ဂျန္နသ်ကို ဆင်မြန်းနည်း

အလ္လာဟ်လမ်းတွင် သုံးစွဲခြင်းဖြင့် ဂျန္နသ်ကိုဆင်မြန်းပါ

ပဉ္စမမြောက်အရည်အချင်းမှာ အလ္လာဟ်လမ်းတွင် သုံးစွဲခြင်းဖြစ်သည်။ ထိုသုံးစွဲမှုက ဂျန္နသ်သို့ ပို့ဆောင်ပေးသည်။ လူတိုင်းသည် လောကတွင် စီးပွားရှာကြသည်။ ဝင်လာသည့် ရေကို ထွက်ရပ်ပေါက်မထားဘဲ တစ်နေရာတည်းတွင် စုထားမည်ဆိုပါက ကြာလျှင် ခြောက်သွေ့ကုန်ခန်းသွားပေမည်။ ထွက်ပေါက်တစ်ခုခု ရှိမည်ဆိုပါက ခြောက်ခန်းသွားမည်မဟုတ်သလို ရေသည် စီးဆင်းမှု ရှိနေသည့်အတွက် ကြည်လင်သန့်ရှင်းနေမည်လည်း ဖြစ်သည်။ ထိုနည်းတူပင် အာခိရသ်ကို စည်ကားသာယာရန်အတွက် အကောင်းဆုံးသော နည်းလမ်းမှာ အလ္လာဟ်ချီးမြှင့်ထားသည့် ငွေကြေးကို အလ္လာဟ်လမ်းတွင် လှူဒါန်းခြင်းပင် ဖြစ်ပေသည်။ ပိုက်ဆံကို မလိုရာတွင် မဖြုန်းလိုက်ပါနှင့်။ လိုအပ်ချက်အတွက် သုံးခွင့်ရှိသည်။ လိုအပ်ချက်အတွက်သုံးခြင်းကိုလည်း အလ္လာဟ်အရှင်မြတ်သခင်က တားမြစ်မထားပေ။ မိမိ၏မိသားစုအတွက် ကိုယ့်လိုအပ်ချက်များအတွက် ဖြည့်စည်းခွင့်ပေးထားပေသည်။ လိုအပ်ချက်ဖြည့်ခြင်းကို မတားထားပေ။

မူစာနဗီခေတ်က ကာရူးန်ကို အာလင်မ်တို့က အသင် လောက၏ဝေစုတို့ကို ပိုင်ဆိုင်ထားခြင်းအား မမေ့ပါနှင့်။ အလ္လာဟ်အရှင်မြတ်က အသင့်အား ဥစ္စာဓနများပေးထားသည်။ ယင်းတို့မှ မိမိ၏လိုအပ်ချက်များကို ဖြည့်စည်းရန်အတွက် သုံးပါ။ ကျန်သည့်အရာများကို အလ္လာဟ်လမ်းတွင် သုံးစွဲပါ။ အလ္လာဟ်လမ်းတွင် သုံးစွဲလိုက်သည့်အရာများသည် မိမိအတွက် သုံးလိုက်ခြင်းသာ ဖြစ်ပေသည်ဟု ဖျောင်းဖျနားချခဲ့သည်။

အာခိရသ်ကို လှပစေမည့် နည်းလမ်းများ

အိဗာဒသ်နှစ်မျိုးရှိသည်။ ခန္ဓာကိုယ်ဖြင့် ပြုလုပ်ရသည့် အိဗာဒသ်နှင့် ဥစ္စာဓနဖြင့် ပြုလုပ်ရသည့် အိဗာဒသ်တို့ ဖြစ်သည်။ ဤသည်မှာ အိဗာဒသ်တို့၏ မူရင်းအမျိုးအစားပင်ဖြစ်သည်။ လူတို့သည် ခန္ဓာကိုယ်ဖြင့်ပြုရသည့် အိဗာဒသ်များကိုမူ လွယ်ကူစွာပြုလိုက်ကြသည်။ ပိုက်ဆံသုံးရမည့် အိဗာဒသ်၏ အချိန်သို့ရောက်လျှင်မူ ထပ်ကာထပ်ကာ အကြိမ်များစွာ စဉ်းစားကြပေသည်။ မိမိ၏လိုအပ်ချက်များ မပြည့်သေး၍ စဉ်းစားဆင်ခြင်ပြီး သုံးစွဲခြင်းဖြစ်မူ စဉ်းစားသုံးသပ်ခြင်းက ကောင်းပေသည်။ ဤသို့မဟုတ်ဘဲ ဇကားသ်ထုတ်ရလောက်သည့် ဥစ္စာဓနကို ပိုင်ဆိုင်ထားပြီး ယင်းကို လှူဒါန်းပေးကမ်းရမည့်အချိန်တွင် တွန့်တိုစဉ်းစားနေသည်ဆိုလျှင် ဂျန္နသ်ကို မည်သို့ရယူမည်နည်း။ (ဂျန္နသ်ဟူသည် ရက်ရောစွာပေးကမ်းခဲ့သူတို့အား အစားပြန်ပေးမည့်နေရာ ဖြစ်ပေသည်။)

