လေးဂဏန်းသီအိုရီဟူသည်မှာ လူတိုင်းသိသော ဗုခါရီဟဒီးစ်ကျမ်းကြီးကို ရေးသားပြုစုသော အိမာမ်ဗုခါရီက မိမိထံတွင် ဟဒီးစ်ပညာ ဆည်းပူးလိုကြောင်း လျှောက်ထားပန်ကြားခဲ့သည့် တပည့်တစ်ဦးအား ဟဒီးစ်ပညာဆည်းပူးရာတွင် မဖြစ်မနေရှိနေရမည့် အရည်အချင်းတို့အနက် အချို့သောအရည်အချင်းများအား ပြောပြထားသည့် အကြောင်းအရာဖြစ်သည်။ ယင်းအကြောင်းအရာသည် ဟဇရသ်မော်လာနာ မုဟမ္မဒ်ရဖီးက်(အဇီဇီ)က မြန်မာစာဖတ်ပရိသတ်အတွက် ရေးသားထားသော "အိမာမ်ကြီးလေးပါး ဘာကြောင့်ကွဲလွဲကြရတာလဲ" အမည်ရှိ စာအုပ်တွင် ပါဝင်ပြီး အလ်မုဖီးဒ်၏ စာဖတ်သူများ အတွက် ပြန်လည်ကူးယူး ဖော်ပြခြင်းဖြစ်သည်။ ဟဒီးစ်ပညာ၊ ယင်းပညာကို တတ်ကျွမ်းသော ပညာရှင်များနှင့် ပညာရှင်ဟု ဂုဏ်ပြုညွှန်းဆိုအပ်သူတို့သည် ပညာရပ်တစ်ခုအား မည်မျှ ခက်ခဲနက်နဲစွာ သင်ယူဆည်းပူးခဲ့ကြသည်ကို သိရှိစေရန်နှင့် ဗဟုသုတတိုးပွားစေရန် ရည်ရွယ်ပါသည်။
နောင်တစ်ချိန်တွင် အစ္စလာမ့်တရားသူကြီးနှင့် ဓမ္မသတ်ပညာရှင်ဖြစ်လာမည့် လူငယ်တစ်ဦးသည် အိမာမ်ဗုခါရီထံပါး ချဉ်းကပ်ပြီး ကိုယ့်ရဲ့ဆန္ဒကို တင်ပြလျှောက်ထားခဲ့တယ်။ အိမာမ်ဗုခါရီသခင်က ကျွန်တော့်ကို ဆုံးမသြ၀ါဒပေးတဲ့အနေနဲ့ အခုလိုမိန့်ကြားခဲ့တယ်။ "ချစ်သား၊ အလုပ်တစ်ခုခုကို လုပ်တော့မယ်ဆိုရင် ဦးစွာပထမ အဲဒီအလုပ်ရဲ့ သဘောတရား၊ လိုအပ်ချက်၊ စည်းမျဉ်းဥပဒေတွေကို ဂဃနဏလေ့လာပြီးမှ လုပ်ဖို့ဆုံးဖြတ်ရတယ်။ မင်းအနေနဲ့ ဟဒီးစ်တော်တွေကို ဆည်းပူးလိုတယ်ဆိုရင် ငါအခုပြောမယ့်စကားတွေကို ကောင်းကောင်း နှလုံးသွင်းမှတ်ပေတော့" ။
လေးဂဏန်းသီအိုရီ
