Saturday, October 29, 2016

အဖြူဆင်းခြင်းဆိုင်ရာ ပညတ်ချက်များ


မွတ်စ်လင်မ်သည် တစ်နေ့တွင် ငါးကြိမ်နမားဇ်ကို မပြုမနေရတာဝန်အဖြစ် ထမ်းဆောင်ရသလို ယင်းနမားဇ်ကိုလည်း သန့်ပြန့်သည့် ခန္ဓာကိုယ်၊ သန့်ရှင်းသည့် အဝတ်အထည်နှင့် စင်ကြယ်သည့် နေရာတို့တွင် ဆောက်တည်ရသည်။ နေ့စဉ်တာဝန်တွင်ပါရှိသည့် နမားဇ်ကိုထမ်းဆောင်ရန် သန့်ရှင်းမှုသည့် အရေးကြီးပေသည်။ အစ္စလာမ်တွင် သန့်ရှင်းမှုပြုလုပ်ရသည့်နည်းကို အဆင့်ဆင့် ပြဌာန်းပေးထားသည်။ ကမ္ဘာ့လူသားထုတစ်ခုလုံးတွင် နှစ်မျိုးသာ ကွဲပြားသည့် ယောက်ျားနှင့် မိန်းမတို့အတွက် မတူညီသည့် ပြဌာန်းချက်များ ချမှတ်ပေးထားသည်။ ထိုထဲမှ ယခုဖော်ပြမည့် အကြောင်းအရာသည် အမျိုးသမီးများ ကြုံတွေ့ရသည့် အခြေအနေနှင့် သက်ဆိုင်ပါသည်။ အမျိုးသမီးဆိုင်ရာ ပညတ်ချက်များကို အမျိုးသားများလည်း လေ့လာထားရမည်။ အမျိုးသားတစ်ဦးသည် အမျိုးသမီးများစွာနှင့် ဆွေမျိုးတော်စပ်သူဖြစ်သည်။ အမျိုးသား၏ မွေးဖွားပေးသူမှာ အမျိုးသမီးဖြစ်သည်။ အဒေါ်များမှာ အမျိုးသမီးဖြစ်သည်။ အမ၊ ညီမများ၊ တပည့်မများ၊ လက်အောက်ဝန်ထမ်းမှ အမျိုးသမီးများ၊ တူမများ၊ ဇနီး၊ သမီး စသည်ဖြင့် အမျိုးသမီးများစွာနှင့် ပတ်သက်ဆက်နွယ်နေရသည်။ ထို့ကြောင့် အမျိုးသမီးနှင့်သက်ဆိုင်သည့် အကြောင်းအရာများကို အမျိုးသားများပါ ဖတ်ရှုထားမည်ဆိုပါက မိမိနှင့် ပတ်သက်ဆက်နွယ်နေသူတို့အား ပြန်လည် သင်ပြ ပြောပြပေးနိုင်မည်။ ပညာရပ်ပိုင်းဆိုင်ရာကို ပညာသင်ဦးနှောက်ဖြင့် တွေးမြင် သင်ယူပါက ပညာတိုးမည်ဖြစ်ပါသည်။ ထို့ကြောင့် ယခုဖော်ပြမည့် အကြောင်းအရာကို အမျိုးသား၊ အမျိုးသမီးတိုင်း လေ့လာဖတ်ရှုပါ။ ပြန်လည် သင်ပြ၊ ဖြန့်ဝေပါဟု တိုက်တွန်းပါသည်။

အဖြူဆင်းခြင်း
အမျိုးသမီးတို့၏ သားအိမ်အတွင်းတွင်ရှိသော မျိုးဥ၊ ဆဲလ်စသည်တို့သည် သဘာဝအလျောက် ကြွေခြင်း၊ ပျက်စီးသွားခြင်းများ ဖြစ်သည်။ ယင်းသို့ဖြစ်သည့်အခါ သားအိမ်လမ်းကြောင်းမှနေ၍ ပြင်ပသို့ သွေး၊ အရည်ကြည်၊ အချွဲ စသည်များ ဆင်းသက်လာသည်။ အပျိုအရွယ်တွင် အများဆုံး ကြုံတွေ့ရသည်မှာ ရာသီသွေးဆင်းခြင်းဖြစ်သည်။ ရာသီနှင့်အတူ အဖြူဆင်းခြင်းသည်လည်း အမျိုးသမီး (အပျို၊ အိမ်ထောင်ရှင်)တို့တွင် အများအားဖြင့် ဖြစ်လေ့ရှိကြသည်။ အိမ်ထောင်ရှင်ဖြစ်ပြီးနောက် သားသမီးမွေးဖွားလျှင် မီးတွင်းသွေးဆင်းခြင်း ဖြစ်ပေါ်သည်။ ယင်းဖြစ်စဉ်အားလုံးသည် သားအိမ်မှ ဖြစ်ခြင်းဖြစ်၏။ ထိုသို့ဖြစ်လာသည့်အခါ ခဝပ်ဆည်းကပ်မှုဆိုင်ရာများတွင် လျှော့ပေါ့ပေးမှုများ၊ အချို့တာဝန်များကို ရပ်ဆိုင်းပေးခြင်းများရှိသည်။ ရာသီသွေး၊ မီးတွင်းသွေး၊ ယင်းသွေးနှစ်မျိုးတွင် သတ်မှတ်ကာလ ကျော်လွန်မှုတို့ကြောင့် ရောဂါသွေးဟု ပြောင်းလဲခေါ်ရသည့် အခြေအနေ စသည့်အကြောင်းအရာများကို အလ်မုဖီးဒ်မှ ရေးသားပြီးဖြစ်သည်။ ယခု အဖြူဆင်းခြင်းသည်လည်း ယင်းသားအိမ်မှပင် ဖြစ်ပေါ်ခြင်းဖြစ်ရာ ထိုအကြောင်းအရာနှင့် သက်ဆိုင်သည့် ပညတ်ချက်များကို ဖော်ပြမည်။

ဆေးပညာ၏ သတ်မှတ်မှုတွင် အဖြူဆင်းခြင်းသည် ရောဂါကြောင့် ဆင်းခြင်းရှိသလို၊ ကျန်းမာရေး ကောင်းခြင်းကြောင့် ဆင်းရသည်လည်း ရှိသည်ဟု မှတ်သားရသည်။ ကျန်းမာရေးကောင်းခြင်း ကြောင့်ဆိုသည်မှာ အဖြူဆင်းခြင်းကို အမျိုးသမီးတို့၏ သားအိမ်မှ သဘာဝအရ သန့်စင်ပေးသည့်အရည်ဟု ဖော်ပြထားသည်များရှိသည်။ အပျိုတွင်လည်း ဆင်းသလို အိမ်ထောင်ရှင်မများတွင်လည်း ဖြစ်ပေါ် တတ်သည်။

ကျန်းမာရေးချို့ယွင်းမှုကြောင့် အဖြူဆင်းသည်ဖြစ်စေ၊ သားအိမ်သန့်စင်ခြင်းကြောင့် အဖြူဆင်းသည်ဖြစ်စေ အခြေအနေနှစ်မျိုးလုံးကို ရှရီအသ်က မသန့်ဟုသတ်မှတ်သည်။ သားအိမ်အတွင်း ရှိနေစဉ်ကာလသည် ခန္ဓာကိုယ်အတွင်း ရှိသည် ဖြစ်သောကြောင့် ထိုအခြေအနေသည် သန့်နေသည်။ မွေးလမ်းကြောင်းအတွင်း ရှိနေသရွေ့ သန့်၏။ သို့သာမက သားအိမ်အပေါက်ဝတွင် (သားအိမ်ပေါက် အဝိုင်းလေးတည့်တည့်တွင်) ရှိနေသည်အထိ ပြင်ပသို့ရောက်သည်ဟု မသတ်မှတ်သေးပါ။ ခန္ဓာကိုယ်အပြင်ဘက်ထွက်လာလျှင် မသန့်ဟု သတ်မှတ်သည်။ အဖြူဆင်းခြင်းဟု ဆိုရာတွင် အရည်၊ အပျစ်၊ အခဲ၊ အချွဲ အားလုံးကို ဆိုလိုပါသည်။

(၁) အဖြူဆင်းသူနှစ်မျိုး
အဖြူဆင်းသူတို့တွင် ပုံစံနှစ်မျိုးရှိသည်။

(က) ပထမအမျိုးအစားမှာ တစ်ခါတရံမှ ဆင်းသူဖြစ်သည်။ တစ်နေ့လုံးတွင် တစ်ကြိမ်၊ နှစ်ကြိမ်ဆင်းမည်။ သို့မဟုတ် တစ်နာရီအတွင်းမှာပင် သုံးကြိမ်၊ လေးကြိမ်ဆင်းမည်။ နမားဇ်ကို သန့်ရှင်းမှုဖြင့် ဖတ်နိုင်သည့် အချိန်မျှ ရပ်တန့်မှုရှိသည်။ အဖြူဆင်းရာတွင် ပမာဏ နည်းသည်ဖြစ်စေ၊ များသည်ဖြစ်စေ ထိုသို့သောသူမျိုးကို တစ်ခါတစ်ရံမှ အဖြူဆင်းသူဟု သတ်မှတ်သည်။

(ခ) ဒုတိယအမျိုးအစားမှာ အချိန်တိုင်း ဆက်တိုက် အဖြူဆင်းနေသူဖြစ်သည်။ ရာသီလာသကဲ့သို့ ဆင်းနေသည်။ ရပ်တန့်ချိန်နည်းပါးသည်။ နမားဇ်ကို သန့်ရှင်းမှုဖြင့် ဖတ်နိုင်သည့် အချိန်ခန့်မျှပင် ရပ်တန့်ခြင်းမရှိ။ ဆင်းသည့် ပမာဏ နည်းသည်ဖြစ်စေ၊ များသည်ဖြစ်စေ ဆင်းသည့် အချိန်သည် ဆက်တိုက်ဖြစ်နေလျှင် ထိုသို့သောသူမျိုးကို ဆက်တိုက်ဆင်းသူဟု သတ်မှတ်သည်။

(၂) တူညီသည့် ပညတ်ချက်
နှစ်မျိုးလုံးအတွက် တူညီသည့် ပညတ်ချက်များကို ဦးစွာ ဖော်ပြမည်။ အဖြူဆင်းခြင်းကို မသန့်ဟု သတ်မှတ်သည့်အတွက် အဖြူဆင်းလျှင် ဝုဇူပျက်သည်။ ဝုဇူပျက်ခြင်းသာ ဖြစ်မည်။ ရေချိုးရန် ဝါဂျိဗ်မထိုက်ပါ။ ရိုဇဟ်ထားခွင့်ရှိသည်။ ရိုဇဟ်စောင့်ထိန်းနေစဉ် အဖြူဆင်းလျှင် ရိုဇဟ် မပျက်ပါ။ ဇနီးမောင်နှံ နေထိုင်ခွင့်ရှိသည်။ ကုရ်အာန် သိလာဝသ် လုပ်ခွင့်ရှိသည်။ ကုရ်အာန်ကျမ်းကို ထိတွေ့ကိုင်တွယ်လိုလျှင် ဝုဇူပြုရမည်။ ရေးသားလိုလျှင်လည်း ဝုဇူပြုရမည်။

(၃) ပထမအမျိုးအစားအတွက် ပညတ်ချက် (တစ်ခါတရံမှဆင်းသူ)
ပထမ အမျိုးအစားသည် တစ်ခါတရံမှ အဖြူဆင်းသူဖြစ်သဖြင့် အဖြူဆင်းသည်နှင့် ဝုဇူပျက်သွားမည်။ ခန္ဓာကိုယ်တွင် ပေကျံလျှင် ဆေးကြောရမည်။ အဝတ်အစားတွင် ပေကျံလျှင် ယင်းအဝတ်အစားသည် မသန့်ဖြစ်၏။ ဆေးကြော သန့်စင်ရမည်။
(မသန့်ပေကျံရာတွင် လက်ဖဝါးအချိုင့်လေး၏ အပြန့်အတိုင်းအတာထက် နည်းလျှင် မသန့်စင်ဘဲ နမားဇ်ဖတ်ခွင့် ပြုထားသည်။ သို့သော် ယင်းခွင့်ပြုချက်သည် သန့်စင်ရန် ရေအခက်အခဲ၊ လဲလှယ်ရန် အဝတ်အစား အခက်အခဲ ရှိသည့်ကာလအတွက် ဖြစ်၏။ ယနေ့အခါတွင်မူ အလ္လာဟ်အရှင်မြတ် အသနားတော်ဖြင့် အားလုံးသည် အသင့်အတင့် ချောင်လည်နေပြီ ဖြစ်သည်။ ထိုသို့ချောင်လည်ပါလျှက် ခန္ဓာကိုယ်ကို မဆေးကြော၊ အဝတ်အစား မလဲလှယ်ဘဲ နေခြင်းသည် မက္ကရူဟ်ဖြစ်ပါသည်။ လက်ဖဝါးအချိုင့်လေး၏ အပြန့်အတိုင်းအတာမျှ သို့မဟုတ် ထို့ထက်များလျှင် မဆေးကြောဘဲ နမားဇ်မပိုင်ပါ။)

နမားဇ်အတွင်း ရှိနေစဉ် ဆင်းလျှင် (အဖြူဆင်းသည်နှင့် ဝုဇူပျက်သွားပြီ ဖြစ်သောကြောင့်) ယင်းနမားဇ်ပျက်သည်။ နမားဇ်အစပြုချိန်က အသန့်ဖြစ်သည်။ (အဖြူဆင်းခြင်း မရှိ) နမားဇ်တဝက်တွင် အဖြူဆင်းလျှင် ခန္ဓာကိုယ်နှင့် အဝတ်အစားကို သန့်ရှင်းအောင်ပြုပြီးနောက် အစမှ ပြန်ဖတ်ရမည်။ နမားဇ်ဟု ဆိုရာတွင် ဖရ်ဇ်၊ ဝါဂျိဗ်၊ စွန္နသ်၊ နဖိလ်၊ ကဇွာ အားလုံးပါဝင်ပါသည်။

(၄) ဒုတိယအမျိုးအစားအတွက် ပညတ်ချက် (ဆက်တိုက်ဆင်းသူ)

ဒုတိယအမျိုးအစားသည် အချိန်တိုင်း အဖြူဆင်းနေသူဖြစ်သည်။ နမားဇ်ကို သန့်ရှင်းမှုဖြင့် ဖတ်နိုင်သည့် အချိန်ခန့်မျှပင် အဖြူဆင်းခြင်းသည် ရပ်တန့်မှု မရှိပေ။ ထိုသို့သော အခြေအနေရှိသူကို ရှရီအသ်တွင် مَعْذُوْرٌ အခွင့်ရှိသူဟု သတ်မှတ်သည်။ သဘောမှာ နမားဇ်ကို သန့်ပြန့်မှုနှင့်တကွ ဖတ်နိုင်စွမ်းမရှိသူ ဖြစ်သည်။ ထိုသို့ဖြစ်သူအတွက် သီးသန့်သတ်မှတ်မှုများ ရှိပါသည်။

(၅) အခွင့်ရှိသူ ( مَعْذُوْرٌ ) အတွက် စည်းကမ်းချက်နှင့် ပညတ်ချက်

အခွင့်ရှိသူနှင့် သက်ဆိုင်သည့် ရှရီအသ်၏ စည်းမျဉ်းကို ဖော်ပြမည်။ အခွင့်ရှိသူဖြစ်ရန်အတွက် စည်းကမ်းချက် နှစ်ခုရှိသည်။ စည်းကမ်းချက် တစ်ခုမှ အခွင့်ရှိသူဖြစ်ရန်အတွက် ဖြစ်သည်။ ဒုတိယစည်းကမ်းချက်မှာ အခွင့်ရှိသူအဖြစ် ရှိနေရန်အတွက် ဖြစ်၏။

(က) ပထမစည်းကမ်းချက် (အခွင့်ရှိသူဖြစ်ရန်)
အခွင့်ရှိသူဖြစ်ရန်အတွက် ၎င်းသည် နမားဇ်အချိန်ပြည့်တစ်ခုလုံး၌ သန့်ပြန့်မှုနှင့်တကွ နမားဇ်ဖတ်ရန် အခွင့်အရေးမရပေ။ (ပမာ ဇုဟုရ်အချိန်သည် မွန်းတိမ်း ၁၂နာရီက စပြီး အဆွရ်အချိန် ညနေ ၄နာရီအထိ ဖြစ်သည်။ ထိုအတောအတွင်း ဆက်တိုက် အဖြူဆင်းနေသည်။ အနည်းငယ်မျှ ရပ်တန့်ခြင်းမရှိ။) သို့ဆိုလျှင် ၎င်းသူသည် مَعْذُوْرٌ အခွင့်ရှိသူ ဖြစ်၏။

အခွင့်ရှိသူ၏ ပညတ်ချက်မှာ နမားဇ်အချိန်တိုင်းတွင် တစ်ကြိမ် ဝုဇူပြုလုပ်ပါ။ ထိုနမားဇ်အချိန် မကုန်မချင်း (အခွင့်ရသည့် အကြောင်းအရာမှအပ အခြားသော ဝုဇူပျက်စေသည့် အခြား အကြောင်းအရာမဖြစ်ပေါ်လျှင်) ဝုဇူရှိနေသူ ဖြစ်မည်။ ထိုသို့ဝုဇူပြုပြီးနောက် အဖြူဆင်းလျှင်လည်း ဝုဇူမပျက်ပါ။ ထိုနမားဇ်အချိန် ကုန်သွားလျှင် ဝုဇူပျက်သွားမည်။ နောက်ထပ်နမားဇ်အချိန်အတွက် နောက်ထပ်ဝုဇူတစ်ခု ပြုလုပ်ရမည်။

မှတ်ချက်။ အခွင့်ရသည့် အကြောင်းအရာမှအပ အခြားသော ဝုဇူပျက်စေသည့် အခြား အကြောင်းအရာမဖြစ်ပေါ်လျှင် ... ဟူသည်မှာ အဖြူဆင်းခြင်းသည် ဝုဇူပျက်စေသည့် အကြောင်းအရာဖြစ်သည်။ သို့သော် ယခု ဆက်တိုက်အဖြူဆင်းနေသဖြင့် အခွင့်ရှိသူ ဖြစ်သွားသည်။ ထို့ကြောင့် အဖြူဆင်းခြင်းသည် အခွင့်ရသည့် အကြောင်းအရာဖြစ်သည်။ နမားဇ်အချိန် တစ်ခုတွင် ဝုဇူပြုပြီးနောက် အဖြူဆင်းလျှင် ဝုဇူမပျက်ပါ။ အကြိမ်မည်မျှပင် ဆင်းသည်ဖြစ်စေ ဝုဇူမပျက်ပါ။ လေလည်ခြင်း၊ အန်ခြင်း၊ ကျင်ကြီး၊ ကျင်ငယ်စွန့်ခြင်း။ ခန္ဓာကိုယ်တစ်နေရာရာမှ သွေး၊ ပြည်ထွက်၍ စီးကျသွားခြင်းတို့သည် ဝုဇူပျက်စေသည့် အခြားအကြောင်းအရာ ဖြစ်သည်။ ထိုအကြောင်းအရာများ ဖြစ်ပေါ်လျှင် ဝုဇူပျက်မည်။

နမားဇ်အချိန်တစ်ခုအတွက် ပြုလုပ်ထားသော ဝုဇူဖြင့် ယင်းနမားဇ်အချိန်အတွင်း စွန္နသ်၊ နဖိလ်၊ ကဇွာ အကုန်ဖတ်နိုင်သည်။ သိလာဝသ်လည်း ပြုနိုင်ပါသည်။ နမားဇ်အချိန်ကုန်လျှင် အခွင့်ရှိသူ၏ ဝုဇူ ပျက်သွားမည်။ နောက်နမားဇ်အချိန်တစ်ခုအတွက် ဝုဇူအသစ်ပြုလုပ်ရမည်။

ဖဂျရ်ချိန်တွင် ဝုဇူပြုထားလျှင် နေထွက်ပြီးနောက် ယင်းဝုဇူပျက်သွားသည်။ နေထွက်ပြီးနောက် ဝုဇူပြုထားလျှင် ထိုဝုဇူဖြင့် ဇုဟုရ်နမားဇ် ဖတ်ခွင့်ရှိသည်။ (အခြားအကြောင်းတစ်ခုခုကြောင့် ဝုဇူမပျက်သေးပါက) ဇုဟုရ်အချိန်တွင် ဝုဇူအသစ် ထပ်လုပ်ရန် မလိုအပ်ပါ။ အဆွရ်အချိန်ဝင်လျှင် ဇုဟုရ်၏ ဝုဇူပျက်သည်။ အဆွရ်အတွက် ဝုဇူအသစ်ထပ်လုပ်ရမည်။ ထိုပုံစံအတိုင်း အခြားနမားဇ်အချိန်များကိုလည်း မှတ်ယူပါ။ (ဗဟစ်ရ်ှသီး ဇေဝရ်ကျမ်း၊ တွဲ ၁၊ စာ ၅၄၊ မအ်ဇူးရ်ကေးအဟ်ကားမ် မတ်စ်အလဟ်အမှတ် ၂)

