အစာစားခြင်း နှင့် ကိုယ်ကာယ လေ့ကျင့်ခန်း

အစာကြေစေရန် နည်းလမ်း
သိရ်မီဇီကျမ်းနှင့် အဗူဒါဝူးဒ်ကျမ်းတွင် ဟဇရသ်အာအေရှာဟ်သခင်မထံမှ ဆင့်ပြန်ချက်တစ်ခု လာရှိသည်။ ကိုယ်တော်မြတ်ဆွလ္လလ္လာဟုအလိုင်းဟိဝစလ္လမ် မိန့်ကြားသည်မှာ အသားကို ဓါးမြှောင် (သို့မဟုတ်) မောင်းချဓားဖြင့် ဖြတ်တောက်၍ မစားကြနှင့်။ ဤသည် အရဗ်မဟုတ်သောသူများ၏ နည်းလမ်းဖြစ်သည်။ သို့သာမက သွားများဖြင့် ကိုက်ဖြတ်ကြကုန်။ အဘယ့်ကြောင့်ဆိုသော် ဤသည် အစာမကြေခြင်းမှ ကာကွယ်စေလေသည်။ ထို့ပြင် သွားများဖြင့် ကိုက်ဖြတ်စားသောခြင်းသည် အစာကို လျှင်မြန်စွာ ကြေစေသည်။

အစာစားပြီးနောက် လေ့ကျင့်ခန်း ပြုလုပ်ခြင်း
ခန္ဓာကိုယ် ကျန်းမာကြံခိုင်ရေးအတွက် လှုပ်ရှားမှုပြုလုပ်ခြင်းသည် အလွန်အကျိုးထူးပေသည်။ တမန်တော်မြတ် ဆွလ္လလ္လာဟုအလိုင်းဟိဝစလ္လမ် ၏ မိန့်ခြွေချက်လာရှိသည်မှာ " ဇိကိရ်နှင့် နမားဇ်တို့ဖြင့် အစာကို ကြေညက်အောင်ပြုကြပါ။
အစာစားပြီးသည်နှင့် ချက်ခြင်း မအိပ်စက်ရပေ။ ထိုသို့အိပ်ခြင်းသည် စိတ်နှလုံးကို မာကျောစေသည်။

အကျိုးကျေးဇူး
မဝါဟစ်ဇ်ကျမ်းတွင် ပါရှိသည်။ ကျန်းမာပြီး ဖြတ်ဖြတ်လတ်လတ်ရှိနေသည်ကို လိုလားသူသည် ညစာစားပြီးနောက် ခြေလှမ်း ၁၅ဝ လမ်းလျှောက်ရပေမည်။
ကာနူးန်သခင်၏ ဖွင့်ဆိုသည့်ကျမ်းတွင် ရေးသားထားသည်မှာ လှုပ်ရှားခြင်းနှင့် ငြိမ်သက်စွာနေခြင်းတို့သည် ပင်ကိုယ်စရိုက်အားဖြင့် အေးမြသော သဘောကို ဆောင်သည်။ လှုပ်ရှားခြင်းဖြင့် အစိုဓာတ်နှင့် အညစ်အကြေးတို့ကို ဖြစ်ပေါ်စေသည်။ ထို့အတွက်ကြောင့် နှစ်ဖက်စလုံးတွင် သင့်တင့်မျှတစွာ နေထိုင်ရန်သင့်သည်။ ဤသို့မျှတစွာနေထိုင်ခြင်းဖြင့် ခန္ဓာကိုယ်၏ ပင်ကိုယ်အပူဓာတ်ကို တိုးပွားစေသည်။ အစာကို ကြေစေသည်။ အာရုံကို ထက်မြက်စေသည်။ ဝမ်းကို ဟာစေသည်။ အင်အားကို ရှင်သန်တိုးပွားစေသည်။ ဤအတွက်ကြောင့်ပင် ခန္ဓာကိုယ် ကျန်းမာကြံခိုင်စေရန်အတွက် ခရီးထွက်ခြင်းသည်လည်း ကုသနည်းတစ်မျိုးဖြစ်သည်။
ကိသာဗွသ်သွဗ်ကျမ်းတွင် အဗူနိုအီးမ်သခင်က ဟဇရသ်အဗူဟုရိုင်ရာသခင်ထံမှ ဆင့်ပြန်သည်မှာ ကိုယ်တော်မြတ်ဆွလ္လလ္လာဟုအလိုင်းဟိဝစလ္လမ် အမိန့်ရှိသည်။ ခရီးထွက်ကြကုန်။ ခရီးထွက်ခြင်းဖြင့် ကျန်းမာကြံခိုင်မှုနှင့် စားနပ်ရိက္ခာရရှိစေမည်။