လူတစ်ဦးဟာ ပြည့်ဝသောဟဒီးစ်ပါရဂူဖြစ်ဖို့ရာ လေးခုသောအရာကို လေးခုသောအရာနဲ့အတူ ရေးသာတဲ့အခါမှာ လေးခုသောအရာက လေးခုသောအရာနှင့် ဆင်တူရမယ်။ ဒါ့အပြင် လေးခုသောအရာကို လေးခုသောကာလမှာ လေးခုသောအနေအထားနဲ့ လေးခုသောဒေသမှာ လေးမျိုးသောအရာနဲ့ လေးမျိုးသောပုဂ္ဂိုလ်ထံက လေးမျိုးသော ရည်ရွယ်ချက်နဲ့ ဖြစ်ရမယ်။ ပြောခဲ့တဲ့ လေးမျိုးသော သီအိုရီဟာ လေးမျိုးသောအရာကို အခြားလေးမျိုးနဲ့ ပေါင်းစပ်မှာသာ ပြည့်စုံမယ်။ ဒါတွေအားလုံး ပြည့်စုံသွားတဲ့အခါ အဲဒီလူအတွက် လေးခုသောအရာဟာ လွယ်ကူသွားတယ်။ ထပ်ပြီး လေးမျိုးသော ဒုက္ခနဲ့ ရင်ဆိုင်ရလိမ့်မယ်။ အဲဒါကို သည်းခံမျိုသိပ်လိုက်ရင် အလ္လာဟ်အရှင်မြတ်က သူ့ကို လေးခုသောအရာကို ဒွန်ယာမှာ ချီးမြှင့်ပြီး လေးခုသောအရာကို အာခိရသ်တမလွန်မှာ ချီးမြှင့်လိမ့်မယ်။
လူငယ်က အလ္လာဟ်အရှင်မြတ်ဟာ သခင်ကြီးကို ကြင်နာဂရုဏာပြုတော်မူပါစေ။ ကျေးဇူးပြုပြီး လေးမျိုးစုံတဲ့သီအိုရီကို ကျွန်တော့်ကို အကျယ်တ၀င့်ရှင်းပြပေးပါလို့ လျှောက်ထားလိုက်တော့ အိမာမ်ဗုခါရီက အခုလိုမိန့်ကြားခဲ့တယ်။
ရေးမှတ်ဖို့အရေးကြီးတဲ့ အရာလေးခု
(၁) တမန်တော်မြတ် မိန့်ခဲ့တဲ့ ဟဒီးစ်တော်တွေ၊ အမိန့်ပညတ်ချက်တွေ။
(၂) ဆွဟာဗဟ်သခင်ကြီးတွေနဲ့ သူတို့ရဲ့ အဆင့်အတန်းတွေ။
(၃) သာဗိအီးန်တွေရဲ့ အဆိုအမိန့်တွေနဲ့ သူတို့ရဲ့ အနေအထားတွေ။ (မည်သူက ခိုင်မာစိတ်ချရသည်၊ မည်သူက မခိုင်မာ)
(၄) ဟဒီးစ်ဆင့်ပြန်ကြတဲ့ ပညာရှင်အားလုံးနဲ့ သူတို့ရဲ့ ဘ၀ဖြစ်စဉ်သမိုင်းတွေ။
လေးခုသောအရာနဲ့အတူ ဆိုတာကတော့
(၁) အထက်က လေးမျိုးသောသခင်ကြီးတွေရဲ့ အမည်နာမနဲ့ ဘွဲ့ဂုဏ်ထူးတွေ။
(၂) ဘ၀မွေးမြူနေထိုင်ခဲ့တဲ့ ဒေသတွေ။
(၃) မွေးဖွားရာ ဒေသနဲ့ နေ့၊ ရက်။
(၄) ကွယ်လွန်တဲ့ဒေသနဲ့ နေ့၊ ရက်။
ဒီအချက်လေးချက်ကို သိမှာသာ ဘယ်သူက ဘယ်သူ့ထံက ဆင့်ပြန်တယ်ဆိုတဲ့အခါ သူ့အသက်အရွယ်နဲ့ ဆုံတွေ့တာ ဟုတ်၊ မဟုတ် ခန့်မှန်းနိုင်မယ်။ အဲဒီလေးချက်ဟာ အောက်ပါလေးလို အပြန်အလှန်အရေးကြီးလှပါတယ်။
(၁) ခုသ်ဗဟ်မှ ဟမ်ဒ် စနာ အရေးပါသလို
(၂) ရစူလ်အတွက် ဒရူးဒ်အရေးပါသလို