(ခ) ဒုတိယစည်းကမ်းချက် (အခွင့်ရှိသူအဖြစ် ရှိနေရန်)
အခွင့်ရှိသူအဖြစ် ရှိနေရန်အတွက် အခွင့်ရသည့်အကြောင်းအရာသည် နမားဇ်အချိန်တစ်ခုတွင် အနည်းဆုံးတစ်ကြိမ် ဖြစ်ရမည်။ ထိုသို့ဖြစ်မှသာ အခွင့်ရှိသူအဖြစ် ရှိနေမည်။ လက်ရှိနမားဇ်အချိန်အတွက် အခွင့်ရှိသူ ဖြစ်နေမည်။ ထို့အတူ ရှေ့လာမည့် နမားဇ်အချိန်အတွက်လည်း အခွင့်ရှိသူ ဖြစ်နေမည်။

(၆) အခွင့်ရှိသူ မဖြစ်တော့ခြင်း
နမားဇ်အချိန်တစ်ခုတွင် အခွင့်ရသည့် အကြောင်းအရာသည် တစ်ကြိမ်မျှပင် ဖြစ်ပေါ်ခြင်း မရှိတော့လျှင် ၎င်းသည် အခွင့်ရှိသူ မဖြစ်တော့ပါ။ လက်ရှိနမားဇ်အချိန်အတွက်လည်း အခွင့်ရှိသူမဟုတ်တော့သလို လာမည့်နမားဇ်အချိန်အတွက်လည်း အခွင့်ရှိသူမဟုတ်တော့ပါ။ ထို့ကြောင့် ပထမအမျိုးအစား၏ ပညတ်ချက်များအတိုင်း လိုက်နာရမည်။ နောက်ထပ်နမားဇ်အချိန်များတွင် ပုံမှန်အတိုင်း ဝုဇူပြုလုပ်ပါ။ ထိုအချိန်တွင် အဖြူဆင်းပါက ဝုဇူပျက်မည်။ (အဘယ့်ကြောင့်ဆိုသော် အခွင့်ရှိသူ မဖြစ်တော့သောကြောင့် ဖြစ်၏။)

မှတ်ချက်။ အဖြူဆင်းသူ အမျိုးအစားနှစ်ခုကို သေချာစွာ နားလည်အောင် ဖတ်ပါ။ အမျိုးအစားနှစ်ခုမတူသလို အမိန့်သတ်မှတ်ပုံခြင်းလည်း မတူပါ။

(၇) အဖြူဆင်းခြင်း၏ အရောင်ဆင်း
အဖြူဆင်းခြင်းသည် အရည်၊ အချွဲ၊ အပျစ်အခဲ မည်သို့ပင် ဖြစ်စေ အဖြူရောင်ဖြစ်ရမည်။ အဝါရောင်၊ အညို၊ အမဲရောင်များဖြစ်လျှင် ရှရီအသ်၌ ရာသီသွေးဟုသတ်မှတ်သည်။ ထို့ကြောင့် ရာသီသွေး၏ ရက်အတွင်း ဆင်းခြင်းဖြစ်လျှင် ရာသီဟု သတ်မှတ်သည်။ ရာသီ၏ ရက်မဟုတ်ဘဲ ဆင်းသည့်အရာသည် ထိုအရောင်များဖြစ်လျှင် (اِسْتِحَاضَهْ အိစ်သိဟာဇွဟ်) ရောဂါသွေးဖြစ်သည်။

(က) မွေးလမ်းကြောင်း (သားအိမ်လမ်းကြောင်း) မှ စဆင်းသည့် အချိန်က အရောင်ကို အတည်ယူသည်။ ဂွမ်းစ၊ အတွင်းခံ စသည်များနှင့် ထိပြီးအရောင်းပြောင်းသွားခြင်း၊ ခြောက်သွေ့ပြီး ပြောင်းသွားသောအရောင်ကို အတည်မယူပါ။

(ခ) သားအိမ်အတွင်းမှ ဆင်းသက် အရည်၊ အချွဲ စသည်များကိုသာ မသန့်ဟု သတ်မှတ်သည်။ ခန္ဓာကိုယ်ပြင်ပ အရှက်အင်္ဂါတို့တွင် ချွေးကြောင့် စိုစွတ်ခြင်းကို မသန့်ဟု မသတ်မှတ်ပါ။ ချွေးကို မသန့်ဟု သတ်မှတ်မထားပါ။

အဖြူဆင်းသူများအနေဖြင့် အဝတ်အစားလဲရန် ခက်သည့်နေရာမျိုးနှင့် ကြုံရမည်ဆိုလျှင် အဖြူဆင်းသူများအတွက် ထုတ်လုပ်ထားသည့် တစ်ခါသုံးဂွမ်းကပ်များကို သုံးပါ။ ဂွမ်းကပ်တွင်သာ ပေကျံသဖြင့် အဝတ်အစားကို တိုက်ရိုက်မပေတော့ပါ။ နမားဇ်ဖတ်ခါနီး ဂွမ်းကပ်အဟောင်းကို ထုတ်ပစ်လိုက်ပြီး အသစ်ဝတ်ဆင်၍ နမားဇ်ဆောက်တည်နိုင်သည်။

(ကိုးကားကျမ်းများ၊ بهشتى زيور، آپ کےمسائل اور ان کا حل ،جلد 3 ، ص 581، خواتین اسلامی انسائیکلو پیڈیا ، ص 349 )

Credit ; အလ်မုဖီးဒ်က ရေးသားသည်။
မုဟရ်ရမ်လ၊ ၂၈၊ ဟိဂ်ျရီ ၁၄၃၈
29. 10. 2016 (စနေနေ့)

အမျိုးသမီးများဆိုင်ရာ အသိပညာများကို အောက်ပါလင့်များတွင် ဖတ်နိုင်ပါသည်။
ရာသီသွေးဆိုင်ရာ ပညတ်ချက်
http://aaitee.blogspot.com/2015/10/blog-post_84.html
မီးတွင်းသွေးဆိုင်ရာ ပညတ်ချက်
http://aaitee.blogspot.com/2015/10/blog-post_74.html
သားအိမ်အတွက် ဒုအာ
http://aaitee.blogspot.com/2015/10/blog-post_2.html
အမျိုးသမီးများ နမားဇ်ဆောက်တည်ရာတွင် သတိပြုရမည့် အချက်များ
http://aaitee.blogspot.com/2014/10/blog-post_16.html

Thursday, October 27, 2016

သီချင်းကို ဆန့်ကျင်ခြင်း



တမန်တော်မြတ် ဆွလ္လလ္လားဟုအလိုင်းဟိ ဝစလ္လမ် လုပ်ပြခဲ့သည့် ပုံစံကို လိုက်တုမည့်သူ ရှိပါသလား
** ညီအကို ညီအမများအား ပြစ်ဒဏ်မခံရရန် ကယ်တင်မည့်သူ ရှိပါသလား

တမန်တော်မြတ်သည် တီးလုံးသံကို ကြားသည်နှင့် နားထဲ လက်ထည့်ပိတ်ထားပြီး တီးလုံးများ တူရိယာသံများ သီဆိုတီးမှုတ်သံတို့ကို ရွံပြီး မနှစ်သက်ကြောင်း ဖော်ထုတ်ပြခဲ့သည်။
တမန်တော်၏ ကျေးဇူးကို သိတတ်သော မွတ်စ်လင်မ်များသည် တမန်တော် လုပ်ဆောင်ပြခဲ့သည့် ဤနည်းကို တု၍ လုပ်ရပါမည်။

အစ္စလာမ်သည် မကောင်းမှုတို့ကို တားထားသလို အခြားသူအား ထိုလုပ်ရပ် လုပ်ဆောင်ရန် တိုက်တွန်းခြင်း (လမ်းညွှန်ပေးခြင်း) မပြုရန်လည်း တားထားသည်။ ထို့ပြင် မကောင်းမှုကို မြင်လျှင် ရွံကြောင်း မနှစ်သက်ကြောင်း ထုတ်ဖော်ရန်၊ မကောင်းမှုကို ရှုံချရန်လည်း အမိန့်ပေးထားသည်။

အစ္စလာမ့်ရှရီအသ် မြူးဇစ်၊ သီချင်း၊ တီးလုံး တူရိယာများကို တိုက်ဖျက်ရန်အတွက်လည်း ကျရောက်ခဲ့ခြင်း ဖြစ်၏။

သီချင်းနှင့် တီးလုံးများအကြား ယစ်မူးပျော်ပိုက်နေသည့် မွတ်စ်လင်မ်တို့အဖို့ ဤစကားရပ်များသည့် ခါးတူးသည့် ဆေးတစ်ခွက် ဖြစ်နေပါလိမ့်မည်။ မွတ်စ်လင်မ်ညီနောင်များ ဂျဟန္နမ် မကျရေးနှင့် ပြစ်ဒဏ်မခံရရေး တစ်နည်း ဂျန္နသ်၏ အချိုဓာတ်ရရန် အမုန်းခံ၍ ဆေးတိုက်ပါသည်။
မိမိတို့၏ ညီနောင်များ ဂျဟန္နမ်ကျသည်ကို မမြင်လိုသူတိုင်း ဤဆေးကို တိုက်ပါ။
ထို့ပြင် ကိုယ်တိုင် လက်တွေ့လုပ်ပြခြင်းဖြင့်လည်း စွန္နသ်ကို အကောင်အထည်ဖော်ပါ။ စွန္နသ်၏ ကုသိုလ်သည် အလွန်များပါသည်။

သီချင်းနားမထောင်သူအတွက် လက်ဆောင်ကို ဤလင့်တွင် ဖတ်နိုင်ပါသည်
http://aaitee.blogspot.com/2015/05/blog-post_23.html

Tuesday, October 25, 2016

မိဘကို မဆဲရန်အကြောင်း


မိဘ၏ ကျေးဇူးတရားကို လူစိတ်ရှိသော လူတိုင်းသည် နားလည်ကြသည်။ ယခုအကြောင်းအရာမှာ မိမိ၏ စိတ်ဒေါသနှင့် မခံချင်မှုတို့ကြောင့် နှုတ်မှပြောဆိုလိုက်သည့် ညစ်ညမ်းစကားရပ်တုိ့သည် ဖြူစင် သန့်ရှင်းသော မိဘတုိ့ကို ထိခိုက်စေနိုင်ကြောင်း သွန်သင်ဆုံးမထားခြင်းဖြစ်သည်။ မိမိ၏ မိဘသာလျှင် မိခင် ဖခင်၏ မေတ္တာတရားကို ထားသည်မဟုတ်ပါ။ လူတိုင်းတွင်ရှိသော မိဘတိုင်းတွင် မိဘမေတ္တာသည် နည်းများမဆို ရှိနေချည်းသာ ဖြစ်၏။ မိမိ၏ မိဘကို အကောင်းဆုံးပြောဆိုဆက်ဆံရန် တာဝန်ရှိသလို သူတစ်ပါး၏ မိဘကိုလည်း မဆဲရန် မကောင်းမပြောရန် တာဝန်ရှိသည်။ ဆဲခြင်းဟူသည် အလွန်ညစ်ညမ်း အောက်တန်းကျသည့် လုပ်ရပ်ဖြစ်သည်။ အဆဲကို ပါးစပ်ကထွက်သူ၏ စိတ်ဓါတ်သည်လည်း အဆဲအတိုင်းပင် ညစ်ညမ်းမည်။ ယနေ့၏ လူမှုပတ်ဝန်းကျင်ကြီးသည် ယဉ်ကျေးမှုကင်းမဲ့နေသော တိရိစ္ဆာန်နှင့် မခြားနားသည့် အတွေးအခေါ် စိတ်ဓါတ်ရှိသူများ ဝိုင်းရံနေသည့် လယ်ကွင်းကြီးပမာပင်ဖြစ်၏။ လေးဘက်လေးရံ မည်သည့်ဖက်ကို လှည့်သည်ဖြစ်စေ ညစ်ညမ်းမှု တစ်ခုမဟုတ် တစ်ခု တွေ့နေရသည်။ ဆားမပါလျှင် ဟင်းမဖြစ်သလို အဆဲမပါ စကားမဖြစ်သည့် အခြေအနေရောက်နေသည်။ လူနှင့် တိရိစ္ဆာန်ကို ခြားပေးထားသည့် ပညာဟူသည့် အသိတရားကို တတ်ကျွမ်းသည့် နယ်ပယ်အစုံမှ လူတန်းစားအစုံသည်လည်း ဤညစ်ညမ်းစကားနှင့် မလွတ်ကင်းကြပေ။ ယူသုံးကြသည်။ ပြောဆိုကြသည်။ အဆဲကို စကားပျက်များဖြင့် ပြောင်လှောင်ပြောဆိုကြသည်။ အဆဲကို အဘယ်သို့ပင် ပုံပြောင်းသည်ဖြစ်စေ အဆဲက အဆဲပင်ဖြစ်၏။ ညစ်ညမ်းစကားက ညစ်ညမ်းစကားပင်ဖြစ်သည်။ လူငယ်အများစု ယောက်ျားလေးများအပါအဝင် မိန်းကလေးများပါမကျန် အနည်းငယ်မဆို ဆဲလိုက်ကြသည်။

အဆဲများတွင် အဆိုးရွားဆုံးအဆဲမှာ မိမိ မိဘကို ဆဲခြင်းပင်ဖြစ်၏။ အစ္စလာမ်တွင် ယင်းလုပ်ရပ်အား ပြင်းထန်သည့် ပြစ်ဒဏ်ခံရမည့် ပြစ်မှုကြီးဟု သတ်မှတ်ထားသည်။ လူစိတ်ရှိသော သားသမီးများသည် မိဘကို ဆဲမည်မဟုတ်ပါ။ ကမ္ဘာ့လူသားထု၏ခေါင်းဆောင် တမန်တော်မုဟမ္မဒ် ဆွလ္လလ္လားဟုအလိုင်းဟိ ဝစလ္လမ်က လူတို့၏ အကျင့်ဗီဇကို ပြုပြင်ပေးသူဖြစ်သည့်အလျောက် လူသားတို့၏ သွယ်ဝိုက်ဥာဏ်များခြင်း တို့ကို အမြော်အမြင်ကြီးစွာဖြင့် ပြုပြင်ပေးထားသည်။ တမန်တော်ကြီးက မိန့်ထားသည်မှာ လူသည် အခြားသူ၏ ဖခင်ကို ဆဲသဖြင့် အဆဲခံရသူက ဆဲသူ၏ဖခင်ကို ဆဲသည်။ သူတစ်ပါး၏ မိခင်ကို ဆဲသဖြင့် ၎င်းကလည်း ဆဲသူ၏မိခင်ကို ပြန်ဆဲသည်။ သို့နှင့် သားသမီးသည် ကိုယ်တိုင် မိမိပါးစပ်ဖြင့် မိမိ မိဘကို တိုက်ရိုက်မဆဲသော်လည်း သူတစ်ပါးမိဘကို ဆဲသဖြင့် ကိုယ့်မိဘကို အဆဲခံရအောင်လုပ်သူ ဖြစ်သည်။ ယင်းသို့ မိမိ မိဘကို အဆဲခံရအောင်လုပ်သူသည် ပြစ်မှုကြီး ကျူးလွန်သူဖြစ်၏ဟု သတိပေးစကား မိန့်ထားသည်။ အစ္စလာမ့်ပညတ်တွင် မိမိ မိဘကို ကိုယ်တိုင်ဆဲခွင့်မရှိသလို သူတစ်ပါးက ဆဲအောင်လည်း မလုပ်ရ။ ထို့အတူ မိမိကလည်း သူတစ်ပါးမိဘကို သွားမဆဲရပေ။ ထို့အတူ သူတစ်ပါးက ကိုယ့်မိဘကို လာဆဲနေလျှင်လည်း အဆဲကို အဆဲဖြင့် မတုန့်ပြန်ရပါ။ သူဆဲ ကိုယ်ဆဲဖြင့် ညစ်ညမ်းမှုများ အဆုံးသတ်မည်မဟုတ်ပေ။ ယဉ်ကျေးသူသည် ယဉ်ကျေးမှုဖြင့်သာ တုန့်ပြန်ရမည်။

အဆဲဆုံးနေရာကို ပြပါဆိုလျှင် ဤfacebookကိုသာ လက်ညှိုးထိုးရမည်။ သူဆဲ ကိုယ်ဆဲနှင့် လူရိုင်းများ စုဝေးရာဖြစ်နေသည်။ အဆဲကို မည်သည့်စကားရပ်မျိုးဖြင့် သုံးစွဲသည်ဖြစ်စေ အဆဲသာ ဖြစ်၏။ မိမိ အဆဲဖြင့် စကားပြောနေလျှင်၊ အဆဲဖြင့် တုန့်ပြန်နေလျှင် ယင်း၏ ရိုက်ခတ်မှုသည် မွေးသဖခင်၊ မိခင်တို့ထံသို့ တိုက်ရိုက်သက်ရောက်သည်။ ထို့ကြောင့် မည်သည့် ပုံစံနှင့်မျှ အဆဲကို မသုံးပါနှင့်။ တစ်ချို့ကလည်း အဆဲကို အဆဲနှင့် တုန့်ပြန်ခြင်းက မှန်၏ဟု တလွဲခံယူချက်ရှိကြသည်။ ယင်းခံယူချက်ရှိသူသည် အစ္စလာမ်ကို သက်ဝင်ယုံကြည်သူဖြစ်လျှင် ၎င်း၏ ခံယူချက်သည် ရှရီအသ်အရ အမှားဖြစ်ပါသည်။ ထိုသို့ခံယူချက်များ ရှိလျှင် ပြုပြင်လိုက်ကြပါ။ မိမိကြောင့် မိမိ မိဘသည် အဆဲခံရသူအဖြစ်သို့ ရောက်အောင် မလုပ်ပါနှင့်ဟု တိုက်တွန်းအပ်ပါသည်။

အလ်မုဖီးဒ်

ယဉ်ကျေးသူတိုးရန် အစ္စလာမ့်နည်း


Facebook အပါအဝင် လုပ်ရပ်တိုင်းတွင် သတိထားရမည့် ပညတ်ချက်တစ်ခု ဖြစ်ပါသည်။ မိမိက နောက်တစ်ဦးကို တိုက်တွန်းပေးနေသည့် အမှုကိစ္စသည် အစ္စလာမ့်ဥပဒေအရ ပြုပိုင်ခွင့်ရှိလား၊ မရှိဘူးလားဟူသည်ကို ဆင်ခြင်ရမည်။ ထိမ်းမြားခွင့်ရှိသည့် သူစိမ်းမိန်းကလေးပုံအား တခြားယောကျာ်းသားများကို ပြခြင်း၊ သူစိမ်းယောကျာ်းလေးပုံအား မိန်းကလေးများကို ပြခြင်းတို့သည် မကောင်းမှုဖြစ်သည်။ ထိုနည်းတူ ရုပ်ရှင်အကြောင်း ဖြန့်ဝေပေးခြင်း၊ ဂိမ်းကစားရန် အဖော်စပ်ခြင်း၊ သီချင်းများရှဲပေးခြင်း၊ ချစ်သူရည်စားကဏ္ဍများ၊ အစ္စလာမ့်ရှရီအသ်မှ တားထားပြီး မကောင်းမှုဟု ပြဆိုထားသည့် လုပ်ရပ်များအား လူ (တစ်ဦးပင် ဖြစ်စေ) သိအောင် လုပ်ခြင်းများကို ရှောင်ရမည်။ အလ္လာဟ်အရှင်မြတ်သည် ကုရ်အာန်တွင်ပင် တိုက်ရိုက် မိန့်ထားသည်ကို မွတ်စ်လင်မ်တို့ သတိပြုပါ။ ကောင်းမှုပြုသူ တိုးရေး၊ မကောင်းမှုပြုသူ လျော့နည်းရေးကို အစ္စလာမ်က နည်းစနစ်တကျ လမ်းညွှန်ပေးထားသည်။ မွတ်စ်လင်မ်တို့က ထိုအတိုင်းလိုက်နာ၍ အစ္စလာမ့်ယဉ်ကျေးမှုစနစ်ကို ဖော်ဆောင်ရန် အထူးတာဝန်ရှိပါသည်။

