရ်***
မိုဟရမ် (၁) ရက်။
((အလ်မုဖီးဒ်မှ တင်ဆက်သည်))
Website: http://aaitee.blogspot.com
Facebook: http://www.facebook.com/almufeed.mm
Email: haroonrangoni@gmail.com
google တွင်ရှာရန် “ အလ်မုဖီးဒ် ” ဟု မြန်မာလိုရိုက်၍ရှာပါ။
မိမိဖုန်းထဲတွင် ပြန်လည်ဖတ်ရှုရန် သိမ်းထားလိုပါက Simple Islam.apk ဖိုင်ကို ဒေါင်းလုတ်ဆွဲပြီး Install လုပ်ထားပါ။