(၃) စူရဟ်အတွက် ဗိစ်မိလ်လာဟ် အရေးပါသလို
(၄) နမားဇ်အတွက် သက်ဗီးရ်အရေးပါသလို
လေးခုသောအရာနဲ့ အလားတူ ဆိုတာကတော့
ဟဒီးစ်အမျိုးအစား လေးမျိုးဖြစ်တဲ့
(၁) မုစ်နဒါးသ် ( مسندات )
(၂) မုရ်စလားသ် ( مرسلات )
(၃) မောင်ကူဖားသ် ( موقوفات )
(၄) မက်သူအားသ် ( مقطوعات ) တို့ဖြစ်တယ်။
လေးခုသောကာလ ဆိုတာကတော့
(၁) ကလေးဘ၀မှာ
(၂) လူပျိုဖော်ဝင်စမှာ
(၃) အရွယ်ရောက်ပြီးမှာ
(၄) အိုမင်းရင့်ရော်ခြင်း မဖြစ်မီမှာ ... အရွယ်လေးမျိုးလုံးမှာ လေ့လာလိုက်စားရမယ်လို့ ဆိုလိုတာဖြစ်တယ်။
လေးမျိုးသော အနေအထားမှာ ဆိုတာကတော့
(၁) အလုပ်များတဲ့ကာလ
(၂) အားလပ်တဲ့ကာလ
(၃) ကျပ်တည်းတဲ့ကာလ
(၄) ချောင်လည်တဲ့ကာလ ... ဆိုလိုတာက အခြေအနေတိုင်းမှာ ဒီကိစ္စ(ဟဒီးစ်ပညာဆည်းပူးခြင်း)ကိုပဲ အာရုံပြုနေရမယ်။
လေးခုသောဒေသဆိုတာကတော့
(၁) တောင်ပေါ်ဒေသ ဖြစ်စေ
(၂) မြစ်ချောင်းမှာ ဖြစ်စေ
(၃) မြို့ပေါ်မှာ ဖြစ်စေ
(၄) တောနက်ထဲမှာ ဖြစ်စေ ... ဘယ်နေရာမျိုးမှာဖြစ်ဖြစ် ဟဒီးစ်ပညာရှင်ကို တွေ့မယ်ဆိုရင် ဆည်းပူးဖို့ ၀န်မလေးနဲ့လို့ ဆိုလိုတာပါ။
လေးခုသော အရာပေါ်မှာ ဆိုတာကတော့
(၁) ကျောက်သားပေါ်မှာ
(၂) သစ်ရွက်ပေါ်မှာ
(၃) သားရေပေါ်မှာ
(၄) အရိုးပေါ်မှာ ... ဆိုလိုတာက စာရွက်စက္ကူရှိမှရယ်လို့ မဟုတ်ဘူး။ ဟဒီးစ်တစ်ပုဒ်ကြားရပြီဆိုတာနဲ့ ဦးနှောက်ထဲက ထွက်မသွားအောင် ရတာတစ်ခုခုပေါ်မှာ ရေးမှတ်ဖို့ သတိပေးတာဖြစ်တယ်။
လေးဦးသောသူထံက ဆိုတာကတော့
(၁) မိမိထက် ကြီးသူထံက
(၂) မိမိထက် ငယ်သူထံက
(၃) မိမိနဲ့ ရွယ်တူထံက
(၄) မိမိဖခင်ရဲ့ လက်ရေးနဲ့ ရေးမှတ်ထားတဲ့ စာအုပ်တွေက ... ဘယ်သူ့ထံကပဲ ဆည်းပူးရသည်ဖြစ်စေ ရွယ်တူ ငယ်သူဆိုပြီးလည်း မနှောင့်နှေးရဘူး။
လေးခုသော ရည်ရွယ်ချက်ဆိုတာကတော့
(၁) အလ္လာဟ်အရှင် ကျေနပ်နှစ်မြို့ဖို့
(၂) ကျမ်းတော်မြတ်နဲ့ ကိုက်ညီတဲ့ပညတ်ချက်တွေကို ကျင့်ကြံအားထုတ်ဖို့
