အောက်တွင်ဖော်ပြမည့်အကြောင်းအရာသည် ဟဇရသ်အလီ ရသွီယလ္လာဟု အန်ဟု ခလီဖဟ်ဖြစ်ချိန်က မွတ်စ်လင်မ်တို့အား အိလ်မ်နှင့်ပတ်သက်ပြီး မည်သို့သင်ကြား ပြသပေးသည်ကို အထူးဖော်ပြထားခြင်းဖြစ်သည်။ ထို့အတူ ကစမ် (ကျိန်ဆိုခြင်း)အား နေရာတကာ မသုံးရန် သတိပေးခြင်းလည်း ပါဝင်သည်။ ဆွဟာဗဟ်များသည် တမန်တော်မြတ် ဆွလ္လလ္လားဟု အလိုင်းဟိ ဝစလ္လမ်၏ နေထိုင်မှု၊ သင်ကြားမှု၊ အုပ်ချုပ်မှုအတိုင်း မွတ်စ်လင်မ်တို့အား လမ်းညွှန်ခဲ့ကြသည်။ ဆွဟာဗဟ်များ၏ စိတ်နေစိတ်ထား၊ လုပ်ပုံကိုင်ပုံများထဲမှ တစ်စိတ်တစ်ဒေသမျှ ယနေ့ခေတ်၏ မွတ်စ်လင်မ်များတွင် ပုံတူကျင့်သုံးခြင်းမှု ရှိခဲ့လျှင် အနိုင်ရလွှမ်းမိုးအောင်မြင်ခြင်း၏ အလံတိုင်ကို မွတ်စ်လင်မ်တို့ ပြန်လည်လွှင့်ထူလာနိုင်မည်ဟု မျှော်လင့်ပါသည်။ (အလ်မုဖီးဒ်)
ဟဇရသ်အဗူမုသွိရ် ရဟ်မသုလ္လာဟ်ဟိအလိုင်းဟ်က ဤအကြောင်းအရာများကို ပြောပြခဲ့သည်။
(၁) တစ်ရက်တွင် ကျွန်ုပ်(ဟဇရသ်အဗူမုသွိရ်) ဗလီမှ ထွက်လာချိန် နောက်ဖက်မှ လူတစ်ဦးက ကျွန်ုပ်ကို ရည်ညွှန်းပြီး ပုဆိုးကို အပေါ်ကို ထပ်မြှင့်ပြီး ဝတ်လိုက်၊ အဲ့ဒီလို ဝတ်လိုက်ရင် အသင်က မိမိရဲ့ ဖန်ဆင်းရှင်ကို ပိုပြီး ရိုသေခန့်ညားသူ ဖြစ်တယ်ဆိုတာကို သိနိုင်မယ်၊ ပြီးတော့ အသင့်ရဲ့ပုဆိုးက (အောက်ခြေနဲ့ လွတ်လွတ်ကင်းကင်းရှိတာကြောင့်) ပိုပြီး သန့်ရှင်းနေမယ်။ ဒါ့ပြင် အသင် မွတ်စ်လင်မ်တစ်ဦး ဖြစ်ရင် ခေါင်းက ဆံပင်တွေကို သန့်သန့်ရှင်းရှင်း သပ်သပ်ရပ်ရပ် လုပ်ပါ လို့ပြောတဲ့စကားသံတွေကို ဆက်တိုက်ဆိုသလို ကြားလိုက်ရတယ်။ ဒါနဲ့ ကျွန်တော်လည်း ဘယ်သူများပြောတာလဲဆိုပြီး ခေါင်းလှည့်ကြည့်လိုက်တော့ ဟဇရသ်အလီ ရသွီယလ္လာဟု အန်ဟု ဖြစ်နေတာကို တွေ့လိုက်ရတယ်။ လက်ထဲမှာ ကြာပွတ်လည်း ကိုင်ထားတယ်။