ပိုက်ဆံသုံးရန် ခက်နေရသည့်အကြောင်းအရင်း

ဂျန္နသ်ရရန်အတွက် သတ်မှတ်ချက်များတွင် ဥစ္စာဓနကို လှူဒါန်းပေးကမ်းခြင်းလည်း ပါသည်။ သို့သော်လည်း ယင်းဥစ္စာဓနကို လှူဒါန်းရန် ခက်နေသည်။ ဘာ့ကြောင့်နည်း။ ထိုသို့ဖြစ်ရခြင်း၏ အကြောင်းတစ်ခုမှာ လူသည် ဥစ္စာဓနကို အလွန်မက်မောတွယ်တာသူ ဖြစ်သည်။ ပိုက်ဆံချမ်းသာခြင်း၊ ဥစ္စဓနများပြားခြင်းဟူသည် လူသားအဖို့ ဂုဏ်ယူဖွယ်ရာတစ်ခု ဖြစ်သည်။ ထို့ကြောင့် ယင်းလူသားက ဥစ္စာဓနကို များသည်ထက်များအောင် စုဆောင်းသိမ်းဆည်းထားလိုပေသည်။ ဥစ္စာများခြင်းကသာလျှင် အားလုံးထက် အမြင့်ဆုံးသို့ရောက်အောင် ပို့ပေးနိုင်မည်ဟု မှတ်ထင်ပေသည်။

တစ်ဖန် လူသားသည် လက်ရှိလိုအပ်ချက်နှင့် နောင်ရေးဟူသည့် လိုအပ်ချက်နှစ်မျိုးလုံးကို ရင်ဝယ်ပိုက်ထားသည်။ လက်ရှိလိုအပ်ချက်ကိုမူ ရှရီအသ်၌ပင် ခွင့်ပြုပြီးသားဖြစ်၏။ ဤသို့ လိုအပ်ချက်ရှိနေသူအပေါ် ဇကားသ်တာဝန်လည်း မသတ်မှတ်ပေ။ ဇကားသ်တာဝန်ထိုက်သူသည် လိုအပ်ချက်ထက်ပို၍ ပိုင်ဆိုင်မှု ရှိသူဖြစ်သည်။ ထို အပိုပိုင်ဆိုင်မှုသည်လည်း တစ်နှစ်ပတ်လုံး ပိုနေခြင်း ဖြစ်ရမည်။ ထိုအပိုပိုင်ဆိုင်မှုကိုလည်း လူသားက နောင်ရေးအတွက် ရင်လေးကာ ဘယ်တော့ ဘယ်နေရာမှာများ သုံးဆွဲရဦးမည်နည်းဟူသည့် သောကရှိနေသေး၏။ ရှရီအသ်က ဤနောင်ရေးအတွက်ကိုလည်း ထည့်သွင်းစဉ်းစားပေးထားသည်။ ဇကားသ်ပေးထိုက်သွားသူသည် မိမိပိုင်ဆိုင်သည့်အပိုထဲမှ အလွန်နည်းပါးသည့်ပမာဏကိုသာ ဇကားသ်ထုတ်ရမည်သာ ဖြစ်ပေသည်။

မျှတစွာသုံးစွဲရန်

လက်ဗလာဖြစ်ပြီး သောကရောက်ရသည်အထိ မသုံးစွဲရန်လည်း ရှရီအသ်က ညွှန်ကြားထားပေသည်။ ထို့အတူ လုံးဝသုံးစွဲခြင်းမရှိဘဲ ခြစ်ကုတ်စုဆောင်းထားခြင်းမျိုးလည်း မပြုရပေ။ ပိုက်ဆံတစ်ရွက်ကို နှစ်ရွက်ခွာသည်အထိ စေးကပ်တွန့်တိုခြင်းလည်း မပြုရ။ အလယ်အလတ်ပုံစံဖြင့် မျှတစွာ သုံးစွဲရပါမည်။

