ကလေးငယ်ကို ခေါင်းရိတ်ပေးခြင်း စွန္နသ်အကြောင်း

ဤအကြောင်းအရာ ရေးသားရခြင်း၏ အဓိကရည်ရွယ်ချက်မှာ အစ္စလာမ်တွင်ရှိသည့် အစ္စလာမ့်နည်းလမ်းများကို မုစ်လင်မ်နှင့် လူအများ သိစေရန်ရည်ရွယ်သည်။ ကလေးငယ်ကို ခေါင်းရိတ်ခြင်းအကြောင်းကို အဓိကဦးစားပေးရခြင်းမှာ ယနေ့အခါတွင် ကလေးကို ခေါင်းရိတ်ခြင်းသည် မသင့်တော်ကြောင်း မခိုင်လုံသည့် စကားရပ်များသည် လူအများကြားတွင် အလွန်ပျံ့နှံ့နေပေရာ မုစ်လင်မ်များကိုယ်တိုင် ယင်းစကားရပ်များကို လက်ခံသူများရှိနေသည်ကို တွေ့ရပါသည်။ အစ္စလာမ်ဘာသာရေးကို တတ်သိပညာရှင်များကိုယ်တိုင် ထိုအကြောင်းအရာများကို လက်လွတ်စပယ် ဖြန့်နေသည်ကို ၀မ်းနည်းဖွယ်တွေ့ရသည်။ အမှန်တကယ်ဆိုလျှင် ယင်းစကားရပ်သည် စွန္နသ်နှင့် ဆန့်ကျင်ကြောင်း၊ စွန္နသ်မည်သို့ရှိကြောင်း ထုတ်ဖော်ရမည်ဖြစ်သည်။ သို့သော် မည်သူမှ ပြန်လည် ရေးသားသည်ကို မတွေ့ရပါ။ ထို့ကြောင့် အစ္စလာမ့်၏ နည်းနှင့် ယင်း၏ကောင်းကျိုးကို သိမြင်စေရန် အလ်မုဖီးဒ်မှ ဖော်ပြအပ်ပါသည်။ မည်သူမဆို အစ္စလာမ်တွင်ရှိသည့် လုပ်ဆောင်ချက်များကို ကျင့်သုံးပါက လောကီတွင် ဆိုးကျိုးကင်းစင် ကျန်းမာပျော်ရွှင်ရမည်ဖြစ်ကြောင်း သတင်းကောင်းပါးအပ်ပါသည်။ ဤနေရာတွင် ကလေးမွေးရာတွင် ပြုကျင့်ရသည့် အစ္စလာမ့်နည်းများကို မိတ်ဆက်သဘောမျိုး တင်ပြထားပါသည်။ လေ့လာပါ။ ကျင့်သုံးပါ။ မျှဝေပါ။ တိုက်တွန်းပါ။

အစ္စလာမ်တွင် ကလေးငယ်တစ်ဦးမွေးဖွားလာပါက လုပ်ဆောင်ပေးရမည့် တာဝန်များရှိသည်။ အကျဉ်းချုံဖော်ပြရသော်

(၁) ကလေးမွေးမွေးပြီး အညစ်အကြေးများမှ ဆေးကြောသုတ်သင်ပြီးနောက် ကလေး၏ ညာဘက်နားတွင် အဇာန်ဆိုရမည်၊ ဝဲဘက်နားတွင် သပ်က်ဗီးရ်ဆိုပေးရမည်။ အဇာန်မှာ ဆွလာသ်အတွက် ဖိတ်ခေါ်သည့်အဇာန်အတိုင်းပင် ဖြစ်၏။