(၂) ကျွန်တော်ကို ဆုံးမစကားပြောပြီးနောက်မှ ဟဇရသ်က ကုလားအုတ်တွေကို အရောင်းအဝယ် လုပ်နေတဲ့ ဈေးတန်းဘက်ကို သွားတယ်။ ရောက်တာနဲ့ အသင်တို့ အရောင်းအဝယ်လုပ်ကြပါ၊ ဒါပေမယ့် ကျိန်ပြီး မရောင်းနဲ့။ ကျိန်ပြီး အရောင်းအဝယ်လုပ်ရင် (ဝယ်သူက ကျိန်တာကိုကြည့်ပြီး) အရောင်းအဝယ်တော့ ဖြစ်သွားပေမယ့် ရလာတဲ့ဝင်ငွေမှာ ဗရကသ်မရှိတော့ဘူး ဆိုပြီး မိန့်တယ်။
(၃) ကုလားအုတ်ဈေးတန်းက ထွက်တာနဲ့ စွန်ပလွံသီးတန်းဘက်ကို သွားတယ်။ အဲ့ဒီမှာ စွန်ပလွံသီးရောင်းနေသူတစ်ဦးရဲ့ ဘေးနားမှာ မိန်းကလေးငယ်တစ်ဦးက ငိုနေတာကိုတွေ့ရတယ်။ ဟဇရသ်အလီက ကလေးမလေးကို ဘာဖြစ်လို့ငိုနေတာလည်းလို့ မေးလိုက်တော့ ကလေးမလေးက ကျွန်မက ဒိရ်ဟမ်တစ်ပြားဖိုး စွန်ပလွံသီးတွေ ဝယ်သွားတာ အိမ်က အုပ်ထိန်းသူက ဒါတွေမလိုချင်ဘူးဆိုပြီး ပြန်လဲခိုင်းလိုက်လို့ပါဆိုပြီး ပြောတယ်။ ဒါနဲ့ ဟဇရသ်က ရောင်းနေသူကို စွန်ပလွံသီးတွေပြန်ယူပြီး ကလေးမလေးကို သူ့ပိုက်ဆံပြန်ပေးလိုက်၊ ခုအခြေအနေက မရည်ရွယ်ဘဲ ဖြစ်လာရတာ ဆိုပြီးပြောတယ်။(လိုက်လျောပေးလိုက်ဆိုတဲ့ သဘောနဲ့ ညွှန်ကြားရခြင်းဖြစ်သည်။) ဒါပေမယ့် ဈေးသယ်က အဲ့ဒီ အချိန်မှာတော့ ပြန်မလဲပေးနိုင်ဘူးဆိုပြီး ငြင်းနေသေးတယ်။ ဒါနဲ့ ကျွန်တော် (ဟဇရသ်အဗူမုသွိရ်)က ဒါဘယ်သူလဲဆိုတာ မင်းသိရဲ့လားလို့ စကားထောက်လိုက်တော့ ဈေးသယ်ကလည်း မသိဘူးတဲ့။ မသိဘူးဆိုတော့လည်း ပြောပြလိုက်တယ်။ ဒီသူဟာ လက်ရှိ မွတ်စ်လင်မ်တွေကို အုပ်ချုပ်နေတဲ့ သမ္မတကြီး အလီပဲ။ ဈေးသယ်က ဟဇရသ်အလီရဲ့ အမည်ကိုကြားတာနဲ့ ချက်ချင်းပဲ ကလေးမလေးရဲ့ လက်ထဲက စွန်ပလွံသီးတွေကို ပြန်ယူလိုက်ပြီး ဒိရ်ဟမ်တစ်ပြားကို ပြန်ပေးလိုက်တယ်။ ပြီးတော့ ဟဇရသ်အလီကို တောင်းပန်စကားဆိုတယ်။ သမ္မတကြီးရယ် ကျွန်တော်ကို ခွင့်လွှတ်မယ်လို့ မျှော်လင့်ပါတယ်။ ကျွန်တော် အခုလိုပြန်လဲပေးလိုက်တာကိုလည်း ကျေနပ်မယ်လို့ ထင်ပါတယ်။ ဟဇရသ်အလီက အသင်တို့အနေနဲ့ ဝယ်သူတွေကို ပြည့်ပြည့်ဝဝ (ချိန်တွယ်) ပေးမယ်ဆိုရင် အသင်တုိ့က ငါက ပိုပြီး ကျေနပ်အားရမှာပါ ဆိုပြီး ပြောလိုက်တယ်။
