စိတ်ပညာနှင့် အတွေးအခေါ်ပညာတို့သည် လောကကြီးကို အလွန်သေးသိမ်ပြီး အကုသိုလ်ဆူးညှောင့်ခလုတ်များနှင့် ပြည့်နှက်နေသည့် ဌာနတစ်ခုအဖြစ် သိမြင်နေ၏။ တမလွန်တွင် ခံစားရမည့်ပြစ်ဒဏ်များကို မျှော်တွေးကြောက်ရွံနေ၏။ လောကီကို စုံမက်၍ လောကနောက်သို့ တကောက်ကောက်လိုက်ပါနေသောသူတို့အား ဆင်ခြင်တုံတရားကင်းမဲ့သူများအဖြစ် သိမြင်တတ်၏။
၎င်းပြင် မာနထောင်ခြင်း အယောင်ဆောင်ခြင်း မလိုတမာပြုခြင်း စိတ်ကြီးဝင်ကာ ထင်ရာစိုင်းနေခြင်း၊ လောဘ၊ ဒေါသ၊ မောဟနှင့် လောကကြီးကို စုံမက်ဖက်တွယ်နေခြင်းတို့သည် လောက၏အပြစ်တရားများသာဖြစ်သည်ဟူ၍ စိတ်တွင် ကွင်းကွင်းကွက်ကွက် မြင်နိုင်စွမ်းလည်းရှိကြ၏။ ထိုသို့သောပညာရပ်များကို အတွေးအခေါ်ပညာ စိတ်ပညာဟူ၍ ခေါ်ဝေါ်ကြ၏။ ယင်းပညာရပ်သည် အကျိုးပြုပညာရပ်ဖြစ်၍ လောကီသားတို့အဖို့ ဆာလောင်မွတ်သိပ်သူအတွက် အေးမြကြည်လင်သော ရေတစ်ခွက်ဖြစ်ပြီး ဝေဒနာရှင်တို့အတွက် ဆေးတစ်လက်ပင်ဖြစ်လေသည်။
လောကီကိုစုံမက်သူတို့သည် ဆိုင်ကော်လော်ဂျီ ဖီလိုဆော်ဖီပညာရပ်နှင့် ရှရီအသ်သာသနာ့ကျင့်စဉ်တရားတော်များအပေါ် ဆန့်ကျင်၍ ဘောင်လွတ်သည့်ပညာရပ်များကို လုံးပန်းအားထုတ်နေခဲ့သော် ဝေဒနာရှင်တစ်ဦးအတွက် အစားမရှောင်ခြင်းကြောင့် ရောဂါတိုးပွားလာရသကဲ့သို့ပင် ဖြစ်သွားပေမည်။
အကြောင်းကား ဤသို့သာသနာ့စည်းလွတ်ပညာရပ်များကို သင်ယူပါက စိတ်၏လယ်ယာ၌ ရန်ညှိုးထားခြင်း အမုန်းထားခြင်း စိတ်စေရာလိုက်စားခြင်းနှင့် လိမ်လည်လှည့်ဖြားခြင်းတည်းဟူသော မျိုးစေ့တို့ကို ပျိုးလိုက်သည်နှင့်တူပေသည်။ ထိုပညာမျိုးကို လုံးပန်းရယူသည်နှင့်အမျှ မကောင်းမှုလက္ခဏာများသည်လည်း ခိုင်မာစွဲမြဲရင့်ကျက်သွားပေတော့သည်။ (ကီမီယာအိ စအာဒသ်ကျမ်း)
(မော်လာနာကမ္မရွဒ်ဒီးန် ဦးသန်းမောင်(ဂျာမိအီ) ဘာသာပြန်ထားသည့် "အစ္စလာမ့်ပညာရေး" စာအုပ်ပါ အကြောင်းအရာကို အလ်မုဖီးဒ်က ပြန်လည်တင်ဆက်သည်။)
*** သတိပေးချက် အထက်ပါအကြောင်းအရာကို ကူးယူလျှင် စာသားအပြည့်အစုံ မူရင်းကျမ်းရှင် ဘာသာပြန်သူနှင့် အလ်မုဖီးဒ်၏ Link ကိုပါ ထည့်သွင်းကူးယူပါ။ မိမိလိုသလောက်ကူးယူးပြီး ကိုယ်ပိုင်နာမည်တပ်နေသူများကို တွေ့ရှိရပါသည်။ ထိုသူတို့သူ ၎င်းတို့မလုပ်သည်ကို လုပ်သယောင်ဆောင်ထားသဖြင့် လိမ်လည် မုသားဆိုသူပင်ဖြစ်၏။***