ဥစ္စာဓနသည် လူသားအတွက် အထောက်အကူဖြစ်ခြင်း

စူရဟ်နိဆာအ်၏ ပထမရုကူတွင် အလ္လာဟ်အရှင်မြတ်က ဥစ္စာသည် လူ့ဘဝ၏ အရိပ်၊ လူတို့အတွက် အထောက်အကူပြုရာ တစ်ခုဖြစ်သည်ဟု မိန့်ထားပေသည်။ ပမာဆိုသော် တိုင်များသည် ခေါင်မိုးအတွက် အထောက်အကူပြုရာဖြစ်ပေသည်။ ဤသို့ပင် ဥစ္စာဓနဟူသည် လူသားအတွက် အထောက်အကူပြုပေးသည့် အရာတစ်ခုဖြစ်သည်။ ဥစ္စာဓန လုံးဝမရှိလျှင်လည်း လူသားသည် စိတ်ဓာတ်ကျသွားမည် ဖြစ်သည်။ သို့သော် ခေါင်မိုးတစ်ခု၏အောက်တွင် တိုင်ကို လိုအပ်သလောက်သာ ထားပေသည်။ လိုအပ်သည်ထက် ပိုနေသည့်တိုင်များကို ဖယ်ရှားလိုက်သည်။ အပိုတိုင်များထုတ်လိုက်ခြင်းဖြင့် ဘာမျှဆိုးကျိုးမရှိလာပေ။ အလ္လာဟ်အရှင်မြတ်ကလည်း ဥစ္စာဓနကို ထိုပမာကဲ့သို့ သုံးစွဲရန် ညွှန်ကြားထား၏။

အလ္လာဟ်ပိုင် ပစ္စည်းကို ကိုယ်စားလှယ်ရထားသည့် လူသား

ကုရ်အာန်ကျမ်းတွင် အလ္လာဟ်အရှင်မြတ် မိန့်ထားသည်မှာ وَاَنْفِقُوْا مِمَّاجَعَلَكُمْ مُسْتَخْلَفِيْنَ فِيْهِ အသင်တို့သည် အကြင်ဥစ္စာပစ္စည်းအနက်မှ သုံးစွဲလှူဒါန်းကြလေကုန်၊ ထိုအရှင်မြတ်သည် အသင်တို့အား ယင်းပစ္စည်းနှင့်စပ်လျဉ်း၍ ကိုယ်စားလှယ်များအဖြစ် ခန့်အပ်တော်မူခဲ့၏။ (စူရဟ်ဟဒီးဒ်၊ အာယသ် ၇) ဆိုလိုသည်မှာ ဥစ္စာဓန၏ ပိုင်ရှင်သည် အလ္လာဟ်အရှင်မြတ်သာဖြစ်ပြီး ကျွန်ုပ်တို့အား ယင်းဥစ္စာအပေါ်တွင် မန်နေဂျာအဖြစ် ခန့်အပ်ထားခြင်း ဖြစ်သည်။ ယခု ပိုင်ရှင်အစစ်ဖြစ်သည့် အလ္လာဟ်အရှင်မြတ်က အမိန့်ပေးနေသည်မှာ အသင်တို့ထံတွင်ရှိသည့် ငါအရှင်မြတ်၏ ဥစ္စာဓနတို့မှ ဤရွေ့ ဤမျှ သုံးစွဲပါ။ ပိုင်ရှင်က သုံးခိုင်းနေသည်ကို ကျွန်ုပ်တို့က ဘာ့ကြောင့် တွန့်ဆုတ်နေရပါသနည်း။ ကျွန်ုပ်တို့အပိုင် ဘာများရှိပါသနည်း။