Sunday, October 23, 2016

လူမျိုးရေး မုန်းတီးမှု မလုပ်ရန်


အစ္စလာမ်တွင် ဘာသာရေးကို အကြောင်းခံပြီး လူမျိုးတစ်ခုခုကို မုန်းတီးခြင်းအား ခွင့်မပြုကြောင်း ကုရ်အာန်ကျမ်းတွင် အတိအလင်း အမိန့်ပေး ညွှန်ကြားထားသည်။ အောက်ဖော်ပြပါ ပါဒသည် မွတ်စ်လင်မ်တို့တွင် အမြတ်ဆုံးဟု သတ်မှတ်သည့် ကအ်ဗာဟ်ကျောင်းသို့ ဝတ်ပြုမှု (ဘာသာရေး) ပြုရန်အတွက် သွားခြင်းကို တားဆီးခံခဲ့ရသော မွတ်စ်လင်မ်တို့အနေဖြင့် ဤအကြောင်းခံဖြင့် တာဆီးသော လူမျိုးများအား မုန်းခြင်းနှင့် မုန်းခြင်း၏ အကြောင်းခံကြောင့် နောက်ဆက်တွဲဖြစ်လာသည့် ပဋိပက္ခများ မပြုလုပ်ရန် အလ္လာဟ်အရှင်မြတ်ကိုယ်တိုင် တိုက်ရိုက် သတိပေး တားမြစ်ထားခြင်း ဖြစ်သည်။

ကမ္ဘာကြီးတွင် အမျိုးအနွယ်မတူသော လူသားများ စုစည်းနေထိုင်ကြသည်။ ယင်းသို့ နေထိုင်ခြင်းကပင် ကမ္ဘာ့အလှတရားတစ်ခု ဖြစ်ပေသည်။ အမျိုးမတူသူများသည် စိတ်ဓာတ်၊ အသားအရောင်၊ စကား၊ နေထိုင်မှုစနစ် တစ်ခုမှမတူပါ။ သို့သော် လူသားဖြစ်မှုတွင် တူညီကြသည်။ လူသားဖြစ်တာခြင်းတူပြီး ယုံကြည်ချက်များ မတူခြင်းသည်လည်း ကမ္ဘာကြီး၏ သဘောတရားများတွင် တစ်ခုအပါအဝင် ဖြစ်ပါသည်။ ယုံကြည်ချက်မတူသဖြင့် နှိပ်ကွပ်ခြင်း၊ လူမျိုးမတူသဖြင့် အမုန်းထားခြင်းတို့မှာ လူသားဝါဒနှင့် ဆန့်ကျင်သည်။

အစ္စလာမ့်၏ အလှတရားတွင် လူကို လူအတိုင်းမြင်ရန်နှင့် လူသားပီပီ လူ့စိတ်ရှိရန် အထူးတိုက်တွန်းထားသည်။ ထို့ပြင် မိမိစိတ်မှဖြစ်လာသည့် အမုန်းတစ်ခုဖြင့် လူ လူချင်း ကျူးလွန်(သတ်ဖြတ်)ခြင်း မလုပ်ရန် ပြဌာန်းထားပါသည်။

ဤသည်မှာ အထက်ပါ အမိန့်ကျချိန်မှစ၍ ယနေ့အထိ အစ္စလာမ်တွင် ပြဌာန်းထားသော ပဋိပက္ခ မဖြစ်စေရန် ကာကွယ်နည်းဖြစ်ပါသည်။


Friday, October 21, 2016

လူတိုင်းအတွက် အစ္စလာမ်


အစ္စလာမ်သည် လူသားအားလုံး လိုက်နာ ကျင့်သုံးနိုင်သည့် လူ့ဘဝနေထိုင်မှုဆိုင်ရာ လမ်းညွှန်ချက်ဖြစ်၏။ အစ္စလာမ်၏ ယုံကြည်ချက်ပိုင်းဆိုင်ရာကို လက်ခံသူများသာမက အခြား မည်သူမဆို အစ္စလာမ်ကို မိမိတို့၏ လူ့ဘဝတွင် ထည့်သွင်းကျင့်သုံးနိုင်ပါသည်။ အစ္စလာမ်ဟူသည်မှာ အစ်လုပ်ရုံ ဗလီတက်ရုံမျှသာ ပါဝင်သော ဘာသာတစ်ခုမဟုတ်ပါ။ အစ္စလာမ် အသံကြားသည်နှင့် အမုန်းစကားများက နားဝတွင် ကန့်လန့်လာပိတ်ကာ အမှန်တရားကို မကြားရအောင် လုပ်ထားသည်။ အသိဥာဏ်ရှိသူများကမူ အမှန်ကို အမှန်အတိုင်း ရှုမြင်သုံးသပ်နိုင်ရန် ကိုယ်တိုင်ကိုယ်ကျ လေ့လာဆည်းပူးကြသည်။ သရက်သီး၏ အရသာကို ချဉ်သည့်ကာလတွင် စားပါက ချဉ်မည်။ ဖန်သည့်ကာလတွင် စားက ဖန်မည်။ ချိုသည့်အချိန် စားလျှင် ချိုပါမည်။ အချဉ်တစ်ခုစားပြီး သရက်သီးအားလုံး ချဉ်သည်ဟု ပြောမရပါ။ သရက်သီး၏ အရသာအစုံကို မြည်းစမ်ဖူးသူက ထိုစကားကို လက်ခံမည်မဟုတ်ပါ။ ထို့အတူ ကြားသည်နှင့် မယုံလိုက်ဘဲ ကိုယ်တိုင်ကိုယ်ကျ စားသုံးကြည့်သူများလည်း ချဉ်သည်ဟု ပြောစကားကြောင့် သရက်သီးအရသာမှ လက်မဲ့မဖြစ်ရပါ။ ကံဆိုးသူမှာမူ သူတစ်ပါး၏ ချဉ်သည်ဟု ပြောစကားအတိုင်း ချဉ်ကြောင်းလက်ခံလိုက်သူသာဖြစ်သည်။ ချဉ်မည်ကို စိုးရိမ်သဖြင့် သရက်သီး၏ အရသာမှ လက်မဲ့ဖြစ်ရပါတော့သည်။ ထို့ကြောင့် အရသာလက်မဲ့မဖြစ်ရန် ကိုယ်တိုင်ကိုယ်ကျ ဆည်းပူးလေ့လာပါ။ အချို့သော ကြွေးကျော်ချက်များကို စူးစမ်းလေ့လာရန် မလိုအပ်ပါ။ အချို့သော ကြွေးကျော်မှုများကိုမူ စူးစမ်းရန် လေ့လာရန် အလွန်လိုအပ်သည်။ ကမ္ဘာပေါ်တွင် သက်ဝင်ယုံကြည်မှုနှုန်း မြင့်လာသည့် အစ္စလာမ်ကို ဗမာစကားပြောသူတိုင်းလည်း သေချာစွာ လေ့လာရပါမည်။ အမှောင်ဖုံးသည့် မျက်လုံးအစုံဖြင့် လမင်းကိုကြည့်လျှင်လည်း တိမ်ဖုံးနေမည်သာ ဖြစ်၏။ အမှန်တရားကို ဥာဏ်မများဘဲ အရှိကို အရှိအတိုင်း သေချာစွာသိနိုင်ရန် နည်းလမ်းမှာ ကိုယ်တိုင်ကိုယ်ကျ လေ့လာခြင်းပင် ဖြစ်၏။ ဘာသာတရားတစ်ခုကို စေ့ငှပြည့်စုံစွာ သိနိုင်ရန် သက်ဆိုင်ရာ ဘာသာဝင်တို့၏ ကျွမ်းကျင်ပညာရှင်များ၊ စွယ်စုံကျမ်းများ၊ စာအုပ်စာပေများ၊ အခြေခံ မူဝါဒများ၊ လုပ်ပုံကိုင်ပုံများ၊ သတ်မှတ်ချက်များကို လေ့လာရမည်။ ဘာသာတစ်ခု တည်ဆောက်သတ်မှတ်ပုံကို တခြားဘာသာဝင်တစ်ယောက်က ပြည့်စုံစွာ မပြောပြနိုင်ပါ။ လေ့လာလွန်းလို့ ပြောပြနိုင်လျှင်လည်း ကိန်းဂဏန်း အနည်းငယ်သော လူများသာ ဖြစ်ပေမည်။ မိမိဘာသာကိုတောင် ခရေစေ့တွင်းကျ မလေ့လာနိုင်သူ၊ မဆည်းပူးနိုင်သူက တခြားဘာသာတစ်ခုကို ဝေဖန်ပုတ်ခတ် တိုက်ခိုက်ခြင်းသည် ငတုံးများရှေ့တွင် ပညာမတတ်သူက စာသင်ပြခြင်းသာဖြစ်သည်။ ငတုံးစကားကို ငတုံးသာ လက်ခံမည်။ အသိဥာဏ်ရှိသူက လက်ခံမည်မဟုတ်ပါ။

အစ္စလာမ်ကို မိတ်ဆက်မပေးမီ အစ္စလာမ်ဟုပြောသည်နှင့် အများအားဖြင့် အစ်လုပ်တာ၊ နွားသတ်တာ၊ ဗလီတက်ခြင်းမျှသာ အတွေးထဲပြေးဝင်လာမည်မှာ မုချပင်။ ထို့ထက်ပိုရလျှင် အမျိုးသားများ မုတ်ဆိတ်အရှည်ထားခြင်း၊ ဦးထုပ်ဆောင်းခြင်း၊ အင်္ကျီရှည်ဝတ်ခြင်း၊ အမျိုးသမီးများ (ခပ်ပွပွ၊ အသားထူထူ)ဝတ်ရုံရှည် ဆင်မြန်းခြင်းတို့ မြင်ယောင်မည်။ အစ္စလာမ်သည် ထိုမျှသာ မဟုတ်ပါ။ အစ္စလာမ်သည် ထို့ထက် များစွာ ကျယ်ဝန်းပါသည်။ အချို့ကလည်း အသက်မပြည့်သူ ထိမ်းမြားခြင်းနှင့် မိန်းမလေးယောက်ယူခြင်းကို စာရင်းသွင်းကြသည်။ အမြင်နှင့်အကြားကို အသိပညာဖြင့် ဆုံးဖြတ်ရပါမည်။ အမှန်တရားကို သိရန် အစ္စလာမ်ကို ထဲထဲဝင်ဝင် လေ့လာပါ။ သို့မှသာ အစ္စလာမ့်၏ အနှစ်သာရကို ရရှိခံစားနိုင်မည်။

အစ္စလာမ်၏ အဓိပ္ပါယ်မှာ ငြိမ်းချမ်းခြင်း၊ အေးချမ်းသာယာခြင်းဖြစ်၏။ အစ္စလာမ်ကို ကျင့်သုံးလိုက်သည့် နေရာတိုင်း၊ လူတိုင်း၊ အိမ်တိုင်း၊ အဖွဲ့အစည်း၊ ရပ်ကွက်၊ နိုင်ငံတိုင်းသည် အေးချမ်းမှု၊ ငြိမ်းချမ်းသာယာမှတို့ကို ရရှိမည်ဖြစ်၏။ အစ္စလာမ်သည် လူအများယူဆသလို ဘာသာရေးဟူသည့် အချက်တစ်ခုတည်းကိုသာ အခြေခံ ပြဌာန်းထားခြင်းမဟုတ်။ အစ္စလာမ်သည် စည်းစနစ်နှင့် မူကိုအခြေခံ၍ အေးချမ်းတည်ငြိမ်သည့် ကမ္ဘာလူ့အဖွဲ့အစည်းကြီးတစ်ခု ပေါ်ပေါက်ရေးကို ဦးစားပေးထားသည်။ အိမ်ထောင်ရေး၊ စီးပွားရေး၊ လူမှုရေး၊ ပျော်ရွှင်ရေး၊ စိတ်ကြည်နူးရေး အားလုံးသည် အစ္စလာမ်တွင်ပါဝင်၏။ ယနေ့အခါတွင် လူတိုင်း လူတိုင်း ခံစားနေရသည့် ကျန်းမာရေးနှင့် စိတ်ချမ်းသာရေးအတွက် နည်းနစ်များကို အစ္စလာမ်တွင် ပြပေးထားသည်။ အိမ်ထောင်ရေးများတွင် သင့်မြတ်မှုရှိနေရန် နည်းစနစ်များ ညွှန်ပေးထားသည်။ မိသားစုများတွင် ချစ်ကြည်မြတ်နိုးမှုများ တိုးလာရန် စည်းစနစ်များ ချထားသည်။ ခင်ပွန်းနှင့် ဇနီး၊ လင်နှင့်မယားကြားတွင် တစ်ဦးတိုင်းအတွက် သင့်လျော်သည့် တာဝန်များကို အစ္စလာမ်က တိုက်ရိုက်ခွဲပေးထားသည်။ မိဘနှင့် သားသမီးတို့တွင် မိဘကို မိဘအရာပေးနိုင်ရန် သားသမီးက ဘာလုပ်ရမလဲဟူသည့် အချစ်စနစ်ကို နည်းလမ်းပေးထားသည်။ လိင်မတူသည့် ဖိုနှင့် မတို့ အဘယ်ပုံစံနှင့်သာတွေ့ဆုံရမည်ဟု စည်းကမ်းချမှတ်ရင်းဖြင့် မိဘပျောက်ရသည့် ကလေးမွေးမှုစနစ်ပပျောက်ရန် တွန်းအားပေးထားသည်။ အချုပ်ပြောရလျှင် အစ္စလာမ့်လုပ်ဆောင်ချက်များ၏ အဓိကရည်ရွယ်ချက်မှာ လူ့ဘဝတွင် လူတိုင်း လူပီသရေးနှင့် စိတ်ချမ်းသာမှုရရှိရေးတို့ဖြစ်သည်။

အစ္စလာမ်၏ ရည်ရွယ်ချက်ဖြစ်သည့် စိတ်ချမ်းသာမှုနှင့် အေးချမ်းသာယာမှုတို့သည် ယနေ့ခေတ် အများယူဆသလို လူ့စိတ်၏ လွတ်လပ်ခွင့်အပေါ်မူတည် မထားပါ။ စိတ်စေရာ လျှောက်လှမ်းခွင့်မပြုဘဲ မှန်ကန်တိကျသည့် မူဘောင်တစ်ခုအတွင်း လျှောက်လှမ်းစေပြီး သာယာစိုပြေသော လူမှုဘဝတစ်ခုတည်ဆောက်နိုင်ရန်ကိုသာ လေ့ကျင့်ပေးသည်။ လုပ်ချင်တိုင်းလုပ်ခွင့်ပေးရန် လူသည် တိရိစ္ဆာန်မဟုတ်ပါ။ လူတွင် အသိဥာဏ်၊ အကောင်းအဆိုး ဝေဖန်ပိုင်းခြားနိုင်စွမ်း၊ အမှန်၊ အမှားခွဲခြားနိုင်စွမ်း၊ ကြင်နာတတ်သည့်နှလုံးသားနှင့် ပညာတို့ ရှိသည်။ ထိုသို့ အင်မတန်ထူးခြားသည့် အရည်အသွေးများ ပိုင်ဆိုင်ထားသည့်လူကို စိတ်ကလိုလားတိုင်း လွတ်လပ်ခွင့်ပေးလိုက်လျှင် တိရိစ္ဆာန်နှင့် လူသည် တစ်တန်းစားတည်း ဖြစ်သွားပါမည်။ ဤသို့ဖြစ်ခြင်းကို စာရှုသူတို့လည်း လိုလားမည်မဟုတ်ပါ။ ထို့ကြောင့် အစ္စလာမ်သည် လူ့စိတ်ကို အခြေခံသည်မဟုတ်ဘဲ စည်းစနစ်နှင့် မူကို အခြေခံပေးထားသည်။ မိမိ၏ စိတ်ကို ထိုမူနှင့်ကိုက်ညီအောင် ပြုပြင်နေထိုင်မည်ဆိုပါက အစ္စလာမ်မှရရှိမည့်ငြိမ်းချမ်းသာယာမှုကို အမှန်ပင် ရရှိခံစားရပါမည်။ ဤနည်းသည် မွတ်စ်လင်မ်နှင့် မွတ်စ်လင်မ်မဟုတ်သူများအကြား ကွဲပြားခြားနားခြင်းမရှိပါ။ မွတ်စ်လင်မ်တစ်ဦးက အစ္စလာမ့်နည်းစနစ်၊ မူ၊ ဘောင်၊ စည်းမျဉ်းစည်းကမ်းများ အတိုင်း မနေထိုင်လျှင် ၎င်းသည် မွတ်စ်လင်မ်ဖြစ်သော်ငြားလည်း အစ္စလာမ်၏ အေးချမ်းသာယာမှုကို ပြည့်ပြည့်ဝဝ ရမည်မဟုတ်။ လိုက်နာလျှင်တော့ ရမည်။ မွတ်စ်လင်မ်မဟုတ်သူက အစ္စလာမ်ကို ကျင့်သုံးလျှင်၊ အစ္စလာမ့်စည်းမျဉ်းစည်းကမ်း၊ မူဘောင်များအတိုင်းနေထိုင်လျှင် သူသည်လည်း အစ္စလာမ်က ရမည်ဟု ပြောထားသည့် အေးချမ်းသာယာ ကြည်နူးမှုကို ရမည်ဖြစ်၏။ လူတစ်ဦးသည် ရှင်သန်နေစဉ်ကာလတစ်လျှောက် အစ္စလာမ့်နည်းစနစ်များအတိုင်း စားသောက်၊ နေထိုင်သွားမည်ဆိုပါက ၎င်း၏ သက်တမ်းသည် အေးချမ်းမှု၊ စိတ်ချမ်းသာမှုရမည်။ လူ့ဘဝတွင် အရေးပါဆုံး ကဏ္ဍတစ်ခုဖြစ်သည့် စီးပွားရေး၊ ကမ္ဘာကြီး ရပ်တည်မှုတွင် အခရာဖြစ်သည့် နိုင်ငံရေးများကို အစ္စလာမ်မှ ပြသသည့် စည်းမျဉ်းများအတိုင်း ဆောင်ရွက်ပါက အစ္စလာမ်ရှိသည့် နေရာ၊ လုပ်ငန်း၊ စစ်ရေး၊ နိုင်ငံရေးအားလုံးသည် တည်ငြိမ်အေးချမ်းမည်။ အစ္စလာမ်ကို နေရာဒေသတိုင်း၊ လူတိုင်း၊ အခန်းကဏ္ဍတိုင်းနှင့် ဆောင်ရွက်ချက်တိုင်းတွင် ထည့်သွင်းဆောင်ရွက်နိုင်ပါသည်။ နိုင်ငံတစ်ခု တည်ဆောက်ရာ၌ လူထုကြားတွင် မကောင်းမှုများစွန့်ရန် လူကို တိုက်ရိုက်ပြစ်ဒဏ်ပေးသည့် စနစ်သည် အကောင်းဆုံးနှင့် အထိရောက်ဆုံးဖြစ်၏။ ယင်းစနစ်ကို ကျင့်သုံးနေသည့် နိုင်ငံကို စာရှုသူတို့ အသိဆုံးဖြစ်ပါမည်။ လူသည် အခြားပစ္စည်းနှင့် အခြေအနေတစ်ခုကို လွှဲချလို့ ရနေသရွေ့ မကောင်းမှုလုပ်ခြင်း၊ သူတစ်ပါးကို ဒုက္ခပေးခြင်းများကို မစွန့်နိုင်သေးပေ။ အသားထိလျှင်မူ အလွန်နာတတ်သည်။ လူကို တိုက်ရိုက်ပြစ်ဒဏ်ပေးသည့်စနစ်ကို အစ္စလာမ်က ပြဌာန်းပေးထားသည်။ ကာယကံရှင်၏ စိတ်စေရာ ကြောင့် ဖြစ်လာသော ပြစ်မှုများကို တခြားအရာဝတ္ထုတစ်ခု၊ တခြားအကြောင်းအရာများဖြင့် ပြစ်ဒဏ်ခတ်နေလျှင် မထိရောက်ပါ။ လူကိုပင် တိုက်ရိုက်ဒဏ်ခတ်ခြင်းက အကောင်းဆုံးဖြစ်သည်။ ဤနည်းဖြင့် နိုင်ငံအတွင်းမှ မသမာမှုများ ပပျောက်သွားမည်။ တိုးတက်သည့် နိုင်ငံတစ်ခုဖြစ်ဖို့ ကိုယ်ကျင့်တရားကောင်းသည့် နိုင်ငံသားများရှိနေရန် အရေးကြီးပါသည်။