စွန်ပလွံသီးသယ်ထံကနေ ပြန်ထွက်လာရင်းနဲ့ ဟဇရသ်က နေ့ဖို့ညစာမရှိတဲ့ ဆင်းရဲသားတွေကို ကျွေးမွေးပါ။ အဲ့ဒီလိုကျွေးမွေးခြင်းက အသင်တုိ့မှာရှိတဲ့ အားနည်းချက်တွေ မပြည့်ဝတာတွေမှာ ပြည့်ဝမှု ရလာလိမ့်မယ်လို့ မိန့်တယ်။
(၄) ပြီးနောက်မှာ ငါးတန်းဘက်ကို သွားတယ်။ တစ်ဆက်တည်း ရေထဲမှာသေပြီး ရေပေါ် ပေါ်နေတဲ့ငါးတွေကို ဈေးထဲမှာ မရောင်းပါနဲ့ဆိုပြီး ညွှန်ကြားတယ်။
(၅) အထည်တန်းဘက်ကိုလည်း သွားတယ်။ အထည်ဆိုင်တစ်ဆိုင်မှာ ဒိရ်ဟမ်သုံးပြားတန် အင်္ကျီတစ်ထည်ရောင်းဖို့ ဟဇရသ်က ပြောတော့ ဈေးရောင်းသူက ဟဇရသ်ကို သိတဲ့သူဖြစ်နေတယ်။ ဒါနဲ့ အဲဒီ့ဆိုင်မှာမဝယ်တော့ဘဲ နောက်တစ်ဆိုင်ကို သွားတယ်။ အဲ့ဒီဆိုင်ကလည်း ဟဇရသ်အလီကို သိနေတယ်။ ဒီလိုနဲ့ ဆိုင်နှစ်ဆိုင် သုံးဆိုင်ကနေ မဝယ်ဖြစ်တော့ဘဲ ထွက်လာလိုက်တယ်။ တစ်နေရာရောက်တော့ လူငယ်လေးတစ်ယောက်ထံကနေ ဒိရ်ဟမ်သုံးပြားနဲ့ အင်္ကျီတစ်ထည် ဝယ်လိုက်တယ်။ အဲ့ဒီလူငယ်လေးက ဟဇရသ်ကို သမ္မတကြီးအလီမှန်း မသိဘူး။ ဝယ်ပြီး ပြန်ထွက်လာလိုက်တယ်။ အဲ့ဒီအချိန်မှာ ခုနရောင်းလိုက်တဲ့ လူငယ်လေးရဲ့ ဆိုင်ပိုင်ရှင်က ဆိုင်ကိုပြန်ရောက်လာတော့ ဘေးက လူတွေက မင်းရဲ့သားက သမ္မတကြီးအလီကို ဒိရ်ဟမ်သုံးပြားနဲ့ အင်္ကျီတစ်ထည်ရောင်းလိုက်တယ်လို့ ပြောပြလိုက်ကြတယ်။ ဆိုင်ပိုင်ရှင်ဖြစ်သူ ဖခင်က သားကို မင်း ဘာလို့ ဒိရ်ဟမ်နှစ်ပြားနဲ့ မရောင်းတာလဲလို့ ပြောပြီး အပိုဖြစ်သွားတဲ့ ဒိရ်ဟမ်တစ်ပြားကို ကိုင်ပြီး ဟဇရသ်အလီရဲ့နောက်ကို လိုက်လာပြီး ဒိရ်ဟမ်တစ်ပြားပြန်ယူပါဆိုပြီး ပြန်ပေးတယ်။ ဘာလို့ပြန်ပေးနေရတာလဲလို့ ဟဇရသ်က မေးတော့ သမ္မတကြီးဝယ်သွားတဲ့ အင်္ကျီက ဒိရ်ဟမ်နှစ်ပြားတန်ပါ။ ကျွန်တော့်သားက သုံးပြားဆိုပြီးရောင်းလိုက်ပါတယ်။ ဒါ့ကြောင့် အပိုငွေကို ပြန်လာပေးတာပါဆိုပြီး ပြောတယ်။ ဒါနဲ့ ဟဇရသ်က ရောင်းသူကလည်း သူ့စိတ်တိုင်းကျ ဒိရ်ဟမ်သုံးပြားဆိုပြီး ရောင်းလိုက်တာ၊ ကျွန်တော်ကလည်း အဲ့ဒီ့တန်ကြေးကို သဘောတူလို့ပဲ သုံးပြားနဲ့ဝယ်ခဲ့ပြီးပါပြီလို့ ပြန်မိန့်လိုက်ပါတယ်။ حياةالصحابه\ جلد2\صفحه 712-713