သိမှတ်ဖွယ်ရာ
အစ္စလာမ်သာသနာ့ပညာရှင်များက ဤဟဒီးစ်တော်အား အဓိပ္ပာယ်အမျိုးမျိုး ကောက်နှုတ်၍ ဖွင့်ဆိုရေးသားထားကြသည်။ ဤနေရာတွင် အကျဉ်းချုပ်မျှကို သိထားလျှင် လုံလောက်ပေသည်။ ၎င်းမှာ ခရီးထွက်ရန် အမိန့်ပေးထားရခြင်း၏ အကြောင်းအရင်းသည် ခရီးထွက်ခြင်းဖြင့် ရေ၊ လေ ပြောင်းလဲသွားလေသည်။ ဤသည် စိတ်ကြည်နူးစေရန်အတွက်လည်း စူးရှမှုရှိသော အကြောင်းခံတစ်ရပ်ပင် ဖြစ်သည်။ များသောအားဖြင့် ရောဂါဝေဒနာများသည် ရေ၊ လေ၊ သဘာဝ ပြောင်းလဲသွားရုံမျှဖြင့် ရောဂါပျောက်ကင်းချမ်းသာသွားကြလေသည်။
ထို့ပြင် ဤဟဒီးစ်တော်တွင် ရိုဇီရိက္ခာရရိုခြင်းနှင့် ပတ်သက်၍ ဖော်ပြထားလေသည်။ ဤသည်လည်း အများအမြင်၍ သက်သေဖြစ်ပေသည်။ အချို့သောအချိန်များ၌ ကုန်ပစ္စည်း ကူးသန်းရန်နှင့် တာဝန်ဝတ္တရားများ ထမ်းဆောင်ရန်အတွက် ခရီးထွက်ရပေသည်။ ဤအတွက်ကြောင့် ခရီးထွက်ခြင်းသည် အောင်မြင်မှု၏ အကြောင်းခံဟူသော ဆိုရိုးစကားသည် ကျော်ကြားလှပေသည်။

အလ်ဟာဂ်ျမော်လာနာမွဖ်သီကာရီမုဟမ္မဒ်ယူစွဖ်(အဆ်အဒီ) ပြန်ဆိုရေးသားသည့် တမန်တော်မြတ် ၏ ကုထုံးလမ်းညွှန် မှ ကောက်နှုတ်တင်ပြသည်။

((အလ်မုဖီးဒ်မှ စီစဉ်တင်ဆက်ပါသည်))

Website: http://aaitee.blogspot.com
Facebook: http://www.facebook.com/almufeed.mm
Email: haroonrangoni@gmail.com
google တွင်ရှာရန် “ အလ်မုဖီးဒ် ” ဟု မြန်မာလိုရိုက်၍ရှာပါ။
မိမိဖုန်းထဲတွင် ပြန်လည်ဖတ်ရှုရန် သိမ်းထားလိုပါက Simple Islam.apk ဖိုင်ကို ဒေါင်းလုတ်ဆွဲပြီး Install လုပ်ထားပါ။