အစ္စလာမ်သည် ကမ္ဘာလုံးဆိုင်ရာ ဘာသာတစ်ခုဖြစ်သည်။ အစ္စလာမ်သည် လူ့ဘဝနေထိုင်မှု လမ်းညွှန်ဖြစ်သည်။ လူဟုဆိုထားခြင်းကြောင့် ယောက်ျား၊ မိန်းမအားလုံးနှင့် လူ့အလွှာစုံမှ လူတန်းစားအစုံက ကျင့်သုံးနိုင်သည်။ အစ္စလာမ်တွင် လူရယ်လို့ဖြစ်လာပြီးနောက် ရှေ့ဆက်လျှောက်လှမ်းရမည့် လူ့ဘဝတွက် သက်ဆိုင်ရာ ကဏ္ဍအသီးသီးကို နည်းစနစ်၊ စည်းကမ်းများ သတ်မှတ်ကာ ပြဌာန်းထားသည်။ အစ္စလာမ်သည် ယုံကြည်ချက်နှင့် ခဝပ်ဆည်းကပ်မှု နှစ်ခုသာမက လူ့ဘဝရပ်တည်မှုတွင် ကြုံတွေ့ရမည့် အရေးကိစ္စနှင့် အခန်းကဏ္ဍအားလုံးအတွက် တိကျလုံလောက်သည့် လမ်းညွှန်ချက်ပေးထားသော ဘာသာတစ်ခုဖြစ်သည်။ ယဉ်ကျေးသော လူနေမှုစနစ်ဖြစ်ပေါ်လာရန် စည်းမျဉ်များ ပြဌာန်းထားသည့် ဘာသာမှာ အစ္စလာမ်ဖြစ်၏။ 

အစ္စလာမ်တွင် ကဏ္ဍကြီး ငါးခုနှင့်ဖွဲ့စည်းထား၏။ ယင်းကဏ္ဍများကို အကျဉ်းချုံ၍ အနည်းငယ်စီ ဖော်ပြပေးသွားမည်။ ပထမကဏ္ဍမှာ ယုံကြည်ချက်ပိုင်းဖြစ်ပြီး၊ ယုံကြည်ချက်ပိုင်းကို လက်ခံသူသည် ကျန်သည့်ကဏ္ဍလေးခုလုံးကို လုပ်ဆောင်ရန် တာဝန်ရှိသည်။ ယုံကြည်ချက်ပိုင်းပြီးနောက် ခဝပ်မှုပိုင်းသည် ဒုတိယကဏ္ဍဖြစ်၏။ အစ္စလာမ့်၏ ခဝပ်ဆည်းကပ်မှုတွင် မလုပ်မနေရတာဝန် လေးခုရှိသည်။ ပထမဦးဆုံးမှာ အလ္လာဟ်အရှင်မြတ်ကို ချီးမွမ်းခြင်း၊ တမန်တော်ထံ မေတ္တာပို့သခြင်းနှင့် ဖတ်နေသူကိုယ်တိုင်အတွက် ဆုတောင်းခြင်းများ ပါဝင်သည့် ဆွလားသ်ဆောက်တည်ခြင်းဖြစ်သည်။ ဆွလာသ်ဆောက်တည်မှုသည် နေ့စဉ်တာဝန်ဖြစ်ပြီး တစ်နေ့တွင် ငါးကြိမ်ဆောက်တည်ရသည်။ ဆွလားသ်တွင် စုပေါင်း ဆောက်တည်မှုနှင့် တစ်ဦးချင်းဆောက်တည်မှုဟူ၍ နှစ်မျိုးရှိသည်။ စုပေါင်းဆောက်တည်ရာတွင် လူတိုင်းသည် အတန်းလိုက် စီလျှက် ဦးဆောင်သူတစ်ဦး၏ နောက်မှ အနွံအတာခံကာ ၎င်းသူ၏ ဆောင်ရွက်ချက်အတိုင်း လိုက်လံလုပ်ဆောင်ခြင်း ဖြစ်သည်။ အစ္စလာမ်တွင်ရှိသည့် ဆွလာသ်ဆုပေါင်းဆောက်တည်မှုတွင် လူ့အလွှာခွဲခြားခွင့် လုံးဝမရှိပါ။ သမ္မတနှင့် သူတောင်းစား၊ အုပ်ချုပ်သူနှင့် အုပ်ချုပ်ခံ၊ သူဌေးနှင့် အခိုင်းအစေ၊ အလုပ်ရှင်နှင့် အလုပ်သမား၊ အသားဖြူနှင့် အသားမဲ၊ မျိုးရိုး အနွယ် တူသူ၊ မတူသူအားလုံးသည် တစ်ပြေးညီသာ စီတန်းရမည်။ အချိန်တစ်ခုတည်း၌ ဦးဆောင်သူတစ်ဦး၏နောက်တွင် တစ်ပြိုင်တည်း ဆောက်တည်ရမည်။ ဦးဆောင်သူသည် ဆွလားသ်ဦးဆောင်မှုပိုင်းဆိုင်ရာ နည်းစနစ်များကို နောက်လိုက်များအားလုံးထက် ပို၍တတ်ကျွမ်းနားလည်သူဖြစ်ပါက ကျန်သူအားလုံးသည် သူ့၏အနွံအတာကိုပြုရမည်။ ဦးဆောင်သူအတွက် ပညာပိုင်းကို စည်းကမ်းသတ်မှတ်ထားသည်ဖြစ်ရာ ဦးဆောင်သူသည် ကူလီထမ်းသော စီးပွားရေးကို ရှာသူဖြစ်ပြီး နောက်လိုက်များတွင် သူဌေးများပါဝင်လျှင်လည်း ယင်းသူဌေးတို့သည် ထိုသူ၏ ဦးဆောင်မှုနောက်ကသာ ဆွလားသ်ဝတ်ပြုရမည်။ အစ္စလာမ်၏ ဆွလားသ်ဆောက်တည်မှုပိုင်းတွင် အမြင်အရ ကွာခြားမှုများကို အခြေခံ၍ လူတန်းစားခွဲခြားခြင်းကို အမြစ်ဖြတ် ရှင်းလင်းပေးထားသည်။ စိတ်ပိုင်းဆိုင်ရာ ရောဂါဖြစ်သည့် မာနကို နှလုံးသားနှင့် အတွေးအခေါ်အတွင်းမှ ထုတ်ပေးသည်။ ထို့ပြင် ဦးဆောင်ခြင်းနှင့် နောက်လိုက်ခြင်းဆိုင်ရာ နည်းစနစ်ကို သင်ပေးထားသည်။ ကမ္ဘာ့သမိုင်းတစ်ခုလုံးရှိ ကဏ္ဍရပ်တိုင်းသည် ဦးဆောင်ခြင်းနှင့် နောက်လိုက်မှုတို့ဖြင့်သာ ရပ်တည်လာခြင်းဖြစ်သည်။ ဆွလားသ်တွင် ဦးဆောင်ရန် ဆွလားသ်ဦးဆောင်ခြင်းဆိုင်ရာ ပညာကို စည်းကမ်းချက်ထားသည်။ အခြားမည်သူမဆို မိမိ၏လုပ်ငန်းနှင့် အခြားအကြောင်းကိစ္စတစ်ခုခုတွင် ဦးဆောင်သူ၊ လုပ်ဆောင်သူပြုလုပ်ရန် စည်းကမ်းသတ်မှတ်လိုပါက ဆွလားသ်တွင် ဦးဆောင်ပြုခြင်းဆိုင်ရာ စည်းကမ်းကို နမူနာယူပါက ယင်းသူ၏ လုပ်ငန်း၊ အကြောင်းကိစ္စတို့သည် ပန်းတိုင်သို့အရောက်လှမ်းနိုင်မည်။ ဆွလားသ်၏ ဦးဆောင်မှုတွင် အသားဖြူသူ၊ အမျိုးအနွယ်မြတ်သူ၊ သူဌေး၊ ရာထူးမြင့်သူ၊ လူသိများသူ စသည့်အရည်အချင်းများကို စည်းကမ်းချက်မပေးထား။ သက်ဆိုင်ရာတာဝန်ကို ကျွမ်းကျင်သည့် ပညာရှင်ကိုသာ တာဝန်ပေးသည်။ ထိုပညာကိုတတ်သူက သမ္မတဖြစ်လျှင် ကျန်သူများက နောက်လိုက်လုပ်ရမည်။ အလုပ်သမားဖြစ်လျှင်လည်း ကျန်သူများက နောက်လိုက်ရပေမည်။ ဆွလားသ်တာဝန်သည် နေ့စဉ်တာဝန်တစ်ခုဖြစ်၏။ ဤသို့ဖြင့် လူတွင် တာဝန်ကျေပွန်ခြင်းဟူသည့် အသိစိတ်ဓာတ်ဝင်လာရန် လေ့ကျင့်ပေးနေခြင်းဖြစ်သည်။ ဆွလားသ်ကို တစ်ဦးချင်း ဆောက်တည်မှုက မိမိကိုယ်ကိုယ် ထိန်းသိမ်းနိုင်ရန် သင်ကြားပေးနေသည်။ လူအများနှင့် တစ်ပြိုင်တည်းမဆောက်ရွက်ဘဲ တစ်ဦးချင်းတာဝန်ယူလျက် ဆောင်ရွက်နိုင်သည့် အရည်အချင်းကို လေ့ကျင့်ပျိုးထောင်ပေးနေသည်။ ဆွလားသ်ကို နေ့နှင့်ည နှစ်ခုပေါင်းလျှက် မျှတစွာ သတ်မှတ်ပေးထားသည်။ ပျင်းခြင်း၊ အပေ့ါရိကနေလိုစိတ်ရှိခြင်းနှင့် ဂရုမစိုက်ခြင်းဟူသည့် အကျင့်ဆိုးတို့ကို ဤစနစ်ဖြင့် ပြုပြင်ပေးသည်။ နေမထွက်မီ နှစ်နာရီခန့်အလိုကတည်းက အိပ်ယာထရန် တာဝန်ပေးထားသည်။ နေမထွက်မီ အိပ်ယာထရန် တာဝန်ပေးခြင်းကပင် ညအချိန်တွင် စောစောအိပ်ရန် စေခိုင်းလိုက်ခြင်းဖြစ်သည်။ ညအချိန်ကို အိပ်စက်ခြင်း၊ အိပ်ရေးဝခြင်းတို့သည် ကျန်းမာရေးကောင်းရန် အဓိကဆေးဝါးဖြစ်၏။

ဒုတိယတာဝန်မှာ တစ်နှစ်တွင် တစ်လ နေ့ပိုင်းအချိန်တွင် စား၊ သောက်၊ သံဝါသပြုခြင်းများကို ရှောင်ခြင်း၊ နာမ်ပိုင်းဆိုင်ရာ မကောင်းစိတ်များကို ချုပ်တီး၍ မိမိ၏စိတ်အတွင်းမှ ပပျောက်အောင်လုပ်ရသည့် ဆောင်မ် (ဥပုသ်) ဆောက်တည်ခြင်းဖြစ်၏။ အစ္စလာမ်တွင်ရှိသည့် ဥပုသ်စောင့်ခြင်းတွင် တစ်နေ့တာလုံးကို ဘာဆို ဘာမျှ စားသောက်ခွင့်မပေးထားပါ။ ထို့အတူ သံဝါသအမှုကို ရှောင်ရမည်။ ဤစည်းကမ်းချက်နှစ်ခုဖြင့် မစားမသောက်ရ အငတ်ဘေးနှင့် ကြုံနေရသူများ၊ စားတစ်လှည့် မစားတစ်လှည့်နှင့် ဒုက္ခရောက်နေသူများကို ကိုယ်ချင်းစာတရားထားနိုင်ရန် သင်ပေးခြင်းဖြစ်သည်။ ဒုတိယစည်းကမ်းချက်မှာ သက်ရှိတိုင်းတွင် ရှိသည့် တဏှာကို ချုပ်တည်းနိုင်ရန်ဖြစ်၏။ တဏှာရှိသည်။ လူတွင် တဏှာပါသည်။ သို့သော် ယင်းတဏှာကိုလည်း ချုပ်တည်း ထိန်းသိမ်းတတ်ရမည်။ တဏှာကို မချုပ်နိုင်ပါက လူဖြစ်ရှုံး၍ လူ့ဘောင်လောကတွင် ဂုဏ်သိက္ခာမရှိသူဖြစ်မည်။ တဏှာသည် အစားကျူးခြင်းနှင့် ခန္ဓာအင်အားများနေခြင်းတို့မှ ပေါက်ဖွားလာသည့် စိတ်ဖြစ်သည်။ ထို့ကြောင့် အစားကို အရင်ဖြတ်သည်။ ဗိုက်ငတ်နေလျှင် တဏှာဘက်ကို အာရုံမများတော့။ အကယ်၍ တဏှာဘက်ရောက်နေလျှင်လည်း တဏှာမကျူးရန် စည်းကမ်းချက်အဖြစ် ထည့်သွင်းသတ်မှတ်ပေးထားသည်။ တဏှာမကျူးရဟူသည့် စည်းကမ်းချက်သည်လည်း လူ့ဘဝတွင် တဏှာတစ်ခုကို ချုပ်လိုက်ပါက အခြားသောအင်အားကောင်း၊ အတွေးအခေါ်ကောင်းများ ထွက်ပေါ်လာမည်ကို သင်ပေးနေခြင်း ဖြစ်၏။

တတိယတာဝန်မှာ လူသည် မိမိပိုင်ဆိုင်သည့် ဥစ္စာ၊ ငွေကြေး၊ စုဆောင်းထားမှုများ၊ ဝင်ငွေတို့မှ သတ်မှတ်ထားသည့် အတိုင်းအတာတစ်ခုသို့ ရောက်လျှင် ယင်းငွေကြေး၊ ဥစ္စာထဲမှ အပုံလေးဆယ်ပုံ တစ်ပုံအား အစ္စလာမ်က ဆင်းရဲသားဟု သတ်မှတ်သူများကို ပေးကမ်းရသည့် ဇကားသ်ဟူသည့် ငွေကြေးဥစ္စာလှူဒါန်းရသည့် ခဝပ်မှုဖြစ်သည်။ ဇကားသ်တွင် ပိုက်ဆံအလှူ၊ ရွှေငွေအလှူ၊ တိရိစ္ဆာန် အရှင်လှူဒါန်းမှုနှင့် ကောက်ပဲသီးနှံအလှူတို့ပါဝင်သည်။ ဇကားသ်ဟူသည့် ခဝပ်မှုကို ပိုက်ဆံချမ်းသာမှ ဆောင်ရွက်နိုင်သည်။ ဇကားသ်တွင် ပုံစံနှစ်ခုပါဝင်သည်။ တစ်ခုမှာ ဇကားသ်ဟူသည့် အလှူပြုနိုင်ရန် ကိုယ်တိုင်ကြွယ်ဝအောင် လုပ်ရမည်။ ဤပထမပုံစံတွင်လည်း လူရယ်လို့ ရှင်သန်လာချိန်တွင် ပိုက်ဆံရှာရမည့်တာဝန်ကို ပေးထားခြင်းဖြစ်၏။ လူ၊ လူချင်းထံမှ တောင်းရမ်းကို ခဝပ်မှုအဖြစ်မသတ်မှတ်ထားပေ။ ကိုယ်တိုင်ရှာဖွေပြီး လှူဒါန်းခြင်းကိုသာ ခဝပ်မှုအဖြစ် သတ်မှတ်ထားသည်။ ဇကားသ်အလှူတွင်ပါဝင်သည့် ဒုတိယပုံစံမှာ မိမိချမ်းသာသလို နောက်တစ်ဦးကိုလည်း ချမ်းသာလာအောင် လုပ်ပေးခြင်းဖြစ်သည်။ တစ်ကိုယ်ကောင်းမဆန်ရန် ဖြစ်၏။ မိမိအစဉ်ပြေသလို အခြားသူများလည်း တစ်ချိန်ချိန်တွင် အစဉ်ပြေလာရမည်။ မိမိတစ်ဦးတည်း လောဘမထားရ။ သေလျှင်ထားခဲ့ရပြီး ပျက်စီးလျှင် စွန့်ပစ်ရမည့် သင်္ခါရလောက၏ လောဘပစ္စည်းများကို မိမိတစ်ဦးတည်းတွင် စုဆောင်းကာ ကိုယ့်ဖို့သာလုပ်ခွင့်မရှိ။ မိမိပိုင်ထဲမှ ဆင်းရဲသားများကို ကူညီရမည်။ ဤသို့ကူညီခြင်းဖြင့် သဒ္ဒါတရား၏စိတ်ဓါတ် တိုးပွားမည်။ သူတစ်ပါးကောင်းစားသည်ကို မနာလိုသည့်စိတ်ဓါတ် ချုပ်ငြိမ်းရပါသည်။ ကိုယ့်ပစ္စည်း၊ ကိုယ့်ပိုက်ဆံဖြင့်ပင် နောက်တစ်ယောက် ကောင်းစား ချမ်းသာအောင်လုပ်ပေးရန် ဖြစ်သည်။ ထို့ကြောင့် အစ္စလာမ်တွင်ရှိသည့် ဇကားသ်ဟူသည့် အလှူခဝပ်မှုသည် ဆင်းရဲသားပပျောက်ရေး၊ မွဲတေမှုချုပ်ငြိမ်းရေးနှင့် ဆင်းရဲချမ်းသာကွာဟမှုကို ထိန်းညှိပေးသည့် နည်းစနစ်ပင် ဖြစ်၏။

စတုတ္ထတာဝန်မှာ လူသည် စားဝတ်နေရေး ချောင်လည်ပြည့်စုံပြီးနောက် အခြားနိုင်ငံတစ်ခုသို့ပါ သွားနိုင်လောက်အောင် ကြွယ်ဝချမ်းသာပါက မက္ကဟ်မြို့ရှိ ကမ္ဘာဦးကတည်းက တည်ရှိသော ကအ်ဗဟ်သို့သွား၍ သတ်မှတ်ထားသည့် လုပ်ဆောင်ချက်များကို လုပ်ဆောင်ရသည့် ဟဂ်ျတာဝန်ဖြစ်သည်။ နိုင်ငံရပ်ခြားသို့သွားရမည့် တာဝန်တစ်ခုအား ခဝပ်မှုတွင်ထည့်သွင်း ပေးထားသည်။ နိုင်ငံခြားသို့သွားနိုင်ရန် ပိုက်ဆံချမ်းသာရမည်။ ပိုက်ဆံချမ်းသာရန် စီးပွားရှာရမည်။ ပိုက်ဆံရှာခြင်းနှင့် စီးပွားရေးဆိုင်ရာလုပ်ဆောင်မှုကို အစ္စလာမ်က မကောင်းမှု၊ လောကီကို မက်မောခြင်းဟု မသတ်မှတ်ပါ။ အစ္စလာမ်သည် စီးပွားရှာခြင်း၊ ကြီးပွားအောင်လုပ်ခြင်း တစ်နည်းဆိုရသော် လူ့ဘဝတွင် ရပ်တည်နေစဉ် ကိုယ့်အားကိုယ်ကိုးခြင်းကို ခဝပ်ဆည်းကပ်ရာကောင်းမှုအဖြစ်သတ်မှတ်ပေးထားသည်။ တောင်းရမ်းခြင်းကို လုံးဝအားမပေးထားသည်သာမက ကိုယ်ထူကိုယ်ထ ကိုယ့်တာဝန်ကိုယ်ကျေပွန်ခြင်းကို အလေးပေးထားသည့် ဘာသာဖြစ်သည်။ ဟဂ်ျတွင် ဘယ်လောက်ပဲချမ်းသာပါစေ ၎င်းနေရာသို့ ရောက်လာသူတိုင်းသည် သတ်မှတ်ဝတ်စုံတစ်ခုကိုသာ ဝတ်ရမည်ဖြစ်ပြီး ရောက်လာသူတိုင်းနှင့် တန်းတူနေထိုင်သွားလာရမည်ဖြစ်၏။ ကာယလှုပ်ရှားမှုများဖြင့် ပြုလုပ်ရသည့် ခဝပ်ဆည်းကပ်မှုဖြစ်သည်။