(بکهرےموتی/جلد چہارم/صفحہ 453،واقعہ نمبر 140)
(بکهرےموتی/جلد چہارم/صفحہ 453،واقعہ نمبر 140)
အထက်အကြောင်းအရာတွင် လက်ရှိ အာလင်မ်များ ကျင့်သုံးရမည့် နည်းလမ်းနှင့် မွတ်စ်လင်မ်တို့ သတိမထားမည့်သည့် လုပ်ရပ်များကို ဖော်ပြထားသည်။ အကြောင်းအရာ အမှတ်တစ်တွင် မွတ်စ်လင်မ်ယောက်ျားသားများ အနေဖြင့် အောက်ပိုင်းဝတ်အထည်များကို မည်သို့ဝတ်ရမည်ကို သင်ပေးထားသည်။ ထို့အတူ မွတ်စ်လင်မ်သည် ခေါင်းစ ခြေဆုံး သန့်ရှင်းသပ်ရပ်နေသူဖြစ်ရန်လည်း ညွှန်ကြားထားသည်။ အကြောင်းအရာ အမှတ်နှစ်တွင် ကျိန်ခြင်း၏ အကျိုးဆက်ကို မိန့်ထားသည်။ ရှရီအသ်တွင် အချို့သော ပြဌာန်းချက်များ၏ သဘောမှာ လုပ်ပါဟု ခိုင်းထားခြင်းမဟုတ်။ အကယ်၍ ထိုသို့သောအခြေအနေနှင့် ကြုံတွေ့ခဲ့လျှင် ဤသို့ ဤသို့ ပြုလုပ်ပါဟု နည်းစနစ်တစ်ခုကို ချပြပေးထားခြင်းဖြစ်သည်။ ထိုသဘောကို မွတ်စ်လင်မ်တို့ နားလည်ထားပါ။ ကျိန်ခြင်းအကြောင်းကို ပြောရလျှင် မွတ်စ်လင်မ်တို့အတွင်း၌ မကျိန်လျှင် မယုံစရာအဖြစ်လည်းကောင်း၊ ကျိန်ပြမှ ယုံကြည်မည်ဟူ၍လည်းကောင်း၊ ရှေ့ကလူ၏ ပြောစကားကို ဒီအတိုင်းလက်မခံဘဲ ကျိန်ခိုင်းခြင်းဖြင့်လည်းကောင်း ကျိန်ခြင်းဟူသည့် စကားရပ်ကို အခြေအနေတိုင်းတွင် သုံးနေကြသည်။ ယင်းအကျင့်သည် မကောင်းပါ။ လူတစ်ယောက်၏ ပြောစကားကို ယုံကြည်ထိုက်သည့် အခြေအနေတစ်ခုထိ အနှောင်အဖွဲ့များ မသုံးစွဲဘဲ ယုံကြည်ပေးရမည်။ တစ်ခုခုဆို ကျိန်ခိုင်းခြင်း၊ ကျိန်လိုက်ခြင်း၊ ကျိန်ပြောခြင်းတို့သည် မကောင်းပါ။ ယခုဖြစ်ရပ်တွင်လည်း အရောင်းအဝယ်လုပ်ရာတွင် ကျိန်တတ်သည့်အကျင့် မလုပ်ရန် တားထားသည်။ ကျိန်ခြင်းကတော့ ပိုင်သည်။ ကျိန်ပြီးရောင်းလိုက်သည့် အရောင်းအဝယ်သည်လည်း ပိုင်သည်။ သို့သော် ကျိန်ခြင်းကို အခြေခံပြီး ရရှိလာသည့် ဝင်ငွေတွင် ဗရကသ်ရှိမည်မဟုတ်ကြောင်းကို ဟဇရသ်အလီ ရသွီယလ္လာဟု အန်ဟုက မိန့်ထားသည်။