(၃) ဆည်းပူးရန် လိုလားသူတို့အား ထပ်ဆင့်ပို့ချဖို့
(၄) ရေးသားပြုစုပြီး လာမယ့်မျိုးဆက်သစ်တွေအတွက် ဟိဒါယသ်ရဲ့ မီးတိုင်တွေ ကျန်ရစ်ခဲ့ဖို့ ... ဖြစ်တယ်။
အထက်ပါရည်ရွယ်ချက်လေးခုကို ကိုယ်တိုင်အားထုတ်တဲ့ လေးချက်နဲ့ အထမြောက်နိုင်
(၁) ရေးသားခြင်းဖြင့်
(၂) အဘိဓာန်နားလည်ခြင်းဖြင့်
(၃) ဆွရ်ဖ်( صرف ) ပညာဖြင့်။
(၄) နဟ်ဝ် ( نحو ) ပညာဖြင့်။ ဒါမှသာ စကားလုံးရဲ့ ခိုင်မာမှုကို နားလည်လိမ့်မယ်။ ဒီအချက်အားလုံးဟာ အလ္လာဟ်အရှင်မြတ် သီးသန့်ချီးမြှင့်ထားတဲ့ အချက်လေးချက်အပေါ်မှာ တည်နေတယ်။ လူရဲ့ စွမ်းဆောင် ကြိုးပမ်းမှုနဲ့ မရနိုင်ဘူး။
အလ္လာဟ်ချီးမြှင့်ထားတဲ့ လေးချက်
(၁) ကျန်းမာသန်စွမ်းမှု
(၂) စွမ်းရည်ပြည့်ဝမှု
(၃) ပညာထက်မြတ်မှု
(၄) မှတ်ဥာဏ်ထက်မြတ်မှု။ ဒီအချက်လေးချက်ကို ရရှိပြီဆိုတာနဲ့ ဒီလူရဲ့အမြင်မှာ လေးခုသောအရာဟာ အရေးမပါ မပြောပလောက်တဲ့အရာ ဖြစ်သွားတယ်။
အရေးမပါတဲ့အရာတွေကတော့
(၁) ဇနီး
(၂) သားသမီး
(၃) ဥစ္စာပစ္စည်း
(၄) ဇာတိချက်ကြွေ မွေးရပ်မြေ
ရင်ဆိုင်ရမယ့် ဒုက္ခလေးမျိုးကတော့
(၁) မလိုမုန်းထားသူတွေရဲ့ လှောင်ပြောင်သရော်မှု
(၂) မိတ်ဆွေတွေရဲ့ ပြစ်တင်ဝေဖန်မှု
(၃) ပညာမဲ့တွေရဲ့ ရှုတ်ချမှု
(၄) ပညာရှင်တွေရဲ့ မနာလို ၀န်တိုမှု။ အဲဒီ စိတ်ဒုက္ခလေးမျိုးကို သည်းခံမျိုသိပ်နိုင်ရင် အလ္လာဟ်အရှင်မြတ်က ထိုသူ့ကို ဒွန်ယာ၊ အာခိရသ်မှာ လေးမျိုးသော နိအ်မသ်တို့ကို ချီးမြှင့်လိမ့်မယ်။
ဒွန်ယာမှာ ရမယ့်လေးမျိုးကတော့
(၁) ရောင့်ရဲတင်းတိမ်မှုနဲ့ ဂုဏ်သိက္ခာ
(၂) ပြည့်စုံတဲ့ ယုံကြည်မှုနဲ့ အရှိန်အ၀ါ
(၃) အစ္စလာမ့်အသိပညာတို့ရဲ့ အရသာ
(၄) တည်ငြိမ်တဲ့ ဘ၀သက်တမ်း
အာခိရသ်မှာ ရမယ့်လေးမျိုးကတော့
(၁) ကိုယ်အသနားခံပေးချင်သူကို ကြားဝင်အသနားခံပေးခွင့်။