တတိယကဏ္ဍမှာ အပေးအယူကဏ္ဍဖြစ်သည်။ အပေးအယူဟူသည်မှာ ကုန်သွယ်မှုနှင့် စီးပွားရေးကိုဆိုလိုသည်။ အစ္စလာမ်သည် စီးပွားရေးလုပ်ခြင်းနှင့် ချမ်းသာအောင်ရှာဖွေခြင်း၊ ချမ်းသာစွာနေထိုင်ခြင်းကို မတားမြစ်ပါ။ ကုန်သွယ်မှုနှင့် စီးပွားရေးဆိုင်ရာ နည်းစနစ်များကို ပြပေးထားသည့် ဘာသာဖြစ်သည်။ အသက်ရှင်နေသူတိုင်း အပေးအယူနှင့် မကင်းပါ။ လူ့လောကတွင် အသက်ရှင်လာသူတိုင်း စား၊ ဝတ်၊ နေရေးဟူသည့် အရေးသုံးပါးကို မလွဲမသွေကြုံရမည်သာဖြစ်သည်။ စားရန် အစားအသောက်၊ ဝတ်ရန် အဝတ်အထည်နှင့် နေထိုင်ရန် နေရာဌာနတို့ကို ပိုက်ဆံဖြင့် ဝယ်ယူရသည်။ ပိုက်ဆံရရန် စီးပွားရေးလုပ်ရမည်။ စီးပွားရေးသည်လည်း တရားသောစီးပွားရေးဖြစ်ရမည်။ မတရားသောစီးပွားရေးမဖြစ်ရ။ အစ္စလာမ့်အပေးအယူကဏ္ဍသည် တစ်ဦးတစ်ယောက် ကောင်းစားရေးထက် လူအားလုံး ကောင်းလာရေးကို ဦးစားပေးထားသည်။ ပိုက်ဆံရသည့် နည်းစနစ်သည် လူအားလုံးထံမှ ခေါင်းပုံဖြတ်ထားသည့် ပုံစံမဖြစ်ရပါ။ အသက်ရှင်လာပြီးနောက် လူ့ဘဝတစ်ခု တည်ဆောက်ရန် ပိုက်ဆံသည် လိုအပ်ချက်ဖြစ်လာသဖြင့် ယင်းပိုက်ဆံရှာရန် မူများ၊ စိတ်ဓါတ်ပိုင်းဆိုင်ရာ စည်းကမ်းများကို အစ္စလာမ်ကပြပေးထားသည်။ ပိုက်ဆံရှာခြင်း၊ စီးပွားရှာခြင်း၊ ပိုက်ဆံရရန် အလုပ်လုပ်ခြင်းတို့အား မည်သည့်ဘာသာကို သက်ဝင်ယုံကြည်သူပင်ဖြစ်ပါစေ လုပ်ကိုင်ရသည်ချည်းသာ ဖြစ်၏။ အလုပ်လုပ်ပြီဆိုလျှင် မိမိထံသို့ များများဝင်စေလိုသည်။ မိမိထံမှ နည်းနည်းသာ ထွက်လိုသည်။ ဤဆန္ဒကိုအခြေခံပြီး မတရားစီးပွားရှာမှု၊ ခိုးမှု၊ လိမ်မှုတို့ဖြစ်လာရခြင်း ဖြစ်သည်။ အစ္စလာမ်သည် စီးပွားရှာရာတွင် တရားသောနည်းဖြင့်ရှာရန် နည်းစနစ်ပြထားသည်။ လုပ်ငန်းများတွင် အရေအတွက်နှင့် အချိန်အတွယ်များဖြင့် လုပ်ကိုင်ကြသည်။ ကိုးခုသာရှိသော အရေအတွက်ကို ဆယ်ခုဟုပြောမရောင်းရ။ အပြစ်အနာအဆာပါနေသည့်ပစ္စည်းကို ဖုံးကွယ်လိမ်ဆင်၍ မရောင်းရ။ အလေးချိန်မခိုးရ။ ကုန်ဈေးနှုန်းများ တတ်လာစေရန်ရည်ရွယ်၍ ဈေးကွက်အတွင်း ပစ္စည်းများရှားပါးသွားစေရန် သိုလှောင်ထားခြင်း မလုပ်ရ။ ကမ္ဘာ့စီးပွားရေးလောကတွင် အသုံးအများဆုံး စနစ်တစ်ခုမှာ အတိုးဖြစ်၏။ အတိုးကို အစ္စလာမ်က ယတိပြတ် တားထား၏။ အစ္စလာမ့်စီးပွားရေးနည်းစနစ်တွင် အတိုးဖြင့် စီးပွားရှာခွင့်မရှိပါ။ အတိုးပေးခွင့်၊ ယူခွင့်နှစ်ခုလုံးကို ခွင့်မပြုထားပေ။ ဘာသာတူခြင်းကိုဖြစ်စေ၊ ဘာသာမတူသူကိုဖြစ်စေ အတိုးမပေးရသလို ၎င်းတို့ထံမှ အတိုးပြန်ယူခွင့်လည်းမရှိပါ။ အတိုးနှင့် ဆက်စပ်အလုပ်အကိုင်များ၊ တိုက်ရိုက်အတိုးမဖြစ်သော်လည်း သွယ်ဝိုက်နည်းများဖြင့် အတိုးသဏ္ဍာန်ဆောင်လျှင်လည်း ခွင့်မပြုထားပေ။ အတိုးဟူသည်မှာ ဆင်းရဲသားကို ဆင်းရဲတွင်းနက်အောင် ချမ်းသာသူက ပိုချမ်းသာအောင်လုပ်သောနည်းဖြစ်သည်။ ချမ်းသာသူ ပိုချမ်းသာလာခြင်းက ပြဿနာမဟုတ်။ ဆင်းရဲသားများ ပိုဆင်းရဲသွားခြင်းသည် ခိုးသူ၊ လုယက်သူများပိုများလာအောင် အားပေးနေခြင်းဖြစ်၏။ ဆင်းရဲသားလူတန်းစားနှင့် ချမ်းသာသူလူတန်းစားတို့အကြားတွင် အလွန်ကြီးမားသော ကွာဟမှုကို အတိုးကဖြစ်စေသည်။ ထို့ကြောင့် အစ္စလာမ်တွင် ဂုတ်သွေးစုတ်သည့် အတိုးစနစ်ကို အပြီးတိုင် ပိတ်ပင်ထားသည်။ စီးပွားရေးစနစ်တွင် ငွေကြေးချေးခြင်း၊ ငှားရမ်းခြင်းတို့ ပါဝင်သည်။ ငွေချေးရာတွင် အတိုးမယူရ။ အရင်းအတိုင်းသာ ယူရမည်။ ထို့ပြင် ချေးငွေကို ပြန်ဆပ်ရန် တာဝန်ပေးထားသည်။ ငှားထားသည့်အရာများကို ပြန်ပေးရန် တာဝန်ရှိသည်။ တတိယကဏ္ဍဖြစ်သည့် အပေးအယူပိုင်းတွင် အလုပ်ရှင်နှင့်အလုပ်သမားဆိုင်ရာ တာဝန်များလည်း ပါသည်။ တန်ကြေးနှင့် ကာလတစ်ခုသတ်မှတ်ပြီး အလုပ်သဘောတူထားလျှင် အလုပ်ရှင်ကလည်း သတ်မှတ်ချက်အတိုင်း လခကို အပြည့်ပေးရန် တာဝန်ရှိသည်။ ထို့အတူ သတ်မှတ်ချက်တွင်ပါသည်များကိုသာ စေခိုင်းခွင့်ရှိပြီး သတ်မှတ်ချက်တွင် မပါသည်များကို စေခိုင်းခွင့်မရှိပါ။ အလုပ်သမားဘက်ကလည်း မိမိ၏ တာဝန်ကို အပြည့်ထမ်းဆောင်ရမည်။ ပျက်ကွက်ပေါ့လျော့ပြီး လုပ်အားခအပြည့်ယူခြင်းကို မတရားမှုဟု သတ်မှတ်သည်။ ထိမ်းမြားမှုနှင့် အမွေကဏ္ဍများသည်လည်း အပေးအယူပိုင်းဆိုင်ရာတွင် ပါဝင်သည်။ ထိမ်းမြားပြီးလျှင် ဇနီးမောင်နှံကြားတွင် သက်ဆိုင်ရာ တာဝန်များကို ကိုယ်စီကိုယ်ငှ ကျေပွန်ရမည်။ စားဝတ်နေရေးအတွက် ရှာဖွေမှုတာဝန်သည် အမျိုးသားတာဝန်ဖြစ်ပြီး အိမ်ထောင်ထိန်းသိမ်းမှုတာဝန်သည် အမျိုးသမီးတာဝန်ဖြစ်၏။ စားရိတ်ထောက်ပံ့မှုတွင် အမျိုးသားက အမျိုးသမီးအား ပြည့်ပြည့်ဝဝပေးရမည်ဖြစ်သလို အမျိုးသမီးကလည်း မိမိခင်ပွန်းအတွက် အဖော်မွန်ကောင်းတစ်ဦး ဖြစ်နေရမည်။ တာဝန်ယူမှု၊ တာဝန်ခံမှုနှင့် တာဝန်သိတတ်မှုတို့သည် အပေးအယူကဏ္ဍ၏ အဓိကပင်မအချက်များဖြစ်သည်။ ဤတတိယကဏ္ဍတွင် အမွေခွဲဝေပေးရမည့် နည်းစနစ်ကိုလည်း အပြည့်အစုံပြပေးထားသည်။ အမွေဟူသည်မှာ အသက်ရှိ၍ စဉ်းစားတွေးခေါ်တတ်သော လူသားတို့အကြား အကြီးဆုံးသော စိတ်ဝမ်းကွဲစေမှုဖြစ်သည့် သက်မဲ့ပစ္စည်းဖြစ်၏။ ဤသက်မဲ့ကြောင့်ပင် သွေးရင်းသားချင်းများ သတ်ဖြတ်ကြသည်အထိ ဖြစ်ကြရသည်။ သေသူက သေသွားသော်လည်း သူချန်ရစ်ခဲ့သည်များက ရှင်နေသူများကြား ရှင်လျှက်နှင့် သေအောင်သတ်နေသည်။ အစ္စလာမ်တွင် အမွေကို တိုက်ရိုက်ဥပဒေပြဌာန်းကာ ခွဲဝေပေးထားသည်။ တော်စပ်မှုတစ်ခုတိုင်းအတွက် သီးခြားရပိုင်ခွင့်များပေးထားသည်။ ပေးသင့်ပေးထိုက်သည်ကို ပေးရန် တာဝန်ရှိသည်။ မပေးဘဲ သိုဝှက်ထိန်ချန်ခွင့် မရှိပါ။ ထို့ပြင် လက်တွေ့ဆန်သည့် သတ်မှတ်မှုဖြင့် အမွေခွဲခိုင်းထားသည်။ စိတ်ပိုင်းဆိုင်ရာခံစားချက်များနှင့် လူ့အတွေးအခေါ်ကို ဦးစားမပေးထားပါ။ ယောက်ျားသားတစ်ဦးသေလျှင် သူနှင့်သက်ဆိုင်သူများကို အမွေပေးရမည်။ ယောက်ျားသားတွင် ဇနီးရှိသဖြင့် ဇနီးရှိနေ၍ အမွေမခွဲရဟူသည့် စိတ်ခံစားချက်ဥပဒေမျိုးကို မပြဌာန်းထားပေ။ ဇနီးရှိလျှင်လည်း ဇနီး၏ ရပိုင်ခွင့်ကိုပေး၍ အမွေခွဲရမည်။ အပေးအယူပိုင်းကိုလည်း အစ္စလာမ်က ကုသိုလ်၊ အကုသိုလ်စာရင်းတွင် ထည့်သွင်းပေးထားသည်။ အစ္စလာမ်က သတ်မှတ်ထားသည့် အပေးအယူနည်းအတိုင်း မှန်ကန်စွာ ရှာဖွေလုပ်ကိုင်စားသောက်သော မုစ်လင်မ်တစ်ဦးအဖို့ ၎င်း၏စီးပွားရှာခြင်း၊ မိသားစုကိုထောက်ပံ့ပေးခြင်း တို့သည် ကုသိုလ်ဖြစ်၏။ တားထားသည့်နည်းဖြင့် စီးပွားရှာလျှင် အကုသိုလ်ဖြစ်၏။ အစ္စလာမ်သည် လူသားတိုင်းအတွက် ဘဝလမ်းညွှန်ချက်ဖြစ်ပေရာ ဘဝတစ်ခုရှင်သန်နိုင်ရန်အတွက် စီးပွားရေးရှိရန်လည်း လိုအပ်သည်။ စီးပွားရေးလုပ်ခြင်းကို တားဆီးလိုက်ခြင်းက သူတောင်းစားများ၊ သူခိုး၊ လုယက်ဆိုးသွမ်းသူများ ပေါများလာရန် အားပေးလိုက်ခြင်းပင် ဖြစ်၏။ လုပ်ဆောင်မှုနှင့် စိတ်ဓာတ်ပိုင်းဆိုင်ရာတွင် အစ္စလာမ့်နည်းအတိုင်း စီးပွားရှာသူတစ်ဦးအဖို့ အမှန်တကယ်အောင်မြင်မှု ရပေလိမ့်မည်။

စတုတ္ထကဏ္ဍမှာ အကျင့်စာရိတ္တပိုင်းဆိုင်ရာ ကဏ္ဍဖြစ်၏။ အကျင့်စာရိတ္တ၏ လိုအပ်ချက်မှာ သက်ရှိကမ္ဘာတွင် လူအတွက်သာ အထူးလိုအပ်သည်။ သင်ကြားရေးစနစ်များ အလွန်တိုးတက်လာပြီးနောက်ပိုင်းတွင် တိရိစ္ဆာန်များကိုပင် ယဉ်ကျေးလိမ္မာလာအောင် သင်ပေးနိုင်လာကြသည်။ မယဉ်ကျေးသည့် တိရိစ္ဆာန်များကို ယဉ်ကျေးအောင်သင်ပေးလာနိုင်သော်လည်း တစ်ဖက်တွင် ယဉ်ကျေးမှုဓါတ်ခံရှိပြီးသားလူများ ရိုင်းလာခြင်းကိုမူ ထိန်းချုပ်မရဖြစ်နေသည်မှာ နှစ်ဆယ့်တစ်ရာစု၏ အဆိုးဆုံးသောရောဂါ ဖြစ်နေသည်။ ကလေးငယ်များ အကျင့်ကောင်းလာစေရန် အကောင်းဆုံးကျောင်းများတွင် ထားကြသည်။ ယဉ်ကျေးရန်ဟူသည့်ခေါင်းစဉ်အောက်က ယဉ်ကျေးလိမ္မာသင်တန်းများဖွင့်ကြသည်။ သို့သော်လည်း ပိုဆိုးသည်ထက် ဆိုးလာသည်မှာ ဘာ့ကြောင့်နည်း။ ရှင်းပါသည်။ လူတို့၏ အတွေးအခေါ်ကိုသာ အခြေခံထားသော နည်းစနစ်များဖြစ်သဖြင့် တစ်နေရာမဟုတ် တစ်နေရာတွင် လစ်ဟာမှုဖြစ်လာရသည်။ ဆိုးသွမ်းစေသည့် ပင်မအချက်များကို တိုက်ရိုက်ပြုပြင်ခြင်းမရှိသဖြင့် အခြားအကျင့်အမူများ ဘယ်လောက်ကောင်းအောင် သင်ပေးသည်ဖြစ်စေ အချိန်တန်လျှင် အကျင့်စာရိတ္တက မကောင်းသည်သာဖြစ်၏။ အကျင့်စာရိတ္တပိုင်းပြုပြင်ရန် စိတ်ခံစားချက်များနှင့် မုန်တီးမှုများကိုအခြေခံကာ ယဉ်ကျေးလိမ္မာအောင်သင်တန်းများဖွင့်သင်ခြင်းသည် အပုပ်ကောင် ရုပ်ဆောင်ပြခြင်းသာဖြစ်၏။ အချိန်တန်တော့ သရုပ်မှန်များထွက်လာကာ ယဉ်ကျေးလိမ္မာသင်တန်းသည် အရိုင်းများထုတ်ပေးရာ ဌာနဖြစ်တော့သည်။ ထို့ကြောင့် လူတစ်ယောက် အကျင့်ကောင်းလာရန် စိတ်ခံစားချက်များကို အခြေခံလို့မရပါ။ အကျင့်စာရိတ္တပိုင်းတွင် ညံ့ဖျင်းသေးသိမ်မှုက ကမ္ဘာအလည်တွင် မျက်နှာငယ်ရန် အကြောင်းခံတစ်ခုပင် ဖြစ်၏။ နိုင်ငံတစ်နိုင်ငံ တိုးတက်ခြင်း၊ ကြီးပွားချမ်းသာခြင်းသည် ယင်းနိုင်ငံသူ နိုင်ငံသားများ၏ ကိုယ်ကျင့်တရား အကျင့်စာရိတ္တနှင့် တိုက်ရိုက်ဆက်နွယ်မှုရှိသည်။ အစ္စလာမ်တွင် မူးယစ် မိန်းမောစေသည့်အရာများအားလုံးကို ယတိပြတ်တားမြစ်ထားသည်။ အရက်၊ ဘီယာ၊ ဝိုင် အရက်နှင့် ဆက်စပ်အရာများအားလုံး၊ ဘိန်း၊ ဆေးခြောက်စသည့် အရာများကိုလည်း တားထားသည်။ ဆေးဖြစ်ဝါးဖြစ်မှစ၍ စီးပွားဖြစ်အထိ လုပ်ပိုင်ခွင့် လုံးဝမပေးထားပါ။ ကိုယ်တိုင်လည်း သောက်ခွင့်မပေးထားသလို အခြားသူများကိုတိုက်ခြင်း၊ ရောင်းချပေးခြင်း၊ ထုတ်လုပ်ပေးခြင်းများအားလုံးကို တားမြစ်ပိတ်ပင်ထားသည်။ မိမိကိုယ်တိုင်၊ မိမိ၏ မိသားစု၊ ဝန်ထမ်း၊ ကျောင်းသားများအကြားတွင် တိုးတက်အောင်မြင်သူများ၊ ကိုယ်ကျင့်တရားကောင်းသူများ ပေါ်ပေါက်လာစေလိုပါက အရက်နှင့် မူးယစ်မိန်းမောစေသည့် အရာများအားလုံးကို သုံးစွဲခွင့်တားမြစ်လိုက်ပါ။ ဤအရက်နှင့် မူးယစ်ပစ္စည်းများတွင် ကောင်းကျိုးအနည်းငယ်သာရှိပြီး ဆိုးကျိုးက ပိုများသည်။ ထိုဆိုးကျိုးကို ကာယကံရှင်ကလည်း ခံစားရသလို ပတ်ဝန်းကျင်ကလည်း ခံစားရသည်။ အရက်သည် ကိုယ်ကျင့်တရားပျက်ပြားရန် အပြည့်အဝအားပေးသော အဆိပ်တစ်ခုဖြစ်၏။ အစ္စလာမ်သည် ကိုယ်တိုင်စိတ်ချမ်းသာဖို့ သူတစ်ပါးကို ချနင်းသည့်အခြေအနေမျိုးကို အားမပေးပါ။ အစ္စလာမ့်အိမ်ထောင်ရေးစနစ်တွင် အိမ်ထောင်ရှင်အချင်းချင်း ဖောက်ပြားမှုကို ထိရောက်သည့် ဒဏ်ခတ်ခြင်းဖြင့် ထိန်းကွပ်ထားသည်။ မိန်းမလေးယောက်ယူရန်အတွက် တန်းတူညီမျှထားနိုင်ရမည်ဟူသည့် စည်းကမ်းချက်ရှိသည်။ လူတစ်ဦးနှင့် တစ်ဦးအကြားတွင် သွေးထိုးလှုံဆော်ပေးခြင်း၊ မတရားစွပ်စွဲခြင်း၊ နှစ်ဖက်ချွန်လုပ်ခြင်းများကို လုံးဝခွင့်မပြုပါ။ ထိုအကျင့်မျိုးရှိသူသည် အမတဥယျာဉ်နန်း၏ မွှေးရနံကိုပင် ရမည်မဟုတ်ဟု ပြဌာန်းထားသည်။ လိင်မတူသူများ အရသာခံစားလိုပါက သတ်မှတ်သည့် စည်းမျဉ်းများအတိုင်း ထိမ်းမြားမှုလုပ်ရန် စည်းကမ်းထားသည်။ ထိမ်းမြားခြင်းဖြင့် လူတစ်ဦးသည် နောက်တစ်ဦးကို တာဝန်ယူရသည်။ တာဝန်ယူလိုစိတ်၊ တာဝန်သိစိတ်တို့ကို ထိမ်းမြားမှုဖြင့် သင်ကြားပေးထားသည်။ ထိမ်းမြားပြီးနောက် ဇနီးမောင်နှံအကြား သက်ဆိုင်ရာ တာဝန်များကို သတ်မှတ်ပေးထားသည်။ မိန်းမနှင့် ယောက်ျားသည် ပုံသဏ္ဍာန်မတူသည့် လူနှစ်မျိုးဖြစ်သည်။ ယောက်ျားနှင့် မိန်းမကို တာဝန်အတူတူပေး၍ တန်းတူစေခိုင်းခြင်းမှာ မတရားခြင်းသာ ဖြစ်၏။ အစ္စလာမ်တွင် မိန်းမသားကို မိန်းမသားနှင့် သင့်တော်သည့် တာဝန်၊ ယောက်ျားသားကို ယောက်ျားသားနှင့် လိုက်ဖက်သည့် တာဝန်များကို ခွဲပေးထားသည်။ အကျင့်စာရိတ္တကောင်းခြင်းနှင့် ဆိုးခြင်းတို့သည် လိင်ကိစ္စကို မှန်ကန်စွာ အသုံးချခြင်းနှင့် အသုံးမချခြင်းတို့အပေါ်တွလည်း များစွာ မူတည်ပါသည်။ အစ္စလာမ်တွင် ဆဲဆိုခြင်းကို တားထားသည်။ အဆဲဖြင့် စကားမဆိုရ။ ဆဲခြင်းသည် မယဉ်ကျေးခြင်း၊ အကျင့်စာရိတ္တမကောင်းခြင်း၏ အမှတ်အသားဖြစ်သည်။ ဘာသာတစ်ခု၏ ဘာသာဝင်များသည် နောက်ဘာသာတစ်ခုကို မဆဲရ။ တခြားသူ၏ မိဘကို မဆဲရဟူသည့် ပညတ်ကို ပြဌာန်းထားသည်။ ဆဲဆိုခြင်းသည် ယဉ်ကျေးသည့်အသိုင်းအဝိုင်း၏ လုပ်ရပ်မဟုတ်ပါ။