ဟဇရသ်အလီ ရသွီယလ္လာဟု အန်ဟုသည် တမန်တော်မြတ် ဆွလ္လလ္လားဟု အလိုင်းဟိ ဝစလ္လမ်ရှိစဉ်ကတည်းက အဆ်ွဟားဗ်တော်များထဲမှ မုဖ်သီများတွင် တစ်ဦးအပါအဝင် ဖြစ်သည်သာမက အိလ်မ်၏ တံခါးပေါက်ဟု ရည်ညွှန်းမှုကို ရရှိထားသော ပညာရှင်တစ်ဦးဖြစ်သည်။ ဟဇရသ်၏ မစာအိလ် သင်ကြားပုံသည် အလွန်ထိရောက်သည်။ လက်တွေ့တိုက်ရိုက် ပြောခြင်းဖြစ်၏။ ယနေ့အခါသမယတွင်လည်း မုဖ်သီများစွာ ပေါ်ထွန်းနေပါပြီ။ မတ်စ်ဂျိဒ်များစွာလည်း အဆင်သင့်ရှိနေသည်။ မုဖ်သီများ၏ အိလ်မ်ကို မတ်စ်ဂျိဒ်များမှတစ်ဆင့် မွတ်စ်လင်မ်ထုအတွင်း တစ်နေ့ နည်းနည်းစီ ပို့ချသွားမည်ဆိုလျှင် စည်းကမ်းရှိသည့် မွတ်စ်လင်မ်ကောင်းများစွာ ပေါ်ထွက်လာပါမည်။ တစ်ပတ်တွင် တစ်ရက်၊ တစ်နှစ်တွင် တစ်လမျှ ဟောကြားရုံဖြင့် မွတ်စ်လင်မ်ထု၏ အိလ်မ်လိုအပ်ချက်ကို ဖြည့်စည်းပေးနိုင်မည် မဟုတ်ပါ။ သမိုင်းများမှ မစာအိလ်များ ကောက်နှုတ်ပြပေးရမည်။ အရောင်းအဝယ် အထူးဖြစ်ထွန်းသည့် မွတ်စ်လင်မ်များအတွင်းတွင် အရောင်းအဝယ်နှင့် သက်ဆိုင်သည့် မစာအိလ်များကို တစ်ဦးတိုင်း သိနေအောင် သင်ပေးထားရမည်။ လယ်ယာကဏ္ဍနှင့်ပတ်သက်သည့် မစာအိလ်များဆိုလျှင်လည်း အကျယ်တဝင့် ရှိနေသည်။ မွတ်စ်လင်မ် လယ်သမားများသည် မိမိတို့၏ လုပ်ငန်းနှင့်ပတ်သက်၍ အစ္စလာမ်က ဘာတွေသတ်မှတ်ထားသည်ကို သိအောင် အာလင်မ်တို့က ပြောပြရပါမည်။
ရိုဇဟ်ဆိုင်ရာ မစာအိလ်များကို ရမဿွာန်ရောက်မှ၊ ဇကားသ်မစာအိလ်ကို ဇကားသ်ပေးခါနီးမှ သင်ပေးခြင်း၊ မေးမြန်းခြင်းတို့သည် ပြိုင်ပွဲနေ့ရောက်မှ လေ့ကျင့်သည်နှင့် တူနေသည်။ ပြိုင်ပွဲမရောက်မီကတည်းက သက်ဆိုင်ရာ အားကစားကို ကြိုတင်လေ့ကျင့်ရသည်။ သို့မှသာ ပြိုင်ပွဲနေ့ရောက်လျှင် အဆင်သင့် ယှဉ်ပြိုင်နိုင်မည် ဖြစ်၏။ မွတ်စ်လင်မ်တို့၏ အခြေအနေမှာမူ ရမဿွာန်ရောက်မှ ရိုဇဟ်ကို သတိရပြီး ထိုအခါမှ မစာအိလ်များကို အတုံးအရုံး ထမေးကြသည်။ အမှန်ဖြစ်ရမည်မှာ ရမဿွာန်မရောက်မီ နှစ်လခန့်အလိုကတည်းက မတ်စ်ဂျိဒ်တိုင်း မတ်စ်ဂျိဒ်တိုင်းတွင် ရိုဇဟ်၏ မစာအိလ်များကို အာလင်မ်များက ဦးစီးပြီး မွတ်စ်လင်မ်ထုကို သင်ကြား ရှင်းပြရမည်။ နမားဇ်အချိန် ငါးခု၌ တစ်ချိန်လျှင် ဘာသာရပ်တစ်မျိုး သင်ပေးမည်ဆိုလျှင် မွတ်စ်လင်မ်တစ်ဦးသည် တစ်နေ့လျှင် အိလ်မ်ငါးခုကို တတ်ကျွမ်းမည်။ ထို့အတူ နမားဇ်တစ်ချိန်ပြီးနောက် နောက်တစ်ချိန်တွင်လည်း မတ်စ်ဂျိဒ်ကိုလာရန် ဆန္ဒရှိနေပေမည်။ မစာအိလ်နှင့် ပတ်သက်သည့် စာအုပ်၊ စာပေ၊ ဖသ်ဝါကျမ်းများ များစွာရှိနေသည်။ အိမ်တိုင်း အိမ်တိုင်းတွင်လည်း စာအုပ်စင်များနှင့် ခန့်ညားထည်ဝါစွာ ရှိနေသည်။ သို့သော် ယင်းစာအုပ်များထဲမှ ပညာရပ်များသည် မွတ်စ်လင်မ်တို့၏ ရင်ထဲသို့ ဝင်မလာသေးပါ။ စာအုပ်က စာအုပ်နေရာတွင် ရှိပြီး လူက လူနေရာတွင်ရှိနေသည်။ စာအုပ်ထဲက အိလ်မ်ကို မွတ်စ်လင်မ်၏ ရင်ထဲသို့ ရောက်လာရန်၊ ၎င်း၏ ဦးနှောက်တွင် မစာအိလ်၏ အသိတရားများ ရှိလာရန် ပေါင်းကူးတံတားမှာ မတ်စ်ဂျိဒ်များဖြစ်ပြီး အာလင်မ်က ဦးစီးပြီး ပို့ဆောင် သင်ကြားပေးရပါမည်။ ယခုအကြောင်းအရာတွင်ပင် ဟဇရသ်အလီသည် သက်ဆိုင်ရာနေရာတွင် လိုအပ်သည့် မစာအိလ်များကို လူထုအတွင်း ရှင်းရှင်းလင်းလင်း မိန့်ကြားသည်။ သင်ပြသည်။ လိုအပ်သည့် အမိန့်ကို ပြတ်သားစွာ ပြောသည်။ ဆွဟာဗဟ်တို့၏ နမူနာကို စံထားပြီး မွတ်စ်လင်မ်များ၊ အာလင်မ်များလည်း အစ္စလာမ်ကို အဓွန့်ရှည် တည်မြဲအောင်၊ ပြန့်ပွားအောင် ဆောင်ရွက်နိုင်ကြရန်ရည်ရွယ်ရင်း ဤအကြောင်းအရာကို နိဂုံးချုပ်အပ်ပါသည်။
3/ ရဗီအွတ်စာနီလ/ ဟစ်ဂ်ျရီ 1438 (ِيَومُ الاِثنَين)
2.1.2017 (တနင်္လာနေ့)
အလ်မုဖီးဒ်