(၂) تَحْنِيْكٌ သဟ်နီးက်ပြုပေးခြင်း ( ကိုယ်ကျင့်တရားကောင်းမွန်ပြီး ဘာသာရေးကိုင်းရှိုင်းလိုက်နာသူက စွန်ပလွံခြောက် သို့မဟုတ် အချိုတစ်ခုခုကို ကျေအောင်ဝါး၍ ၎င်းမှအစိတ်အပိုင်းအနည်းငယ်ကို လက်ညှိုးဖြင့်ယူ၍ မွေးပြီးပြီးချင်းကလေးငယ်၏ ပါးစပ်အတွင်းသို့ ထည့်ပေးခြင်းဖြစ်၏။ ထို့သို့ထည့်ပေးရာတွင် လက်ညှိုးကို လက်ဝဲ လက်ယာဘက်များသို့ ဖြေးညှင်းစွာ လှုပ်ပေးရမည်။ ဤသည်မှာ စွန္နသ်ကျင့်စဉ်ဖြစ်၏။ ရင်သွေးငယ်လေးအား ခွံ့ပေးရန် အကောင်းဆုံးအဟာရမှာ စွန်ပလွန်သီးခြောက်ဖြစ်၏။ မရပါက အစိုကို အသုံးပြုနိုင်သည်။ ယင်းလည်း မရနိုင်ပါက အချိုတစ်ခုခုကို အသုံးပြုနိုင်သည်။ အခြားသောအချိုတွင် ပျားရည်သည် အကောင်းဆုံး အစားအစာဖြစ်၏။ ယင်းလည်းမရပါက မီးနှင့်ကျိုချက်မထားသည့် အစားအစာတစ်မျိုးမျိုးကို အသုံးပြုပါ။

(၃) ကလေးမွေးပြီးနောက် ကလေးကို ကောင်းသောအမည်နာမ မှည့်ပေးခြင်းဖြစ်၏။ အစ္စလာမ်တွင် အမည်ပေးရန်အတွက် အခမ်းအနားကျင်းပရန် မသတ်မှတ်ထားပါ။ အမည်ကို အစောဆုံးပေးခြင်းက အကောင်းဆုံးဖြစ်၏။ ခုနှစ်ရက်ပြည့်မှသာ အမည်ပေးရသည်မဟုတ်ပါ။ အကြောင်းကြောင့် ကြန့်ကြာလျှင်လည်း အမြန်ဆုံး အကောင်အထည်ဖော်ပါ။

(၄) အကီကဟ်ပြုခြင်း

အကီကဟ်ကို ခုနှစ်ရက်ပြည့်ပြီးနောက် ပြုပေးခြင်းသည် မုစ်သဟဗ်ဖြစ်၏။ ခုနှစ်ရက်တွင် မဆောင်ရွက်နိုင်ပါက ခုနှစ်ရက်စီတိုး၍ ဆောင်ရွက်နိုင်သည်။ ၁၄ရက်၊ ၂၁ရက် စသည်ဖြင့်။ ခုနှစ်ရက်ထက်ကျော်ပြီး တခြားမည်သည့်နေ့တွင်မဆို အကီကဟ်ပြုပါက မွေးသည့်နေ့ထက် တစ်ရက်စော၍ အကီကဟ်ပြုရမည်။ ကလေးက တနင်္ဂနွေမွေးလျှင် စနေကို အကီကဟ်ပြုရမည်။ သောကြာမွေးလျှင် ကြာသပတေးကို အကီကဟ်ပြုရမည်။ အကီကဟ်ပြုခွင့်သည့် အချိန်ကာလ ကုန်ဆုံးသည်ဟူ၍ မရှိပါ။ အကီကဟ်ကို ယခုအခါသမယတွင် ဆွေမျိုးအားလုံး၊ မိတ်ဆွေများပါ ဖိတ်ကျွေးသည်အထိ ကြီးကျယ်စွာပြုကြသည်။ တတ်နိုင်လို့ လုပ်သည်က ဘာမှပြဿနာမရှိ။ သို့သော် အားလုံးလိုလို ထိုပုံစံအတိုင်း လုပ်လာသဖြင့် ယင်းသို့မကျွေးမွေးပါက အကီကဟ်မဟုတ်သလို အထိ ယူဆသကဲ့သို့ဖြစ်လာခြင်းသည် မှား၏။ အစ္စလာမ့်၏ တာဝန်များသည် လူအများ လိုက်နာရာတွင် လွယ်ကူမှုကို အထူးဦးစားပေးထားသည်။ ထို့ကြောင့် သတ်မှတ်ထားသလောက်သာ လုပ်ဆောင်ခြင်းက ကောင်း၏။ အကီကဟ်အတွက် ဖိတ်ခေါ်ကျွေးမွေးရန် တာဝန်မရှိပါ။ သားကောင်ကို ဇဗဟ်ပြုပြီးပါက မိမိအတွက်၊ မိမိဆွေမျိုးမိတ်ဆွေများအတွက်နှင့် သူဆင်းရဲများအတွက်ဟု သုံးပုံ ပုံ ဝေငှလိုက်လျှင် တာဝန်ကျေပါသည်။

(၅) ခေါင်းရိတ်ပေးခြင်း၊ (၆) ခသ်နဟ်ပြုပေးခြင်း။ ယခု ခေါင်းရိတ်ခြင်းအကြောင်းကို ဖော်ပြမည်။

ကလေးမွေးပြီး ခုနှစ်ရက်မြောက်နေ့တွင် ကလေး၏ဦးခေါင်းမှ ဆံပင်ကိုရိတ်လိုက်ရမည်။ ရိတ်ပြီးသားဆံပင်နှင့် အညီ ငွေသားကိုချိန်တွယ်၍ ဆင်းရဲသားကို ပေးလှူလိုက်ရမည်။ ယင်းစွန္နသ်ကို အတည်ပြုထားသော ဟဒီးစ်များမှာ အောက်ပါအတိုင်းဖြစ်၏။ တမန်တော်မြတ်သည် မြေးတော်ဟစန်သခင်အတွက် အကီကဟ်ပြုပေးပြီးနောက် ဟဇရသ်ဖာသွိမဟ်သခင်မအား အို ဖာသွိမဟ် အသင်မသည် ဟစန်၏ ဆံပင်များကို ရိတ်၍ ငွေသားဖြင့် ချိန်တွယ်ပါ။ ရရှိလာသည့် ငွေသားကို ဆင်းရဲသူများကို ပေးလှူပါဟု မိန့်တော်မူ၏။ ဖာသွိမဟ်သခင်မမိန့်သည်မှာ ကျွန်မသည် ဟစန်၏ ဆံပင်များကို ငွေသားဖြင့် ချိန်တွယ်ရာ ငွေဒင်္ဂါးတစ်ပြား သို့မဟုတ် တစ်ပြားထက် နည်း၍ ရရှိသည်ဟု ဆိုသည်။

ဖာသွိမဟ်သခင်မသည် မိမိ၏ သားတော်များဖြစ်သော ဟစန်သခင်၊ ဟုစိုင်းန်သခင်၊ သမီးများဖြစ်သော ဇိုင်နဗ်သခင်မ၊ အွမ်မေ့ကုလ်စူးမ်သခင်မတို့၏ ဆံပင်များကို ရိတ်၍ ငွေသားဖြင့် ချိန်တွယ်ကာ ယင်းငွေသားကို ဆင်းရဲသူများအား ပေးကမ်းတော်မူသည်။

မတ်စ်အလဟ်အရ ယောက်ျားလေး၊ မိန်းကလေး နှစ်ဦးလုံး၏ ဆံပင်ကို ရိတ်ရမည်။ တစ်ဦးချင်းဆံပင်နှင့် အလေးချိန်တူငွေသားကို လှူဒါန်းလိုက်ပါ။ ဆံပင်ရိတ်ရာတွင် ခေါင်းတစ်လုံးရှိ ဆံပင်အားလုံးကို ရိတ်လိုက်ရမည်။ အချို့က ဆံပင်အချို့ကိုရိတ်ပြီး အချို့ကို ချန်ထားသည်။ ယင်းလုပ်ရပ်ကို အရဗီလို ကဇအ်ဟုခေါ်သည်။ ယင်းပုံစံကို တမန်တော်က တားထား၏။
ခေါင်းရိတ်ပြီးနောက် ဦးခေါင်းကို ကုံကုမံ၊ အမွှေးနံသာ စသည်တို့ဖြင့် သုတ်လိမ်းရမည်ဟု အစ္စလာမ့်တရားတော်က လမ်းညွှန်ထား၏။

ဆံပင်ရိတ်လိုက်ခြင်း၏ အကျိုးကျေးဇူး

* ကလေး၏ မွေးရာပါဆံပင်သည် မိခင်ဝမ်းတွင်းရှိအရာတို့ကြောင့် ညစ်ပေနေသည်။ ထိုညစ်ညမ်းသောဆံပင်ကို ဖယ်ရှား၍ သန့်ရှင်းမှုရရှိစေရန် ဖြစ်သည်။

* မွေးရာပါဆံပင်သည် အလွန်အားနည်းသည်။ ၎င်းကို ရိတ်လိုက်ခြင်းဖြင့် သန်မာသောဆံပင်များ ပေါက်လာသည်။