ပဉ္စမကဏ္ဍမှာ လူမှုရေးကဏ္ဍဖြစ်သည်။ လူမှုရေးဟူသည်မှာ ယဉ်ကျေးပြူငှာသော လူ့အသိုင်းအဝိုင်းတစ်ခုဖြစ်ရန် အဓိက သင်ကြားမှုဖြစ်သည်။ အထက်ကဏ္ဍလေးခုလုံးသည် ဤလူမှုရေးကို အခြေခံထားသည်။ လူသည် လူမှုရေးနားလည်ရမည်။ လူမှုရေးအတွက် စည်းမျဉ်းစည်းကမ်းများ ရှိရမည်။ ကမ္ဘာကြီး စည်းကားနေခြင်း၏ အဓိကပင်မမှာ လူဖြစ်သည်။ ကျန်အရာဝတ္ထုများ၊ စက်ကိရိယာများ၊ နေ၊ လ၊ ကြယ်၊ တိရိစ္ဆာန်၊ သစ်ပင်များသည် လူအတွက် ဆင်ယင်ပေးထားခြင်းဖြစ်၏။ လူသည် နောက်လူတစ်ယောက်နှင့် ပြောဆိုဆက်ဆံသည်။ လူက လူဖြင့် ပျော်ရွှင်မှုရမှာသာ လူတစ်ဦးတိုင်း၏ ဘဝသည်လည်း သာယာနေမည်ဖြစ်၏။ စီးပွားရေးနှင့် အပေးအယူကဏ္ဍတို့သည် ပစ္စည်းဥစ္စာနှင့် သက်ဆိုင်ပြီး လူမှုရေးသည် လူ့စိတ်နှလုံးနှင့် သက်ဆိုင်သည်။ ပိုက်ဆံချမ်းသာခြင်းထက် စိတ်ချမ်းသာဖို့က ပိုအရေးကြီးသည်။ စိတ်ချမ်းသာမှ ကိုယ်ခန္ဓာကျန်းမာမည်။ စိတ်ပျို ကိုယ်နု၊ စိတ်ထောင်း ကိုယ်ကျေဟူသည့် စကားရပ်တွင် ခန္ဓာကိုယ်၏ ကျန်းမာရေးကို စိတ်ပေါ်တွင် မူတည်ထားသည်။ လူ့လောကသည် လူများဖြင့်သာတည်ဆောက်ထားခြင်းဖြစ်သောကြောင့် လူတိုင်းသည် နောက်တစ်ဦးကို စိတ်ချမ်းသာစေရမည်။ လူနှင့် လူတွေ့ဆုံရာတွင် သက်ဆိုင်ရာ လူမှုရေးရှိရမည်။ အစ္စလာမ်တွင် ပြဌာန်းထားသည့် လူမှုဆက်ဆံရေးစနစ်သည် စံပြထားနိုင်သည့် စံနှုန်းပြည့် လူမှုဆက်ဆံရေးစနစ်ဖြစ်သည်။ အစ္စလာမ်တွင် စိတ်ထားပိုင်းကို အထူးဦးစားပေးသည်။ ရုပ်ပိုင်းဆိုင်ရာကို ဦးစားမပေးပါ။ ထို့ပြင် မိမိစိတ်ချမ်းသာရေးထက် သူတစ်ပါး စိတ်ချမ်းသာရေးကို ပိုပြီး ဦးစားပေးသည်။ ကျင်ငယ်စွန့်ခြင်းဆိုင်ရာ ပညတ်ချက်များတွင် လူသွားလမ်း၊ လူအများ အရိပ်နားခိုရာနေရာများတွင် ကျင်ငယ်မစွန့်ရဟု တားထားသည်။ ယင်းပညတ်ချက် လေ့လာကြည့်လျှင် ဆီးအလွန်သွားချင်နေသူသည် ရရာနေရာတွင် ကျင်ငယ်စွန့်လိုက်ရလျှင် သူ့အဖို့ အတော်ကို နေသာ ထိုင်သာ ရှိသွားမည်။ သို့သော် အစ္စလာမ်က တစ်ဦးတည်း စိတ်ချမ်းသာရေးကို ဦးစားမပေးပါ။ ရရာနေရာတွင် ကျင်ငယ်စွန့်လိုက်သည်။ သူစွန့်လိုက်သည့်နေရာက အရိပ်ရအပင်ဖြစ်မည် သို့မဟုတ် လူတို့ ခေတ္တခဏ နားနေရာ နေရာဖြစ်မည်ဆိုလျှင် နောက်ရောက်လာသူသည် ပထမလူ၏ ကျင်ငယ်အနံ့ကြောင့် စိတ်ဒုက္ခရောက်ရမည်မှာ အမှန်ပင်ဖြစ်သည်။ အစ္စလာမ်သည် ထိုသို့သော အခြေအနေမျိုးကို လုံးဝမလိုလားပေ။ အစ္စလာမ့်ပြဌာန်းချက်တစ်ခုမှာ မိမိ၏ အိမ်မှ ကလေးငယ်ကို အစားတစ်ခုခုကျွေးလိုက်လျှင် လမ်းပေါ်ထွက်မစားစေရန် တားရမည်ဟုဖြစ်သည်။ ယင်းပြဌာန်းချက်၏ အဓိက လိုလားချက်မှာ ကလေးတစ်ယောက် စားနေသည်ကို မြင်ပြီး နောက်ကလေးတစ်ယောက်ကလည်း စားချင်စိတ်ဖြစ်မည်။ သူစားလိုလျှင် မိဘပူဆာတတ်သည့်ကလေးဖြစ်ပါက မိဘကို ဝယ်ကျွေးခိုင်းမည်။ မိဘက လောလောဆယ် မကျွေးနိုင်လျှင် ကလေး၏ စိတ်တွင်းဝယ် စားလိုစိတ်ဖြစ်ပါလျှက် မစားရခြင်းကြောင့် မခံချိမခံသာ ဖြစ်နေမည်။ မိဘဖြစ်သူမှာလည်း ငါ့ကလေးကို မဝယ်ကျွေးနိုင်ရကောင်းလားဟု စိတ်ခံစားရမည်။ ဤသည်မှာ ကလေးတစ်ဦး လမ်းပေါ်မုန့်ထွက်စားခြင်းကြောင့် အခြားသူများတွင် ခံစားရသည့် စိတ်ခံစားချက်ဖြစ်သည်။ အစ္စလာမ်က ဤသို့နောက်တစ်ယောက် စိတ်ခံစားရခြင်းကို မလိုလားပေ။ ထို့ကြောင့် ပင်မလုပ်ရပ်ဖြစ်သည့် လမ်းပေါ်မုန့်ထွက်စားခြင်းကို တားခိုင်းထားသည်။ မိဘကို ပူဆာတတ်သူမဟုတ်ဘဲ လုစားတတ်သူဖြစ်လျှင် အခြေအနေက ဒီ့ထက်ပို၍ ရှုပ်ထွေးမည်မှာ အမှန်ပင်ဖြစ်သည်။ လုစားတာကို မပေးခြင်းကြောင့် ကလေးချင်း ရန်ဖြစ်မည်။ ကလေးများရန်ဖြစ်လျှင် လူကြီးများက နောက်ဆက်တွဲပါလာမည်မှာ မလွဲပေ။ လူကြီးများပါလာလျှင် ရိုက်ပွဲ၊ သတ်ပွဲများမဖြစ်အောင် ပတ်ဝန်းကျင်က ဆုတောင်းနေရသည်။ ထို့ကြောင့် ပင်မလုပ်ရပ်ကို အစ္စလာမ်က တားထားခြင်းဖြစ်သည်။ အိမ်နီးချင်းဆိုင်ရာ တာဝန်တွင် ဟင်းချက်လျှင် ဟင်းရနံ့ သင်းပျံ့နေအောင် မချက်နှင့်။ ဟင်းရနံ့သင်းပျံ့ခဲ့ပါက ရေအနည်းငယ်ပိုထည့်၍ အိမ်နီးချင်းများကိုပါ ဝေငှရန် တိုက်တွန်းထားသည်။ အစ္စလာမ့်လူမှုရေးစနစ်တွင် လူတစ်ဦးနှင့် တစ်ဦးတွေ့ဆုံချိန် မင်္ဂလာရှိသော နှုတ်ဆက်စကားဆိုရန် တာဝန်ပေးထားသည်။ အစ္စလာမုအလိုင်းကွမ်း ဝရဟ်မသုလ္လာဟ် ဟုဆိုလျှက် တစ်ဖက်သားအတွက် တောင်းဆုပြုပေးရမည်။ အစ္စလာမ့်နှုတ်ဆက်စကားသည် ရှေ့ကလူအတွက် အကျိုးရှိစေသည့် ဆုတောင်းတစ်ခုပင် ဖြစ်သည်။ နှုတ်ဆက်စကားဆိုရာတွင် အရင်ဆိုသူက ကုသိုလ်ပိုရမည်ဟု ပြဌာန်းထားသည်။ အကြီးက အငယ်ကို၊ အုပ်ချုပ်သူက အုပ်ချုပ်ခံကို၊ သမ္မတက ပြည်သူပြည်သားများကို နှုတ်ခွန်းဆက်သနိုင်သည်။ ဤသည်မှာလည်း အစ္စလာမ့်လူမှုရေးစနစ်တွင်ပါဝင်သည့် ယဉ်ကျေးမှုစနစ်တစ်ရပ်ဖြစ်၏။ အသံကျယ်ကျယ်စကားပြောခြင်းကို အစ္စလာမ်က မနှစ်သက်။ လိုအပ်လျှင် လိုအပ်သလောက် ကျယ်ခွင့်ရှိပြီး မလိုအပ်ပါက ညင်သာစွာ စကားဆိုရမည်။ အစ္စလာမ်တွင် တစ်ဦးစကားကို နောက်တစ်ဦးက ချောင်းမြောင်း နားမထောင်ရန်၊ လျှို့ဝှက်စကားများကို မဖော်ထုတ်ရန်၊ တစ်ဦး၏ ချို့ယွင်းချက်ကို နောက်တစ်ဦးက ဖုံးပေးရန်၊ လူတစ်ဦးဦးနှင့်ပတ်သက်၍ မေးမြန်းလာလျှင် ကောင်းရာကောင်းကြောင်းကိုသာ ပြောဆိုပေးရန် အထူးမိန့်ထားသည်။ လူမှုရေးတွင် အိမ်ထောင်ကဏ္ဍလည်း ပါဝင်သည်ဖြစ်ရာ ထိမ်းမြားမှုပိုင်းတွင် လူတစ်ဦး စကားကမ်းလှမ်းထားသည်ကို နောက်တစ်ဦးက ကြားဖြတ်ကမ်းလှမ်းခြင်းမပြုရ။ လူတစ်ဦးက တစ်ဦးတစ်ယောက်နှင့် ထိမ်းမြားရန် ရည်ရွယ်နေသည်ကို အခြားတစ်ယောက်ဖြင့် စွဲဆောင်ခြင်း မပြုရ။ ထိမ်းမြားမှုပျက်ပြားစေရန် ပြစ်ချက်ဖော်ထုတ်ခြင်း မပြုရ။ လင်ရှိမယားနှင့် မယားရှိလင်တို့ကို လက်ထပ်ရန်အတွက် ၎င်းတို့ကွာရှင်းသွားရန် သွေးထိုးလှုံဆော်ခြင်း မပြုရဟု သတ်မှတ်ပြဌာန်းထားသည်။ မယားရှိလင်ကို လက်ထပ်ပြီး မယားကြီးနှင့် ကွဲရန် အမျိုးမျိုးသွေးထိုးနေသည်များ၊ သူများမယားကို ကြာခိုရန်အတွက် လင်နှင့် ပြဿနာတတ်ရန် ရန်တိုက်ပေးခြင်းများသည် ယနေ့လူ့ပတ်ဝန်းကျင်တွင် ဆေးမရှိသည့် ကူးစက်ရောဂါဖြစ်နေသည်။ ယင်း၏ ဆေးနည်းသည် အစ္စလာမ်တွင် ရှိပါသည်။ ယင်းဆေးနည်းကို လူတိုင်း သောက်သုံးနိုင်ပါသည်။

အချုပ်ဆိုရသော် သာယာဖြောင့်ဖြူးကာ လူပီသသည့် လူ့ဘဝတစ်ခုတည်ဆောက်ရန်အတွက် လိုအပ်သော အခြေခံစည်းမျဉ်းများ၊ နည်းစနစ်များကို အစ္စလာမ်တွင် ပြဌာန်းပေးထားသည်။ လူတိုင်း လူတိုင်းသည် အစ္စလာမ့်၏ အရသာအစစ်အမှန်ကို မြည်းစမ်းနိုင်ရန် အစ္စလာမ့်ရသကို တတ်သိပညာလေးများစုစည်းကာ ဖော်ပြပေးလိုက်ပါသည်။ အစ္စလာမ်ဟူသည် နေရာတစ်ခု၊ လူတစ်စုအတွက်ပဲ သီးသန့်ချပေးထားသည့် ဘာသာတစ်ခုမဟုတ်ပါ။ လူသားမှန်လျှင် အားလုံးကျင့်နိုင်သည့် စိတ်ချမ်းမြေ့ရေး လမ်းစဉ်၊ သာယာသည့် လူပတ်ဝန်းကျင်တစ်ခု တည်ဆောက်နိုင်သည့် လူနေမှုစနစ်တစ်ခုဖြစ်ပါသည်။ လူသားအားလုံး အစ္စလာမ့်၏ နည်းစနစ်နှင့် အစ္စလာမ် အစစ်အမှန်ကို သိမြင်စေရန် ရည်ရွယ်ရင်း အစ္စလာမ်၏ သတ်မှတ်ချက်များကို အကျဉ်းချုံဖော်ပြ၍ ဤဆောင်းပါးကို နိဂုံးချုပ်အပ်ပါသည်။ 

Credit; အလ်မုဖီးဒ်
မုဟရ်ရမုလ်ဟရာမ်၊ ၁၉၊ ဟစ်ဂ်ျရီ ၁၄၃၈
21. 10. 2016 (သောကြာနေ့)

Tuesday, October 11, 2016

အာရှူရာ၏အမလ်




မုအ်မင်န်တို့၏ မိခင်မွန်ကြီး ဟဇရသ်အာအိရှဟ် ရသွီယလ္လာဟုအန်ဟာထံမှ ဆင့်ပြန်ချက်လာသည်။ တမန်တော်မြတ် မုဟမ္မဒ် ဆွလ္လလ္လားဟု အလိုင်းဟိ ဝစလ္လမ်က မိန့်ထားသည်မှာ ရမဿွာန်၏ ရိုဇဟ်ပြီးလျှင် အာရှူရာနေ့ (မုဟရ်ရမ်လ ဆယ်ရက်နေ့) ၏ ရိုဇဟ်သည် အမြတ်ဆုံးဖြစ်ပေသည်။ (မစ်ရ်ှကားသ်ကျမ်း)

ဟဇရသ်အိဗ်နေအဗ်ဗါးစ် ရသွီယလ္လာဟုအန်ဟုမာက ဆင့်ပြန်သည်။ တမန်တော်မြတ် ဆွလ္လလ္လားဟု အလိုင်းဟိ ဝစလ္လမ်သည် နဖိလ်ရိုဇဟ်များတွင် အာရှူရာနေ့၏ ရိုဇဟ်ကို အထူးပင် အလေးအနက်ထားပေသည်။
(အစ္စလာမီမဟီနွန်းကေး ဖဇာအေလိုအဟ်ကားမ်)

ဟဇရသ်အိဗ်နေ့အဗ္ဗားစ် ရသွီယလ္လာဟု အန်ဟုမာသခင်က ဆင့်ပြန်ထားသည်။ တမန်တော်မြတ် ဆွလ္လလ္လားဟု အလိုင်းဟိ ဝစလ္လမ်သည် မဒီနာမြို့သို့ ကြွမြန်းလာသောအခါ ယဟူဒီတို့ အာရှုရာရိုဇာထားကြသည်ကို တွေ့လေသည်။ ၎င်းတို့ ရိုဇာထားရခြင်းအကြောင်းကို မေးမြန်းရာ ဤအာရှုရာနေ့မြတ်၌ပင် အလ္လာဟ်အရှင်မြတ်က မူစာ အလိုင်ဟိစ္စလာမ်အား ဖိရ်အောန်အပေါ် အနိုင်ရမှုကို ချီးမြှင့်ခဲ့သည်။ ဤအတွက်ကြောင့် ကျွန်ုပ်ယဟူဒီတို့သည် ထိုနေ့ကို တန်ဖိုးထား လေးစားသည့်အနေဖြင့် ရိုဇာထားရခြင်း ဖြစ်ပါသည်ဟု ပြောပြပေသည်။ ထိုအခါ တမန်တော်မြတ် ဆွလ္လလ္လားဟု အလိုင်းဟိ ဝစလ္လမ်က မိန့်သည်မှာ ငါတို့သည် မူစာ အလိုင်ဟိစ္စလာမ်နှင့် နီးစပ်မှုတွင် အသင်တို့ထက် သာပိုပေသည်။ ၎င်းနောက် ထိုနေ့တွင် ရိုဇာထားရန် အမိန့်ပေးတော်မူသည်။

ဟဇရသ်အာအိရှဟ် ရသွီယလ္လာဟုအန်ဟာ၏ ဆင့်ပြန်ချက်တစ်ခုကို အဗူဒါဝူးဒ်ကျမ်းတွင် ဖော်ပြထားသည်။ တမန်တော်မြတ် ဆွလ္လလ္လားဟု အလိုင်းဟိ ဝစလ္လမ်နှင့် ကုရိုက်ရ်ှအမျိုးသားတို့သည် အစ္စလာမ့်ရှရီအသ် မကျရောက်မီကတည်းက အာရှုရာရိုဇာကို ထားခဲ့ကြသည်။ မဒီနာမြို့တော်သို့ ကြွမြန်းလာပြီးသည့် နောက်ပိုင်းတွင်လည်း တမန်တော်မြတ်သည် ကိုယ်တိုင် အာရှုရာရိုဇာ ထားသလို အခြားသူများကိုလည်း ရိုဇာထားကြရန် တိုက်တွန်းသည်။ ရမသွာန်ရိုဇာ ဖရဇ်ဖြစ်ပြီးသည့်နောက် ရမသွာန်၏ရိုဇာသာလျှင် ဖရဇ်ဖြစ်တော့သည်။ အာရှုရာရိုဇာထားရန် ဝါဂျိဗ်တာဝန်အဖြစ် မရှိတော့ပေ။ အကြင်သူသည် အာရှုရာရိုဇာကို ထားလိုက ထားနိုင်ပြီး၊ မထားလိုပါကလည်း မထားခွင့်ရှိသည်။ (အဗူဒါဝူးဒ်ကျမ်း)

အစ္စလာမ်၏ အစကနဦးပိုင်း၌ ရမသွာန်လတွင် ရိုဇာထားခြင်းအား ဖရဇ်အဖြစ်မသတ်မှတ်မီက အာရှုရာနေ့တွင် ရိုဇာထားရန် ဝါဂျိဗ်တာဝန်ဖြစ်ခဲ့သည်။ ရမသွာန်၏ အမိန့်ကျရောက်ပြီးနောက် အာရှုရာရိုဇာသည် ဝါဂျိဗ်တာဝန်အဖြစ် မကျန်ရှိတော့ပေ။