တစ်ဖန် ထိုထဲမှ အသင်တို့သုံးစွဲလိုက်သည့် အရာများ၏အစားကို အလ္လာဟ်အရှင်မြတ်က ပြန်လည်ချီးမြှင့်ပေမည်။ وَمَاأَنْفَقْتُمْ مِنْ شَيْئٍ فَهُوَ يُخْلِفُهُ (စူရာစဗာ ၃၉) အစားသည် မည်သည့်နေရာမှရမည်ကို မည်သူမျှမသိကြပေ။ ကုရ်အာန်တွင် မိန့်ထားသည်မှာ يَرْزُقُهُ مِنْ حَيْثُ لَايَحْتَسِبْ အလ္လာဟ်အရှင်မြတ်သည် ၎င်းသူမထင်မှတ်ထားသည်နေရာမှ ရိုဇီကိုချီးမြှင့်မည် ဖြစ်ပေသည်။ (စူရဟ်သွလားက် ၃)

အလ္လာဟ်လမ်းတွင် သုံးစွဲခြင်းဟူသည် ဗလီတွင်လှူခြင်း၊ ကျောင်းမှာလှူခြင်း၊ ရမဿွာန်မှာ ဟလင်အိုးလိုက်လှူခြင်း၊ ဆရာကြီးများလာလျှင် လှူခြင်းကိုသာ ဆိုလိုသည်မဟုတ်။ အလ္လာဟ်နှစ်သက်မှုရရန်ဟူသည့် ရည်ရွယ်ချက်တစ်ခုတည်းဖြင့် မိမိ၏ငွေကို နောက်တစ်ယောက်အတွက် သုံးစွဲပေးလိုက်ခြင်းသည်လည်း အလ္လာဟ်လမ်းတွင် သုံးစွဲခြင်းတစ်မျိုးပင် ဖြစ်ပေသည်။ အမည်ကောင်းတပ်ခြင်းမခံရမည့် နေရာများစွာတွင် အလှူများ အကူအညီများလိုအပ်နေပေသည်။ သို့ရာတွင် လှူမည့် ကူမည့်သူမရှိပေ။ နာမည်ကောင်းရမည့် နေရာများတွင်မူ ကြွေပြားကပ်ခြင်း၊ မင်ဗရ်ကို မလိုအပ်ဘဲ သိန်းရာချီတန် သစ်များဖြင့် ချယ်သခြင်း၊ အမည်ရမည့် ကျောင်းဒကာခံလိုက်ခြင်းတို့တွင်သာ လှူမည့်သူများ ပုံနေပေသည်။ အမှန်တော့ အစ္စလာမ်သည် ရုပ်ဝတ္ထုများ တိုးတက်လာခြင်းကို ခိုင်းထားသည့် ဘာသာမဟုတ်ပေ။ အစ္စလာမ်၏ အဓိကတောင်းဆိုချက်မှာ လူသားတိုးတက်ရေး၊ လူ့စိတ်ဓာတ်တိုးတက်ရေးနှင့် လူကို လူဖြစ်စေရန် ကူညီခြင်းပင် ဖြစ်ပေသည်။ အစ္စလာမ်မှ ဖရ်ဇ်အဖြစ်သတ်မှတ်ထားသည့် ဇကားသ်၊ ဖိသ်ရဟ်၊ ကုရ်ဗာနီ စသည့်အလှူများကို စဉ်းစားပါ။ လူက လူကို လူဖြစ်စေရန် ကူညီခိုင်းထားခြင်းဖြစ်သည်။ ရုပ်ဝတ္ထုယှဉ်ပြိုင်ပြီး အကောင်းတကာ့အကောင်းဆုံးရှိနေခြင်းကို အစ္စလာမ်က မလိုလားပေ။ ယနေ့ အစ္စလာမ်ကိုလက်ခံထားသည့် မုစ်လင်မ့်ကမ္ဘာသည် ရုပ်ဝတ္ထုများယှဉ်ပြိုင်ခြင်း၊ ရုပ်ဝတ္ထုများအတွက် လှူဒါန်းခြင်းတို့တွင် အားသာလျှက်ပင် ရှိနေသည်။ လူ လူခြင်း လူဖြစ်အောင်ကူညီခြင်းကို အလ္လာဟ်အတွက်သုံးစွဲခြင်း ကုသိုလ်ရမည့်လုပ်ရပ်တစ်ခုဟုပင် ယူဆခြင်းမရှိတော့ပေ။ မွစ်လင်မ်အချင်းချင်း ပိုက်ဆံချေးလျှင် အတိုး၊ အမြတ်ရမှ ပေးလိုသည်။ မွစ်လင်မ်တစ်ဦးကို အိမ်ပိုင်၊ ကားပိုင်၊ လုပ်ငန်းပိုင်ဖြစ်အောင် ပျိုးထောင်ပေးလိုသူ အတော့်ကိုရှားပါးသည်။ ဗလီတွင် ကြွေပြားတစ်ချပ်ကို ဆယ့်ငါးသိန်း သိန်းနှစ်ဆယ်တန် ၀ယ်ကပ်လိုက်ခြင်း၊ သိန်းရာချီတန်သည့် ကော်ဇော်များခင်းလိုက်ခြင်းကိုသာ ကုသိုလ်ရမည့်အရာဟု မှတ်ယူထားသည်။ အမှန်တော့ ရိုးရိုးကော်ဇော်တစ်ချပ်သည်လည်း လိုအပ်ချက် ပြည့်သည်။ လိုအပ်ချက်မပြည့်ဘဲ လိုအပ်လျက်ရှိနေသည့် မွစ်လင်မ် အချင်းချင်းအား အလှူမဟုတ်ဘဲ ပြန်ဆပ်ပါမည်ဆိုလျှင်တောင် ပိုက်ဆံမချေးလိုကြပေ။ အချို့က ချေးပြီး ပြန်မဆပ်သည်ကို အပြစ်တင်သည်။ ဘာ့ကြောင့် ပြန်မဆပ်ရသနည်းကို စုံစမ်းခြင်းမရှိ။ အစ္စလာမ်က သင်ပြသည့် လူ့ပတ်ဝန်းကျင် တည်ဆောက်ရေးစနစ်သည် တန်ဖိုးကြီးပစ္စည်းများအပေါ် အခြေမခံထားပေ။ တန်ဖိုးရှိသည့် စိတ်ဓာတ်များအပေါ်တွင်သာ အခြေခံထား၏။