* မွေးရာပါဆံပင်ကို ဖယ်ရှားလိုက်ခြင်းဖြင့် ဆံပင်၏ အရင်းအမြစ်များ ပွင့်လာပြီး ကလေး၏ ကျန်းမာရေးအပေါ်မှာ အထူးကောင်းသော အကျိုးသက်ရောက်မှုများ ဖြစ်ပေါ်လာပါသည်။

* ဆံပင်ရိတ်လိုက်ခြင်းဖြင့် မြင်ခြင်း၊ ရှုရှိုက်ခြင်း၊ စဉ်းစားနိုင်ခြင်း၊ ခွန်အား၊ စွမ်းအားများပါ တိုးလာသည်။

ဒုတိယအကျိုးကျေးဇူးမှာ ဆံပင်၏ အလေးချိန်နှင့်အတူ ငွေသားလှူဒါန်းခြင်းဖြစ်၏။ မိမိတွင် ကလေးမွေးဖွားခြင်းကြောင့် ဖြစ်ပေါ်လာသည့် ပျော်ရွှင်မှုတွင် နွမ်းပါးသူများကိုပါ ပါဝင်စေခြင်းဖြစ်၏။ မိသားစုတစ်ခု၊ အိမ်တစ်အိမ်တည်း၏ ပျော်ရွှင်မှုမဟုတ်တော့ဘဲ အခြားသောသူများတွင်လည်း ပျော်ရွှင်မှုဖြစ်ရသည်။ ထို့ပြင် အလ္လာဟ်အရှင်မြတ်၏ ချီးမြှင့်မှုကို ထုတ်ဖော်ရာရောက်ပေသည်။

ထိုသို့သော ကောင်းခြင်းများရှိသည့် ခေါင်းရိတ်ခြင်းအား အချို့ ကဓားထိ၍ ပိုးဝင်မည်။ ပိုးဝင်လျှင် သေမည်။ အသင့်ကလေးကို မသတ်ပါနှင့်ဟူသည့် ခိုင်မာချက်မရှိသည့် စကားရပ်ဖြင့် စွန္နသ်တစ်ခုကို ဖျက်ဆီးလိုက်သည်။ အယူလွဲမှားအောင် လုပ်ထားပေသည်။ ဓားမထိအောင် ဂရုပြုလျှင် သို့မဟုတ် ကျွမ်းကျင်သူထံ ခေါင်းတုံးခိုင်းလျှင်လည်း ရ၏။ အဓိကမှာ စွန္နသ်၊ အစ္စလာမ့်နည်းကို ကျင့်သုံးလိုစိတ်ရှိရန်ဖြစ်၏။ ကလေးပေါင်းများစွာ၊ စာရေးသူတို့ ဘိုးစဉ်ဘောင်ဆက် ဆွေမျိုးများအားလုံး၊ ရှိရှိသမျှသော မုစ်လင်မ်မိသားစုများသည် မိမိတို့၏ ရင်သွေးငယ်များအား ခေါင်းတုံးပေးခဲ့ကြသည်။ မွေးပြီး ခုနှစ်ရက်တွင် ခေါင်းတုံးပေးလိုက်သည်။ တစ်ယောက်မျှ ခေါင်းတုံးစဉ် ဓားထိပြီး သေသည်ဟူ၍ မကြားဖူးပါ။ အသက် ခုနှစ်ဆယ် ရှစ်ဆယ်၊ ကိုးဆယ်နေထိုင်သွားခဲ့ကြသည်။ ထို့ကြောင့် မသေချာသည့် စကားရပ်ဖြင့် သေချာပြီးသာ ကျင့်စဉ်တစ်ခုကို မစွန့်လွှတ်ကြပါနှင့်ဟု ပြောရင်းဖြင့် အဆုံးသတ်လိုက်ပါသည်။

[ အစ္စလာမ်နှင့် သားသမီးပြုစုပျိုးထောင်ရေး (မွဖ်သီနူးရ်မုဟမ္မဒ်ဆွာဟိဗ်)။ ပြန့်ကျဲနေသော ပုလဲလုံးများ အတွဲ ၅ တို့မှ ကောက်နှုတ်ဖော်ပြသည်။]

Credit: အလ်မုဖီးဒ်က ရေးသားသည်။