ဗုခါရီနှင့် မွတ်စ်လင်မ်ကျမ်းတွင် အဗ်ဒွလ္လာဟ်ဗင်န်မူစာ ရသွီယလ္လာဟု အန်ဟု၏ ဆင့်ပြန်ချက်ကို ပြန်လည်ဖော်ပြထားသည်မှာ ရစူလွလ္လာ ဆွလ္လလ္လားဟု အလိုင်းဟိ ဝစလ္လမ်သည် အာရှုရာနေ့၏ ရိုဇာကို အခြားနေ့များ၏ ရိုဇာထက်၊ ရမသွာန်လမြတ်၏ ရိုဇာကို အခြားလများ၏ ရိုဇာထက် သာပို၍ ဦးစားပေးတော်မူခဲ့သည်။ မွတ်စ်လင်မ်ကျမ်းတွင် ဟဇရသ်ဂျာဗိရ်ဗင်န်စမုရဟ် ရသွီယလ္လာဟု အန်ဟု၏ ဆင့်ပြန်ချက်ကို အောက်ပါအတိုင်း ဖော်ပြထားသည်။ တမန်တော်မြတ် ဆွလ္လလ္လားဟု အလိုင်းဟိ ဝစလ္လမ်သည် ကိုယ်တိုင်လည်း အာရှုရာ၏ ရိုဇာကို ထားတော်မူသည်။ ကျွန်ုပ်တို့ကိုလည်း ထိုနေ့တွင် ရိုဇာထားကြရန် တိုက်တွန်းတော်မူသည်။ ၎င်းနောက် ကျွန်ုတို့အား ထိုနေ့တွင်ရိုဇာထားမည်ဟု ဝန်ခံခိုင်းလေသည်။ သို့သော် ရမသွာန်လ၏ရိုဇာ ဖရဇ်ဖြစ်ပြီးနောက်တွင် ကိုယ်တော်သည် အာရှုရာရိုဇာနှင့် ပတ်သက်၍ အမိန့်မပေးတော့ပေ။ တားမြစ်တော်မူခြင်းလည်း မရှိ။ ကျွန်ုပ်တို့ထံမှာ အာရှုရာရိုဇာနှင့်ပတ်သက်၍ မည်သည့်ဝန်ခံချက်မှ ယူခြင်းလည်း မရှိတော့ပေ။ ဖော်ပြပါရိဝါယသ်များဖြင့် သိရသည်မှာ အာရှုရာနေ့မြတ်၏ ရိုဇာသည် ယခုအချိန်တွင် ဝါဂျိဗ်၊ ဖရ်ဇ်တော့မဟုတ်တော့ပေ။ သို့သော် မြတ်နဗီ (ဆွလ္လလ္လားဟု အလိုင်းဟိ ဝစလ္လမ်)၏ စွန္နသ်တော် နှင့် အကျိုးကျေးဇူးများလှသော အမလ်တစ်ခုတော့ မုချဖြစ်ပေသည်။

အာရှူရာ၏ ရိုဇဟ်သည် တမန်တော်မြတ် ဆွလ္လလ္လားဟုအလိုင်းဟိဝစလ္လမ် စွဲမြဲစွာ ထားခဲ့သည့် စွန္နသ်ရိုဇဟ်များထဲမှ ဖြစ်ပါသည်။ စွန္နသ်ကို အကောင်အထည်ဖော်သည့်အနေဖြင့် မုစ်လင်မ်တိုင်း စွန္နသ်ကို ကျင့်သုံးရပါမည်။ အာရှူရာကို ရိုဇာနှစ်လုံးထားရခြင်းအကြောင်းကို ဆက်လက်ဖော်ပြပါမည်။

ဟဇရသ်အိဗ်နေအဗ်ဗါးစ် ရသွီယလ္လာဟုအန်ဟုမာက ဆင့်ပြန်သည်။ တမန်တော်မြတ် ဆွလ္လလ္လားဟု အလိုင်းဟိ ဝစလ္လမ်သည် ဟစ်ဂ်ျရီ ဆယ်ခုနှစ်တွင် တမန်တော်မြတ် ဆွလ္လလ္လားဟု အလိုင်းဟိဝစလ္လမ်သည် ကိုယ်တိုင် ရိုဇာထားသည်။ အဆ်ွဟာဗ်တော်များကိုလည်း ရိုဇဟ်ထားကြရန် အမိန့်ပေး၏။ တဆက်တည်း မိန့်သည်မှာ ရှေ့နှစ်တွင်လည်း ဤနေ့နှင့် ကြုံရပါမူ မုဟ်ရ်ရမ်လ၏ ကိုးရက်နှင့် ဆယ်ရက် သို့မဟုတ် ဆယ်ရက်နှင့် ဆယ့်တစ်ရက်တို့တွင် ရိုဇဟ်ထားမည်။ သို့မှသာ ယဟူဒီနှင့် မုစ်လင်မ်တို့တွင် အာရှူရာရိုဇဟ်ထားပုံခြင်း ကွာခြားသွားပါမည်။ (အစ္စလာမီမဟီနွန်းကေး ဖဇာအေလိုအဟ်ကားမ်)

အာရှူရာရိုဇာကို နှစ်လုံးထားရခြင်းမှာ မုစ်လင်မ်နှင့် မုစ်လင်မ်မဟုတ်သူများတွင် ကွဲပြားမှု၊ ခြားနားမှုရှိစေရန် ဖြစ်ပေသည်။

ဟဇရသ်အဗူကသာဒဟ် ရသွီယလ္လာဟုသအာလာအန်ဟုထံမှ ဆင့်ပြန်သည်။ တမန်တော်မြတ် ဆွလ္လလ္လားဟုအလိုင်းဟိဝစလ္လမ်မိန့်သည်မှာ အရဖာနေ့၏ ရိုဇဟ်သည် ထိုနေ့တွင် ရိုဇဟ်ထားသူ၏ နှစ် နှစ်စာ (ရိုဇဟ်ထားသည့် နှစ်နှင့် ပြီးခဲ့သည့်နှစ်၏) ပြစ်မှုငယ်များအတွက် အစားပေးချေမှုဖြစ်စေသည်။ အာရှူရာရိုဇဟ်သည် တစ်နှစ်စာ ပြစ်မှုများအတွက် အစားပေးချေမှု ဖြစ်စေပါသည်။ (မုစ်လင်မ်ကျမ်း)
(အစ္စလာမီမဟီနွန်းကေး ဖဇာအေလိုအဟ်ကားမ်)

** အာရှူရာအမလ်မှ သင်ယူစရာ
အာရှူရာ၏ အထူးအမလ်မှာ ရိုဇဟ်ထားခြင်းဖြစ်ပြီး ယင်းရိုဇဟ်ကို ယဟူဒီများလည်း ထားကြောင်း အထက်တွင်ဖော်ပြခဲ့ပါသည်။ သို့သော် ရိုဇဟ်ထားတာခြင်း တူသော်လည်း ထားပုံခြင်းမတူအောင် တမန်တော်မြတ်က လမ်းညွှန်ခဲ့သည်။ ကောင်းမှုပြုပုံခြင်းပင် အခြားသောဘာသာတစ်ခုနှင့်မတူပေ။ အဓိကမှာ အစ္စလာမ့် လုပ်ဆောင်ချက်အားလုံးသည် အခြားဘာသာတစ်ခုခုနှင့် မတူညီကြောင်းကိုပင် ဤအာရှူရာရိုဇဟ်က ပြသထားသည်။ ယနေ့အခါတွင် အများစုသော အစ္စလာမ့်ကောင်းမှုများသည် မုစ်လင်မ်တို့၏ လုပ်ရပ်များကြောင့် အခြားသော ဘာသာများနှင့် တူသွားရပေတော့သည်။ ပမာဆိုရသော် မတ်စ်ဂျိဒ်တွင် နမားဇ်ဖတ်ခိုင်းထားခြင်းသည် တစ်နေ့ငါးကြိမ်၊ တစ်ပတ် သုံးဆယ့်ငါးကြိမ်ဖြစ်သည်။ ဗလီသို့ တစ်ပတ် သုံးဆယ့်ငါးကြိမ်ရောက်ရမည်။ တစ်ပတ်တစ်ကြိမ် ဗလီတက်ခြင်းလုပ်ရပ်မျိုး အစ္စလာမ်တွင် မရှိပါ။ သို့သော် မုစ်လင်မ်တို့သည် တစ်ပတ် တစ်ကြိမ်၊ တစ်နှစ် နှစ်ကြိမ်မျှသာ ဗလီတက်ရမည်ဟု ခံယူထားသည်။ ဤသည်မှာလည်း အစ္စလာမ်က ကွဲပြားအောင် ခွဲခြားထားပေးမှုအား မုစ်လင်မ်တို့က ရောနှောလိုက်သည့် လုပ်ရပ်တစ်ခုဖြစ်သည်။ ဒုတိယပမာကို ပြရသော် ဗလီသို့ သွားရန်၊ ဗလီတွင် နမားဇ်ဖတ်ရန်တာဝန်သည် ယောက်ျားသားများအတွက်ဖြစ်ပြီး မိန်းမသားတွင် ယင်းတာဝန်မရှိပါ။ အခြားသူများတွင်  ဝတ်ကျောင်းများ၌ ယောက်ျား၊ မိန်းမ ရောနှောကာ ဘုရားဝတ်ပြုကြသည်။ အစ္စလာမ်က နေရာတစ်ခုခုတွင် ယောက်ျား၊ မိန်းမ ရောနေခြင်းကို မနှစ်သက်ပေ။ ထို့ပြင် တာဝန်ပိုင်းဆိုင်ရာ၊ ကုသိုလ်ရပုံခြင်းတို့တွင် ယောက်ျားမိန်းမတို့အား ပေးအပ်ထားသည့် တာဝန်အတိုင်း ကျေပွန်လျှင် ကုသိုလ်ရမည်ဟု မိန့်ပြီးသားဖြစ်သည်။ ထို့ကြောင့် ယောက်ျားများနည်းတူ မိန်းမများလည်း ဗလီသို့လာ၍ နမားဇ်ဖတ်နေရန် မလိုပေ။ အခြားသူများ၏ ဘာသာရေးဆိုင်ရာ အဆောက်အဦးများတွင် ဤသို့ခြားနားထားမှုလည်း မရှိ။ ယောက်ျားများ မိန်းမများ အားလုံး ရောပြွန်းနေသည်။ အစ္စလာမ်ကို ဤပုံစံများကို မနှစ်သက်ပါ။ သို့သော် မုစ်လင်မ်အမည်ခံ အုပ်စုတို့က မတူအောင် ခြားထားသည်များကို တူအောင် လိုက်တူနေကြသည်။ ဟဂ်ျကဲ့သို့သော မွန်မြတ်သည့် ခဝပ်မှုမျိုးတွင်ပင် မိန်းမသားများသည် ယောက်ျားများအကြား တိုးဝှေ့နေခြင်းထက် မိမိအခန်းတွင်း၌ နမားဇ်ဆောက်တည်ခြင်းက ပိုမြတ်ကြောင်း ဖိကဟ်ပညာရှင်တို့က ဖော်ပြထားသည်။ မုစ်လင်မ်တို့ကမူ အစ္စလာမ်က ခြားနားပေးထားသည်များကို အားလုံးနှင့်တူအောင် ရောနှောကြသည်။

တူသွားတိုင်း ကောင်းသည်မဟုတ်ပါ။ တန်ဖိုးမြင့်သည့်အရာက တန်ဖိုးနိမ့်သည်အရာနှင့် တူသွားလျှင် တန်ဖိုးရှိသည့်ပစ္စည်းက တန်ဖိုးကျသွားသည်သာ ဖြစ်၏။ တန်ဖိုးတက်လာခြင်း မရှိပါ။ ဤသည်ကို မုစ်လင်မ်တို့ ကောင်းစွာ သဘောပေါက်ထားရမည်။ ဝတ်စားဆင်ယင်မှုပိုင်းဆိုင်ရာတွင်လည်း ထိုနည်းတူပင်ဖြစ်၏။ မုစ်လင်မ်တစ်ဦး၏ ဟန်ပန်သဏ္ဍာန်သည် အခြားသူတစ်ဦးနှင့် လုံးဝမတူညီပေ။ တူလည်း မတူနိုင်ပေ။ အစ္စလာမ်ကို အသွေးအသားထဲက လက်ခံလာပါမူ မုစ်လင်မ်ပုံပေါက်အောင် နေရသည်ကို နှလုံးသားထဲကပင် လိုလား နှစ်သက်လာပေလိမ့်မည်။ အတွေးအခေါ်များတွင် သူတစ်ပါးထံ အောက်ကြို့ရေးကိုသာ ဦးစားပေးနေသဖြင့် ကိုယ်လက်ခံကျင့်သုံးနေသည့် အစ္စလာမ်သည် အဘယ်မျှ ထယ်ဝါခန်းနားကြောင်း မစဉ်းစားတတ်တော့ပေ။ မုစ်လင်မ်တစ်ဦး၏ သဏ္ဍာန်ဖြင့် အစ္စလာမ်ကို ဖော်ပြရန် သွေးမရှိတော့။ ကိုယ့်အစ္စလာမ်ကို ကိုယ်တိုင်အထင်မကြီး၊ သေးသိမ်နိမ့်ကျသည်၊ လူရာမဝင်ရဲ ဖြစ်နေသဖြင့် ဗမာပြည်ရှိ မုစ်လင်မ်တို့၏ အစ္စလာမ်သည်လည်း တခြားသူများ၏ အသုံးချခံ ဘောလုံးတစ်လုံး ဖြစ်နေရသည်။ အနင်းခံဘဝမှ ဦးဆောင်သူသို့ ရောက်ဖို့ရန် အစ္စလာမ်တရားဒေသနာများကို ဟောရုံ၊ ပြောရုံသာ ဆောင်ရွက်နိုင်တော့သည်။ မုစ်လင်မ်တွင် အစ္စလာမ်၏ အရောင်အဆင်းမရှိသဖြင့် သုံးမရသည့် ဒိုက်ပုံကြီးကဲ့သို့ပင် ပေါ်လောပေါ်နေပေတော့သည်။

ရောမ ရောက်ရင် ရောမလိုကျင့်ခြင်းဟူသည်မှာ ပေါင်းသင်းဆက်ဆံရေးပိုင်းဆိုင်ရာ၊ ရာသီဥတုစသည်တို့တွင်သာ အကြုံးဝင်မည်။ အစ္စလာမ်တွင် ပါဝင်သည့် ယုံကြည်ချက်၊ ခဝပ်မှု၊ လူမှုဆက်ဆံရေး၊ အရောင်းအဝယ်ပုံစံ၊ စားသောက်ပုံစံ စသည်များ အားလုံးသည် မည်သည့်ဘာသာနှင့်မျှ မတူသည့် စည်းကမ်း၊ နည်းစနစ်များ ဖြစ်သည်။ ယုံကြည်ချက်မှစ၍ သေသူအား လုပ်ကိုင်ပေးရသည်အထိ အစ္စလာမ်၏ လုပ်ကိုင်ပုံနှင့် တခြားသူတို့၏ လုပ်ကိုင်ပုံသည် မတူပါ။ မတူအောင် ခွဲထားသည်များအား မတူသည့်အတိုင်းသာ ထားရပါမည်။ ထို့ပြင် မုစ်လင်မ်တို့သည် မိမိတို့ လက်ခံကျင့်သုံးနေသည့် အစ္စလာမ်တွင် မည်သို့သော နည်းစနစ်များ၊ စည်းကမ်းများရှိသည်ကို အချိန်တိုင်း လေ့လာရပါမည်။

အာရှူရာ၏အမလ်က အစ္စလာမ်၏ လုပ်ဆောင်ချက်သည် အခြားသူများနှင့် နည်းနည်းလေးမှ မတူကြောင်း၊ မတူအောင်လုပ်ရကြောင်းကို သင်ပေးနေပါသည်။ ကောင်းမှုလုပ်ခြင်းဖြစ်သော်လည်း လုပ်ကိုင်ပုံခြင်း မတူအောင် ခွဲခြားပေးခဲ့သည်။ ထို့ကြောင့် ခွဲခြားရမည့် နေရာတွင် ခွဲခြားရမည်။ ကွဲပြားရမည့် နေရာတွင် ကွဲပြားရပါမည်။ မတူရမည့်နေရာတွင် မတူခြင်းသည် အပြစ်မဟုတ်ပါ။ သိမ်ငယ်နိမ့်ကျစရာလည်း မဟုတ်ပါ။ ယနေ့အခါသမယတွင် မတူအောင် လုပ်သည်။ ထို့အတူ ရှေးရိုးကျသည့် နည်းများက ပို၍အောင်မြင်နေကြောင်း ဗဟုသုတအစုံ လေ့လာဖူးပါက သိပါလိမ့်မည်။ ပိုဟောင်းသည့်အရာက ပို၍ဈေးကြီးပါသည်။ အစ္စလာမ်သည် ကမ္ဘာ့လူသားထုအားလုံးအတွက် လူနေမှုလမ်းညွှန်စနစ် ဖြစ်သည်ကို မုစ်လင်မ်တို့ကိုယ်တိုင် အချက်အလက် တစ်ခုခြင်းစီကို ယုံကြည် လက်ခံရပါမည်။

**အာရှူရာမှာ ရိုဇဟ်ထားပါ ...
အာရှူရာနေ့တွင် ဖောသီစွာသုံးခြင်းဟူသည့် အမလ်တစ်ခုလည်း လူအများကြားတွင် ကျော်ကြားသည်။ လူအများကြားတွင်သာမက ပညာရှင်ကြီးများနှင့် ဟဒီးစ်ကျမ်းများတွင်ပါ ဖော်ပြထားသည်။ ယင်းသို့ ဖောသီစွာသုံးခြင်းနှင့် ပတ်သက်၍ ဆန်းစစ်ချက်နှစ်ခုကို ဤနေရာတွင် ဖော်ပြပေးပါမည်။ မုဟရ်ရမ်လသည် မြင့်မြတ် ထူးမြတ်သည့် လတစ်လဖြစ်ကြောင်း ကုရ်အာန်ကျမ်းတွင် အတိအလင်း ပါထားသလို အာရှူရာ၏ ရိုဇဟ်သည်လည်း အလွန်မွန်မြတ်ကြောင်း တမန်တော်မြတ် ဆွလ္လလ္လားဟု အလိုင်းဟိ ဝစလ္လမ်ကိုယ်တိုင် လက်တွေ့ ကျင့်သုံးပြခဲ့သည်။ ထို့ပြင် ဤမုဟရ်ရမ်လ၌ပင် အစ္စလာမ်၏ ဒေါက်တိုင်၊ ရန်သူအပေါင်း ကြောက်ရသူများအား လုပ်ကြံခဲ့ကြသည်။ အစ္စလာမ်ကို ဆန့်ကျင်သည် အုပ်စုများ ပေါ်လာကြသည်။ အချစ်ကြီးသူများနှင့် အမုန်းကြီးသူများ ဆုံကြသည့် လတစ်လ ဖြစ်ပါသည်။ စာရှူသူများ အားလုံးအသိဖြစ်သော ကရ်ဗလာဖြစ်ရပ်အပါအဝင် တမန်တော်မြတ်၏ မြေးများ ရှဟီးဒ်ပြုခံသလို ခလီဖာစနစ်စတင်ပျက်စီးက မုစ်လင်မ်များအတွင်း သဘောထားများ ကွဲခဲ့ကြသည့် လတစ်လဖြစ်သည်။ ကရ်ဗလာဖြစ်ရပ်ကို ဝမ်းနည်းလွန်သူများရှိသလို ယင်းဖြစ်ရပ်ကိုပင် ကျေနပ်ပျော်ရွှင်သူများလည်း ရှိပေသည်။ အဲဟ်လေဗိုင်သ်များ ရက်ရက်စက်စက် အသတ်ခံရသည်ကို ပျော်သူများဘက်ကလည်း ၎င်းတို့၏အပျော်သည် အဲဟ်လေစွန္နသ်များအတွင်း ကူးစက်သွားစေရန်၊ ပျော်သည့် သဏ္ဍာန်ကိုဆောင်သည့် အမလ်များဖြစ်စေရန် လုပ်ကြံဟဒီးစ်များကို ဖြန့်ခဲ့သည်။ ဝမ်းနည်းသူများ၏ လုပ်ရပ်ကမူ အထင်အရှားပင်၊ ရင်ထုသည်။ ဓါးနှင့် မွှန်းသည်။ ငိုသည့် အခမ်းအနားများ လုပ်ကြသည်။ အဲဟ်လေစွန္နသ်သည် အလယ်အလတ်လမ်းစဉ် ဖြစ်ခြင်းကြောင့် အပျော်လွန်ရန်လည်း မလိုအပ်သလို ဝမ်းနည်းပိုပြရန်လည်း မလိုအပ်ပေ။ လုပ်ကိုင်ရမည့် နည်းစနစ်ကို တမန်တော်မြတ်က ကျင့်သုံးပြခဲ့ပြီးဖြစ်သည်။ ထို့အတူ အဲဟ်လေစွန္နသ်၏ ဓမ္မသတ်ပညာရှင်ကြီးများကလည်း အချိန်တိုင်း စမ်းစစ် ကြည့်ရှုကာ သင့်တော်သည့် ဓမ္မသတ်များကို ထုတ်ပြန်ပေးနေခဲ့သည်။ ထို့ကြောင့် ဤအာရှူရာအမလ်တွင် ဖောသီစွာသုံးခြင်းဟူသည် အဲဟ်လေဗိုင်သ်၊ ကရ်ဗလာဖြစ်ရပ်များအပေါ် ဝမ်းသာလွန်နေသူတို့က လုပ်ကြံပေးလိုက်သည့် လုပ်ရပ်တစ်ခုများ ဖြစ်နေမည်လားဟူသည်ကို ဟဇရသ်မုဖ်သီရရှီးဒ်အဟ်မဒ် ဟောထားသော (منکرات محرم ) အမည်ရှိ ဟောကြားမှုမှ ကောက်နှုတ်ဖော်ပြပေးပါမည်။