အတိုးနှင့် အတိုးဖြင့်အကျိုးအမြတ်ခံစားသည့် အပေးအယူ၊ အရောင်းအဝယ်တို့သည် မပိုင်ပေ။ အလုပ်အကိုင်တစ်ခုသည် ဟရာမ်ဖြစ်ခြင်း၊ ဟရာမ်နှင့်ဆက်နွယ်နေခြင်းတုိ့ကြောင့် မလုပ်ဘဲ လက်လွှတ်လိုက်သည်။ ဒုက္ခအခက်အခဲကိုသာ သည်းခံပြီးနေလိုက်သည်။ ထိုသို့နေလိုက်ခြင်း၏ အစားကိုလည်း ထိုသူမထင်မှတ်ထားသည့်နေရာမှ အလ္လာဟ်အရှင်မြတ်က ချီးမြှင့်မည် ဖြစ်ပေသည်။

အပြစ်လွတ်ရန် အချက်သုံးချက်

အပြစ်များမှ ခွင့်လွှတ်မှုရရှိရန် စည်းကမ်းချက်သုံးချက် ရှိသည်။ ယင်းသုံးချက်နှင့် ပြည့်စုံမှသာလျှင် သောင်ဗဟ်ဖြစ်မည်။ သို့မဟုတ်ပါက အပြောတစ်မျိုး အလုပ်တခြားသာ ဖြစ်ပေမည်။ 

စည်းကမ်းချက် (၁) ပြစ်မှုကျူးလွန်မိခြင်းကြောင့် ဝမ်းနည်းမှုရှိရမည်။

စည်းကမ်းချက် (၂) နောက်နောင်ကို ပြစ်မှုမကျူးလွန်တော့ပါဟု ကတိပြုရမည်။

စည်းကမ်းချက် (၃) အလ္လာဟ်ထံပါးတွင် စကားဖြင့်ဖြစ်စေ၊ လုပ်ရပ်ဖြင့်ဖြစ်စေ ခွင့်လွှတ်မှုတောင်းခံရမည်။ စကားဖြင့် ခွင့်လွှတ်မှုတောင်းခံခြင်းကိုမူ အားလုံးနားလည်ကြပေမည်။ လုပ်ရပ်ဖြင့် ခွင့်လွှတ်မှုတောင်းခံခြင်းဟူသည်မှာ မိမိ၏ဘဝရှင်သန်မှုကို ပြောင်းလဲလိုက်ခြင်းကို ဆိုလိုပေသည်။ မကောင်းမှုများကို စွန့်၍ ကောင်းမှုများဖြင့် ဘဝသစ်တစ်ခုကို တည်ဆောက်ခြင်း ဖြစ်သည်။ ဤသုံးချက်ဖြင့် သောင်ဗဟ်ပြုခြင်းသည်သာလျှင် သောင်ဗဟ်အစစ်ဖြစ်ပေမည်။ ဘဝဦးတည်ချက်များ၊ လုပ်ဆောင်ချက်များ မပြောင်းလဲပဲ ပါးစပ်က သိုဗာ သိုဗာ လုပ်နေခြင်းသည် အဓိပ္ပါယ်မဲ့ လုပ်ရပ်သာ ဖြစ်ပေသည်။

စာရှုသူမိတ်ဆွေတို့ ......