(၂) အရိပ်မဲ့တဲ့နေ့ (ကိယာမသ်နေ့)မှာ အရ်ရ်ှတော်ရဲ့ အရိပ်မှာ ခိုလှုံခွင့်။
(၃) ကိုယ်သောက်စေချင်သူကို ကောင်စရ်ကန်တော်ကနေ ရေတိုက်ခွင့်။
(၄) နဗီတမန်တော်တွေရဲ့ မြင့်မားတဲ့အဆင့်အတန်းနဲ့ နီးကပ်ခွင့် တို့ဖြစ်တယ်။
ဒီတော့ ချစ်သား ငါ့အနေနဲ့ ဆရာ့ဆရာကြီးတွေဆီက ကြားသိခဲ့ရသမျှကို အတိုချုံပြီး အကုန်လုံး မင်းကိုပြောပြခဲ့ပြီးပြီ။ အဲဒီအချက်တွေကို ချင့်ချိန်ပြီး ဟဒီးစ်ပညာရပ်ကို လိုက်စားသင့်၊ မသင့် ဆုံးဖြတ်ပေတော့။
ဖော်ပြပါအချက်များသည် ဟဒီးစ်ပညာရှင်ဖြစ်လိုသူတို့အတွက် အိမာမ်ဗုခါရီစုစည်းထားသော နည်းဥပဒေများ ဖြစ်သည်။ ကျွန်ုပ်တို့အနေဖြင့် အိမာမ်ဗုခါရီ၏ ယင်းသြ၀ါဒများမှ သင်ခန်းစာ ယူသင့်သည်။ ယင်းစည်းကမ်းချက်များ လွတ်ထွက်မသွားရအောင် လက်ဖြင့်မဟုတ် ပါးစပ်နှင့်ပင် ကိုက်ထားသင့်ပါသည်။
[မော်လာနာရဖီးက်(အဇီဇီ) မြန်မာဘာသာဖြင့် ရေးသားထားသော အိမာမ်ကြီးလေးပါး ဘာကြောင့်ကွဲလွဲခဲ့ကြရတာလဲစာအုပ် စာ ၇၄ မှ ၈၀ပါ အကြောင်းအရာကို အလ်မုဖီးဒ်မှ ကူးယူးဖော်ပြသည်။]
ဤသည်မှာ ပညာရှင်ကြီးများ ပညာကိုတစ်ခုကို ဆည်းပူးရန် အဘယ်မျှ အနစ်နာခံရသည်ဟူသည်တို့၏ အမြည်းမျှပင်ဖြစ်ပါသည်။ ဟဒီးစ်တစ်ခု ဆင့်ပြန်ခွင့်ရရန် ထိုထက်ပိုသည့် ဥပဒေများဖြင့် တင်းကျပ်စွာ ထိန်းသိမ်းထားသည်။ ယနေ့အခါသမယတွင် ပညာရှင်တို့အား ရက်စက် ပက်စက်စွာ ဝေဖန်နေခြင်းများကို ရင်နင့်စွာ တွေ့မြင်နေရသည်။ မှားသည် မှန်သည်။ ဝေဖန်လေကန် ပြစ်တင်ပြောဆိုကြသည်။ ယင်း၏ ပထမဦးဆုံးရလဒ်မှာ ပြောဆိုသူကိုယ်တိုင် ပြစ်မှုရေးမှတ်ခံရခြင်းပင် ဖြစ်ပါသည်။ ပြစ်တင်ရန် လွယ်ပါသည်။ အပြစ်တင်ခံရသူတစ်ဦးဖြစ်ရန် မလွယ်ပါ။ အပြစ်တင်ခံရမည်ကို သိသိကြီးနှင့် ကောင်းစားပါစေတော့ဟူသည့် မေတ္တာတရားကို ဖော်ပြရန်လည်း မလွယ်သလို ယင်းမေတ္တာကို ရင်တွင်းဝယ်မျိုသိပ်၍ မကောင်းပြောခံရသည့် စိတ်ခံစားချက်သည်လည်း ခံစားရလွယ်ကူသည်မဟုတ်ပါ။ အကယ်၍များ ကျွန်ုပ်တို့ပြစ်တင်ဝေဖန်နေသူသည် အလ္လာဟ့်ရှေ့တွင် သောင်ဗဟ်လုပ်လိုက်ပြီး အလ္လာဟ်အရှင်က ယင်းသောင်ဗဟ်ကို လက်ခံလိုက်လျှင် ကျွန်ုပ်တို့၏ ပြစ်တင်မှုတို့သည် မကောင်းပြောခြင်းအပြင် စွပ်စွဲပုတ်ခတ်မှု၊ အတင်းပြောခြင်းဟူသည် ပြစ်မှုများကိုပါ ထပ်ခံရပါမည်။ ထို့ကြောင့် တန်ဖိုးရှိသည့် ပညာကို ဆည်းပူးထားသူအား ပညာကိုအကြောင်းခံ၍ လေးစားတန်ဖိုးထားလိုက်မည်ဆိုပါက ကျွန်ုပ်တို့အတွက် ပြစ်မှုများစွာ ကျခံရခြင်းမှ လွတ်ကင်းသွားပါလိမ့်မည်။
“အိမာမ်ကြီးလေးပါး ဘာကြောင့်ကွဲလွဲခဲ့ကြရတာလဲ”အမည်ရှိစာအုပ်နှင့် ဆက်လက်မိတ်ဆက်ပေးလိုပါသည်။ ထိုစာအုပ်ကို လေ့လာခြင်းဖြင့် ကျွန်ုပ်တို့ သက်လီးဒ်လုပ်နေခြင်းသည် မည်မျှ တန်ဖိုးရှိကြောင်း သိရှိလာမည်။ ထို့ပြင် မိမိတို့ သက်လီးဒ် ဘာ့ကြောင့် လုပ်ရသလဲနှင့် မဇ်ဟဗ်လေးခုဖြစ်ရခြင်းတို့သည် မည်သည့်အတွက်ကြောင့်ဟူသည်ကို သေချာစွာ သိသွားပေမည်။ ပညာရပ်ပိုင်းဆိုင်ရာကို ဖော်ပြထားခြင်းဖြစ်သော်လည်း မည်သူမဆို သေချာစွာ ဖတ်ရှုမည်ဆိုပါက နားလည်သဘောပေါက်နိုင်ပါသည်။ ထို့ပြင် ယနေ့အခါသမယရှိ သက်လီးဒ်လုပ်ရန် မလိုအပ်ဟု ဆိုကာ ဟဒီးစ်ကျမ်းများကိုသာ အထူးပြု၍ ကိုယ်တိုင်ကျင့်သုံးပါဟုဆိုနေသူတို့၏ သွေးထိုးစကားများသည် အဘယ်မျှ မှားယွင်းနေကြောင်းနှင့် မဇ်ဟဗ်၏ အိမာမ်များနှင့် ဟဒီးစ်၏ အိမာမ်များအကြား ခုနှစ်သက္ကရာဇ် မည်မျှကွာခြားသည်ကို ကွက်ကွင်းရှင်းလင်းစွာ ဖော်ပြထားသဖြင့် နားယောင်အောင် ဖြားယောင်နေသူတို့၏ ရန်မှလည်း လွတ်ကင်းနိုင်ပါသည်။ ယင်းစာအုပ်ကို ဖတ်ရှုလိုပါက အောက်ပါလင့်သို့ ၀င်ရောက်၍ ဒေါင်းလုတ် ရယူနိုင်ပါသည်။
http://myanmarfreeislamicbooks.blogspot.sg/2014/03/blog-post_7728.html