** ဤနေ့နှင့်ပတ်သက်၍ စွန္နသ် (ဟဒီးစ်)ဖြင့် အတည်ဖြစ်ထားသည့်အမလ်မှာ တစ်ခုသာရှိပြီး ယင်းမှာ ရိုဇဟ်ထားခြင်း ဖြစ်၏။ တမန်တော်မြတ် ဆွလ္လလ္လားဟု အလိုင်းဟိ ဝစလ္လမ်က မိန့်သည်မှာ မုဟရ်ရမ်ဆယ်ရက်နေ့တွင် ရိုဇဟ်ထားခြင်းဖြင့် လွန်ခဲ့သည့်နှစ် တစ်နှစ်စာ ပြစ်မှုငယ်များအား ပလပ်မှုချီးမြှင့်သည်။ ပုဂ္ဂိုလ်တစ်ဦးက အို တမန်တော်၊ ဤနေ့တွင် ယဟူဒီများလည်း ရိုဇဟ်ထားကြပါသည်ဟု ပြောရာ တမန်တော်က အကယ်၍ ရှေ့နှစ်တွင် အသက်ရှင်လျှက်ရှိသေးပါမူ နောက်ထပ်ရိုဇဟ်တစ်လုံးဖြင့် ထပ်တွဲထားမည်ဟု မိန့်ပေသည်။ ထို့ကြောင့် မုဟ်ရမ် ကိုးရက်နှင့် ဆယ်ရက် သို့မဟုတ်၊ ဆယ်ရက်နှင့် ဆယ့်တစ်ရက်ကို ရိုဇဟ်ထားရမည်။ ဤသည်မှာ အာရှူရာ၏ အမလ်ဖြစ်သည်။ နောက်ထပ်အမလ်တစ်ခုနှင့် ပတ်သက်၍ ဟဇရသ်က အောက်ပါအတိုင်း ဆက်လက်ပြောထားသည်။ (ထိုဆင့်ပြန်မှုမှ တမန်တော်မြတ်ကိုယ်တိုင် ရိုဇဟ်ထားခြင်း အမလ်ကို အထူးအလေးထားကြောင်း သိရသည်။)


အာရှူရာနေ့တွင် မိမိ၏ မိသားစုအတွက် ဖောသီစွာသုံးစွဲလျှင် တစ်နှစ်ပတ်လုံး စားနပ်ရိက္ခာ ချောင်လည်မည်ဖြစ်သည်။ (အထက်ပါစာသားကို ဟဒီးစ်ဟုအမည်တပ်ထားသည်) ထင်ရှားကျော်ကြားသော ဟဒီးစ်ပညာရှင်များက ယင်းစာသားကို အချေအမြစ်မရှိသော ဆင့်ပြန်ချက်ဟု သတ်မှတ်ထားသည်။ ထို့ပြင် လူအများကြးတွင် ယင်းသို့လုပ်ဆောင်ခြင်းက စဝါးဗ် ကုသိုလ်ရမည့်လုပ်ရပ်ဟု ထင်နေသည်။ ထိုသို့ ကုသိုလ်ရမည့် လုပ်ရပ်ဟု ထင်မြင်ခြင်း၊ ယင်းသို့ယူဆ၍ လုပ်ဆောင်ခြင်းကို ရှောင်ရန်၊ မိမိ၏ အတွေးထဲမှ ထုတ်ရန် အရေးကြီးပါသည်။ ရှရီအသ်က ယင်းသို့ ဖော်သီစွာသုံးစွဲခြင်းကို စဝါးဗ်ရမည်ဟု မပြောထားပေ။ စဝါးဗ်ရမည်ဟု ထင်မြင်လိုက်ခြင်းကပင် ဗိဒ်အသ် ဖြစ်သွားပေသည်။ ဗိဒ်အသ်တိုင်းသည် လမ်းမှားမှုချည်းသာဖြစ်၍ လမ်းမှားမှု၏ အဆုံးသည် ဂျဟန္နမ် ငရဲသာလျှင် ဖြစ်ပါသည်။

ယင်းလုပ်ရပ်အား စဝါးဗ်ရမည်ဟု မရည်ရွယ်ဘဲ ရိုဇီချောင်လည်ရန်သာ ရည်ရွယ်၍ လုပ်ဆောင်ပါသည်ဟု ဆိုလျှင်လည်း စဝါးဗ်ရမည်ဟု ရည်ရွယ်၍ လုပ်နေသူများ၏ လုပ်ရပ်ကို ဝိုင်း၍ ထောက်ခံပေးသည်နှင့် အတူတူပင် ဖြစ်သည်။ လုပ်ရပ်တစ်ခုခုသည် စွန္နသ်နှင့် ဗိဒ်အသ်အတွင်း ဆင်တူဖြစ်လာပါက ထိုအလုပ်ကို မလုပ်ရန် ဝါဂျိဗ်ဖြစ်သည်။ ထို့ပြင် ရိုဇီကျယ်ဝန်းခြင်း၊ ရိက္ခာကြွယ်ဝရန် အခြားသော နည်းစနစ်များစွာ ရှိပါသည်။ ရိုဇီကြွယ်ဝရန် အကောင်းဆုံးနှင့် အထိရောက်ဆုံးသော အမလ်မှာ ပြစ်မှု(မကောင်းမှု) ကြီးငယ်ဟူသရွေ့မှ ရှောင်ခြင်း၊ သောင်ဗဟ်၊ အိစ်သိဂ်ဖာရ်တို့ ဖြစ်ပါသည်။ ဤအမလ်မှာ တိုတောင်းလွယ်ကူပြီး ကုရ်အာန်၊ ဟဒီးစ်တို့တွင် ထင်ရှားစွာ ဖော်ပြထားသည်။ ရိုဇီပေါများစေရန်အတွက် ထိုသို့သော အမလ်များကိုမူ မကျင့်သုံးဘဲ စားရမည့် အမလ်ကိုမူ ကျင့်သုံးကြသည်။ စားရသည်ကို ဦးစားပေးကြသည်မှာလည်း လျှာပေါ်တွင် အရသာတွေ့ကာ ကိုယ့်ဗိုက်ထဲရောက်မည့် အမလ်မျိုးဖြစ်သဖြင့် လိုလိုလားလား မှတ်မှတ်ရရ ရှိနေခြင်း ဖြစ်၏။ အိစ်သိဂ်ဖာရ်လုပ်ခြင်း၊ ဂုနာဟ်စွန့်လွှတ်ခြင်းတို့သည် အမှန်တကယ် ရိုဇီချောင်လည်စေသည် မှန်သော်လည်း လူသားဗိုက်ထဲ ဘာမှမရောက်၊ ထပ်၍ပင် အနစ်နာခံ စွန့်စား စွန့်လွှတ်ရမည်ဖြစ်သောကြောင့် ကျယ်ကျယ်ပြန့်ပြန့် လူသိမများပေ။ ယင်းအမလ်တွင်လည်း ရိုဇီပေါများစေမည့် အစွမ်းသတ္တိများပါကြောင်း မဖော်ပြကြပေ။ စားရမည့်အမလ်ကိုမူ လိုလားသည်။......။

အလ္လာဟ်အရှင်မြတ် တားထားသည်များကို မရှောင်၊ ခိုင်းထားသည်များကိုမလုပ်ဘဲ ရိုဇီ၏ ပိုင်ရှင်ကို စိတ်ဆိုးအောင်လုပ်ထားလျှင် အဘယ်မျှကောင်းသည့် ကျင့်စဉ်အညွှန်းပင် ဖြစ်ပါစေ ရိုဇီချောင်လည်လာမည်မဟုတ်ပါ။ (ရိုဇီချောင်လည်ခြင်းဟူသည်မှာ ပိုက်ဆံရနေခြင်း တစ်ခုတည်းကို မဆိုလိုပါ။) ရိုဇီကြွယ်ဝလိုလျှင် အဓိက အရေးကြီးဆုံးကျင့်စဉ်မှာ ရိုဇီ၏ ပိုင်ရှင်ဖြစ်သော အလ္လာဟ်အရှင်မြတ် ကျေနပ်အောင် နှစ်သက်အောင် နေထိုင်ခြင်း၊ ပြစ်မှုအတွင်း သက်ဆင်းနေခဲ့သည့် သက်တမ်းအတွက်  သောင်ဗဟ်ပြု၍ ဂုနဟ်စွန့်ခြင်းသာ ဖြစ်ပါမည်။ (منکرات محرم، فقیہ العصر مفتی اعظم حضرت اقدس مولآنا رشید احمد)

အာရှူရာ၏အမလ်တွင် စွန္နသ်ဖြင့် အတည်ဖြစ်ပြီး တမန်တော်ကိုယ်တိုင် တစိုက်မတ်မတ် ကျင့်သုံးပြခဲ့သည်မှာ ရိုဇဟ်၏ အမလ်သာဖြစ်ကြောင်း အထက်ပါစကားများအပြင် အပေါ်ဆုံးတွင် တင်ပြခဲ့သည့် ဟဒီးစ်များမှ သိရပါသည်။ နဖိလ်ရိုဇဟ်ဖြစ်သော်လည်း တမန်တော်မြတ် ဆွလ္လလ္လားဟု အလိုင်းဟိ ဝစလ္လမ် စွဲမြဲစွာစောင့်ထိန်းခဲ့သည့် စွန္နသ်ရိုဇဟ် ဖြစ်ပါသည်။ ထို့ကြောင့် ရိုဇဟ်၏အမလ်သည် ပို၍ပြည့်စုံခိုင်လုံပြီး ကျင့်သုံးရန် အထူးသင့်လျော်ပါသည်။ မစားခြင်းအမလ်နှင့် စားခြင်းအမလ် ဆန့်ကျင်ဘက်နှစ်ခု တစ်နေ့တည်းတွင် ကျင့်သုံးနိုင်ကြောင်း ဆင့်ပြန်ထားသည့် ဆင့်ပြန်ချက်များအပေါ် ဟဒီးစ်၊ ဖိကဟ်ပညာရှင်တို့၏ သုံးသပ်ချက်အချို့ကို ဆက်လက်ဖော်ပြပါမည်။

ကာမူစွလ်ဖိက်ဟ် တွဲ ၄၊ စာ ၃၆၅တွင် အောက်ပါအတိုင်း ဖော်ပြထားသည်။ အာရှူရာနေ့တွင် မိမိ၏ မိသားစုအတွက် ဖောသီစွာသုံးစွဲလျှင် အလ္လာဟ်အရှင်မြတ်သည် ထိုသူ့၏ စားနပ်ရိက္ခာကို တစ်နှစ်ပတ်လုံး ချောင်လည်ပေးမည်ဖြစ်သည်။ (ဤနေရာတွင် ဟဒီးစ်ပညာရှင်တို့၏ ဟဒီးစ်ပိုင်းဆိုင်ရာ ဆန်းစစ်မှုကို ချန်လှပ်ခဲ့ပါမည်။ လိုရင်းသာ ဖော်ပြမည်။) အိဗ်နေဂျောင်ဇီက ယင်းဟဒီးစ်ကို လုပ်ကြံဟဒီးစ်ဟု သတ်မှတ်ထားသည်။ မုဂျဒ်ဒိဒီးန် ဖီရိုးဇ်အာဗာဒီက ယင်းစာသားသည် ဟဇရသ် ဟုစိုင်းန် ရသွီယလ္လာဟုအန်ဟုကို သတ်လိုက်သည့် အုပ်စုတို့ဘက်က လုပ်ကြံပေးလိုက်သည့် ယုတ်မာမှုတစ်ခုပင် ဖြစ်သည်ဟု ဆိုထားသည်။ ထို့ပြင် အာရှူရာနေ့တွင် မျက်စိ၌ စုရ်မာစွဲလျှင် အကျိုးရမည်ဟူသည့် ဖော်ပြချက်များသည်လည်း ဟဇရသ်ဟုစိုင်းန်ကို သတ်လိုက်သည့် အုပ်စုတို့ဘက်က တစ်နည်း အဲဟ်လေဗိုင်းသ် ဒုက္ခရောက်သည်ကို ဝမ်းသာသူတို့ဖက်က ထွင်ပေးလိုက်သည့် ယုတ်မာချက်များပင် ဖြစ်ပါသည်။ အာရှူရာနေ့မြတ်အတွက် အစ္စလာမ်ရှရီအသ်အရ အတည်ဖြစ်သည့် အမလ်မှာ ရိုဇဟ်စောင့်ထိန်းခြင်း တစ်ခုသာဖြစ်ပြီး တခြားမည်သည့်လုပ်ရပ်မှ အတည်သတ်မှတ်ထားခြင်း၊ စေခိုင်းထားခြင်း လုံးဝမရှိပါ။ အဲဟ်လေဗိုင်းသ်ကို အချစ်လွန်သူများက ရင်ထုပွဲ ဝမ်းနည်းပွဲများ ကျင်းပသည်ကို ဆန့်ကျင်သောအားဖြင့် တစ်ဖက်တွင် ထို့နေ့မှပင် ထူးထူးခြားခြား ပျော်ရွှင် ဖော်သီစွာ သုံးစွဲခြင်း တစ်နည်း ပျော်ပြသည်ဟူသည့် နည်းနည်းလမ်းများကို ရွေးချယ်ကြပေသည်။ ထိုသို့သော ဆင့်ပြန်ချက်များ (အာရှူရာတွင် ပျော်ရွှင်မှုကိုထုတ်ဖော်သည့် လုပ်ရပ်များ)၏ ဇစ်မြစ်ကိုလိုက်လျှင် အဆုံးတစ်နေရာတွင် အဲဟ်လေ့ဗိုင်းသ်ကို မုန်းသူများ၏ လက်ချက်ဖြစ်ကြောင်းကို တစ်နည်းမဟုတ် တစ်နည်း တွေ့ရပေသည်။ (အဲဟ်လေဗိုင်းသ်အပေါ် မလိုဆန္ဒထားသူများထံသို့ အလ္လာဟ့် လအ်နသ်သည် ကိယာမသ်နေ့တိုင်အောင် ကျပါစေ) ထို့ပြင် အာရှူရာ၌ စားသောက်ရာတွင် ဖော်သီစွာ သုံးပါဟူသည့် စကားသည် ထိုနေ့၌ ရိုဇဟ်စောင့်ထိန်းကြပါဟူသည့် အမိန့်ပေးချက်နှင့် ဆန့်ကျင်ဘက် ဖြစ်နေသည်ကို အထင်အရှား မြင်နိုင်ပါသည်။ ( قاموس الفقہ)

စားခြင်းဆိုင်ရာ ဆင့်ပြန်ချက်များသည်လည်း အလွန်ခိုင်မာသည့် ဆင့်ပြန်သူအမည်များဖြင့် လာထားခြင်းဖြစ်ပါသည်။ သို့သော် စတင် လုပ်ကြံလိုသူများအဖို့ ယင်းအမည်များ ထည့်သွင်း သုံးစွဲရန် ဝန်လေးမည်မဟုတ်ပါ။ မိသားစုအား အာရှူရာတစ်ရက်ရောက်မှ ဖော်သီစွာ သုံးပေးရမည်မဟုတ်ပါ။ အချိန်တိုင်း နေ့တိုင်းတွင် ကောင်းမွန်သည့် ကိစ္စမျိုးတွေ့လျှင် ဖော်သီစွာ သုံးပေးရပါမည်။ တစ်ရက်တည်း မကန့်သတ်ထားပါ။ စားရမည်ဟူသည့် နေ့ကိုလည်း ရှရီအသ်က ပြပေးထားသည်။ စားရမည့်နေ့များမှာ ရှောက်ဝါလ် တစ်ရက်နေ့ (အီဒွလ်ဖိသိရ်) ဇုလ်ဟဂ်ျလ ၁ဝရက် (အီဒွလ်အဿွ်ဟာ) ၁၁၊ ၁၂၊ ၁၃ (အိုက်ယာမေ့သရ်ှရီးက်) ရက်များ ဖြစ်သည်။ ယင်းနေ့များတွင် ရိုဇဟ်ထားခွင့် လုံးဝမရှိပေ။ ကျန်ရှိရက်များတွင် ရိုဇဟ်၏အမလ်လုပ်ရန် ညွှန်ကြားထားသည်။ စားရန် မညွှန်ထားပေ။ စားရမည့်ရက်နှင့် ရိုဇဟ်ထားရမည့်ရက် တစ်ထပ်တည်း မဖော်ပြထားပါ။ အာရှူရာ၏ အမလ်တွင်မူ တစ်ဖက်တွင် ရိုဇဟ်၏အမလ်လုပ်ရန် အလွန်ထင်ရှားခိုင်မာစွာ ညွှန်ထားသည်။ တပြိုင်တည်း ကောင်းကောင်းစားရန်လည်း ညွှန်ထားသည်မှာ စဉ်းစားစရာဖြစ်၏။ ကောင်းကောင်းစားပြီးလျှင်လည်း တစ်နှစ်လုံးအတွက် အာမခံချက် ပေးထားပြန်သည်။ ပမာတစ်ခုနှိုင်းပြရလျှင် သေသူကို စဝါးဗ်ပို့ရာ၌ ကိုယ်တိုင် ထမင်းဟင်းများ ချက်ပြုတ်ကာ ကိုယ်တိုင်ပြန်စားပြီး သို့မဟုတ် သူဌေးများကိုပင် ပြန်ဖိတ်ကျွေးပြီး သေသူက ကုသိုလ်ရမည်ဟု မျှော်လင့်သည့်ပုံစံဖြစ်နေ၏။ ထို့ကြောင့် ဤသို့ ဆန့်ကျင်ဘက်အမလ်နှစ်ခု ဆုံနေခြင်းက အဲဟ်လေဗိုင်းသ်ကို မုန်းတီးသူတို့က သူတို့၏ အပျော်ကို ကျန်သူများပါ လိုက်လုပ်ကြရန် ယဉ်ယဉ်လေး ရိုက်သွင်းပေးလိုက်ခြင်းပင် ဖြစ်မည်ဟု ယူဆပါသည်။

အချုပ်ဆိုရသော် အာရှူရာနှင့်ပတ်သက်၍ အမလ်လုပ်လိုပါက အာရှူရာ ဆယ်ရက်နေ့ကို ကြားခံ၍ ကိုးရက်နှင့် ဆယ်ရက် သို့မဟုတ် ဆယ်ရက်နှင့် ဆယ့်တစ်ရက် ရိုဇဟ်ထားနိုင်သည်။ ထားနိုင်သူများအတွက် ထားခြင်းက အကောင်းဆုံးဖြစ်၍ မထားသူများက အထူးတလည် ပျော်ပြနေရန် လုံးဝမလိုအပ်ပါ။ မိမိ၏ တစ်နေ့တာ ပုံမှန်အတိုင်း နေထိုင်သွားလာ စားသောက်သကဲ့သို့သာ နေရပါမည်။ ထို့ပြင် အချိန်တိုင်း မှန်ကန်သည့် ကျင့်ဆောက်တည်မှုများကိုသာ ကျင့်နိုင်ရန်နှင့် အမှားဘက်က ထွင်လိုက်သည်များကို အမှန်ထင်လျက် လုပ်မိခြင်းမှ အလ္လာဟ်အရှင်မြတ် ထိန်းသိမ်းပါရန် အချိန်တိုင်း ဆုတောင်းပြုပါ။ အာရှူရာအပါအဝင် မုဟရ်ရမ်လ ကုန်သည်အထိ ဤလ၏ မွန်မြတ်မှု ထူးမြတ်မှုများ ရှိနေသည်ဖြစ်ရာ ပြစ်မှုများမှ အထူးရှောင်ကြဉ်ရပါမည်။ ရင်ထုပွဲ၊ ဓါးမွှန်းပွဲများအပါအဝင် ဘာသာခြင်းတို့၏ ဘာသာရေးဆိုင်ရာ ပွဲများကို ကြည့်ခြင်း၊ အားပေးခြင်းတို့လည်း မလုပ်ပါရန် အထူးတားမြစ်ပါသည်။ မကောင်းမှုကို အားပေးပါက ယင်းမကောင်းမှု၏ပြစ်ဒဏ်ကို အားပေးသူလည်း ရောခံရပါမည်။ လူငယ်အမျိုးသား၊ အမျိုးသမီးများ ကလေးငယ်များအား အထူးထိန်းသိမ်း သွန်သင်ပါ။ အလ္လာဟ့်ရန်သူများ၊ အစ္စလာမ်ရန်သူများကို အားပေးသည့် မုစ်လင်မ် အသင်တို့နှင့် အသင်တို့၏ မျိုးဆက်သစ်များ မဖြစ်ကြပါနှင့် ပြောရင်းဖြင့် ဤအကြောင်းအရာကို အဆုံးသတ်လိုက်ပါသည်။

Credit; အလ်မုဖီးဒ်
၁ဝ၊ မုဟရ်ရမုလ်ဟရာမ်၊ ဟစ်ဂ်ျရီ ၁၄၃၈
11.10.2016 အင်္ဂါ