မိမိတို့ ဘဝကို အဓိပ္ပါယ်ရှိသည့် ဘဝတစ်ခုအဖြစ် ပြောင်းလဲပါ။ ခဝပ်မှုပိုင်းဆိုင်ရာတွင် လျော့နည်းခဲ့သည်များ၊ အပေးအယူပိုင်း၊ ရောင်းဝယ်မှု၊ လူမှုဆက်ဆံရေး၊ စိတ်ထားဖြူစင်မှုတို့တွင် လျော့နည်းခဲ့သည်များ၊ ဝတ်စားဆင်ယင်မှုတွင် ရှရီအသ်နှင့်မကိုက်ညီခဲ့သည်များ၊ မျက်နှာတစ်ခုလှဖို့ ရှရီအသ်အမိန့်များနှင့် ဆန့်ကျင်ခဲ့သည်များ။ ယင်းလုပ်ရပ်များကို နောင်တရ မျက်ရည်ကျပါ။ မိမိတို့၏ လုပ်ဆောင်မှုများကို အစ္စလာမ့်ညွှန်ကြားမှုများနှင့် ကိုက်ညီအောင် ပြုပြင်ပါ။ ပြစ်မှုဖြစ်စေသည့်ကိစ္စရပ်များ၊ လမ်းမှားစေသည့်လုပ်ရပ်များမှ ဝေးစွာရှောင်ကြဉ်ပါမည်ဟု အလ္လာဟ့်ထံပါး ကတိပြုကြပါ။ အလ္လာဟ်ထံတွင် သောင်ဗဟ်ပြုကြပါ။ သောင်ဗဟ်တံခါး ဖွင့်ထားလျှက် ရှိနေသေး၏။ အလ္လာဟ်၏တံခါးသည် မျှော်လင့်ချက်ကင်းမဲ့ရမည့် တံခါးမျိုးမဟုတ်ပေ။ အလ္လာဟ်၏တံခါးကိုခေါက်သူအတွက် မုချဖွင့်ပေးမည်သာ ဖြစ်ပေသည်။ အလ္လာဟ်ရှေ့သို့ရောက်သွားသူအား အလ္လာဟ်အရှင်မြတ်က သိက္ခာချ၍ ပြန်မောင်းထုတ်မည်မဟုတ်ပါ။ “ အကြိမ်ပေါင်းများစွာ သောင်ဗဟ်၏ကတိကို ချိုးခဲ့မိသူအတွက်လည်း အလ္လာဟ်ထံပါးမှ မျှော်လင့်ချက် မမဲ့ရပါ။”

ကျွန်ုပ်တို့ အထင်ကြီး တွယ်တာလှသည့် ဤလောက၊ အလွန်လှပကောင်းမွန်ပါသည်ဟု မှတ်ထင်နေသည့် ဤလောက၊ ကျွန်ုပ်တို့၏ အသက်များ၊ အချိန်များ၊ သက်တမ်းများသုံးစွဲနေသည့် ဤလောက၊ စီမံကိန်းများရေးဆွဲကာ စိတ်ကူးယဉ်အိပ်မက်ဖြင့် မျှော်လင့်ချက်လမ်းမအတွင်း မိန်းမောလျှောက်လှမ်း နေသည့် ဤလောကထက် ဂျန္နသ်သည် အဆပေါင်းမြောက်မြားစွာ သာပို၍ လှပ ကောင်းမွန်ပါသည်။ ဂျန္နသ်သည် အမြဲရှိနေမည့်အရာ ဖြစ်ပေသည်။ ဂျန္နသ်တွင် သန့်ရှင်းလှပသည့် ဟူရ်များကို ရရှိကြမည်။ အလ္လာဟ်အရှင်မြတ်သခင်၏ ကျေနပ်နှစ်သက်မှုသည် ဂျန္နသ်ထက် အဆပေါင်းများစွာသာပေသည်။ သို့ရာတွင် ယင်းစည်းစိမ်များကို .... ပြစ်မှုများမှ ခွင့်လွှတ်မှုတောင်းခံသူ၊ ဂျဟန္နမ်မှ လွတ်မြောက်မှု တောင်းခံသူ၊ ဆွဗရ်ကို လက်ကိုင်ထားသူ၊ သစ္စာသမာဓိရှိစွာဖြင့် အမှန်ပြောသူ၊ ပိုက်ဆံငွေကြေးကို သုံးစွဲသူ၊ ည၏နောက်ဆုံးအချိန်တွင် ထ၍ ပြစ်မှုတို့မှ ခွင့်လွှတ်ခြင်းကို တောင်းခံသူတို့သာ ရရှိပေမည်။ အာခိရသ်၏ စည်းစိမ်များသည် လောကတွင် အသက်ရှင်စဉ်က ပေါ့ပေါ့နေ ပေါ့ပေါ့စားသူတို့အတွက် မဟုတ်၊ လောက၌ရှိစဉ် အာခိရသ်အတွက် အဆင်သင့်ပြု၍ ကြိုးပမ်းနေသူများအတွက်သာ ဖြစ်ပေသည်။ ထို့ပြင် လောကရှိ ပစ္စည်းဥစ္စာငွေကြေးတို့သည် လောက၏အသုံးအဆောင် အဖြစ်နှင့်သာ အမြဲရှိနေသည် မဟုတ်။ အာခိရသ်၏ အသုံးအဆောင်များလည်း ဖြစ်ပေသည်။ လောကီအသုံးအဆောင်များ လောကီ၏ ပိုက်ဆံများဖြင့် အာခိရသ်ကို ၀ယ်ယူရမည်သာ ဖြစ်၏။

ချစ်လှစွာသော အီမာန်ရှင် မိတ်ဆွေ .......

စဉ်းစားပါ။ အလ္လာဟ်အရှင်မြတ်သည် ဤလောက၏ လှပသာယာမှုအကြောင်းခံဖြင့် အီမာန်ရှင် မွစ်လင်မ်တို့၏ဒ အာခိရသ်ကို စည်ကားအောင်ပြုနိုင်ရန် ပေးထားခြင်း ဖြစ်ပေသည်။ အလ္လာဟ်အရှင်မြတ်သည် ကျွန်ုပ်တို့အား ဤသဘောတရားများကို နားလည်းသဘောပေါက်နိုင်သည့် သောင်ဖီးက်ကို ချီးမြှင့်တော်မူပါ။ ကျွန်ုပ်တို့အား ဤလောကကို တပ်မက်တွယ်တာသူများ မပြုလုပ်ပါနှင့်။ လောက၏အကြောင်းခံဖြင့် အာခိရသ်ကို လှပသာယာအောင် ပြုနိုင်သည့်သောင်ဖီးက်ကို ချီးမြှင့်တော်မူပါ။ (အာမီးန်)

واخردعوانا عن الحمدلله رب العالمين

[[ Credit, အလ်မီးခွသ်ဗားသ် တွဲ၊ ၁။ စာ၊ ၂၆၉ မှ ၂၈၃

ဟောကြားသူ၊ ဟဇရသ်မော်လာနာ မုဖ်သီစအီးဒ်အဟ်မဒ် ပါလန်ပူရီ (မဒ်ဒဇွိလ်လုဟူ)

စာစီ၊ မုဟမ္မဒ်စအီးဒ် ပါလန်ပူရီ

ဘာသာပြန်၊ အလ်မုဖီးဒ် ]]
စာသားကော်ပီယူသူများ အမည်အပြည့်အစုံကူးယူပါ။ Credit ဖြုတ်၍ အယောင်ဆောင်မလုပ်ပါနှင့်။

အလ်မုဖီးဒ် Link များ

Website: http://aaitee.blogspot.com

Facebook: http://www.facebook.com/almufeed.mm

Email: haroonrangoni@gmail.com

google တွင်ရှာရန် “ အလ်မုဖီးဒ် ” ဟု မြန်မာလိုရိုက်၍ရှာပါ။

မိမိဖုန်းထဲတွင် ပြန်လည်ဖတ်ရှုရန် သိမ်းထားလိုပါက Simple Islam.apk ဖိုင်ကို ဒေါင်းလုတ်ဆွဲပြီး Install လုပ်ထားပါ။